#IjtimoiyIsloh

📍 Nurafshonda sessiya – faqat hisobot emas, mas’uliyat sinovi ham!

🔹 Nurafshon – yosh, shiddat bilan rivojlanayotgan, ulkan imkoniyatlarga ega shahar. Keyingi yillarda shahrimizda ijtimoiy va iqtisodiy sohalarda sezilarli o‘zgarishlar bo‘ldi. Bunyodkorlik ishlari avjida, yangi inshootlar, yangi ish o‘rinlari, zamonaviy infratuzilma... Ammo bu jarayonda hammasi ham ko‘ngildagidek emas.

🟢 Bugun xalq deputatlari Nurafshon shahri Kengashining navbatdagi sessiyasi bo‘lib o‘tdi. Unda shaharning 2023–2025-yillardagi rivojlanish yo‘li, erishilgan yutuqlar va yo‘l qo‘yilgan kamchiliklar muhokama qilindi.

📣 Shahar hokimi Ilxom Klichxanov sessiyada nutq so‘zlab, ijro hokimiyati oldida turgan dolzarb vazifalar, hal etilishi lozim bo‘lgan muammolar, fuqarolar kutayotgan yechimlar haqida ochiq-oydin gapirdi. Shu bilan birga, o‘z vazifasini oqlamagan rahbarlar keskin tanqid qilindi.

📌 Sessiyada qayd etilgan asosiy tashkiliy choralar:

🔻 Ishdan olish taklifi:
• 2 nafar hokim yordamchisi;
• 4 ta mahalla fuqarolar yig‘ini raisi.
🔻 Ishdan ozod etilganlar:
• 1 ta tashkilot rahbari;
• 2 nafar ijtimoiy xodim.
🔻 Intizomiy choralar:
• 1 nafar ijtimoiy xodimga;
• 5 ta bank filiali rahbarlariga;
• 2 ta tashkilot rahbarlariga hayfsan;
• 2 ta tashkilot rahbarlariga — qat’iy ogohlantirish;
• 4 nafar shahar hokimining o‘rinbosariga — ogohlantirish.
🟡 Qo‘shimcha takliflar:
• 1 ta maktab direktori va 1 ta tashkilot rahbarining lavozimga loyig‘i ko‘rib chiqiladi

💬 Sessiyada deputatlar Djo‘ra Axmedqulov va O‘tkir Rashidov ham so'zga chiqib, shahar taraqqiyoti borasidagi fikrlarini bildirdi.

🧭 Muhim tomoni – sessiyada faqat tanqid emas, balki hal etishga qaratilgan aniq taklif va qarorlar ham qabul qilindi. Bu esa sessiyalar qog‘ozda emas, hayotda samara berishi kerakligidan dalolat.

📢 Xulosa: Nurafshon faqat go‘zal loyihalar emas, ularning oqilona ijrosi bilan rivojlanadi. Sessiya – bu hisobot uchun minbar emas, balki el oldida yuz berish maydoni. Mas’uliyat talab qilindi – endi natija kutiladi.

https://www.tg-me.com/Nurafshonpressa

🌟 NURAFSHONDA FUQAROLAR QABULI — MUAMMOLAR YECHIMI SARI QADAM

Bugun 2025-yil 23-oktabr kuni Nurafshon shahri hokimi I. Klichxanov rahbarligida Yangiobod mahallasidagi 48-maktab binosida fuqarolar qabuli bo‘lib o‘tdi.

Uchrashuvda respublika ishchi guruhi a’zolari hamda shahar tashkilotlari rahbarlari ishtirok etishdi.

Qabul davomida fuqarolar tomonidan davolanish va sog‘liqni saqlash, uy-joy bilan ta’minlash, moddiy yordam ajratish, tadbirkorlik faoliyatiga ko‘maklashish, ish bilan ta’minlash, qurilish ishlariga yordam, ko‘prik ta’miri, hamda kadastr hujjatlari bilan bog‘liq masalalar yuzasidan murojaatlar bildirildi.

🟩 Har bir murojaat bo‘yicha mas’ul tashkilot rahbarlariga aniq topshiriqlar berildi.

💬 Shahar hokimi I. Klichxanov har bir fuqaroning murojaati muhimligini ta’kidlab, muammolarni joyida tinglab, tezkor yechim topish davlat xizmatisining asosiy burchi ekanini ta’kidladi.

✅ Ushbu qabul davomida yana bir bor aholi bilan ochiq muloqot o‘rnatish, ularning dardi va istaklarini eshitish hamda amaliy yordam ko‘rsatish Nurafshon shahrida olib borilayotgan ishlarning ustuvor yo‘nalishi ekanligi tasdiqlandi.

https://www.tg-me.com/Nurafshonpressa