Кaардынацыйная рада падтрымала Мемарандум аб адмене смяротнага пакарання ў Беларусі

17 чэрвеня 2025 года Каардынацыйная рада прагаласавала за прыняцце Мемарандума аб адмене смяротнага пакарання ў Беларусі. Гэта важны крок у рамках працяглага супрацоўніцтва з Радай Еўропы — арганізацыяй, якая раней узаемадзейнічала з афіцыйным Мінскам, а цяпер актыўна працуе з дэмакратычнымі сіламі Беларусі.

Рашэнне аб прыняцці Мемарандума стала лагічным працягам палітычнага кансенсусу, дасягнутага 5 сакавіка 2025 года на семінары Рады Еўропы ў Варшаве. У ім удзельнічалі прадстаўнікі Каардынацыйнай рады, Офіса Святланы Ціханоўскай, Аб’яднанага пераходнага кабінета, Народных амбасадаў, праваабаронцы, юрысты, іншыя грамадскія ініцыятывы. Удзельнікі семінара выказалі агульную пазіцыю: у новай Беларусі смяротнае пакаранне павінна быць поўнасцю і безумоўна адменена.

Мемарандум падкрэслівае, што смяротнае пакаранне з’яўляецца парушэннем права на жыццё і чалавечую годнасць, выкарыстоўваецца ў Беларусі як інструмент палітычных рэпрэсій і не мае стрымліваючага эфекту на злачыннасць. Яго прыняцце — не толькі палітычная заява, але і рэальны крок на шляху да сяброўства Беларусі ў Радзе Еўропы і будаўніцтва прававой і гуманістычнай дзяржавы.

Дакумент адкрыты для падпісання ўсімі грамадскімі арганізацыямі і прыватнымі асобамі, якія падзяляюць прынцыпы правоў чалавека і дэмакратыі.

Часовае пасведчанне асобы замежніка з’яўляецца дакументам, які сведчыць асобу пры адкрыцці банкаўскага рахунку ў Польшчы

«Упраўленне Камісіі фінансавага нагляду Польшчы (далей Камісія фіннагляду) накіравала паднаглядным банкам ліст, у якім адзначыла, што паднаглядныя ўстановы (у тым ліку банкі) абавязаны пры ўжыванні мер фінансавай бяспекі на падставе закона аб прадухіленні адмывання грошай улічваць усе дакументы, якія могуць сведчыць асобу, наяўныя ў замежнікаў, і што такім дакументам цалкам варта прызнаваць таксама часовае пасведчанне асобы замежніка», — гаворыцца ў адказе Камісіі фіннагляду на запыт намесніка кіраўніцы Кабінета, кіраўніка Народнага антыкрызіснага ўпраўлення Паўла Латушкі.

Гэта вынік камунікацыі з Міністэрствам замежных спраў, Міністэрствам унутраных спраў і Камісіі фіннагляду, якую ажыццяўлялі НАУ і прадстаўніцтва па транзіце ўлады Аб'яднанага Пераходнага Кабінета. Дадзеныя запыты былі накіраваны Паўлам Латушкам па просьбе былых палітвязняў і Беларускай асацыяцыі палітвязняў «Да Волі».

Гэты падыход акрэслівае часовае пасведчанне асобы замежніка як падставу адкрыцця банкаўскіх рахункаў для беларусаў, якія з-за рэпрэсіўнай палітыкі рэжыму Лукашэнкі вымушана апынуліся ў Польшчы і знаходзяцца ў працэсе чакання міжнароднай абароны.

Камісія фіннагляду таксама падкрэсліла, што ў сувязі з увядзеннем санкцый у дачыненні да Беларусі, грамадзяне Беларусі могуць адносіцца да групы кліентаў з падвышаным рызыкай адмывання грошай і фінансавання тэрарызму, аднак «адмова ва ўсталяванні дзелавых адносін або рашэнне аб іх спыненні не можа абгрунтоўвацца выключна такім аднясеннем кліента да групы падвышанай рызыкі».

Таму перад прыняццем адпаведных рашэнняў банкі павінны пераканацца, што яны разгледзелі ўсе магчымыя меры па змяншэнні рызыкі. «Кожнае рашэнне аб адмове ва ўсталяванні або спыненні дзелавых адносін павінна быць абгрунтавана, задакументавана і даступна для прадастаўлення на запыт нагляднага органа».

Камісія фіннагляду падкрэсліла, што нельга аўтаматычна лічыць усіх кліентаў з адной групы (у нашым выпадку — грамадзян Беларусі) аднолькава высокарызыкоўнымі для абслугоўвання без індывідуальнай ацэнкі кожнага патэнцыйнага кліента. Такі падыход можа быць прызнаны Камісіяй фіннагляду неабгрунтаваным і сведчыць пра неэфектыўнае кіраванне рызыкамі ў адпаведным банку.

Таксама Камісія фіннагляду паведаміла, што польскі праязны дакумент для замежніка не зʼяўляецца дакументам, які сведчыць асобу, і не можа выкарыстоўвацца для адкрыцця банкаўскага рахунку. Пры гэтым адзначана, што пазіцыя Камісіі па гэтым пытанні перададзеная ў Міністэрства ўнутраных спраў Польшчы з указаннем, што для прызнання праязнога дакумента для замежніка дакументам, на падставе якога магчыма праводзіць ідэнтыфікацыю і верыфікацыю асобы пры адкрыцці рахунку, патрэбныя адпаведныя змены ў закон аб замежніках. НАУ і прадстаўніцтва па транзіце ўлады Кабінета накіруюць чарговую просьбу у Міністэрства ўнутраных спраў Польшчы пазітыўна разгледзець гэтыя пытанні.

Акрамя таго, Камісія фіннагляду падкрэсліла: адкрыццё банкаўскіх рахункаў у сённяшніх умовах немагчыма толькі на падставе беларускага пашпарта з гуманітарнай візай.

Банкі маюць права патрабаць ад патэнцыйных кліентаў дакументы, што пацвярджаюць мэту і характар адкрыцця рахунку, бо гэта з'яўляецца вынікам выканання банкам абавязкаў, прадугледжаных законам.

@CabinetBelarus

🇮🇹 Летнія канікулы ў Італіі для сем’яў палітвязняў і добраахвотнікаў

Цудоўная магчымасць: адпачынак у Італіі для 5 сем’яў палітвязняў і добраахвотнікаў з дзецьмі. Паездка будзе з 2 па 14 верасня, выезд з Варшавы.

Арганізатары:
▫️ Народная амбасада Беларусі ў Італіі;
▫️ Асацыяцыя беларусаў Італіі «Талака», пры падтрымцы рэгіёну Таскана;
▫️ Фонд «Краіна для Жыцця»;
▫️ Ініцыятыва iNeedHelpBy.

Хто можа падацца:
• cем’і палітвязняў і добраахвотнікаў з дзецьмі да 18 гадоў (наяўнасць дакументаў для паездак у ЕС абавязковая!)


Што прадугледжана:
▫️ пражыванне ў кватэрах;
▫️ пакрыццё асноўных патрэб;
▫️ размяшчэнне магчыма з суседзямі, калі сям’я менш за 5 чалавек.

📌 Важна:
▫️ максімум 5 чалавек у сям’і;
▫️ заяўкі ад сямей, якія ўжо ўдзельнічалі ў летніх праграмах, не разглядаюцца;
▫️ дэдлайн падачы заявак — 10 ліпеня.

👉 Заяўка на ўдзел

Калі ваша сям’я трапляе пад крытэрыі — не адкладайце. Гэта шанец адпачыць, аднавіцца і падарыць дзецям радасць і працягнуць лета для іх!

Чаму дзяржаўныя службоўцы ў Беларусі маўчаць?

Сёння ў Беларусі за кожную праяву іншадумства можна атрымаць абвінавачаньне ў здрадзе дзяржаве і прысуд аж да сьмяротнага пакараньня. Таксама сьмяротнае пакараньне пагражае асобам, прызнаным «тэрарыстамі». Беларусь застаецца адзінай краінай у Эўропе, якая працягвае ўжываць сьмяротнае пакараньне. І ня толькі не скарачае яго, але пашырае вобласьць яго прымяненьня.

На Юрыдычным камітэце ПАРЭ прайшлі слуханьні дакладу пра адмену сьмяротнага пакараньня, падчас якіх Аляксандра Мамаева — кіраўніца дэлегацыі Дэмакратычных сілаў Беларусі ў ПАРЭ — прадставіла Мэмарандум аб адмене сьмяротнага пакараньня, падрыхтаваны Каардынацыйнаю радай і падтрыманы Аб’яднаным пераходным кабінэтам і Офісам Сьвятланы Ціханоўскай.

«Рэжым выкарыстоўвае сьмяротнае пакараньне дзеля ўзмацненьня рэпрэсіяў. Калі дзяржава мае права вас забіць, тады адвольныя арышты, катаваньні ў турмах, інкамунікада, прымусовыя дэпартацыі становяцца амаль нормай. Мы ўдзячныя Радзе Эўропы і ПАРЭ за шматгадовую працу дзеля адмены сьмяротнага пакараньня ў Беларусі. Для дэмакратычных сілаў Беларусі надзвычай важна працягваць гэтую працу, каб Эўропа стала кантынэнтам без сьмяротнага пакараньня», — адзначыла ў сваім выступе Аляксандра Мамаева.

Стварэньне Мэмарандума — доўгі і няпросты шлях. Пасьля сэмінару ў Варшаве 5 сакавіка 2025 году, арганізаванага супольна з Радаю Эўропы, быў дасягнуты кансэнсус адносна поўнай і безумоўнай адмены сьмяротнага пакараньня. Прадстаўнікі Каардынацыйнае рады, Офісу Сьвятланы Ціханоўскай, Аб’яднанага пераходнага кабінэту, Народных амбасадаў, праваабаронцы, юрысты ды іншыя грамадзкія ініцыятывы выказалі агульную пазыцыю: у новай Беларусі сьмяротная кара павінна быць цалкам і безумоўна скасаваная.

Каардынацыйная рада правяла слуханьні і прыняла Мэмарандум, да якога далучыліся Офіс Сьвятланы Ціханоўскай і Аб’яднаны пераходны кабінэт. Мэмарандум адкрыты для далучэньня як арганізацыям, так і прыватным асобам.

Але праца на гэтым не спыняецца. На паседжаньні Кантактнай групы Рады Эўропы абмеркавалі працяг працы і правядзеньне шырокай інфармацыйнай кампаніі.

Мэмарандум — гэта першы крок да будучага далучэньня Беларусі да Рады Эўропы і забесьпячэньня эўрапейскай будучыні нашай краіны.

Рэгістрацыя на Канферэнцыю «Новая Беларусь» ужо адкрытая!

Аб’яднаны Пераходны Кабінет заклікае далучыцца да адной з найважнейшых падзей году – платформы адкрытага дыялогу, дзе фарміруецца бачанне будучыні Беларусі.

У Канферэнцыі традыцыйна прымуць удзел кіраўніца, прадстаўнікі і прадстаўніцы Кабінета, якія адкажуць на пытанні ўдзельнікаў і ўдзельніц, падзеляцца вынікамі працы, абмяркуюць праблемы і шляхі да вольнай і дэмакратычнай краіны.

📍 Дзе і калі
Канферэнцыя адбудзецца 9–10 жніўня ў Варшаве. У гэтыя два дні ўдзельнікі сустрэнуцца асабіста, каб адкрыта абмеркаваць набалелыя пытанні, падвесці вынікі пяці гадоў пасля 2020-га і вызначыць стратэгію да 2030 года.

🗂 Што вас чакае
– Форум наспелых пытанняў
– Прэзентацыя дзейных ініцыятыў
– Нэтворкінг і жывая камунікацыя з палітыкамі, аналітыкамі, актывістамі і прадстаўнікамі медыя
– Эмацыйная і прафесійная падтрымка
– Пошук ідэй і рашэнняў для рэальных дзеянняў

🤝 Як стаць удзельнікам
Калі вы хочаце асабіста прыехаць у Варшаву і стаць часткай гэтай падзеі, запоўніце форму для ўдзельнікаў па спасылцы ніжэй. Звярніце ўвагу, што запаўненне формы не гарантуе ўдзелу – усе заяўкі будуць разглядацца Аргкамітэтам індывідуальна. Афіцыйны адказ вы атрымаеце да 20 ліпеня.

📩 Форма для ўдзельнікаў

🎤 Журналісты і медыя
Для прадстаўнікоў СМІ прадугледжана асобная рэгістрацыя і акрэдытацыя. Калі вы плануеце асвятляць Канферэнцыю, скарыстайцеся асобнай формай:

📄 Форма для медыя

⚠️ Важна
Будзьце ўважлівыя і правярайце адрас адпраўніка ўсіх лістоў пра ўдзел: афіцыйны адрас электроннай пошты Канферэнцыі – [email protected]. Не адказвайце на паведамленні з падазроных або падобных адрасоў – беларускі рэжым можа спрабаваць выкарыстаць правакацыі і фальшывыя кантакты.

Далучайцеся, каб стаць часткай адкрытага дыялогу і разам вызначыць, якой будзе Новая Беларусь.

@CabinetBelarus

Прэзэнтацыя інструмэнту для вырашэньня легалізацыйных праблемаў беларусаў на Камітэце па міграцыі ПАРЭ

Аляксандра Мамаева, кіраўніца дэлегацыі дэмакратычных сілаў Беларусі ў ПАРЭ, выступіла на Камітэце па міграцыі Парлямэнцкай Асамблеі Рады Эўропы і прадставіла ІТ-інструмэнт для імплемэнтацыі Люксэмбурскіх рашэньняў — канкрэтных рэкамэндацыяў, скіраваных на вырашэньне праблемаў беларусаў у выгнаньні.

Люксэмбурскія рашэньні — гэта вынік сыстэмнай супольнай працы, што пачалася з дакладу Паля Галя, працягнулася рэзалюцыяй ПАРЭ “Specific Issues Faced by Belarusians in Exile” і канфэрэнцыяй у Люксэмбургу, дзе эўрапейскія палітыкі, парлямэнтары і беларускія экспэрты выпрацавалі практычныя падыходы да вырашэньня канкрэтных праблемаў беларусаў у выгнаньні. Гэтыя прапановы былі сфармуляваныя ў выглядзе брашуры і рэкамэндаваныя Парлямэнцкай Асамблеяй для рэалізацыі.

Наступны крок — пераход ад прынцыпаў да практыкі. Народныя амбасады Беларусі разам з ПАРЭ працуюць над стварэньнем вэб-плятформы, якая стане інструмэнтам для імплемэнтацыі Люксэмбурскіх рашэньняў. На плятформе будзе даступная інфармацыя пра сытуацыю ў розных краінах, праблемы, з якімі сутыкаюцца беларусы (атрыманьне пашпарта замежніка, прызнаньне пратэрмінаваных дакумэнтаў, міжнародная абарона, даведкі, стыль дакумэнтаў і інш.), а таксама інфармацыя пра заканадаўства краінаў і практычныя рэкамэндацыі на падставе досьведу мясцовых праваабаронцаў, дыяспары і праведзеных адвокацыйных кампаніяў. Гэта дазволіць выяўляць эфэктыўныя падыходы і адсочваць, як мяняецца сытуацыя з цягам часу.

Гэты інструмэнт будзе карысны для беларусаў, каб разумець сытуацыю ў краіне, для Эўрапейскай камісіі, якая гатовая выпрацаваць рэкамэндацыі для краінаў і нацыянальных парлямэнтаў, а таксама для Кангрэсу мясцовых і рэгіянальных уладаў, бо многія праблемы беларусаў у выгнаньні, асабліва ў фэдэратыўных краінах, такіх як Нямеччына або Аўстрыя, вырашаюцца менавіта на мясцовым узроўні.

Інструмэнт імплемэнтацыі быў таксама прадстаўлены Кантактнай групе «Беларусь — Рада Эўропы» і прапанаваны для ўключэньня ў плян дзеяньняў Рады Эўропы на 2026–2027 гады.

Падчас выступу Аляксандра Мамаева заклікала краіны-чальцы Рады Эўропы падтрымаць стварэньне гэтага інструмэнту, а таксама падтрымаць працу Кантактнай групы і фінансаваньне пляну дзеяньняў, каб Люксэмбурскія рашэньні сталі рэальнасьцю, а праблемы беларусаў у выгнаньні — вырашаліся на практыцы.

https://edoc.coe.int/en/human-rights/11980-the-luxembourg-solutions-outcomes-and-perspectives.html

🫂 Нагадаем, што мы заўсёды гатовыя дапамагчы вам!

Калі ласка, звяртайцеся, калі вам:

📍трэба падацца на міжнародную абарону і вы маеце патрэбу ў кансультацыі;
📍як мага хутчэй трапіць у квэстуру і выбраць даты для падачы — мы можам паспрыяць, калі гэта будзе магчыма;
📍трэба частковае ці поўнае суправаджэнне ў працэсе атрымання ўцякацтва;
📍скласці апеляцыю ці знайсці адваката;
📍зрэшты, мы такія харошыя, што паспрабуем дапамагчы і ў іншых пытаннях!😁

Проста нагадаем, што ў нас наконт гэтага ўсяго ёсць харошы пост.

Па ўсіх пытаннях звяртайцеся сюды👇
🔺[email protected]

Рэжым Лукашэнкі абвясціў Аб’яднаны Пераходны Кабінет Беларусі так званай «тэрарыстычнай арганізацыяй»

Заява Аб’яднанага Пераходнага Кабінета Беларусі:

Сусветная практыка сведчыць, што галоўнай рысай «тэрарыстычнай дзейнасці» з’яўляюцца акты, накіраваныя на запалохванне насельніцтва дзеля дасягнення сваіх палітычных, рэлігійных і іншых мэт. Таму вельмі дзіўна выглядае прызнанне Аб’яднанага Пераходнага Кабінета Беларусі тэрарыстычнай арганізацыяй з боку рэжыму, які на працягу 5 гадоў тэрарызуе сваіх грамадзян як у Беларусі, так і за яе межамі, здзейсніў акт паветранага пірацтва, абвінавачваецца ў трансгранічных злачынствах і злачынствах супраць чалавечнасці, стаў саўдзельнікам агрэсіі супраць Украіны.

Гэтае рашэнне не мае прававых падстаў, супярэчыць міжнародным нормам і з’яўляецца чарговым актам палітычнага пераследу і прапаганды, скіраваным на дыскрэдытацыю дэмакратычных сіл, якія адстойваюць правы беларускага народа на свабоду і дэмакратыю.

Аб’яўленне Кабінета «тэрарыстычнай арганізацыяй» – гэта спроба запалохвання ўсіх грамадзян, якія падтрымліваюць змаганне за свабоду. Гэта паказчык страху нелегітымнага рэжыму перад альтэрнатыўнымі інстытутамі беларускай супольнасці. Гэта працяг лініі эскалацыі грамадска-палітычнага канфлікту і паглыбленне ўзроўню грамадскага супрацьстаяння.

Мы працягнем сваю дзейнасць па ахове суверэнітэту і незалежнасці Беларусі, па абароне нацыянальных інтарэсаў. Ніякія шантаж і пагрозы з боку нелегітымнага рэжыму не паўплываюць ні на нашу рашучасць, ні на салідарнасць нашых партнёраў, якія падтрымліваюць барацьбу за незалежную, дэмакратычную і еўрапейскую Беларусь.

Вільня-Варшава, 9 ліпеня 2025

@CabinetBelarus

11 ліпеня - дзень, калі два гады таму ў турэмных мурах загінуў мастак і палітвязень Алесь Пушкін. Ён маляваў свабоду і змагаўся да апошняга подыху.

Каб захаваць яго голас і памяць, беларуская дыяспара ў Балгарыі разам з Народнай амбасадай Беларусі ў Балгарыі прапануюць назваць завулак побач з амбасадай рэжыму ў Сафіі ў гонар Алеся Пушкіна.

✍️ Падпішыце петыцыю і падзяліцеся ёй з сябрамі і сяброўкамі - так мы зробім унёсак у тое, каб імя Алеся гучала гучней за прапаганду рэжыму.

🔗 https://chng.it/sGN5m89LfG

Народныя амбасады | Ананімны зварот | Падтрымаць нас

«Павінен быць “гібрыдны фармат”: ціснем – і потым размаўляем»

У інтэрв’ю для «Еўрарадыё» Вольга Зазулінская, прадстаўніца па сацыяльнай палітыцы Аб’яднанага Пераходнага Кабінета Беларусі, адказала на пытанні пра тое, дзякуючы каму і чаму сёння з турмаў выходзяць палітвязні, ці варта весці перамовы з рэжымам і ці можа нехта адзін лічыць гэта сваёй асабістай заслугай.

📌 «Цягам двух гадоў ідуць пэўныя працэсы. Яны пачаліся ў межах Стратэгічнага дыялогу «Беларусь – ЗША». Была сфарміраваная асобная працоўная група, якая займаецца пытаннямі па вызваленні людзей з беларускіх турмаў. Гэта не заўсёды публічны працэс, не заўсёды тое, што выносяць у СМІ. Паміж удзельнікамі гэтага працэсу было «джэнтэльменскае пагадненне», калі мы ўсе разам вырашылі, што гэтую тэму мы не выносім у СМІ. І калі я прыйшла ў Прадстаўніцтва па сацыяльнай палітыцы Кабінета, я ўвайшла ў гэтую кааліцыю, працоўную групу. І мяне вельмі здзіўляе, што мы нібыта прынялі «джэнтэльменскае пагадненне», а потым дзесьці з’яўляюцца заявы ў СМІ, што «гэта нашая заслуга», вынік нашай працы».

📌 «Я заўсёды кажу: няма ніводнага чалавека, няма ніякага цэнтра, ніякай адной ініцыятывы, якія могуць сказаць: «Гэта зрабілі мы». Гэта зрабілі беларусы і беларускі, якія працуюць у дэмакратычных структурах, у праваабарончым сектары, у гуманітарным сектары, у тым ліку Народныя амбасады, якія ў сваіх краінах вядуць працу на месцах, праз адвакацыю, інфармаванне МЗСаў… Таму я лічу, што гэта нашая агульная праца і нашыя агульныя вынікі. З самага пачатку ў гэтых працэсах задзейнічаны і Аб’яднаны Пераходны Кабінет увогуле, і каманда Паўла Латушкі, і Прадстаўніцтва па сацыяльнай палітыцы, і Офіс Святланы Ціханоўскай, і іншыя».

📌 «Мы за дэмакратыю, за розныя меркаванні, за тое, каб мы ўсе вучыліся жыць у гэтым плюралізме меркаванняў, адно аднаго слухалі, рабілі свае высновы. Гэта не значыць, што павінны ва ўсім адно з адным пагаджацца.

Я ж лічу, што працуе такая камбінацыя: каб была падстава для перамоў, павінен быць ціск. Ніхто не прыйдзе з табой размаўляць, калі не будзе ціску. Тут я салідарызуюся з Паўлам Паўлавічам Латушкам. Павінен быць «гібрыдны фармат»: ціснем – і потым размаўляем. Бо інакш не будзе нагоды для размоў».

@CabinetBelarus

🇮🇹 Беларуская кухня на італьянскім тэлебачанні!

14 ліпеня на тэлеканале Alma TV Food выйшаў выпуск перадачы Pillole di Sapore з двума традыцыйнымі беларускімі рэцэптамі!

У здымках бралі ўдзел Юлія Юхно, прадстаўніца Народнай амбасады Беларусі ў Італіі, і беларускі кухар Андрэй Шайко.

Смачнага вам прагляду!
https://almatv.tv/video/viewmedia?rel=64176&relpl=9&dm=1&cntr=0&cntrl=0

Народныя амбасады | Ананімны зварот | Падтрымаць нас

А вось і вынікі эстафеты "Галасы праз межы"!

Гэта — супольная праца фонда "Краіна для Жыцця", DissidentBy, BySol, Byhelp і Народных амбасад Беларусі. Гэта ваш удзел. Гэта лічбы, за якімі стаяць вялікая праца, натхненне, светлая мэта і плён:

🔸сабралі 7 547 еўра;
🔸11 сямей палітзняволеных атрымалі выплаты (імёны не называем з зразумелых прычын);
🔸удзел у эстафеце узялі 13 краін;
🔸падчас акцыі прайшлі больш за 20 імпрэз, падчас якіх таксама збіралі сродкі;
🔸больш за 500 чалавек узялі ўдзел у эстафеце!

Вольга Зазулінская адзначае:

"Гэта — сведчанне таго, як шмат людзей гатовыя падтрымліваць сем'і палітвязняў. Мы сабралі не вельмі вялікую суму, але важную і сімвалічную. Затрымка здарылася таму, што мы вельмі ўважліва падыходзілі да кожнага этапу правядзення эстафеты. Мы далі сабе час зрабіць усё, як мае быць.

Мы вельмі ўдзячныя дыяспарам і супольнасцям. Вы — неад'емная частка Беларусі, здольная арганізоўваць, аб'ядноўваць і падтрымліваць.

І так, мы заўсёды адкрытыя да размовы."

Салідарнасці — быць! ♥️