Bola uchun suv zarurligining 5 ta sababi

Suv har bir odamning – kattalarning ham, bolalarning ham hayotida muhim rol o‘ynaydi.

Bolalar kattalardan ko‘ra ancha faolroq bo‘lgani uchun ularda modda almashinuvi jadalroq, shuning uchun ularning tabiiy ichimlik suviga bo‘lgan ehtiyoji anchagina yuqoridir.

Biz sizga bolani muntazam ravishda suv ichishga o‘rgatish nima uchun bunchalik muhimligi haqida aytib bermoqchimiz.

Suv – faollik manbai
Bolalar kattalarga qaraganda ancha harakatchan bo‘lib, jismoniy mashqlar paytida ular ko‘p suyuqlik yo‘qotadi: shuning uchun bola o‘z vaqtida suv ichishini va suv balansini tiklashini nazorat qilib turish lozim.

Suv – diqqat-e’tiborni to‘plash va yaxshi baholar garovi
Olimlarning aniqlashicha, agar bola organizmida suv yetishmasa, uning aqliy va jismoniy ko‘rsatkichlari 20% ga tushib ketar ekan.

Birinchidan, miyaning 80% i suvdan tashkil topgan bo‘lib, suvning yetishmasligi unga salbiy ta’sir ko‘rsatadi.

Ikkinchidan, suv shuningdek qon harakatlanishiga ham yordam beradi, agar qon oqimi sekinlashsa, miyaga kislorod bormay qo‘yadi.

Shuning uchun bolaning suv balansini saqlash bilan siz uning xotirasini va diqqatini yaxshilagan bo‘lasiz.

Suv – salomatlikning asosi
Bolaning qoni, miyasi, hamma a’zolari va hatto suyaklari tarkibida ham suv mavjud. U hamma hayotiy jarayonlarda muhim vazifani bajaradi.

Agar bola organizmi muntazam ravishda suvsizlik holatida bo‘lsa, bu har xil kasalliklarning kelib chiqishiga sabab bo‘lishi mumkin.

Muntazam suv ichib turish esa bolaning ahvoli yaxshilanishiga, kuchiga kuch qo‘shilishiga, allergik reaksiya va boshqa xavflarning kamayishiga yordam beradi.

Suv bola organizmining shakllanishida asosiy rol o‘ynaydi
Suv modda almashinuvini yaxshilaydi, bola organizmi shakllanishida va immunitetining mustahkamlanishida asosiy rol o‘ynaydi: u hamma kimyoviy reaksiyalarda qatnashadi, bolaning o‘sishi uchun kerak bo‘ladigan vitaminlar, makro- va mikroelementlarni yetkazib berishda yordam beradi.

Suv haroratni bir xil saqlash jarayonida qatnashadi
Suv ichish tana haroratini muvofiq holda saqlab turishga yordam beradi. Shuning uchun muntazam ravishda suv ichish nafaqat yoz faslida, balki hatto yilning eng sovuq paytlarida ham juda muhimdir.

Kanalga ulanish👉@Pediatric_uz

Telegram | Instagram | Facebook | YouTube

❓Bolalarga muzqaymoqni necha yoshdan berish mumkin?

🍦Biz pediatrlar bolalarga uch yoshga to'lmaguncha muzqaymoq berishni tavsiya qilmaymiz. Chunki uch yoshgacha bo'lgan bolalar oshqozon-ichak traktining ayrim funksiyalari hali to'liq shakllanmagan bo'ladi. Halqumda mahalliy immunitetning yaxshi rivojlanmaganligi hisobiga tomog‘i og‘rib qoladi. Bolalarning ovqat hazm qilish tizimi sutni yaxshi o'zlashtiradi, ammo muzqaymoq tarkibidagi boshqa qo'shimchalar unga og'irlik qiladi.

🍧 Bolalarga muzqaymoq tanlaganda shakar va yog' miqdori minimal bo'lgan, konservant, bo'yoqlar va aromatlarsiz muzqaymoqni tanlash kerak.

❗️6-7 yoshgacha bo‘lgan bolalarga muzqaymoqni eritilgan holda berish lozim. Shunda siz yuzaga kelishi mumkin bo‘lgan ehtimoliy tomoq og‘rig‘ini oldini olgan bo‘lasiz.

© Doctor Muxtorov

Kanalga ulanish👉@Pediatric_uz

Telegram | Instagram | Facebook

💊BIFOLAK-NEO haqida nimalarni bilasiz?

❓U qachon qo‘llaniladi?

✅Bolalarda ichak disbakteriozida ichak mikroflorasini tiklash, ich ketganda va qabziyatda ich kelishini normallashtirish uchun qo‘llaniladi.

❓Qo‘llash usuli qanaqa?

✅Chaqaloqlarga ovqatlanish vaqtida ona sutiga yoki sun’iy aralashmalarga qo‘shib beriladi. 2 yoshdan katta bolalarga qaynatib sovutilgan(40 °C dan yuqori bo‘lmagan) 40-50 ml suvga 1 paketcha eritib beriladi.

❓Qo‘llash dozalari qanaqa?

✅ 6 oygacha bo‘lgan bolalarga 1pak.dan 1 mahal
✅ 6 oydan 3 yoshgacha 1pak.dan 2 mahal
✅3 yoshdan 7 yoshgacha 1 pak.dan 3 mahal

Qabul qilish muddati 1-3 hafta.

❗️Preparatni Pediatr tavsiyasiga ko‘ra qo‘llang!

© Doctor Muxtorov

Kanalga ulanish👉@Pediatric_uz

Telegram | Instagram | Facebook | YouTube

Bolalarda ich kelish chastotasi normalari

▪️Yangi tug'ilgan chaqaloqlarda defekatsiya akti chastotasi uni oziqlantirish(emizish) soniga teng bo'ladi - sutkada 6-7 marta
▪️2 oylikdan 6 oylikgacha - sutkada 4-5 marta
▪️7 oylikdan 1 yoshgacha - sutkada 2-3 marta
▪️Bola hayotining ikkinchi yilidan boshlab defekatsiya akti chastotasi - sutkada 1-2 marta.

Yuqoridagi normalar ona suti bilan oziqlantiriladigan bolalar uchun bo'lib, sun'iy aralashmalar bilan boqiladigan bolalarda ich kelishlar soni kamayishi mumkin.

❗️Bolada ich kelishlar soni normadan ko'paysa yoki umuman kelmay qolsa, shifokor pediatrga murojaat qiling.

© Doctor Muxtorov

Kanalga ulanish👉@Pediatric_uz

Telegram | Instagram | Facebook | YouTube

Bolalarni sport to‘garaklariga necha yoshdan bergan ma’qul?(Vrach pediatr tavsiyasi)

⚽️Futbol - 10-11 yosh

🏀Basketbol - 10-12 yosh

🏐Voleybol - 10-12 yosh

🎾Tennis - 7-9 yosh

🤼Kurash(barcha turi) - 10-12 yosh

🏃‍♂Yengil atletika - 10-12 yosh

🏒Xokkey - 10-11 yosh

🏓Stol tennis - 7-9 yosh

🤸Sport gimnastikasi
-o‘g‘il bolalar 8-9 yosh
-qiz bolalar 7-8 yosh

🚴Velosport - 12-13 yosh

🤽Suv polosi - 10-12 yosh

🥊Boks - 12-14 yosh

🏸Badminton - 10-12 yosh

♟Shaxmat - 9-12 yosh

🏊‍♀Suzish - 7-8 yosh

🏋Og‘ir atletika - 13 yosh

© Doctor Muxtorov

Kanalga ulanish👉@Pediatric_uz

Telegram | Instagram | Facebook

💊Bolalarda shamollashni antibiotik bilan davolash qanchalik to'g'ri?

📜Ishonchli manbalardan qarab ko'ramiz.

1. Mayo Clinic - "Bakterial infeksiya borligi isbotini topmaguncha, antibiotiklarni shamollashda ishlatish kerak emas".

2. JAMA(Amerika tibbiyot assotsatsiyasi jurnali) - "Antibiotiklar shamollashni davolashda foyda bermaydi, chunki ular viruslarni emas, faqatgina bakteriyalarni o'ldiradi".

3. CDC(AQSH kasalliklarni oldini olish va nazorat qilish markazi) - "Shamollash chaqiradigan viruslarga qarshi antibiotiklar ta'sir qilmaydi va holatingizni yaxshilamaydi".

© Doctor Muxtorov

Kanalga ulanish👉@Pediatric_uz

Telegram | Instagram | Facebook | YouTube

Onasini emsin!

Bu so'kinish emas!

Har yili 1-7 avgust kunlari «Go‘daklarni ko‘krak suti bilan boqishni qo‘llab-quvvatlash butunjahon haftaligi» o'tqaziladi.

Biz ham "onasini emsin" jumlasi orqali o'z hissamizni qo'shyapmiz xolos.

Batafsil: https://kun.uz/61305001

Kanalga ulanish👉@Pediatric_uz

❓Bolalarda D vitamini yetishmovchiligi yoki raxitning boshlang‘ich davrini qanday aniqlash mumkin?

Dastlab bola hayotining 2-3 oyligida nerv tizimi tomonidan quyidagi klinik belgilar ko‘rinishida namoyon bo‘ladi:
-bezovtalik
-qo‘zgaluvchanlik
-uyqu buzilishi(uyquning yuzaki bo‘lishi yoki kam uxlashi)

Keyinchalik bolada ishtahaning pasayishi, baland tovushdan cho‘chish, birdan yorug‘lik tushganda seskanish holatlari yuzaga keladi.

Bola ko‘p terlaydigan bo‘ladi(kaftlar, oyoq kaftlari, tanada), ayniqsa boshning sochli qismida ko‘proq kuzatiladi. Ajralgan ter nordon hidli bo‘ladi, u terini zararlaydi va qichishish keltirib chiqaradi. Oqibatda bola boshini yostiqqa ishqalaydi, ensa sohasidagi sochlari to‘kiladi.

Terida issiqlik toshmalari paydo bo‘ladi.Bolada liqildoqlarni bekilishi va tishlarini chiqishi kechikadi.

❗️Yuqoridagi belgilar paydo bo‘lishi bilan bolani pediatr ko‘rigiga olib boring.

©Doctor Muxtorov

Kanalga ulanish👉@Pediatric_uz

Telegram | Instagram | Facebook

Yangi tug‘ulgan chaqaloqda kalla suyaklari bir-biri bilan qanday birikkan?

Chaqaloq kalla chanog‘i ham katta odamlar kabi bir xil suyaklardan tuzilgan. Lekin kalla suyaklari kattalarnikiga qaraganda egiluvchan va elastik, bir-biri bilan to‘liq birikmagan hamda suyaklanmagan bo‘ladi. Bunday hosilalar bola kallasida amortizator vazifasini bajaradi. Ularga quyidagilar kiradi:

💠Peshona birikishi (metopik birikish) – peshona suyaklari orasida;
💠Koronar birikish – peshona va tepa suyaklari orasida;
💠O‘qsimon (sagittal) birikish – tepa suyaklari orasida;
💠Tepa (lambadosimon) birikish – ensa va tepa suyaklari orasida;
💠O‘ng va chap yonbosh birikish – tepa va chakka suyaklari orasida.

© Doctor Muxtorov

Kanalga ulanish👉@Pediatric_uz

Telegram | Instagram | Facebook | YouTube

Bola parvarishi telegram kanali barcha onajonlarni taklif qiladi!

👶Yangi tug'ilgan chaqaloqlar parvarishi(kindik, burun, teri)
🤱Emizikli onalar uchun tavsiyalar
🍏Qo'shimcha ovqat bo'yicha tavsiyalar
😴Bolalar uyqusi bo'yicha tavsiyalar
🧥Bolalarni kiyintirish bo'yicha tavsiyalar
🍱Bolajonlar uchun ovqat retseptlari
📆Bolajonlar uchun kun tartibini tuzish
📚Onalar o'qishi shart bo'lgan kitoblar
👩‍👧‍👦Bolani tarbiyalashga doir tavsiyalar
🎞Bolajonlar uchun foydali videolar
👨‍⚕Shifokor pediatr tavsiyalari

Yuqoridagilarning hammasini Bola parvarishi kanalidan topishingiz mumkin.

👉 https://www.tg-me.com/Bolajon_parvarishi 👈

Bolaning sut tishlarining tushishi va doimiy tishlarining chiqishi bo‘yicha ko‘p beriladigan savollarga javoblar

Bolaning sut tishlari chiqishidan ko'ra, ularning tushishi og'riqsiz va odatda muammosiz kechadigan jarayondir.

❓Sut tishlari qachon tushishni boshlaydi?

✔️Ko'pincha sut tishlari bolaning 5-6 yoshiga kelib tushishni boshlaydi.

Tajribali onalarning aytishicha, sut tushlari necha oyda chiqishni boshlagan bo'lsa, o'sha yoshda tushishni boshlaydi. Ya'ni ilk sut tishlari 7 oyda chiqqan bo'lsa, ularning tushishi bolaning 7 yoshiga to'g'ri keladi.

❓Sut tishlari qanday tushadi?

✔️Vaqti kelib bolaning yangi tishlari chiqa boshlaganda sut tishlari sekin-asta qimirlay boshlaydi va bir kuni tushib ketadi. Ular o'rnida milklar orasidan oqish rangdagi yangi tish chiqayotgani ko'rinib turadi.

❓Yangi tish chiqayotgan davrda nimaga ahamiyat bermoq lozim?

✔️Bu davrda bolaga kamroq shirinlik yeyish, kalsiy va minerallarga boy ozuqalardan oziqlanish, antibiotiklarni kamroq qabul qilish tavsiya etiladi.

Yangi tishlar chiqayotgan davrda bolaning sut tishlari orasi biroz kengayib ochilib qolishi kerak. Bu degani iyak yangi tishlarni to'g'ri chiqishiga tayyorgarlik ko'rayotgan bo'ladi. Agar chiqayotgan yangi tishlarga bo'shliq joy yetmayotgan bo'lsa, u holda bolani stomatologga ko'rsatish lozim. Bunda kerakli muolajalarsiz yangi tishlar qiyshiq bo'lib chiqishi mumkin.

❓Ildiz tishlari chiqishi qachongacha davom etadi?

✔️Odatda 14 yoshga qadar ildiz tishlari chiqib bo'ladi.

❓Ildiz tishlari qanday tartibda almashadi?

✔️Sut tishlari qanday tartibda chiqqan bo'lsa, ildiz tishlari huddi shunday tartibda ular bilan o'rin almashadi.

❓Qaysi hollarda stomatologga ko'rinish lozim?

Tishlar ustma-ust qiyshiq bo'lib chiqayotgan bo'lsa;
Bolaning daxani deformasiyalanayotgan bo'lsa;
Bolaning gapirishi g'alati bo'lib o'zgarib qolgan bo'lsa.
Ildiz tishlari chiqayotgan davrda ora-orada jarayonning sekinlashuvi ham kuzatiladi. Bunda organizm yangi tishlar uchun muhit va joy tayyorlayapti desak bo'ladi.

Ba'zida sut tishlari tushmay turib yangi tish chiqa boshlaydi. Bunda ba'zida stomatolog yordamida joyni bo'shatmayotgan sut tishini olib tashlash lozim, aks holda ildiz tishlari chiqa olmay qiyshiq o'sa boshlaydi.

❗️Muhim tavsiya! Sut tishlari karies bo'lib og'riyotgan bo'lsa, ular tushib ketadi deb davolamasdan olib tashlash mumkin emas. Stomatologlarning ta'kidlashicha, sut tishlari vaqtli olib tashlanishi noto'g'ri. Shuning uchun ularni ham oddiy tish singari davolash kerak va ular o'z vaqtida ildiz tishlari tayyor bo'lganida tushgani ma'qul.

Kanalga ulanish👉@Pediatric_uz

Telegram | Instagram | Facebook | YouTube

Bolalarda ko‘p terlash sabablari

Bolalarning koʻp terlashiga quyidagilar sabab boʻladi:
📌Xona haroratining yuqori boʻlishi yoki ob havoning issiq boʻlishi natijasida bolaning terlashi;
📌Kun davomida bola emotsional holati, qoʻzgʻaluvchanligi, nerv tizimining taʼsirlanishi tungi vaqtda koʻp terlashga sabab boʻladi
📌Shamollash kabi holatlarda;
📌Nasliy moyillik.

Koʻp ter ajralishi ayrim kasalliklar natijasida ham roʻy beradi, ular quyidagilar boʻlishi mumkin:
📌Vitamin D yetishmovchiligi va raxit
📌Qalqonsimon bez funksiyasida kamchiliklar;
📌Jigar va oshqozon ichak tizimidagi muammolar;
📌Yurak-qon tomir kasalliklari;
Immun tizimidagi oʻzgarishlar.

Kanalga ulanish👉@Pediatric_uz

Telegram | Instagram | Facebook | YouTube

❓Chaqaloqlar bir vaqtning o'zida ham nafas olib, ham yuta oladimi?

Ha, bu muhim hayotiy funksiya hisoblanadi. Yosh organizm uchun ona suti va nafas havosini navbat bilan qabul qilish qiyinchilik tug'diradi.

7 oylikkacha bo'lgan bolalarda hiqildog'i yuqoriroq joylashgani sababli, suyuqlik nafas yo'llariga emas, oshqozonga yo'naltiriladi, nafas yo'llari ochiq bo'lganligi sababli, shu paytni o'zida chaqaloq bemalol nafas ham olaveradi.

Bu xususiyat tufayli, chaqaloqlar hatto chalqancha yotganda ham bemalol yutinishi mumkin.

© Doctor Muxtorov

Kanalga ulanish👉@Pediatric_uz

Telegram | Instagram | Facebook | YouTube

Bolasining sog'ligiga befarq bo'lmagan onajonlardan so'rovnomada faolroq qatnashishni so'rab qolamiz!

Respublika bolalar kutubxonasi

11-avgust yakshanba kuni

Tadbirlar dasturi:

13:00-14:00 – Bolalar kitob to‘garagi yig‘ilishi. Iroda Oripova bilan birga “Nuqta” asarini o‘qib, ijodiy tajriba va o‘ziga ishonch muhimligini muhokama qilamiz. 5-7 yosh
Muloqot tili: o’zbek tili

16:00-17:00 – Inglizzabon kitoblar to‘garagi. Umida Qodirova bilan birga “Favourite Paddington Stories” kitobini o‘qib, bog‘dorchilik qiyinchiliklari haqida suhbatlashamiz. 6+
Muloqot tili: ingliz tili

To‘liq jadval acdflibrary.uz’da mavjud.
Joylar soni cheklangan. Iltimos, acdflibrary.uz’da roʻyxatdan oʻting.

📍Manzil: Yahyo Gulyamov ko'chasi 47, Тоshkent,

↗️Geolokatsiya

Kanalga ulanish👉@Bolajon_parvarishi

❓1,5 yoshdan keyin bir martalik tagliklarni ishlatish qanchalik to‘g‘ri?

👶Bir martalik tagliklar(pampers) - bu juda qulay ayniqsa vaqtni tejaydi, lekin onajonlar undan qancha ko‘p foydalansa, bolani tuvakka o‘rgatish shunchalik qiyin bo‘ladi.

O‘zingiz bir o‘ylab ko‘ring, pampersda bola tagini ho‘llab qo‘ysa ham, issiq, quruq va eng asosiysi unga noqulaylik tug‘dirmaydi.

Agar siz bolani ishtoncha va polzunkalarga o‘tkazsangiz, u yoqimsiz namlik holatini his qila boshlaydi va tuvakka o‘tirishni o‘rganishi ancha tez bo‘ladi.

👨‍⚕Kaminaning tavsiyasi, 18 oylikdan keyin bir martalik tagliklarni ishlatmaganingiz ma’qul. Bu bilan siz bolangizda yana bir shartli refleksni o‘z vaqtida paydo bo‘lishiga yo‘l ochib bergan bo‘lasiz.

© Doctor Muxtorov

Kanalga ulanish👉@Pediatric_uz

Telegram | Instagram | Facebook

❗️SSV: Respublika perinatal markazida Toshkent tumanilik ayol 4 egizakni dunyoga keltirdi

📌 Toshkent tumanida yashovchi 23 yoshli ayol 4 nafar egizak (1 o‘g‘il, 3 qiz) farzandli bo‘ldi.

🏥 Respublika perinatal markazida chaqaloqlarning sog‘lom tug‘ilishi uchun barcha zarur shart-sharoit hozirlanib, kesarcha usulida, asoratsiz tug‘uruq amaliyoti natijasida 1622 grammlik bir nafar o‘g‘il, 1330, 1510 va 1370 grammlik uch nafar qiz chaqaloq dunyoga keldi.

🤱 Hozirda go‘daklarning ahvoli yaxshi. Ularning zarur vitaminlar hamda ona suti bilan oziqlanishi neonatolog-shifokor va hamshiralar nazorati ostida.

‼️Bu – joriy yil Respublika perinatal markazida to‘rt nafar egizaklar tug‘ilishi bilan bog‘liq birinchi holatdir.

Manba: SSV

Kanalga ulanish👉@Pediatric_uz

Telegram | Instagram | Facebook | YouTube

NEONATAL ACNE(Chaqaloqlar husnbuzari)

Yangi tug‘ulgan chaqaloqlarning 20% ida uchraydi. Guruhlashgan papulalar to‘plamidan iborat bo‘ladi, yonoq va peshona sohasida joylashadi. Ba’zan chandiqchali nuqtalar shakllanishi bilan tugallanadi.

Asosiy sababi onadan o‘tgan gormonlar va endogen androgenlarning yog‘ bezlarini faoliyatini kuchaytirishi hisobiga yuzaga keladi.

Davolash shart emas, ko‘pincha o‘zi yo‘qolib ketadi. Ba’zan 2 oygacha saqlanishi mumkin. Ba’zi holatlarda o‘zi yo‘qolib ketmaydi, shunda uni dermatolog maslahatiga ko‘ra antiseptik eritmalar bilan davolash kerak!

© Doctor Muxtorov

Kanalga ulanish👉@Pediatric_uz

Telegram | Instagram | Facebook | YouTube