10 гадоў таму, 2 кастрычніка 2015 года, у кіно выйшаў фільм «Марсіянін», які стаў адной з самых яскравых касмічных прэм’ер свайго часу. А сваю сусветную прэм’еру ён упершыню атрымаў крыху раней, 11 верасня 2015 года на кінафестывалі ў Таронта.

Фільм па матывах рамана Эндзі Уіра распавёў гісторыю выжывання Марка Уотні на Марсе, і за гэтыя дзесяць гадоў ён паспеў стаць класікай сучаснай навукова-фантастычнай кінаіндустрыі.

Глядзелі? Ці, можа, нават чыталі кнігу?

Full stack перад Flight 11.

І вы ведаеце, што гэта значыць. Запуск Starship запланаваны на 14 кастрычніка. 75-хвіліннае акно адкрыецца ў 02:15 ночы па беларускім часе.

Афіцыйная трансляцыя пачнецца за 30 хвілін да старту. Падрабязней пра палёт я распавёў у 97-м выпуску падкаста.

Магчымы перанос, сачыце за абнаўленнямі.

#падзея

Астрафатограф Andrew McCarthy, вядомы сваімі неверагоднымі здымкамі Сонца, планет і галактык, аб’яднаў дзве рэчы, якія любяць людзі — катоў і космас. Ён зрабіў серыю здымкаў са сваім катом Грэгары, змясціўшы яго ў уласныя касмічныя фота.

На кадрах Грэгары гуляе з Сатурнам, купаецца ў святле Сонца і нават салодка спіць на Месяцы. Гэта не проста забава, бо Andrew ператварыў праект у каляндар, а ўсе сродкі ад продажу пералічвае ў прытулак, з якога ён узяў Грэгары.

Некалькі бязхмарных дзён — гэта выдатная нагода ўбачыць самую яркую камету сёлета.

Адразу скажу, што на жаль, камету года (званне, якое ўжо ніхто не адабярэ ў C/2025 A6 Lemmon) амаль немагчыма ўбачыць голым вокам. Гэта сапраўды не камета класа NEOWISE з 2020 года ці Tsuchinshan-ATLAS з мінулага кастрычніка.
Хоць і бляск каметы ўжо дасягнуў +4.5 зорнай велічыні, і працягвае расці, вам спатрэбіцца вельмі цёмнае неба, каб яе ўбачыць без аптычных прыбораў.

На ровары мне ўдалося ад'ехаць на 15 кіламетраў ад горада (5-ы клас на шкале Бортля, які паказвае светлавое забруджванне), каб убачыць камету на экране майго фотаапарата.
Думаю, што тэлефон (лепш на штатыве) таксама паможа вам з гэтым. А каб убачыць хвост ужывую вам спатрэбіцца бінокль ці тэлескоп.

Бліжэй за ўсё да Зямлі C/2025 A6 Lemmon будзе сёння, 21 кастрычніка. Камета бачная на вячэрнім небе з 19 да 21 гадзіны па мясцовым часе над паўночна-заходняй часткай гарызонту. І назіраць яе можна будзе да 1 лістапада.

Цудоўная нагода выбрацца з горада, паглядзець на неба і злавіць свой уласны кадр гэтай каметы.

#падзея