Purity Tube

ፖርኖግራፊ

ማጠቃለያ

ፖርኖራፊ እና ክርስቲያን

ማንኛውም ክርስቲያን እግዚአብሄር ኃጢያትን ጨምሮ ማናቸውንም ነገር ማሸነፍ እንደሚችል፤ ሁሉን ቻይ እንደሆነ እና ክርስቶስም ማና ቸውንም ፈተና ልንቋቋም የምንችልበት ፀጋ እንደሰጠን ቢያምንም በፖርኖግራፊ ሱስ እየታገለ ያለ ክርስቲያን ግን ይህን እውነት መጠራጠር ይጀምራል። ከብዙ ፀሎት፣ ለእግዚአብሔር እና ለራስ ከሚደ ረግ ከብዙ ቃለ መኃላ፤ ጥረት እና ትግል በኋላ ራሱን በሱስ ውስጥ መልሶ ወድቆ ሊያገኘው ይችላል።

በእርግጥ እግዚአብሔር አለ!

በእርግጥ እግዚአብሔር ሁሉን ቻይ ነው! ሆኖም ግን እኛ እንደ ምንፈልገው ነፃ መውጣት በአንዴ ላይሆን ይችላል። በዚህ ሱስም ውስጥ ያሉ ክርስቲያኖችም ከዚህ አንፃር በቤተ ክርስትያን ካለው መገፋት እና ኃፍረት የተነሳ መፍትሄን ከመፈለግ ያፈገፍጋሉ። ይህም ግለሰብ በቤተክርስትያን አገልግሎት ወይም መሪነት ቦታ ካለ ነገሮችን የበለጠ የተወሳሰቡ ይሆናሉ።

ሰው ችግሩን አምኖ የሚመጣው ይምጣ ብሎ እርዳታን መፈለግ ግን በሱሱ ዘልቆ ከሚመጣው ጉዳት አይብስም። በኋላ እግዚአብሄር ፍርድ ፊት ከመቅረብ ዛሬ ላይ በሰው ፍርድ ውስጥ ማለፉ የተሻለ ነው።

ስለዚህ ውድ እህቶቼና ወንድሞቼ ይህን ሀሳብ ላቀርብላችሁ የወሰንኩት ይህ ችግር በእኛ በክርስቲያኖችም ዘንድ ምን ያህል እየተስፋፋ እንደሆነ ስለተረዳው ነው። በዚህ ቀንበር ውስጥ ያላችሁ ወገኖቼም ብትሆኙ ከሁሉ በላይ ከዚህ ችግር ለመውጣት በእግዚአብሄር ላይ የማይቋረጥ እምነታችሁን ጣሉበት። ፓርኖግራፊ ማየት ሀጢአት መሆኑን አውቃችሁ በአምላካችን ፊት በንስሀ ተመለሱ።

በዚህ ሱስ ውስጥ የሌላችሁም ሰዎች ብትኖሩ ይህ ችግር አይመለከታችሁም ማለት አይደለም። በጣም ለልባችን ቅርብ ነው ብላችሁ የምታስቡት ሰው በዚህ ቀንበር ውስጥ ላለመሆኑ ልታቀርቡት የምትችሉት ማስረጃ ምንድነው? ልጆቻችሁ? ወንድሞቻችሁ? እና ጓደኞቻችሁ በዚህ ቀንበር ላለመያዛቸው ምን ማስረጃ ይኖራችኋል?

ስለዚህ ሁላችንንም አብዝቶ የሚመለከተንና በግልጽ ተወያይተን መፍትሄን ልንፈልግለት የሚገባ ትውልድን እንደምስጥ ሆኖ ውስጥ ውስጡን እየበላ ያለ የማይታይ ግን የሚጎዳ ትልቅ በሽታ ነው።

◅◉ @ethiotmrt ◉▻
💢💢 @PurityTube 💢💢
💢💢 @PurityTube 💢💢

14.2K viewsedited 18:55