عنوان النعي: المنزل خلي 🏴
المناسبة: وفاة السيدة أم البنين (ع)

١٤٤١ هـ

▪️▪️▪️▪️▪️▪️▪️

بالله يَموت اقبل إلي
امن احبابي هالمنزل خلي
ما بِيه حُسين ابنَ علي
آه..

ما بِيه عقيلة حيدره
ما بِيه سَـبع القنطره
ما بِيه بدُور امنوِّره
آه..

ريحني ياموت ابعجل
مشتاقه آنه للأهل
مابيِّه اْعيش آنه ابوَجَل
آه..

إلخاطِري صِير الجبر
أحبابي كسروني كسر
عافوني واحسبهم ذُخر
آه..

إلچِنت اناغي بالمهد
إلقالولي مَنعوفچ أبد
اولادي نومه باللحد
آه..

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: ليلة الجَمعه 🏴
المناسبة: وفاة السيدة أم البنين (ع)

١٤٤٦ هـ

▪️▪️▪️▪️▪️▪️▪️

المستهل /

ليلة الجُمعه يَـ وِلدي ليلة الجَمعه
ماهي منكم حلوه تبقى ليلة الدمعه
ليلة الجُمعه .. ليلة الجُمعه

١ /

أقعد أمقابل صوركم بس أظل أنعه
ليلة الجُمعه يَـ وِلدي (ليلة الجَمعه)
بليل لأظلم يمكم آنه ماعزت شمعه
لن قمر ونجوم حولي دوم متجمعه

الليله حتى الشمعه متفيد ابظُلاماتي
آنه أشعلها وتجي تطفيها دمعاتي..
ليلة الجُمعه .. ليله الجُمعه

٢/

يرحم الله الجُمعه ذيچ النجتمع بيها
من علي يقرا الدعاء وبچي نقضيها
"أجتمع بجوارك.." أدرك كل معانيها
وي علي واولاده، آنه أحمد اعليها..!

ليلة الجُمعه اشكثر چانت تداويني
صارت أكثر ليله تتعبني اُو تبچيني
ليلة الجُمعه .. ليلة الجُمعه

٣/

الدهر قص جنحاني من طرت آنه فرحانه
الله لَـ ايقص الأحد من عنده جنحانه
انفتح باب الفرقه من طبروه مولانه
وما اجاني العاشر إلا الجُمعه ذبلانه

استعجلت دنياي واخذت أحلى أيامي
مدري هسَّه لو هي چانت ديك أحلامي
ليلة الجُمعه .. ليلة الجُمعه

٤/

هذي ليلتنا ييُمَّه النجتمع فيها
صعبه يافلذات چبدي آنه بس بيها
صارت الليله مآتم واجب أقضيها
أنا ولطمي ونوحي والدمعات نلفيها

حتى ختكم زينب الچانت تسلِّيني..!
بسرعه راحت عنِّي يُمَّه يا نظر عيني
ليلة الجُمعه .. ليلة الجُمعه

٥/

قاعده والعين تحچي وتنظر اعلى الباب
هالله هالله أم البنين ومابقالي احباب!
غابت الأنفاس والله من شخصكم غاب
اشقد عزيز اعليَّه ولدي تغفوا ابلتراب

حزَّت ابروحي المشاعر هاللي عشتوها
ابلا وداع أمكم خيمكم حسره عفتوها
ليلة الجُمعه .. ليلة الجُمعه

٦/

كلشي لأجل احسين عفته حُباً وقُربه
اقلوبكم يا يُمَّه فدوه اتروح إلى قلبه
شكراً ابقد الليالي الحلوه والصعبه
وبالخصوص أشكر حبيبي صاحب القُربه

يا كثر شوقي إلك عبَّاس يا ابني
يا ابن قلبي تعال الليله وانظرني
ابليلة الجَمعه .. ليلة الجُمعه.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان النعي (توسل): يا حنيَّة العالم 🏴
المناسبة: وفاة السيدة أم البنين (ع)

١٤٤٦ هـ

▪️▪️▪️▪️▪️▪️▪️

يا حنيِّة العالم يا أم البنين أنخاچ
چنت احسب لهالليله وألوذ ابمجلسچ وحماچ
أريد اتمسحي ادموعي بدفاوة ايدچ ويمناچ
اجيت المجلسچ مخنوق وأريد أرتاح اسمعيني

اسمعيني واحضنيني قلبي اهواي متألم
وانا بكل شدَّه يم عباس اجيچ ابهمِّي متعلم
قلبچ أعرفه حاني و إليَّه دوم متفهم
يكفي احچي ابلدموع حتى انتي تفهميني

تفهميني وتكفِّيني! و اتبردي إلي الخاطر
تمسحي اعلى القلب هاليوم ولا چن أي ألم صاير
ظلام الدنيا بعيوني وتنوري ليَّه الناظر
يقيني بيچ ماله احدود يايمه تعرفيني

تعرفيني ولذلك عاد عمري اتكفلِّيه انتي
رجاءً شدِّي بجروحي وإلزمي ليَّه ايمنتي
أكون بخير أنا يمچ مكان اُو وين ما كنتي
علمتيني حب احسين وعالحب هذا ثبتيني.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: شلون وضعك؟ 🏴
المناسبة: وفاة السيدة أم البنين (ع)

١٤٤٦ هـ

▪️▪️▪️▪️▪️▪️▪️

المستهل /

قلِّي اشلون وضعك؟
يابو احسين اُو ظهرك
بعد الزهرا مولاي
الله ايعظم أجرك

١/

الله يعظم أجرك يابو لحسين
سمِّيني من الليله ( أم البنين )
لا تندهني باسمي ياضيا العين
أطلبك سيِّدي عفيه انتبه زين

الحسن واحسين كافيهم تعبهم
وأخاف ابهالاسم يشتد مرضهم
أحب اسمي لچن أكثر أحبهم!
وأنا ما جيت أحل امچان أمهم

جيت أخدم بالعيون
ناشدهم.. يقبلون؟!
إذا قبلوني أرتاح
و أخدم بعد أمرك

٢/

جيب أم الخدر ألزم ايديها
قبل ماشوفها مشتاقه ليها
أريد أنشدها وأتطمن عليها
افراق الوالده شمسوي بيها

باين يا علي بارسوم كل عين
شمسويه ابفقدها أم الحسين
كل واحد امنكم روحه نصين
نص ابهالحياه والثاني بالبين!

باسم الله عليكم
ابنفسي افتديكم!
آه اعلى الزچيه
والله ايزيد صبرك

٣/

صدِق انته قلِت في هالمصيبه
"أعينوني على حمل الحبيبه"؟!
يقالع باب خيبر مو عجيبه
انهدم حيلك على حيل الغريبه

صدِق لمَّن اِجيت اُو غسلتها
مكسورة ضلع فاطم شفتها؟!
انشدك من تنحيت اُو صحتها
( آهك) هالوگت ما حرَّكتها؟!

احچيلي ابيا حيل
شيَّعتوها بالليل!!
واخفيت القبرها
انته وعدد صحبك

٤/

بعد دفنك لروحك أدري اشصار
عزيزه اعليك صارت طبَّة الدار
حچو عنَّك يبو الحسنين محتار
اُو دمعك فوق خدَّك ياعلي حار

لچن شنهو الجرى لمَّن دخلته؟
شنو أول مكان انته نظرته؟
منو أول يتيم انته حضنته؟
وصبرك يا علي من وين جبته!

ليت آنه المتت ليت
وأم الحسن بالبيت
اتداري هاليتامى
و ابحالك تحضرك

٥/

يليت الشمس ما طِلعت بعدها
ولا خلَّت في هالحاله وِلدها
أشد اجروح قلبك لو أشدها؟!
و لو ماكو دوا أدري الـ فقدها

احاول سيِّدي والبيدي اْحاول
لعل الله بعدها ايجيب كافل
وحق الزهرا أدعي ابدمع هامل
يرزقني إلهي ابـ أبو فاضل

اتريده اسمه عبَّاس
و أريده يرفع الراس
ايطيِّب ليكم اجروح
اُو يجبر ليك ظهرك.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: على حُب البتول 💚
المناسبة: مولد السيدة فاطمة الزهراء (ع)

١٤٤٥ هـ

▫️▫️▫️▫️▫️▫️▫️

المستهل /

( فاطميَّه ) كل سنه بميعادنا
يا رسول الله دشوف أعيادنا
اجتمعنا يالرسول.. على حُب البتول
( فاطميَّه )

١/

سلامٌ وفرح يأهل المدينه
ألف مبروك يا أحمد نبينه
حنانك الله أهداه الحنينه
و رزق الله علي زهرة سنينه

انبارك الحضرة مقام الوالي
حيدر الكفؤ الوحيد الغالي
اُو نهنيه اُو نقول.. على حُب البتول
( فاطميَّه )

٢/

حسبنا المولد الزهراء حسبه
نحبَّه -يا رسول الله- نحبَّه!
( أهم موعد ) تِوَّحدنا نكتبه
وَ قولاً واحداً - غيره - نذبه

باتفاق ( الفاطميَّه ) امسجَّل:
نترك الدنيا اُو نروح المَحفل
بمجالسكم نجول... على حُب البتول
( فاطميَّه )

٣/

اِعتنينا (المولد) اُو أحلى أمر
من ليالي العام هالساعه صفر!
الكون كله چان (بنتك) ينتظر
السجده هاي الليله اتسمَّت شُكر!

اِنظر ابيوت البلد مسروره؛
أَنزَل الله (الكوثر) أحلى سورةْ!
ازْهَرَت كل الحقول.. على حُب البتول
( فاطميَّه )

٤/

باسم كل بيت لازم (فاطميَّه)
تِنال المكرمه باسم الوليَّه
بتول اُو فاطم اُو زهرا و زكيِّه
بعد كوثر اُو معصومه اُو رضيَّه

نعلن الحُب في جميع أشكاله
وصادق الحُب فعله مو أقواله
نِسمِّي امن الأصول.. على حُب البتول
( فاطميَّه ).

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: ميلاد فاطم 🌸
المناسبة: مولد السيدة فاطمة الزهراء (ع)

١٤٤٤ هـ

▫️▫️▫️▫️▫️▫️▫️

المستهل /

يا هلا بميلاد فاطم يا هلا

١ /

هالله هالله الليله مولد فاطمه
الأرض فرحانه الأجلها والسمه
دايـمـه الأفراح يـا رب دايـمـه
و مولد الزهرا بـ ورد نستقبله

٢ /

عن فرحنا الليله مَيردنا برِد
احنا مانحمل عن الزهرا بُعِد
بالورِد نحضر ولو هيِّه الورِد
اشما نهوِّس ليها نبقى نحمله

٣ /

نحمل الحاجه ونِحضِّرها بيقين
بجاه فاطم ندعي رب العالمين
ما نرد هالليله ندري خايبين
بحق رسول الله وفرِحته الحاصِله

٤ /

نِزلت ( الكوثر ) تبشره بالفرح
وضمِّدت قلبه الكبير اللي انجرح
عن مهد بنته الزچيه ما برح
بالحمِد والشكر لـ الله يهز إله.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▫️▫️▫️▫️▫️▫️▫️

🎞 القصيدة بصوت الرادود حيدر آل خميس:
https://youtube.com/watch?v=uYDSe_syR0I&feature=shares

📃 عنوان القصيدة ( توسل): أنظر لقلبي 🏴
المناسبة: وفاة السيد محمد سبع الدجيل (ع)

١٤٤٦ هـ

▪️▪️▪️▪️▪️▪️▪️

المستهل /

أُنظر القلبي .. سيِّد امحمد
الْدمعي وتَعْبي .. سيِّد امحمد

سيَّد امحمد .. سيِّد امحمد

١/

يا ابن خير البريَّه.. يا ابن هادي الرساله
جاك ضيف الليله قلبي.. بابك افتح للإجاله
ما تِرد انته ضيوفك.. مثل ما أوصى تعالى
اليوم قلبي جبته يمَّك.. رايد اتهدِّي له باله

طارق البابك .. سيِّد امحمد
عطني اجوابك .. سيِّد امحمد

سيِّد امحمد .. سيِّد امحمد

٢/

يخجل الواحد يسولف.. بس دمع لعيون يحچي
بحق علي الهادي اندعيلي.. لو شفتني ابليله ابچي
تلقى ذبحتني المواجع.. الما يحس بيها إلا مثلي
تلقى بالوحده كلتني.. تلقى عافت ايدي خِلِّي

وحاير ابهمِّي .. سيِّد امحمد
ولا أحد يمِّي .. سيِّد امحمد

سيِّد امحمد .. سيِّد امحمد

٣/

فزعه يا أهل المُروَّه.. سيِّدي افزعلي فزعه
لايذ ابعطفك اجيتك.. فدوه امسح دمعه دمعه
بالحسن آنه أحلفك.. العسكري واعليك وضعه
وقلبه المحروق لأجلك.. ونعيَّه من اعليك ينعى

اُو عِشرة الغالي  .. سيِّد امحمد
أنظر الحالي.. سيِّد امحمد

سيِّد امحمد .. سيِّد امحمد

٤/

داوي اجروح اللي بيَّه.. يا دوا اجروحه علي
والدك واللي اعلى فقدك.. الليله حاير مبتلي
المنكسر ظهره اعلى نعشك.. آه يا صبر الولي
وصوته المبحوح حسره.. "قرَّبوا اِوليدي إلي"

بحق علي الهادي .. سيِّد امحمد
شافي افَّادي .. سيِّد امحمد

سيِّد امحمد .. سيِّد امحمد

٥/

آنه ما عندي سواكم.. سيِّدي انتو ملاذي
والله يا سيِّد امحمد.. انتو بالدنيا سِنادي
انتو لتكشفون همِّي.. واللي تنطوني مُرادي
اشقد يقيني عالي بيكم.. ما تردون الأيادي

مجلسك حاضر .. سيِّد امحمد
اجبر الخاطر .. سيِّد امحمد

سيِّد امحمد .. سيِّد امحمد.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: وحق المولد الطاهر 💚
المناسبة: مولد السيدة أم البنين (ع)

١٤٤٥ هـ

▫️▫️▫️▫️▫️▫️▫️

المستهل /

وحق المولد الطاهر وحقه
أريدن حاجتي هالليله تُقضى

١ /

يـ أم عبَّاس يا أم الأجاود
عطيَّة يمنتچ هالليله رايد
اجيت العام بالميلاد عاقد
أريدن حاجتي هالليله تُقضى

٢ /

مثل روحي السعيده بالولاده
أريد بحاجتي اتردي السعاده
وحق ميلادچ الـ الله أعاده
أريدن حاجتي هالليله تُقضى

٣ /

مثل ما والدچ حاز ابـ مَرامه
أريد أصرخ حزت منچ كرامه
وحق البُشرى من ولدت ثُمامه
أريدن حاجتي هالليله تُقضى

٤ /

وحق أهل الكسا ذاك اليماني
تبلغيني مُرادي و الأماني
أنا الخادم إليكم آني وآني..
أريدن حاجتي هالليله تُقضى

٥ /

و حق عبَّاس فلَّال الكتايب
تراويني المِسه يَأمه العجايب
وحق اِخوانه لأبطال الأطايب
أريدن حاجتي هالليله تُقضى

٦ /

وحق ساعة زفافچ بالصميده
و حق لحظة نواله بالـ يريده
وحق كل اللي ماكفى القصيده
أريدن حاجتي هالليله تُقضى.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: أم الأحبة 💕
المناسبة: مولد السيدة أم البنين (ع)

١٤٤٥ هـ

🌸🌸🌸🌸🌸🌸🌸

المستهل /

يا هلا بميلاد أم الأوفياء
يا هلا بأم الأحِبَّه بكربلاء

١/

محلى هذا الليل .. وبيه ذكرچ صِدَح
محلى هذا الليل .. وبيه قلبي انشِرَح

أنعم الله بيچ .. وجيتي بهالمساء
يا هلا بأم الأحِبَّه بكربلاء

٢ /

ما نريد اهلال .. نورچ بالسِّمه
ما نريد اهلال .. تكفي فاطمه

يالقُمر جَوَّاچ .. و انجوم السماء
يا هلا بأم الأحِبَّه بكربلاء

٣/

انتي يأم عبَّـاس .. دُرَّة والدچ
انتي يأم عبَّاس .. قُرَّة شيعتچ

يالتسندينا .. بكل شده ورخاء
يا هلا بأم الأحِبَّه بكربلاء

٤/

شقد نطيتي ادروس .. في معنى العشق
شقد نطيتي ادروس .. في الحُب عن صِدق

العاشق المولاه .. يحمل هالوفاء
يا هلا بأم الأحِبَّه بكربلاء

٥/

وقفه إلنا اوياچ .. في سابع رجب
وقفه إلنا اوياچ .. يالشُكرچ وِجب

والله يأم عبَّاس .. فزنا بهالعطاء
يا هلا بأم الأحِبَّه بكربلاء

٦/

نسألچ بالله .. عذري هالقصور
نسألچ بالله .. ونظري هالسرور

قلبي شاعر ليچ .. وردد هالنداء
يا هلا بأم الأحِبَّه بكربلاء .

🌸🌸🌸🌸🌸🌸🌸

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: على جاري العادة 💚
المناسبة: مولد السيدة أم البنين (ع)

١٤٤٥ هـ

▫️▫️▫️▫️▫️▫️▫️

المستهل /

على جاري العاده جيت أبارك لك
متبارك يَبو فاضل ابـ والدتك

١/

على جاري العاده بالفرح قاصد
مولد أمك ابَّـسماتي اُو رايد
أهنيك اُو أبارك لك يَبوفاضل
انظرني اُو چني بحضرتك قاعد

٢/

من زغري وأنا أحلم وأنا أتمنَّى
قلبك أسعده اُو قلبك افرحنَّه
بمولد أمك اُو إحيائي للميلاد
متيقن مُرادي وحلمي حققنَّـه

٣/

يالماخذ وفائك من وفا الدُّره
يا حُر إبن أمك فاطمه الحُرَّه
أحبكم آنه خادمكم تعرفوني
ما مرَّه عفتكم آنه ما مرَّه

٤/

هالليله نويت أحضر واطش چكليت
جيت الحفل بدري ؛ مايسعني البيت
أم عبَّاس متفضله على عمري!
ما أذكر طلبت الحُرَّه و انرديت

٥/

أهنيك اُو أهنِّي حسين بالمولد
و أزوره بالنيابه عنها من أقعد
عزيزة فاطمه ماحير شأهديها
زيارة بوعلي و مابيها متردد

٦/

قريت الفاتحه ليها ابوگت حيره
الكبيره المشكله لاقيتها ازغيره!
عجيبه أم البنين اُو هاي طيبتها
حنان السيِّده حيِّرني تفسيره

٧/

حنانك ماخِذه من أمك اُو قلبك
وفي وطبعه فِدائي ومنها دا طبعك
يَمحبوبي دعائك رِدت عيديتي
قُربها كل حياتي تكون وبقُربك.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: يا محمد الجواد 💚
المناسبة: مولد الإمام محمد الجواد (ع)

١٤٤٦ هـ

▫️▫️▫️▫️▫️▫️▫️

المستهل /

يا مُحمِّد الجواد .. يا مُحمَّد

١/

اعليك صلَّى قلبي يابو الهادي
هذي زينة مولدك بالوادي!
والفرح هالليله عالكل بادي
كلمن ايناديك "عطني امرادي"

انته يا باب المُراد .. يا مُحمَّد
يا مُحمَّد الجواد .. يا مٌحمَّد

٢/

يالجواد أنظر فؤادي اُو شوفه
تلقى يَمَّه الرُّوح إلك ملهوفه
اُو حاجتي تلقاها هَم معروفه
اتريد عيني مرقدك و اتشوفه

زايرك سجلني عاد .. يا مُحمَّد
يا مُحمَّد الجواد .. يا مُحمَّد

٣/

قلبي هايم بيك و ابَّغدادك
انته يا قُرُّة عيون أجدادك
الأبرك اعلى الشيعه الله رادك
سيِّدي للكل جَليَّه أمجادك!

خصَّك الله امن العباد .. يا مُحمَّد
يا مُحمَّد الجواد .. يا مٌحمَّد

٤/

ابيوم ميلادك أحير ابمشهد
بهجته اشقد بيك ساكن مشهد؟
علي بن موسى صُبح بومحمد!
عِيد صار اُو لأجلك الكل عيَّد

اسمه اصبح بوالجواد .. يا مُحمَّد
يا مٌحمَّد الجواد .. يا مُحمَّد.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: حُبَّه ساكنِّي 💚
المناسبة: مولد أمير المؤمنين الإمام علي (ع)

١٤٤١ هـ

▫️▫️▫️▫️▫️▫️▫️

المستهل /

ألف الحمِدلله علي .. حُبَّه ساكنِّي
قلبي ونبض قلبي إليدق .. ابذكره شاغلني


١ /

ألف الحمِدلله علي ساكن وسط عيني
آنه العِشقته امن الزغر وإلـ آخر اسنيني
ماقدروا ايفرقوا عَبس مابينه اُو بيني
بعيوني يكبر بالعكس كل ما يِعادون

لو يدروا فعلًا مَن علي لا مايلوموني!
هذا ابنْ ابوطالب يَهالــعالَم اِفهموني
هذا اِبن عم النبي هالساكن اعيوني
هذا يَهالناس ( النبأ ) إلـ بِيه تِشكُّون

والليله ليلة مولده .. وكلشي ايغنِّي
ألف الحمِدلله علي .. حُبَّه ساكنِّي

٢ /

هالليله محلاها اُو على ميلاده نتجَّمع
هلهوله يالله إلـ(علي) آذاني خل تسمع
ويَّـانا فاطم بالحفل؛ لازم لها نِـقـنَـع!
بيضوا الوجِه منكم أحد ماريد خجلان

و اللي هديه الليله رايد منَّا اُو يطمع
امن اعيوني بس خلِّيني منك (ياعلي) أسمع
إلفرحان هالليله إلعلي اعيوني إله أشلع
لو ماحَصَل له جائزه اُو لا يمضي زعلان

الليله ابفرحنا إلـ بعض .. خلُّوا انهنِّي
ألف الحمِدلله علي .. حُبَّه ساكنِّي

٣ /

يالشايل الحاجه المِسا مقضيَّه حاجاتك
مَتهون عالوالد ترى كل هاي كسراتك
شِدَّة أيامك غَـيِّبـت اعليه بسماتك
والليله حالك ناظِره ما بين لجموع

اِرفع ايديك ابحضرته وبأسمه بس نادي
حلفه ضمانه و اخبره اِبـ (فرحة الهادي)
ميلادك الليله (علي) هاذ أحلى أعيادي
امرادي رايد و اعلقِت مولايه لشموع

ياما نخيته بوالحسن .. اُو لا مَخيبني
ألف الحمِدلله علي .. حُبَّه ساكنِّي

٤ /

ها يا حبيبي يا علي والليله ميلادك
كل عام وآنه اِبمجلسك بارك لك اعيادك
آنه أحمد الله ابدربك امسيِّرني و اولادك
درب النجاة اُو أدري بالمحشر تجيني

للنار لو ودوني تصرخ (هذا اِيحبني..)
(بيضه الصحيفه يامَلَك؛ دا خادم إلـ اِبني)
لا الله يحرمني علي، اهوايه اتِحنن بي!
بيك الله قرَّر هالمِسا اِيقرلي عيني

بيك الله متحنن عليّ .. وعطفه غامرني
ألف الحمِدلله علي .. حُبَّه ساكنِّي.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▫️▫️▫️▫️▫️▫️▫️

🧷 طور القصيدة: ألف الصلاة اعلى النبي، للملا صالح الدرازي
https://youtu.be/QZsWj9W5-lA
.

📃 عنوان القصيدة: ادعيله 🏴
المناسبة: شهادة السيدة زينب (ع)

١٤٤٦ هـ

▪️▪️▪️▪️▪️▪️▪️

المستهل /

يزينب.. عندي حاجه قولي تم هالليله
يزينب.. قلبيَ ايزورچ قريب ادعيله

ضاق العمر
بس هالأمر
ادعيله..

١/

ادعي لقلبي هالمِسه يابت الأطياب
والله لفرقاچ القلب من الأسى ذاب
والله آنه ميِّت بالهجر والدمعه سچاب
والله أموت وأقصدچ زاير على الباب!

يزينب.. ضاع عمري وآنه أدعي (ازياره)
يزينب.. كون هالليله تدزي (ابشاره)

ضاق العمر
بس هالأمر
ادعيله..

٢/

شاهد عذابي للزياره كلشي بيَّه
يشهد حنيني للصحن كل مغربيَّه
يشهد دعائي كل وگت برفعة اديَّه
يشهد بُكائي اليعتلي وسط العزيَّه

يزينب.. يشهد الله وأهل لرداء اليماني
يزينب.. قلبي مو متحمل افراق ويعاني

ضاق العمر
بس هالأمر
ادعيله..

٣/

ادعيلي يا زينب أوصِّل باب صحنچ
ودِّي أطب ذاك الصحن وأبچي لحزنچ
ودِّي أزيح استار باب الحضره يمچ
ودِّي أموت امن البچي بشبَّاك قبرچ

يزينب.. ودِّي وديني أزورچ يالحبيبه
يزينب.. ادعي اتوفق إلى ازياره قريبه

ضاق العمر
بس هالأمر
ادعيله..

٤/

وحق الصبر يم الصبر موجوع قلبي
يوجعني دربي المنغلق يوجعني دربي
يوجعني توديع الخلق ليزوروا قربي!
يوجعني ليش آنه كتبلي القعده ربي؟!

يزينب.. (دعوه) منچ تنهي كل آلامي
يزينب.. وتطفي نار الفرقه في أيامي

ضاق العمر
بس هالأمر
ادعيله..

٥/

كل داخلي لچ يحترق لمَّن أذكرچ
مولاتي زينب بالهضيمه عشتي عمرچ
مولاتي زينب ليش بالشامات قبرچ؟
مولاتي زينب يكسر الأطواد كسرچ

يزينب.. ليت جازت صبرچ الدنيا بدفنتچ
يزينب.. وبالمدينه يم رسول الله قصدتچ

ضاق العمر
بس هالأمر
ادعيله.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: الفرج بايدچ (توسل) 🏴
المناسبة: شهادة السيدة زينب (ع)

١٤٤١ هـ

▪️▪️▪️▪️▪️▪️▪️

المستهل /

أمد كلتا اليَدين .. إلى اِخت الحُسين
وانادي ابكسره يا بنت الزچيَّه


١/
بدايات الكلامْ .. على الأُم السَّلامْ
سلام الله على الحوره الأبيَّه

السَّلامْ اِعلى الجَلال .. السَّلامْ اِعلى الكَمال
سلام الله على الدُرَّه النقيَّه

٢/
مع الحُب والهَيام .. أيا بنت الإمام
أبث لچ رايد الحزن اللي بيَّه

إلچ شَحچي اُو شَقول .. يَمولاتي يطُول
أتوق اِلـ نظرتِچ مِنِّي عليَّه

٣/
يَزينب بت علي .. وحَق ذاكَ الولي
وحق المرمي فوقاها الوطيَّه

اِجيتچ مِبتلي .. دِفرجيها إلي
أحلفچ بِـ اللي تحت الأعوجيَّه

٤/
هُمومي اِشكثُر .. أَدُور اِلـ كِل كِتُر
وَلَكن مالي غير الهاشميَّه

الفرج بِاْيدِچ غِده .. يَرُوحي السيَّده
أمل غيثچ يِهل قبل المنيَّه

٥/
أتاني جَيَّتِچ .. أناطِر رحمتِچ
يَمولاتي يَزينب صِدِّي ليَّه

العُمُر ينعاف إذا .. يظل دومه أذاه
يَتِرياق القلِب مِسحي عليَّه!

٦/
وإذا ليلي يجن .. مَيغمضلي جِفن
أقابل صورة القُبَّه السَنيَّه

إلِچ والله أحِن .. اُو لخطوه بِالصَّحِن
يَـ يُمَّه ازيارتِچ أرجو عطيَّه

٧/
اُو نِهاية الحچي .. أظل دوم اِبَّچي
دعيت الله فلا يوقف مسيَّه

دمِع مقبول أريد .. أيا اِخت الشَّهيد
ينوِّرلي القبر و ايصير ضيَّه.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: أزور حسين، للسيد طاهر مكي والملا محمد بوجبارة
https://youtu.be/_iUt26ipQYE?si=7Wvodnq2dnoSqcS9

📃 عنوان القصيدة: أبو السجدة الطويلة 🏴
المناسبة: شهادة الإمام الكاظم (ع)

١٤٤٥ هـ

▪️▪️▪️▪️▪️▪️▪️

المستهل /

افرشِت سجادة الوالد
اُو دمع عيني اسيله
اقول إلها يجي باچر
أبو السجده الطويله

دعائي رب لأرباب .. ترد اعليَّه لأحباب
أبو السجده الطويله

١/

افرشِت سجادة الكاظم اُو مِسحت اغبار فرقاه
يقولوا الجُمعه يلفينا اُو يمحي عنَّا كل آه
دمع عيني وِقع منِّي اُو قلبي مدري شالجاه
مُصلَّى ابكربله اذكرته اُو خِفت من هاي ذكراه

رقيه فرشت الـ بوها
اُو ظلَّت تنتظر حيل
وأبوها اعلى التُرب واقع
تدوسه احوافر الخيل

بألم واحساس طفله .. شِعرت اُو ما احِمله!
ولا أقدر أشيله

٢/

خِفت من كسرة الدنيا التي كِسرت رقيه
اُو دُعائي ما يرد بويه ابطشت راسه إليِّه
ابجسر بغداد بوقف له اُو على قلبي اِديِّه
اشوگت يطلع لي الكاظم اتاني هالمسيِّه

اشكثر دمعي وقع منِّي
ابـ سنين الـ فارقيته
بعد دمعه وبقى باچر
اُو يرد الغالي بيته

فلا توقع لي دمعه .. وداعي بهاي جُمعه
فلا دمعي اسيله

٣/

انحنيت آنه ابمصلاته اُو دعيت الله بسجودي
صِحت يا أحلى أيامي ابحِضن أحبابي عودي
بعد هالليله يا روحي.. اِصبري اُولا تجودي!
يعود الـ يقلب الدنيا لجل تبقى اعلى مودي

بأْلف ويلاه من بالي
رُقيَّه باعدتها
وأنا بهذا الوضع لنِّي
أحس روحي اِختها!

خِفت من عقب صبري .. يعظموا ليَّه أجري
مثل ذيچ العليله!

٤/

بنات احسين من بالي فلا يرحن صورهم
اللقاء الچانو اينطروه لقاءْ خَذ من عمرهم
صعيبه ايعاودوا ميتين غوالي التنتظرهم
ولا يلفوا على الموعد، بـ ألم يلفوا قبرهم!

صعب تتنطر الفرحه
اُو تلاقيها مدامع!
صعب من ايدك ايسافر
الذي تعتقده راجع

إلهي ابحالي ناظر .. ولا تخفى المشاعر
في هالليله الثقيله

٥/

أخيراً أشرق الجُمعه و أبو محمَّد اجاني
الوگت نتلاقى بالغالي وإله ورده نطاني
لفينا و الأمل بالله الجسر موسى نتاني
تلاقينا اُو صبحنا أيتام اُو سوَّاها زماني

الذي من قيده يتخلَّص
خَلَص عمره ابقيوده!
نعش والدنا بس ألفى
جنود أربع تقوده

ألِف آه اُو حسافه .. على جسر الرصافه
أبو السجده الطويله.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: كمِّل دلالي 🏴
المناسبة: شهادة الإمام الكاظم (ع)

▪️▪️▪️▪️▪️▪️▪️

لاوين رايح يالأبو؟ كمِّل دلالي!
منتظرتك آنه چِنِت كل الليالي
قالوا تعود الجُمعه يا أغلى الغوالي
ظلِّيت أعد حتى الثواني الهالمسيِّه

لاوين رايح عنِّي ومكرر رحيلك؟؟
منتظرتك چم عام أنا بويه دخيلك!
مو حلوه ارد ابفرحتي! فچ ليَّه عينك
مشتاقه لك يا بويه ما مشتاق ليَّه؟

رتَّبت إلك دارك اُو ظنِّي ليها بتعود
ما فد خطرلي عالجسر ألقاك ممدود
ابعيني أشوفك ميِّت وبيدينك اقيود
كسره في قلبي و الزمن سوَّاها بيِّه.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: ياموسى بن جعفر (توسل) 🏴
المناسبة: شهادة الإمام الكاظم (ع)

١٤٤٣ هـ

▪️▪️▪️▪️▪️▪️▪️

المستهل /

يا موسى اْبْنَ جعفر
جيتك وآنه مضطر
كل آمالي تقدر
اتْحِل انته قضيتي

١ /

جيت مسكين اعلى بابك .. رِدِت من عندك مرام
يا سلام الله اعلى قلبك .. قلبي بس طالب (سلام)
آنه اِلنَّاخِي ابمحنتي .. چم إمام اُو چم إمام
النار طفَّتها دموعي .. والصَمِت باق الكلام

الـ هالليله ومِحنتي
ما مِسْحَت دمعتي
وما ردَّت چِلِمْتِي
الباقاها سكوتي 

٢ /

ايدي بابك دَقِّته الساع .. ودَقَّت الباب الصحيح
انته يالسجن ابوجودك .. حتى هو حلو ومريح
كثرت اعليَّه البلايا .. وعايش ابقلبي الجريح
طفل وبلهفاته لأمه .. كون أشبقك وأستريح

يالكاظم أريدك
تمسح قلبي بيدك
بحق الرضا اوليدك
تنظر في بليتي

٣ /

ما أقول الحاجه تدري .. انته بيها ياحنين
ما أقول اتحلها ليَّه .. ويوصلك منها الأنين
ما أقول الرُّوح ميته .. وانته تنعشها يقين
وما أقول اهواي طالت .. والصبر للمؤمنين

أدعي وكلِّي إيمان
تدري شمنَّه حزنان
بفضلك آنه ربيان
وادري اتْحِل قضيتي

٤ /

المُّضطر الـ أمَّن يُجيبه .. راعي أصل الإضطرار
باسمه أقسم وبظروفه .. وعينه إلـ كلها حَمَار
-اِيْعَجِّل الله في ظهوره- .. موسى صحِّح لي المسار
خلني من أعداد جيشه .. من يقولوا المهدي ثار

المولى الفاقدينه
من عملة ايدينه
كون اشفع إلينا
وعدِّل ليَّه نيتي

٥ /

يَبن جعفر ادخيل أرجاك .. هالتوسل مايضيع
كل دمع طاح ابچفوفي .. وكل ألم ليَّه فجيع
موسى يا باب الحوائج .. جمعتهن لك جميع
ضاق صدري ياللي قلبك .. اشكثر مولايه وسيع

ضايع آنه محتار
"بِشْر" ابْحَضْرِتك مار
أبچي ابلا حچي ونار
تحرق بيِّه ريتي.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: بلا عمامة، للملا محمد بوجبارة
https://youtu.be/qFZfISyADwo
.

عنوان النعي: أخلصك من قيودك 🏴
المناسبة: شهادة الإمام الكاظم (ع)

١٤٤٦ هـ

▪️▪️▪️▪️▪️▪️▪️

اِجيتك يالذي ماجيت إليه
أشيلك وأدفنك بويه بيديه
أخلصك من قيودك و الرزيه
وأنال أوداعك الما نلته حسره

أنا المشتاق إلك كل هذا عمري
(علي) الكبران بغيابك يذخري
د ناولني صبر؛ متعوب صبري
اُو فقدك يالأبو في قلبي جمره

يحسرة روحي مافكوه قيدك
نزل أمر القضى ومغلوله ايدك
أريدك تحتضن روحي أريدك
وتشد ليَّه القلب و اتعظُّم أجره

يبويه (عادة الميت) مهي لك
(عوايد كربلا) وسفه نصيبك
غريب اُو شابهت حالة غريبك
حرام اعلى الجرح محكوم يبرى.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: يا حبيبي يا حسين 💚
المناسبة: مولد الإمام الحسين (ع)

١٤٤٤ هـ

▫️▫️▫️▫️▫️▫️▫️


المستهل /

عندي أغلى چلمتين ، يا حبيبي يا حُسين
يا حبيبي .. ياحبيبي .. ياحبيبي .. ياحبيبي

١/

جيتك المحفل أريدك تنظر ابعيني الفرح
يالذي في طول عامي اسمه عني مابرح

وردي شايل بالايدين ، يا حبيبي يا حُسين
ياحبيبي .. ياحبيبي .. ياحبيبي .. ياحبيبي

٢/

من يمر طاريَّه شهرك ينبت بقلبي السرور
ريحة الجنة أشمها مو فقط ريح العطور

أحلى من كل ياسمين ، يا حبيبي يا حُسين
ياحبيبي .. ياحبيبي .. ياحبيبي .. ياحبيبي

٣/

غير حُبك آنه شأملك لله اقدمه من عمل؟
خل تلوم الناس بيَّه ( آنه مجنونك أظل )

لا أحيد اُو لا ألين ، يا حبيبي يا حُسين
ياحبيبي .. ياحبيبي .. ياحبيبي .. ياحبيبي

٤/

انته يا مولد عجيب اُو بيك فرحانه المله
كل أراضي الدنيا سِعدت بالأخصاً (كربله)

البيها أحلى مرقدين ، يا حبيبي يا حُسين
ياحبيبي .. ياحبيبي .. ياحبيبي .. ياحبيبي

٥/

يا كثير الشوق بيَّه الكربله اُو ذيچ الأرض
آنه من زود المحبَّه بعيني لزياره (فرض)

و لو مرَّه بالسنين ، يا حبيبي يا حُسين
ياحبيبي .. ياحبيبي .. ياحبيبي .. ياحبيبي

٦/

كل كسر الله يجبره الليله لأجل اولادتك
ياحُسين الخادم آنه لك وأظل ابحاجتك

زايد اعليَّه الحنين ، يا حبيبي يا حُسين
ياحبيبي .. ياحبيبي .. ياحبيبي .. ياحبيبي

٧/

من (القطيف) أبعث تهاني الحضرة الزهرا وعلي
وأدعي و أطلب من لطفهم (أبقى خادم هالولي)

وتبقى أغلى چلمتين ، يا حبيبي يا حُسين
ياحبيبي.. ياحبيبي.. ياحبيبي.. ياحبيبي.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▫️▫️▫️▫️▫️▫️▫️

🎙 القصيدة بصوت: الرادود عبدالله فاران
https://youtu.be/tP4IpkW9TJs?si=iSaUjIO18jq3iICY
.

📃 عنوان القصيدة: سيدي العباس 💚
المناسبة: مولد أبو الفضل العباس (ع)

١٤٤٥ هـ
▫️▫️▫️▫️▫️▫️▫️

المستهل/

كل عام وانته سيِّدي.. وآنه ابخيرك

١/

اهلاً وسهلاً (سيِّدي العبَّاس) يا اهلا
يا أسعد الله خاطري بذكراك واتعلَّى
يا عيد قلبي وعيدك ابدلَّالي الأغلى
يا شهقة أنفاسي صِرِت بِمْچَانِ لَأنْفَاس

تأذن في هالليله أجدد (سيِّدي) حُبِّي؟
انته ( قُمر بن هاشم ) المتربِّع ابـ قلبي
انته ملاذي وقائدي والقدوه في دربي
كل الشرف مولاي ( أبوفاضل العبَّاس )

٢/

عالرَّاس ليلة مولدك ( عبَّاس ) أخليها
حُباً إلك - غصباً عليّ - هالرُّوح أداويها
وجروح قلبي انته اصلاً هاللي تمحيها
كافل حياتي بطيبتك وأفضالك اهواي

ابوگت الشدايد توقف ابصفَّاي يا وقفه
بس انته توقفها ( يبو الحنيَّه والرأفه )
وانته اللي تعلم بالقلب والخاطر اتعرفه
جاعلني حي انته ترى مو شربة الماي!

٣/

(أم البنين) أمك وأبوك (المرتضى) الأنزع
باب الحوائج مو عجب (عبَّاسهم) تطلع
لأمك ( ثواب الفاتحه ) نهديها لو أسرع..
ردنا الحوائج تنقضي بمجلس نذر ليك

( نعمة وجودك والشكر ) لن جابتك أمك
مو بس (علي) قدَّرها من أحنالك ايضمك
آنه احمد الله بس لأن (عرَّفني اباسمك!)
أعرف فلا أوفي إلهي ( شكراً ) اعليك

٤/

بأفراح ميلادك وحق ( دار اللي نوَّرته )
اُو (ثغر العقيله) ابجيِّتك عبَّاس بسَّمته
(قلبي) فلا يلفي له باچر ( إلا فرَّحته )
عيدية الميلاد ( منَّك ) رايد اتكون

( أدعيلي يالعبَّاس ) واقبل أخدمك عمري
شيِّبني عالحُب هاللي شب مولاي من صغري
كل عام وانته سيِّدي ومذخوري اُو ذخري
اُو كل عام وآنه خادمك يا نور لعيون.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▫️▫️▫️▫️▫️▫️▫️

🧷 طور القصيدة: ألف الصلاة اعلى النبي، للملا صالح الدرازي
https://youtu.be/QZsWj9W5-lA

.