فرحنا.. فرحنا

تِوالى بهالشهر هذا فرحنا
يشعبان الهنا وجوهر فرحنا
احتفلنا بثالث و رابع فـ رِحنا
لخامس ليله منَّك هالمسيَّه 💚

✍🏻 خادمة ولي النعمة

أسعد الله أيامكم بمولد #زين_العباد (ع)  🍃

📃 عنوان القصيدة: عالعهد 💚
المناسبة: مولد الإمام المهدي (عج)

١٤٤٥ هـ

▫️▫️▫️▫️▫️▫️▫️

المستهل /

عالعهد .. انظر مُحبيك
والوعد .. نبقى نتانيك
يا مهدي .. يا مهدي

١/

عالعهد جينا ..
محفل الميلاد متمنيين بس نظره
ها يمهدينا ..
تدري بالشوق المسيَّه بينا يا كبره
كل قلب بينا ..
أسعدالله أيامه بك ياضنوة الزهره
وكل أمانينا ..
يمتى وياك المسيَّه نحيي هالذكرى

بالحفل .. يا ليت نلقاك
والشمِل .. انلمَّه ويَّاك
يا مهدي .. يا مهدي

٢/
منتصف شعبان ..
بيوم ميلادك يمهدي (قرَّت الأعين)
صار قرقيعان ..
وكل شوارعنا الفرح كاسيها و مبيِّن
ياعظيم الشآن ..
اِلبلد كله اعلى حُبك شوف متزيِّن
امشرَّعه البيبان ..
والمضايف فيك حُباً تلقى يَحنيِّن

المُهم .. نفرح أمامك
والأهم .. نحفظ مقامك
يا مهدي .. يا مهدي

٣/

سيِّدي انظر ..
(ليلة النص) احنا عدنا (ليله قُدسيَّه)
مجلسك نحضر ..
و (الولاده) نستمعها بـ (أقصى وديِّه)
بالفرح نِكثُر ..
لچن (ما قلبك نزعله!) بل ( نِراضيَّه )
بلكي بينا اتمُر..
و القلب يرتاح ؛ ( لن مرتاح مهديَّه )

نعجبك .. نفرح بالحدود
وندري بك .. ويَّانا موجود 
يا مهدي .. يا مهدي

٤/

انجدد البيعه ..
يا إمام الرُّوح، باقي الآل والسَّاده
كلنا لك شيعه ..
وبغيابك وبحضورك ليك لسياده
أمرك انطيعه ..
وننتظر يمتى ظهورك يلفي ميعاده
عيدك انذيعه ..
والأماني انذيع لأحمد وآله أعياده

ينتظر .. وآله البشاره:
المُنتظر .. انهى انتظاره
يا مهدي .. يا مهدي.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: بوح الزهراء 🏴
المناسبة: وفاة السيدة خديجة (عليها السلام)

١٤٤٥ هـ

▪️▪️▪️▪️▪️▪️▪️

خلِّي عليچ الله القبر مفتوح إلي
مقدر بلا أكفان أخلِّي امدلِّلي..!

يا يُمَّه من أيام عمري خل أنوح
خل اشتكيلچ يابعد عيني وأبوح
انتي تموتي وتلتم ابقلبي الجروح
ضميني يا يُمَّه قبل لا ترحلي

وشلون يعني احسين ماعنده كفن؟!
وشلون عاري يظل ابن أم الحسن؟!
بتراب يبقى اُو يوم ثالث يندفن!!
بضعة مُحمَّد هذا بن حيدر علي

ضمدي عليچ الله الجروح القادمه
لا ترحلي من دون (ضمَّة فاطمه )
ضميني من قبل الكسر يالعالمه
ابحالي عقب مايرحل الغالي الولي

لا ترحلي عنِّي وأنا متحسره هيچ!
كل شي اِعِمْلِيه المسى الله عليچ
ضلعي اللي يتكسر اِمِسْحِيه ابإيديچ
وقبلة زفافي اليوم قدميها إلي

حطي ايديچ اعلى القلب يا نبضته
سكني يـ يُمَّه من افراقچ وحشته
وانطيني من قلبچ صموده اُو قوَّته
ياروح روحي الغاليه ويا كل هلي

ويا يُمَّه من الزهرا هذا آخر رجاء..
رفعي ايديچ اُو لا تحرميني الدعاء
دعوه من الأم بس تهوِّن كربلاء!
لا ترحلي يا يُمه اُو ما تدعي لي.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور النعي: قالت شربت الماي، الشيخ علي الجفيري
https://youtu.be/DAGHrMPtezQ?si=Jgi6CgbxZTYGj3nX
.

📃 عنوان القصيدة: حنان الدنيا 🏴
المناسبة: وفاة السيدة خديجة (عليها السلام )

١٤٤٤ هـ

▪️▪️▪️▪️▪️▪️▪️

المستهل /

حنان الدنيا يأمي .. منو بعدچ يضمني؟
إذا وجعتني اسنيني .. ابدارچ يُمَّه تلقيني
حنان الدنيا يأمي

١/

خديجه يا حنان الدنيا و البيها
زغيره ابنيَّتچ هالقد تعوفيها !
شيظل آنه بحياتي وَأْسَف اعليها
البدايتها رحيلچ شنهو تاليها؟!

إذا رحتي المسيَّه .. وإذا عفتي اِديَّه
إذا رحتي وتركتيني .. ابدارچ يُمَّه تلقيني
حنان الدنيا يأمي

٢/

شيظل ببنيَّه راحت من وگت أمها؟
يظل كل شي يَيُمَّه يجيها يهضمها
(يتيمه) چلمه بلساني ردت ضمها
لچن اسأل ضروري منهو ليضمها؟

عزاچ آنه من اقيمه .. صِرت يعني يتيمه
ولا يمِّي اليواسيني  .. ابدارچ يُمَّه تلقيني
حنان الدنيا يأمي

٣/

شدَّي احزام صبري يُمَّه بيدينچ
قبل ماترحلي وماتغمضي عينچ
قبل ملفى العتب مابيني وبينچ:
(يا أم فاطِمه عن فاطِمه وينچ؟)

برحيلچ يبدا همِّي .. وحيده ومنهو يمِّي؟
لوَن ردتي تدوريني .. ابدارچ يُمَّه تلقيني
حنان الدنيا يأمي

٤/

يَمن مثلچ حنونه ماجرى ولا چان
نزل جبريل جايب للنبي لاچفان
ولا واحد يَـ يُمَّه چان للعطشان!
يقولوا ابني يظل امترَّب وعريان

بعد هذي المسيِّه .. فلا تهدا الزچيه
كلمن يندا لي (ويني) .. ابدارچ يُمَّه تلقيني
حنان الدنيا يأمي.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: فقد الأم 🏴
المناسبة: وفاة السيدة خديجة (عليها السلام)

١٤٤٥ هـ

▪️▪️▪️▪️▪️▪️▪️

المستهل /

عمري الفقد باقه
مشتاقه مشتاقه

١/

ما قلبي يرتاح ولا شي يطفي النار
من قال ابويه خديجه أمي ماتت
لا أغفى بالليل ولا أنساها بانهار 
كسرة ضلوعي أحس هالليله بانت

ويلاه يـ فقد الأم كاسرني كسره
أقسم فلا -والله- محتاجه عصره!
مكسوره من لوداع ويَّا الوصيَّه..
متروسه دمع اُو آه، متروسه حسره

ألقاها من موت أمي لو طاريها لأخبار ؟
ما ادري بس ادري القلب من هسه محتار
من هسه محتار..

٢/

الفاقد اعزاز شنو الـ يُبقى ابحياته؟
حتى يقولوا ( البقيَّه في حياتك )!
بالذكرى مذبوح ولا ليل الـ يباته..
أصدق يقولوا ( البقيَّه ابذكرياتك )

أذكرها كل لحظه وكل مغربيَّه!
ياربي لطفك حيل تصعب عليَّه
بروحي ألِم والليل يرجع يطشها..
واتحسَّر اعلى أمي في كل مسيَّه 

لسَّه صغيره اعلى اليتم يا يُمَّه والنوح
قدَّامي باقي اشكم سنه وبدونچ اتروح!
وبدونچ اتروح..

٣/

مسحت بيديها على راسي ولا أنسى
اُو صاحت: ( مُحمَّد هالبنيَّه أمانه )
و اتغيَّر ابوجه ابويه اللون احسه
خففت الهموم اُو حچيت ابداله آنه

يُمَّه لو اتريدين بنتچ سليمه
لا تتركي الزهراء تصبح يتيمه!
لا توصي عالوالد هم ماهو موجود..
وگت التشب الدار وگت الجريمه

يا يُمَّه ضلعي ينكسر من دفعة الباب
حامل في محسن والأسف يسقط بالأعتاب
يسقط بالأعتاب..

٤/

قبل (أمي) متموت ندت بيَّه: تعالي
وأمَّلت العيون (بعد كل أهلي) طابت
ومن أصعب الصار ولا فارق لي بالي
مِسْتَحْيَه و احرام ابويه منِّي رادت

في خامس اسنيني وبتها وتقلِّي..!
من عودچ ابقبري خل شي يحطلي!!
اتلوَّعت ألَم بعدين عذَّرت أمرها..
لمَّن جبت زينب اُو ساعة اوصِّي

؛ انچان أمي ما دارت خبر موتتها ليَّه
قلت آنه كل اخوتها بيموتوا ابمسيَّه!!
ايموتوا ابمسيَّه..

٥/

ما چان هالليل (فقد أم) وفقط هاي
يا للأسف چان ( فقد كل الحبايب! )
بس خمسة أكفان نزل بيها الملَك جاي
وخبروني لحسين يظل اعلى الترايب 

يكفي وخلاص اهناه خلصت حياتي
؛ ما له كفن ( ابني ) تعبي اُو رُباتي!!
كل شي فقدته اليوم ويَّا الحنينه..
روح اُو بلا أي روح انطر مماتي

ظلَّت أحاديث الألم كل عمري وياي
وأتذكر أمي كل وگت أنظر إلى ارباي
أنظر إلى ارباي.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: بشرني يحسين، سيد فاقد الموسوي
https://youtu.be/jC0v44kysnA?si=3NfAwxfNdzOdFUss
.

عنوان النعي (توسل) : دوا روحي 🏴
المناسبة: وفاة السيدة خديجة (عليها السلام)

١٤٤٥ هـ

▪️▪️▪️▪️▪️▪️▪️

حنانـچ ماكو بالدنيا مثيله
اكيداً تنهي لهموم الثقيله..

يَرُوح المصطفى ونسمة حياته
يَقلب المصطفى وصبره وثباته
خَذِت همي واجيتچ يالجليله

أريد أرتاح بالمجلس ولا أْطلع
وما دون الحوائج خالي أرجع
دوا روحي أحس ابهاي ليله

رفعت اِيدي يقيناً بالإجابه؛
سلام الله إلچ جبريل جابه!!
مقامچ عالي عنده يالفضيله

بـ اسم جيتچ أحلفچ هالمسيَّه
( الزچيه والزچيه والزچيه )
و اكيداً تنهي لهموم الثقيله.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: بويه 🏴
المناسبة: شهادة الإمام علي (عليه السلام)

١٤٤٠ هـ

▪️▪️▪️▪️▪️▪️▪️


المستهل/

بويه .. ابلايا الأبو اتضيع البنِت .. بويه
منهو إليه لو مِتت ؟ .. بويه
آني الأميره وچَن ضِعت .. بويه


١/
آنه زينب يا أبوي الداحي خيبر
ياهي عِجبه وارجَعِت امحمَّل يَحيدر!
انتِفض قلبي امن اطلَعِت بس قِلت لا شر
لـچـن مـارحـمـونـي بـيـك اللهُ أكــبـر

ضربوك .. يا دافي لأحضان اُو غدر .. ضربوك
ابلايا ضمير ابهالشهر .. ضربوك
ومدري تِردلي لو رِحت .. بويه


٢/
يا حنان الوالد اُو حُبه لبنته
ويا حنانك ياعلي الخوفي فقدته
تدري اِخذوا منِّي أمي وآنه طفله
و دِفُو صدر الوالده بيك آنه شفته

صدرك .. البيه ألوذ امن المِحن .. صدرك
بِيه چنت أشوف أم الحسن .. صدرك
كافي من أمي اتيتمِّت .. بويه


٣/
الفطور ابكل مسا انته بسِمته
والفطور ابهالمسا ماهو ابطعمته
امچانك الخالي ابأسف بويه نظرته
ولن اشوف احسين يبچي يَمَّه سكته

نفطر .. مو حلوه بعدك يالولي .. نفطر
خالي مُكانك يا علي .. ونفطِر؟!
ظل الدمع منا يكِت .. بويه


٤/
كلها أيام اُو يجي العيد ابهِلاله
ما أريد العيد وانته ابلا عِمامه
حسبي الله اعلى النِوو انعيِّد يتامه
ماكو عيد اُو من علي ماكو ابتِسامه

شِالعيد .. ابلايا أبويه او طَلِّته .. شِالعيد؟!
يا قلبي اِنته وبهجِته .. شِالعيد
قوم ابسلامه لن حرِت .. بويه

٥/
بويه يخنقني الفِكر اُو عني تِرحل
منهو من بعدك إلي؟ خليني اسأل
وآنه أختصر الجواب واحچيه مُجمل
من حنان الأب لبنته ماكو أجمل

زينب .. مكتوب إلي الحزن اُو انه .. زينب
ابعيد الله تِغدي اميتَّمه .. زينب
آني المُصايب صاحبِت .. بويه


٦/
ريت راسي المنطبر اُولا هوَّ راسك
وترجع إلـ أم البنين اُو جملة اولادك
وماشِفت بالدم انا اتخضَّب جمالك
اُولا يجيني العيد وآنه امسَوِدَه لك 

بويه .. انته الينادوك ابشِدد .. بويه
أرزقني لغيابك مدد .. بويه
أذكرني لو عني ارحلِت .. بويه.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: بالطف لا تخليني 🏴
المناسبة: شهادة أمير المؤمنين (عليه السلام)

١٤٤٤ هـ

▪️▪️▪️▪️▪️▪️▪️

مثل ما حلَّفِّت أمي.. وقِلِت عاشر اِحضريني
احلفك هسَّه يا بويه.. بالطَّف لا تِخلِّيني

يوم العاشر احضرني.. لا تتركني ذاك اليوم
يوم احسين عالتربان.. عليه تِنْدَك سيوف القوم
يوم "أدركني" اتنخاه.. وما يقدر إليَّه يقوم
هذا يوم وعقبه يوم.. لازم بويه اتجيني!

بليل الوحشه ياحيدر.. قبل من جلسه اْصلِّي الليل
تعال اِجمع إلي الأيتام.. والله مايظل لي حيل
تعبنِّي الركض والشوف.. احسين اتدوسه چمٍ خيل
بذيچ الليله تعبانه.. و تبقى اتدوِّرك عيني.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان القصيدة: امسح الجرح 🏴
المناسبة: شهادة أمير المؤمنين (عليه السلام)

١٤٤٦ هـ

يُقال أن الإمام علي عليه السلام قد تلقَّى ضربة على رأسه في أحد الحروب مع النبي الأكرم صلوات الله عليه وآله، ونزف كثيراً حتى ذهب بجرحه للنبي فأخذ تراباً ومسح بهِ رأسه فطاب.
وقد كرَّر ذلك بجرحه الذي تلقَّاه -بعد رحيل النبي- من ابن ملجم فلم يطب...

▪️▪️▪️▪️▪️▪️▪️

المستهل /

يا رسول الله دِمه راسي يخر
وينك اتداويه مثل أُولى العمر
منجسم راسي لچن بي ما تمر
يا رسول الله.. يا رسول الله

١/

يا رسول الله طُبر راسي الشقي
ما سمعته امن السما صوت النعي؟
وآنه ساجد لـ الله سل سيفه الدعي
في شهر رمضان خطط مصرعي

امجهز أعماله ليالي هالقدر
قربةً للشهوه راسي ينطبر
حسبيَ اللهُ وللهِ الأمر
يا رسول الله.. يا رسول الله

٢/

تدري بأول شي ذكرته هالصبح؟
مسحتك بتراب راسي المنجرح
يا رسول الله عليّ ضاق الشرح
وجرحي مايبرى عقب عينك يلح

بالحرب من ضربوا الراسي اجيت
بيدك امسحته إلي و آنه بُريت
بهذا حالي والألم ليك اذكريت
يا رسول الله.. يا رسول الله

٣/

آنه متلِّهف من الدنيا أروح
لچن حيل اعليَّه زادتلي الجروح
من شِفت زينب اِجت يمِّي تنوح
ردت بتراب امسح الجرح اُو يروح!!

يالنبي أمسَح صِرت بس ما يفيد!
رد تعال امسحلي بترابك و عِيد
بنتي لا تبچي عليّ والجاي عيد
يا رسول الله.. يا رسول الله

٤/

لوَن صعبه اتداوي جرحي يمنتك
جيب ليَّه الليله يمِّي ابنيَّتك
غيبة الزهراء عنِّي اُو غيبتك
وحدِّي خلتني غريب ابـ أُمِّتك

رحتوا عنِّي يا أعز ناسي إلي
وما دريتوا اشصار في حالة علي
وسط جهل الناس آنه مبتلي
يا رسول الله.. يا رسول الله

٥/

تكفي (صفِّين) ابتعب قلبي تقول
يكفي كل ظلم اللقيته وكل خذول
يكفي شدِّي بالحبل اُو عصر البتول
أرحل اعلى الناس شايل يالرسول

الله يبدلني بهم خيراً دعيت
والله يبدلهم بني شراً حچيت
حقي مغصوب ابجهلهم وابتليت
يا رسول الله.. يا رسول الله.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: حضور الزهراء 🏴
المناسبة: شهادة الإمام علي (عليه السلام)

١٤٤١ هـ

▪️▪️▪️▪️▪️▪️▪️

جيتك حبيبي .. جيتك حليلي .. جيتك خليلي
ومشتاقه اْشوفك
اشسوَّت طبرتك .. ويلي طِرحتك .. مآلوم خلتك
وتجري دمومك
ليتنَّه راسي .. وآنه الـ أقاسي .. يا أغلى ناسي
افدا جروحك
خانوك ناسك؟ .. أذوه حالك؟ .. وطبروا جمالك؟
ابغمدة سيوفك؟!
هانت يَعمري .. الليله انته كتري .. مشتاقه تدري
شقد إلعيونك
اِستعجل عليَّه .. اُو وْدع البقيَّه .. الْشمل المسيِّه
انلمَّه ابقدومك.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: يمِّي تجمعوا يا ريت 🏴
المناسبة: شهادة الحمزة ( عليه السلام )

* وقفة بلسان الحال للسيدة زينب بعد رؤية السيدة الصفية لأخيها الحمزة شهيداً (عليهم السلام)

١٤٤٥ هـ

▪️▪️▪️▪️▪️▪️▪️

أنا اتمنيت يا شيعه بالطف هذي القعده
يجي يمِّي رسول الله ويغطِّي حسينه بالبُرده
يجي حيدر يواسيني وتِجي اْمَّهْ فاطمه اتسنده
يمي اتجمعوا ياريت يوم العاشر ابعاشور

أنا اتمنيت يا شيعه هالأطياب حضروني
اشوف حسين واحواله چان امحال ايخلوني
أنا اتمنيت بالأحضان عَنِ اْلمَنحر يبعدوني
مايبعدني الذبَّاح وسيفه بالدماء ايفور

أنا اتمنيت يا شيعه رسول الله يجي ايغطيه
عاري بالشمس لحسين شلون ابحاله ايخليه!
چا ما منِّي شلت اقناع بالحسره ووضعته اعليه
زينب آنه اخت حسين وقلبي لهالمسه مكسور.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: اصبر يموسى بكُربتك 🏴
المناسبة: شهادة الإمام الصادق (عليه السلام)

١٤٤٣ هـ

▪️▪️▪️▪️▪️▪️▪️

يَبني تِصَبَّر عالبله
ياكاظم اُو بَعدي عَنَه
اِذكر مصايب كربله
واصبر يموسى ابكُربتك

بعدي يلزمك كل حزن
بعدي زمانك ما يحِن
بعدي حبيبي تنسجن
واصبر يموسى ابكُربتك

ابطاموره مابيها نفَس
لازم يموسى تنحبَس
ما ينوقف لا ينجلَس
واصبر يموسى ابكُربتك

لو قيدك ايدك اوجعه
اتذَّكر هذيك الجامعه
ابرُقبة علي والفاجعه
واصبر يموسى ابكُربتك

لو تالي ذوبنَّك ألم
بُعد الأهل، فقد الحرَم
اذكر رقيه والخيم
واصبر يموسى ابكُربتك

لو نعشك اثلاثه بُقى
احسين اذكره فوق الثرى
اِبلا نعش و اِبلا ورى
واصبر يموسى ابكُربتك.

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور النعي: لحظه ياخويه، للشيخ علي الجفيري
https://youtu.be/dXtw6x4VVmc

.

📃 عنوان القصيدة: فداها أبوها 💚
المناسبة: مولد السيدة #فاطمة_المعصومة (عليها السلام)

١٤٤٥ هـ

🍃🍃🍃🍃🍃🍃🍃

المستهل/

يا فِداها فِداها أبوها

١/

يا فِدى اعيون الأبو
يا نظر عين الأخو
فاطمه المعصومه.. فاطمه المعصومه

يا قُمر هذا الشهر
سيرتچ من تنذكر
بالفخر مختومه.. بالفخر مختومه

يا فِداها فِداها أبوها

٢/

اعليچ من الله السلام
بت وأخت، عمة إمام!
يا سميَّة فاطم.. يا سميَّة فاطم

الله رازق شيعتچ
روح مثل ارويحتچ
من حنان الكاظم.. من حنان الكاظم

يا فِداها فِداها أبوها

٣/

بيوم تكتم جابتچ
أنعم الله ابشيعتچ
ابـ وِصال الجنه..  ابـ وِصال الجنه

يالمقامچ مأرفعه
جابچ الله شافعه!
تشفعي لأصغرنه.. تشفعي لأصغرنه 

يا فِداها فِداها أبوها

٤/

جنة الله بين ايديچ
اُو جنة الدنيا إليچ
من لـ قُم انسافر.. من لـ قُم انسافر

سيدة كل الجِنان!
ومرقدچ صار الأمان
للأرض والحاير.. للأرض والحاير

يا فِداها فِداها أبوها

٥/

ياليفدِّيچ الإمام 
حققي إلنا المرام
سجِلِّينا انزورچ .. سجِلِّينا انزورچ

حاضرين المولدچ
طالبين النظرتچ
لا تِردِّي احضورچ.. لا تِردِّي احضورچ

يا فِداها فِداها أبوها.

🍃🍃🍃🍃🍃🍃🍃

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: يوم الحنان العالمي 💚
المناسبة: مولد #الإمام_الرضا (عليه السلام)

١٤٤٤ هـ

▫️▫️▫️▫️▫️▫️▫️

المستهل /

" يسامع الصوت .. صل على النبي
أول مُحمَّد .. و ابن عمَّه علي "

١ /

ذو القعده من هَل هلَّت فرحته
ابميلاد ابن موسى ويَّا ابنيِّته
بالحادي فرحان علي بـ اوخيِّته
ومعصومه هاليوم فرحانه بعلي

٢ /

بهذي الليالي للكاظم مضيف
كل اليطلبوه بـ أفراحه يضيف
باب الحوائج ابداً ما يعيف
كلمن طلب مِنَّه في مولد علي

٣ /

من اسمه هاليوم خذ هالموعظه
لو رايد اتعيش كل عمرك رضا
أقصد أهلها علي موسى الرضا
لا ما يخليك و يقنعك علي

٤ /

هالساكن بطوس صلى الله عليه
كل شيعته اليوم مشتاقه إليه
آنِس من أذكر أوصاف اللي بيه
(وانيس لنفوس) معروفه بعلي

٥ /

تاريخ ميلاد (رضانا) الفاطمي
يتسمى (يوم الـحنان العالمي)
احنيِّن ومعروف قلبه شقد حمي
اُو تشهد غزاله على رأفة علي.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▫️▫️▫️▫️▫️▫️▫️

🧷 طور القصيدة: يا سامع الصوت صل على النبي
https://youtu.be/El7_OnuP1ic
.

📃 عنوان القصيدة: رسالة عاجلة
شوقاً إلى #الإمام_الرضا (عليه السلام)

١٤٤٣ هـ

▫️▫️▫️▫️▫️▫️▫️

المستهل/

رساله عاجِله للرضا وصلوها
رساله من مُحب والمشهد اِخذوها


١/

"طالت فرقتي وما جيت إلك زاير
اُو صار اهواي انطر تجبر الخاطر
شو لازم أموت افراق؟
وتصدقني لك مشتاق؟
يا كحل العيون اُو بهجة الناظر"

إذا حمَّل ضعنكم هاي حَملوها
رساله من مُحب والمشهد اخذوها

٢/

كتبت آنه الرساله والقلب ذايب
وعلى قد المحبه اعليه أنا عاتب
" بابك يمتى لي تفتح؟
يمتى يالرضا تسمح؟ "
بالله وصِّفوا له حالة الكاتب..

حال الروح حال الـ هَلها خلوها
رساله من مُحب والمشهد اخذوها

٣/

" خلِّص قلبي من الشوق وهمومه
عليك الغاليه اختك المعصومه
بالأفراح والأحزان
يفضح حالي يالسلطان!
خذني الحضرتك خادم ومخدومه"

أمانه ولو وصلتوا هاي وصلوها
رساله من مُحب والمشهد اخذوها.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: مثلك تراني 🏴
المناسبة: شهادة #الإمام_الجواد (عليه السلام)

١٤٤٠ هـ

▪️▪️▪️▪️▪️▪️▪️

المطلع/

قلبي من السم ذاب
اُو بيَّه العطش لهَّاب
اندهت إلها: قطرة ماي..
اُو قُفلَت عليَّه الباب!

يا جدي.. مثلك تراني
يا جدي.. ماحد رواني
يا جدي.. مثلك ذبحني الضِمه

١/

إنظر إلي، يَحسين اُو شوف، امصابك رجع عاده الزمن
فتني العطش، اُو فوق التُرب، مرمي وغريب ابهالوطن

امصابي يشبه امصابك
سطحي يشبه اترابك
چبدي مثلك اُولا شك
فتنَّه الضِمه

ياجدي اُو ثلاثهْ ايام
عافوني ترى الظلام
مثلك والجرِح مانام
يابِن فاطِمه

آنه اوياك..
جدي عجيبه، نفس المصيبه، نشكي سِوى من الضِمه!!
آنه اوياك..
ضِقت إلي ضِقته، جدي اُو عرفته، بس اختلاف السنه

اشرايد بعد هالماي؟
بعدك أنا بضماي!
ما راحم ابفاطِم
ولا خلَّى إلها راي

يا زهراء.. وِلدِچ ضمايه
يا زهراء.. إلنارچ ضحايه
يا زهراء.. حضريني يا فاطِمه

٢/

أم الفضل ، نفس الذي ، ابـسَد النهر عنَّك أمَر
بس الفرق ، آنه الجواد ، ماعندي عبَّاس ايحَضَر

وينه؟ آنه امتانيه
رايد هالقلب يرويه
عبَّاس الشَهم ادريه
يدري ابمحنِتي

ياجدي انفُطَر چبدي
غيرك ما احد عندي
"عطشان اُو حَق جدي"
مثلك صيحتي

ها يَحسين..
قِتلك وَحَقك، شاللِي يأخرك؟ ، قوم إلحق اعلى الجواد
ها يَحسين..
مثلك تراني ، لا اْبوي إجاني، ولا عندي غيمة سواد

لا بويه حاضرني
ولا إبني يوصَلني
حاير لمَن اوصي
ومنهو اليغمضِني

كل اهلي.. ما هُمَّ يمِّي
كل اهلي.. خلَّوني وحدي
كل اهلي.. وچبدي العدو سممه

٣/

بويه الرِّضا، عني مُضى، وآنه ابصغر سنِّي القضا
ابصغري أنا ، اْمن اتيتمِت ، مثلك يَـ ابن المرتضى

بس ما داسوا ابصدري
اُو ما حزوا قُفى نحري
عندك چم فرِق اُو عندي
يحنون الظَهر

ما عندي أنا زينب!
ليَّه اتدافع اُو تِنحب
مو مالح بِچاها عَذب
اُو تِسقيني نَهر!

آنه اوحِيد..
لا يمِّي اختي، ولاحد مِن اهلي، خلوني وحدي ابـ عنَه
آنه اوحِيد..
اِعطف عليَّه، جتني المنيَّه، اِحضرلي اِبنك انه

كافي من الحِرمان
ضِمني إلك تعبان
يَحسين اُو ما اصبر
قاصد أنا التربان

يا جدي.. جاي ابشبابي
يا جدي.. ايضمني تُرابي
يا جدي.. تعْبتني دنيا الـ عنَه.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: زينب بدون أحباب، للملا حسن شناوه
https://youtu.be/usqesMOsGGU

📃 عنوان القصيدة: حاضر كربله 🏴
المناسبة: شهادة #الإمام_الباقر (عليه السلام)

١٤٤١ هـ

▪️▪️▪️▪️▪️▪️▪️

المستهل /

الباقر أنا ، الباقر أنا ، الباقر أنا
حاضر كربله

١ /

حانت الليله وفاتي، بالقبر هالليله اْنام
عمر قضَّيته بنياحه، الواحد وخمسين عام
كربله ما فارقتني، جرح من الزغر دام
برابع اسنيني و لهسَّه، أذكر أفعال اللئام

برابع سنه ، برابع سنه ، برابع سنه
حاضر كربله!

٢ /

طفل رابي بـ بيت كِلَّه، خير / طِيب / اُو مرحمه
بواحد اُو ستين هجري، الدهر ذب إلنا اسهُمه
اسهام رعبتني چثيره، عمِّتي لمكرَّمه..
تركض امن الخيمه أنظر، و المتون امورَّمه!

اشَّايف أنا؟! ، اشَّايف أنا؟! ، اشَّايف أنا؟!
حاضر كربله

٣ /

والدي ما عنده شدَّه، بالفراش ايون عليل
ماقدر سيفه يمسكه، امن المرض صاير نحيل
من اِجوا بالنار إلنا ، لِذت بيه ابكل عويل
قَلَّي بابا فر إلى البر ، آنه ماعندي سبيل

وهِدني أنا، وهِدني أنا، وهِدني أنا
حاضِر كربله

٤ /

اطلعِت مَدري وين أقصِد ، وكل أهلنا داميه
ونسوة احسين ابرَّاري ، وسفه صارت هايمه
وآنه أركض شفت عشره، من الخيول العاديه
تسحق ابصدر ابو اليِّمه، منعَّله ومو حافيه

شِفت العنا ، شِفت العنا ، شِفت العنا
حاضِر كربله

٥ /

بذكريات العاشر آنه، عشت كل اسنين عمري
كسر مكسور ابمصابه، وللحشر مايشفى كسري
مسبي رحت اُويا أهلنا، وللأبد ما أنسى أسري
موتي چان ابذيچ لأيام، موتي مو نومي بقبري!

بذيچ السنه ، بذيچ السنه ، بذيچ السنه
الحاضِر الكربله.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: خادم أنا، للسيد فاقد الموسوي
https://youtu.be/YAnmrUB3nlQ

.

عنوان النعي: قومي يزينب 🏴
المناسبة: خروج الإمام الحسين (ع) من مكة

١٤٤٥ هـ

▪️▪️▪️▪️▪️▪️▪️

قومي يزينب شدِّي احزام الصبر
حلِّي احرامچ والله سلمي له الأمر
في كربله محفور لإبن أمچ قبر
صار الوگت قومي وشيلي الكربله

قومي أصعدي يمدللـه بضعن الدلال
الما بيه يبيِّن لچ أثر حتى الخيال
قبلن يزينب تنظرچ عين الرجال
وما يبقى اسمچ بت علي لمدللـه

سار الضعن ومخيِّم اعليه السكوت
يرجف قلب زينب ولا مسموع صوت
تمشي اُو تِناظر للأحبه اللي تموت
اُو مصرع أحِبتها بقت تتخيله

تلفي النظر لحسين اُو تسرح بالخيال
تتخيله طايح اُو مرمي اعلى الرمال
بس التخيُّل والضعن حسَّت به مال!
شنهو يصير ابساعة التنظر إله؟!

تلفي لعبَّـاس النظر وتهضمها لجروح
هذا الحنين اعليها منها باچر ايروح
تحس ابألم بيها بيطلِّع منها هالرُّوح
لمَّن أخوها اتناظِره اُو تتأمله

تلفي لواحد واحد اُو تتحسر ابـ "آاااه"
ماتدري منهو تنوح له ومن تبچي فرقاه
تتودع اُو ما تدري من تتوادع اوياه
واحد ظهرها وچم فقد لـ بتحمله؟!

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور النعي: قالت شربت الماي، للشيخ علي الجفيري 
https://youtu.be/DAGHrMPtezQ
.