📃 عنوان القصيدة: أدفنكم بالعيون
المناسبة: يوم الحادي عشر، بعد شهادة الإمام الحسين (عليه السلام)

#محرم_١٤٤٣

▪️▪️▪️▪️▪️▪️▪️

المستهل /

بالعيون .. راح أدفنكم بقلبي وبالعيون
راح أتوادع اوياكم أني أم عون
شسوي اِلخاطِر تردوا وترجعون

١ /

يا أخوتي آنه الاِخت، المدللـه المُصانه
يا أخوتي ما ظل خدر، آنه فـ لاهي آنه
انتو انذبحتوا يَخوتي، وضيم الأسر لفانه
جابوا هزلهم والحبل، وحلفوا ترى بأذانه

يصيحون .. يتاماكم يخوتي مو يصيحون
عليكم يندهوا لخاطر تحضرون
يلوذوا بيّه وآنه مورمه امتون

٢ /

يا يومه هالحادي عشر، شاتحصَّلَت مصايب
خِلصت حرب وبِدأت حرب، وما اقسى هالحرايب
تتقوى أشباه الزلم، عالنسوة الغرايب
حرقوا خيمنا وبالضرب، استولونه الأجانب

يشتمون .. بنات النبي ابلا خجله يشتمون
بقلبنا من الفقد لا مايرحمون
انهضمنا يَخوتي من شوف العيون

٣ /

أمرونا نركب عالهزل، وتدروا الهزل طويله
ركَّبت أنا العيله وبُقيت، يركَّب منو العقيله؟
مدلي العليل ايده بصعب، وركبني عالهزيله
ومدوله اسياط العدا، ومارحموا ابدليله

بضربهم .. علي السجاد ركبوه ابضربهم
عليل امن المرض ما يقوى إلهم
ألف آه اشحمل قلبه امن اثرهم

٤ /

الحادي قِصد يآذي القلب، ويمكم قِصد يمرني
كل ما مشينا بهالترب، قطعه الاقي مني
هزني الحزن وانزل ردِت، اوداع اُو تغيبوا عني
لن ابندا هد خاطري، وعن رغبتي صرفني

يَعمَّه ..رحمي ابجسمي الناحل يَعمَّه
منهو لو نزلتي ايصَعدچ اهنه
لَتزيديلي عمْتي ابصدري ونه

٥ /

ابلايا دفنكم أعتذر، راح أمشي ابكسرتي
يَحسين يا عباس أنا، مخنوقه ابعبرتي
لَتقولوا خوَّتكم نسيت، وعنَّا يَأختي رحتي
مارحت أنا جسمي الرحل، وروحي بُقت اُويا ونتي

وداعي .. من عالناقه عذروني وداعي
ما عندي أنا اليمسك ذِراعي
المكفوله كفيله اهيَّه وتِراعي.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

▪️▪️▪️▪️▪️▪️▪️

🧷 طور القصيدة: يخيمات، للملا عمار الكناني  https://youtu.be/Jm6TOEZ83eQ
.

عنوان النعي: ياسعد لأيام رحتي
المناسبة: وقفة للحوراء (عليه السلام) بعد عاشوراء

#محرم_١٤٤٤

▪️▪️▪️▪️▪️▪️▪️

ياسعد لأيام رحتي .. واندفنتي بالتُّراب
حيف يا أيام عمري .. جيتي بأيام العِتاب

آنه زينب ليش اخذتي .. منِّي كل هاي الشَّباب  
بكربله بس ساعه وحده .. ألقى شعري كله شاب!!

حيل تعبانه وأكابر .. وحيل هدَّاني المُصاب
لمَّة أحبابي صورها .. ذكرى تجلب لي العذاب

بالله يأيامي الجميله .. ما إلچ للرجعه باب؟
ردت اجيب احسين لحظه .. واطفي حسرات الرباب

حسره ماحضرت وداعه .. آه يا قلب اللي ذاب.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

عنوان النعي: الله وياك 🏴
المناسبة: يوم عاشوراء، والخروج الأخير للإمام الحسين(ع) من الخيام

#محرم_١٤٤٦

🔸 تقول الرواية في وداعه...
كلما ما مشى الحسين (عليه السلام) خطوة تعلقت بهِ طفلة، حتى خلَّصته زينب (عليه السلام) من أيديهم... 🔸

▪️▪️▪️▪️▪️▪️▪️


خويه الزمتها يالله امشي!
روح اُو عليَّه عوف كلشي
اعيالك لأغطيها برمشي
روح انته عنَّا الله وياك

روح الحريبه وشيل همَّك
طلِّع على العبَّاس حزنك
وثارات جاسم ويَّا ابنك
خذها يخي ابسيف يمناك

روح اُو أنا اْباري عليلك
يكفيك انته انهدم حيلك
وگت الذبح آنه بجيلك
ألقى الشمر بنعاله فوقاك

روح الحرب يحسين يالله
وخل يهجم المايعرف الله
خل تشبك ابلخيام جمره
وتشب يخويه نار فرقاك.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

📃 عنوان النعي: قوم يا ساكن الكوفة
المناسبة: دخول أسارى آل البيت (عليه السلام) الكوفة

#محرم_١٤٤٣

▪️▪️▪️▪️▪️▪️▪️

قوم يا ساكن الكوفه، يا علي لك هالضعن!
شوف وش حالة بناتك، شوف شمسوي الزمن
اظهور محنيِّه يَحيدر، اعليهن امبينه المِحن


هذي نسوانك يَحيدر ، وهذا دارك يالأمير
الچانن ابعِزَّه يجو له ، هسَّه بالذله تسير
وتنظرنهن عين كلمن، الشاب والإبن الصغير


قوم يا ساكن الكوفه ، شوف اهلها وهالألم!
ايقولوا زينب خارجيِّه ، واحسين ابنك ينشتم!!
حسره وانقلبوا على ابنك، و ابحجر راسه انثلم.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

▪️▪️▪️▪️▪️▪️▪️

🧷 طور النعي: يا بنات حسين قومن، للملا عبد الحي آل قمبر
https://youtu.be/00cGhosYVH8
.

الحادي من #محرم_١٤٤٧

الثاني من #محرم_١٤٤٧

الثالث من #محرم_١٤٤٧

الرابع من #محرم_١٤٤٧

ليلة الخامس من #محرم_١٤٤٧ 🏴

ليلة السادس من #محرم_١٤٤٧

ليلة السابع من #محرم_١٤٤٧ 🏴

وكأن الليالي ليلة..
ظلامها ذاك، وجرحها ذاك، وفقدها ذاك، ونفس الوحشة.
( ليلة الحادي عشر.. )
أقبلت على السيدة زينب باختلاف الساعة والتاريخ، لا خِلاف الوجع.

فالسلام على البعيدة عن الأوطان..
صاحبة الصحن المُوحش، والقُبة الخالية من راية..
الضائعة الحائرة.. من بعد عين الكفيل.

▪️▪️▪️▪️▪️▪️▪️

أبيات: عادت وحدتچ 🏴
المناسبة: وحشة السيدة زينب ومشهدها

١٤٤٧ هـ

* الأبيات تشطير لقصيدة ( ها يزينب وحدچ والدنيا ليل )

▪️▪️▪️▪️▪️▪️▪️

"ها يزينب وحِّدچ والدنيا ليل"
سامحينا وسفه عادت وحدتچ
"يا غريبه وشايله ابدمعچ نهر"
وشالوا امن القُبه حسره رايتچ
"امنين أجيبن لچ يـَبت حيدر كفيل؟"
امنين أدوِّر لچ شهم يوقف معاچ؟
"ابهالظلام امنين أدوَّر لچ قُمر؟"
ايكون إلچ نور وسند و يرد هواچ...

"ها يزينب (قاعِده) ابهذا الظلام؟"
ما طلعتي وما اِجا عزَّاچ أحد
"اسم الله صاح الليل" لو خِلتي اهدعش
رد عليچ اُو خوف قلبچ ما هِجد
"الليل يا زينب يطول اعلى الـْ يخاف"
و انتي خوفچ مستمر چن للأبد!
" يا بحر من الألم موجاته آه "
منچ اشتطلب يزينب هالبلد؟!....

"حزنچ اهوايه لچن عمرچ قصير"
الشام ما خلَّت إلچ زينب عُمر!
"وآنه كل عمري لجل عينچ" يروح
دمعه دمعه اذرفه وقلبي جمر
"كفِّي دمعچ خلِّي للشامت دموع"
"لمِّي صبرچ" يالعزيزه و الكسر
"ها يـَ زينب وحَّدچ والله المعين"
سامحينا نسألچ بالله العذر.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

ليلة الثامن من #محرم_١٤٤٧

ليلة التاسع من #محرم_١٤٤٧

ليلة العاشر من #محرم_١٤٤٧

ليلة العاشر من #محرم_١٤٤٧
▪️عظم الله أجوركم▪️

ليلة الحادي عشر من #محرم_١٤٤٧

ليلة الثاني عشر من #محرم_١٤٤٧

ليلة الثالث عشر من #محرم_١٤٤٧