عنوان النعي: شلون صبرك ؟ 🏴
المناسبة: شهادة الإمام السجاد (عليه السلام)

١٤٤٦ هـ

▪️▪️▪️▪️▪️▪️▪️

يابو الصبر وشلون صبرك؟
عقب الأبو وشحال عمرك؟
شالصار يا مولاي بأسرك؟
احچي ابحسراتك يسجاد

قال ابدمع من عينه جاري
امنين الصبر ما چِنت داري
احسين الأبو شلته ابّواري!!
مطحون جسمه فوق لِوْهَادْ

أمَّا العمر من بعده أشهد..
بِيه غصَّة آل البيت خلَّد 
وأمَّا الحزن فَعْلِيه سَرمد
لي روحي ياخذ ربِّ لعباد

وكل ماتِشوف الماي عيناي
اخلط شرابي بماي مبچاي
عطشان چان ايريد بس ماي
يروي عطش قلبه الوقَّاد

وأمَّا الأسر تدروا انسبينه 
من ديره لي ديره مشينه
والصعبه زينب بالضعينه!
مچتوفه خت عبَّاس تنقاد.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: ضميه بالأحضان 🏴
المناسبة: شهادة الإمام السجاد (عليه السلام)

١٤٤٢ هـ

▪️▪️▪️▪️▪️▪️▪️

المستهل /

يا زهرا بهمومي
جالچ علي قومي
جالچ علي قومي
ضميه بالأحضان

١/

قومي يَزهرا استقبلي اِبنچ
من يمِّي رايح اُوقاصد اليَّمچ
قومي ابعجل ضميه ابحضنچ
تعبان ابويه و راحته عندچ

أعوام ابوي آلام
ومن كربلا مانام
من كربلا مانام
ضميه بالأحضان

٢/

يمچ دفنته يم حسن بالهم
راح اُو تركني بعده اميتَّم
فوق المغيسل ماچنت احلم
محفور جسمه ومختثر به دم

شال اللي ماينشال
اشقد اذته لأغلال
اشقد اذته لأغلال
ضميه بالأحضان

٣/

بهموم زغري دافِنه الغالي
بعلوم طف الفاجِعه البالي
عن التريدي نشدي الوالي
كل كربله ابـ دمعه الهالي

خليه يفصِّل لچ
شلون انذبح ابنچ
شلون انذبح ابنچ
يالزهرا عطشان

٤/

حسرات قضَّى الوالد اسنينه
مايه يخلطه ابدمعه من عينه
عن كربله اشما ردتي نشدينه
لاچن قبلها يُمه ضمينه

الشايف سبي عمته
شيخفف الـ وَنْته؟!
شيخفف الـ وَنْته
ضميه بالأحضان

٥/

تعبان يازهرا علي امن الشام
ما عنده حيل ايباريَ الأيتام
چانت هضميه ابعينه الأيام
التسهر معانا زينب اُو مَتنام

مابيْه على النهضه
وعالحورا مايرضى
عالحورا مايرضى
و اهواي خجلان

٦/

السجاد شايل كربله بتفصيل
شايل ذبح، شتم اُو نياق اتميل
يمچ دفنته وبعده وحشه الليل
و ابلا أبو تدري العمر بس ويل

مأجوره اُو مأجور
جالچ صبر عاشور
جالچ صبر عاشور
ضميه بالأحضان.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: ياجدي قدامي، للشيخ علي البيابي
https://youtu.be/lQUT004tP9A
.

عنوان النعي: لو تنشدني 🏴
المناسبة: شهادة الإمام السجاد (عليه السلام)

١٤٤٥ هـ

رُوي أنه لمَّا سُئل الإمام السجاد (عليه السلام) أي المصائب كانت أشد عليكم في واقعة الطف؟ قال ثلاثاً: «الشام، الشام، الشام»

▪️▪️▪️▪️▪️▪️▪️

لو تنشدني شالأصعب، على قلبي وعلى روحي
مصايب كثره بعيوني، ذكرها ايزيد بجروحي

وگت طبينا أرض الشام، بلاد الشَّـام آذتـنـا
على سوق البلد مَرَّوا، تكثر حتى شوفتنا !

وأعوف اللي جرى بيها، وأعوف العيد والشمَّات
وأذكر ليك هالموقف، وبروحي أجر حسرات

أنا بيدي خَذِت لحبال، وقِلت للعمَّه عذريني
ومدِّي الإيد يا زينب، وبالله لا تنظريني

عظيمه عمِّتي ومدَّت، قبل ما انهي چلماتي!
خَذَت منِّي الحبل طاعه، وجريت بخدِّي دمعاتي

صِحت يابوالفضل آسف، اقيِّد خيِّتك عمِّي!
هانت ذبحة الأحباب، اُو زاد الهالأمر همِّي.

▪️▪️▪️▪️▪️▪️▪️

✍🏻 بقلم /خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: متأخر اهواي 🏴
المناسبة: شهادة الإمام السجاد (عليه السلام)

١٤٤١ هـ

▪️▪️▪️▪️▪️▪️▪️

متأخر اهواي ، هسَّه إلي جاي ، ياموتي بهداي
هونك عليَّه
بالطف عفتني، آه عذَّبِتني ، مسبي شِفتني
وماجيت إليَّه
ذبحوا اخويه، اُو سِحقوا ابويه، اُو عمْتي ابـ لويه
وآنه اشبديَّه
هدني المرض هد ، ابچي اُو تِنهد ، اُو بالقيد انشَد
لـ ابن الدعيَّه 
ودوني للشام، آنه والايتام، بالخُربه انَّام
اُو ماتت رقيَّه
مِتأخر انته، زينب بختها ، ضاع اُو شفتها
طاحت عليَّه!
ياموتي اهلًا ، ياموتي سهلًا  ، اعضاي حنَن
اشقد للمنيَّه.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 النعي بصوت الرادود مكي الصادق 🎙:
https://youtu.be/U7uUuuzIrYI?si=nePOmZz0RLJL4x7O

عنوان النعي: بلدة الآلام 🏴
المناسبة: دخول أسارى آل محمد ( صلوات الله عليهم ) للشام

١٤٤٤ هـ

▪️▪️▪️▪️▪️▪️▪️


آه يالشام..
آه يا بلدة الآلام..
يا سُود الليالي وأنحس الأيام

آه يالشام..
آه يا ضيعة الأيتام..
يا ذبحة رقية وبالخرابه تنام

آه يالشام..
آه يا نخوة الضرغام..
ويا حسرة أخو من للحرم ما قام

آه يالشام..
قلب الحورا ما ينلام..
شلون امدللـة حيدر علي تنضام؟!

آه يالشام..
آه يا فرحة الظِلَّام..
دقوها الطبول اُو نشروا الأعلام

آه يالشام..
ماچنچ بلد اِسلام..!
حكموا بيچ شر اُو أبغض الأقوام

آه يالشام.. آه يالشام..

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عظم الله لكم الأجر بذكرى شهادة خامس البكَّائين #الإمام_السجاد (عليه وعلى جروحه السلام) 🏴

📃 عنوان القصيدة: حنيِّة العباس 🏴
المناسبة: دخول أسارى آل محمد (صلوات الله عليهم) للشام

١٤٤٥ هـ

▪️▪️▪️▪️▪️▪️▪️

المستهل /

حنـيَّـة العبَّـاس .. جيبولي ايَّـاها
ابَّوابة الساعات .. آنه اعلى فرقاها
لا قادِره أبچي .. اُولا قادِره أنساها

١/

مو بيدي من أبچي ولا بيدي من أنوي أنسى
أذكر أبو فاضل وأظل يردونـي أبقى خرسه!
متني اعلى ذكرى كافلي أزرق في ليله أمسى
الچان ابچفوفه ايحرسه..

عن بالي شينحِّيه؟ .. وقلبه شغل بالي
ميِّت ألـم أدريـه!! .. و ايباوع الحالي
بدخل أنا للشام .. وما ظني يرضاها

٢/

حنِّـيـته كل ما وقفِّت قعدني خايف أتعب
ثالث نهار اليوم - أسف!! - اِموَّقفيها زينب
من حِنَّة العبَّاس إلى قسوة قلبها الـتقرَب
راس الحُسين اُو تضرب..

ماعدها رأفه شلون .. تضربها هالشِّفه!
صلفة قلب والعين .. متعوده عالرأفه
من يحضر العبَّـاس؟ .. وعيوني يبراها

٣/

بچفوفه يسدلِّي الستر بعد الستر بچفوفه
واليوم أطب الشَّـام أنـا بالناقة المكشوفه!
يلچمني عيد الشَّام أشد من كل ألم بالكوفه
وكل من يجي بدفوفه..

چان الستر مسدول .. كل ساعه يتعدَّل
هسَّه يبعدوا الرُّوس .. لجل آنه اتذلَّـل!!
احنت إلي ظهري .. الشام اُو رزاياها

٤/

موقف لچم قلبي الذي ما بارَحَت لچماته
برُقبة علـيـلي جامعه زادت لـه كل علَّاته
وچان الكفيل ابحنِّته ايطَّفيها كل ونَّـاته
يداوي علي ابيمناته..

لو يغلي جسمه جاه .. بالرَّايه ايكمده
ما يتعب السجاد .. وعمَّه القُمر عنده
سبع المثاني دوم . يم راسه يقراها

٥/

جيبولي رأفة بوالفضل يا هالبشر جيبوها
ابنيَّات اخوه وامدلَّـلاته چالخدم طلبوها!
ما ترهم القسوه (رُقيَّـه) بـالله لا تنسوها
ولو عالأقل دفنوها..!

يرحم حنانه حـيـل .. أذَّاني افراقـه
والله شكثر عبَّاس .. له آنه مشتاقه
ويرحم عزيزاته .. المن دونه خلَّاها.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
08
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: يا هو اشتاق؟ 🏴
المناسبة: شهادة السيدة رقية (عليها السلام)

١٤٤٥ هـ

▪️▪️▪️▪️▪️▪️▪️

لمَّن جاها راس احسين .. سؤال ابخاطري جاني
اشتاق حسين؟ لو بنته؟ .. يا هو اشتاق للثاني؟!

يا هو الحن رُقيه لو .. حسين الحن إلى الطفله؟
يا هو اللي نفذ صبره؟ .. يا هو افراقه ماحِمله؟
رُقيَّه تنتظر ملَّت؟ .. لو فرقاها هو ملَّه؟
بلقاء الموت متحيِّر .. يا هو اشتاق للثاني؟!

صاحت "منهو يتمنِّي .. يابويه ابصُغر عمري؟"
لو هِمسَت له معناها .. "خذني هالمسه القبري؟"
و لمَّن فتَّح اعيونه .. قال ابدمعته "بشري"؟
"الليله اتجيني يابنتي .. وتنامين باحضاني".

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: عدنا دفن 🏴
المناسبة: شهادة السيدة رقية (عليها السلام)

١٤٤٤ هـ

▪️▪️▪️▪️▪️▪️▪️

المستهل /

قومي ياعمَّه ترى عدنا دفن
ماتت الطفله يَعمَّه بالحزن
رقيه .. رقيه

١ /

عمَّه رُقيه امن الطشت رُفعيها
روح الصغيره انتقلت الـ باريها
بالله عصاتي عمَّه لي جيبيها
وعِينيني انهض قبر أحفر ليها

آه يا حيلي الوقع من هالبله
ادفنِت قبل أيام اهلي بكربله
المسيِّه .. المسيِّه
رقيه .. رقيه

٢ /

أمر الدفن انتي و أنا نتكفْله
مارايد اسمع "يامرض بالطفله؟!"
سوط العدا البمتونها مو علِّه
كتر سالم بالجسم ما خلَّه

اشذنب هالطفله دموها بالضرب
لا ضمير الـ عدهم وحتى قلب
خطيه .. خطيه
رقيه .. رقيه

٣ /

خلِّي الحرم يلتمَّن اُو يبچوها
هاي العزيزه الغاليه عد بوها
ساعة اوداع وخلهم يودعوها
عندچ أمانه وعندي دي عافوها

هاي أمانه تشبه أمي الزهره
حيف ردَّت عالوجه منسطره
وسبيِّه .. سبيِّه
رقيه .. رقيه

٤ /

امصلايَّة احسين الوگت جيبيها
بعد الدفن فوق القبر خلِّيها
هذي علامه انحطها عمَّه ليها
مو هيِّه تفرشها إله بيديها ؟

هذيَ الفُرشت مُصلَّى المنذبح
وتانته وراسه يويلي اعلى الرمح
رقيه .. رقيه
رقيه .. رقيه.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: نخوة يا أم القمر، للملا حاتم العبدالله
https://youtu.be/wAo2nGqf0LM

عنوان النعي: بوحدتي أحچي 🏴
المناسبة: وقفة شوق بلسان حال السيدة فاطمة العليلة، لأختها السيدة رقية (عليهم السلام)

١٤٤٤ هـ

🔸 تقف فاطمة العليلة في نُزلها الخالي وقفة شوق، تُصارع وحشة الأحباب وكآبة الأيام. ترى شيئاً من أختها رقية، فـ تتنفس كثيراً.. تُسلِّي الرُّوح بذكرها، فكم ترى نفسها محظوظة بأنَّ أختها هي رقية.
أرادت أن تجعل هذه اللحظة عالقة في الأذهان، لتحكيها لأختها حينما تعود، فكتبت هذه الرسالة لتروي لها القصة.

لكنما الأسف..!
لم تعلم فاطمة بحين كتابة رسالتها، بأنَّ في هذا اليوم وهذا الحين، أنتقلت رقية شهيدةً إلى رحمة الله. 🔸

▪️▪️▪️▪️▪️▪️▪️

بوحدتي احچي واسولف بالبخِت:
فاطمه.. عندچ رُقيه أحلى أِخت!

باچر اترد لچ رُقيه امن السفر
وبابتسامه وحده تمحي هالكدر
الله ياشوقي وحنيني اللي كُبر
من لدار الغاليه آنه رِحت

باچر احضنها وترد روحي إلي
وما تسافر عنِّي حلِّفها ابـ علي
هيِّه تحچيلي وتِفصِّل عن هلي
وآنه ليها احچي اشكثر اشتِقت

هسَّه راح أكتب رساله وعالأثر
خمسه تاريخ الكتابه من صفر
لو اِجت تقراه بعد طول السفر
تعرف اشقد ليها آنه اتنطرِّت.

▪️▪️▪️▪️▪️▪️▪️

✍🏻 بقلم / خادمة وليِّ النعمة ( قصائد وليِّ النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

ليلة الحادي من شهر #صفر_١٤٤٧ 🏴

عنوان النعي: عوذة القاسم 🏴
المناسبة: شهادة الإمام الحسن المجتبى (عليه السلام)

١٤٤٥ هـ

▪️▪️▪️▪️▪️▪️▪️

يحسين ناولني قلم .. بكتب وصيَّه في كِتاب
يحسين خويه بالعجل .. چبدي ترى تقطَّع وذاب

انطاه اخوه اشمايريد .. وصار الحسن يذرف دمع
خلَّص كِتابة عوذته .. ولفها عجيبه بالشمع!

لـ ابنه رفع راسه وندا .. إدنى إلي يا قاسمي
هالعوذه هذي ابني لك .. احفظها عن لا تنرمي

لو ضاقت اعليك ابنهار .. لو ضايقك يبني أمر
أفتحها و اقرا يالولد .. تلقاها أُمنيْة العمُر

غارت عيونه بوعلي ..شنهو كتب بيها فهم
صَد الخليله ابدمعته .. وصَد له خليله وابتسم

واثنينهم صاحو سوه .. وباثنينهم زاد الألم
ماقصَّرِت قلَّه الحُسين .. نِعم ابشبابك يالشهم.

▪️▪️▪️▪️▪️▪️▪️

✍🏻 بقلم / خادمة وليِّ النعمة ( قصائد وليِّ النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: ياخويه لَتخاف 🏴
المناسبة: شهادة الإمام الحسن المجتبى (عليه السلام)

١٤٤٤ هـ

▪️▪️▪️▪️▪️▪️▪️

المستهل /

ياخويه لَتخاف .. ابنك انا اتكفله
ياخويه لَتخاف .. لك راح ازفه ابكربله
بذيچ الأرض بعمل زفاف 
ياخويه ع ابنك لا تخاف
ياخويه لَتخاف .. يا خويه لَتخاف

١ /

رايح يخويه وتوصي لي، عالجاسم اللي تِيْتِمَه؟
من بدري شدَّيت العزم، وايتمته چنك فاطمه!
انته وأنا وزينب بعد ، نعرف شعوره ونفهمه
الله اليعينه يالحسن ، من زغره دنياه مُظلمه

المدفوعه بالباب .. عنك مشت وانته طفل
المدفوعه بالباب .. والحسره لأبنك تنتقل
بينا الفقد يا خويه طاف
ياخويه ع ابنك لا تخاف
ياخويه لَتخاف .. ياخويه لَتخاف

٢ /

ما حاسب اليومك أنا ، ولا جهزِّت صبري بعد
ما لملمت دمعي عدل، چي جرح ابويه مابرد!
توصي ابيتاماك اُو أنا ، چبدك انظرنه انمرد
بالله يخويه اوصي عَلي، من باچر احفرلك لحد

وصي بي عباس .. هم آنه متعوب الفقد
وصي بي عباس .. من باچر ابليَّاك أرد
مو بس على ابنك والعفاف
يا خويه ع ابنك لا تخاف
يا خويه لَتخاف .. ياخويه لَتخاف

٣ /

كافي تأشر عالولد ، يم رمله وتزيد الجرح
بيه الوصيه لك اتم، دوناً عن الباقي تصح
آسف أيا نبض القلب، يم النبي ما تنطرح
ولا تالي مثلي ايصير إلك، فوق القبر مبني صِرح

ياخويه خجلان .. مني وصيَّاتك تضيع
ياخويه خجلان .. آسف وادفنك بالبقيع
بس زفة الجاسم خِلاف
ياخويه ع ابنك لا تخاف
ياخويه لَتخاف .. ياخويه لَتخاف

٤ /

خل تشهد اعليَّه الحَرَم، ميدان زَفْتَه كربله
ابنك بعرسه في الظهر ، وبازوجه من لمدلَّـله
بانادي زينب عمِّته ، يا خويه اتهلهل إله
كرسي زفافه بنصبه، وخيمة زفافه بدخله

بانادي اعليك .. مو آنه انطيتك وعد
بانادي اعليك .. عرسته لك خويه الولد
حملي يخف من عالچِتاف
يا خويه ع ابنك لا تخاف
يا خويه لَتخاف .. يا خويه لَتخاف

٥ /

بس ابنك اسمع يالحسن، يوم العرس له مايطيب
يترك زفافه ولي يجي، من يدري بحسينك غريب
تمشي إلى الموت اسأله، وساعة زفافك تو قريب!
ويقلِّي أحلى من العسل، الموت ابسبيلك يالحبيب

باشد له شسعه .. عن لا يخويه ينقطع
باشد له شسعه .. عن لا على ابنك تنفجع
مايقبل أدري يمشي حاف
يا خويه ع ابنك لا تخاف
ياخويه لَتخاف .. ياخويه لَتخاف

٦ /

بس ينقطع ذاكه الشسع، ويجيه عدوه ويغدره
يتمنى انته اتجي إله، بس لاتخاف آنه احضره
يا خويه وبحرقه إلك، هاللي يطبره بطبره!
وبيدي بشيله للخيم، الرمله تودعه وتنظره

وعبدالله ابنك .. ابداً عليه لا تنشغل
وعبدالله ابنك .. بصدري لحنيِّن ينچتل
وبنتك مع الحورا ابعِجاف
يا خويه ابداً لا تخاف
يا خويه لَتخاف .. يا خويه لَتخاف .

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: خلنه يرتاح، للشيخ مصطفى الموسى
https://youtu.be/qhgQWW5_vao
.

عنوان النعي: إلي وصية 🏴
المناسبة: شهادة الإمام الحسن المجتبى (عليه السلام)

١٤٤٢ هـ

▪️▪️▪️▪️▪️▪️▪️

وصاياه لأخيه الحسين (ع):

إسمعني يا ضِوانه
رايح يَخويه آنه
الجاسم إلك أمانه
وهذي إلي وصيَّه 

لا تبچي ليَّه اعيونك
واعلى العُمر خيعونك
لا يوم مثله يومك
وبس وحده غاضريَّه

يَحسين ياحبيبي
لا تعتب الـ مغيبي
ابعاشر تِهز نحيبي
ومَقدر أنا اعلى الجيَّه


لأخته العقيلة (ع):

زينبنا يا عزيزه
بيچ الصبر غريزه
ولو للبلا ركيزه
صرتين يا زچيَّه

وقفي ابوجه الظالم
وقفات أمچ فاطم
ولو هانچ اشكم خادم
ونادوچ خارجيَّه

سمَّوا أنا چَبدتي
وماجرحي إلا أنتي
چم نايبه نِظرتي
وچم دار مختليَّه


لأخيه العبَّاس (ع):

عبَّاس إخِذها أختك
هسَّه بدت مُهِمْتك
محتاجه زينب حِنتك
ورايح أنا المسيَّه

إمسح دمعها النازل
ياخويه أنته الكافل
بليل القُمر لو شايل
انته الـ سِماها ضيَّه.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🎙 النعي بصوت الرادود عبدالله فاران /
https://youtu.be/VBdhV2ELj8Y?si=lp8g5dRqc82SaoVy
.

عنوان النعي: قبرك المهجور 🏴
المناسبة: شهادة الإمام الحسن المجتبى (عليه السلام)

١٤٤٥ هـ

▪️▪️▪️▪️▪️▪️▪️

من قبرك المهجور شفته
ما حوله زاير يبدي ونته
بيدي الضلع يَبني لزمته
وجيتك أزورك يا ضِيا العين

ما حولك اليبچيك دمعه؟
جيتك أشيل اويايه شمعه
بيها بضوِّي القبر و أنعى  
تبچيك أمك يا ضِيا العين

ياللي بلا قُبَّه اُو مناير
أدري تريد الليله زاير
مكسور يوليدي الخاطر
وجيتك أجبره يا ضِيا العين

اتخيل شنو يَبني جبت لك؟
( رايه ) على قبرك تسعدك 
خضرا وعليها أكتبت اسمك
مثلات أخيَّك يا ضيا العين

قلبك أداريهْ لك في كلشي
يوم أربعينك تلقى أمشي!
بالله يغالي قول ظل شي؟
المشايه آنه يا ضِيا العين

و لو ينبني قبرك بنيته
لو ينفدا ابقبري فديته!
بس الأمر كافل قضيته
ابني المهدي يا ضِيا العين.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

.

📃 عنوان القصيدة: يا معز المؤمنين 🏴
المناسبة: شهادة الإمام الحسن المجتبى (عليه السلام)

١٤٤٧ هـ

▪️▪️▪️▪️▪️▪️▪️

المستهل /

يا مُعزَّ المؤمنين.. ياحسن ياحسن

١/

سيَّدي يالمالك أنفاسي
يابعدهم كل هلي وناسي
أعترف لك اِنِّي في حقك..
امقصِّر آنه ابقد شعر راسي

من صفر ما تكفي لك ليله
كون دمعي ابكل وگت هِيله
سيِّدي حزنك كبير انته..
وتنسمع حسراته وي ويله!

أعتذر لك يالحنين .. ياحسن ياحسن
يا مُعزَّ المؤمنين.. ياحسن ياحسن

٢/

الدين شيَّدته بأثر صُلحك
فادي الشيعه نَزِف جرحك
والبعض ما قدَّر أفعالك..
كل وگت ويجرَّحوا بقلبك

يسحبوا السجاده من تحتك
"يا مُذل" يتسابقوا ابوصفك
آه يا حسرة دليلك آه..
وانته ما صاحب عدل عندك

قلبك يضج بالونين .. ياحسن ياحسن
يا مُعزَّ المؤمنين .. ياحسن ياحسن

٣/

اجبال صبرك للي يتأمل
منهو غيرك قلبه يتحمل؟
يشيل ظلم الدنيا باچتافه..
الهسَّه مظلوم اُو من الأول

في زمانك ما يقدرونك
اُو في مماتك ما يخلُّونك
تلتقي بزوارك اُو حسره..
شلون قلبك سيَّدي شلونك

منظلم طول السنين .. ياحسن ياحسن
يا مُعزَّ المؤمنين .. ياحسن ياحسن

٤/

يا مُعزُّي ويا سبب فخري
وشكثر مشتاق إلك تدري؟
بقد كرم روحك يبعد الروح..
اشمحلى يمك لو قضى عمري

لو اِجيتك سيِّدي زاير
يالحسن اجبر إلي الخاطر
آنه بيك امعلِّق آمالي..
ما تِخلِّيني أرد حاير

قاصدك قلبي حزين .. ياحسن ياحسن
يا مُعزَّ المؤمنين .. ياحسن ياحسن.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: صوت الوالده 🏴
المناسبة: شهادة الإمام الرضا (عليه السلام)

١٤٤٥ هـ

▪️▪️▪️▪️▪️▪️▪️

المستهل /

آه .. صوت الوالِده

١/

صوت الزچيه معتلي .. آه اعلى اولادي
كل ليله اِجنازه إلي .. آه اعلى اولادي
كل ليله افقدلي ولي .. آه اعلى اولادي
والليله مفقودي علي .. آه اعلى اولادي

حيل .. ماظلَّي اُو جَلد
حيل .. وكل ساعه ولد
حيل .. آنه فاقِده
آه .. صوت الوالِده

٢/

لا تحسبوني للرضا .. ماجيته أتعنى
منهو من اولادي قضى .. ماجيته أتعنى؟
حسره اعلى مذبوح القفى .. ماجيته أتعنى
كلمن حضوري بيه حظى .. وماجيته أتعنى

مات .. يصرخ بالعطش
مات .. ما عنده نعش
مات .. وحزني أبَّده
آه .. صوت الوالِده

٣/

جيت الأبو محمد أنا .. مشَّايه مشَّايه
ولو آنه لحسين السنه .. مشَّايه مشَّايه
هالليله أهجر -للضنا- .. مشَّايه مشَّايه
وأقصد خُراسان ابعنا .. مشَّايه مشَّايه

ليل .. أهجر بِيه وأرد
ليل .. لن عندي فقد
ليل .. مشهد قاصِده
آه .. صوت الوالِده

٤/

منهو الذي سمَّم اِبن .. دلَّالي دلَّالي ؟
يوجعني والله امن الحزن .. دلَّالي دلَّالي
هَم وآنه ميته هَم يون .. دلَّالي دلَّالي!
لرأفة اِبن موسى يحن .. دلَّالي دلَّالي

راح .. ضامن شيعتي
راح .. ذوَّب مُهجتي
راح .. ونِّي ما هِده
آه .. صوت الوالِده

٥/

محمَّد صغير اعلى اليتم .. يوليدي يوليدي
بدري امن ابيَّه ينحرم .. يوليدي يوليدي
من زينب أحزانه يلم .. يوليدي يوليدي
ابقلبه تلاقي كم ثِلم .. يوليدي يوليدي ؟

مال .. حيله والظهر
مال .. يَبني وانكسر
مال .. وشلون اسنِده؟!
آه .. صوت الوالِده.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: يا أم الحسن، للملا محمد بوجبارة
https://youtu.be/jOGwKRSODNg?si=YqDpq-J5WX6efWJb
.

📃 عنوان القصيدة: ما تنظروا لأحوالي 🏴
المناسبة: أربعينية الإمام الحسين وأهل بيته (عليهم السلام)
#الأربعين

١٤٤٦ هـ

▪️▪️▪️▪️▪️▪▪️

المطلع /

زينب اجت يامظلوم.. استقبل يغالي الحورا
متعنيه لك هذا اليوم.. الراحت أمس مجبوره

من اعلى ظهر الناقه.. هَوَت بألم مشتاقه!
اتنادي على كل غالي.. ما تنظروا لأحوالي

١/

يحسين يانور العين.. يا خويه راسك جبته
چان ابرقبتي لك دين.. و الساعه ها رجعته
خبرني عنك يحسين.. شلونك يخويه امن البين؟
انته وشبابك في وين؟.. ياللي القلب تعبته

جيتك ولاني امصدقه.. بصدري السمه منطبقه
كل الهضم في بالي.. ما تنظروا لأحوالي

٢/

يبن أمي خجلانه اهواي.. ابلايا دفن فارقتك
صدِّقني مو بيدي الراي.. غصباً عليَّه عفتك
انته النفس انته الماي!.. لا والله ماهو برضاي
تشهد من امتوني ادماي.. ردت ابقه امجاورتك

عن روحتي لا تعتب.. آنه اليحقلي أعتب!
مأسوره وي أطفالي.. ما تنظروا لأحوالي

٣/

يا خويه دارت لأيام.. ومسبيه رحت الكوفه
خدري ودلالي ما دام.. وأم الخدر معروفه
خلونا بالخربه انَّام.. و اتحيَّرِت بالأيتام
خلوها عمد الظلام.. ابلايا سقف مكشوفه

من الشمس ويَّا الحر.. وجه الحريم اتقشر!
وهد التعب أركاني.. ما تنظروا لأحوالي

٤/

قلِّي في وين العباس.. جيت أقصد امعاتبته
كل الخلق كل الناس.. شافوا ترى طول أخته!
الخدر اللي مامره انداس.. داسوه ترى هالأرجاس
ووسفه نزل هذا الراس.. لبكتره اْنا رافعته

اسأل في رحلة أسري.. تعبانه زينب يدري؟!
ناسيني چن كفَّالي.. ما تنظروا لأحوالي


٥/

عذراً لون آنه اقسيت.. باعتابي يا كل عمري
والله يخوتي اشتاقيت.. وماظل صبر من صبري
ما صدقت لن رديت.. يمكم ولا اْريد البيت
ليت أندفن يمكم ليت.. ويصبح قربكم قبري

يصعب عليّ فرقاكم.. حفرولي قبر اوياكم
لا قبري يبعد تالي.. وما تنظروا لأحوالي.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: موعود الك، للرادود سيد محمد الحسيني
https://youtu.be/epxhd6bnoKg?si=xB3l4i2thWNm5WmJ
.

ليلة السابع من شهر #صفر_١٤٤٧
عظم الله أجوركم 🏴

عنوان النعي: فسحولي 🏴
المناسبة: أربعينية الإمام الحسين وأهل بيته (عليه السلام)
#الأربعين

١٤٤٧ هـ

▪️▪️▪️▪️▪️▪️▪️

فسحولي آنه زينب اخته
بانوح يم قبره اُو تربته
أدري بخوي اخته وحشته
خلوني ألثم قبره بالراح

خلوني بتمدد في قبره
بارد إله راسه اعلى نحره
وباعاتبه اُو بالروح جمره
بعدك بقله هالخدر راح

بحچيله عن قلبي الملچوم
باحشمه ينهض ليَّه ويقوم
ايرد اليتاماه هذي لتحوم..
حولي، ترى حمل الظهر طاح!

ايقوم اُو يباري لَـ عِياله
منَّه ترى كلِّي خجاله
باموت وآنه أسمع سؤاله
"وينه رقيه روح لأرواح!"

وحق عشرتي ويَّاه بحلفه
ايخليكم اتدفنوني خلفه
و يم العزيز احسين أغفى
كافي عليَّه رايده أرتاح

من عندي باقي بالمدينه؟
راح العمر بأحلىٰ سنينه
يصعب عليَّه اخلاف عينه
مشهد رسول الله لو لاح.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91