عنوان النعي: يزينب لا تعتبين 🏴
المناسبة: أربعينية الإمام الحسين وأهل بيته (عليه السلام)
#الأربعين

١٤٤٧ هـ

🔸 يوم الأربعين..
بعد العتاب الزينبي عند أخويها، وإذا بصوت من قبر كافلها.... 🔸

▪️▪️▪️▪️▪️▪️▪️

لا تعتبي اعلينا يزينب لا تعتبين
أحنا الذي بنعاتبچ آنه و لحسين
ابلايا دفن عنَّا يخيه شلون تمشين؟!
رحتي وعلى الرمضا جنايزنا رميَّه

رحتي ولا من ناقتچ لينا نزلتي
ماودعيتينا ومشيتي ابسرعه يختي
ولاوين ما قلتي القصد لاوين رحتي
هانت عليچ أحوالنا يا هاشميَّه؟

امن تعاتبينا نموت بس والله نفهمچ
تشتاقي لينا يالعقيله و العذر لچ!
بس ما نشدتي بشوقنا شو شنهو عذرچ؟
مثلچ ترانا و بالعتب زدتي عليَّه

شنهو تريدين اُو جسمنا اموذرينه؟
والراس عدكم وانتو توكم جايبينه!
ما نعتب اعليچ اُو بعد لَـ اتعاتبينه!
مو بيدنا وحُكمت ظروف الغاضريَّه.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

ليلة السابع عشر من شهر #صفر_١٤٤٧ 🏴
عظم الله أجوركم

📃 عنوان القصيدة: يا نساوين 🏴
المناسبة: أربعينية أبا الفضل العباس (عليه السلام)
#الأربعين

١٤٤٤ هـ

🔸 اجتمعت النساء على الإمام السجَّاد (عليه السلام) كلٌّ تسأله عن قبر فقيدها، وتنكب عليه.
وإذا بالسيدة زينب (عليها السلام) تلتفت إلى النساء وتُناديهم، و تُقبل معهم إلى قبر أبي الفضل... 🔸

▪️▪️▪️▪️▪️▪▪️

المستهل /

يا نساوين .. قوموا ويايه القبر
يا نساوين .. بيه مدفون القمر
ما اِجت له .. أم ولا والد حضر
يا نساوين

١ /

آنه الـ فاقده
أخ وإله والده
أمه ما نِزلت اوياكم

الوحده منكم اجت
القبر ابنها انزلت
وقبر ابوها اُوعِلى ابچاكم

خوي .. ابوفاضل امشو إله!
خوي .. ترى أمه مَجت كربله
خوي .. منو الظل اُو ماضحى له؟
خوي

ماي .. منو غيره إلكم جلب؟
ماي .. اُو مارد أبد أي طلب
ماي .. اُو وِقع تالي من هالسبب
ماي!

قوموا وياي .. خويه لازم ينشكر
قوموا وياي .. ضحى إلنا وشكثر
ما اجت له .. أم ولا والد حضر
يا نسواين 

٢ /

قومي يم الرضيع
اتوجهي للبقيع
وعزي أم الوِفا ابدمعچ

قولي إلها الإبن
ما قدر عالحِزن
والعطش لـ ابوجه ابنچ

وراح .. لعبدالله يروي الضمه
وراح .. ولو ردتي جاب السمه
وراح .. اُو ثالثها سال الدمه
وراح!

آه .. على قبره نصبي العزه
آه .. اقل شي ترى امن الجزه
آه .. اخويه الوعد انجزه
آه

ليته ماراح .. يا رباب الهالنهر
ليته ماراح .. ولا على راسه انطبر
ما اجت له .. أم ولا والد حضر
يا نساوين

٣ /

اسكينه ياعمتي
اتقربي ابنيتي
هذا قبره جابر الخاطر

القاضي لچ حاجتچ
الـ ماسح الـ دمعتچ
عمچ المثله أحد ما مر

ادموع .. تعالي نبل تربته
ادموع .. نقله بأذى غيبته
ادموع .. ابِّنِت خيَّه ووخيِّته
ادموع

آخ .. طلبتي ولعينچ طلع
آخ .. اُو عباس الچ مارجع
آخ .. اُو وقع قلبچ امن الوجع
آخ

"عمي ارجع" .. اشتنفع ابتالي الأمر؟
"عمي ارجع" .. نايم العم بالقبر
ما اجت له .. أم ولا والد حضر
يا نساوين

٤ /

رمله وأم الشباب
ليلى نثري التراب
يانساوين القُمر حضروه

والده ما حِضر
أمه مو بالسفر
بأربعينه خويه لتخلوه

اوحِيد .. فلا أب ولأم حضرته
اوحِيد .. ابوداعه وأسف طيحته
اوحِيد .. شفت حزنه ابنظرته
اوحيِد

ليه .. ابضعنكم ولد ما نزل
ليه .. شبابه قبلكم بذل!
ليه .. قليل الدمع لو همل
ليه

ابقلبه حزنه .. وآنه والله أم الخدر
ابقلبه حزنه .. وحسرته ابتالي العمر
ما اِجت له .. أم ولا والد حضر
يا نساوين .

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: عمي عباس، للشيخ حسين الأكرف
https://youtu.be/5zcUJyhUjxI
.

ليلة العشرين من شهر #صفر_١٤٤٧ 🏴
عظم الله أجوركم

📃 عنوان القصيدة: تاريخ الأسى 🏴
المناسبة: شهادة أولاد مسلم بن عقيل (عليهم السلام)

١٤٤٦ هـ

▪️▪️▪️▪️▪️▪️▪️

المستهل /

اكتب يتاريخ الأسى.. قصتنا اكتبها
أولاد مسلم من قضت.. مثلات والدها
والدنا قدوه بالعمر
مثلات أبونا بكل أمر
قصتنا اكتبها

١/

أحنا أولاد سفير الدمعه والغربه
يتامى مسلم الوحده بقى بدربه
وأحنا الضعنا لمَّن طاح أبو القُربه
وأحنا اللي نظرنا احسين عالتربه

أحنا الذي من كربله.. فرّينا مذهولين
وعن ايد زينب للأسف.. أصبحنا متضيعين
اندورها چِنا ابكل كتر
مثلات أبونا بكل أمر
قصتنا اكتبها

٢/

مشينا ابكل ذعر ردنا فقط نأمن
انلِمحنا وانشدوا (انتوا تكونوا من؟)
لبن مرجانه اخذونا وسكنا اسجن
تعبت آنه واخويه چم شهر انوَّن

من آل طه اُو ياسين.. اتلاوذنا بالسجَّان
قال العذر منكم! هاي.. مفتوحه البيبان  
و أطلعنا بالكوفه نفر
مثلات أبونا بكل أمر
قصتنا اكتبها

٣/

تحيرنا مثل حيرة أبونا ابـ ليل
وقف بالكوفه متغرّب يشد بالحيل
يَقلب الوالد اِدركنا ندهنا ابـ ويل
واِجت (طوعتنا) عنَّا هالبلاء اتقيل

مثلات أبونا بغربته.. وجولتنا ممنوعه
والله بعث إلنا مره.. تصبح لنا (طوعه)!
اِلـ بيه مر أحنا نمر 
مثلات أبونا بكل أمر
قصتنا اكتبها

٤/

واللي يذهل الدلَّال و ايدهشه 
وشى بينا الغدر العالأبو أوشى
ولا لينا نعش لن ماحصل نعشه
نسلِّم عالأهل ونموت بالوحشه

متعوضه خير الوالده.. ابهذي منيتنا
الكوفه خَذت هالعائله؛ اِختمها قصتنا
والحسره جُوَّات الصدر
مثلات أبونا بكل أمر
قصتنا اكتبها.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: أولاد مسلم 🏴
المناسبة: شهادة أولاد مسلم بن عقيل (عليهم السلام)

١٤٤٦ هـ

🔸 ولما جن عليهما الليل إنتهيا إلى امرأة كانت واقفة على باب دارها تنتظر أحداً من أقاربها، فوقفا عليها وعرَّفاها بأنهما غريبان من عترة رسول الله (صلى الله عليه وآله) لا يهتديان إلى الطريق... 🔸

▪️▪️▪️▪️▪️▪️▪️

آنه يتيم اُو هذه ايتيم
امحمد أنا وهذا ابراهيم
أولاد مسلم راعي الشيم
بالله نحلفچ تحفظينا

ماندري وين أمنا يحسرات
وندري بأبونا للأسف مات
ماندري وين انروح وانبات
بالله عليچ اتضيفينا

خويه اُو أنا والله تعبنا
ضعنا من الطف وانسجنا
ويا ليت يم زينب قعدنا
وما عن أهلنا اتضيعينا.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: ظلمة الكون 🏴
المناسبة: شهادة النبي الأكرم محمد (صلى الله عليه وآله)

١٤٤٤ هـ

▪️▪️▪️▪️▪️▪️▪️

المستهل /

دونك بويه ظلمه بعيني الكون ( ٢ )
مو انته الـ ادفنك كُون العيون
دونك بويه ظلمه بعيني الكون

١ /

رايح ما ترد بويه ومخلِّف لك ابنيَّه
لو هوَّد عليها الليل اتفقدك ها يَحنيَّه
رايح روحة الأحباب الماليهم بعد جيَّه
القبلك أمي راحتها ولسه ما اِجت ليَّه

باچر من انادي و اطلب العون
دونك بويه ظلمه بعيني الكون

٢ /

عندي من صور لفراق خبره ومعرفه ابجيته
من يقرب أبو موته يبچي ويحضن ابنيته
تفارقني يَبويه اليوم اُو تبچي لكن ابسكته
مدري لن تفارقني أو بعدك لأن ميته؟!

بعدك كل مصيبه والله اتهون
دونك بويه ظلمه بعيني الكون

٣ /

بويه من قبل متروح منك كلمه ردت اسمع
باچر لو اجوني الدار وعصروني إلي تفزع؟
يسيل ادماي مو دمعي! يالماترضى بالمدمع
وكل خوفي على طفلي لا منِّي الطفل يوقع

برحمة الله لا محسن يسقطون
دونك بويه ظلمه بعيني الكون

٤ /

ليلي آنه من بعدك مو مثلاته كل فاقد
من يخلص دمع عينه تلاقيه بالحزن راقد
اشلون الليل والنومه وبسمار الصدر قاعد؟
دم وآلام هالبيني وملطومه اعلى چف حاقد

ما يبرد ألم و ابداري يلفون
دونك بويه ظلمه ابعيني الكون.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة:  هنياله الينام الليل، سيد فاقد الموسوي
https://youtu.be/UY6KqKh_9A8?si=PrW5bQq3qagUvlu4
.

الليلة السادسة والعشرين من شهر #صفر_١٤٤٧ 🏴
عظم الله أجوركم

📃 عنوان القصيدة: فاطمة عندك أمانة 🏴
المناسبة: شهادة النبي الأكرم محمد (صلى الله عليه وآله)

١٤٤٢ هـ

▪️▪️▪️▪️▪️▪️▪️

المستهل /

ياعلي بوداعة الله .. اوصيِّتي احفظها إلي
فاطِمه عندك أمانه .. لا تِضيعن يا علي

١ /

صعبه ياحيدر تراها اوصيِّتي
وآنه أدري شاليصير ابغيبتي
رغم ذلك بالك اعلى ابنيِّتي
عقب عيني بالمصايب تبتلي

٢ /

من رحيلي بالقلب شد الصبر
كف دموعك مو اقبالي تنهمر
باچر اعلى الصيحه انته تنجبر
منِّي خليها عيونك تمتلي

٣ /

آنه لو محزون حزني إلفاطِمه
بغربه بعدي اتحس اُو تغدي اميتمه
ياعلي اشلون الورِد ينزف دِمه ؟!
بس سؤال اُو لا يكدرك ياعلي

٤ /

داري بنتي وبالأخص داري الضِلع
لا يطَّفوا ابدنيتك كل الشمع
ابَّاب فاطم لا حريقه تنولع
ولا بچي خلفه اُو ونَّه تعتلي

٥ /

خوفي عالزهرا اُو عمرها الما كِمل
من هذاك الباب يا خير العمل
رايح آنه اُو يمَّك امخلِّي الأمل
سالِمه الزهرا تِرد تالي إلي.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
08
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

ليلة الثامن والعشرين من شهر #صفر_١٤٤٧ 🏴
عظم الله أجورنا وأجوركم بذكرى شهادة أبانا المصطفى (صلوات الله عليه وآله)

عنوان النعي: يالنبي بفاطمة 🤲🏻🏴
المناسبة: شهادة النبي الأكرم محمد (صلى الله عليه وآله)
#توسل

١٤٤٤ هـ
▪️▪️▪️▪️▪️▪️▪️

عندي قسم في كل سنه احسب إله
وقته المسيَّه و القسم ( بـ امدللـه )

ها يالنبيّ "ابـ فاطمه ابـ فاطمه"
هالليله اتزول الليالي المُظلمه
قلبك حنين اُو همِّي انته عالمه
ترضى دمعتي تبقى مني هامله؟

يا من دعيت إلنا يخف عنَّا العذاب
الأقسم عليك ابفاطمه مامره خاب
آه يارسول الله اغِث قلب الشباب
بزهرة شباب الزهره المو سالمه

لو أغلى من هذا القسم عندي قسم
چا قلته لك، بس قلبي بالزهرا لزم
اشلع يبو الزهرا من اقليبي الألم
ياحضرة الرحمه ابرحمتك داخله.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: شنهو الصار؟ 🏴
المناسبة: هجوم الدار

١٤٤٥ هـ

▪️▪️▪️▪️▪️▪️▪️

شنهو الصار يايُمه ومنو الطبوا؟
ليش النار في باب النزل شعلوا
ظنَّيت آنه بالجو تعزيِّه ايريدون..
بس يا للأسف مو هذا الرادوا

اسم الله اعليچ يا يُمَّه تروَّعنا
من شفنا وقعتي بالدمه خفنا
تو جدنا فقدنا اُو ندعي ابحيل..
عقبه يا عسى ماهم فقدنا أمنا

طلب يُمَّه وبعد هالروعه اريدنچ
اخذي ابنيِّتچ تهدا ابوسط حضنچ
اُو قولي لي شنو أكثر ألم هسَّه..
يـآلـم بيچ اُو زايد بالألم ونَّچ.

زينب آسفه ما أقدر اعلى الضم
يكفي هالألم صدري ترى امهشَّم
يا بنتي عزيز اعليَّه ترويعچ..
من كسر الضلع يابنتي هذا الدم

عوفي الصار والروعه دِ عوفيها
صارت حادثه اُو لازم تعرفيها
ما رديت مكسوره وفقط يُمه..
حرق الدار سمعي شنهو تاليها

راح المحسن الننتظره يُمَّه راح!
طاح الحيل لمَّن شفته منِّي طاح
ردتينه أخو اُو ردته إلي اوليد..
يمكن بيه چنَّا ننسى لأجراح.

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: حرموني محسن 🏴
المناسبة: هجوم الدار وشهادة المحسن بن علي (عليه السلام)

١٤٤٧ هـ

▪️▪️▪️▪️▪️▪️▪️

المستهل /

ذبحوا حلم حيل .. تانيته كل ليل
حرموني محسن .. وباقولي الحيل

١/

ذبحوا حلم، چمن شهر بيه أحلم آنه من أنام!
أتنطَّره، و يقضي نهاري بس اجهز له كلام
في ساعه بس، كلشي ضوا بعيوني اتحوَّل ظلام!
ضاع الأمل، دفعولي أمي و اسقطَت حلمي حرام

في ساعه وحده .. حلمي افقده!
وهاي أمي اتون.. وباقولي الحيل

٢/

ثالث أخو، چنت أنطره وأتخيله بكل ساعه لي
مثل الحسن، لو يشبه احسين أو شَبه بويه علي؟
أصغر سُبط، امن المُفترض چان اللي يختم لي هلي
بس انكتب، أصغر شهيد المحسن اُو أصغر ولي

يشبه هَله زين.. محسن أخو حسين
ادماهم تِصبَّن! .. وباقولي الحيل!!

٣/

حتى المهد، جهزته يمِّي بشوقي للغالي ولهفتي
واحسب إله، باقيله كم شهر ويجي اينام ابغُرفتي
باسمه هِمت، وجهزت إلى عيونه أنا تعويذتي
اغفى و أفز، بس محسن ابهالبيت صارت شغلتي

فدوه رحت له.. الباصير أِخت له
كل ساعه أعلن.. وباقولي الحيل

٤/

ودِّعته بس، خلَّيت روحي بعتبته الصارت قبر
راح أذكره، حلمي وصغير العيله في كل العمر
وبكربله، أتمنى لو ويايه چان اُو بالعسر
بس بالقلب، محسن حبيبي وحلمي جوَّات الصدر

يا ليتي شفته.. مرَّه اُو حضنته
وحرموني محسن.. وباقولي الحيل.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: ليش العجاله؟ 🏴
المناسبة: هلال ربيع وإستمرارية لبس السواد

١٤٤٧ هـ

▪️▪️▪️▪️▪️▪️▪️

يالنازعين اسوادكم.. ليش العجاله؟
ماتدروا ابقلب النبي وشلون حاله؟

ماتدروا بالزهراء ما ترتاح بعده؟
ماتدروا إنها تنعصر وتموت ورده؟
ماتدروا بالكرار مغلوله له يدَّه ؟
من هل ربيع اشتد حزن النبي وآله!

شلتوا السواد اُو للفرح كلكم ركضتوا
وتوها ترد زينب يويلي ما سمعتوا؟!
تحط العزا اعلى حسين توها ياللي شلتوا
خلَّه العقيله ابوحشه هاللي اسواده شاله

بهاي الليالي يكون راس المهدي شايب
رجعت وطن جدها اللي نامت بالخرايب
كسروا ضلع أمه و أبوه ابسمَّه ذايب
وغصبوا حقوق المرتضى والقيد طاله

وماتت سكينه واسقطَت محسنها فاطم
ومن ظالم الزهرا بدت كل المظالم
بهاي المصايب تنزعوا لا ما يوالم!
و المهدي عالوالد تُراب القبر هاله.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: شيوخ المدينة 🏴
المناسبة: إنزعاج القوم من بكاء الزهراء (عليها السلام) بعد أبيها

١٤٤٥ هـ

▪️▪️▪️▪️▪️▪️▪️

يافاطمه اشيوخ المدينه
ونِّچ زعجهم يا حزينه
ايسألوچ بالله تبطلينه
شتقولي يا بضعة نبينا

يابا الحسن مايهدا نوحي
وما تبرا منِّي كل جروحي
قلهم قريب تروح روحي
ود هالخبر لأهل المدينه 

شنهو تقولي يم الحسين
بسم الله يازهرا من البين
وياچ بقضيها هالسنين
هالفال يا زهرا اتركينه

حچي الخلق لا لايهمچ
كل الخلايق تفدا همچ
ببنيلچ آنه بيت حزنچ
ترتاحي بيه من تسكنينه

يشكون ونَّچ لاجرى وهان
بيدي بشيِّد بيت لأحزان
وسوي التريدي شنهو ماكان
بس لا تفكري اتفارقينا.

▪️▪️▪️▪️▪️▪️▪️

بِـ قلم / خادمة وليِّ النعمة ( قصائد وليِّ النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: آني العقيلة 🏴
المناسبة: عودة الركب الزينبي إلى المدينة

▪️▪️▪️▪️▪️▪️▪️

المستهل /

دِخْلت تِنادي ( زينب ابنيتي )
ومـرَّت عـلـيّ لـٰچنـها عـدتنـي!
صِحت إلها يُمَّه ماعرفتيني؟
آنـي الـعـقـيـلـه مـا تِضميني!


١/
جَيتِي.. امشَيتِي.. يا يُمه عنِّي وآنه منتظره
ابكترچ.. ابحضنچ.. ضميني والله اعليه متحسره
اشقلتي.. حرتي؟.. زينب انا اُولا تاخِذچ حِيره
شِكلي.. أشِكلي؟.. ايه شايِبه ما ردلي بوالغيره

ضميني يايُمَّه ابوسط حضنچ
وشميني بيني ريحه من ابنچ
ماصدِّقِت يا يُمَّه جَيتيني
آني العقيله ما تِضميني


٢/
يُمَّه.. مُرَّه.. هذي سَفُرتي البيها سَفروني
ليتي.. ابّيتي.. اُولا رحت وجيت ابلا الودوني
اهلي.. وحدي.. عافوني زينب يُمَّه تركوني!
وآني.. لساني.. بس ظل يِرد "عبَّاس يَعيوني"

بالأربعين ابحين لملاقه
حاولت اقنعهْ أمه مشتاقه
نخَّيته يُمَّه لكن اشبيدي
آني العقيله ما تِضميني

٣/
أدري.. شيجري.. ابِّالچ سؤال وخايِفه منه
كلفه.. الزفه.. ايه اخبرچ لا مَـ انعجن حنه
وليتچ.. اوليدچ.. شفتينه من طاح ابكتر ابنه
انقعده.. انحركه.. احسين انغمى اعليه والولد يَمه

لو مَـ اطلَعِت له من الخِيم اركض
چـا يَم عـلـي آخِر نـفـس يلـفـظ!
احسين احتضاره شفته ابعيني
آني العقيله ما تِضميني


٤/
راحوا.. طاحوا.. كل الأهل وحسين ظل عندي
حاير.. داير.. من خيمه إلـ خيمه فِطر چبدي
زينب.. ينحب.. وين الـ يناولني أنا جُودي ؟
جبته.. وقتله.. هَم شفت اخِت للموت أخ تَوْدي!

آنه اعتـذر يـايُـمَّـه من قلـبـي
للموت أخذته خي بعد عمري
بهالشدَّه صِحت إلـ زهرة سنيني
آني الـعـقـيلـه مـا تِضـميني

٥/
احسينچ.. اوليدچ.. يُمَّه تِقطَّع ما إجا احسينچ
اويانا.. جانا.. لا لا تِظنَّي اُو تِنظره عينچ
أدري.. ابدهري.. خانچ ييُمَّه بأربع ابنينچ
صِبري.. وتِدري.. امصاب الوِلد مابيني وبينچ

انتي فقدتي ابلايه ماشِفتي
وآنه الـوِلـد متقطِّعه ابكِتري
بـ ابنيني يُمَّه ما تِعزِّيني
آني العقيله ما تِضميني

٦/
يُمَّه.. چلمه.. ضعن العقيله خالي من طفله
اشبيدي.. امن اْيدي.. راحت رُقيَّه من بعد خوله
الباقر.. ايناظر.. بوه العليل اُو حاله ذوبنه
وزينب.. تريد أب.. ايه يُمَّه والله اتعبت اريدنه!

يا ريحه من بويه اللي خلاني
اتضميني ابكترچ أريد آنـي
يا يُمَّه هسِّه وها عرفتيني
آنـي الـعـقـيـله ما تِضميني.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: مرت سنة ونص، للملا باسم الكربلائي
https://youtu.be/zEZPgL0LxdA
.

عنوان النعي: آنه سكينه 🏴
المناسبة: وفاة السيدة سكينة بنت الحسين (عليهم السلام)

١٤٤٢ هـ

▪️▪️▪️▪️▪️▪️▪️

بويه يابويه .. بويه يابويه
بويه يابويه .. بويه يابويه

بويه يابويه .. آنه اسكينه
بنتك اتنازع ..  والأبو وينه؟

بويه يابويه .. ابداخلي عبرات
الهسَّه بجدامي ..  حرقة الجمرات!

ارد اموت اعليك .. موتت ارقيه
تعنى وَلو راس .. اْشُبقه بِـيديَّه

كافي والله افراق .. من الزغر للحين
بويه تعبانه .. ضمني بويه احسين.

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

عنوان النعي: بضعة أبويه 🏴
المناسبة: وفاة السيدة سكينة بنت الحسين (عليهما السلام)

١٤٤٣ هـ

▪️▪️▪️▪️▪️▪️▪️

المستهل /

ونَّت وصاحت صوت لأهل المدينه
بضعة أبويه احسين آنه سَكِينه 

١/

بالطف أنا مَفقدت .. بس والد اُو خُوَّان
ولا شافت اعيوني ذبح .. بس اُو قَطِع ذرعان
كُلشي مشاعر شِفت .. من چلمة الـ "خجلان" !

شفت الخجل عد روح صوَّبها عينه!
( بضعة أبويه احسين آنه سَكِينه )

٢/

من طلعة العبَّاس .. كل هم لِفاني
آنه الطلبت الماي .. بس ما إجاني
وما ردت اشربه هم .. ابعمري وزماني

خَذ عمِّي العبَّاس بزهوة سنينه!
( بضعة أبويه احسين آنه سَكِينه )

٣/

ماشافت اعيوني ورأت .. بس چف مقابر
شافت خرابه والعجب .. (راس) إلها زاير!
ابنيِّه زغيره بس أخذ .. ابمرأى النواظر

خاطرها جُبره بس اُو كِسره إلينه
( بضعة أبويه احسين آنه سَكِينه )

٤/

بكُلشي لِفاني الفقد .. حتى بخواتي!
ميشومه هالسفره وخَذت .. منِّي عباتي
كُلشي ولاچنهن نِسن .. ساعة مماتي

احنينه يمِّي تموت! وتلحق حنِينه! 
( بضعة اخويه احسين آنه سَكِينه )

٥/

يأهل المدينه وحيف .. بـ ردَّتنا عَبره
اُولا وحده منَّا العين .. عُرفتها، كسره!
نحضن أهلنا و"منهي هاي!".. بالعين نِقره

كل حُرمه ليها انروح تنشد علينه!
( بضعة أبويه احسين آنه سَكِينه ).

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 النعي بصوت الخطيب الحسيني سعيد المعاتيق: 🎙
https://youtu.be/eXwLk_6E-k4?si=7MccFsXsY_xxWc3z

عنوان النعي: يطلبوني 🏴
المناسبة: شهادة الإمام الحسن العسكري (عليه السلام)

١٤٤٧ هـ

🔸 يُروى أن بعد شهادة الإمام العسكري (عليه السلام)، قبض المعتمد العباسي على السيدة نرجس، وطالبها بالمهدي فأنكرته...، مما دعاه لنقلها إلى داره، وإبقائها تحت الإقامة الإجبارية. وهكذا عاشت السيدة نرجس وتحمَّلت الحبس في بيوت الظالمين، وقاست ألوان العذاب وهي صابرة في سبيل حماية ولدها المهدي (عجل الله فرجه) من بطش العباسيين... 🔸

▪️▪️▪️▪️▪️▪️▪️

ودَّعتك الله يا عيوني
يا ليت آنه اليدفنوني
بعدك يبويه يطلبوني
بعدك لَتنشدني شلوني
وحدي ترى مخطوف لوني

بعدك يصير البيت خالي
و الدمعه بعيوني تلالي
يا بويه يا عزِّي ودلالي
وتلقى العدو طب اُو اجالي
و أمي تنوح ابصوت عالي!

يا حسرتي ما يتركوها
أمي يبويه ابيسجنوها
اُو لجلي ترى بيعذِّبوها
والمهدي وينه ينشدوها
بيني يبويه ايطالبوها

تلقى الهضم تلقى الكسيره
أمي الفِي جالك هي أميره
تصبح بعد عينك أسيره
والحسره بعيوني كبيره
وينك يسيِّد هالعشيره

باغيب اُو بحمل هالرزيَّه
انته ابقبر وأمي ابَّليَّه!!
اهموم العمر طاحت عليَّه!
اُو تشغل لي بالي هالقضيَّه
منهو اللي ينصب لك عزيَّه؟!

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91