Тадбирда мени қувонтирган ягона одам ва гап шу!

Суратда:

Нодир Жонузоқ: – Мен айнан сизни табриклаётганимдан хурсандман!
Мен: – Раҳмат!

#миннатдорман! | @Rahmat_Bobojon

Муҳлатни бой беряпман...

"Йигирма беш йилки сўрайдирман афв,
Йигирма беш йилки бир ғам дилни ер.
Йигирма беш йилки шодлик хоҳлайман,
Йигирма беш йилки ҳар гуноҳ шараф.
Йигирма беш йилки ўзни оқлайман,
Йигирма беш йилки қоралайман шеър..."

#бирга_тинглаймиз | @Rahmat_Bobojon

Тинглаш учун: https://www.youtube.com/watch?v=3Pz_BbxTpYw&t=4s

“Отдан тушсанг ҳам, “тренд”дан тушма...” – замонавий мақоллар

Қуйидаги пародия ўлароқ ёзилган замонавий мақолларни ўқиб гоҳ кулгингиз, гоҳ йиғлагингиз келса ажабмас. Ўзбек халқининг бойлиги саналган мақолларни бундай тарзда бузишдан мақсадимиз баъзи бировларнинг юзига ойна тутиш холос...
Мақоллардаги тилимизга ўрнашиб қолаётган сўзларни атайлаб қўштирноқ ичида қолдирдик, токи улар ўз тилимиз, сўзимизга айланиб кетмасин.
Яхши кайфият тилаймиз!

* * *
Жон куйдирмасанг, “подписчик” қайда,
“Рек”ка чиқмасанг, “коммент”, “лайк” қайда.

* * *
Отдан тушсанг ҳам, “тренд”дан тушма.

* * *
Ғоя топган – хор-у зор,
“Лайк” сўраган – азиз.

* * *
“Блогер” бўл, “вайнер” бўл, инсофли бўл.

* * *
“Блогер”нинг оғзи қийшиқ бўлса ҳам, сўзи тўғри.

* * *
“Блогер”нинг айтганини қил,
Қилганини қилма.

Раҳмат Бобожон тайёрлади

#ҳанда | @Rahmat_Bobojon

Давоми шу ерда: https://oyina.uz/uz/teahause/2835

Бугунги “история”ни эртага қўйма...

#ҳанда | @Rahmat_Bobojon

ТОНГ ҚАРШИСИДАГИ ОДАМ

Бу йилги кайфиятимни шу лавҳада кўрсатмоқчи бўлдим…

Шунчаки ёқтирган қўшиғимга тонг олдидан ҳув тоғлар томонда лавҳалар олдим ва бирлаштирдим.

Видеониям ўзим ишлаганман. Кимга таниш ҳолат?

#бугун… | @Rahmat_Bobojon

“Узундир ичимдан қора кечалар,
Билмайман, мен кетай қайга кечалар,
Қолдирди қалбимда яра кечалар…”

Сўзларику майли, гўзал мусиқаси бор экан!

Ҳақиқий туркий нола…

#бирга_тинглаймиз | @Rahmat_Bobojon

* * *
2
Нигоҳлар тўқнашган
жойда
тўкилар,
бир сўз:
“Севаман!“

Нигоҳлар айрилган
жойда
туғилар,
битта сўз:
“Соғинч!“

Тўқнашиш айрилиш
оралиғида
яшар,
бир сўз:
“Бахт!“

"Учрашиш қўшиғи" шеъридан

Р. Б.

#эски_дафтардан | @Rahmat_Bobojon

Санжар аканинг адабиётни нозик ҳис қилиши, ҳалоллиги ва ижодкорларга меҳри камёб ҳодиса!

Раҳмат Санжар ака!

Turk kitoblari uchun mualliflik huquqi narxi nega qimmat? (#)

Telegram | Instagram | Facebook

#миннатдорман | @Rahmat_Bobojon

* * *
...Ниҳоят, кўксимда тўзғиди сабр,
Умидлар қонолуд берди бир-бир жон.
Маромига етди муҳташам жабр,
Узлатга соврулди ягона имкон.

Қашқирдай ташланди шубҳа яна оч,
Ҳажрли кунларга қўл берди қайғу.
Бир четда йиғлади униққан ишонч,
Ҳасратим давомин кулиб айтди у.

Энди йўл сўнггида соғинч турар нақд,
Келаётир армон – енгиб бўлмас алп.
Қисмат йўриғини уққанимда ҳам –

Ахир мен сенга тош отмагандим Бахт,
Ахир мен сендан юз бурмагандим Қалб,
Ахир мен сени ҳеч кутмагандим Ғам?

5 апрел, 2024 й.

Р. Б.

#ниҳоят... | @Rahmat_Bobojon

Бир четда йиғлади униққан ишонч,
Ҳасратим давомин кулиб айтди у...

#лаҳза... | @Rahmat_Bobojon

Озарбойжоннинг энг катта адабий нашри саналган “Адабиёт газетаси”нинг 1 июн санасидаги сонида эълон қилинган ушбу мақола асосийси кимнингдир илтимоси ёки буйруғига биноан ёзилмаган.

🔗 Мақола ҳақида пастда ўқишингиз мумкин

#миннатдорман | @Rahmat_Bobojon

ЎЗБЕК АДАБИЁТИ ҲАҚИДАГИ ИЛИҚ ФИКРЛАР ОЗАРБОЙЖОН МАТБУОТИДА

ва бунда каминанинг кичик хизматлари катта эътибор билан, батафсил айтилгани ҳам кутилмаган янгилик бўлди.

Озарбойжоннинг энг катта адабий нашри саналган “Адабиёт газетаси”нинг 1 июн санасидаги сонида эълон қилинган ушбу мақола асосийси кимнингдир илтимоси ёки буйруғига биноан ёзилмаган.

Мақола муаллифи — Озарбойжонда ўз ўрни ва ҳурматига эга ёзувчи, шоир, таржимон Канон Ҳожи. Муаллиф сўз аввалида ўзбек адабиёти, адабий яқинликлар борасида гапиради.

Мақоланинг асосий мавзуси — Чори Аваз ижоди, яқинда қардош ўлкада чоп этилган китоби ва бизнинг Озарбойжонга сафаримиз ҳақида.

Канон оғанинг ижодим ҳақида алоҳида айтган гаплари кўнглимни бир пахса ўстирди, қилаётган меҳнатларим беиз кетмаётганини кўрсатди. У мақолада шундай дейди: “Бу кунларда дўстим Интиқом Яшар қўнғироқ қилиб, Раҳмат Бобожон Бокуга келмоқда, вақтингиз бўлса, юринг, уни кутиб олишга чиқайлик, деди.
Раҳмат Бобожон бизнинг адабий муҳитда кифоят қадар танилган шоирлардандир ва Ўзбекистонда Озарбойжон адабиётининг тарғиботи йўлида катта меҳнат қилмоқда...
Раҳмат 25 ёшда, энергияга бой, ўзбек адабий муҳитида ҳам катта ҳурматга эга. Бу, албатта, истеъдоди, ишчан ва меҳнатсеварлиги учун...”

Очиғи, бундай эътирофларни Бокуда кўп эшитдим. Масалан, озарбойжонлик, кўп йиллар Ўзбекистонда яшаган адабиётшунос олим Яшар Қосим Миллий билимлар академиясидаги учрашувда шундай деганди: “Раҳмат Бобожон келажакда туркий ўлкаларни бирлаштирувчи адабиёт кўприги бўлади”.

Эътирофлар қанчалик баланд ва ғалати эшитилмасин, одамга ёқади. Миннатдорман!

Мақола давомида Чори Авазнинг ҳаёти ва ижоди, Бокуда бўлиб ўтган “Юрагингизда яшайман” китоби тақдимоти ҳақида сўз боради. Шунингдек, муаллиф Озарбойжонда ўзбек адабиётига мароқ кучли экани, аммо таниш, ўқиш ва ҳис қилиш учун ҳали кўп ишлар қилиш кераклигини қайд этади: “Ўзбек шеъриятининг қудратли намоёндалари бўлган Абдулла Орипов, Рауф Парфи ва бошка кўплаб таниқли ўзбек шоирларининг ҳали-ҳамон озарбойжон тилида китоблари нашр қилинмаган. Уларнинг кўплаб шеърлари Раҳмат Бобожон хизмати билан адабий матбуотимизда эълон қилинган холос. Ушбу икки шоирнинг китоблари Озарбойжонда чоп этилса жуда ажойиб иш бўларди...”

Хўш, ушбу таклифни ким қўллаб-қувватлайди? Таржимон тайёр!

Мақола якунида муаллиф Чори Аваз эрта оламдан ўтгани, аммо ижоди ҳамон юракларда яшаётгани ҳақида гапиради ва озарбойжонлик олимларга мурожаат қилади: “Ишонамизки, Чори Аваз ижоди келажакда тадқиқотчиларнинг ҳам эътиборини тортади”.

Раҳмат Бобожон

#эътироф | @Rahmat_Bobojon

ЖАФОКАШ

Бу ҳажр кунини мудом қоралаб,
Кун кўрди андуҳим афсусдан нари.
Кўзларинг шаклини илғаб бораман,
Умримни интиҳо ямлаган сари.

Наҳот, бўм-бўш қолди бу боғлар мубҳам,
Наҳот, ғам адашди ўз гуноҳида?
Сочларинг қисматин англайман теран,
Кундузлар кечамга дўнган чоғида.

Яна устун келар умид – йўлтўсар,
Хаёлим йўл олса ҳавотир томон.
Сўзларинг ифорин туяман баттар,
Хазонлар шитири урчиган замон.

Содиқман умрбод бевафо ҳисга,
Қалб ичра андармон бахт эрур сароб.
Ҳолбуки, дийдорга борар йўл қисқа,
Елкамда ҳижроннинг зил-замбил қўли, –
Тушларимни бузар таъбирсиз азоб...

Юрагим ёнида яшайди фироқ,
Бу дард истагимга бўлолмагай ғов.
Исминг ҳасратига тутаман қулоқ,
Ошкор бўлгунича муқаддас англов...

январ, 2024 й.

Р. Б.

#тараддуд | @Rahmat_Bobojon

Кўзларинг шаклини илғаб бораман,
Умримни интиҳо ямлаган сари...

#тараддуд | @Rahmat_Bobojon

Қатъий интизомга эга Нобел мукофоти зиёфати ҳақида биласизми?

Зиёфатда жами 1300 нафар меҳмон иштирок этади. Стол атрофида ўтирган ҳар бир кишининг ораси 60 сантиметр бўлиши сўралади. На 1 см. кўп, на 1 см. кам.

Давоми: https://oyina.uz/kiril/teahause/2852

#таржима_дафтаридан | @Rahmat_Bobojon

Отамурод Отабоев,
Туркманистон халқ шоири.

* * *
Сен ғоят оводон,
Шундай чиройли,
Чирк топилмас дийдорингдан, дийдангдан.
Менга фақат сени кўрмоқ етарли,
Минг парийни синаб, севиб, кузатиб,
Хушрўй қадди-қоматингдан, кашбингдан,
Нигоҳингу сўзинг, табассумингдан,
Сумматингу суратингдан, аслингдан,
Кўз-кўзлаган гўзаллигу ҳуснингдан.

Сен ғоят оводон,
Шундай чиройли,
Ҳатто сени кузатмоқдан уялиб,
Тортинган дунёнинг бекўрклигидан.
Суратинг ҳам оддий сурат эмас, воҳ,
Бу гўзаллик жавоби йўқ топишмоқ.
Топган ҳамки озажакдир ақлидан.
Сен – одамнинг илки лойдан ясалиб,
Магарам, сўнг жон берилган аслисан.

Камсиз гўзал бўлмас, деган гап тўғри,
Агар битта гўзал бўлса ҳам камсиз,
Бир нусҳа яратган бўлса гар Эгам,
Шул гўзалнинг ёлғиз нусҳаси сенсан.

Сенга инсу жинс ҳам, табиат ҳатто,
Йигитлар ҳам, қизу келин ҳам мойил.
Дунёга келгансан сен ахир бир кун,
Жўшиб, қайнаб турган пайти Худойим.

Дарё эдим – оқдим ўз ёқам бўйлаб,
Денгиз эдим – кўриб ортга чекиндим.
Чўққилари баланд, истаги баланд,
Тоғ эдим мен – оёғингга йиқилдим.
Шоир эдим – васфингга сўз топмадим,
Бахши эдим – сасу садом қолмади.
Ошиқ эдим – ишқимни-да йўқотдим,
Диндор эдим – дину Худом қолмади.

Мен сени ўзимга кўрмадим раво,
Кимнидир кўзладим кўркингга лойиқ.
Сенинг ҳуснинг кўриб, деди “Ал-омон!”
Бор халойиқ, пари-пайкар, малойик.

Ҳеч кимса бу бахтга эга бўлмади,
Қўрқди балки бемуносиб бўлмоқдан.
Йўқ-йўқ, номуносиб бўлмоқдан эмас
Қўрқди дунё гўзаллигин бузмоқдан.

Кейин сени ёлғиз қўймаслик истаб
Мен ўзимни қурбон этдим, афв айла.
Жумлайи-оламдан минг ахтармайин,
Тенгинг тополмадим ўзимдан бошқа!

Туркманчадан Раҳмат Бобожон ўгирмаси

#таржима_дафтаридан | @Rahmat_Bobojon

Сен ғоят оводон,
Шундай чиройли,
Ҳатто сени кузатмоқдан уялиб,
Тортинган дунёнинг бекўрклигидан.
Суратинг ҳам оддий сурат эмас, воҳ,
Бу гўзаллик жавоби йўқ топишмоқ.
Топган ҳамки озажакдир ақлидан.
Сен – одамнинг илки лойдан ясалиб,
Магарам, сўнг жон берилган аслисан...

#таржима_дафтаридан | @Rahmat_Bobojon

* * *
2
Нигоҳинг ёғилиб
клавишларга,
Рангланар дунё ҳам фақат қора-оқ.
Азизим, қалбингнинг куйлари ҳазин,
Оғир тингламоқ...

Залда югуради ноталар – ғамгин,
Авж нуқта! Оломон аламли боқар.
Кулгандек ишқингнинг устидан сўнгра,
Қарсаклар ёғар...

Сен эса чаласан дунёлар учун,
То сўниб-битмаса лаҳзалар шони.
Ором олмоқ истаб маҳкам қучасан
Пианинони...

Концерт тугар.
Гуллар, бахт ва ёлғизлик...
Менсиз юрагингга далда айтасан.
Мен эса ёмғирда эзилганимча,
Уйга қайтаман...

2019 й.

Р. Б.

#машқ_дафтаридан | @Rahmat_Bobojon

Ором олмоқ истаб маҳкам қучасан
Пианинони...

#лаҳза | @Rahmat_Bobojon

"Мен сенинг келишинг ҳеч истамайман,
Бироқ кел..."

Шеър муаллифи: #АбдувалиҚутбиддин
Ўқиди: #РаҳматБобожон
Лойиҳа: #дуэл

Шеърнинг тўлғини бу ерда ўқишингиз мумкин: Бироқ кел...

Обуна бўлишни унутманг: Дуэл

#бирга_тинглаймиз | @Rahmat_Bobojon