ЁМҒИРСEВАР ҲИСЛАР СИЛСИЛАСИ

1
Толенинг кўзидан оққан нафрат-у
Умрнинг беумид кулган қувончи,
Икки дунёда ҳам эзилганлар биз, –

Томчи
ва
томчи
томчи
ва
томчи
ёғади ёмғир...

Кулфатнинг уйида яшайди минг йил
Кунлар саноғидан тонган ишончим,
Армонлар уйида чўкиб қолдик тиз, –

Томчи
ва
томчи
томчи
ва
томчи
тугамас ахир...

Юракни тутамиз бемалол қўрқмай,
Қўллар – аламзада, кўзлар – ёлғончи,
Киприклар қақшайди, хазон янглиғ юз, –

Томчи
ва
томчи
томчи
ва
томчи
Куз каби бағир...

Иккига ажралиб кетамиз охир,
Иккига ажралиб кетамиз охир!

Томчилар ёмғир...

2
Ёмғирни севасан – шўх, ўйинқароқ,
Ёмғирни севасан – қимтинади лаб.
Қошингни ўпади меҳрибон ёмғир
Юзингдан силайди аста аллалаб.
Мен эса ғамлардан, дардан иборат –
Кўздан тўкилажак ёшдирман гўё.
Сен фақат ёмғирни севасан,
Сен фақат ёмғирни севасан,
Сен фақат ёмғирни севасан,
Кўзёшларни эса севмайсан асло!

3
Қуёш эркалади булутни,
Чақмоқ ошди яна ҳаддидан.
Шу пайт мени кимдир унутди,
Шу пайт чиқдим кимнинг ёдидан –

Фақат ёмғир ёғарди тинмай...

Эгди гул-чечаклар ҳур дилни
Қисмат билиб тоғдаю қирда.
Шу пайт қалбим истади кимни,
Шу пайт кимни эсладим бирдан –

Фақат ёмғир ёғарди тинмай...

Куз қаритган дил дарахтимга,
Бағишлади бу онлар тоқат.
Ёмғирлар бор эди бахтимга,
Ҳаётимда йўқ эдинг фақат –

Фақат ёмғир ёғарди тинмай...

4
Ёмғир бўлолмадим,
Бир томчи ёмғир –
Бошингдан қуюлиб, пойингда оққан.
Билдим, ёмғирпўшинг бордир ҳамиша,
Кўнглингу эгнингга бирдайин ёққан.
Севиндим.
Дунёга термилдим бесўз,
Лабларим ёдида қолмаган лабинг.
О, ҳаёт сен нени истадинг ахир,
О, дунё мушкулми шунча талабинг?!
Севардим.
Шунчаки ўтдими ёки
Юрагим қошидан масъуд лаҳзалар?
Мендан кечишдими, тонишдими жим,
Мен севган одамлар, билган нарсалар?
Сен эса келмайсан...
Келмайсан сира –
Ўзгарар бир зумда қисматнинг таъби.
Бу куздан ягона қолган хотира –
Қорга айланаман юрагингдаги...

5
Само бор, беқанотман,
Ҳаёт бор, беҳаётман,
Ўзин аямас зотман,
Тангрим, чидайман куюк
Бағирлардан асрагин.

Бир яшаб, минг қийналсам,
Сурат бошқа ўйлансам,
Сийрат бошқа ўйлансам,
Тангрим, чидайман юзсиз
Зоҳирлардан асрагин.

Беравон бўлди йўлим,
Қақшади жону дилим,
Сўнгги нажотку ўлим,
Тангрим, чидайман бошқа
Охирлардан асрагин.

Бу дунёда оғири,
У дунёда оғири,
Майли, осмон ёмғири...
Тангрим, чидайман кўзда
Ёмғирлардан асрагин...

6
Ёмғирни севамиз иккаламиз ҳам.
Сен –
тўкилиб-тўкилиб ер бўлганини,
Мен эса
– юксакда,
жуда баландда
ҳали туғилмаганин,
ҳали тўкилмаганин...

2018 йил

Р. Б.

#ёмғирдан_сўнг | @Rahmat_Bobojon

Томчи
ва
томчи
томчи
ва
томчи
Куз каби бағир...

#ёмғирдан_сўнг | @Rahmat_Bobojon

Rasmda #IZLAM'ning ikkinchi faslidan o'rin olgan 16 nafar yosh ijodkor ismlari gorizontal va vertikal holatda yashirilgan.

Kimlarni topdingiz? Izohlarda yozib qoldiring. ✍️

📚 @akademnashr

Youtube | Instagram | Facebook  | Twitter

Kechki mutolaa
(o‘qish yoki eshitish uchun 19 daqiqa vaqtingiz ketadi)

Aziz Nesin. Uch kunda ingliz tilini o‘rgandim (hikoya)

Izoh: Hikoyada ingliz tilini bilmasa-da, otasidan uyalib tilni bilishini aytgan qahramonning ajabtovur sarguzashtlari haqida so‘z boradi.

📖 Matnni o‘qish uchun: https://teletype.in/@xushnudbek/Aziz-Nesin-Uch-kunda-ingliz-tilini-organdim

🎧 Audio hikoyani eshitish uchun: https://youtu.be/aiUKqqFzgmY

💬 Muhokama bu yerda.

🎙Bugungi hikoya audiosini Aziza Qurbonova o‘qigan.

📚 “Kechki mutolaa” doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈

“Izlam”ning 2-fasli keyingi haftadan sotuvga chiqadi, inshaAlloh. Bu safar 16 nafar muallif saralab olindi. Yoʻnalishlar roʻyxati ham kengaydi: nasr, nazm, adabiy tanqid va publitsistika.

Mualliflar orasida adabiyotimiz uchun kashfiyotlar ham borligiga ishongim keladi. Allaqachon oʻz ovozi va oʻz oʻquvchisini topib ulgurgan ijodkorlar ham bor roʻyxatda. Oʻz syurprizi – “Istisno”si ham bor ;).

1-faslda boʻlganidek asosli-asossiz tanqidlar boʻlishi tabiiy. Va 1-faslda boʻlganidek adabiy jarayonni yana bir qalqitib yuborishidan ham umidvormiz.

@akademnashr

Telegram | Instagram | Facebook

СЕН ҲАҚДА

1
Сен ҳақда ўйласам,
дилда малолим
Абадий ғам билан сирлашиб ётар.
Кўзларинг қошида титрар хаёлим,
Сочларинг кўксимга чирмашиб ётар.

Кўнглим секин-аста қайтар аслига,
Уни шодлик билан қутлайди бу ўй.
Бир парча нур тутар умид дастига,
Холис ниятини бутлайди бу ўй.
Айланар умрлик бахтнинг рамзига,
Менинг уйғонишим кутмайди бу ўй.

Сен ҳақда ўйласам,
бўй етган армон
Гоҳ ошкор, гоҳ пинҳон йўлимни тўсар.
Бир четда мунғайиб ҳасрат – андармон,
Эшигимда турган ўлимни тўсар.

О, кимдан ўтинай бу кунлар ҳаққин,
Ким кўздан олару ким сўзга солар?
Тангридан зорланиб сўрайман тағин:
“Бу ўй менинг қанча ёдимда қолар?”

Минг гина таъбирин олганда уйқу,
Тақдир менга шундай қорди зувола:
Ёдимда сен бору ёнимда – қайғу,
Дилимда сен бору тилимда – нола.

Сен ҳақда ўйласам,
битар иштибоҳ,
Руҳимда бир англам оташи ёнар,
Кўксимдан тўкилар етилган гуноҳ,
Юрагимда Худо уйғонар...

2
Ҳа, бизнинг бошларда минг турфа савдо –
Кўнгил тарафларга йўллайди минг хат.
Кузатар бир четда сўппайган дунё,
Ҳеч кимса бу ҳолдан чекмас ҳижолат.

Биламан, бу ишга қўймоқчидай чек
Толе хаёлида ҳозир шарҳ пишган.
У шундай мевадир. Тақиқланган, лек,
Кузнинг ўртасида ғарқ пишган.

Ҳали ўз райидан қайтмаган алдов,
Жонимга илашган бу ғам, бу кадар.
Огоҳман!
Дардим ол, кўзлари – ялдо,
Мағлубман!
Аяма мени, зулфизар.

Кўнглим!
Ишқ уйида муборак танглик!
Ичилмай кечилган ғамолуд майман.
Тикилсанг, бу бахтга ишонган янглиғ,
Тикилсанг, ўзимдан тонмоқчидайман...

октябр, 2024 йил.

Р. Б.

#ёзиқ | @Rahmat_Bobojon

Сен ҳақда ўйласам,
битар иштибоҳ,
Руҳимда бир англам оташи ёнар,
Кўксимдан тўкилар етилган гуноҳ,
Юрагимда Худо уйғонар...

#ёзиқ | @Rahmat_Bobojon

“Рўбарў”лашишга тайёрмисиз?!

Китобим бугундан сотувга чиқди, шеърият муҳибларига илиқ мутолаа тилайман.

Заҳмат чекканларга яна бир марта раҳмат!

"Академнашр" нашриётидан сўрайверасизлар.

#янги_китоб | @Rahmat_Bobojon

Сенинг "Рўбарў"шунос курсдошинг 😁

Сунъий закода дўстим иккаламизни жонлантиргандим, асл юзи ошкор бўлди 😂

#Излам | @Rahmat_Bobojon

Кадр ортидан лавҳа 😄

Китоб оламан деганлар учун онлайн буюртма: www.tg-me.com/akademsavdo

Тел: 99 433-16-77

Манзил: www.tg-me.com/Akademnashr/1461
Иш вақти: 9:00 — 18:00 (душанба - жума)

#Излам | @Rahmat_Bobojon

АСЛ МУХЛИС

"Рўбарў" чиққанидан энг кўп қувонган ким? – Меҳринур!
Эрта-индин отаси шоирлигидан ҳижолат чекмайдиган ягона одам ким? – Меҳринур!
Бу бешафқат оламдан бир кун ўтиб кетганимда ёзганларимни ғурурланиб кўтариб юрадиган ким? – Меҳринур!

У, биламан, буларни беғараз қилади, манфаатсиз бажаради, ҳеч кимдан ҳеч нарса кутмайди. Ҳозирдан унга раҳмат айтишни истайман.

Раҳмат, қизим!

Кеча илк имзо кунини уйдан бошладим: онам, аёлим, қизим ва укамга яхши тилаклар ёзиб, китобимни бердим. Кичик, аммо энг қадрли имзо маросими бўлди мен учун!

Ёзган уч-тўрт мисрамни ўқийман деган асл мухлислар, шеърсеварлардан миннатдораман, бор бўлинг, китобни сотиб олинг, ўқинг ва фикрларни бемалол айтинг, кутаман!

– Илк имзо кунидан суратларни изоҳлар қисмида қолдирдим))

#Излам | @Rahmat_Bobojon

#IZLAM haqida so‘nggi yangiliklar

Dushanba kuni Izlam ruknining yangi mavsumi sotuvga chiqadi. Kutubxonangiz birvarakayiga 15 nomdagi yangi kitoblar bilan boyishi taraddudini ko'ravering.

Kitoblar janrlariga ko'ra quyidagicha ko'rinish oldi:

nasr — 5;
nazm — 8;
publitsistika — 1;
adabiyotshunoslik — 1;

Sotuv e’lon qilinadigan postda barcha narxlar ko'rsatib o'tiladi, kitoblar to‘plam holida xarid qilsangiz chegirmaga ega bo‘lasiz.

Izlamning 16-kitobi istisno tariqasida keyinroq taqdim etiladi.

Kuzatib boring: @akademnashr

Youtube | Instagram | Facebook  | Twitter

Ижодкор ўз китобининг тарғиботчиси бўлиши керакми?

Мен, албатта, "Ҳа" дейман!

Ҳеч бозорга тушганингизда бирорта кийимсотар ўз махсулотини ёмон деганини кўрганмисиз? Албатта, йўқ. Баъзида ўша кийим 3 ойга ҳам етиб бормайди, рангги ўчади, қаеридир ситилади ёки, хуллас, нимадир бўлади. Аммо шунга қарамай, у "яхши".

Гарчи, мен ҳозир "Сотиб олинг!" деб тавсия этаётган тўпламим 3 ё 4 ойлик нарса эмас, у берган ҳиссётлар, фикрлар, балки сизни ҳали кўп ўйга солар, қийнар, яшашга ундар!

Ҳа, яқинда менинг китобим нашрдан чиқди, жарномасига эса жиддий киришдим, ҳозир сизга шу билан боғлиқ воқеалардан бир-иккитасини санаб бераман:

1. Бир дўстимга ёзяпман: "Оғайни, қачон бир рўбарў келар эканмиз-а? Би-ир ўтириб отамлашардик..."

2. Бир укамга айтганим: "Эй, бола бошқа каминага рўбарў келма, бўлмаса, кўрадиганингни кўрасан..."

3. Бир уйланолмай юрган курсдошимга маслаҳат: "Ўша қиз билан бир рўбарў келсанг, аниқ бахтинг очилиб кетади..."

Хуллас, шунақа гаплар…

Айтганча, айни кунларда китобимни олмаган ва ўқимаганлар, каминага рўбарў келманг, тағин балога қолманг дейманда))

Ҳурмат билан, мен ким –
"Рўбарў" китобининг муаллифи Раҳмат Бобожон.

#Излам | @Rahmat_Bobojon

Айтганча, айни кунларда китобимни олмаган ва ўқимаганлар, каминага рўбарў келманг, тағин балога қолманг дейманда))

Ҳурмат билан, мен ким –
"Рўбарў" китобининг муаллифи Раҳмат Бобожон.

#Излам | @Rahmat_Bobojon

#yangi_nashr #IZLAM

Uzoq kutilgan “Izlam”ning ikkinchi mavsumi sotuvda!

Izlam – izlash jarayonining ilk hosilasi demak. Biz galdagi “Izlam”imizni – e’tiborga tushib ulgurgan ruknimizning 2-faslini siz aziz kitobxonlar hukmiga havola etmoqdamiz.

Yozish uslubi, malakasi va iste’dodidan qat’i nazar, mualliflar o‘quvchini muloqotga chaqira olgan: ba’zan o‘z-o‘zi, ba’zan jamiyat, ba’zida Yaratgan bilan… Shu imkoniyat, agar u rostdan ham mavjud bo‘lsa, “Izlam” loyihasining asl maqsadi edi. Keling, gaplashaylik, izlanaylik, hosilalar uchun harakatni boshlaylik.

1. Shahriyor Shavkat “Ham” — 31 000 so‘m
2. Nozima Habibullayeva “Nafas” — 27 000 so‘m
3. Mansur Jumayev “Biz kutgan fasl” — 27 000 so‘m
4. Najmiddin Ermatov “Turon sog'inchi” — 31 000 so‘m
5. Furqat Alimardon “Qorakuya” — 27 000 so‘m
6. Suhrob Ziyo “Daryo” — 31 000 so‘m
7. Muhammadxon Yusupov “Deraza ortida” — 31 000 so‘m
8. Bayram Ali “Bosiriq” — 35 000 so‘m
9. Mohi Ra “Qirq birinchi kun” — 35 000 so‘m
10. Gulrang “Gulqaychi” — 27 000 so‘m
11. Jaloliddin Sayyid “Huqqaboz” — 31 000 so‘m
12. Jumanazar Yo'ldosh “Sir” — 31 000 so‘m
13. Rahmat Bobojon “Ro‘baro‘” — 35 000 so‘m
14. Gulhayo Anorova “Avron” — 27 000 so‘m
15. Sevara Alijonova “Mahkum sayohati” — 31 000 so‘m

Umumiy narx: 457 000 so‘m
Chegirmali narx: 370 000 so'm

Chegirma butun to‘plamni sotib olganlar uchun amal qiladi.

Xarid: www.tg-me.com/akademsavdo

16-kitob Istisno tariqasida keyinroq taqdim etiladi.

📚 @akademnashr

Youtube | Instagram | Facebook  | Twitter

Бармоғингизни қўйдингизми? Демак, китоб олиб беришга мажбурсиз шу лавҳани жўнатган одамга)

– "Академнашр" нашриётидан сўрайсиз.

#Излам | @Rahmat_Bobojon

Аслида, ҳамма гап "Ҳам" "Нафас"ликда!

Бугун шеърсеварлар қўлига етиб бораётган дўстларим – Шаҳриёр Шавкат ва Нозима Ҳабибуллаеванинг номию мазмун-мундарижаси бир-бирига уйғун шеърий тўпламлари ҳақида хулоса чиқариш биз шоирлар эмас, сиз – "боши ва юраги омон бўлгур" ўқувчиларга ҳавола.

Мен китоблардан қандай шеърлар жой олгани, уларнинг маъноси ҳақида гапириб сиздан шеърий лаззатланиш ҳиссини тортиб олгим йўқ, яхшиси уларни ўзингиз олинг ва ўқинг, ҳис қилинг, яшанг, ёнинг, асло сўнманг!

Шоир ҳамиша ўз яхши кўрган нарсаси ёки одамларига ҳамнафас яшашни истайди, шу истакдан қутлуғ сўз туғилади, шеър яралади, руҳ тозариб, қалб излаган ҳузурини топади.

Мен ушбу китоблар, нафақат ўзбек адабиёти, балки туркий ва жаҳон адабиётига ҳам нафас бера оладиган тўпламлар бўлишига ишонаман.

Китоблар барчамизга муборак!

#Излам | @Rahmat_Bobojon

“Излам”нинг II фаслидан кимларнинг қандай китоблари ўрин олган?

Шу ерда: https://youtu.be/tnafLDtQTaI?si=s9U465wDSWKSurWp

#Излам | @Rahmat_Bobojon