❗️Ўтган 9 ойда фуқаролик ишлари бўйича судлар томонидан 8,2 трлн. сўмдан зиёд мажбурий тўловлар (вояга етмаган болалар учун алимент, иш ҳақи ва унга тенглаштирилган тўловлар, ёзма битимга асосланган ва қарздор томонидан тан олинган талаблар, коммунал хизматлар бўйича қарздорлик тўловлари ва бошқалар)ни ундириш ҳақида 1 135 823 та суд буйруғи чиқарилган.

Шунингдек, 472 932 та фуқаролик иши кўриб чиқилиб, уларнинг 365 164 таси бўйича талаблар қаноатлантирилган бўлса, 56 804 таси бўйича талабларни қаноатлантиришдан рад қилинган, 45 682 таси бўйича даъволар кўрмасдан қолдирилган бўлса, 5 282 таси бўйича ишни юритиш тугатилган.

Кўриб тамомланган фуқаролик ишлардан 151 519 таси битимлар, 52 507 таси никоҳдан ажратиш, 19 493 таси уй-жой муносабатлари, 14 595 таси алоҳида тоифадаги ишлар, 9 116 таси ўзбошимчалик билан қурилган уй-жой ёки қурилмани бузиш, 2 835 таси оталикни белгилаш билан боғлиқ ва бошқа тоифадаги ишларни ташкил қилади.

Каналга қўшилиш 👈
Facebook | Instagram | Медиабанк

❗️Бугун Президент Шавкат Мирзиёев Тошкент шаҳридаги IT-паркка ташриф буюради

Давлатимиз раҳбари мажмуанинг иккинчи босқичига старт бериш маросимида иштирок этади ҳамда сунъий интеллект технологияларини жорий этиш лойиҳалари билан танишади.

Шунингдек, Президент раислигида ҳудуд ва тармоқларда сунъий интеллект технологияларини ривожлантириш юзасидан видеоселектор йиғилиши бўлиб ўтади.

Каналга қўшилиш 👈
Facebook | Instagram | Медиабанк

❗️21 октябрь — Ўзбек тилига давлат тили мақоми берилган кун арафасида "Юксалиш" ҳаракати аҳоли ўртасида мавзуга оид кичик сўровнома ўтказди.

Сўровнома натижалари видеода.

Каналга қўшилиш 👈
Facebook | Instagram | Медиабанк

Эндиликда вазирлар ва тармоқ раҳбарларининг рақамлаштиришга масъул ўринбосарлари бир вақтнинг ўзида соҳада сунъий интеллектни ривожлантиришга ҳам жавобгар бўлиши белгиланди.

Шаҳар ва туманларда ҳам ҳокимларнинг рақамлаштириш ва сунъий интеллект бўйича маслаҳатчиси лавозими киритилади.

Юқори кўрсаткичга эришган, хорижий тил биладиган, технологик билими кучли 100 нафар мутахассис АҚШ, Европа, Сингапур, Япония каби давлатларга олти ойлик курсларга юборилади.

Келгуси йилдан вазирлик ва ҳудудларда сунъий интеллектни жорий этиш ҳолатини баҳолайдиган рейтинг тизими ишга туширилади.

Инвесторлар учун янада жозибадор муҳит яратиб, замонавий супер-компьютер кластерлари ва дата-марказларни кўпайтириш зарурлиги қайд этилди.

Бу борадаги ишлар Қорақалпоғистондан бошланади. Сунъий интеллект инфратузилмасига 100 миллион доллардан кўп сармоя киритган инвесторларга электр энергияси нархи 5 цент этиб белгиланади, IT-парк имтиёзлари татбиқ этилади, импорт ускуналари божхона тўловидан озод этилади.

Шу билан бирга, олис ҳудудларни юқори тезликдаги интернет билан таъминлаш учун кейинги йилдан йўлдошли интернет операторларининг фаолияти йўлга қўйилади. Улар 5 йилга ер, мол-мулк, фойда ва қўшилган қиймат солиғидан озод этилади.

Каналга қўшилиш 👈
Facebook | Instagram | Медиабанк

#Fakt

❗️Ўтган 9 ойда маъмурий судлар томонидан 412 та ҳоким, 653 та солиқ, 525 та кадастр органларининг қарори ҳақиқий эмас, деб топилган

Ушбу даврда маъмурий судлар томонидан 13 379 та иш кўриб чиқилган. Натижасида 5 387 та фуқаро ва юридик шахсларнинг ҳуқуқлари тикланган.

Маъмурий ва фуқаролар ўзини ўзи бошқариш органларининг қарорлари устидан 5 396 та шикоят кўрилган.

Вилоят ва унга тенглаштирилган маъмурий судлар томонидан апелляция тартибида 2 326 та иш кўриб чиқилган.

Биринчи инстанция судлари томонидан чиқарилган 301 та қарор бекор қилиниб, 10 та қарор ўзгартирилган.

Кассация тартибида 1 077 та иш кўриб чиқилган. Биринчи инстанция судлари томонидан чиқарилган 165 та қарор бекор қилиниб, 8 та қарор ўзгартирилган.

Тафтиш тартибида 1 249 та иш кўриб чиқилган. Қуйи инстанция судлари томонидан чиқарилган 105 та қарор бекор қилиниб, 3 та қарор ўзгартирилган.

Олий суднинг Маъмурий ишлар бўйича судлов ҳайъати томонидан қуйи судлар томонидан чиқарилган қарорларнинг 101 таси бекор қилинган.

Каналга қўшилиш 👈
Facebook | Instagram | Медиабанк