Қанча яхшилик қилманг, барибир бир кун шу яхшилик қилганларингиз маломат тоши билан бошингизни ёришади!

Ҳаёт тажрибамда орттирган ТОП 7 маслаҳат:

1. Топган пулингизни ҳаммаси «ўзимники» деманг, унда мискинларнинг ҳаққи бор. Масалан: сиз қанчадир миқдорда эҳсон қилдингиз, ўша пул ортиғи билан баракали бўлиб қайтиб келади. Шахсан менда эҳсонлар ораси чўзилса, пул топишимда муаммолар чиқа бошлайди.

2. Вада бердингизми — бажаринг.
Кеча шу вадани қандайдир хурсандчиликда ёки ташвишли ҳолатда, эҳтиёжда, эмоцияда бердингизми — фарқи йўқ. Сизнинг шу берган вадангизга кимдир қаттиқ ишониб қолган бўлиши мумкин.

3. Яхшиликни қилдингизми — раҳмат айтиб эслаб юришларини кутманг. Яхшиликни қилинг ва шунчаки унутинг. Кутсангиз, кимдир раҳмат айтиши учун, одамлар учун қилган бўлиб қоласиз. Агар қайсидир яхшилик қилган одамингиз раҳмат айтмаса ёки миннатдорчилигини сиз кутгандай билдиролмаса, яхшилик қилгингиз келмай қолади. Лекин аслида, сизга бўртириб раҳмат айтган одамдан, айта олмаган одам кўпроқ севиниб, кўпроқ ортингиздан дуо қилган бўлиши мумкин.

4. Бировга яхшилик қилсангиз, «билмайдику» деб тўхтаб қолманг. Эҳсонингизга муҳтожми — беринг, тамом. Нима, ҳамма яхшиликни билади, деб ўйлайсизми? Қариндошингиз бўлсин, яқин дўстингиз бўлсин, кўчадаги тутунган акаларингиз бўлсин — 10 марта қилиб, 1 марта қилмасангиз, шу қилмаган ишингизни эслаб маломат қилишади. Кеча бўртириб сизни мақтаб чарчаган оғизлари, бугун ёмонлаб чарчоқ билмайди. Бунақалар фақат бегоналардан эмас, ўзингизникилардан ҳам чиқади.

5. Яхшиликни Аллоҳ учун қилиш қоидаларини англаб етганингизда, шайтон атрофингиздаги яқинларингиз орқали сизга босим ўтказишга ҳаракат қилади. Сизни қилган яхшилигингизни уларга ёмон ишдек, ёки уларга нисбатан беҳурматликдек кўрсатишга уринади. Майли, бугун сиздан хафа бўлишлари мумкин, лекин қиёмат кунида бу яшириб қилинган эҳсонлар уларга совға бўлиб келади. Охират кунининг хурсандчилигини, бу дунёдаги барча хурсандчилик бир бўлса ҳам, боса олмайди.

6. Кўзбўямачи бўлманг. Айрим одамларни биламан — кўчадагиларга яхши инсондек кўринишга ҳаракат қилишади. Қарз сўраган одамларга уйидан борини олиб чиқиб, қўш-қўллаб қўлларига тутқазишади, оиласида эса тийинни ҳисоб-китоб қилади.
Аввал оилага, кейин жигарларга, кейин қариндошларга, кейин атрофдагиларга қилинади.

7. Доим ўзингизни танқид қилиб туринг. Шайтон илмли бўлганини унутманг. Сизнинг илмингиз кучайиб, хайрингиз ортган сари, яна ҳам билимли ва бахил шайтонлар келишни бошлайди. Ҳаёлингизда яхшилик қилишни хоҳлаётгандек бўласиз, қалбингизда эса одамлар кўришини, мақташларини хоҳлаб турасиз. Агар ичингиздан кимнидир билишини хоҳлаб яхшилик қилмоқчи бўлсангиз — ўша яхшиликни қилманг. Қачонки ўша пул ўзингизга керак бўлганда ёки нафс пишқириб, пулларни ўзингизда қолишини истаб турган вақтда яхшилик қилсангиз — ҳам нафс тарбияланади, ҳам у пайтда сизга кимдир раҳмат айтиши ёки билиши аҳамиятсиз бўлиб қолади.

Эҳсон – бу дунёда барака, охиратда нажотдир. Қилган яхшилигингиз одамлар томонидан қадрланмаса ҳам, Аллоҳнинг назарида ғоят улуғ ҳисобланади.

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Тасодиф ортидан келган “Малибу”

Кобалт машинам бор эди. Бир куни дўконга кирсам, дўкончи жуда кучли маркетолог экан.
— Ака, мошинагизга Малибунинг рули, бари, қопламаларини ўрнатинг. Чехолниям тоза қора кожадан қўямиз. Малибуда ўтиргандек ҳис қиласиз, — деди.

Мен кулиб:
— Ака, мингта малибунинг қисмларини қўйганингиз билан бу барибир Малибу бўлиб қолмайди-ку, — дедим.

Дўкончи:
— Ака, бугун Кобалтда юрсангиз ҳам, ичи Малибу бўлади. Ҳар куни рулига қараб, малибу олиш орзунгиз эсингизга тушади. У сизга илҳом беради, ҳаракатга ундайди. Ва вақти келиб, Аллоҳ хоҳласа, ўша Малибуни ҳам оласиз.

Кулиб картамга қарасам,
4 миллион сўм бор экан. “Беринг, майли,” дедим. Шунда рулидан тортиб салфеткагача Малибуга ўхшатиб тўла жиҳозладим.

Аллоҳнинг фазли билан, ҳар гал машинамга ўтирганимда Малибу ҳақида ўйлайдиган бўлиб қолдим. “Бир кун келиб албатта оламан,” деб ўзимга ваъда берардим.

Орадан бир йил ўтиб, картамда малибуга етадиган пул йиғилди. Кобалтни сотиб, ҳақиқий Малибу олдим. Ҳозир Малибуда ўтириб, ўша кунларимни эсладим.

Ниятни яхши қилинг. Бугун катта мақсад қўйсангиз-да, уни қандай амалга оширишни билмаслигиз мумкин. Аммо ният пок бўлса, вақт ўтиб, ғоя ҳам, имконият ҳам, ҳаракат ҳам ўзи келади.

Фарзандингиз “катта бўлсам, сизга катта, қиммат нарсалар олиб бераман” деса, бизга йўл бўлсин деманг — “Иншааллоҳ!” деб қўйинг. Чунки қалбдаги ният — тақдирга йўл очувчи калитдир.

Қадамларингиз кичик бўлса ҳам, мақсадингиз катта бўлсин. Бир куни кеча орзу қилган жойингизда ўтирганингизни ўзингиз ҳам сезмай қоласиз.

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Бир янги уйланган йигит тақдиридан қувониб, хотинини амакисига мақтаб қолибди. Амакиси жиянига насиҳат қилиб ўтирмай, оқшомда ўз уйига меҳмон бўлиб боришини тайинлабди.

Жияни келгач, амаки хотинига тарвуз олиб келишни буюрибди. Хотин олиб келибди. Амаки тарвузни кўриб: "Буниси яхши эмас, бошқасини олиб кел", дебди. Хотин итоат билан иккинчисини олиб келибди. Шу тарзда эрнинг хоҳишига қараб, ўн марта бошқа тарвузга қатнабди. Аммо лом-мим демабди...

Жияннинг таклифи билан эртасига амаки меҳмонга борибди. Жиян ҳам хотинига тарвуз келтиришни буюрибди. Биринчи тарвузни кўриб: "Бу яхши чиқмайди, бошқасини олиб кел", дебди. Жувон итоат билан иккинчи тарвузни олиб келибди. Жиян бундан мамнун бўлиб, амакисига "Кўрдингизми?" дегандай кулиб қарабди-да, "Бу ҳам бўлмайди, бошқасини олиб кел", дебди. Учинчи тарвузни ҳам бўлмайдига чиқариб, қайтармоқчи бўлганида жувон:
– Нима, бир арава тарвуз тушириб қўйганмисиз, ҳали унисини, ҳали бунисини олиб кел, деяверасиз. Бор-йўғи учта тарвуз бор уйда, ёқмаса, туринг-да, яхшисини ўзингиз танлаб олинг. Мен танлашни билмайман! – деб норозилигини баён қилибди.

Шунда амаки жиянига деган экан:
– Кўрдингми, жиян, сен кўпам мақтанавермагин. Менинг уйимда бир донагина тарвуз бор эди. Хотиним яхши феълли, фаросатли бўлгани учун менга эътироз билдирмай, ўша битта тарвузни ўн марта олиб келди. Лекин бирон марта итоатсизлик билан гап қайтармади, лабини ҳам бурмади.

Фаросатли аёл йўғини ҳам саришта қилади, фаросатсиз эса борини ҳам эплолмайди!

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Султон Сулаймон вафотидан олдин уч нарсани васият қилган экан:

1. Тобутини давлатининг энг зўр табиблари қабрга кўтариб боришини;

2. Бор бойликлари - жавоҳиру олтинларини қабргача борадиган йўлга сочиб қўйишларини;

3. Тобутидан икки қўлини чиқариб қўйишларини.

Сарой пешволари ҳайрон бўлиб, буни сабабини сўрашибди.


Султон Сулаймон қуйидаги жавобни берган экан:

1- Замонанинг энг зўр табиблари тобутимни кўтаришсин, одамлар кўришсин, энг зўр табиб ҳам Аллоҳдан келган ажал олдида ожиздирлар, ўлим ҳақ.

2-Бор бойликларимни йўлга сочиб қўйинглар, одамлар кўришсин, инсон ҳар қанча мол-дунё йиғиб ҳам, уни охиратига олиб кетолмайди.

3-Қўлларимни тобутдан чиқариб қўйинглар, одамлар кўришсин, қандай катта давлат султони бўлиб, қандай катта бойликларга эга бўлиб, саройларда яшаган бўлсамда, қабрга қуруқ қўл билан кетаяпман.

Бу дунёда фақат яхшилик қолади. Яхшилик қилишдан хеч қачон чарчаманг.

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Мен эгоистман!

Абитуриентлик давримда уйдаги ишлардан қочиб, ўқишга тайёргарлик учун вилоятга кетгандим.

Худбинлик қилдим. Лекин ўқишга бюджет кириб, оиламни катта харажатдан сақлаб қолдим.

Хулоса қилдим: эгоистликни ҳам тўғри бошқарса бўларкан.)

Ҳозир ҳам худбинман:

Дарсга тайёрланиб бораман — кун бўйи маза қилиб дарс ўтишни хоҳлайман

Касал бўлсам ватанпарварлик қилмай дам оламан — соғлиғим керак

Йўл қоидаларига амал қиламан — жарима тўлагим келмайди

Бировни айбларини беркитаман — мениям айбимни Аллоҳ сатр қилсин деб

Фарзанд тарбиясига оид китоблар ўқияпман — бир умр фарзандим феълидан жабр чекишни хоҳламайман

Шариат қоидаларига амал қиламан — охиратда машаққатга қолгим келмайди

Спорт билан шуғулланиб тураман — касал бўлиб қийналишни истамайман

Ёрдам сўраганларга ёрдам бераман — савоб керак

Кредит олмайман — бой бўлишни хоҳлайман

Тез кечиришга ҳаракат қиламан — Аллоҳ ҳам мени кечирсин деб

Иш вақтим тугадими, дам оламан — самарали ишлашим учун энергиямни тиклаб олишим керак

Шахсий ривожланишга эътибор қаратаман — кўпроқ имтиёзларга эга бўлишни истайман

Қиссадан ҳисса:

Аҳмоқ ватанпарвар бўлма, ақлли худбин бўл!

©Ustoz_kundaligi

#rumiy

👉 @Rumiy_AforizmlariUz 📚 /
Ma'nolarning tuganmas jilosi

#ибрат

Қизи бор оталар учун 5 та ажойиб маслаҳат

1. Қизингизга имкон қадар кўпроқ яхши кўришингизни айтинг. Отаси яхши кўрган қиз, албатта, келажакда турмуш ўртоғи томонидан ҳам яхши кўрилади.

2. Уни ҳар доим ҳимоя қилинг. Келажакда бунақа қизлар қўрқмас бўлиб катта бўлади.

3. Ҳеч қачон уни бошқалар билан солиштирманг. Солиштирилган фарзандларнинг ўзига бўлган ишончи паст бўлади.

4. Ҳеч қачон уни танқид қилманг. Уни ҳар доим мақтанг. Бу унда ўзига бўлган баҳонинг юқори бўлишига сабаб бўлади.

5. Энг асосийси, қизингизни доим иккинчи ўринга қўйинг. Биринчи ўринга эса унинг онасини. Шунақа муҳитни кўрган қиз оиласи ҳам шуни такрорлайди.

#rumiy

👉 @Rumiy_AforizmlariUz 📚 /
Ma'nolarning tuganmas jilosi

So‘roqlarim ko‘p!

Be'ozor deyishar meni ko'rganlar,
So'zlarin eshitib, kulib deyman ho'p.
Anchadir so'zimdan jabr chekganlar,
Dillarni ranjitgan xatolarim ko'p.

Chaqirganda ho'p deb bormasdan,
Yoki bilib turib yoki bilmasdan.
Vada berib, vafo qilmasdan,
Kimnidir aldagan yolg'onlarim ko'p.

Kimlarga ishonib aldanib qoldim,
Taqdir sinovidan zo'r saboq oldim.
Indamay barini ollohga soldim,
Do'stim deb ishongan dushmanlarim ko'p.

Goh o'ylab chiqaman uxlamay tunlar,
Meni kutar ekan yana qay kunlar.
Hayotim davomi baxtmi yo dardlar,
Ko'rgan kunlarimdan ko'rmaganim ko'p.

Ikkala och ko'zim davlatga to'ymay,
Mol dunyo ortidan yugirdim tinmay.
Do'stlarni onamning qadrini bilmay,
Boshni toshga urgan afsuslarim ko'p.

Dilimda yangilanar har on, bir yara,
Vijdonim hech tinchlik bermaydi sira.
Bilmay qilgan aybimdan ko'ra,
Bilib qilgan gunohlarim ko'p.

Bu dunyo jumboqdir yechilmaydigan,
O'limchi mehmondir kutilmaydigan.
U dunyo bu dunyo ushalmaydigan,
Qalbimda yashirgan orzularim ko'p.

Eng yomon bandasi bo'lganim uchun,
Uzurlar so'rayman yig'layman be'un.
Bariga javobim berarman bir kun,
Allohim oldida so'roqlarim ko'p.

#rumiy

👉 @Rumiy_AforizmlariUz 📚 /
Ma'nolarning tuganmas jilosi

➖Otaning yelkasidan yumshoqroq yostiq yoki ishonchli tayanch yo'q..‼️
@Rumiy_AforizmlariUz