مجلس العتبة الكاظمية المطهرة.. شهادة الامام السجاد ع .. الرادود عمار السماوي

#قصائد_الاربعين
.


.   لــكــربــلــه بـالــدمــعــه طــالــع زايـــر
    عــنــدي مــوعــد عـالـگـبـر وي جــابــر

                                   *---------------*---------------*

    گــاصــد لــكــربــلــه بـدمـعـي الـجـاري
    هـنـاك عـالـعـلـگـمـي امــتــانــي بـنـاري
    يـقـيـم مــجــلــس جــابــر الانــصــاري

    عـلــى امــصــاب الـمـنـذبـح بـالـعـاشـر

                                   *---------------*---------------*

    لـكـربـلـه من اول خـطـى شـابـح نـظـر
    الـلـيـلـه روس الـعـتـره ترجـع لـلـحُـفـر
    ويــه زيـنـب يــوم عــشــريــن بـصـفـر

    لـبـو الـيـمـه اوصـل بـكـلـبـي الـشـاجـر

                                   *---------------*---------------*

    وي مـــرد الـــروس ارد بــالاربــعــيــن
    وانچفي ماي اعله كل ظـامي بـونـيـن
    ولو شـفـت رايه تـرف اصرخ حُـسـيـن

    لـظـهــرك وغـيـر الـچـفـوف اشـكـاسـر

                                   *---------------*---------------*

    مـثـل ممشه الـدمـع عـالـخـد . ابوجل
    بهيده ممشه اجدامي ما امشي بعجل
    شلون اخف جدمي وجـدم زينب ثِكَل

    زيـنـب الـشـافـت هـظــم مــا صــايــر

                                   *---------------*---------------*

    خـل يـذبـلـنـي دمـــع هـمـي الـثـگـيـل
    وتحني ظهري احزاني بالدرب الطويل
    صــعــبــه والـسـجـاد لـيـهـسـه عـلـيـل

    وعـلـى حــمــل الـسـلـسـلـه مـــا گــادر

                                   *---------------*---------------*

    گلبي بين اضلوعي چـن خـيـمـة عـزاء
    على امصاب التبجي لجروحه السـمـاء
    الشسمك ايگلي . انسه واصـرخ كربلاء

    الــراح والـجـاي الــســبــط والـحـاضـر

                                   *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

قصيدة الانصار .. بيرغ السبعين

الرادود حازم الكناني
الشاعر سعد هادي الشمري

https://youtu.be/J5PwEGW9q6k?si=0_ozk_BgehIMPMEj

نار خيماتچ

الرادود اثير النجادي
الشاعر سعد هادي الشمري

https://youtu.be/8GJsgu6TFvs?si=igqgat3oYE0o0Vfr

#قصائد_الاربعين

.

.           رحلتـنـه   رحـلـة شــرف
            بيرغـنـه   بـالـغـيــرة رف 

              نمشي خطوات الولاء
              الملتقىٰ في كــربــلاء

                                     *---------------*---------------*

       يُروى عن صادق القول ِ والفعل
       الـيـزور حـسـيـن اله كل الفضل
       تـراب اليدوسـه يوصفونه كحل

اله بشوگ اليوصل
زايــر و يـتـسـجـل
بــالــجــنــان الأول .. سـابـق على الـنـاس

لـكـربـلـه اليـتـعـنـه
بـالـحـزن و الــونــه
إلــه تُـهـدى الـجـنـه .. سـابـق على الـنـاس

            يـتـمـنـه   كل عمره طَف

                                     *---------------*---------------*

       يـروى عـن الـصـادق بدعواه درِس
       فـضّـل الــزايــر عـلـىٰ كـل نــفــس
       ربي ارحم وجه غَـيـرَتّـه الـشـمـس

والامـــام بـــنـــاره
وصلت إلنه اخباره
يــنــدعــي لــزواره .. مــشــايــة حـسـيـن

انـعـرفـوا بإيـمانهم
والـورع عـنـوانـهـم
الله يـرفـع شـانـهـم .. مــشــايــة حـسـيـن

            دولتـنـه   رايـتـهـه چَـف

                                     *---------------*---------------*

       يروى عن صادق حُجج رب السماء
       عن زيارة خامس اصـحـاب الكساء
       ازيارته حگ عـالـرجال وعـالـنـسـاء

لأُم سـعـيـد يـنادي
زوري سبط الهادي
( إنَّ خـيـرَ  الـزادِ ) .. ازيــارة الــمــذبــوح

و لــزُرارة ايـخـبـره
الـتــزوره بــگــبــره
اتـفـرّح أم الـعـتــره .. ازيــارة الــمــذبــوح

            مـدمعنه   لحـزنـه انذرَف

                                     *---------------*---------------*

       يُــــروى أنَّ صــــادق الآلِ نـــطـــق
       العمره ما زار السبط، عمره انـسـرق
       مِـن حـقـوق المصطفى تاركله حـق

گـبـره شـع بــنــورة
و الامــلاك اتــزورة
الجنة صارت سورة .. گـبـر ابـــو الـسـجـاد 

الـمـلـك يـتـمـنـونـه
بـكـربـلـه ايزورونـه
وتنزل ايـخـدمـونـه .. گـبـر ابـــو الـسـجـاد

            وللجـنّـه   جنّـه انـوصَـف

                                     *---------------*---------------*

       يُـروى عـن الـصـادق بـيـوم الـفـزع
       كل شخص يتمنه بحسين انـجـمـع
       وويه زواره اسـمـه لـلـبـاري ارتـفـع

يـفـتـخـر واحـدهم
من الكرامه العدهم
فــــازوا وسـيـدهـم .. بـالـدنـيـه والــديــن

والـخَـدَم بـمـصـابـه
تـعـتـنـي لاعـتــابــه
واگــفــيــن ابّــابـــه .. بـالـدنـيـه والــديــن

            بونّـتـنـه   إلــنـــه شـغـف

                                     *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

قصيدة / الخيام
الرادود ابو محمد الموالي
الشاعر سعد هادي الشمري

https://youtu.be/OEgznW-PT9c?si=WyvrM0Nf1CSx3_-l

#قصائد_الاربعين
.

ارتـفـعـت لـلـعـشـگ رايــــه   وصـوت اجــدام مــشــايــه

                 الگلب هوه وجدمي هتف هلـه  
                 عـشّـاگ والـمـعـشـوگـه كـربـلـه

                           *---------------*---------------*

                   لـنـور الـعـشـگ بانت ومضه
                   وانـه احسبهه لحضه لحضه
                   الاجـه زايـر شـكـبـره حضـه
                               افتـخـاره

                   لطريق حسين شـد احـزامـه
                   وعلى زنـده الـعـلـگ عـلامـه
                   حـلمـه بـصـحـوتـه ومـنـامـه
                               الــزيــاره

سبـحـتـه بإيده يـسـتـغـفـر   ولـجــروح الـسـبـي يـذكِــر

                 مُـعـزي راد حــســيــن يـقـبَـلـه
                 عـشّـاگ والـمـعـشـوگـه كـربـلـه

                           *---------------*---------------*

                   مـشــاي اعـتـنـيـت وافـخـر
                   لــونــي بـالـشـمـس تـغــيــر
                   ذاكــرنــي امـامـي جــعــفــر
                               دعــائـــه

                   مجلس كل طريقي حـاسـب
                   وللمـهـدي بـدمـوعـي اراقـب
                   حــاضــر ادري . والـمـواكـب
                               عــزائـــه

إلـه بـكـل روح شــيــعــيــه   يـلـگـه صـــوت لــطــمــيــه

                 هــالــعــشــگ تـقـره مـا ابـدِّلـه
                 عـشّـاگ والـمـعـشـوگـه كـربـلـه

                           *---------------*---------------*

                   امصاب الطف صُبح مصابي
                   واتـراب الـمــشــي بـثـيـابـي
                   بـطـريـقـي دمعة انـتـحـابـي
                               هـويـتـي

                   يسألوني .. وحـزيـن اجاوب
                   وگلبي ويـه الـسـبـايـه ذايب
                   مُــعــزي لـلإمــام الــغــايــب
                               مُـنـيـتـي

بدموعي. بثوبي . بانفاسي   لأمامي المهدي انه امواسي

                 والصوت من جوه الگلب عِـلـه
                 عـشّـاگ والـمـعـشـوگـه كـربـلـه

                           *---------------*---------------*

                   احـاچـي زيـنـب بـعـبــرتــي
                   يـحـره ٱمن الزمان اشـفـتـي
                   شچنتي ويالعقيله اشصرتي
                               بطفوفـچ

                   مـفـهـوم الــصــبــر رســالــه
                   لــتــكـلــيـفــچ رِسَــم دلالــه
                   الـحـزن يـابـت علي . جماله
                               بحروفـچ

اليـحـزن تِـكـسِـره الـدمـعـه   و حـــزنــچ زيّــدچ رِفــعــه

                 بأرض السبي وصوتـچ اتخيَلـه
                 عـشّـاگ والـمـعـشـوگـه كـربـلـه

                           *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

#قصائد_الاربعين
.
.



.  شـفـيع الـذنـوب       ربــيـع الـقـلـوب

                 حبيبي حُـسـيـن

                                      *---------------*---------------*

اعله حبـك ربـيـنـه     بـطـريـقـك مشينـه
يَـدِيـن وشـريــعــه     بُـهـداك اهـتـديـنــه

                 يَــسِـر الــصــلاة
                 مـمـات وحـيــاة
                 حبيبي حُـسـيـن

                                     *---------------*---------------*

يـمـالـك كــيــانــي     طـريـقـك هــدانــي
جـراحك هـويـتـي     وضـريـحـك أمـانـي

                 جراحـك دروس
                 انيس الـنـفـوس
                 حبيبي حُـسـيـن

                                      *---------------*---------------*

لمـصـابـك لـهـيـبـي     يجُـرحـي وطبيبي
نـبـض گـلـبـي ونّـه     لـجـروحـك حبيبي

                 بـچـتـلـك دمــاء
                 عـيـون الـسـمـاء
                 حبيبي حُـسـيـن

                                     *---------------*---------------*

حـركـتـي وسكوني     وهـدوئـي وجنوني
شـغـلـهـن مـصـابـك     وجـرتـلك عـيـونـي

                 خصالك خصـال
                 كـيـان الـجـمـال
                 حبيبي حُـسـيـن

                                     *---------------*---------------*

يـقـبـلــة حـنـيـنـي     ويَـعَـبـرة سـنـيـنـي
دمـعـتـي لمـصابـك     كرامـه اعـلـه عيني

                 دمـوع الـهــيــام
                 طـريـق الـسـلام
                 حبيبي حُـسـيـن 

                                     *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

#قصائد_الاربعين
.
.

.           گـل للشيـعـي ويـنـك
            خل تنظـرنـه عـيـنـك  

  ثــورة دمـــع  ..  يحسين اربعـيـنـك

                                     *---------------*---------------*

گـالـوا ظـامـي جـيـنـه انـعـاتـب الماي
لــيــش ٱمـن الـنـهـر مـا طـلـع مـشّـاي
الـسـواد ابـكـل طـريـق يـجـيـب زوار
اثــيــاب ورايــه الـك فـد لـون مـولاي

            بـجـفـن الگاع اراقب
            الدمع خـضّـر مواكب

  مثل الـخـيـم  ..  بيهه الجـمـر لاهب

                                     *---------------*---------------*

عــدنــه اگـلـوب الـك وفـايـه لـلـديـن
تـجـي رايـــات تـهـتـز غـيـره يحسين
ومدري اشكم فـرات اعله الجفن صار
يـم گــبــرك نــريــد انــفــزّع الـعــيــن

            تـچـوي الشيعي نـاره
            وتِـطـفـيـهـه الــزيـاره

  مـاي بـجـمـر  ..  شـوفَـتـهـه  المناره

                                     *---------------*---------------*

صَفَر مـن يـلـفـي من ابيوتنه انـشـيـل
ونجـيك اصـدور زرگه من اللطم نِـيـل
ويـحـسـيـن الـيـجـي جاب ابـنـه وياه
حـتـى الـحـزن جـيـل ايسلّمه الـجـيـل

            و وي جدم السـبـايـه
            رايــه اتــعــزّي رايــه

  بدرب المشي  ..  نـنـصـبـلـك اقرايه

                                     *---------------*---------------*

جـرحـك عـالــمـي وما يـعـرف احدود
وبـابـك چـف عـلـي وما يوم مـسـدود
گــالــوا يــمــك اتــرد زيــنــب الـيــوم
وٱجـيــنــه لـلـخــيــام انـرجّـع الـجـود

            رايـه الشيعي شـايـل
            لگبرك لـهـفـه واصــل

  بچفه الـعـزم  ..  من چف ابو فاضل

                                     *---------------*---------------*

يـحـسـيـن اربـعـيـنـك ثـانـي عـاشـور
ردّت روســـكـــم زيــنــب لـلــنــحــور
يـعـمـيـنـه الـبـچـي وكـل سـنـه مولاي
مـثـل جــابــر نـجـي بـاحـزانــه انـزور

            يـا دمـعــة صــبــرنــه
            عـشـنـالـك عُــمــرنــه

  بـــزيــارِتَــك  ..  نـجـي نـتـبـدّه ونّـه

                                     *---------------*---------------*

مثل هـيـچـي وكـت يحسين كل عـام
عـهـد لــتــرابــك اتـوصـلـنـه الـجــدام
ابموكب خدمه نخدم ، لو مشي انروح
يـحـسـيـن الـمــهــم تــلـگــانــه خـدّام

            الشال بصوته عـاشر
            الداس بجرحه حافر

  يحسين الـك  ..  طـالـع گـلـبـه زايــر

                                     *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

#قصائد_الاربعين
.


مـشـي وبـالـدمـعــه أحـيـوا الاربعينيه
تـلـگّـوا الأجـت مــن الـشـام مـسـبـيـه

                                      *---------------*---------------*

زيـارة ابـو الاكـبـر مـشـيـاً احـيــوهــه
وفـضـائـلـهـا العظيمة الليلة اذكروهـه
روايـات الامـــام الـصـادق احـچـوهـه
لـلــي عـــالـــزيـــارة عــاقــد الــنــيــه

                                      *---------------*---------------*

روايات الـمـشـي كـثـرة وعظيمة شان
نـقـلاً عـن زرارة وبـعـد عـن صــفــوان
اليزور حـسـيـن بالطف يـاخـذ البرهان
كـمـن زار الـعــرش واتــنــور بــضــيّـه

                                      *---------------*---------------*

الـيــزور الـحُـسـيـن وعــــارف بـحـقـه
صـارت جـنـة الله مــســكــنــه ورزقـه
كلشي يزول بس حب الـسـبـط يـبـقـه
وهـذا الـحـب عـظـيـم بـكـل مـعـانـيّـه

                                      *---------------*---------------*

بـوقـاره اللي مـشـه ودمـعـاتـه بعيونه
ويواسي الزهره وامغيره الشمس لونه
إلـه نـظـرة إمــام الـعـصـر مـضـمـونـه
الـعـلـه حـسـيـن وهله صـارت بواچيّه

                                      *---------------*---------------*

شـكـبـر حـظـه الايـمـانـه ايبان بفعالـه
وعــبــارات الـحـزن مـتـفـارگ اقـوالـه
اليـتـسـجـل مـعـزي الـعـتـره هـنـيـالـه
هـنـيـالـه الإلـه دمــعــه حــســيــنــيـه

                                      *---------------*---------------*

وي نـگـلـت جـدمـكـم خل تصب دمعه
شـنـو مـوقـفـه الـيـسـمـع فاطمـه تنعه
بــاچــر بـالـقـيـامـه دمـعــتــه اتـرفـعـه
الشـهگته اعله الحسين امشگگه الـريّـه

                                      *---------------*---------------*

بروس اخوانهـه الـمـسـبـيـه رجـعـتـهـه
وتـتـلـگـونـهـه بـيـمـن يــشــيــعــتــهــه  ؟؟
زيــنــب دم ابــو فــاضــل بــرايــتــهــه
وحَـنْـيـة سـيـف فوگ الـهـزل مـحـنـيـه

                                      *---------------*---------------*

تــره الـدنـيـه عـبـاره عـن مـحـن كـثـره
ومـثـل هـالـكـسـره ماصـارت ابد كسرة
الـلــيــلــه صــوتــهــا رايـح تـره الـحـره
كـثـر مـا نـايـحـه وبــاچــيــه الـعـلـويـه

                                      *---------------*---------------*

دخـيـل الله الـمـصـاب اشّايـل مـن الهَم
راعـي الـعـزا المـهـدي ودمـعـتـه من دم
الـلـيـلـه يـشـوف عـمّـاتـه بـحزن تـلـتـم
ووكـلـمـة "خـويـه" گــوّه الليله محچيه

                                      *---------------*---------------*

وسـط اوجـوهـكـم خلي الـدمـوع اتظِل
وكـلـمـة "عظم الله اجـرك"  سـلام الكل
يـشـيـعـه الـيـوم دمـعـة فـاطـمـه تـنـزل
الـيـوم الـطـف يــغــطــي الـنـوح واديّـه

                                      *---------------*---------------*

  ✍️خادم الحسين ع
الشاعر سعد هادي الشمري

@saadhadi83

.



بـدايــاتـي بـمـحـبـتـك   نـهـايـاتـي بخـدمـتـك

                      يـا حــســيــن

                                *---------------*---------------*

      تاج الـخـدمـه سـجـدة شُـكـر بـتـرابـك
      يـبـاب الله وتـحـلـه الـوگـفـه يم بـابـك
      حلات الـعـمـر مـن يخلص على اعتابك
      يَـلِـمْـبَـچّـي الحجر يحسين بـخـضـابـك

هـدى قـرآنـي شـفـتـك   ونـهـايـاتـي بخـدمـتـك

                      يـا حــســيــن

                                *---------------*---------------*

      شـربـت امـحـبـتـك ويـه حـلـيـب امـي
      طـفـل مـا عـنـدي هَـم لكن صـرت همي
      وكـبـرت وردت خادم يـنـكـتـب اسـمـي
      عـزائـك دم صـفـه واتـغـذه بـي جسمي

عـشـگ لايـامـي ردتـك   ونـهـايـاتـي بخـدمـتـك

                      يـا حــســيــن

                                *---------------*---------------*

      كـل دورة ســنــه لـمـصـابـك اتـحــضـر
      يكبر عـمـري بــس حـبـك يـصـيـر اكـبـر
      امـعـزبـات الـعـيـون وجــرحــك امـقـدر
      وروحـي تـصـيـر ونّــه لـكـلـمـة الـمـنـبـر

يكعبة جرحي طِـفْـتَـك   ونـهـايـاتـي بخـدمـتـك

                      يـا حــســيــن

                                *---------------*---------------*

      حروف اسمك نشيد الحُب صفن عندي
      ورث مــن والــديّـــه وذاخــره لــولــدي
      حـاء وسـيـن يـاء ونـون بــيــهــه ابـدي
      الـبـده بـحـبـك خـتـامـه جـنـدي للمهدي

عـلى گـلـبـي كـتـبـتـك   ونـهـايـاتـي بخـدمـتـك

                      يـا حــســيــن

                                *---------------*---------------*

      تـجـي ايـام الـزيـاره وتـجـي الـمـشـايـه
      واجــي مـشـاي شـايـل لـلـعـشـگ رايــه
      واذا اسمع حچي يـگـولـون اكو اقـرايـه
      گبل جدمي لـلـمـجـلـس روحـي عـنّـايـه

لـحـاجـاتـي نــدبــتــك   ونـهـايـاتـي بخـدمـتـك

                      يـا حــســيــن

                                *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

السلام عليكم .. عظّم الله لكم الأجر وتقبل منا ومنكم صالح الاعمال
تمت زيارة الامام الحسين عليه السلام واخيه ابو الفضل العباس عليه السلام نيابة عن الجميع نسأل الله القبول والتوفيق ودوام خدمة محمد وآل محمد الطيبين الطاهرين

الرايه شلناها
الرادود البحراني بهاء الساعي
الشاعر سعد هادي الشمري

https://youtu.be/tSU9q8vS9Qw?si=X1BGn3g3oNkZmMIk

#استشهاد_رسول_الله_محمد ص
قصيدة (#وداعاً_يارسول_الله)



.     نــنــادي .. بـــالــــدمــــع و الاه
      وداعــــاً .. يــا رســـول الــلــــه

   الـقـدمّـلـك عـزائـه بمجلس حسـيـن
   جـره الـلـيـلـه لمصابك دمـعـة العيـن

                       وداعــاً

                                     *---------------*---------------*

بـعـد جــمــرة مـحـرم مــا طـفـت بـيـنـه
ولـلـمـجـلـس بــجــمــرة حـــزن رديــنــه
هــاي الـلـيـلــه غــايــب نــور هــاديــنــه
نـقـره الـمــســتــهــل واتـرد مــآســيــنــه

      بالاحساس .. هالحزن عـشـنـاه
      ويـالانفاس .. ديـــن شـمـيـنــاه

   والبروحه اشتعل جـمـر الـصـواويـن
   جـره الـلـيـلـه لمصابك دمـعـة العيـن

                       وداعــاً

                                     *---------------*---------------*

جِـفـنّـه بـعـده شــايــل دمـعــة الـعـاشـر
وعـلـى حـزنـك تـعـنـه والـگـلـب شـاجـر
وبـالـحـزنـيـن اجـيـنـه بـمـدمـع الـنـاظـر
نــواســي فـاطـمــه مـكـسـورة الـخـاطـر

      نجي بروح .. فــاگــده الامــــال
      والـجــروح .. اتواسي جرح الآل

   گلب الهه بـمـصـابـك صـوبه الـبـيـن
   جـره الـلـيـلـه لمصابك دمـعـة العيـن

                       وداعــاً

                                      *---------------*---------------*

الجفن خطواته صارت بس دمع سچاب
ومـن نـار الـخـيـام اعـتـنـه لـنـار الـبـاب
وداعــآ نــاده بـسـمـك وبـمـصـابـك ذاب
مصابك چان اساس وحـزن كل امصاب

      مـصـابـك .. فـتـح بـاب احـزان
      وغـيـابـك .. لـلـهــظــم عـنـوان

   بـغـيـابـك مـا رعـوهـه زهـرة الـديـن
   جـره الـلـيـلـه لمصابك دمـعـة العيـن

                       وداعــاً

                                     *---------------*---------------*

الــيــهــجــر گـال عــنــك بـآخـر ايـامـك
سـلـب حـگـ الـزچـيـه وحـرّف اسـلامـك
لـظـلـم الـعـتـره چـان ايـأسـس و ظامك
وحـرمـتـك مـا رعـاهـه وحارب ايتامـك

      سبب صار .. لـدمـعـة الــزهــراء
      والاخـطـار .. الـجـرت عالحوراء

   وسبب بي ينطبر راس ابو الحسنين
   جـره الـلـيـلـه لمصابك دمـعـة العيـن 

                       وداعــاً

                                     *---------------*---------------*

لـومـا بـالــســقــيــفـه ديـنـك ايـنـهـبـوه
بـاب الـزهـره يـالـمـخـتـار مــا حــرگــوه
ولو حيدر علي من الـبـيـعـه ما حـرمـوه
مـا چـان الـحـسـيـن بـكـربـلـه ايـذبحوه

      السقـيـفـه .. هيه اساس الجور
      الخـلـيـفـه .. حـرّف الــدسـتـور

   الـوحـي يـنـعـاك يـا سيد الـكـونـيـن
   جـره الـلـيـلـه لمصابك دمـعـة العيـن

                       وداعــاً

                                     *---------------*---------------*

✍️خادم الحسين ع
الشاعر سعد هادي الشمري

#السلام_عليك_يارسول_الله



بـوُداع الـنـبـي يا هـو أكـثـر أحـتـار
گـلـب الــزهــره لـــو گـلـبـك يـكـرار

                                         *---------------*---------------*

يوم الغاب جد الـحـسـن وحـسـيـن
و اسوَد الفضه ونـاحـت الـكـونـيـن
منهو احتار اكثـر يـبـو الـحـسـنـيـن
وگـلـب مَـن بالمصيبه يـشـتعـل نار

                                         *---------------*---------------*

مـنـك غـصـب رادوا بـيـعـة للـجـور
ومن فاطمه الـزهـره الضلـع مكسور
وبـعـد هاي الـمـصـايـب غايب النور
نـور الهادي الـمـصـطـفـى الـمـخـتـار

                                         *---------------*---------------*

من يـا فــاجــعــه طـرفـك تـغـضـه
وتـنـادي فــاطـمـه بـدمـعـه اتشضّه
وگع مـحـسـن إلـحـگـيـلـي يـفـضـه
انهار الحـيـل من ضـربـة الـبـسـمـار

                                         *---------------*---------------*

مـن گـربـت وفـاتــه والـنـبـي غـاب
أبيا جمره يـحـيـدر گـلـبـك أنصـاب
غصب البيعه أشد لو مـحـنـة الباب
منو التـركـت ابـگـلـبـك سيدي آثار 

                                          *---------------*---------------*

قـريـش ولـلـحـقـد رسمـت عـلامـه
تـريـد الـمـا يـريـده اللــه بـنـظـامـه
اعـتـرضـت عــالــنــبــوه والامـامـه
يـنـجـمـعـن بهاشم ،، رفضت الصار

                                         *---------------*---------------*

انقطع عنهه الـوحـي والامه مولاي
على قـطـع الـرحـم مـتـوحـد الراي
جفن الزهره ظل بـدمـوعـه شچّاي
وبچه مـسـجـد قِبا والـركـن والغار

                                         *---------------*---------------*

بيت البي زغب جنح الوحي اليوم
بنار الحقد يابو الـحـسـن مـضـروم
گلب النبي بصدر الـزهـره مـلـچـوم
الـ بخآ ناداك امس هـالـلـيـلـه غـدّار

                                         *---------------*---------------*

  ✍️خادم الحسين ع
الشاعر سعد هادي الشمري

السلام على غريب طوس والامام الضامن
الغريب علي بن موسى الرضا



.   مــــجـــروح الاذان .. لمصابك
    ولـصـوتـك اشتـاگ .. محرابك

                                         *---------------*---------------*

يـا قُـل هــو الـلــهُ أحــد والـفـاتـحـه
و يا مَن إلـٰه الامـلاك امست نـايـحـه
تـأويـل جـرحـك السـمـاء اتـوضّـحـه
افروع واصول الدين بيهن تـشـرحـه

    جـرح الـسـمـاوات شـب نـاره
    وادمــوع الايــات تــتــجــاره

    نــور الأرض غــاب .. بغـيـابك

                                         *---------------*---------------*

گلب الجمر لمـصـيـبـتـك ذاب و يوِن
و عين الطبيعه اليـوم مقروحة جفن
القبله نـاحت وارتـدت ثـوب الـحـزن
و بـالـعـرش مـأتـم الك بالآه يـنـعـلـن

    نـارك يـمـسـمـوم  مـا تُـخـمَـد
    ثــار الـلــه وادمـاه مـا تــبــرد

    املاك السمه اتنوح .. يم بابك

                                         *---------------*---------------*

يا مهجة الـتـوحـيـد يا نبض الـشـرع
الليله المصابك حـيـدر يصب الـدمـع
و هذا الحسن يم چبدك ايون منفجع
ابلا حيل اجت فاطمه ومحنية ضلـع

    حـزنـك سـبـب صـار لـلـعـبـره
    حـمـره وتـصب عين لـلـزهـره

    صَــوّبــهــه مـولاي .. ماصابك

                                         *---------------*---------------*

يا مَن گضه اسنين العُمر غـربـه وألـم
و يامن بروحه مـا طـفـت نار الخـيـم
مـن تذكر حـسـيـن الجفن يجريله دم
واتـصـيـح اسبَل دمع چـفـك يالـعـلـم

    نـبـچـيـلـك ادمـوع ايـمـامـي
    ودمـعـاتـك اتسيل لـلـظـامـي

    اسـبـاب الـطـفـوف .. اسبابـك

                                         *---------------*---------------*

مـجـروح لـكـن يـا جــرح يـا سـيـدي
صـار الجرح نبراس وبـنـوره اهـتـدي
انـقـل مـصـابـك والـمـدامـع شـاهـدي
حُـبـك ورث اجـدادي وأمـي ووالـدي

    ولـلـحَـبـك الـديـن بـانـفـاسـه
    من اجروحك يصيغ احساسه

    احباب الـسـمـاوات .. احـبابك

                                         *---------------*---------------*

  ✍️خادم الحسين ع
الشاعر سعد هادي الشمري

#استشهاد_الامام_العسكري_ع_
.

.          دمـعـتـي بـنـاظـري
           لـمـصـاب العسكري

    تواسي مدامع صاحب الزمان

                                        *---------------*---------------*

الـيـوم امام العصر تجري ادمـوعـه
للحسن روحــه صـفـت مـفـجـوعـه
وانه ويه الـمـهـدي اصيـح بـلـوعـه
ولـلـوداع اچـفـوف ادي مـرفــوعـه

           وداعـــاً ســـيـــدي
           ودمـعـتـي لقـائـدي

    تواسي مدامع صاحب الزمان

                                        *---------------*---------------*

ظـلـمـه ســامــراء غــايـب نـورهـه
سورهه العسكري وطـايـح سورهه
الشيعه هذا الـيـوم فُـرغَـت دورهه
الليلـه طلعت شـيّـعَـت دسـتـورهـه

           الصـرخـه تـنـسـمـع
           ومـن تـصـب دمــع

    تواسي مدامع صاحب الزمان

                                        *---------------*---------------*

الحسن مثل الحسن چـبـده اتسمم
ودمـعـة الـزهـره عـلـيـه صـبـت دم
بيت امام العصر وسفه امسه اظلم
گــمــر ســامــره ابــســمــاه اتـثـلّـم

           الـدمـعـه عالجـفـن
           تــشـــرح الــحــزن

    تواسي مدامع صاحب الزمان

                                        *---------------*---------------*

على الشيعه اجـروح صـارت كـثـره
ويـا جـــرح نـبـچـيـلـه يـا ســامــره
لـجـرح ابـن الهادي نـجـري الـعـبـره
لو حِـزِنّـه عـلـى الـغـيـبـة الـصُـغـرة

           الـلـيـلـه غـيـبـتـين
           الـلـيـلـه دمـعـتـيـن

    تواسي مدامع صاحب الزمان

                                        *---------------*---------------*

الليله چبد الـعـسـكـري ابسم ذايب
عـظّـم الـلـه اجـر أمـامـي الـغـايـب
كـل گـلـب بــالــنــار اصـبـح لاهـب
وكل گـلـب لـلـمـهـدي اصبح نـادب

           عـجّـل الــظــهــور
           والدمعه من تـثـور

    تواسي مدامع صاحب الزمان

                                        *---------------*---------------*

  ✍️خادم الحسين ع
الشاعر سعد هادي الشمري

@saadhadi83

.


.                      مـصـايـبـنـه مـصـايـب
                       يـمـهـدي وانـتـه غايب

                       يبو صالح    يبو صالح

                         *---------------*---------------*

                       لمصـابـك نـعـتـنـيـلـك
                       يـغـايـب نـشـتـكـيـلـك
                       مـصـايـب تـهـد حيلك
                       يـكـاشـف لـلـنــوايــب

                         *---------------*---------------*

                       مـصـاب الـزهـره امـك
                       الـضـلـع كـسـره يألمك
                       الـمـحـسـن دمـه دمـك
                       نــريــدك بـي تـطـالـب

                         *---------------*---------------*

                       شـبـعـد اكـثـر ظُـلامـه
                       وعلي مصيوب هـامـه
                       يـــثـــارات الامـــامـــه
                       الجرح لاسمك يراقـب

                         *---------------*---------------*

                       الـحـسـن چـبـده تفطر
                       ودمّـه بـسـم تــخــثــر
                       اسهـام الـحـقـد تـكـثـر
                       رمت نـعـشـه النواصب

                         *---------------*---------------*

                       مصاب حسين الاعظم
                       يـبـچّـي اعـيـونك بدم
                       عِـصـر گـلـبـك مـحـرم
                       بـذبـح كـل الـغــوالــب

                         *---------------*---------------*

                       زيـنـب لـو شــفــتــهــه
                       الــنــوايــب ذبـلـتــهــه
                       مـا چـان اعــرفــتــهــه
                       الجفن بـعـيـونـه ذايب

                         *---------------*---------------*

                       وبـعد بـالـروح هـمـهـه
                       الـبـقــيــع ويـا ألـمـهـه
                       عمت عيـن الـهـدمـهـه
                       كـاس الـحـقـد شـارب

                         *---------------*---------------*

                       وبـعـد بـالـكـاظــمــيـه
                       الـك مـحــنــه و رزيــه
                       لـزعــيــم الــرافـضـيـه
                       وجواد اهل المـنـاقـب

                         *---------------*---------------*

                       و إلـكـم فـي خراسـان
                       غـريـب وهـوه سلطان
                       بـچّـه الانـس والـجـان
                       واعـيـون الــكــواكــب

                         *---------------*---------------*

                       و لأرض سامـره عينك
                       جـرت من گد ونـيـنـك
                       جـرحهه يصيح وينـك
                       تجي بسيف الحـرايـب

                         *---------------*---------------*

                       و وسـط الحضره ونّـه
                       نــوِن لـلـهـادي وابـنــه
                       دمـعـك غـطّـه جـفـنـه
                       يــتــالـــي آل طــالــب

                         *---------------*---------------*

                       الـك بـالــروح حـسـره
                       بثكل طيحـة الحضره
                       يــثـــار الـلــه وســـره
                       شـوكت تـرجـع يغايب

                         *---------------*---------------*

  ✍️خادم الحسين ع
الشاعر سعد هادي الشمري

@Saadhadi83