السلام على أُم ابيها الزهراء الطاهرة

.


شلون حال العينهه بسَطرة انطُفت
و" كُــلّــمــا تَــنَــفّــَسـَـت تــألّـَـمَــت "

                                        *---------------*---------------*

الدارهه من ايطب نـبـي يطلب إذِن
الهاضمتهه وحـده، بـس كـلـمـة وإنْ
چانت ام الـحَـسَـن هسه ام الـحِـزن

الما جرت بالدنـيـه عـالـزهـره جَـرَت

                                        *---------------*---------------*

بالحجاب اتضم جفنهه مـن الــولـي
والجـفـن يـنلچم لـو دمـعـه اتـهـلـي
لأن وسـط اعيونهه امـخـلـيه عـلـي

فاطمه اعله العين ضَـربه اتـجـرّعَت

                                        *---------------*---------------*

الـبـالـسـقـيفه اتحشّدت رادت تطُب
لـدار فـاطـم تـاخـذ البـيـعـه غـصُـب
عـن عـلـي يـدورون ، گـالـت بالگلب

مـنـهـه ، واضلوع الزجيه اتـكـسّـرت

                                        *---------------*---------------*

جِـفـن الهـه بسبب قُـنـفـذ مـا شِـفـه
جِفن الهـه عگب مـحـسـن مـا غُـفـه
نامت الأُمه اعله ديـن الـمـصـطـفـى

عـلـى ديـن ابـلـيـس لـكن صَـبَّـحـت

                                        *---------------*---------------*

ام ابـوهـه الـزهـره مـاتـت بالـمـحـن
يعني مـتـيـتّـم نـبـي گـبـل الحَـسَـن
الـبـاب والـبـسـمـار بـالـزهـره اترِكـن

اجروح لو شمّت هـوى الله اتوجِعت

                                        *---------------*---------------*

بـيـش تـنـشَـد مــا يـصـح الـهـه دوه
اجروح ام الـحـسـن يلچمهه الـهـوى
الشمس لـمـن تـنـجـرح تـنـزف ضوه

وفاطمه الهه اجروح توحـيـد انزِفَت

                                        *---------------*---------------*

للإمـامـه انـطـت ولَد وانـطـت ضـلـع
و بِـنَـت بـيـت احـزانـهـه ابـآه ودمــع
وحتـى يـبـقـه الـنـور بـعـيـون الشرع

الـزهـره ماي اعيونهـه ابـهَـم سَـبِّـلَـت

                                        *---------------*---------------*

طـفـلـه زيــنــب چـانـت بـذاك الامـر
ولو بـچـت ، تـبـقه امهه محتارة فِكِر
شـلـون تحضن بتهه . مكسورة صدر

تظل تـبـچـي الـزهـره لو زينب بچت

                                        *---------------*---------------*

  ✍️خادم الحسين ع
الشاعر سعد هادي الشمري

.



.  بـالـگـلـب لـلـزهـراء   حـضره عـلّـيـنـاهـه

وصـارت النبضه اجـدام . وفـاطـمـه زرنـاهـه

                                  *---------------*---------------*

  مـرقـدهـه   بنص روحي   ولو دار الـدمـه
  بكل نبضه   أتـــسَـــجَــل   زايــر فـاطـمـه
  ولـو ارفـع   چــف ايــدي   وصدري الطمه
  ينـحـسبـن   ونّـــــاتـــــي   للحُب أوسِـمـه

رضـا الـرب كـل مـعـنـاه . فـاطـمـه مـعـنـاهـه

                                  *---------------*---------------*

  الـدم رايـه   ومــشــايـه   دگـــات الـگـلـب
  بـحـسرتهه   تــتــعــنـــه   و للحضره تطب
  البجروحـه   وهم روحه   مـتـعـنّــي مُحب
  لـلـــزهـــره   بـدفـتـرهـه   خـادم يـنـكـتـب

حــروف جـرح الاكـوان . وبـالـدمـع نـقـراهه

                                  *---------------*---------------*

  اتــخــيّــل   مـجـلـســهــه   دار احزان الي
  وابدمـعـي   اعله اجفوني   اكتب يـا علـي
  نــار الــبــا   بـــ بــروحــي   اشعر تـغـتـلـي
  ومـن الـلـه   اعله اشفافي   چـم آآه تعتلي

روح  نــهــج  الــقــــرآن . فـاطـمـه شفـنـاهه

                                  *---------------*---------------*

  لــ كـــل اه   ٱمــن آهـاتـي   اصل الاه ضلع
  اتــطـشــر   بــاحـــزانـــي   وبحبهه انجمع
  لـلــزهـــره   و مـحـنـتـهـه   يا گلبي اِنفِجِع
  ولـو عيني   مـــا ســالــت   شـلـهـه بالدمع

وروحي جمر الـمـصـاب . بـالـحـزن چــواهـه

                                  *---------------*---------------*

  لـمــولاتـي   بــونّــاتــي   احچايات انرسم
  الـبـسـمـار   بنص عيني   ويلچمني الحـلـم
  لكل ظالـم   لا اصــــرخ   صوت الــ لا  مُهم
  و إلا الجـر   حـه بروحه   ما يـشـفـيـه لطم

وشاهدي ادموع العـيـن . اتحاچي بضعة طه

                                  *---------------*---------------*

  يـالـگـبـرچ   مثل اســمـچ   صاغه الباري سِر
  تراب إجدا   مـچ حـنّـه   اعله اچفوف السِتِر
  الامـــــلاك   اعله اجروحچ   تـنـحـب للفـجـر
  لــيــل اودا   عـــچ هــــــذا   لــو لـيـلـة قــدر

الـراضـيـه و ارضـا الـلـه . كـل أمـر أرضـاهـه

                                  *---------------*---------------*

  ✍️خادم الحسين ع
الشاعر سعد هادي الشمري


@Saadhadi83

بين السيدة زينب ع . والسيدة الزهراء ع



.         گـلـبـي يلهب مـثـل بـابـچ .. يالحنينه
          واشــتـعِـل نــار بـغـيـابـچ .. يالحنينه

                             *---------------*---------------*

يكتب اسمچ فوگ خدي .. وواضحه احروفه الدمع
يـا مـلامـح ديــن جــدي .. لـيـش مـكـسـورة ضـلـع
اظلم الـمـحـراب اشـوفه .. إبـلا صـلاتـچ مــا يـشـع
والمضيّعه الـشـمـس يمه .. تـسـتـحـي تشعل شـمـع

          ذكـريـاتـچ ويــن اضـمـهـه .. يالحنينه
          شراح تلگه الفگدت امـهـه .. يالحنينه

                             *---------------*---------------*

گـلـب جبريل ٱويه ضلعچ .. يـمـه عـالـبـاب انكـسَـر
اقـتـربـت الـسـاعـه يـرتّـل .. صـوتـه وانـشـق القـمر
وهــاي اول لـيـلـه اشاهـد .. والـــــدي لازم ظَــهـــر
و يُمه صـار اسمچ ركوعه .. وسجدته بوكت السحَر

          غـسّـلـچ چــنـه بـدمـوعـه .. يالحنينه
          انكِسَر ضلعچ لو ضلوعه ؟.. يالحنينه

                             *---------------*---------------*

(بـاب بيتچ . بـاب گلبچ) .. اثـنـيـنـهـن نـار وتـشـب
الـنِـفَـس يلچم اجروحـچ .. والـضـلـع بـاب الـگـلـب
وعـيـنـچ المـدمـيـه ندري .. دمـعـه مـا تـگـدر تصُب
الــدمـع يـلـچـم جِـفـنـهـه .. يُـمــه عين الـتُـنـضـرب

          أول احــــزان الــــولايــــه .. يالحنينه
          مـعـنـى صـرتـي لـلــرزايـه .. يالحنينه

                             *---------------*---------------*

يا عـفـاف الـدنـيـه كُلـهـه .. ونـقـط لـحـروف السِتِر
حـتى تـشـيـيـعـچ ودفنچ .. مـثـل اسـمـچ صار سِـر
الــروح والأمــلاك نـزلــت .. إلـچ تــنـحــب لـلـفـجـر
فــاطِــمــه لـيـلـة وداعـچ .. هـاي لــو لـيـلـة قَـدِر ؟!

          حِـزِن رب الـكـون حـزنـچ .. يالحنينه
          اتــشــيّــع الأمــلاك ابـنـچ .. يالحنينه

                             *---------------*---------------*

ويـه دگـة بـاب بــيــتــچ .. گلبي دگ حسره وخِفِت
وآنه من صارت اعـيونـي .. عـلـى بـسـمـارچ مـتـت
أُمـه انـتـي وبـضـعـه منـه .. اتـيـتّـم الـفــاگـد بِـنـت
يـعـنـي مـن قـبـلـي تيـتّـم .. جــدي مــن اتـيـتـمّـت

          مـا رعـوا حـرمـة مـحـمـد .. يالحنينه
          شـلـون نـارچ بـيـنـه تـبرد .. يالحنينه

                             *---------------*---------------*

  ✍️خادم الحسين ع
الشاعر سعد هادي الشمري

ابوذيه للزهراء عليها السلام

(  الزهراء 'ع'  تخاطب أمير المؤمنين علي  'ع'  )



           الـگـلـب مـسـجـد ودهـري.. بي تله احزان
           لـحـد مـا صـفـه ٱمـن الهم.. بـي تل احزان
           بـثـلـث چـلـمــات عـشـتـه.. بيت الاحـزان

           الـضـلـع والـمــحــســن وســيــد الـبــريــه


                           *---------------*---------------*

  ✍️خادم الحسين ع
الشاعر سعد هادي الشمري

.

.           بِـنـتُ الـنـبـي العالِمـه
            أُمُ أبــيــهــا فــاطِـمـه

        فَمن طَـغَـوا وهـاجموا البتول
        قبلَ حُسين ٍ أيـتـمـوا الرسول

                                    *---------------*---------------*

يـا ابـتـسـامـة مُـرسـل ويـا دمـعـة ايـمـام
فـاطـمــه يمنة حيدره الحطّمتي الاصنام
معنى اسمچ ايات الذكر والمحسن احكام
والـغـار ضـلـع المنحني وبـداخـلـه اسـلام

        يـا قـلـبَ طـه .. قلبُكِ ألأمين
        أمـسـى حـزيـنٌ نبضهُ الأنـيـن

             يشكو جـراحـاً مؤلمه

                                  *---------------*---------------*

بـلا حـد وصل حد الشبه انـتـي والـقـرآن
اشگد يشبه ايامچ وصـف سـورة الانسان
والـعُـمُـر مكّي ومـدنـي والـهـجـره برهـان
واثـنـيـنـكـم يا فـاطـمـه مقياس الايـمـان

        مَعناكِ من في العلمِ راسخون
        يـعـرِفــهُ بــل والـمُــطَــهّـرون

             فأنتِ بابُ الـمَـرحـمـه

                                   *---------------*---------------*

آيـة اكـمـال الــديــن رتـلـتـيـهـه بـالـنـوح
وقـبـل الـولاده للشـهـاده مـحـسـن يروح
بـلّـغ مـحـمـد وانتي صوتـچ كـلّـفـچ روح
هارون مـن مـوسـى علي گلتيهه بجروح

        وســامــريُ الأمــةُ الـحــقــود
        نــصّــبَ عِـجـلآ لـلـمـلا يـقـود

             لِمن جفاكِ الحـاطـمـه

                                   *---------------*---------------*

يا بـاب مـسـجـد طه لـيـش ابّـابـچ الـنـار
مـعـركـة تـأويـل الـذكـر خضتيهه باصرار
ضـلـعـچ ابميمنت الحـرب يشهدله بسمار
ومحسن تلّگه العصره من عالميسره صار

        كُــلُ عُــتــلٌ حـــاقــدٍ زَنــيــم
        كـان أســى لـجُـرحـكِ الألـيـم

             أَنــتــي بـهـذا عـالِـمـه

                                  *---------------*---------------*

اتحير دليل الحايـرين ايـشـيـلـچ امـنـيـن
بـتـغـسـيـلـچ ودفـنـچ عـلـي محتار بثنين
مـحـراب طه امـحـبـتـچ يا أُم الـحـسـيـن
واسـتـقـبَـلـچ ليلة دفـنـتـچ داميه الـعـيـن

        مُـمـتَـحَـنـه وقَـلـبُـكِ الصـبـور
        مُـسـتـودَعٌ صــارَ لِـسـرِ الـنـور

             بـالأمـرِ كُنتِ حــازمـه

                                  *---------------*---------------*

  ✍️خادم الحسين ع
الشاعر سعد هادي الشمري
‏

#ابوذيه_للزهراء_ع_
#السلام_عليك_يا_ممتحنه

فاطمة وعلي ع



أنـه الـمـا عـاف لـحـظـه.. طرفـي الحجاب
           و إلــي الـبـسـمـار خـلـه.. طر في الحجاب
           أنـــه الـغـطـت جـفـنـهـه.. بطرف الحجاب

           عــلــي عــن لا تــشــوف الــجـــرح بــيــه


                *---------------*---------------*

  ✍️خادم الحسين ع
الشاعر سعد هادي الشمري

.



.     وره الباب .. طـاحـت أم ابــوهـه
      يالاصحاب .. لـيـش اتـعــذبـوهـه

               ســؤال لـــ يـا أمــر
               ضـلـعـهـه يـنـكـسـر

                                   *---------------*---------------*

عـجـيـب الــمــنــظــر ومــرعــوب مـنّــه
شـــفـــت الــنــار بـــس ابّــــاب جـــنّـــه
نــزل جــبــريــل يــبــچــي وثـگـل ونّــه
وشـفـت شـيـخ الـصـحـابـه ضحك سنّـه 

      العقل دار .. حــار ابـهـالـقــضـيـه
      يـســتــار .. مـوجـوعـه الـزچـيـه 

               مــن گـــوم الــغــدر 

                                   *---------------*---------------*

عـلـى روح الـــزچــيــه الـهـم تــشــضــه
والــبــســمــار الــهــه الــضـــلـــع رضّـــه
گـلـب مـحـسـن انـصـاب ووگـف نـبـضـه
وتـصـيـح الــزهــره ٱلـحـگـيـلـي يـفـضـه  

      اشتعل نار .. بـيـت الـزهـره بابـه
      والاحــقـاد .. بانـت بـالـصـحـابـه 

               ورجـعـوا لـلــكــفــر

                                   *---------------*---------------*

هـــاي ام الــنــبــوه ودِمــه الــعــصــمــه
و روح  الــــديــــن  روح  ام  الأيــــمـــه
والــرايــد عــلــيــهــه يــصــيــر ظُـلـمــه
رايـــد يــمــحــي ديــن الـبـاري واسـمــه

      يـريـدون .. بـغـيـاب الـــوديـعــه
      يهـدمـون .. بـنـيـان الـشــريـعــه

               حقد ظـل يـسـتـعـر

                                   *---------------*---------------*

اجـتـمـع حـقـد الـظـلالـه اعـلـه الامـامـه
وعـصَـف بـيـت الـوصـي ريـح الظُـلامـه
بــســمــاء الــديـن چـن قــامـت قـيـامـه
ونــســمــات الــهــدى اتـنـوح الـحـمـامـه

      بــالآهــات .. ضـلـع متهشم إلهـه
      والآيــــات .. بـمـدمـع تنـظـرلـهـه

               بـچـت عـيـن الصبر

                                   *---------------*---------------*

الـضلـع والـمـحـسـن بـهـيـئـة دمـعـتـيـن
حـزن سكنـوا على اجـفـون الـمـيـامـيـن
هـــاي اول رزيــه اتــمُــر عـلــى الـديــن
وسـبـب كـل الـدمــوع اتـصـيـر لـلـعـيـن

      هالمصاب .. اسـاس لكل مصيبه
      فتح بـاب .. لسبي الحره الغريبه

               ومــهّــد لـلــشــمـــر

                                   *---------------*---------------*

  ✍️خادم الحسين ع
الشاعر سعد هادي الشمري

متباركين بمولد السيدة زينب بنت علي _ع_

#البلاغه_العلويه

اداء الرادود ابو محمد الموالي
الحان محمد ياسين اللامي
كلمات الشاعر سعد هادي الشمري

https://youtu.be/7iL0IaDdZRQ?si=o4uE8L3KL7FG5Pr0

#ابوذيات_الزهراء_ع_
..
.
                          
           عــلــي يــا ســــورة الانـــســـان.. يــا هَــل
           أتــــىٰ ، جــفــنــي فــلا يــنــلام.. يــا هــل
           آنـــه الـلــي لـلـــ لــحــد زتّــيــت.. يــا هــل

           حـــلـــم عـــمـــري اهــــز مــهــده بــديــــه

                        
   *---------------*---------------*

جـــرح اولــيــدي جـــرح الــبــاب.. مـهـده
           ولــيــالــي الـگــلــب مــن الـصـار .. مـهـده
           اون عـَـالـــ مــــــا ولا هـــــزيــــت.. مـهـده

           ولا راســـــه غـــفـــه بــــراحــــات اديــــه

*---------------*---------------*


  ✍️خادم الحسين ع
الشاعر سعد هادي الشمري

#هوسات #للغدير


الولايـة و الامامة منو البيهه انخَص؟
والـتـبـلـيـغ آيــــه بـمـنـو تـتـلـخَـص
نزل نَص بعلي ولأسمه النبي شخّص
اجتهاد الشورىٰ معناهه قِـبـال النَص

       والراده الله الشيعه اتريده

                    *---------------*---------------*

يا تـاريـخ خُط هذا الحچي دسـتـور
فـرح يوم الـغـديـر بگد حزن عاشور
الحگ ويـه عـلـي ويدور ويـن ايدور
علي عيد الله الاكبر عيده ويشع نور

         ويا عيد المثله امعيدينه

                    *---------------*---------------*

  ✍️خادم الحسين ع
الشاعر سعد هادي الشمري

سوطٌ أم هلال؟!



.              يـشـيـعـه المنحني بـالـســمــه الليله
               هـــذا اهـلال لــو ســوط الـعـقـيـلـه

                        *---------------*---------------*

               الهلال اتشوفه سـوط الليله العيون
               يهل وويـاه هـلـت دمـعـة ام عـــون
               اذا يـرتـفـع زرگـه اتـصـيـر الـمـتـون

               بـدايــه لكل مـواجـعـهـه الـطـويـلـه

                        *---------------*---------------*

               لشهر حزن الحـسـيـن اهـلال هالهَل
               بـزيـنـب يــعــنــي لـيـل الآه طــوّل
               يـگـلـلـهـه اسـتـعـدي لـوگـفـة الـتـل

               وجـفـن عـيـن الخدر ميجف مسيله

                        *---------------*---------------*

               مــحــرم اعـلـن الـلـيـلـه الــبــدايـــه
               مــعــنــاهـه يـشـيـعـه مــاكــو رايــه
               جــود الـكـفـل زيـنـب عـــاف مـايـه

               و وصـلـتــه للمـخـيـم مـسـتـحـيـلـه

                        *---------------*---------------*

               هلال الـبـيــه گـلـب حـسـيـن يسعر
               ومــن الميمون يـهـوه لحضن الاكبر
               الـچـبـيـر الـبـالـبــواتـر يبـدي يـزغـر

               جـسـمـه ويـصـعـب لخيمـاتـه شيله

                        *---------------*---------------*

               الـلـيـلــه تـعـلـه لأم جـسـام هــامــه
               بـسـيـف الـحـسـن تطلع والـعـمـامـه
               تــزف جـسـامـهـه لـنـصـرة عـمـامـه

               ومـن ايشوفه الحسين ايضيع حيله

                        *---------------*---------------*

               اهـــلال بـگـلـب زيـنـب خـلــه عـلّـه
               تـشـوف الـمـوت بي كـلـمـا تـصـدلـه
               يــم الــنــهــر يــهـوه الـفـضـل كـلــه

               وسبي يجيب الفجر من يگضي ليله

                        *---------------*---------------*

               حـضـروا اعـيـونـكـم لجل البـواچي
               المـوت بـخـيـمـة اهل البيت حاچي
               امن اعـمـامـة حسـيـن ولـلـتـراچـي

               تـسـلـبـهـه يـشـيـعـه الشـمـر خـيـلـه

                        *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

هلال_الدمع


.            مـن تِـهـل اتـهـل مـدامـع كـل نـظـر
             من مُـحـمَّـد الى الحُجه الـمـنـتـظـر

                يـا هِــلال احـــزان آل الــبــيــت

                   *---------------*---------------*

يــا هــلال اول مــحــرم  نــــورك يــجــدد ألــم
اگلوب شيعة علي من اتهل  تحترگ مثل الخيم
لألـم عـاشـورك وحـزنـه المـهدي عينه تبچي دم
تـرتـفـع بالسمه وظـامـي يـطـيـح شـيّـال العـلـم

             من تهل وانـشـوفـك ابوسط السمه
             يـعـنـي ثـگـلـت حـيـل ونت فاطمه

                بـالـبتـول الـطـاهــره اشـسـويـت

                  *---------------*---------------*

ابـيـوتـنـه الـچـنـهـه مـواكـب بالـمـدامـع تنفرش
صـوت نـاعـيّـك البـيـهـه اتـبـچـي آهـاته العـرش
حزنك يـجـمّـعـنـه صـرخه وعلى المنـبـر نِـنّـقـش
انذوب ونه ابـظـهـر ونه ارواح چن عودان عـش

             ننحني من انشوف طـولك مِنحني
             ننـهـدم وابـجـيـتـك انــرد نـنـبـنـي

                لـلـبـــواچـــي انــــرد اذا رديـــت

                  *---------------*---------------*

يـا هــلال اول مــحــرم نــزّلــت دمـــع الـنــبــي
تـطـلـع و ويـاك تـطـلـع زيــنــب بـدرب الـسـبـي 
ابـطـلـعـتـك يا نـار صحنه بينه حـيـل اتـلاهـبـي
بـطـلـعـتـك يـلـبـس الاسود كل غـيـور وكل أبـي

             تلبس الاسـود ابـيـوت الشيعـه الك
             يـا هـلال وحــزنــك يـغـطـي الفلك

                يجي لـشـيـعـة علي الهم لو جيت

                    *---------------*---------------*

مـن يهب ريحك عـلـيـهـه تـنـكـسـر كسرة غصن
ابيوت شيعة علي من اتهل تنملي اهـات وحـزن
و ابـونّـة الناعي وصرخـتـه الـمـدامـع تـمـتـحـن
و عـلـىٰ كـلـمـة آه يـزيـنـب واگفه ابـاب الـجـفـن

             كــل هــلال ايــفــرّح ولــمــن تـهـل
             يـرد بـيـد حـسـيـن مـذبـوح الطفل

                يـمـوت ظامي حسين لو ضوّيت

                   *---------------*---------------*

الشيعه بيك اتشوف زيـنـب تمشي للتل مسرعه
عين للخيمات تـربـي وعـيـن صـوب الـمـشـرعـه
ويـا هـلال حــســيــن چـفـه بـي اصـابـع اربـعـه
وللكفيل اتطيح جـربـه اچفوف يمهه امـگـطـعـه

             اتشوف نـوگ ابطلعتك هزله مشت
وفوگهه ارقيه اعله ابو اليمه بچت

وظهر الحسين اعله اخوه حنّيت

                    *---------------*---------------*

. محرم¹⁴⁴⁶
✍️خادم الحسين ع
الشاعر سعد هادي الشمري

#محرم_الحسين #جرح_خادم



.  لـــو مــر مــحــرم عَـلَـي   يـشـغِـل ايــامــي الألـــم
   اتطيح انته وانه احترگ   خيط اعله طـرف الخيم

                        *---------------*---------------*

من ينحچي اسمك حُسَين   روح و جــســد اشــتــعــل
و يـــتــواردن بــالــجــمــر   گـلـبـي ٱويه مـهـد الـطـفـل
وانسبي وبـدمـوعـي احير   ٱمـن اتـخـيـل ايــتــام إلـك
و روحي! الحرم؟ ما دريت   يـاهـو الـمـشـت عــالـهــزل

          امبچي اعيون الـدنيه ابـفـلـسـفـة الـمـطـر
          اول عــطــشــان انـتـه واعـذب مـن نــهــر  
          ذرات اعـلــه الـرمــلــه يــا ريـــت الـنــظــر
          و يـلـتـم يــابـــو الـيـمــه اوســاده لـلـنـحـر

     مـجـلـسـك من يـنـعـقـد   واتـــون عـلـيـك الـخَـدَم
     اتطيح انته وانه احترگ   خيط اعله طـرف الخيَم

                        *---------------*---------------*

يـالـمــيــت ٱمـن الـعـطــش   مــيــت عــلــيــك الــعـطـش
صـــارن اجـــروف الــنــهــر   لـلــمـــاي بـــعـــدك نــعـــش
الـتــقــويــم يـم دمــعــتــك   مـــــا يـنـتـظـم يــخــتــلــف
مــن اول مـــحـــرم أحـــس   يــبــتــدي لـيــل اهــدعَــش

          وعــبـــاسـك ذاك اول ســقّـــاي وضــمــي
          رايـــــح راد بـگـبـره لــهــســه الـعـلـگـمـي
          تـوقـيـت الـطـف آنـه اللـحـظـاتـه انـتـمـي
          وعَـلَـگ الحضره اتشوفه سـاعـه بمعصمي

     لـحـزنـك الـدنيه اطلَعَت   من عـيـنـي طلعة سـهـم 
     اتطيح انته وانه احترگ   خيط اعله طـرف الخيَم

                        *---------------*---------------*

لــو طـحـت وكـت الــزوال   ويـهـيـم خــــــوف الـظـعـن
گـلـبـي وجــدم كـل يـتـيـم   شــــوك ودمـــه يــنــمــلــن 
ويـصـعـد بـروحـي العـذاب   صــعــدة دخــان الـخــيــام
مـن اسـمـع بـدرب الـسـبـي   إلــكــم حـــــرايــــر مــشــن

          خـلـي اعـيـونـي ابـابـك جــربـه لـكـافـلـك
          بلكي ادمـوعـي ايرون چـم عـطـشـان الك
          يــا اكـــرم خــلــگ الـلـــه ارحــم سـائـلـك
          ديــم آهــاتـي لـيــومـك جــيــت اتـوسـلك

     من كل مهم يا حـسـيـن   حــزنـك لـگـيـتـه الأهــم
     اتطيح انته وانه احترگ   خيط اعله طـرف الخيَم

                        *---------------*---------------*

بـعـاشـورك اســـود يـصـيـر   بـعـيـونـي وكـــت الـظُــهــر
وي ظَـهـرك اعلـه الـكـفـيـل   يـا بــــو الأيــمــه انــكِــسِــر
و فـوگ الـجـفـون الـدمـوع   تــشــمــر نـفــســهــه بــألــم
چن طـيـحـتـك يا حـسـيـن   عـــالاكــبــر مــــن الـــمُــهُــر

          حـزنـك رزق اعـيـونـي وخـيـري بـدمـعـتـه
          لـ ثــارك عــايــش تــدري بالــ ويـن ومـتـىٰ
          و روحـي لـغـربــة زيـنـب حــزن الـشـالـتـه
          احـسـاس الـكـافـل چنهه بطيحة جــربـتـه

     و بـگـبـتـك يـــا ذبــيــح   مــن يــبــدلـــون الـعَـلَـم
     اتطيح انته وانه احترگ   خيط اعله طـرف الخيَم

                        *---------------*---------------*

عمري انحسَب مـو سـنـيـن   عــمــري انـحـسـبـلـك دمـع
والا انـه يـحـسـيـن امــوت   كـلـمــا انـسـحـگـلـك ضـلـع
اســمــع الـنـــاعــي يـگــول   ثـنّـه اعـلـه صــدرك شِــمِــر
الـثـنـعـش طـبـره تــصــيــر   ابـگـلـبـي وحــزن يـنـگـطِـع

          يـالـبـجـروحـك ديـنـك يـحـسـيـن انـعـرَف
          قـبـل اوداجـك روحـي يـگـطـعـهـه الأسـف
          ذبحك طف، بس وِحده اتظَل وحدهه طف
          شـلـون اتــرد مـسـبـيـه قــافــلــة الـشــرف

     تـالـي الـحـرم تـنـچـتـف   جِـيْـد وچـفـوف وجِِــدَم
     اتطيح انته وانه احترگ   خيط اعله طـرف الخيَم

                        *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

#السلام_على_فاطمه_العليله


. للنجم يحچي بـدمـوعـه   لـيـلـه لـيـلـه
قـصـة حسين بـرجـوعـه   لـلــ عـلـيـلـه

               بـدمـعـتــه الجفن
               يــرســم الـحــزن

                  لـيـلـه لـيـلـه

                              *---------------*---------------*

مـن طـلـع ظـعـن الأحـبـه   
فـاطـمـه الانـفـاس غـربـه    اتـمُـر عـلـيـهـه

الليل يـخـلـص دمـع كـلـه  
ومن تسـهـره شلون يحله   ابــلا ولــيــهــه

والـجـفـن قصه يـسـولـف  
بلكي حـزن الفاگده ايخف   مــن بـچـيـهـه

يحـچـي والـدمـعـات كلمه  
ايسـولف الهن نجمه نجمه   الـصـار بـيـهـه


  طـفـلـه بفراش الـمـدامـع   تشكي همهه
  والـجـفـن يـنـقـل مواجع   صـوت المهه

                تـشـتـكـي البُـعـد
                تــنــتــظــر يـــرد

                   لـيـلـه لـيـلـه

                             *---------------*---------------*

لـو نِـظـر جـفـن الـغـريـبـه  
نجمه يـم نـجـمـه قـريـبـه   كـل مــســيــه

على الخد الـدمـعـه سالت 
وابلا وعي فـاطـمـه گالت   يـــا رقـــــــيـه

ومن يـشـوف الـبـدر كامل  
يـاخـذه الهـم لـبـو فـاضـل   لـلــحــمــيــــه

ولـو بـده يـشـكـي الظليمه  
اتمر على النجمات غـيـمـه   الـغـاضـــريـــه


  تـنـتـظـر نـظــرة مـحـنّـه   ابعين ابوهه
  وتـنـچـفـي مـن الآه ونّـه   وما اجـوهـه

                عـالـجـفـن بـقـت
                دمـعـه مــا هِـدَت

                   لـيـلـه لـيـلـه

                              *---------------*---------------*

جفن فـاطم دمعه صـوتـه 
ويـنـتـظـر مـن قـبـل موته   يـصـيـر ملگـه

يـگـول ظـعن البهلي غـرَّب  
تِــرِد بـي مـهـيـوبـه زيـنـب   عطره اشهگـه

وامـنـيـه عـالـبــال وحــده  
يـوصـل وعـبـد الله مـهـده   حيل اشـبـگـه

راسـه عـالـي ودمعه عـالـي 
ويـحـضـن اتراب الـغـوالـي   العاش فـرگـه


  اوگـع وانـهـض ابـونـتـي   وگــوه اگـدر
  إي عـلـيـلـه وأنسه علتي   ابوجه الاكبر

                وابـشـوفـة الگمر
                اذكــــر الـگـــمـــر

                   لـيـلـه لـيـلـه

                             *---------------*---------------*

جـفـن فـاطـمـة الـعـلـيـلـه 
ايگـول للنجمه ابـمـسـيـلـه   عـنـدي والــــد

غــايــب وبـغـيـابـه طــوَّل  
ومدري ليش اعليه ما ظَل   گــلــبــي بــارد

امنيتي يرجع واشم عطره  
ســالــم ولا عـلـى صـــدره   شــمــر گـاعــد

اطـفـه كـون الـلـيـلـه يـمـه  
نـار دمــي وخـــــاف دمــه   بـنـحـره جـامد


  بصدره احس آنه بحناني   والمـشـاعـر
  خوفي لا هسه بمـچـانـي   ألـگـه حـافر

                أُمــنــيــة مـحـب
                يــنــقــل الـگـلـب

                   لـيـلـه لـيـلـه

                              *---------------*---------------*

ظـعـن بـي كـل سهر ليلي  
لـو يــرد ايـردلـي حـيـلـي   وانسه عـلـتـي

ظـعـن بـي شوگي ودلالي 
وبـي امـانـي وشكو غـالي   وبي ضحكتي

اشما سهر مر اعله عـيـنـي  
ويــنــفــرد بـيّـه حـنـيـنـي   اتـزيـد ونتـي

اتـسـولـف الصفنه الطويله  
ويــن چـنـتـي يـالـعـلـيـلـه   ووين صـرتـي


  حتى طيف اهلي جفاني   مــا يـمـرنـي
  الدمعه طـبـعـي وبلساني   آه يـحـزنــي

                اشكم حلم عشت
                بـــالـعـلـل مــتـت

                   لـيـلـه لـيـلـه

                              *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

قصيدة لــ أم_البنين ع



.            عـاشـت الـطـف بـروحـهـه .. ام البنين
             اجروح الزچـيـه اجروحهه .. ام البنين

                        *---------------*---------------*

             ابيت الـفـحـول مـن العرب مـولـوده
             وامعلمه ابو فاضل يـضـحـي ازنوده
             التـلـچـمـهـه ساعات الهجوم السوده
             وي زينب ابـخـيـمـتـهـه ما مـوجوده

             مستحيه مـن مـذبـوحـهـه .. أُم البنين
             اجروح الزچـيـه اجروحهه .. أُم البنين

                        *---------------*---------------*

             عـاشـت احـداث الواقعه بأحساسهه
             ذبـلانـه چـن الـرمـح شـايـل راسـهـه
             كلما تـضـيـگ وتـخـتـنـگ انـفـاسـهـه
             يـعـنـي وگع چف مـن زند عـبـاسـهـه

             سـوط الـعـقـيـلـه ايلوحهه .. أُم البنين
             اجروح الزچـيـه اجروحهه .. أُم البنين

                        *---------------*---------------*

             مـسـدود بابـه وچـان امـان بـدارهـه
             بس الـخـيـم تـچـويـهـه لهبة نـارهـه
             تنشـد گـلـبـهـه زيـنـبـك شـخـبـارهـه
             واتحس حـبـل چتّف اديهه وجـارهه

             اتـخـاف المصيبه اتبوحهه .. أُم البنين
             اجروح الزچـيـه اجروحهه .. أُم البنين

                        *---------------*---------------*

             شما يجي اغروب وتفرش امصلايه
             تــشــعــر مـن الـقــرآن تــذبــل آيــه
             واتگول احس بالعطش ليش هوايه
             ما تدري عبد الله انـحـرم من مـايـه

             نوحت الثچله اتـنـوحـهه .. أُم البنين
             اجروح الزچيه اجروحهه .. أُم البنين

                        *---------------*---------------*

             ايمر اعله صـفـنـتـهـه السـبـط ليليه
             وتــذكـر بـنـاتـه ابـنـيـه بـعـد ابـنـيـه
             شلون ابحضنهه اتحط طفلته ارقيه
             ابـهـيـده بـأذنهه اتـلـبّـس الـتـرچـيـه

             للمحن صــارت سـوحـهـه .. أُم البنين
             اجروح الزچـيـه اجروحهه .. أُم البنين

                        *---------------*---------------*

             مـا هجعت الـدمـعـه بطوارف عينهه
             البسمتهه چانوا هـالـمـسـه امبچينهه
             ام الـبــنــيــن الاربـعـه امـسـمـيـنـهـه
             وعنهم فـلا نشدت تريد احـسـيـنـهـه

             الـفـرگـه صـــارت لـوحـهـه .. أُم البنين
             اجروح الزچـيـه اجروحهه .. أُم البنين

                        *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

موسم_الدموع


.    مجالس شـيـعـتـك     مــواسـم دمـعِـتَـك

                        يبن الـزچـيـه
                           
                              *---------------*---------------*

چــــادرك مـنـصـوب، عُــمــره ألـف واربـعـمـيـه
اعـيـون صـغـنـاهـه لـرقـيـه ســيــدي تــرچـيـه
وي خـيـمـكـم يـبــو الاكـبــر نـحـتـرگ لـيـلـيــه
الـخـادم بـــدگــات گـلــبــه تـنـسـمــع لـطـمـيــه

         انحَط عـالـخـيـم باب جـفـن النواظر
         واتـدگـهـه الـخـيـول بس بالـحـوافـر
         مـو عَـشـره يـحـسـيـن عِـدنـه الليالي
         بكل مـجـلـس انـشـاف للشيعه عاشر

      الجفن تـل زيـنـبـي     ومشه المدمع سبي

                        مثل السَـبـيـه

                              *---------------*---------------*

هذا حال الشيـعـه وادره بـشـيـعـتـك يـالـوالـي
لأن غـالــي عـدنــه حـبـك بـقــه دمـعـك غـالـي
عـشـگـك اول عشگ يبقه وعـشـگ غيرك تـالـي
عالي راس الـشـيـعـه لـنّـه بـرمـح راسك عـالـي

         مثلك مـنـو حـسـيـن ولـهـايــه سـوّه
         ظـامـي ولـچـن بـيـه ديـنــه ايـتـروّه
         وكـل مـا يـمـر عـام حـزنـه ايـتـجـدد
         چـن هـسـه مـذبـوح عـالـغـبـره تــوّه

     وحگ حزن الـگـمـر     ولَــزِمـتَـك لـلـظَـهَـر

                        العهد للمـنـيـه

                              *---------------*---------------*

يـابـو عـبـد الـلــه حـزنـك نَـفَـس عـايـش بيـنـه
غـيـر نـسـمـات الـمـجـالـس واللـه مـا شـمّـيـنـه
ظـامـي گـالـوا وابـمـصــابـك مـدمـع إلـتـمّـيـنـه
وبــثــوابــك نـهـر حـرگــه سـيـدي اتــبــدّيــنــه

         مثلك مـنـو اظـمـاه بـانـفـاسـه بـيّـن
         ومو بالحچي، امصاب يتسولف بوَّن
         عــنــدك گـلـب صـار گـاع الـحـوافـر
         وما لـحّـگ انـگـول بـجـروحـه خـزّن

     الگلب مِـن هـشّـمـه     حـوافــر لـو ظـمــه

                        مـن يـا رزيــه

                              *---------------*---------------*

حگنه من نـلـبـسـلـك اسود وابـحـزنّـه انـكـابـر
كل بـيـاض الـدنـيـه نحرك وانـگـطـع بالـعـاشـر
الطف صُبح ماضي وتعدّه وگالوا انسوا الصاير
ماضي حزنك صـح ولكن بي انشاف الـحـاضـر

         شما گـالـوا الـمـاي ظـعـنـك نـنـدبـه
         ونرسم بـالـدمــوع لـلـسـاقـي جربه
         انـتـه اول انـسـان حـاكـم نـشـوفـه
         اهـل الـسـمـاوات الـسـبـعـه شـعـبـه

     النطه الروح ونـزف     تـسـعـمـيــه و ألــف

                        لـرب الـبـريـه

                              *---------------*---------------*

وي صـلاة الـظـهـر نـحـرك صـار ذبـحـه لغـايـه
الـلــه راد الـجـنـــه لـجـلـك تـمـتـد امـصـلّايــه
حـسـيـن يا حـزن الطبيعه الما توصفه احچايه
الـهـوى يدگلك صـدره يـعـنـي مـن ترفلك رايـه

         وانته اللي گلبـه و مو ثـوبـه مِـتـرِب
         عـنـدك جـرح بـيـه ما فـكّـر الـطِـب
         وبعد الگلب چـان خنصر  يـمـيـنـك
         "وقف"  اعله العيون لمصابه نكتب

      وفـــاء لـهـالـجــرح     ونحر شاله الـرمـح

                        نقيم الـعـزيـه

                              *---------------*---------------*

✍️خادم الحسين ع
الشاعر سعد هادي الشمري

السلام على #علي_الأكبر



.                گـلـبــي نــــاداك   يـالاكـبـر بــويـه
                 الـلــه ويــــــــاك   يـالاكـبـر بــويـه

                         رايـــد تـــروح   علي
                         مـاخـذ الـروح   علي

                        *---------------*---------------*

اسـم ابـوي، و وجـه جـدي   و ابـنـي الاكـبـر، كلهن انته
المثلك ايـودعــونـه يـبـنـي   اتـلـث وداعـات بـطـلـعـتـه
يا احچايه التـكـفـي حزني   وجـفـنـي مـجروح بدمعته
آنــه ابــن نـهـج الـبــلاغــة   والـبـلاغــة اهـنـا السـكـتـه

                 تـنــوصـف بيش   يـالاكـبـر بــويـه
                 وتـنـذبـح لـيـش   يـالاكـبـر بــويـه

                         بطولك اجروح   علي
                         مـاخــذ الـروح   علي

                        *---------------*---------------*

يـا عـلـي والـشـايـل اسمك   والـدفـنـهـه بـسر بـأجـلـهـه
وتـد هــاي الـخــيــم انـتـه   ومن تـطـيـح اتطيح كلـهـه
خــلــهــه الـعـيـون اتـلاگـه   وتـحـچـي بالنظرات خلـهه
وطــوّل بـلـحـظـة وداعـك   هـاي لـحـظـه الـمـا امـلـهـه

                 لـحـظـة اغـيـاب   يـالاكـبـر بــويـه
                 و الــگـلــب ذاب   يـالاكـبـر بــويـه

                         مهجتي اتنـوح   علي
                         مـاخــذ الـروح   علي

                        *---------------*---------------*

لـو وگـفـت اكبالي اودعـك   من احـضـنـك ويـن اشمك
وادري بـالـسـيـف ايتـعـنّـه   لـكـل مـكـان الـبـي ألـزمـك
خاف مـا توصل الـشـاطـي   يـا عـلـي ويــزيــد هــمــك
فــوگ وجـنـاتـك عـفـتـهـن   دمـعـتـي وي دمـعــة امـك


                 تـرتــوي ادمـوع   يـالاكـبـر بــويـه
                 وابقه مـفـجـوع   يـالاكـبـر بــويـه

                         دمعي مسفوح   علي
                         مـاخــذ الـروح   علي

                        *---------------*---------------*

يا عـلـي وخـيـمـات عمتك   نــار فـگـدك بـيـهـه تـلـهـب
ماينه النـعـطـشـلـه وجهك   شـوفـتـك مـو ماي نـشـرب
الـنـهـر خل تـبـعـد اجروفه   سِـحـر عـيـنـك يبني اعذب
والجربه خل تفرغ ابأسمك   تــرتـــوي خـيـمـات زيـنـب  


                 شـوفـتـك مــاي   يـالاكـبـر بــويـه
                 انــتـــه دنــيــاي   يـالاكـبـر بــويـه

                         اغلى الـجـروح   علي
                         مـاخــذ الـروح   علي

                        *---------------*---------------*

بـمـصـرعـك لــو شفت يبني   اجــروحـك بـنـزفـك تـدمـن
بحسـرتـي بـدمـعـتـي بهمي   مـن الفـرس للگاع اطـيـحـن 
احـتـار لـو ردت انـه اشيلك   وانـتـه بـس الـنِـفَـس والـوَن
كـتـر ارفـعـه يـطـيـح ثـانـي   اشـلــون لـلـخـيــمــات اردن

                 اجروحك اثگال   يـالاكـبـر بــويـه
                 صعـبـه تـنـشـال   يـالاكـبـر بــويـه

                         تـالـي مـذبــوح   علي
                         مـاخــذ الــروح   علي

                        *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

ياهيبة_أكبر ؟


.     انـشـافـت غِيره عالعين   دمـعـة المـنـبـر
      اسـمـي خـادم حـسـيـن   يا هيـبـه اكـبـر

              گـلـبـي   شاف العشِگ بـابـك
              دربـــي   مـتـوضـي بـتـرابـك

                            *---------------*---------------*

يَـسِر كل لـهـفـه بروحي
يگلك صوت اجـروحـي   الـك مـخـلـوقـه الـعـيـن

أنه العـرفـوني بـحـزنـك
عـشـگ ويـن يصح منك   جـمال الـكـون حـسـيـن

     يا مـحـبـوبـي ومو من عـمـري ايامك تنعد
     مـن عـام لعام امـتـانـيـهـه بـثـوبـي الاسود
     مـتـوارثـهـه الـخـدمـه من اهلي أباً عن جَد

      نــاذر دمـعـي إلك مــاي   يالباقي ظامـي
      من الحر ونّـتـي افـيـاي   لجسمك إمامي

              عيـنـي   منـذوره لِـمـصـابـك

                            *---------------*---------------*

تـجـي أيــــام الـخـدمـه
وأشِــد احــــزام الـهـمّـه   وخـدمـتـك مـا تـنـعـاف

سنـه لـهـالأيـام أحـسـب
وأنه اليشعر بـالـمـوكـب   ملك وبـعـرشـه انـشـاف

     دمعه انه وكل مـا مر حـزنـك بـهـداي اوگع
     ولـو مـا اخدملك بـالـمـوكـب مـشـاي اطلع
     وي رجـعـت ظعنك لخيامك يحسين ارجع

      آنــه الـمـا طـفـت يــوم   مـتـوجـره نـاره
      و أوصـلّـك بـالـهــمــوم   وكـت الــزيــارة

              تطـفـه   نـاري على اعـتـابـك

                            *---------------*---------------*

هوى امصـابـك متنفِّس
أحِب ونّـات الـمـجـلـس   من اونـهـه اتـلـث ونات

أظَـل خـــادم هـنـيـالـي
حبيبي وعشگـك غـالـي   اعــوفــك لا هــيــهــات

     يا أول حُب عـشـتـه بـعـمـري وغازل گلبي
     اتـعـبـلـك يـحـسـيـن ورايـد تـقـبـل تـعـبـي
     آنــه الـذاك الــ بٱحـضـان الـمـنـبـر مـتـربـي

      لــغــيــرك مـــا گـلـت لا   كلمة حـبـيـبـي
      وأسـمـك عندي مـعـنـاه   يا دنـيـه غيبي

              حـاضر   مـا يـخـطـر اغيابك

                            *---------------*---------------*

بـَشـَر  قــــرآن بـطـبـعـه
وگلب عبـاس يـجـمـعـه   ودمــــع زيــنــب تـقـراه

الملك تـحـچـيـه بـ الونّه
ونـهـر عَـسَـل مـن الجنه   لـحـلاتــه يـصـيـح "الله"

     هـيـچ اتـشـوفـك يابو الاكبر هـاي اعيوني
     جـاهـل بس اشـتـاگ لأسمك ويـعـرفـونـي
     من الكاروك، من ابچي بطرواك ايسكتوني

      مِـن كـاروكـي لـلـشـيـب   بالدمعـه دارس
      حافظ درسه عـالـغـيـب   حـزن المجالس

              مـوتـي   مـتـسـلّـبـه اثـيـابك

                            *---------------*---------------*

يـكـاسـر گـلـب الـزهـره
طبيعي لگلبي اتـكـسـره   العجب ، لامتني الـنـاس

الك مـا ينشف جـفـنـي
عـلامة حـبـي بـحـزنـي   الـكـسـر كـسر الاحساس

     اتـبـاوعـلـي الناس ومتـگـول العاشـر يمته
     من وجـهـي ايبيّن بعد اشگد واتطيح انته
     راسك عُـجبـه ويـقـرة الـقـرآن بـفـاتـحـتـه

      راسـك عـالـرمـح چــان   للـكـهـف يـقـره
      يـا دســتــور الاحـــزان   وسـيـد العَـبـره

              روحـي   تـنـشـاف مـحـرابك

                            *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري