ولا أحد گال ضم گلبك ،
خساره أيضيع بـ حچايه

فرح عميان يا گلبي ولا تنشاف بـ مرايه



جواد زغير

تعثر بالمري عيونك ،
وما تلگاك ،

چا گلبك بيا ديره ؟!

وحزن منّ ؟ هذا الـ بعينك

يـ مصلوب بگفى المجفين ،
كافي أتبيع عشرينك


جواد زغير

سولف يـا أبو دم الحار ، لا تبهت

حزن كل العيون الثگل بيها الشوف ،
يتناوش حچي الشباچ من تبهت


جواد زغير

سولفت ع الناس ضيمي
ياهو مثلي شما يدگ گلبه أيتثلم ..؟

بلچي أوچد ثلمه محتامه أعله گلبي .

- وما لگيت


جواد زغير

يا گلبي لا تحترگ ،

نصين شگ العشگ ،
لو شفت بيه منّه


جواد زغير ⁦

ذابلة چفوفي ..
يـ أبو طول البريسم

ذابلة وتنطر نداك

ذابلة وتدعي لـ شكو گطرة بسماك 

أنتَ يا أحلى المواسم ..
أنـه شنهي بغيرك أنتَ

أرخص بلياك ريل ..
واكبر بـ عين الخلگ كلما تفز سچه لودادك

يا حبيبي ..
شيسوة گلبي أبلا ودادك ؟
شيسوة بابي أبلا أمرادك ؟

راحتي ..
و حزني ..
و شبابيچي ..
التفگدك لو نزل دمعي ستاير ..
كلشي ما يسوة لـَون طول بعادك

أنـه كلشي الــ بيه رادك

يـا معطشني أعله بختك ..
ليش من دون الخلگ ماله وجه يلفيني طيفك ؟

يا مفارگني ربيع ..
هواي ذبلني خريفك
هواي يا أحلى المواسم

جواد زغير ♥

ما تگضي يـ هاي النار ،
يوميه بكتر دخانها مثعور

وانه المشكله ما اموت ويه الناس ،
أردن گلبي متعور 💔


جواد زغير


#حداد_على_ارواح_شهداء_الناصريه

راسك فر الولايات ،
متعلي اعله كل ذباح

ولية عطش ملگه الناس ،
ديره الهوى البيها أرماح

ضفتهم ،
وانت مو تايه ،
شماله الطين يتلگه البشارة بـ دم ؟

شماله الرمل غث الماي ،
چا هو الورد ينداف لو ينشم ؟

ولو معذور ،
اثاري الما يحب الفرح يكفر بيه

واثاري المستعز بالخوف ،
يزهگ من يشح طاريه

وانتَ بكلهن توازيت ،
چف دخانهم شخبط اعله أرسومك

لهسه الدنيا غربه أتفيض ،
لوما ضاويه انجومك

( حبيبي يا حسين )

#جواد_زغير 💔

أجدام فرهدها الرمل ،
وچفوف عالبيبان ذبلت

ضعت بدروب المساوم ،
تشتريك الـ ليش وتبيعك الهلبت

مبحر بنيتك البيضه شراع ،
والظلمه شواطي بلايه ناس

ها يمسلم ؟
ليش اشوفك سهر والوادم نعاس ؟

ادري عثرات الگمر يم ليل .. ثلمه

وادري ما لمتك ريه وتيهت روحك بحضن الريح نسمه

وادري قسمه
ومو عجيبه الما يغني أبليس ما ينشاف نعمه

وانت نعمه
اليشتل حسين بضميره الماي كلش ما يهمه

وين ما تعطش الثوره أيفيض دمه

وين ما يصحى الشرار تشوف رسمه

اليشتل حسين بضميره يعيش حر

لـَوّن شاف البرد ضالم يشتعل گبل الجمر

وانت يـ أمورث الليل لهسه بعدك مشتعل شمعه غريبه

سافرت ماي لسواجيهم الصبخه وطشروك ،
ولمتك غيرة گصيبه

طيح يا مسلم يگمره الطاح شامخ يلگه فردوسه جريبه

ولو طيحاتك اسرار ،
وشوفهم ما عزب لملگاك بير

ولو كل الدنية ضدك وانت بس مرسال وياك وضمير

و (وين) مشتوله اعله شفتينك عطش
ماكو ناس بلون نيتك ،
هندس تفيض الولاية

شچم نهر بوجوهم ما حفظ مايه ؟

وتلتفت كلشي رخيص ،
ونثية ما تشبه گصصهم ،
فرعت شباچها بوجهك مضيف وفرزنت شوفك عبايه

ما رضت يكبر ضماك ،
ولا رضت تعتاز عين

تعذرتلك .. ( والله ما يستاهلونك )

ذبحوا الملگه اوي جيتك ،
چي قروا وجهك رساله من الحسين

و صلوا الشك على دربك ،
چي صدح صوتك يقين

يا سفير الماي غيم ،
باچر من أطيح يتشيم الطين

#جواد_زغير 💔

يـ وجه الله ،
غريب الـ ما يسافر بيك لـ أعيونه

و اليقراك ثورة سيف لابد تعتگ أضنونه



جواد زغير 🖤

راس يتلفت لراس أوداع شوف

وليل يتبدة على أوجوه الزغار
التنتظر چف الگمر يذبح الخوف

و نهر ضامي : شما عطش يشرب چفوف

و نايبه بكبر الموادع : بين طفلة و طفلة مشتوله بواچي

و گمره تنزف : مارهم سيف لنحرها وعزبت للطف تراچي



جواد زغير

ضعت كلش ،
ولا شباچ بيه من لونك شويه

أي يا واهس عيوني ،
العطش نوبات ما ينزاح بـ أميه


جواد زغير

أثاري المحترگ خطواته مو بيده ،
و أثاري الگاع كلها أگبور

أمس فوگ الگبر وجيتلك گلبي ،
حسافه اشعل عليك أبخور

جواد زغير

ولك يـ أمذبل عيوني ،
وطن گلبك ،
وطن بس چمل الغربه

يا رخص الوطن من تكبر الغربه


جواد زغير