21-oktyabr — O‘zbek tili bayrami kuni munosabati bilan Samarqand viloyatidagi kasbiy ta’lim muassasalari o‘quvchilari o‘rtasida “Zakovat” intellektual o‘yini oʻtkazildi.

Tadbirda viloyatning 50 dan ortiq kasbiy ta’lim muassasalaridan jamoalar ishtirok etib, o‘z bilim va tafakkurini sinovdan o‘tkazdi. “Zakovat” intellektual o‘yini o‘tkazilishining asosiy maqsadi — yoshlarning bilim va tafakkur darajasini oshirish, ijodiy va analitik fikrlash qobiliyatini rivojlantirish, shuningdek, ona tilimiz — o‘zbek tiliga bo‘lgan mehr va hurmat tuyg‘usini yanada mustahkamlashdan iboratdir.

• 1-o‘rin — Pastdarg‘om xizmat ko‘rsatish va servis texnikumi hamda Payariq tuman 3-son politexnikumi;
• 2-o‘rin — Jomboy tuman 2-son politexnikumi hamda Toyloq tuman 1-son politexnikumi;
• 3-o‘rin — Samarqand shahar 3-son politexnikumi hamda Samarqand Abu Ali ibn Sino nomidagi Jamoat salomatligi texnikumi.

G‘olib jamoalar Oliy ta’lim fan va innovatsiyalar boshqarmasi tomonidan diplom va esdalik sovg‘alari bilan taqdirlandi.