Samarqand viloyatining eksport salohiyatini shahar va tumanlar kesimida tahlil qilganda joriy yilning 9 oyi yakunlari boʻyicha Tayloq tumanidan qiymati 24,0 mln. AQSH dollarlik mahsulotlar xorijga eksport qilingan.

Bu koʻrsatkich oʻtgan yilning shu davriga nisbatan – 9,7 mln. AQSH dollarga yoki – 68,5 foizga koʻpaygan.

Tumandagi eksportyorlarni yanada qoʻllab-quvvatlash, ularni bojxona qonunchiligidagi yangiliklarda xabardor qilish maqsadida viloyat bojxona boshqarmasi tomonidan tadbirkorlar bilan uchrashuv oʻtkazildi.

Tayloq tuman hokimligida boʻlib oʻtgan tadbirda bojxonachilar “Bojxona hududida qayta ishlash” bojxona rejimining afzalligi, “eksport uch qadamda” modulidagi qulayliklar, “Vakolatli iqtisodiy operator”larga berilgan yengilliklar toʻgʻrisida tushuntirishlar berildi.

Shundan soʻng, tadbirkorlar oʻzlarini qiziqtirgan savollari bilan murojaat qilishdi. Murojaatlarga xodimlar batafsil javob berishdi.

@SamTvr