٤ قصة لم تكن خائنة
كنت طايرة من الفرحة راح يصير عندي هوية باجازتو الاسبوع التاني اخدني ورحنا نطالعها بصمت بالعشرة وصار معي هوية كتير انبسطت بقي بس ابني بكرى راح دبرو اكيد وسجلو وراح علمو باخر هالايام حسيت بتعب قوي يعني وقت اتجلس و وقت اتسطح كنت طول الليل اتوجع بس ع الخفيف بقيت اسبوع وانا على هالحالة لحد ما بلشت اطلق عنجد خوف من الوجع كان كل ما يزيد قلبي يدق اكتر حكيت للخالة وين الوجع
رجاء: هاد وجع الولادة قومي اتمشي احسن وانا رايحة لضب شوية تياب للبيبي وراح خبر عمر
ريما:ليش
رجاء:لييحي الرجال احسن
ريما:لا بلا ما تشغلي
رجاء راح يزعل ازا ما عرف
ريما:..
راحت وضبت شوية تياب وبعدها اتصلت فيه وخبرتو ورجعت لعندي
رجاء:شو لساه الوجع متل ما هو
ريما:عم يزيد خايفة كتير عنجد
رجاء ليش خايفة هاد وجع منسي
ريما:ما بعرف قلبي ناقزني وخايفة
رجاء:لا تخافي انتي قولي يارب وبس
ريما:يارب
كنت عم اتمشى بالصالة وقت وصل عمر ودغري اطلع فيني بأهتمام
عمر:شوجاهزين
رجاء اي يلا
ريما:ضروري المشفى
عمر:اي لكن
ريما:والله ما بعرف مابدي روح ابدا
عمر:شو بكيفك يلا امي اخدت اجازة ساعة
رجاء:يلا امشي يا بنتي
مشيت حد الخالة وطول الطريق وقلبي كانو طبل وعم يضرب جواتي كانت دقتو ترعبني وكل ما زاد الوجع خاف اكتر وصلنا للمشفى وسالتا عن قسم الولادة ودخلتني الممرضى على غرفة الفحص ما كنت بدي تفارقني الخالة بس ممنوع يفوت معي اي حدا بعد لفحوصات كانت الممرضة كتير هادية
الممرضة:لسى بكير ع الولادة
ريما:كيف انا عم اتوجع
الممرضة:اي بس لسى معك وقت من هلا لبكرى بنفس هالموعد
ريما:مو كتير
الممرضة:فيكي ترجعي للبيت وازا زاد الوجع بترجعي لهون
ريما:...
اطلعت من غرفة الفحص وحكيتلهن شو خبرتني
عمر:يعني نرجع
رجاء اي خلص مدام هيك حكو مافي عندا ولادة
رغم انو الوجع كان عم يقطعني من جوى رجعت للبيت وبقيت الخالة عم تحضرلي شي ساخن لاشربو وخايفة عليي كان كل شوي يتصل عمر يسالها عني وتحكيلو لساها على نفس الحالة لتاني يوم يمكن ما غمضت بس ارتحت شوي رحت انا وخالتي للمشفى بعد مازاد الوجع عندي فكرت انو من اول صوت راح اولد بس ابدا كل هالوجع والعزاب يروح عالفاضي كانت طاقتي عم تنفذ وحسيت انو اطرافي انشلت ولسى الممرضات رايحين جايين يحكولي لسى بكيرع الولادة طلبت الخالة اجت لعندي
ريما:يا خالتي بدي اطلب منك طلب
رجاء شوهو
ريما:ازا متت تديري بالك ع ابني
رجاء وحدي الله انشالله بيربى بحضنك
ريما:والله مو هيك الهيئةعم اتعب انا حاسة روحي عم تطلع
رجاء:ادعي الله بيستجاب منك
ريما:يااارب
.....
كان مشغول بالو كتير واقف عند الشباك بمكتبو وعم يحوص ومتلبك اجى لعندو ظافر ودغري لاحظ عليه
ظافر:شبك ولوو شو صاير معك
عمر:لا ولاشي
ظافر:طيب اطلبلنا شي
عمر:فاضي لحالك والله
ظافر:ههه ليش انت لشو فاضي
عمر:...
ظافر:شبك ليش هيك متلبك
عمر:..
ظافر:حدا اتصل فيك
عمر:لا
ظافر:لكن شو الموضوع
عمر:...
ظافر:احكي ولاه
عمر:ريما بالمشفى
ظافر:عنجد
عمر:اي من الصبح
ظافر:طيب وليش انت متلبك
عمر:لك لاا بس يعني من مبارح وهي عم تتوجع ولسى ما ولدت
ظافر:اه خايف عليها يعني
عمر:..
ظافر:شبك عمر والله ما بعرفك هيك
عمر:كيف بتعرفني لكن
ظافر:يعني مو لهدرجة قلبك قطيع
عمر: ..
ظافر:يعني بتتوجع راح تولد ليكون خايف تتركلك البيت
عمر:هيك بتفكر انت
ظافر:ههه هلا بتتصل فيك أمك وبتبشرك انها ولدت
عمر:...
ما تحمل ينطر هو اتصل فيها ليسألها
عمر:شو امي شو صار
رجاء:لساها عم تتوجع بس تولد بخبرك...
عمر:وهي كيفها
رجاء:كتير تعبانة والله مابعرف ليش هيك صاير معها بس عم توصيني بابنها
عمر:..
رجاء:بس تولد بتصل فيك لا تشيل هم
عمر:طيب ماشي
ظافر:شو طمن
عمر:لساها ...غريب انا بعرف بس تتوجع لازم تولد
ظافر:ههه صاير دكتور
عمر:والله مو فاضي لمسخرتك روح من وشي
ظافر:ههه اي وكل الله عمر صرت فكرها مرتك على قد مانك متلبك
عمر:..
ظافر:ههه بس تولد طمني
تركو وراح بقي يعد الساعات وبعدها اجاه اتصال امو
عمر:اهلين امي
رجاء:من شوي ولدت ريما
عمر:اي منيح وكيفها
رجاء:لساها بغرفة العمليات بس ابنها توفى
عمر:شو..عنجد عم تحكي
رجاء:اي والله يا حرام كل هالتعب ومات ابنها ووهي وضعها حرج شوي
عمر:انا مسافة الطريق وبكون عندك
طلع بسرعة وبوشو للمشفى كانت امو كتير زعلانة ولساها باب العناية المركزة
عمر:شو امي طمنيني
رجاء:والله كل شوي بفوت دفعة دكاترة قلبي مو مطمن
عمرر:وكيف مات الولد
رجاء:بيقولو اختنق
عمر:وريما دريت
رجاء اكيد لالساها تحت المراقبة
بعد نص ساعة طلع الدكتور ليطمنهن
عمر:شو دكتور
الدكتور:مين حضرتكن
رجاء:نحن اهلها

الدكتور:هي خسرت الولد بس الحمدالله وضعها منيح الحمد الله ع سلامتها
طالعوها على غرفه تانية وراح ليفهم عمر منو
عمر:شو الي صاير
الدكتور:متل ما حكيتلك
عمر:كيف مات الولد
الدكتور:هيك الله راد
عمر:بس المخلوقة من مبارح وهي عم
الدكتور:عم تحط الحق علينا يعني
عمر:انا راح افتح تحقيق بالموضوع
الدكتور:بس يا استاز
عمر:يمكن ما عرفتك عن حالي معك عمر من الأمن الجنائي والي صار ما راح اسكت عليه
الدكتور:انت شو عم تحكي نحن حاولنا كتير معها بس هي خنقت الجنين كانت حالتها النفسية كتير صعبة حتى بعد ما ولدت نحن اكيد ما منتمنى انو تخسر ابنها والحمد الله انها بصحة منيحة والله يعوض عليها
هز براسو وطلع من غرفة الدكتور وبراسو مية سؤال كان منفعل من الي صاير ومو بقصدو يهدد حدا بعد ما صحيت دغري طلبت تشوف ابنها كانت كتير تعبانة لونها مخطوف وعم تصب عرق
ريما:وين ابني خالة بدي شوفو
رجاء:والله مابعرف شو بدي قلك
ريما:شو صاير بترجاكي
رجاء:الحمد الله انك بخير و..والله يعوضك
ريما:شو يعني
رجاء:ابنك مات الاهم صحتك يا بنتي
نزلو دموعها دغري وغمضت عيونها
اندق الباب وفات عمر جاي ليطمن عليها شافها كيف عم تبكي وحس فيها هو استغرب من حنيتو عليها وكانها قطعة منو حس بدموعها وبخسارتها كمان
عمر:الحمد الله ع سلامتك
رجاء:الله يعوضك يا بنتي ما بيسوالك الزعل لازم تهتمي بحالك اكتر انتي تعبتي كتير
ريما:اي تعبت ع الفاضي مات
رجاء:مو هون انتهت الحياة
ريما:بالنسبة الك انا انتهيت عنجد
رجاء:هاد طير بالجنة والله ما راح ينساكي هو اعطاكي وهو أخد منك ...بعدين انتي مو اول وحدة بتخسر ابنها وهي عم تولدو
ريما:بس انا كنت حاطة املي فيه وهيك فجاة انقطع انا جهزتلو تياب وكنت محضرة حالي لاحضنو بدي شوفو
رجاء:طيب هلا بتتحسني وبتشوفيه
تجلست دغري ومزعت السيروم من ايدها
عمر:شو عم تعملي انتي
ريما:رايحة شوفو
رجاء:..
ما تركتها بقيت معها لحتى راحت وشافتو كانت عم تبكي بحرقة وكانها فقدت كلشي بعد ما اطمنو عن وضعها رجعوها للبيت كان عمر ساندها لانها مو قدرانة تمشي كانت نسرين جاية لبيت عمتها وشافت هالمنظر بلشت تغلي وقلبها تسارعت دقاتو شدت على ايدها وضربت على تابلو السيارة بقوة طلعو للبيت ساعدها لفاتت وتمددت بتختها غطتها الخالة وطلعو ليتركوها ترتاح
رجاء:بدك تروح
عمر:اي بدي جيبلها الدوا
رجاء اي جيب معك حليب وشوية فواكه
عمر:حاضر امي
راح للصيدلية ونسرين فاتت لبيت عمتها كانت جابرة حالها على الابتسامة بوش عمتها
نسرين:عمتو حبيبتي اشتقتلك
رجاء وانا اكتر
نسرين:شو وين ريما
رجاء:اخ لا تزكريني مبارح اسعفناها بدها تولد واليوم ولدت بس مات ابنها
نسرين:ييي عنجد يا حرام وكيفها
رجاء:نامت من تعبها احترق قلبي عليها والله
بقلبها نسرين:وانا قلبي عم يغلي من ابنك واهتمامو فيها رجع عمر وشافها عندهن وابدا ما اهتم فيها أعطى امو الاغراض وودعها وراح كانت عم تخطط لتقلعها من كل حياة عمر لهيك التجأت لاخوها جاد كان مدللها كتير وقصدت انو تبينلو انها زعلانة وقت شافها بهيك حالة قعد حدها وحط ايدو على كتفها
جاد:شبك حبيبتي من شو زعلانة
نسرين:اتركني بحالي
جاد:لا ما بتركك شو صاير معك
نسرين:ولاشي
جاد:عليي هالكلام
نسرين:..عمر
جاد:شبو
نسرين:شفتو حاضن الخدامة
جاد:ههه من كل عقلك
نسرين:أي ما تفكر انها خدامة يعني بشعة حلوةوصغيرة
جاد:اي وخايفة عليه منها حتى ببدل غزلانو بقرود
نسرين:مستحيل يشوفها قردة بتجنن يا جاد حلوة وناعمة وانا بعد ما ولدت اكتشفت انها كانت ملكة جمال قبل الحمل
جاد:متزوجة كمان
نسرين:الله اعلم فيها
جاد:هلا هاد زاعجك خلص احسبيها اتقلعت من كل حياتو
نسرين:كيف
جاد:خلص شو بدك انتي عندي
نسرين:الله يخليلي اياك
....
كانو لابسين بدلات رسمية وطالعين متل التوأم اسامة ويوسف وراحو ليشوفو العرايس لتنتين صبية صغيرة وحلوة ناعمة وهادية واقفة ورا الباب عم تتفرج على عريسها
ريم:ييي لك زمرد احلى بكتر من الوصف
زمرد:ههه يعني عجبك
ريم:بطير العقل بيشبه ممثلين السينما
زمرد:خههه يلا خدي القهوة وانا لاحقتك بالحلو
كان خجلان ومقتنع بفكرة الخطبة والزواج حابب يأسس عيلة لانو فقد الامل انو يشوف ريما من جديد قدمتلو القهوة اطلع فيها وشاف جمالها وخجلها نعومتها سهرو سهرة كتير حلوة تعرفو على العرسان وشو بيشتغلو وتاخرو بالسهرة رجعو للبيت مبسوطين
اسامة:شو عجبتك
يوسف:حلوة
اسامة:ههه يلا واخيرا راح نستقر
يوسف:ههه بس كانو مستعجلين ع الزواج
اسامة:ههه ابوهن ما بيحب الخطبة تطول
يوسف:بيفهم...ودخلك ازا سالو عني يمكن يبطلو
اسامة:ليش
يوسف:شو ليش يعني كل الحارة بتعرف اني بسهر وبشرب

اسامة:لا ما بيعرفو وراح يسالو هون بحارتنا
يوسف:الله يسمع منك
اسامة:عههه مبروك يا عريس
يوسف:الله يبارك فيك
......
ضبيت تيابي بعد ١٥ يوم من ولادتي كنت ناوية اطلع بالسر بس خفت يفكروني هربت كنت حاملة الشنته وشفت الخالة كانت عم تصلي نطرتها لخلصت ودغري طوت سجادة الصلاة واجت لعندي
رجاء:لوين
ريما:بيكفي تقلتها عليكن
رجاء:يمين عظيم ما بتتحركي من هون
ريما:لا معاد فيني طولت كتير عندكن لازم دبرلي شغل
رجاء:انا حكيت مع عمر حكالي خلص ولا يهمها
ريما:لا شكرا على كلشي ما بنسالكن معروفكن معي ابدا
رجاء:مافي تروحي قلت راح خبر عمر
ريما:لا تزعجيه خليه بشغلو
رجاء:..
ما ردت ودغري اتصلت فيه
رجاء:عمر...ريما ضبت تيابها لتمشي
بعد حديث اعطتني الموبايل
ريما:الو
عمر:لوين رايحة
ريما:عنجد بيكفي خلص طولت كتير
عمر:هلا بترجعي الشنته ويوم الاثنين وقت برجع منحكي
ريما:بس
عمر:اوعي تروحي
ريما:ماشي
عمر:اعطيني امي
بعد المكالمة خلتني رجع الشنته بس كنت مستنفرة ومقررة لازم امشي تاني يوم رحت لعندو ع المركز كان مزدحم وضجة دورت على مكتبو كان مفتوح وصوت عمر طالع معصب كتير
عمر:كزاب
دفش المتهم لوقع على الارض ونزل فيه ضرب وبعدها جلسو
عمر:احكي من وين بتعرفو احكي
كان عم يبرر ويترجى وبعدها طلب العناصر
عمر:اعملولو اللازم بدي صوتو يعبي المكان كنت راح انسحب بس شافني ودغري رماني بنظرة بتخوف وطلع من المكتب كانو ايديي عم يرجفو تلقائيا وخايفة منو
عمر:ليش جاية لهون
ريما:كنت...كنت قريبة
عمر:ليش طالعة من البيت
ريما:انا انا
عمر:ليش جيتي لهون اه
ريما:...خلص رايحة رايحة
التفتت لروح مسكني من زنودي ولفني لعندو
عمر:ليش اجيتي ريما
ريما:بوقت تاني بخبرك انت معصب
عمر:لا لا خلص روقت
حاول يتماسك ويخفف من حدة اللهجة
عمر:فوتي لنحكي
كان عم يتلفت حواليه دخلنا لمكتبو سكر وحسيت بهدوء
عمر:اقعدي
قعدت على طرف الكرسي وكتير متلبكة قعد ورا مكتبو واطلع فيني
عمر:شوفي ليش جاية لهون
ريما:مبارح كنت بدي روح وانت رفضت جيت لحتى خبرك مشان ما تزعل مني
عمر:ولوين الهمة
ريما:ما بعرف بدور
عمر:...
ما عجبو كلامي وحسيتو مستخف فيني كتير
عمر:يعني بدك اياني اسمحلك تروحي
ريما:أي
اطلعت بمحبسو تزكرت نسرين ونظراتها الي بعد ما ولدت خايفة عليه مني
عمر:مافي تروحي انا بدبرلك شغل ووقت يصير معك اجار بيت بتروحي
ريما:انت مانك مجبور
عمر:اي معك حق بس مستحيل اتركك تروحي هلا بشوفلك شغل
ريما:عنجد
عمر:أي
اتصل بوحدة كان عم يخبرها عني وكم عمري وبعدها اتفق معها
عمر:وهي امنتلك شغل
ريما:عنجد وشو هالشغل
عمر:ترتيب وتنظيف صالات
ريما:ودائم هالشغل
عمر:اي يعني تابعة لسلسلة صالات وفنادق وتنسيق حفلات
ريما:وايمتى راح بلش
عمر:بكرى منروح ومنحكي معها ومنتفق على كلشي والراتب راح يكون منيح ...
ريما:يكتر خيرك
عمر:يعني هيك بترتاحي
ريما:اي اكيد
وقفت لحتى روح
عمر:لحظة
ريما:انا بروح لحالي
عمر:لا راح خلي الشوفير يوصلك
ريما:سدءني
عمر:شو عنيدة.
......
رغم انو مو مقتنع بس لحتى ترتاح ريما وما بقى تفل او لحتى تامن حالها اتزكر ليش هو معصب وكيف ضرب المتهم رغم انو يمكن يطلع بريء
عمر:لو باقي يوم بعمري راح اعرف مين قتل ابي وراح انتقم من كل عيلتو لايمتى راح تتصل وتستفزني ليش ما عم اقدر اتخيل مين بدو يكون وكيف قريب مني لهدرجة قريب لحتى ما عم اعرفو ولايمتى راح يضل مجهول تاني يوم اخد ريما وراحو لمكتب الصبية واتفقو على ساعات الدوام والراتب كانت مبسوطة كتير وتغيرت نفسيتها مية درجة لاحظ هالشي كان مبسوط فيها كتير واتعرفت على صبية وصارو صحبة كان سهران معهن هي قاعدة وعم تحكي لامو شوصار بحفلة زواج اليوم وكيف رقصو العرسان ما عم يسمع كلامها عيونو عم يلمعو ومستمتع بحركات ايديها وضحكتها البرئية وابتسامة امو الها
ريما:فجاة وقع قالب الكاتو الكبير وكانو حدا حاقد او عين وصابتو
رجاء:ههه وشو صار
ريما:العروس والعريس صارو عبارة عن كريما الضحكات عليت والمكان توسخ
رجاء:وانتي انبسطي
ريما:انا ازعلت على الكيك هههه
رجاء:ههه وبعدها
ريما:اتفركشت الحفلة
رجاء:هههه اول مرة بتحضري هيك حفلات
ريما:اي واستغربت يا لطيف شو معهن مصاري لحتى بيدفعو
رجاء:لكن اسمو فرح..الله يفرحني فيكي
ريما:اه...
رجاء:ليش خجلانة لساكي متل الوردة..بعدعرس عمربدي اسعالك ب عريس
ريما:..
انخطف لونها واتبدلت حس عليها
رجاء:ههه خلص لو بعرف هيك بتخجلي من هالموضوع ما جبت سيرتو
ريما:لا عادي
رجاء:اي واضح انو عادي وشو عملت جمانة
ريما:متلي فرطت ضحك
رجاء:وايمتى المناسبة الجاي
ريما:حفل تخرج بس انا ما عندي دوام بدي روح اتسلى مع جمانة

رجاء:وحلوة جمانة متلك
ريما:ليش انا حلوة
رجاء:ههه دخيل التواضع
ريما:اي حلوة.
رجاء:ههه ما بدك تشربينا قهوة
ريما:تكرمي خالة
ابتسمتلو امو
رجاء:شوليش صافن فيها
عمر:انا...لا ما صفنت
رجاء:لكن ما لاحظتني ما اطلعت غير فيها
عمر:لانها عم تحكي
رجاء:اممم يمكن لو نسرين هون كانت عملتلك اللازم
وقف دغري ليهرب من هالتحقيق
رجاء:ما بدك تشرب قهوة
عمر:لا
......
كان عم يلعب بموبايلو بغرفتو فاتت نسرين عليه ومعصبة
جاد خير يا طير
نسرين:شو كانك نسيت
جاد:شو نسيت
نسرين:مشان ريما
تكركب وانخطف لونو
جاد:ريما...مين ريما
نسرين:الي بتشتغل عند عمر
جاد:اسما ريما
نسرين:وبعدين معك جاد
جاد :اي وين بدي شوفها
نسرين:ببيت عمتك يعني وين
جاد:طيب ماشي بس انا ما عندي فكرة كيف بدي طفشها
نسرين:ااخطفها خدها لمكان بعيد واقتلها هددها تطلع من حياتو
جلد:طيب مدامها خدامة ليش مهتمة انتي
نسرين:مابدي ولا صبية بحياتو غيري
جاد:يلا ماشي خلص اطلعي بدي كمل لعب خسرتيني هالدك
نسرين:اوعى تنسى والا بخبر دالي عن علاقاتك يا نسونجي
جاد:ههه روحي وليه
بعد ما تسكر الباب بقي صافن
جاد:ريما...مرتو ل عبود يعني...هههه الي باعها النا مشان كم ليرة بس حلوة...لشو الكزب شبك جاديمكن ما تكون هي بس صار لازم زور بيت عمتي واتعرف وازا هالحكي صحيح راح احكي لنسرين وهي بتحكي ل عمر وراح يقلعها تقليعة لكلاب معقول ما بتعرف انو جوزها انسجن وهو سكران وعم يلعب قمار لكن هاد الي بيلعب مع جاد
.....
كانت خلود باعلى مراحل العصبية وعم تنطر يوسف واسامة ليطلعو من المطعم هني وخطيباتهن وقت شافوها خافو قعدو بالسيارة واطلعو فيها
اسامة:طولنا عليكي
خلود:ع اساس تحاسبو وتطلعو
يوسف:سرقنا الحديث من جديد بعدين ليش هيك معصبة
زمرد:ههه بتعصبو الي ما بيعصب
يوسف:خلص تاني مرة لا ترافقنا او تخطب
اسامة:بلا تسد بوزك انت
فرطو ضحك كلهن وصلوهن للبيت نزل يوسف مع ريم ووقفو برى شوي
يوسف:عجبك المشوار
ريم:كتير حلو
يوسف:يعني شو احلى شي فيه
اطلعت فيه وابتسمت
يوسف:يلا صارحيني
ريم:كلو على بعضو
يوسف:بدي شوف خجلك لوين راح يوصلنا اي كيف تحضيراتك الاسبوع الجاي
ريم:خايفة
يوسف:عنجد...يعني خايفة مني
ريم:لا بس كانو بسرعة مضى الوقت
يوسف:والله هيك ابوكي بدو
ريم:اي بعرف ياريت فينا ناجل
يوسف:لا شو نأجل ما عبالك نطلع لتركيا سياحة
ريم:امبلا
يوسف:لكن شيلي الخوف من بالك لا تفكري بشي
ريم:..
ودعتو بنظرات بريئة كانت صغيرة وحلوة طول الطريق ساكتين اسامة ويوسف بس عم يبتسمو لبعض ما سدءو ايمتى وصلو للبيت وتركتهن لحالهن خلود تمددو على التخت وتنفسو براحة
يوسف:شو حكتلك زمرد
اسامة:شو حكتلك ريم
يوسف:بلا شو
اسامة:لكن بدك اياني خبرك وانت ما تخبرني
يوسف:ههه لك حكينا مشان الاسبوع الجاي
اسامة:نحن حكينا مشان الشهر الجاي
يوسف:شوفي عندك الشهر الجاي
اسامة:ههه اسم الولد
يوسف:لعمى بعيونك قررت يعني
اسامة:ليش غيران انت ما جبتو سيرة الولد
يوسف:ههه لا المخلوقة مخريطة خوف مني حاسس حالي وحش
اسامة:هههه اي لانو ما صرلك زمان متعرف عليها انا وزمرد عدينا مرحلة الخجل
يوسف:بينت نواياك ياابن لحرام
اسامة:عهههه
يوسف:انقبر خليني فكر بطريقة تروح هالخوف مني
اسامة:هلا كيف بيروح خوفك من خلود
يوسف:ما بيروح بتسدء
اسامة:لكن خوفها مستمر
يوسف:شو...نام نام متل الغراب انت
اسامة:ههه
......
كنت عم حضر حالي لروح للشغل مبسوطة ونشيطة بنفس الوقت كنت كل ما احضر عرس طير من فرحتي اتخيل حالي العروس وعيش بخيالي قصةحب مافي متلها ودعت الخالة ورحت وانا عم افتح الباب سمعت صوت الدقة كملت فتح وكانت الصدمة جاد رفيق عبود للحظات اكلني بعيونو وانا خريطت من خوفي منو ايدي رجفو ودمعو عيوني
رجاء:مين يا ريما
جاد:انا عمتي
رجاء:جادفوت حبيبي
جاد:هاد انتي هون عم تشتغلي
كانو عم يتحلفلي دخل للبيت وانا اطلعت منو لا شو طلعت هربت كنت عم امشي بسرعة قلبي عم يدق كتير وخايفة من وين لوين هاد بيكون ابن اخوها لرجاء يعني نسرين اختو وهو نفسو جاد رفيق عبود والي...الي اعتدى عليي هو وصاحبو وصلت للصالة تعبانة ياريت فيني ما داوم او ياريت شفتو قبل جهز حالي للشغل التقيت ب جمانة وسلمنا على بعض
جمانة طولتي
ريما:مسافة الطريق
جمانة:شو ليش لونك مخطوف
ريما:ما بعرف
جمانة:اليوم في عروستين وعريسين
ريما:الله يتمملهن ع خير
جمانة:عقبالنا
ريما:انتي انا لااا
جمانة:عههه غصب عنك

كنت عم اتزكر جاد شكلو نظراتو الي بتخوف وبعدها اسمعت صوت العراضة الشامية
جمانة:وصلو العرسان
متل العادة حبيت شوف أشكالهن ولابقين لبعض الشب الاول حسيت حالي بعرفو ضليت عم اتاملو لحتى اتاكدت اني شفتو قدام بيت يوسف ولعريس التاني كان يوسف طالعين بيشبهو بعض كتير وحدهن صبايا حلوات كتير كانت حدو صبية صغيرة شعرها اسود وناعمة كتير كنت صافنة فيهن متل شعور الفرح اني شفتو عريس يعني تجوز وصار عندو عيلة

جمانة:ريما..يلا عنا شغل دوبنا نلحق
ريما:يلا يلا
جمانة:حلوين صح
ريما:كتير بجننو
جمانة:عههه تخيلي واحد منهن طلبك مين بتختاري
ريما:🙂انتي اختاري
جمانة:هاد الاشقر حلو كتير
ريما:ههه خلصيني على شغلك
كنت دور ع الطاولات وكل شوي اسرق النظر عليهن كانو منسجمين وكانهن على معرفة من بعض كان لازم اعمل شي لحتى شوف يوسف ويعرف اني ادريت انو تزوج واني هون بشتغل اصلا لازم باركلو قبل تخلص الحفلة رحت لباركلو رغم التردد بس تشجعت هي بدل الي عملو معي وبزق بوشي يومها لازم ردلو المعروف رتبت حالي اكتر ورحت لباركلو كان عم يضحك مع العريس التاني يمكن انتبهلي رجع نظرو علي دغري وانخطف لونو ابتسمتلو ببراءة وقربت اكتر
ريما:انشالله الف مبروك
...

وقف متردد كان متمني يشوفها من جديد
يوسف:بتشتغلي هون
ريما:اي بتسدء هاد احلى عرس بيصير بهي الصالة الله يتمملك على خير
يوسف:..
لفت ظهرها لتروح بس دغري ندهلها
يوسف:ريما...لا تروحي
ريما:لا خلص دوامي هون بتمنالك حياة سعيدة وشكرا الك هداك اليوم عرفتني على حالي منيح كنت متجاهلة نفسي
تركتو ومشيت وتلقائيا لحقها نسي العروس واسامة والحفلة كلها
يوسف:ريما ريما استني
وقفت وهي مبتسمة
يوسف:وين اختفيتي اه دورت كتير عليك
ريما:مو مهم المهم انو شفتك اليوم افرحتلك عنجد
يوسف:ريما...انا اسف اسف وربي ما قصدت انا ندمت انتي حدا حنون وحساس وانا جرحتك كتير و
ريما:لا تكفي خلص الي صار انتهى صار لازم امشي
طلعت تركض من الصالة بقي واقف لحتى اختفت ورجع لعند عروستو
ريم:مين هي يوسف
يوسف:وحدة بتشتغل هون
ريم:اي فهمت ليش الحقتها شو حكيتو
يوسف:اانا ..انا
اسامة:هو مدبرلها الشغل
يوسف:أي هيك
حاول كتير يخفف من توترو دقات قلبو السريعة معاد سمع ولا شاف قعد بمكانو يتزكر هداك اليوم وقت قربت منو وقت حضنها وحس فيها اول مرة بيحس بهيك احساس كان العرق متجمع على جبينو اخد منديل ومسحو وما سدء ايمتى خلصت الحفلة واخد عروستو وراحو للفندق كان متوتر كتير ولاحظت دغري انو الموضوع بيخص هالبنت بس ما حكت ابدا ضلت ساكتة دخلوو للغرفة الي حاجزينها قعدت هي على طرف التخت وهو دخل للحمام يغسل ويخفف من توترو وقف قبال لمرايا واطلع بحالو تخيل ريما وراه وعم تبتسملو غمض بسرعة وبلش يغسل وشو شلح الجاكيت وعلقو ركى ايديه على المغسلة وغمض عيونو
يوسف:لساكي عم تشتغلي لساكي بتنظفي من ورا قرف هالناس انت احسن منهن ياريت ما فرطت فيكي ياريت ليش انتي وبس ليش ريما مشان الله ليش
صحتو من شرودو دقت الباب عليه
ريم:يوسف...يوسف
يوسف:يلا اجيتك
فك ازرار القميص وطلع من الغرفة عم يمسح وشو قعد على طرف التخت ولساه مشغول
ريم:يوسف مين هي وليش تغيرت انت
يوسف:وحدة قلتلك
ريم:اي بعرف خبرني ما فهمت بتحبها
اطلع بعيونها لانها جاوبت عنو
يوسف:لا ابدا بس مرة اذيتها وجرحتها كنت بدي اعتذر منها
ريم:مابعرف الموضوع اكبر من هيك
يوسف:..
تمدد بمكانو وغمض ليرتاح
كانت ليلة باردة مافيها مشاعر عمل حالو غفيان بس لحتى ما يقرب منها
.....
كنت ماشي على الرصيف وحدي جمانة ساكتة وكل شوي تطلع فيني
جمانة:وبعدين مع دموعك ليش عم تبكي
ريما:مخنوقة كل المصايب بتنزل على راسي بيوم واحد
جمانة:شو صار ومين هاد
ريما:ما الي نفس احكي مقهورة يا جمانة
جمانة:طيب خبريني
ريما:لا ما بدي
جمانة:انا تعبت من المشي
ريما:خليكي معي
جمانة:مو ناوية تروحي للبيت
ريما:اخ مابعرف
جمانة:انتي جانة اليوم
ريما:يمكن
جمانة:طيب تعالي لبيتي
ريما:لا خلص بدي روح
جمانة:كيف بدي اطمن عليكي
ريما:مافيني شي
جمانة:لونك مخطوف ومافيكي شي لا سدئتك
ريما:..
جمانة:بس ترتاحي اتصلي فيني من اي رقم
ريما:أي
تركتها وارجعت للبيت كان في زحمة سيارات باب البناية لهيك ما اقدرت ميز السيارات لاعرف سيارة جاد ازا هون او لا ضليت برى لحتى عتمت العين كنت كل ما اخطي خطوة ارجع لورى وبعدها انقزت من صوت جاي من وراي
عمر:شو عم تعملي هون
ريما:هاد انت...انا ولاشي
عمر:شو ولاشي مو ناوية تفوتي
ريما:انت ليش اجيت
عمر:اممم جيت لشوف امي
ريما:انا انا كنت بالشغل وارجعت
عمر:وليش برا مقلعة يعني
ريما:لا
عمر:بدك تضلي هون
ريما:لا طالعة اكيد
عمر:يلا قدامي لشوف
امشيت بامر منو وعند الباب تركتو هو يفتح دخل للبيت وانا فتت مترددة
عمر:امي
رجاء:جيت عمر
سكرت الباب وهو فات للصالة اول وبعدها الحقتو كانت بس الخالة رجاء.
رجاء:شو ليش راجع اليوم
عمر:تعبت ومليت اخدت اجازة
رجاء:راح حضرلك عشى
عمر:لا بس تعبان كتير لا تصحيني
رجاء:متل ما بدك
دخلت للغرفة ارتاح حسيت بشي جواتي عم يتقطع خوف من جاد وحسيت بانتصار وقت واجهت يوسف وارتحت لانو تزوج لحتى ما فكر فيه بس لمصيبة ازا بقي جاد يجي لهون راح ينفضح امري ...

طنشت باقي افكاري بدلت تيابي ونمت
......
دق الباب عليها كانت حاطة ماسك على وشها دخل عليها وابتسملها
جاد:جبتلك اخبار سارة
نسرين:بشرني
جاد:هي ريما بتشتغل بالدعارة
بشهقة طويلة ورعبة
نسرين:شوو
جاد:اي كنت اسمع عنها ومرة خبرني عنها رفيقي قصي حكالي جوزها بتاجر فيها للرجال
نسرين:لا لا شو هالحكي
جاد:والله هاد الي صار
نسرين:ومن وين بتعرفها
جاد:هلا شوبدك وهي راح تطفشيها بدليل ما راح تنكر واجهيها قدام عمر وراح يمسح فيها الارض
نسرين:بس بس انا بخاف..ليكون تهمة
جاد:لا شو تهمة كانت حامل هي صح
نسرين:وشو يعني
جاد:من التخبيص
نسرين:ياربي دخيلك لوين وصلنا مو باين عليها
جاد:شوبدك تخبري عمر
نسرين:بس هو اجازتو يوم الاتنين
جاد:روحي بكرى لعند عمتي واكتشفي بنفسك انها مو منيحة لكن ازا هيك راح توقعلك خطيبك بشباكها الها اسلوب بيجذب لرجال
نسرين:كش برى وبعي