#أصابك_عشق
#بقلم_sedra-ezlden
الجز۽ ثالث

نور: شو قلتي امي
روضة: متل ماسمعتي تمام
نور: بتطلع بأمها وبتكتم غيظها حاضر امي
بتطلع نور هي وعم تمشي بتكون لابسة فستان ابيض ورافعة شعرها بمشبك ناعم بتحط الصينية وبتحط لصحون برتابة وتزبيط وبتكون عم تزبط لصحون
بينزل محمد من على الدرج وبيبتسم اول مايشوفها كيف عم ترتب السفرة بيمشي لعندها ببطئ
بتبعد نور عن السفرة وبتزبط شعرها عن وشها
محمد: صباحو
نور: بتنئز وبتدور عليه
محمد: بيضحك ههه شبك نئزتي
نور: نئزتني استاذ محمد كنت شاردة لهيك صباح النور
محمد: شو هالسفرة الظريفة يسلم ايديكي
نور: بتبتسم الله يسلمك
محمد: ياترا انتي عاملتيها
نور: امم للصراحة انا بس جبتهن على الطاولة
محمد: اي اخدو لمستك السحرية خلص
نور: بتخجل وبتبتسم
محمد: بعقلو(ريتو ما يبلا الابيض شو بجنن طالعة متل الياسمينة البلدية راس الكزبرة😂)
عظيمة: احمم بتقرب من السفرة لعندهن
نور: يسعد صباحك عظيمة خانم
عظيمة: بتبسملها قدام محمد وصباحك يانور
نور: انا بدي اعتزر منك على الشي يلي صار مبارح لا تواخذيني ست عظيمة
عظيمة: ولايهمك حصل خير فيكي تروحي
نور: بالاذن
محمد: يسعد صباحك امي
عظيمة: وصباحك ابني
محمد: ببوس ايدها وبمسكلها الكرسي وبجرو لتعد تفضلي ست الكل
عظيمة: الله يرضى عليك بتعد وهي عم تبتسم ابتسامتها الشيطانية
وبيعد محمد على كرسيه
بفوت إسماعيل وبيعد
اسماعيل: شو مجتمعين
محمد: اي عم نستناك لنفطر
اسماعيل: يلا تفضلو بلشو
بياكلو وبخلصو اكل وبقومو
بتطلع نور وسارة وبلمو السفرة وبتفوت نور قبل سارة على المطبخ
اسماعيل: ياسارة يابنت عمليلي فنجان قهوة وجيبيلي ياه
سارة: بتتلبك حاضر يابيك
بتفوت على المطبخ
نور: شو بدو
سارة: قال ساويلو فنجان قهوة
نور: عمليلو وهاتي لوديه انا
سارة: اختي مابد تعملي مشكلة بسببي
نور: يلي قلتلك عليه عملي يلا لا تاخدي وتعطي
سارة: طيب
محمد: انا رح اطلع على الشغل لتابعو وشوف شو بدي اعمل
عظيمة: الله يوفقك ابني السيارة برا وفي الشوفير اذا بدك والحراس برا
محمد: يلا بالاذن
عظيمة: الله ييسرلك
بيطلع محمد وبيفتح السيارة وبيطلع فيها وبيمشي على مكان الشغل ومكتب ابوه ليشوف شو الوضع
عظيمة بتطلع على جنينة القصر وبضل اسماعيل لحالو بالقصر
بتطلع نور من المطبخ وماسكة فنجان القهوة بكون بمكتبو اسماعيل
بتدق الباب
اسماعيل هو وداير ضهرو على الباب: تفضلي
نور: بتفتح الباب وبتخلي مفتوح وبتفوت بتحط فنجان القهوة على المكتب
اسماعيل: شو ياسارة مابدك تفرجينا وشك الحلو ليش عم تخجلي مني
نور: مبلا بدي فرجيك وش احلى من وش سارة
اسماعيل: بيلتفت عليها ليشوف نور واقفة قدامو وعم تطلع عليه نظرات استحقار انتي ليش جبتي القهوة طلبت من سارة
نور: بتبتسم ابتسامة باردة انا اختها ما بيمشي الحال استاذ اسماعيل
اسماعيل: بوقف شبدك يانور ليش عم تطلعي بوشي بكل مرة
نور: بتحط ايدها على المكتب وبتخبطو مشان تعرف اني واقفة بوشك بكل مرة بتحاول تقرب من اختي ليك سيد اسماعيل انا لهلق ساكتة وفيني اعمل كتير شغلات لهيك ياريت تلتزم حدودك واختي لا تقرب منها لان صدقني انت اجبن من انو تواجهني وبتعرف كتير منيح مين نور
اسماعيل: عم تهدديني وليك
نور: فيك تقول هيك شي لا تلعب من وراي مشان ماتدفع التمن غالي اختي خط احمر اذا بتنلمس اختي او بتنأذى شعرة من شعراتها بس عندي استعداد احرق القصر بلي فيه وصدقني ماعندي شي اخسرو يا اسماعيل بيك بالعافية على القهوة ولا تخاف مالي حاطتلك فيها شي مالي متلك
بتطلع وبتسكر الباب
بيعد اسماعيل بصدمة على الكرسي : انا اسماعيل بيك وحدة متل هي تحكيني هيك انا بفرجيكي يانور اذا ما بمحيكي عن وجه الارض مابكون اسماعيل شقفة خادمة هيك عم تهددني ماشي بسيطة
بتطلع نور على المطبخ وبتفوت هي ومبتسمة
روضة: شو عملتي نور
نور: ولاشي امي وديت القهوة
روضة: بنتي وبتعرفها شو حكيتي
نور: ولاشي امي صدقيني بس انصدم مني انو انا يلي جايبتها مو سارة
سارة: شو حكى
نور: بتمسك وش اختها بايديها وحياتك طول ما انا وراكي ماحدا بقرب عليكي لا اسماعيل ولا غيرو
سارة: بتضم نور يخليلي ياكي
نور: ويخليلي ياكي سارتي
بعد مرور ٤ ساعات
عند محمد
بكون واقف وعم يشوف الفلاحين والمحصول والمصاري الواردة والتصديرات
هشام يلي ماسك الشغل : يابيك هدول كلشي فواتير اذا بتحب ببعتهن على القصر وبتشوفهن براحتك
محمد: بيتطلع بساعتو بكون منيح انا رح روح هلق بعتلي ياهن
هشام: بتأمر
بيطلع محمد على القصر
ونور بتكون عم تنظف الغرف فوق وبتفوت على غرفة محمد وبترتبها بتوقف قبال صورتو وبتكون عم تتأملها
بوصل محمد على القصر وبيطلع على غرفتو فورا مشان يبدل تيابو
بوقف بكون باب الغرفة مفتوح بفوت ببطئ بدون مايطلع صوت وقت يشوف نور بالغرفة
نور بتكون عم تطلع بالصورة وتبتبسم
بوقف محمد وراها
محمد: عاجبك كتير!
نور:

نور: بتنئز و بتلتفت عليه بتخبط فيه وايدها بتكون على قلبو بتطلع بعيونو بخجل اننا عن اذنك سيد محمد وبتبعد وفورا بدها تهرب
محمد: بيلحقها فورا وبسكر باب الغرفة وبحاصرها بايديه على الحيط وين بدك تهربي
نور: بتتسرع دقات قلبها وعم تاخد نفسها بصعوبة مابدي اهرب بس خلصت شغلي
محمد: بحط ايده على الحيط جنبها وبيستند كنتي عم تتأملي صورتي وما جاوبتي عاجبتك بيبتسم
نور: اه لا ماكنت عم اتأملها بس شردت شوي
محمد: شردتي بالصورة
نور: بتتلبك ومابتعرف شو ترد
محمد: بيكتم ضحكتو طيب مشان ما تقلبي بندورة رح بعد عنك
بيبعد محمد عنها وبيتكتف شو ياانسة نور عاجبتك الصورة
نور: بتزبط وقفتها بقلبها( اتماسكي نور) لا مو قصة عاجبتني بس وقفت شفتها فيها شي استاذ محمد
محمد: قوية كمان
نور: ليش لازم كون ضعيفة
محمد: لا بالعكس قوتك بتعجبني كتير راس الكزبرة
نور:بتبتسم وبتضحك ههههههه راس الكزبرة
محمد: بيضحك على ضحكتها هههه اي راس الكزبرة
نور: شو هالاسم هلق صرت راس الكزبرة
محمد: لان شعراتك متل الكزبرة وانتي متل الياسمين البلدي
نور: بتختفي ابتسامتها وبتحس انو تمادى شوي عن اذنك استاذ محمد واسفة اذا اجيت لقيتني بالغرفة بس كنت عم نظفها وبتدور بدها تمشي
محمد: بيمسكلها ايدها وبحس برعشتها وببرودتها
نور: بتلتفت هي وعم تطلع كيف ماسكلها ايدها
محمد: الغرفة وصاحبها على حسابك واسف اذا زعجتك بتصرفاتي
نور: بتبعد ايدها من ايدو ولا يهمك ماصار شي
بتلتفت وبتفتح الباب وبتطلع
محمد: بيعد على تختو وبيبتسم بيفرك جبينو شو عم تعملي فيني ست نور ضحكتك اسرت قلبي بقوم وببدل تيابو
عند نور بتنزل هي ومالها على الدنيا بتفوت على المطبخ
وبتعد على الكرسي وهي وساكتة
بتطلع فيها امها وسارة
روضة: نور بنتي نور
سارة: يوه ليش ماعم بترد نور
نور: اي شبكن
روضة: وين شاردة بنتي
نور: معكن
روضة: كتير معنا
نور: بتحط ايدها على خدها وبتبتسم بتكون عم تتذكر كللم محمد
سارة: يوه يوه شوفي كيف مو عبالها
روضة: بتضحك خلص تركيها يوه
سارة: اي انا يلي بتركها (بعقلها اكيد شافت محمد فوق انا بفرجيكي يانور )
بخلصو العشا
روضة: نور سارة يلا طلعو العشا خلونا نروح يلا
نور: حاضر يلا سارة
سارة: يلا ست نور
بطلعو العشا وبحطو على السفرة
بينزل محمد من فوق
محمد: يعطيكن العافية ياصبايا
نور: بتسبق سارة الله يعافيك استاذ محمد
محمد: بيبتسم لنور وبيعد على السفرة اول واحد
ونور: بتردلو الابتسامة
سارة: بتطلع فيهن وبتنكش نور
سارة: يلا نور بتشد نور وبفوتو على المطبخ
نور: اي شبك ايدي
سارة: بتهمسلها لكن تضلك عم توزعي ابتسامات انسة نور
نور: ابتسامات شو
سارة: ما شفتي حالك كيف عم توزعي ابتسامات للسيد محمد
نور: انضبي سارة حكينا بالبيت
سارة: اي ليش لا يلا على البيت
نور: اننن امشي
بيطلعو وبوقفو برا القصر
روضة: ست عظيمة العشا جاهز بدك شي
عظيمة: لا الله معك
روضة: بالاذن
عظيمة: اذنك معك
بتطلع وبتروح هي وبناتها
ونور وسارة طول الطريق عم ينكشو بعض ويتناقرو ليوصلو بحضرو العشا وبخلصو وبفوتو على غرفة نور
سارة: شو خيتي اليوم ضحكتك لورا ادانك فكرك ما انتبهت وقت نزلتي من عند السيد محمد عم تضحكي
نور: بتستغبى حالها وبتشهق ييي اناا
سارة: بتقلدها ييي انتي اي
نور: مو صحيح انا نزلت وماشفتو اصلا
سارة: اي انا بفتري عليكي مو الله يفتري علي متل ماعم بظلمك
نور: امين يارب روحي نقلعي من وشي
سارة: رايحة رايحة وعايشة حالة حب
نور: بتزت عليها لمخدة وضريب
سارة: هههههه لتمدلها اللسانها انننن
نور: بدو قص
سارة: ان شاء الله اللسانك وبتهرب
نور: انا بفرجيكي ياسارة وانتي يانور شو عم يعمل فيكي السيد محمد عم بأثر علي لك انا نور يلي ماحدا بيقدر يحكيني كلمة برا الطريق بنخرس قدامو اخخ بس بتتسطح وبتحط ايديها ورا راسها وبتغرق بافكارها
عند محمد بكون متسطح متل نور وعم يفكر
محمد: شو يانور شكلي متأثر فيكي كتير ومو كتير انا عنجد عم بلش حبك بس الحواجز يلي بينا كبيرة اوف
بيتذكر لمسة ايدها بيرفع ايدو وبشمها بتكون ريحتها عطر من عطر نور ياسمينتي البلدية بيبتسم رح تنحل اكيد رح تنحل بغمض عيونو وبيغرق بالنوم
عند نور بتغفى وهي عم تفكر بمحمد
_____
بنص الليل عند محمد بكون عم يحلم وعرقان كتير
#الحلم
بكون عم يركد على حصانو الابيض ونور عم تركد من جهة تانية ومحمد عم يناديلها وهي تناديلو بس ماعم يلتقو
ونور بتكون خايفة لان في عقرب عم يركد وراها وعم تصرخ لمحمد لتوصل على بيت بتفتحو وبتفوت وبتركد وبتبلش تصرخ اكتر لمحمد لان العقرب قرب منها كتير ورح يقرصها وهو بفوت على هالبيت وعم يناديلها حتى يشوفها بيركد لعندها وبضمها وهي بتضمو وقت يلتقو بيختفي العقرب بثواني

بيصحى محمد مرعوب وهو عم ينده ويكرر اسم نور
بيمسك كاسة المي وبيشرب وعم يهدي نفسو ودقات قلبو
محمد: خير اللهم اجعله خير شو هالمنام هاد بيهدى وبيرجع بغمض عيونو وبيتقلب شوي حتى يرجع يغفى
بتشرق الشمس على الضيعة
بيصحو الناس وببلشو يطلعو على اشغالهن ببيت ابو نور
روضة: بنتي نور اليوم خليكي بالبيت لتنضفي لان بدو تنضيف ونحن رح نروح على القصر
نور: ليش ما تضل سارةوهي يلي تنضف البيت
سارة: انننن انتي لكبيرة اعدي وسكتي وبترفعلها بحواجبها
نور: ينقصو اي
روضة: بس يابنات يلا سارة
نور: ابقو انتبهو على حالكن ولا تخلي سارة تطلع قدامو للبطيخ
روضة: ان شاء الله يلا سلام
نور: سلام اوف ياه حتى برق ماشفتو مبارح واليوم هيك شكلي و مارح شوف بتسكت بس نور انضبي
بتفتح باب البيت وبتطلع السجاد لبرا ليتشمس وبترفع شعراتها وبتحط مشبك مشان ما يوقعو وبتبلش تشطف وترتب البيت
ببيت الزعيم بينزل محمد من غرفتو بكون لابس ومرتب حالو بلاقي لفطور جاهز بيستغرب مابشوف نور
محمد: صباح الخير
عظيمة: صباح النور ابني
محمد: شو لفطور اليوم بكير شكلو
عظيمة: اي يلا اعود فطار
محمد: يلا بيعدو وبيفطرو وهو عينو على المطبخ انو يطلع حدا منو ابدا بخلص فطورو وبقوم
محمد: دايمة وين اسماعيل بيك
عظيمة: سبقك على الشغل
محمد: ما شاء الله نشاطو عالي
عظيمة: هه اي الله يحرسو
محمد: بالاذن امي
عظيمة: اذنك معك
بيمشي محمد وبوقف حنب المطبخ وبقرر ينزل لتحت باي حجة
بينزل وبفوت على المطبخ
روضة: سيد محمد شو عم تعمل هون
سارة: بتلتفت بسرعة لتشوفو
محمد: اه نزلت بدي كاسة مي
روضة: ابني ليش ماقلتلي كنت طلعتلك ياها
محمد: مامحرزة خالتي بدي اشرب وكنت طالع برا القصر فنزلت وبكون عم يتطلع بكل مكان بالمطبخ ليشوف نور ب ما بيلمحها
روضة: سارة جيبي كاسة مي بسرعة
سارة: يلا
بتركد بتجيب مي وبتعطي ياها
محمد: يسلمو انسة سارة
سارة: الله يسلمك يابيك
محمد: بيبتسم وبيشرب المي وبيعطيها الكاسة يلا بالاذن
روضة: الله ييسرلك ابني
محمد: الله يقويكي ياخالتي
روضة: بتبتسم وهو بيطلع
سارة: بقلبها(اي بقس ايدي اذا مو نز مشان يشوف سارة هه بس يعلي مالقاها)
بيطلع محمد برا القصر وبيركب بسيارتو وبيمشي
عند نور بيجي قيس على بيتها وقت يشوفها بالبيت لان الاسطبل قريب على بيت نور
قيس: احمم يااهل البيت
بتطلع نور وبتكون رافعة ايديها والفستان قصير شوي ومبينين رجليها
نور: اهلين قيس
قيس: بيبتسم وقت يشوفها كيفك نور
نور: تمام انت كيفك
قيس: منيح بشوفتك شو وين ماعم نشوفك مبارح ما طليتي
نور: والله عندي شغل لهيك
قيس: يعطيكي العافية يارب
نور: الله يعافيك
بتوقف سيارة محمد وقت تشوف قيس واقف وعم يحكي نور
وبينزل محمد
بينزل محمد من سيارتو وبيخبط الباب بقوة
بيتطلع قيس على مصدر الصوت
الحارس: انزل معك يابيك
محمد: خليك بمطرحك بكون عم يزور قيس بقرب منهن مرحبا
قيس: اهلين استاذ محمد
محمد: بمدلو ايدو وبسلم عليه وبشد على ايدو اهلين فيك
نور: وقت تشوف محمد بيرجف قلبها اهلين استاذ محمد نورت
محمد: شو شايفكن واقفين هون
نور: اي مرق قيس ليسلم علي لان مبارح مارحت لهيك ليش في شي
محمد: عم يحكي من بين اسنانو لا ابدا مالك بردانة انسة نور
نور: بتطلع على تيابها بخجل لا الدنيا شوب مو هيك قيس
قيس: اي كتير بيتطلع بشوف المسدس بخصر محمد شو يامحمد حامل مسدس شايفك
محمد: اي والله متل مو شايف
قيس: صرت من اهل الضيعة ما شاء الله وبتحمل سلاح باستفزاز بس نصيحة شيلو مو زابط معك يا استاذ
محمد: بيرفع حاجبو شو يلي مو زابط استاذ قيس
قيس: لسلاح وانت ماخرجك وجيتك على الضيعة وتدخلك بالصغير ولكبير كمان ما ورادة معك وفهمت علي انت
محمد: بقرب منو وانا بقلك خليك بحالك واتضبضب مشان ما تزعل
نور: بتقرب وقت تشوف بدها تصير مشكلة خلص قيس روح شغلك وبتمسكو من ايدو مشان تبعدو عن محمد
بس مابتعرف انو من مسكة ايدها شغلة النار بقلب محمد
قيس: بحط ايده فوق ايد نور طيب نور رايح وبيبتسم ابتسامة لمحمد ليستفزو
محمد: بشد قبضة ايدو بصريخ قيس
بيلتفت قيس عليه وبيضربو محمد بوكس بوقعو
نور: بتشهق وبتبعد
بوقف قيس وايدو على تمو وبردلو الضربة لمحمد
نور: قيس لا
محمد: بيرجع بردلو ياها وبيوقع قيس بيمسكو محمد وببلش فيه ضرب
وبتلتم الضيعة على صواتهن ونور ماعم تقدر تبعدهن عن بعض
بطلع محمد المسدس وبحطو على قيس وبيمسكو من قميصو
نور: عم تصرخ لا يامحمد اهدى بس
محمد: هو وشادد عليه بيهمسلو اذا بتقرب على نور اعتبرو اخر يوم بعمرك مو انا يلي بينحكى معي هيك عم تفهم
قيس: بيبتسم ليستفزو وانا رح قلك انو نور الي شو رايك فيها

محمد: بيمسك المسدس وبيضربو فيه على تمو وبيوقع قيس عم يتوجع بقرب محمد وبيمسك الكرسي وبيكسرو على قيس بقرب بدو يضربو اكتر بتوقف نور وبتمسكو خلص وعم تصرخ لك بس بس بعلي صوتو اكتر وهو عم يهددو اذا بشوف وشك تاني مرة رح تندم عم تفهم رح تندم
نور: خلص بتدفش محمد و وبتبعدو
بقربو شباب الضيعة وبياخدو قيس
ونور بتفوت محمد على بيتها
نور: بتجبلو كاسة مي وبتعطي ياها تفضل بتكون مزعوجة من يلي عملو
محمد: بيمسك كاسة المي وهو عم يتطلع عليها وبيشربها
نور
نور: نعم استاذ محمد
محمد: ليش مزعوجة انتي
نور: ليش ضربتو ممكن اعرف
محمد: بوقف بعصبية لانمحمد: بعصبية بوقف لان
نور: بتقرب منو وهي عم تطلع بعيونو بقوة لان شو سيد محمد
محمد: بشد قبضة ايدو لان استفزني
نور: بشو استفزك بس لان قلك المسدس مو زابط معك
محمد: ليش عم تدافعي عنو انتي اه
نور: ابن ضيعتي
محمد: وانا شوو اه مالي ابن ضيعتك ولا استاذ قيس بتدافعي عنو وانا لا
نور: بتاخد نفسها لا انت ابن ضيعتي وانا
محمد: و شو
نور: خادمتك يابيك بجوز رفعت صوتي لا تواخذني
محمد: بيمسكها من كتافها بعصبية لا عاد تقولي هالكلمة نور انتي مالك خادمتي عم تفهمي
نور: بتطلع بعيونو الخضر يلي صايرين حمر من العصبية هي الحقيقة
محمد: هي حقيقة انتي عم تشوفيها بس انا مابشوفك هيك ابدا ولا بدي شوفك هيك يانور
نور: فيك تتركلي ايدي
محمد: بيرخي ايده اسف وجعتك
نور: لا مابدي عطلك عن شغلك واكيد الست عظيمة وصلها خبر لخناقة مابدي اعملك مشاكل اكتر فيك تروح
محمد: بياخد نفسو وبهز راسو وبيلتفت وبدو يطلع بيرجع بيلتفت عليها نور
نور: نعم
محمد: بزورة لاعاد تلبسي هيك فستان قصير كتير وكلامي مارح ينعاد مفهوم وبيطلع وبيطبق الباب بقوة
نور: بتنصدم من كلمتو وبتطلع على فستانها وبتجيها الضحكة من كلامو ههههههه هاد عم يحكي عنجد بترفع ايدها بقلة حيلة وبتكفي شغلها
بيركب سيارتو وبروح على المكتب
بفوت وبيعد ورا كرسيه
بفوت اسماعيل لعندو
إسماعيل: شو يلي سمعتو يامحمد مزبوط
محمد: وهو عم يقلب بالورق شو سمعت
اسماعيل: ضربت الشب يلي اسمو قيس
محمد: هيك سمعت انت
إسماعيل: اي
محمد: معناتها اي
اسماعيل: وليش ضربتو
محمد: والله بعتقد انا حر بضرب يلي بدي ياه
اسماعيل: بلا سبب
محمد: اكيد مارح اضربو بدون سبب
اسماعيل: شو عمل
محمد: وكمان ماضروري قلك شو عمل
اسماعيل: بيدايق من محمد وبيطلع وبيضرب الباب وبيطلع على القصر
محمد: بكفي شغلو وهو عم يفكر بنور وكيف حكاها اخر شي
اسماعيل بوصل على القصر وبفوت بلاقي سارة عم تمسح الارض ومالها منتبهة عليه
بفوت اسماعيل هو وعم يبتسم متل الاسد يلي شايف فريستو قدامو بوقف وبيتطلع حوليه مابشوف حدا بالقصر
اسماعيل: بقرب وبيلمس خصر سارة
سارة: بتنئز وبتلتفت عليه بخوف شو عم تعمل يابيك
اسماعيل: بنظرات مقرفة هسس نوصي صوتك انسة سارة كيفك
سارة: ااممنيحة عن اذنك وبتجي بدها تمشي
اسماعيل: بيمسكها وبقربها منو تعي تعي وين رايحة انا صدقت لقيتك لحالك حكيكي شوي
سارة: هي وعم ترجف تركني سيد اسماعيل
اسماعيل: هسس شبنا سارة وبمرر اصابعو على خدها
و....
اسماعيل: بيمسكها وبثبتها على الحيط
سارة: بتكون عم ترجف ودموعها بتنزل على خدودها بعد عني
بينزل احمد من فوق وبشوف ابوه كيف حاصر سارة
احمد: بيمشي لعند اسماعيل وفورا بيمسك ايد سارة وبيسحبها لعندو
اسماعيل: بيتطلع عليه بصدمة وبينقلب وجه فورا ااحمد
احمد: بكون عم يزور اسماعيل ورح ياكلو بسنانو بيهمسلو راجعلك سيد اسماعيل راجعلك وبياخد سارة وبيطلع لفوق مشان ما حدا يشوفها هي وعم تبكي
بيطلع على غرفتو وبسكر الباب وبأعدها على تختو
سارة: عم ترجف وتبكي لييه جبتني لهون اناا بدي روح لعند امي
احمد: بيعد وبيمسكلها ايدها لا تخافي وحياتك مارح اعملك شي صدقيني اهدي وروقي اهدي بس انا بدي احميكي والله
سارة: هو كان بدو يلمسني وبتفرط من البكى وبتصير تشهق
احمد: مابيعرف كيف يهديها بشدها لعندو وبيحضنها خلص اهدي سارة اهدي ماحدا رح يقرب عليكي انا معك اهدي وبكون عم يلمسلها شعراتها بهدوء اهدي سارة لا تخافي هالواطي مارح يقرب عليكي
سارة: بتهداو بتبعد عنو بهدوء انا بدي روح
احمد: وين بدك تروحي
سارة: لعند امي وبعدها على بيتي
احمد: طيب اهدي ولا تجيبي سيرة لااهلك وانا بتصرف وعد
سارة: بتوقف هي وعم تمسح دموعها مين بدو يجبلي حقي منو اه بتكون عم تحكي وترجف ولا لان نحن فقرة بتستوطو حيطنا ليكون مفكر انو ماعندي مين يدافع عني بتكون غلطان انت وابوك
احمد: ماقصدي سارة والله ماقصدي وانتو احسن مننا واسماعيل هاد بتبرى منو لا ابي ولا بعرفو ورح يعرفو الكل صدقيني بس اهدي هلق تمام

سارة: بتفكر شوي وبتهز براسها طيب بالاذن
احمد: بيبتسملها كوني متاكدة انو رح اخدلك حقك وعد مني
سارة: بتطلع بعيونو يلي بيشبهو عيون محمد بالزبط نفس اللون وبتهز براسها وبتطلع
احمد: بيعد وبحط ايده على راسو لهون وصلت معك يااسماعيل الكلب دمي متبري منك انا بفرجيك
بتنزل سارة وبتمسح دموعها وبتفوت على المطبخ
روضة: بنتي بتطلع فيها وين كنتي شبك
سارة: اه امي مافي شي كنت عم امسح وتعبت شوي
روضة: يعلي شبك بنتي
سارة: مافي شي امي بس راسي واجعني شوي لا تاكلي هم
روضة: اعدي لااعملك كاسة ليمون تصحيكي
سارة: يسلمو ايديكي
عند قيس
بكون اعد وعم يتحلفلو لمحمد
قيس: اذا مابردها يامحمد مابكون انا قيس هلق عرفت شو بدك بدك نور ياافندي اي مو تكرم
عند نور بتخلص شغل البيت وبتفوت بتتحمم وبتطلع لابسة بجامتها وعم تمشط شعراتها بتنشف شعراتها وبتقوم بتحضر العشا لااهلها
نور : عم تحكي حالها معقول هاد كيف حكاني بتكون ماسكة معلقة الطبخ وبتوقف تقلدو نور مابدي شوفك بهالفستان مرة تانية مفهوم هههههه

نور: ياربي انا خالص عقلو تقولي جوزي وبتسكت شوي وبتحكي ايوا المشكلة يلي صارت من ورا الفستان اكيد محمد غيران علي بتحكيها بصدمة معقول لا اكيد كلام قيس استفزو اي بس معو حق لو انا نحكالي هيك مابسكت مو لااطحنو لقيس لخلي بالفرشة شهر هههه
بتخلص روضة العشا وبتحطو برا بفوت محمد وبلاقي روضة لحالها عم تحط السفرة
محمد: يسعد مساكي خالتي
روضة: بتلتفت عليه ومساك تقبرني
محمد: بعيد الشر عنك يخليلنا هالايدين
روضة: ويخليلي ياك يازينة الشباب
محمد: شو عم تشتغلي لحالك وين سارة
روضة: سارة راسها عم يوجعها ليكها تحت بدي خلص ونروح على البيت
محمد: خير ان شاء الله سلامتها
روضة: الله يسلمك يارب
محمد: بحوس حواليها وفي حكي بتمو
روضة: بتطلع فيه وبتبتسم احكي ابن شبدك
محمد: بيضحك هههه كيف عرفتي بدي شي
روضة: حافظتك شو بدك احكي الحكي يلي بتمك
محمد: امم خالتي نور
روضة: شبها نور حكتك شي برا الطريق بقسلك راسها
محمد: لا اعوذ بالله ماعملتلي شي البنت
روضة: لكن
محمد: لا عاد تخليها تطلع بفستان قصير قدام اهل الضيعة
روضة: ليش ايمتى شفتها بفستان قصير
محمد: اليوم انا ومارق شفتها
روضة: بجوز لانها عم تشتغل البيت لهيك لابستو قصير خلص ابني ماعاد خليها بس شفت شي منها
محمد: لا نور بينحلف بادبها بالضيعة كلها بس لان بخاف على سمعتكن قلتلك وبعتبر حالي ابنك
روضة: بتبتسم الله يحميك ياابني روح غير تيابك ونزيل لتاكل يلا
محمد: بيبتسم يلا بالاذن خالتي
روضة: اذنك معك ابني
بتفوت روضة على المطبخ وبتلبس جاكيتها وبتطلع هي وسارة على بيتهن وبتكون سارة تعبانة كتير وساكتة
بينزلو على العشا كلهن ماعدا اسماعيل وبكون احمد اعد وعم يستنى يطلع اسماعيل وعيونو متل الجمر
عظيمة: بتطلع بساعتها شو وين ابوكن
محمد: بمكتبو
عظيمة: بتنادي عل الخادمات يلي بضلو بالقصر مشلن يندهولو
بيطلع اسماعيل وعيونو بالارض
عظيمة: تاخرت اسماعيل بيك
اسماعيل: اجيت
عظيمة: يلا بلشو اكل
إسماعيل: بيعد بدون ما يتطلع على احمد بكون خايف لا يحكي شي احمد وبكون احمد عم يراقبو
أحمد: بيتقصد يحكي راحو خالة روضة وبنتها سارة
محمد: اي راحو بدك شي منهن
اسماعيل: بيتطلع عليه بطر عينو
احمد: لا بس عم اتطمن
محمد: من ايمتى
احمد: من هلق في مانع
محمد: لا ابدا
عظيمة: شبك اسماعيل مو على بعضك
اسماعيل: مافي شي مزعوج من خناقة ابنك اليوم
عظيمة: خناقة شو
محمد: انا ضربت الشب يلي اسمو قيس
عظيمة: ليه
محمد: تطاول وعرفتو قيمتو بس
عظيمة: بيستاهل يعني
محمد: اي
عظيمة: اي سلم ايديك وهلق اجا مين يعرفهن قيمتهن لهلطرش
محمد: بالحق طبعا
عظيمة: يسلم ايديك شو ماكان
اسماعيل: عم تقوي على العالم ست عظيمة
عظيمة: ما تدخل انت ابني بيعرف شو عم يعمل
احمد: مزبوط اخي بيعرف كتير منيح شو عم يعمل بس يمكن انت اسماعيل بيك ماعم تعرف شو عم تعمل وصار لازمك راحة وبيغمزو
اسماعيل: بيتلبك شو عم تحكي ياولد
احمد: عم احكي يلي شايفو انو لازم ترتاح من الشغل مو هيك امي
عظيمة: مزبوط عم يحكي احمد صار لازم تعد انت كبرت وخالص شغلك
اسماعيل: بدكن تكسرو شوكتي انتي وولادك سمعوني منيح انا اسماعيل بيك مو انا يلي بتلعبو فيني عم تفهمو
محمد: هدي هدي ماعم نقلك بدنا نكسر شوكتك ولاشي خليك بمطرحك وتفرج بس
اسماعيل: بيزورهن وبقوم من على السفرة
عظيمة: يلا احسن بلا هالخلقة
احمد: بالناقص مو هيك امي
عظيمة: مزبوط ههههههه
محمد: بالاذن
عظيمة: اذنك معك ابني
محمد بيطلع على غرفتو وهو شارد وعم يحكي مع حالو
شو بدك تعمل يا محمد بدك تقول لنور انك بتحبها ولا بدك تقول لاامك انك بدك تتزوج من البنت يلي امي عاملتها خادمة ولا الحواجز يلي بينا ولا نور يلي تقبل اوف اوف صدقيني يانور اذا بتحبيني كل هالمشاكل رح انهيها بكلمة منك حتى لو بدي واجه هالدنيا كلها انتي الي ومستحيل تروحي لقيس مستحيل لو بدي ادفع هالتمن كلشي

بيتسطح وافكارو عم تاخدو وتجيبو
عند نور بكونو اعدين على العشا وسارة شاردة
ابو نور: سمعت انو محمد بيك عملو قتلة لقيس
روضة: يويلي من وين سمعت
ابو نور: الضيعة مطبولة فيها ياروضة ما سمعتي
روضة: لا وين ضربو وليش
ابو نور: بيتطلع على نور ضربو هون قدام بيتنا
روضة: قدام بيتنا
ابو نور: اي وبالعلامة بنتك الانسة نور كانت عم تفك بينهن
روضة: صحيح نور
نور: اي صحيح امي
روضة: وشو سبب المشكلة
نور: قيس استفزو لمحمد وتضاربو
روضة: شو حكالو قيس لمحمد بعرف محمد رايق

#أصابك_عشق
#بقلم_sedra-ezlden
الجز۽ الرابع

نور: سلامتك عمري
سارة: الله يسلمك اختي
بتقوم نور وبتشيل العشا وبتعملها كاسة زهورات لسارة وبتاخدلها ياها على غرفتها
سارة: ليش معذبة حالك اختي
نور: ولو اذا ماخدمناكي انسة سارة مين بدو يخدمك
سارة: يخليلي ياكي
نور: اختي احكيلي فيكي شي
سارة: بتصفن وبترجع بحكي احمد انو ما تحكي
نور: سارة وين رحتي
سارة: معك اختي مافيني شي قلتلك راسي عم يوجعني وحاسة جسمي مكسر شوي
نور: بتغطيها منيح اتدفي منيح وشربي لزهورات ان شاء الله بخف عليكي
سارة: ان شاء الله
نور: تصبحي على خير
سارة: وانتي من اهلو
بتطلع نور وبتسكر الباب وبتفوت على غرفتها بتتسطح وبتنام
تاني يوم الصبح
بتصحى نور وبتلبس فستان نيلي وبتخلي شعراتها
مفرودين قال يعني هنن بينضبو😂
وبتطلع
روضة: صباح الخير بنتي
نور: بتبتسم صباح النور امي وين سارة
روضة: سارة مالها قدرانة تروح رح روح انا وياكي هي حتضل نايمة
نور: تمام يلا
روضة: يلا امشي
بيطلعو وعم يمشو للقصر
بيمرقو من ناح محل قيس بيطلع قيس وبيركد لعندهن
قيس: خالتي روضة
روضة: بتوقف هي ونور وبتلتف عليه اهلين قيس
قيس: كيفك خالتي كيفك نور
روضة: الحمدلله وانت كيفك ابني
نور: الحمدلله
قيس: منيح انا شو نور مابدك تركبي على برق اشتقلك
نور: بتبتسم مبلا بس عندي شغل اليوم مابقدر امي مامعها حدا يساعدها
قيس: اي ايمتى مابدك تعي
نور: ان شاء الله يلا امي
روضة: يلا بخاطرك ابني
قيس: الله معكن
بفوتو على القصر وبيعملو لفطور وبحطو على السفرة بتطلع عظيمة وبتشوف نور عم تحط الاكل على السفرة
عظيمة: يابنت
نور: بتلتفت عليها نعم ست عظيمة
عظيمة: طلعي قولي لسيد محمد ينزل على لفطور يلا
نور: حاضر
بتحط الصينية نور وبتطلع بتدق الباب نقرات خفيفة وقلبها دقاتو مسموعة
محمد: ادخل
بتفتح الباب شوي نور وبتوقف بدون ما تطلع عليه سيد محمد لفطور جاهز ست عظيمة بدها ياك تحت
محمد: وقت يسمع صوتها بيبتسم وبيلتفت عليها اهلين نور
نور: بترفع راسها وبتطلع فيه اهلين فيك استاذ محمد
محمد: بكون عم يلبس جاكيتو بوقع قصداً خاتمو نور ممكن تجيبلي الخاتم
نور: اي تكرم
بتقرب لعندو وبتجبلو الخاتم تفضل
محمد: بيمسك الخاتم وبيمسكلها ايدها
نور:
نور: بتطلع بعيونو استاذ محمد ايدي هي مو الخاتم
محمد: بيبتسم وبيتركلها ايدها وبيمشي لعند الباب وبسكره
نور: بتبلع ريقها ليش سكرت الباب
محمد:بيبتسم مشان البرد
نور: بالاذن وبتمشي بدها تطلع
محمد: بيمسكها من ايدها وبشدها لعندو وعم يتطلع بعيونها لوين رايحة
نور: بتتلبك بدي انزل هلق الست عظيمة بتعرف اني عندك مابدي اعملك مشاكل
محمد: بحط اصبعتو على شفافها هسس لا تقولي هيك انا اذا المشاكل بدها تجي منك قبلان ومبسوط
نور: بتبلش تعرق ومتلبكة بس يااستاذ محمد
محمد: نور
نور: بتطلع بعيونه نعم
محمد: بتعرفي انو عيونك احلى عيون بشوفها
نور: بتبتسم وبتحكي بجدبنة بس عيونك هنن احلى عيون بكل الكون
محمد: كل هالقد عيوني حلوين
نور: اي كتير
محمد: بس عيوني الحلوين شايفين عيونك احلى عيون وشايفين شعراتك شلال من الموج وبحط ايده على شعراتها وشايفين كمان بمرر اصابعو على خدودها هدول تفاحات بلدية وشفافك وعم بقرب وشه اكتر من وشها
نور: بتبعد نور هي وعم تاخد نفسها بصعوبة بالاذن استاذ محمد وبتطلع فورا وبتهرب
محمد: بيبتسم وبزبط وقفته وقعتي يانور وماحدا سما عليكي رح اعترفلك وخلص ماعاد استحمل اكتر هالجمال كلو بيفتح باب غرفتو وبينزل بيسمع صوت امو عم تحكي نور
بينزل
عظيمة: وينك لهلق شو كنتي عم تعملي بغرفة ابني
محمد: امي شبك ماسكة ريق البنت انا اخرتها
عظيمة: بتلتفت عليه ليش اخرتها يااستاذ وعم تزورو
محمد:بجدية مصتنعة شفت غبرة بالغرفة كنت عم قلها عليهن وبهدلتها ع اهمالها
عظيمة: بتبتسم بتستاهل اذا هيك روحي جيبي ممسحة وطلعي بسرعة نضفيهن
نور: بتكتم ضحكتها حاضر وبتهرب
عظيمة:( بقلبها هلق صرت تفهم علي يامحمد) تعا ابني اعود ناكل
محمد: يلا امي
بيعدو بيفطرو هنن لتنين
روضة: شو عاملة لمحمد وليه صحيح الغرفة وسخة
نور: اه اي امي عليها غبرة
روضة:طلعي فورا نضفيهن يلا
نور: يلا بتاخد ممسحة هي وعم تضحك وبتطلع بشوفها محمد طالعة بيبتسم دايمة امي
عظيمة: صحتين ابني
محمد: يلا بدي روح انا بحط ايده على جيبتو يي على هالنسوة
عظيمة: شو نسيت ابني
محمد: موبايلي رح اطلع جيبو
عظيمة: بتكون ماشافت نور انو طلعت على غرفة محمد ناديلك المقصوفة الرقبة تجيبو
محمد: لا امي تعد تنكشلي بغراضي انا بطلع
عظيمة: معك حق يلا طلاع
محمد: بيطلع على غرفتو وبيفتح الباب وبفوت
نور: بتكون اعدة على الكرسي لان الغرفة نضيفة بس لتقضي وقت على اساس نضفتها بتنئز وبتوقف
محمد: بسكر الباب اعدي لا تخافي بقرب منها وبوقف قبالها وهو عم يبتسم
نور: بتبتسم شو
محمد:

محمد: بيبتسم ولاشي بيلتفت وبدو يطلع بيلتفت عليها عفكرة طالعة بتجنني وبيطلع
نور: بتحط ايدها على قلبها وعلى خدودها يلي حينفجرو من الخجل بتمسك الممسحة وبتنزل
بتوقفها عظيمة
عظيمة: مسحتي الغبرة
نور: اي فيكي تتاكدي ست عظيمة
عظيمة: ماشي روحي على شغلك
بتهرب نور على المطبخ وبتشتغل مع امها
بيصحى احمد وبينزل
احمد: صباح الخير امي
عظيمة: صباح النور ياعيون امك
احمد: يخليلي ياهن شو فطرتو
عظيمة: اي والله خليهن يحطولك تفطر
احمد: لا بس بدي فنجان قهوة
عظيمة: يلا رح قلهن يعملولك
احمد: ريحي حالك انا بقلهن
عظيمة: متل مابدك
بينزل احمد على المطبخ وبفوت
روضة: بتتفاجأ فيه لان هي اول مرة بفوت على المطبخ احمد بيك امرني
نور: بتلتفت عليه لتشوفو وبتشوفو بيشبه محمد وعيونو نفس اللون بتبتسم لان بيخطر على بالها محمد
احمد: خالة روضة ذكاتك فنجان قهوة
روضة: بتنصدم عم يقلها خالة اي تكرم يابيك
احمد: بفضول وين بنتك التانية
روضة: سارة!
احمد: اي وينها
روضة: مرضانة شوي لهيك ضلت بالبيت
احمد: بعقلو(كلو منك يانجس البنت مرضانة) سلامتها يارب وبيطلع
روضة: الله يسلمك
نور: شبدو باختي
روضة: شبعرفني يمكن سأل هيك
نور: اي بجوز
روضة: عمليلو فنجان قهوة وعطي ياه يلا
نور: حاضر
بتعمل فنجان القهوة وبتطلع لبرا ما بتلاقي
نور: عظيمة خانم احمد بيك وينو طلب فنجان القهوة بس ماعم لاقي
عظيمة: برا بتلاقي بالجنينة تبع القصر
نور: طيب بالاذن
بتطلع نور وبتلاقي اعد بالجنينة بتروح لعندو وبتحطلو الفنجان على الطاولة
نور: تفضل يابيك
احمد: يسلم ايديكي
نور: الله يسلمك وبتمشي
احمد: يالطيف مع انهن اخوات بس مافي شبه بينهن هي شعراتها كيرلي وسارة سبل هي قوية وسارة ضعيفة لعيون غير والطبيعة غير وكلشي ياترى شبك ياسارة والله معك حق ما تجي ولا تفكري انو تجي وعدتك اخدلك حقك ورح اخدلك ياه اصبري بس
عند محمد بكون واقف بالارض وعم يراقب شغل الفلاحين ويسجل بايده المحصول وبفوت على مكتبو عم يزبط لحسابات بينفتح الباب وبفوت اسماعيل معصب وبحط ايده على المكتب بقوة
إسماعيل: انت كيف بتعمل هيك!
محمد: بيرفع نظرو عليه وبقلو شو عملت
إسماعيل: كيف بتبيع المحصول تبع مبارح برخيص اه
محمد: كيف بدك ياني بيعو على اسعارك!
اسماعيل: انت هيك خسرتني الربح وخفضت الأسعار كيف بدي اربح

محمد: بيبتسم ولاشي بيلتفت وبدو يطلع بيلتفت عليها عفكرة طالعة بتجنني وبيطلع
نور: بتحط ايدها على قلبها وعلى خدودها يلي حينفجرو من الخجل بتمسك الممسحة وبتنزل
بتوقفها عظيمة
عظيمة: مسحتي الغبرة
نور: اي فيكي تتاكدي ست عظيمة
عظيمة: ماشي روحي على شغلك
بتهرب نور على المطبخ وبتشتغل مع امها
بيصحى احمد وبينزل
احمد: صباح الخير امي
عظيمة: صباح النور ياعيون امك
احمد: يخليلي ياهن شو فطرتو
عظيمة: اي والله خليهن يحطولك تفطر
احمد: لا بس بدي فنجان قهوة
عظيمة: يلا رح قلهن يعملولك
احمد: ريحي حالك انا بقلهن
عظيمة: متل مابدك
بينزل احمد على المطبخ وبفوت
روضة: بتتفاجأ فيه لان هي اول مرة بفوت على المطبخ احمد بيك امرني
نور: بتلتفت عليه لتشوفو وبتشوفو بيشبه محمد وعيونو نفس اللون بتبتسم لان بيخطر على بالها محمد
احمد: خالة روضة ذكاتك فنجان قهوة
روضة: بتنصدم عم يقلها خالة اي تكرم يابيك
احمد: بفضول وين بنتك التانية
روضة: سارة!
احمد: اي وينها
روضة: مرضانة شوي لهيك ضلت بالبيت
احمد: بعقلو(كلو منك يانجس البنت مرضانة) سلامتها يارب وبيطلع
روضة: الله يسلمك
نور: شبدو باختي
روضة: شبعرفني يمكن سأل هيك
نور: اي بجوز
روضة: عمليلو فنجان قهوة وعطي ياه يلا
نور: حاضر
بتعمل فنجان القهوة وبتطلع لبرا ما بتلاقي
نور: عظيمة خانم احمد بيك وينو طلب فنجان القهوة بس ماعم لاقي
عظيمة: برا بتلاقي بالجنينة تبع القصر
نور: طيب بالاذن
بتطلع نور وبتلاقي اعد بالجنينة بتروح لعندو وبتحطلو الفنجان على الطاولة
نور: تفضل يابيك
احمد: يسلم ايديكي
نور: الله يسلمك وبتمشي
احمد: يالطيف مع انهن اخوات بس مافي شبه بينهن هي شعراتها كيرلي وسارة سبل هي قوية وسارة ضعيفة لعيون غير والطبيعة غير وكلشي ياترى شبك ياسارة والله معك حق ما تجي ولا تفكري انو تجي وعدتك اخدلك حقك ورح اخدلك ياه اصبري بس
عند محمد بكون واقف بالارض وعم يراقب شغل الفلاحين ويسجل بايده المحصول وبفوت على مكتبو عم يزبط لحسابات بينفتح الباب وبفوت اسماعيل معصب وبحط ايده على المكتب بقوة
إسماعيل: انت كيف بتعمل هيك!
محمد: بيرفع نظرو عليه وبقلو شو عملت
إسماعيل: كيف بتبيع المحصول تبع مبارح برخيص اه
محمد: كيف بدك ياني بيعو على اسعارك!
اسماعيل: انت هيك خسرتني الربح وخفضت الأسعار كيف بدي اربح

محمد: بوقف اولا انا ببيع بالاسعار يلي بتعجبني لان انا هلق يلي ماسك الشغل وتانيا انت اسعارك يلي قبل كانت نصب على العالم وعم تجبر الناس الفقيرة تشتغل الاضعاف لتقدر تستر حالها وهون بالضيعة الناس ماشية على بركة الله وواثقين فيك وانت عم تنصب وتنهب لتضل بالعالي والناس تحت بحط ايده على الورق هون بهالضيعة الكل حيصير متساويين الغني والفقير وماحدا رح يشتغل عند حدا شو رايك فيها سيد اسماعيل
اسماعيل: انت شو عم بتخبص ياسيد محمد عرفان شو عم تحكي
محمد: بعرف وكتير منيح
اسماعيل: مارح اسكت على هالغباء تبعك عم تفهم مارح اسكتلك
محمد: بيعد عميل يلي بيطلع بايدك
اسماعيل: ماشي ماشي بيطلع وبسكر الباب بقوة
محمد: درب يلي يسد مايرد يا هشام
بفوت هشام
هشام: امرني يابيك
محمد: نزل من الاسعار ١٠ بالمية لنشوف اسماعيل بيك شو رح يعمل
هشام: بينبسط بتأمر يابيك والفلاحين يلي اسماعيل بيك مو عاطيهن اجارهن شو نعمل
محمد: اجمعلي ياهن الكل وجهزلي رواتبهن كلهن
هشام: بيبتسم حاضر يابيك
بيطلع هشام وبيجمع الكل قدام المكتب وبيطلع محمد لعندهن
محمد: السلام عليكم
الكل: وعليكم السلام
محمد: جمعتكن اليوم مشان ينرد لكل واحد حقو وكلشي كان مستلمو اسماعيل بيك رح يتغير باذن الله وماعاد في انسان بيتشغل هون الا رح ينردلو حقو وفوقو حبة مسك ان شاء الله والله يقدرني رجع لك حدا حقو وما كون ظالم معكن منضل نحن اهل وضيعة وحدة
بقرب ابو نور
ابو نور: بعلي صوتو الله يحميك ياسيد محمد
وبردو وراه الناس وببلشو يدعولو ويهتفو باسمو
محمد: بينزل لعندهن وببلش يسلم عليهن ويحضنوه
عم يبتسم وببلش يوزع الرواتب عليهن وبيعطي الكل حقو وبيرجع على المكتب وهشام معو
هشام: الله يحميك ويسعدك يابيك متل مافرحت قلوب هالناس المساكين
محمد: الحمدلله اهم شي سعداتهن والله رح يرزقنا الضعف صدقني
هشام: مزبوط الله يرزقك يابيك
محمد: امين انا بدي روح على القصر الشغل يلي بيجي مابتخلي حدا يقرب عليه ولا على الورق ولا يفوت على المكتب واولهن اسماعيل مفهوم
هشام: بتامر يابيك
محمد: اذا في شي ضروري رنلي على موبايلي
هشام: تمام
بيطلع محمد وبيركب بسيارتو وبيمشي
بوصل على القصر وبينزل بفوت على القصر
بتكون نور طالعة من المطبخ ومعها سلة ورد بدها تطلع تنشفها وهو فايت مالها منتبهة وبتخبط فيه بتوقع سلة الورد عليهن
محمد: بيمسكها من خصرها فورا لاتوقع
نور: مالك منتبه وبتسكت وقت تشوف محمد
محمد: بيبسم اسف ما انتبهت عليكي بس انتي متل الياسمينة ما بحس فيكي
نور: بتبتسم فيك تتركني مارح اوقع
محمد: طيب بيبعد ايده عنها شو هالوردات الحلوين
نور: اي كانو حلوين قبل ليوقعو ويتوسخو
محمد: ليش شو بدك فيهن
نور: بدي نشفهن كنت لااعملهن عصير بس هلق ماعاد يصيرو بتنحني وبتبلش تلمهن
محمد: بينحني معها وبلمهن معها
نور: شو عم تعمل قوم استاذ محمد اذا بتطلع الست عظيمة وبتشوفك لنتبهدل
محمد: بلمهن وبحطهن بالسلة وبوقف مابهمني مين مابدو يطلع
نور: وانا شو ذنبي اتبهدل
محمد: ماحدا ببهدلك طول ماانا موجود تمام
نور: بتبتسم شو مناسبة هالدلال
محمد: بيتلبك ولاشي بتضلك بنت خالة روضة ومعزتك من معزتها عندي
نور: ايوا اي شكرا بالاذن
محمد: اذنك معك بيطلع على غرفتو وبياخد دوش بيلبس تيابو وبينزل
عظيمة: انت اجيت ابني ايمتى
محمد: من شوي
عظيمة: شو اخبار الشغل
محمد: ماخبرك سيد اسماعيل
عظيمة: لا اجا معصب وفات على مكتبو ماطلع
محمد: ايوا خفضت الاسعار
عظيمة: اسعار شو
محمد: اسعار المبيعات والمحصول وعطيت كل عامل حقو وراتبو يلي جوزك اكلهن عليهن للناس
عظيمة: والارباح
محمد: الك يجيكي الضعف من الارباح يلي كان يكسبها السيد ومو بس ارباح وثقة واحترام العالم النا
عظيمة: بتبتسم عميل يلي بتلاقي مناسب ابني
محمد: وهو هيك بيمسك جهاز التلفزيون وببلش يقلي فيه لبين مايصير العشا بتطلع غنية كل القصايد بخليها وبعلي الصوت قصداً
بصير الصوت بكل القصر اغاني اول مرة بيسمعوها
نور: شو هالصوت امي
روضة: من فوق طلعي شوفي
نور: يلا
بتطلع نور وبتوقف عم تسمع الكلمات
كل القصايد من حلى عينيكي من دفى ايديكي اكتبتن وقلتن هودي القصايد مش حكي ياروحي هو بكي القصايد هو ليكي كلهن
نور: بتوقف وبتبتسم وقت تسمعهن وبتشوف انو محمد يلي حاطتهن
عظيمة: شو هالاغاني يامحمد
محمد: مالك سامعة هيك شي امي
عظيمة: على زمانك عم نسمع
محمد: اي سمعو حلوين
عظيمة: سكره انصرعت
محمد: لتخلص الغنية
عظيمة: بتهز براسها
نور: بتبتسم وبتفوت على المطبخ
روضة: شو هالصوت
نور: هاد الاستاذ محمد حاطط غنية على التلفزيون
روضة: غنية!
نور: اي بس عصرية مالها معروفة عنا بالضيعة امي

روضة: ههههه عشنا وشفنا
نور: بتكون عم تدندن بالغنية ومبتسمة
بخلصو العشا وبحطوه برا
نور: تفضلو على العشا جهز
محمد: يلا بقومو ليأعدو على السفرة بقرب من نور بدون ما يحسس امو وبيهمس كل القصايد وبيبتسم
نور:
#
نور: بتبتسم وبتخجل بدك شي مني ست عظيمة
عظيمة: ندهي على احمد واسماعيل بيك
نور: حاضر
محمد: فورا نور نادي لابابا رح نادي لااحمد
نور: حاضر يابيك
بقوم محمد وبيطلع لعند احمد وبيندهلو وبينزلو
بتدق الباب نور
اسماعيل: ادخل
بتفوت لعندو وعم تطلع فيه بنظرات شرسة
نور: العشا جاهز اسماعيل بيك
اسماعيل: بفكرها عرفت شو صار بيتلبك جاي روحي انتي
نور: بتبتسم ابتسامة باردة تمام
وبتطلع
بتفوت على المطبخ وبيطلع اسماعيل وبيعد على السفرة
بياكل وهو ساكت وبقوم
روضة: يلا بنتي نروح على البيت بدي اتطمن على اختك يلا
نور: يلا امي
بيطلعو من القصر وبروحو على البيت بتفتح الباب وبفوتو
روضة: سارة سارتي وينك
نور: يمكن بالغرفة بتفتح الباب بتلاقي سارة بتختها وعم ترجف من بردها بتصرخ نور ياامي تعي شوفي سارة
بتركد روضة على الغرفة
روضة: امي سارة شبك ياعيوني
سارة: بردانة ياامي بردانة
بتحط ايدها نور على جبينها بتلاقيها حرارتها عالية كتير
نور: امي البنت عم تقلي متل النار لازم ناخدها على المستشفى
روضة: لك بنتي اي مشفى بهالضيعة
نور: انا رح اتصرف خليكن
بتطلع نور وبتركد على القصر بشوفها قيس وبحاول يوقفها ما بتوقف
بتفوت على القصر بلهفة وبتبلش تنده على محمد
نور: ياسيد محمد استاذ محمد
بيسمع صوت نور وبينزل فورا
عظيمة: ليش عم تصرخي يانور
نور: بدي الاستاذ محمد يساعدني مشان الله
عظيمة: شو بدك فيه
محمد: بيركد لعندها شبك نور
نور: بتكون عم ترجف بدي ياك تاخدني على اول مشفى اختي سارة مريضة كتير وانا مابعرف شو اعمل
بينزل احمد وقت يسمع نور عم تصرخ وبكون واقف وقت يسمع انو سارة مريضة بيركد لعندهن
عظيمة: بدك ابني ياخدكن انتي حمارة يابنت
نور: بتطلع فيها انتي شو ما بترحمي عم قلك اختي اختي مريضة ارحمي يا ست ارحمينااا
محمد: اهدي نور يلا امشي طلعي رح نروح
عظيمة: محمد اذا بتطلع مارح يصير خير
احمد: بيتطلع بامو امشي اخي يلا بسرعة
عظيمة: عم قلكن لا
مابردو عليها وبيطلعو مع نور
محمد: اسبقوني بسرعة رح جيب السيارة واجي
احمد: يلا نور امشي
نور: يلا
بيركدو على بيت نور ومحمد وراهن
بتفوت نور هي واحمد على البيت وقيس واقف عم يراقب شوفي
نور: يلا امي رح ناخدها
روضة: كييف
نور: السيارة برا قومي اختي
بكون احمد واقف وزعلان على سارة
بتوقف سارة هي ونور جنبها بتمشي خطوتين وبتوقع بالارض
نور: بتصرخ سارة
أحمد: بقرب منها فورا وبيحملها بين ايديه بعدي نور فتحي الباب يلا بيطلع فيها وهي بحضنو جسمها متل النار
نور: بتركد لبرا وبتفتح الباب وبيطلعو وقت يشوفهن قيس بقرب على نور
قيس: شوفي يانور
نور: سارة سارة مابعرف شو صرلها
قيس: خير خير ان شاء الله اهدي مافيها شي اكيد
نور: ان شاء الله بتركد وقت يوصل محمد لعندهن
احمد: فتحيلي الباب يلي ورا يلا نور
بتفتح باب السيارة وبفوت هو وحاط سارة بحضنو
بتطلع نور جنب محمد وفورا محمد بيطلع على المستشفى
نور: عم تحكي اختها ياسارة قومي اختي قومي
احمد: حتقوم ان شاء الله ما تخافي استعجل محمد يلا
محمد: ماشي باقصى سرعة اخي حنوصل لا تخاف
احمد: بيتطلع فيها كيف متل الملاك بين ايديه بيمسك وشها بايده بكون متل النار بقلبو (الله يلعنك يا اسماعيل الكلب البنت هيك من وراك )
بوصلو على اول مستشفى وبينزلو بيطلع احمد هو وحاملها ونور ومحمد وراه
بفوتوها فورا وبيفحصوها
نور: بتكون واقفة جنب اختها وماسكة ايدها بتنزل دمعتها من خوفها عليها شو دكتور شبها اختي
احمد: طمنا عليها
الدكتور: ما تخافو هاد كلو من اثر الحرارة الشديدة ولان مناعتها ضعيفة سببلها هالشي اغماء عطيناها ابرة خافض حرارة وعلقنالها سيروم ان شاء الله بعد ساعة بتصح وفيكن تاخدوها
نور: بتبتسم الحمدلله يارب شكرا دكتور
الدكتور: العفو بالاذن
محمد: اذنك معك دكتور سمعتي نور مافيها شي سارة لاتخافي
نور: اي سمعت
احمد: طلعو فيكن ترتاحو حضل هون انا
نور: لااستاذ احمد انا بضل عندها
محمد: لا تعي نور نشرب شي وتهدي انتي منرجع لا تخافي
نور: بتهز براسها وبتطلع مع محمد
بينزلو على الكافيه
نور: بينزلو دموعها وبتكون عم تمسحهن مشان ما تشوف محمد انو عم تبكي
محمد: بقرب منها وبحط ايده على كتفها نور
نور: بتلفت عليه وعيونها كلهن دموع
محمد: ليش عم تبكي
نور: خفت على اختي هي اول مرة بصير هيك معها اختي لصغيرة هي مالي غيرها الله يلعن ابو الفقر يلي بخليني انذل واسمع كم كلمة من عظيمة خانم شو ماكانت بعرف بتضل امك بس هي اختي كنت مستعدة احرق كلشي ومااخسرها عم تفهم علي محمد

محمد: بقرب منها وبضمها ما تخافي طول ماانا معك مارح يصير شي لا الك ولا لااختك تمام
نور: بتبلش تبكي بحضنو كانو لقت الحضن يلي تفجر دموعها المحبوسين طول هالوقت مشان ما تضعف
محمد: نور انتي اقوى انسانة بشوفها بحياتي
نور: بتبعد عنو وبتمسح دموعها اسفة ازعجتك
محمد: بيتنهد وبروح ليجيب قهوة
بتطلع نور و بتفوت على الحمام بتغسل وشها
وبتطلع بكون محمد جايبلها قهوة
محمد: تفضلي
نور: يسلمو استاذ محمد
محمد: نعم
نور: انسى انك شفتني عم ابكي تمام
محمد: بيكتم ضحكتو ليش
نور: بجدية مابحب حدا يشوفني ضعيفة انا قوية وبدي وقف بوش كل انسان بدو يأذينا
محمد: بيبتسم واعتبري انا ماشفت شي وانتي اكتر انسانة قوية بشوفها بحياتي
نور: شكرا على كلشي
محمد: رح ازعل منك لاعاد تتشكريني هاد واجبي سارة اختي
نور:بتبتسم امشي نفوت نشوفها
محمد: يلا
بفوتو بلاقو سارة بلشت تصحصح واحمد عم يراقبها بصمت
نور: بتركد على اختها سارة حبيبتي اصحيتي
سارة: بصوت خافت وين انا
نور: انتي هون بالمشفى تعبتي شوي جبناكي لهون
سارة: مين جابني
نور: انا والاستاذ احمد ومحمد
سارة: اختي ساعديني لااعد
نور: يلا
بتعد سارة وبتطلع بااحمد ومحمد
سارة: بتشكركن
احمد: واجبنا انسة سارة معافية يارب ما على قلبك شر
سارة: بتبتسم الله يعافيك
محمد: سلامتك يارب
سارة: الله يسلمك
محمد: رح شوف وراق الخروج
نور: جاية معك
محمد: بيفهم عليها انو بدها تدفع لا انتي خليكي هون جنب اختك وانا رح زبط واجي
نور: بس
محمد: بلا بسبسة يلا
نور: طيب
بيدفع محمد وبيطلعو سارة
نور: قادرة تمشي
سارة: اي اختي بمشي شوي لا تخافي
نور: استندي علي لكن
سارة: بتبتسم وبتستند على اختها وبتطلع نور وسارة من ورا واحمد جنب محمد وبيرجعو على الضيعة
ببيت ابو نور
روضة: بتكون عن تمشي بهالبيت وعم تفور وتغلي بنتي يارب
ابو نور: اهدي ياروضة اكيد مافيها شي هلق بجيبوها
قيس: لا تخافي خالتي اكيد سارة مافيها شي
روضة: امين يارب
بوصلو على الضيعة لعند بيت نور بيطلعو وبدق الباب
بيفتح قيس الباب وبشوفهن بشوف محمد وبيقلب وشو
روضة: اجيتو ياعيوني اجيتو
نور: اي امي اجينا بعدولنا لنفوت سارة تتسطح
روضة: الحمدلله على سلامتك ياعمري
سارة: الله يخليلي ياكي امي
روضة: تعي بنتي فوتي فوتي
ابو نور: فوتو استاذ محمد احمد تفضلو
محمد: لا معلش عمي بدنا نرجع الحمدلله اتطمنا عليها لااختنا سارة
ابونور: لا والله مابتروحو لنضيفكن تفضلو
محمد: بكون عم يتطلع على قيس بطرف عينو وبفوتو
بياعدو
ابونور: يانورتعي اعملي شاي للضيوف
نور: حاضر بابا
ابونور: البيت مو قد المقام بس نورتونا
محمد: ولو ياعمي كل مطارحك خير وبركة والله البيت منور بصحابو
ابونور: الله يحميكن لشبابكن لولاكن كانت بنتي راحت من بين أيدينا
احمد: ولو ياعمي بناتك اخواتنا عملنا واجبنا
محمد: وقت يسمع حكي اخو بيبتسم
قيس: بكون اعد ومو عاجبو وعم يتزاور محمد بوقف عن اذنك عمي ابو نور تطمنا على سارة بدي امشي
ابونور: خليك ابني شراب شاي
قيس: مشروبة عمي يلا السلام عليكم
الكل: وعليكم السلام
بتعمل شاي نور وبتقرب بتضيفهن
محمد: بيبتسم يسلمو ايديكي
نور: الله يسلمك
بيشربو الشاي وبقومو
ابو نور: اعدين
محمد: صار لازم نرجع يلا بالاذن ودايمة على الشاي
نور: صحتين وهنا
احمد: معافية للانسة سارة مرة تانية
ابونور: الله يعافيك استاذ احمد
احمد: بدك تضل تقلي عمي استاذ قلي ابني عمي احمد شو ماكان
ابو نور: ههههه خلص عمي احمد ولا تزعل
احمد: اي هيك ها يلا اخي
محمد: بيبتسم يلا
بيطلعو وبيمشو على القصر
بوقف محمد
محمد: احمد
احمد: بيلتفت عليه نعم
محمد: كيف هيك عم تتعامل مع الناس باللطف
احمد: بيبتسم والله يااخي منكن نستفيد
محمد: مني
احمد: اي انو اقتنعت انو اذا عاملنا الناس برحمة رح يحبونا ونحن نحبهن بس طول ما نحن رافعين راسنا رح ينكسر اخر شي
محمد: بقرب من احمد وبضمو هاد اخي يلي بعرفو
احمد: يخليلي ياك
محمد: يلا نرجع اكيد ناطرنا بهدلة
احمد: ونحن شو رح نعمل
محمد: حنطنش
احمد: ياعيني ههههه
بحط محمد ايدو على كتف احمد وبيمشو بفوتو على القصر
عظيمة: بتوقف بوشهن ان شاء الله ماتت
احمد: تصبحو على خير وبيطلع على غرفتو
محمد: ستناني اخي جاي معك وبيطلع وراه
عظيمة: مو عظيمة يلي بيندار ضهركن انتو وعم تحاكوها عم تفهمو
احمد: ماشي
وبفوت على غرفتو
محمد: مابرد وبسكر باب الغرفة
عظيمة: انا بفرجيكن انا بفرجيكن
بتمرق هالليلة على خير تاني يوم الصبح
بتصحى روضة هي ونور
روضة: حروح لحالي اليوم خليكي نور جنب اختك
نور: طيب امي
روضة: يلا رايحة
بتطلع روضة على القصر وبتضل نور بالبيت بتنضفو وبتعطي اختها الدوا وبتقلها حتطلع تشوف برق شوي وبترجع وبتنام سارة

عند محمد بيطلع قبل لفطور بكون لابس قميص نيلي وبنطلون جينز بياخد حصانو من الاسطبل وبيطلع برا القصر
ونور بتروح لعند قيس لتاخد برق
نور: صباح الخير استاذ قيس
قيس: بيبتسم وقت يشوفها الله يصبحك بالخير يانور
نور: كيفك
قيس: الحمدلله منشكر الله انتي كيفك
نور: تمام اشتقت لبرق اجيت اخدو
قيس: ياستي برق وصحابو على حسابك خدي
نور: يسلم هو وصحابو بتفوت نور بتاخد برق وبتطلع على الوادي
بتوصل نور على الوادي وبكون وراها محمد عم يركد بحصانو
بتنزل نور وبتنصدم منو انو موجود
بوصل محمد لعندها وبينزل
نور: انت شو عم تعمل هون
محمد: اجيت لهون بالصدفة مابعرف انك هون انصدمت
نور: سبحان الصدف
محمد: شايفة

#أصابك_عشق
#بقلم_sedra-ezlden
الجز۽ الخامس

نور: بتلتفت عليه وعيونها مدمعة
محمد: ليش عم تعملي هيك
نور: ماعم تحس يلي عم حسو انا مابقدر الفرق يلي بيني وبينك كبير يامحمد
محمد: بعلي صوتو انا شي مرة حسستك بالفرق يلي بينا على طول كنت على طبيعتي معك ما جرحتك لا اذيتك ماعملت شي معك انا محمد مادخلني فيهن ولا كيف بفكرو انا بدي ياكي تاخديني على طبيعتي يانور طبيعتي كمحمد مو كا اهلي
نور: امك كيف بدها تتقبلني فيك تقلي !؟ مافيك فيك تقول للضيعة كلها انا بحب ال بتحكيها بغصة بحب يلي بتشتغل عنا وبدي اتزوجها بتصرخ قلي فيكك مافيك لان اهل الضيعة مو متل المدينة ياسيد محمد رح يفكرو بيني وبينك صاير شي لحتى بدك تتزوجني ما بيفهمو الحب يا سيد مابيعرفو شي من هالشي مشان الله يا محمد لا توجعني اكتر لا توجعني
محمد: انتي يلي مابدك تفهميني انو هدول كلهن مابهموني
واني انا بحبك عم تفهمي شو يعني بحبك ولو بتقبلي رح تشوفي كيف بشوية وقت رح يصير يلي بدك ياه واكتر
نور: بينزلو دموعها وبتركب على حصانها وبتمشي فورا
محمد: بيعد بتعب وبكسرة قلب بحط ايده على راسو وبقوم وبصرخ لك ليششششش ياربييي ليشششش
بتوقف نور جنب بيتها وبتخلي برق يرجع لحالو لعند قيس وبتفوت هي فورا لتخفي دموعها وبترتمي على تختها وبتبلش تبكي بتصحى سارة وبتطلع ببطئ لتشوف اختها بتسمع صوت شهقاتها
نور: عم تهمس والله بحبك والله بس مابقدر مابقدر
بتفوت سارة لعند اختها وبتعد على التخت وبتحط ايدها على شعراتها وبتلمسهن بهدوء
بترفع راسها نور
سارة: لا تبكي اختي لا تبكي
نور: بتقرب من سارة وبتحضنها اختي قلي بحبك وماقدرت قلو وانا كمان ماقدرت في مية حاجز وحاجز بيني وبينو
لك الله يلعن ابو الفقر يلي بخليني اتصرف هيك
سارة: اهدي نور اهدي نحن اغنياء وكتير كمان الغنى غنى النفس اختي واذا معو مصاري يعني مافيو ياخدك انتي الف شب بيتمناكي اختي
نور: بتطلع باختها بس انا بحبو لمحمد والله بحبو مابعرف ولا كيف بس حبيتو اختي هو غير اهلو بكلشي بتصرفاتو بحكيو برجولتو بخوفو واهتمامو بكلشي
سارة: وليش رفضتي ليش ما وافقتي وحاربتو الكل كرمال حبك وحبو ليش لك اختي
نور: مابعرف ماكنت متوقعة يجي هاليوم انا كسرتو قلبو هلق بس خايفة اختي هون الناس ما بترحم والله ما بترحم واولهن عظيمة الزفت
سارة: بتمسحلها دموعها سمعي اختي اعدي وفكري مع حالك اذا قلبك اثبت انو بحب محمد اختي قولي لمحمد وحاربو كرمال حبكن واذا شفتي هالشي مارح يزبط حطي حدود لكلشي وانهي وجعك انتي حتكوني حكيمة نفسك لا بتكوني قدها وبتحاربي كرمال حبك لمحمد او انتي ضعيفة وخليكي بعيدة عنو
الله يهدي بالك ياعمري بتطلع سارة وبتترك نور عم تتصارع بافكارها
عند محمد بكون اعد عند الوادي وافكارو عم تاخدو وتجيبو وفكرة انو نور تتجوز حدا غيرو ماعم يقدر يفكر فيها نور الو وبس هي حبيبتو وبس
محمد: لا يانور رح ضل وراكي لتقبلي مارح خليكي تروحي لغيري مارح اسمح بهالشي بقوم بوقف وبيرجع على القصر
بفوت هو ومزعوج بتشوفو روضة
روضة: خير ابني
محمد: خالة روضة ذكاتك عمليلي كاسة ليمون وجيبيلي ياها على غرفتي
روضة: من عيوني ثواني وبتكون عندك
بيطلع محمد على غرفتو
بتطلع روضة معها كاسة الليمون
بتفتح الباب وبتفوت
محمد: سكري الباب خالتي
روضة: بتسكر الباب وبتقرب بتعطي كاسة الليمون
محمد: يسلمو ايديكي
روضة: الله يسلمك
محمد: اعدي خالتي
روضة: عندي شغل بدي كفيه اليوم امك عصبت كتير لانك طلعت و مافطرت
محمد: تفطر لحالها هي اصل مشاكلي
روضة: له ياابني بتضل امك
محمد: مليت من تسلطها ومعاملتها بقول تغيرت بس دق المي وهي مي
روضة: شو ماكانت بتضل امك ابني
محمد: اي امي ياريتني من عيلة عادية ماعندها لا سلطة ولا مال ولا جاه مابدي شي
روضة: ليش ياابني
محمد: الحياة بتعب ياخالتي رغم كلشي معي انا مالي مبسوط يلي بيبسطني شي واحد وهالشي ماعم يزبط
روضة: الله يريح بالك ياابني وينولك يلي ببالك
محمد: امين
روضة:اعملك لقمة اكل تاكلها
محمد: لا خالتي ذكاتك طلعي وطفي الضو وماتخلي حدا يزعجني بدي نام
روضة: بس ياابني مااكلت شي
محمد: مرتاح هيك
روضة: طيب متل مابدك
بتطلع روضة وبتنزل على المطبخ
عظيمة: وين محمد
روضة: عملتلو كاسة ليمون وشربها وقال بدو ينام
عظيمة:ينام هيك بهالبساطة
روضة: اي وقلي ماحدا يزعجو
عظيمة: طيب روحي رجعي على بيتك انتي
روضة : والعشا
عظيمة: مابدنا نتزهرم روحي
روضة: حاضر
بترجع روضة على بيتها
نور: امي ليش رجعتي بكير
روضة: الست عظيمة قالتلي ارجع ومحمد بيك عملتلوكاسة ليمون واتسطح قال تعبان
نور: بهب قلبها وقت تسمع هالحكي
روضة: حتى اكل مارضي ياكل

نور: عليه العافية بتفوت على غرفتها وبتضل تفكر شو بدها تعمل
وبصير الليل وبتمضى هالليلة لا نور غفيت ولا محمد غفي
ما بتصدق نور يصير الصبح بتلبس وبتقوم
نور: صباح الخير امي صباحو سرسور
سارة: بتبتسم وقت تشوف اختها يسعد صباحك اختي
نور: انا جاهزة امي يلا مابدنا نروح
روضة: بسم الله اي امشي بنتي
سارة: حروح معكن مليت بالبيت
روضة: قدرانة تروحي
سارة: اي قدرانة ماما يلا امشو
روضة: يلا
بيطلعو وبروحو على القصر
نور بتكون عم تفتل وعقلها عند محمد فوق
بيصحى محمد بيلبس وبينزل هو وماعم يتحكى
بتسمع نور انو حدا نزل ‏ بتطلع لبرا
بتوقف نور وبتطلع فيه
محمد: وقت يشوفها ببعد نظرو وبكفي بدو يطلع لبرا
نور: بتقرب منو وبتهمسلو لاقيلي جنب الوادي بترجاك
محمد: ‏ بتطلع لبرا
بتوقف نور وبتطلع فيه
محمد: وقت يشوفها ببعد نظرو وبكفي بدو يطلع لبرا
نور: بتقرب منو وبتهمسلو لاقيلي جنب الوادي بترجاك
محمد:
محمد: بيطلع بعيونها كيف عم تترجاه وهو عيونو متل السيف عم يتطلع فيها بنظرة قوية ليش
نور: اذا بتحبني حتلاقيني منتظرتك هنيك فوق التلة بعد ساعة
محمد: مابيعطيها جواب وبيمشي
نور: بتتنهد وبتفوت على المطبخ ومحمد بيطلع بسيارتو وبيمشي على الشغل
بتخلص نور شغلها وبتطلع من القصر على الوادي هي وعم تفكر وتجمع كلماتها شو بدها تقلو شو بدها تحكي بتوصل وبتعد جنب التلة تنتظر
عند محمد بكون عم يقلب بالورق بشوف انو صار ساعة وربع وهو لسا ماراح
محمد: اذا مارحت رح اخسر نور للابد بوقف بياخد مفاتيح سيارتو وبيركب وبيمشي بسرعة على الوادي
بتكون نور اعدة وحاطة ايدها على خدها
نور: شكلو مارح يجي هي مرت نص ساعة كمان انا واعدة بينزلو دموعها
بتسمع تشفيط السيارة بتلتفت وبتوقف وقت تشوفو اجا بينزل محمد وبيمشي لعندها
بتبتسم وبتركد عليه وبتضمو بقوة
نور: فكرتك مارح تجي فكرت حالي خسرتك ما بقدر يامحمد مابقدر
محمد: بشد عليها اكتر وهو مبسوط يا نور حياتي ليش فيني اقدر مااجي بروح على الموت كرمالك
نور: بتطلع فيه وبتحط ايدها على وجه انا فكرت كتير مبارح مانمت وعرفت انو يلي بدو يحب بدو يحارب ويضحي وانا بحبك محمد ومستعدة حارب معك لااخر نفس بعمري
محمد: بفرحة شو قلتي
نور: بتبتسم بحبك والله بحبك
محمد: ببعد عنها وبروح على السيارة
هي بتنصدم منو
بيرجع لعندها عم يركد وبيحملها وبدور فيها وانا بحبكك راس الكزبرةةة
نور: هههههه محمد نزلنيي هههههه
محمد: بنزلها بيلمس وشها كنت مستعد افني عمري كلو مشان اسمع هالكلمة منك
نور: بتطلع بعيونو عنجد محمد
محمد: والله ياعيون محمد
نور: يخليلي اجمل عيون بالكون
محمد: يخليلي ياكي يا ياسمينة قلبي
نور: بتضحك وبتتنحنح مشان يبعد عنها احمم
محمد: شو احمم
نور: مسافة بينا لو سمحت
محمد: بالله مين يلي ركدت وحضنتني من شوي
نور: بتخجل اي انا بس خلص بعد
محمد: متاكدة
نور: اي
محمد: ببعد عنها طيب وهي بعدت
نور: يلا رايحة انا
محمد: كمان رايحة
نور: شو بدي ضل هون طول اليوم
محمد: بيمسك ايدها وبقربها منو هو وعم يتطلع بعيونها بدي ياكي جنبي العمر كلو مابدي تمر لحظة بدونك نور من وقت ماشفتك قلبي صار ملكك وبأسمك يومي ما بيكمل بلاكي انا بموت غيرة عليكي وبجن اذا بشوف حدا لمس شعرة من شعراتك بقتلو
نور: بتبتسم وانا بدي كون معك طول عمري بتبتسم بمكر اها يعني وقت قتلت قيس لانك غرت علي
محمد: ولسا بدي اقتلو اذا بشوفو مقرب منك لما مسكتيلو ايدو شعلتي النار جواتي لهيك اكل نصيبو
نور: انا مسكتلو ايدو لبعدو بس
محمد: اي لمسة منك لحدا تاني حيكون واقع بارضو
نور: نعم يعني بتروح الضيعة كرمال غيرتك
محمد: مستعد اعمل كلشي لهيك تجنبي غيرتي لانك الي وبس عم تفهمي الي وبس
نور: يالطيف تمام يا افندي رح اتجنبها
محمد: ليكون مو عاجبك
نور: ههههه لا عاجبني عاجبني بس غيرة زيادة يعني مابدها كل هاد
محمد: يعني لو شفتي بنت ماسكة ايدي مارح تعملي متلي واكتر
نور: لا انو عادي مااكلتك مسكة ايد
محمد: هيك لكن اي انا بغار بغاار
نور: فهمت خلص يلا تركني بدي روح
محمد: طيب يانور روحي بشوفك المسا ما تطلعي من القصر لااجي
نور: مارح اطلع لشوفك تمام
محمد: تمام يلا رجعي على القصر لا يمين ولا شمال على القصر
نور: محمدد شو شايفني بصيع يعني
محمد: هههههه لا ياعمري عم هز الورد بس
نور: بالله
محمد: والله دخيل ياسمينتي
نور: دخيل قلبو الحمش
محمد: ايوا يلا على القصر
نور: حاضر ههه بتمشي وهو عم يتطلع فيها بيركب سيارتو وبروح على الشغل وهي بترجع على القصر طايرة من الفرح
بتفوت على المطبخ هي وعم تدندن
بتطلع فيها سارة وبتبتسم
سارة: بتقرب منها شو اختي الله يبسطك اكتر واكتر

نور: بتهمسلها قلتلو وبتضمها
سارة: هههه بتضم اختها ياعمري الله يسعدلي ياكي
نور: ويسعدلي سرسورتي انا
سارة: اوو سرسورتي
نور: بس وليك عم دلعك
سارة: اي دخيل الدلع
نور: شو وين امك
سارة: راحت تشوف الست
نور: شبدها ليه
سارة: سمعت انو عازمة اختها بكرا لهون وعم تقول لاامي شو بدها نطبخ
نور: اختها ايوا الله ييسر
سارة: امين
نور: في غسيل
سارة: اي في طلعي انشريهن
نور: هاتي السلة لشوف
بتامد نور السلة وبتطلع لفوق بتبلش تنشر لتياب لتطلع بلوزة محمد بايدها بتشمها وبتضمها
نور: لك يقبرني يلي بيعرف يلبس وينقي بتنشرهن وبتنزل
روضة: سارة طلعي شطفي الصالون
سارة: بتتذكر شو صار معها وبتنفض لا امي خلي نور انا تعبانة
نور: بتقرب من اختها شبك اختي
سارة: ولاشي راسي عم يوجعني لهيك
نور: طيب ارتاحي هاتي امي انا بشتغل
روضة:يلا بسرعة قبل ما يجو
نور: يلا
بتطلع نور وبتحط صابون ومي وبتبلش تنشف المي
بفوت محمد وبشوفها عم تنشف بيبتسم وبقرب منها شوي
محمد: بنئزها بوو
نور: بتنئز يي وبتلتفت بتزحط رجلها بتكون حتوقع من المي وبيمسكها محمد من خصرها وبقربها لعندو
نور: بتطلع فيه وبتضربو بايدها بخفة كنت رح اوقع من وراك
محمد: بيكتم ضحكتو معلش انا اسف حبيبتي
نور: بتخجل وقت تسمعو عم يقلها حبيبتي وبتبتسم
محمد: دخيل الخجول
نور: بعد عني لاحدا يطلع
محمد: اي صح نحن بالقصر احم وبيبعد عنها
نور: منيح تذكرت
محمد: بهمس ان شاء الله ما يبلو هالايدين يلي عم يشطفو اي
نور: بيحمرو خدودها بس محمد بتاخد السطل وبتمشي
محمد: بيضحك هههه وبيطلع على غرفتو ببدل تيابو وبينزل
عظيمة: شو يااستاذ ليش ماعم شوفك
محمد: والله كنت مشغول وليكك شفتيني
عظيمة: ايوا خير ان شاء الله بكرا جاية خالتك وبناتها ليسلمو عليك
محمد: المناسبة!
عظيمة: ممنوع يجو يعني الا بمناسبة
محمد: لا اهلا وسهلا يا بنات عملولنا كاسة عصير لنروق دمنا
روضة: سمعتو
نور: اي سمعنا رح اعمللهن وطلعهن
روضة: يلا
بتعمل نور عصير وبتطلع لبرا بتقرب من عظيمة وبتعطيها ياها
نور: تفضلي ست عظيمة
عظيمة: بتكون مالها طايقتها لنور هاتي لشوف
نور بتلتفت وبتنحني لتعطي كاسة العصير لمحمد
نور: بتبتسم تفضل استاذ محمد
محمد: بقرب هو وعامل روزة وهيبة بياخد الكاسة بيبتسم بخفة يسلمو ايديكي
نور: الله يسلمك بدك شي تاني
محمد: لا شكرا بيهمس بشفايفو بحبك
نور: بتبتسم وبتهمسلو وانا كمان بالاذن
محمد: اذنك معك
عظيمة: بتطلع فيهن ومو عاجبها حاسة في شي عم بصير
برن تلفون محمد
محمد: الو
هشام: مرحبا استاذ محمد
محمد: اهلين هشام خير
هشام: السيد اسماعيل كان بالمكتب قبل شوي وطلب يفوت على مكتبك واصر بس ما قدر يفوت لان المكتب مقفول وكان بدو يشوف الوراق بس ماقدر
محمد: ايوا ووينو هلق
هشام: رجع على القصر بظن
محمد: طيب هشام يعطيك العافية
هشام: الله يعافيك استاذ
محمد: اذا بصير شي جديد خبرني
هشام: حاضر
عظيمة: خير شو في
محمد: جوزك المحترم بدو يفوت على مكتبي لياخد لوراق ويعدل فيهن على كيفو
عظيمة: وشو صار
محمد: مافات قافل المكتب انا
عظيمة: أي منيح
بفوت اسماعيل على القصر معصب وعم ينده لمحمد
محمد: بوقف حاج تصرخ ليكني شبدك
اسماعيل: مفاتيح المكتب وين
محمد؛ بيتكتف وبوقفلو شو بدك فيهن
محمد: شبدك فيهن
اسماعيل: مفاتيح المكتب لازم يكونو معي
عظيمة: لا ما صحيح المكتب لمحمد مو الك
بيطلعو روضة وبناتها والخدم على صواتهن وبينزل احمد من غرفتو
محمد: من الاخر مفاتيح مافي ووصولات مافي ووراق مافي شو بدك
اسماعيل : مين انت لتقلي مافي اه مين
محمد: انا محمد وهاد بكفي مو هيك يا اسماعيل بيك
اسماعيل: لتكون نسيان اني انا الزعيم يابيك
محمد: هه لا مالي نسيان بس زعيم على حالك مو على الناس انت بدك تكون المتسلط الحرامي يلي بيسرق الناس وحق الناس بدك تضل تنهب وتسرق انت شو
اسماعيل: بيمسك محمد من كنزتو لك انا عم ارفعكن لفوق
انت ليش ماعم تفهم
محمد: ببعد ايده عنو انت حرامي ما عم ترفعنا ولاشي عم ترفع حالك بس
اسماعيل: طيب انا بفرجيك يامحمد عميل وكتر عميل وكتر
محمد: يلي بيطلع بايدك يطلع برجلك
اسماعيل: طيب بيتركهن وبفوت على مكتبو وبسكر الباب
سارة: بقلبها(الله يقويه عليك ياندل تفو عليك بلا شرف)
احمد: هدي اخي مو مستاهل
محمد: مهدي اخي مهدي
عظيمة: ياروضة
روضة: نعم ست عظيمة
عظيمة: حطي العشا يلا
روضة: حاضر يلا يابنات
بفوتو على المطبخ بحضرو العشا وبحطوه على السفرة
روضة: تفضلو العشا جاهز
بقومو وبيأعدو على الطاولة
روضة بتكون واقفة هي وسارة ونور بدهن يروحو
روضة: بتأمري بشي تاني ياخانم
عظيمة: لا تتأخري بكرا مشان العزيمة اختي وبناتها جايين ليسلمو على محمد وبدي بيض وشي قدامهن

نور: وقت تسمع هيك بتطلع بمحمد بحدة
محمد: بقلبو(شبها نور عم تطلع فيني هيك ) بيبتسملها وهي بتدور وشها عنو
روضة: حاضر ياخانم بكون عندك من الصبح لا تاكلي هم
احمد: كيف صرتي سارة
سارة: الحمدلله استاذ احمد بالف خير بفضلكن
محمد: بفضل الله نحن ما عملنا غير واجبنا
سارة: تسلم يارب
روضة: بالاذن
عظيمة: الله معك
بتطلع روضة وسارة ونور
سارة: بتطلع على نور كيف نزعجت بتقرب منها شبك
نور: اه مافي شي
سارة: مبلا فيكي شبك
نور: لنوصل
سارة: تمام
بوصلو على البيت وبفوتو بحضرو العشا وبيجي ابوهن بيتعشو وبلمو العشا وبفوتو على غرفهن
بتفوت سارة لعند نور
سارة: بتعد هاتي لشوف شبك
نور: ما سمعتي الست بطيخة شو قالت
سارة: شو قالت
نور: بنات خالتو بدهن يسلمو عليه
سارة: لمحمد
نور: اي يعني بكرا بتنقيلو وحدة لتيزوجها
سارة: ههههههه انتي غيرانة على محمد
نور: بتهز برجلها بغيض اي يعني ليش ماغار
سارة: لا حقك تغاري وتكتري كمان
نور: اي لكن انا بفرجيه بكرا اذا بشوف شغلة غلط لسودلو ايامو
سارة: اكتر مو سودة هههههه
نور: لخليها طين
سارة: الله يعينو ويحمل معو لكن
نور: اننن تضربي قومي خدي دواكي ونامي قومي
سارة: قايمة خليكي عم تخططي شو بدك تعملي فيه
نور: اي هو هيك بتحط ايدها ورا راسها وهي عم تفكر شو بدها تعمل بكرا بتغفى بدون ما تحس
بتصحى نور على صوت امها
روضة: لك نور بنتي ليش نايمة على ايدك
نور: بتصحى اخخخ ايدي خدرانة حاسستها مشلولة
روضة: اجباري امي نايمة عليها قومي غسلي ولبسي يلا لنروح لا نتأخر
نور: حاضر يلا اسبقوني وجاية وراكن
روضة: يلا
بتطلع روضة هي وسارة وبتقوم نور ايدها عم توجعها بتتلبس وبتطلع عم تتمشى على القصر
بتوصل سيارة وبينزلو منها صبيتين وامهن
بتوقف نور وقت تشوفهن وبينزل محمد من السيارة
نور: بتشد على ايدها بتوجعها اكتر وبتضلها واقفة لتشوف
محمد: اهلين خالتي نورتي تفضلي
كريمة خالة محمد: اهلين فيك ابني
محمد: رشا ريم يلا فوتو تعو
رشا: بتكون عم تتمايز محمد يلا فايتة فوتي ريم يلا
بتقرب رشا وبتعمل حالها تفركشت بقرب منها محمد بيمسك ايدها صرلك شي
نور: بتعصب وعم تكز على سنانها
رشا: بتطلع فيه لا شكرا
بتقرب منهن نور
نور: صباح الخير
محمد: ببعد عن رشا صباح النور يانور
نور: بتبتسم ابتسامة باردة
رشا: مين هي حمود
نور: بقلبها حمود ما شاء الله بتطلع بمحمد
محمد: هي نور من اهل البيت بنت خالة روضة
رشا: بنت الخدامة يعني طيب يلا انا بدي فوت
نور: بتنزعج من كلمتها وبتجي بدها تفوت
محمد: بيمسك ايدها وبرجعها لعندو نور
نور: نعم استاذ محمد
محمد: شبك انزعجتي من كلمتها لا تردي عليها وحدة ما بتفهم
نور: لا ما نزعجت منها بالعكس كتير فرحانة وخصوصي انت وقريب منها محمد بيك
بقرب منها محمد وهو عم يتطلع فيها
نور: بتسكت وبتلتفت وبتفوت على القصر
محمد: بحك جبينو شكلنا رح نتعب اليوم بفوت وراها على القصر
عظيمة: تعا محمد اعود معنا
محمد: جاي امي جاي
بيعد محمد معهن وببلشو بحكو معو وهو عم يسايرهن وطقت روحو وعم يوزع ابتسامات
بتقرب منو رشا وبتعد جنبو
رشا: كيفك حمود
محمد: تمام بس اسمي محمد ما بحب الدلع
رشا: طيب محمد اصلا احلى وكلو هيبة
محمد: بيطلع فيها بالله كلو هيبة
رشا: عم تدبلو بعيونها اي كتير
محمد: بيضحك على شكلها
بتفوت نور لتخبرهن انو الفطور جاهز
بتفوت نور وبتطلع فيهن
بتجي عيونها على ضحكة محمد وبكون وجه قريب من وش رشا
نور: بتحكيها بعصبية لفطور جاهز ست عظيمة بالاذن
بتطلع هي ومعصبة وقلبها عم يدق بسرعة والنار شاعلة فيها وجسمها عم يرجف بتفوت على المطبخ وبتعد على الكرسي بضيق
سارة: بتقرب منها شبك نور ليش هيك وشك احمر بتلمس ايدها بتكون متل التلج شبك اختي
نور: مافي شي سارة
سارة: كيف مافي شي ليكي وشك احمر وايدكي باردين
نور: خلص سارة ولاشي كفي شغلك
سارة: طيب اختي
نور: عم بتهز رجلها (بقلبها اي ليش لا ياسيد محمد عميل وكتر)
بيطلع صوت عظيمة يانور
روضة: نور الست عم تناديلك قومي
نور: خلي سارة تطلع مارح اطلع
روضة: قالت نور يلا طلعي
نور: اي اي طالعة عطول هيك انتي
بتطلع نور هي ومزعوجة ورح تطق
نور: بدون ما تطلع عليهن نعم أمريني
عظيمة: جهزي غرفة لاختي وبناتها فوق بدهن يرتاحو
نور: حاضر بتامري بشي تاني
محمد: بيطلع فيها وبشوفها مزعوجة كتير وماعم تطلع فيه
رشا: اي وبدي تنضفي الغرفة منيح لاني بقرف
محمد: بيطلع برشا بأستفزاز بدو يقوم يضربها
نور: بتطلع فيها نظرة بقرف اذا خايفة تكون مو نضيفة شرفي نضفيها بايديك يا ست بتقرف
رشا: ووقحة كمان
عظيمة: شو هالحكي يانور عرفانة مع مين عم تحكي انتي
رشا: قوليلها خالتي قوليلها شكلها خدامتكن ما بتعرف الادب

نور: بتشد على ايدها انا بعرف الادب ومؤدبة ياخانم بس العتب عليكي ولما بدك تحكي عم النضافة مو بقصر الزعيم روحي تفرجي القصر كلو عم يلمع واذا في حكي تاني ست عظيمة قوليه لبنت اختك يلي مفكرة القصر بيتها وعم تتقرف بالاذن
رشا: لعما على الوقاحة
محمد: اولاً هي مالها وقحة والعيب منك لان انتي عم تحكي حكي مالك قدو القصر والغرف كلهن متل لمرايا لا تتجاوزي حدودك انسة رشا تمام بالاذن
عظيمة: بتكون ساكتة وعم تسمع حكي محمد
رشا: خالتي سمعتي شو حكى
عظيمة: حكى يلي المفروض ينحكى يا ست رشا كلي وسدي لتمك
رشا: حاضر خالتي
بيطلع محمد على غرفتو وبكون واقف عم يستنا نور لتطلع على الغرف
بتطلع نور لتنضف الغرفة هي وماشية بينفتح باب غرفة محمد وايد محمد بتمسك ايد نور وبفوتها لغرفتو وبسكر الباب
نور: بتنصدم فيه شو عم تعمل بعدلي
محمد: بسكر الباب وبيقفلو وبحاصرها بين ايديه
نور: بتكون عم تتجنب تطلع فيه محمد فتاح الباب بدي روح
محمد: تطلعي فيني اول
نور: مابدي
محمد: بيمسك وشها من دقنها وبيرفعو ليشوف عيونها حمر
شبك
نور: ولاشي
محمد: عم قلك شبك ليش مزعوجة وايدكي باردين
نور: عم قلك خلص مافي شي وبتبلش تبكي
محمد: نور ليه عم تبكي عمري شبك بضمها لصدرو خلص اهدي وحكيلي شبك
نور: بتطلع فيه هي وعم تشهق يعني مابتعرف مو
محمد: لا ليكون من كلام البطيخة رشا
نور: لا متعودة على كلامهن وبعرف جاوب ورد عليهن
محمد: لكن شو
نور:بتمسح دموعها كتير عاجبتك
محمد: بيطلع فيها كيف عم تحكي مين هي
نور: الست البطيخة
محمد: هههه ليش لتعجبني يعني
نور: ومسكتك لاايدها وضحكتك يلي شبرين مو ناقص غير كنت تبوسها على قد مو وشك لزقان بوشها عم تتأملها استاذ محمد
محمد: ههههههه هلق كل هاد لانك غيرانة علي اديشك غيورة
نور: ليكون ماعندي مشاعر لحتى ماغار يعني وحاج تضحك مافي شي بضحك
محمد: ههههه معك حق مافي شي بضحك ست غيورة
نور: عم قلك لا تضحك وبعدلي بدي روح مابدي شوفك
محمد: هيك صار الحكي انسة نور
نور: أي يلا بعد عني
محمد: زعلانة مني نوارتي
نور: بتتكتف اي زعلانة وغيرانة ورح طق من الغيرة كمان واي وحدة بدها تقرب منك بدي نتفها منيح
محمد: بيكتم ضحكته وبقرب وجه من وشها اي دخيلو يلي بغار اي مو على اساس مابتغاري اذا حدا مسكلي ايدي وعاملة فيها يلي ما بهمها
نور: كنت عم كذب وانا بغار وكتير عجبك
محمد: عجبني وعلى راسي وجوا قلبي كمان
نور: اي منيح وبتفتل وشها
محمد: الحلو رح يضل زعلان يعني
نور: اي وبعد بدي اطلع لا حدا يجي بعدها بصير مصيبتين يلا فتحلي
محمد: مو اول ماراضيكي
نور: مابدي ارضى بعدلي
محمد: بيحصرها اكتر بالزاوية بس انا ما بخلي حبيبتي وروحي وقلبي زعلانة مني بيلمس خدها بخفة وببعد خصلة شعرها من على وشها وبقرب وبيطبع بوسة على خدها
نور: بتكون دايبة بين ايده بتطلع فيه انت واحد سراق
محمد: ليه يعني
نور: مين سمحلك تبوسني
محمد: هلق هي بتسميها بوسة
نور: لكن شو بالله
محمد: هي هيك عم دوق التفاحات بس
نور: بتبتسم وشو طلعو معك طيبين
محمد: اووخ متل شهد العسل بس بتعرفي اذا بدوق الكرزات اطيب
نور: بتدفشو عنها بخفة قليل ادب بعدلي يلا فتاح
محمد: ههههه خلص تعي مجنونة بيمسكها من خصرها ارضيتي
نور: بتبتسم اي بس ياويلك شوفك عاطيها وش او عم تضحك قدامها سنانك لخليهن يصفو دبكة
محمد: أمرك ياست الكل وست الصبايا وملكة قلبي
نور: بتبتسم ضحاك علي بكلمتين انت
محمد: له محمد الزعيم عم يحكيلك هالحكي ما صحت لحدا ها
نور:عنجد
محمد: طبعا
نور: ايوا اي يا سيد باشا بعدلي لااطلع ومابدي ارضى
محمد: لك تعي مجنونة
مابترد عليه بتطلع وبتسكر الباب
محمد: اخخ منك شو بدنا نعمل معك هلق بيطلع لبرا بشوفها بالغرفة عم تنضفها
بوقف على الباب وبيتكتف
محمد: بيتطلع وراه ليشوف اذا في حدا وبيرجع بيتطلع عليها بس يا حلو
نور: بتطلع فيه بطرف عينها وبتزورو
محمد: مابدو يحكينا الحلو يعني
نور: بتخلص شغل وبتطلع
محمد: بيمسكها من ايدها يلي عم توجعها
نور: اخخ
محمد: شبك نور
نور: تركلي ايدي وجعتني
محمد: بلهفة من شو عم توجعك
بتطلع رشا
نور: بتطلع فيها بالاذن استاذ محمد وبتنزل
رشا: بتفوت على الغرفة اي ماشي حالها نضيفة
محمد: رشا الغرفة نضيفة وحاج كيد تمام
رشا:محمد ليش هيك عم تحكيني انا بنت خالتك مو هديك
محمد: انتي مابعرفك غير من كم ساعة بس هي بعرفها وكتير منيح فتجنبي تدايقيهن بكلمة لان حسابك حيكون معي ست رشا وبينزل
رشا: ما شاء الله الخدم عندو فوق اهلو بتفوت على الغرفة وبتسكر الباب
بتفوت نور على المطبخ وبتزت السطل بعصبية
روضة: شبك بنتي
نور: ولاشي امي
روضة: ليش معصبة
نور: من هديك يلي اسمها رشا

روضة: شو عملتلك
نور: عم تاكل هوا وتحكي حكي بلا طعمة
روضة: طنشيها ياروحي هي بتحكي وهي بتسمع
نور: اي صح بتقوم بتساعد امها
بكون محمد عم يفتل بالقصر وعم يفكر كيف بدو يراضيها
بتطلع نور وبتطلع برا القصر
بشوفها محمد وبيلحقها بيمشي وراها
نور: بتحس انو في حدا وراها بس ما بتلتفت بتضل ماشي
محمد: بأسرع وبيمسكلها ايدها وبفوتو على دخلة صغيرة
نور: بتجي لتصرخ بس وقت تشوفو بتهدا انت مجنون رعبتني
محمد: مجنون فيكي والله
نور: لا لا تجن خلي عقلك براسك بيلزمك
محمد: يعني بدك تضل تحكيني هيك ست نور
نور: وكيف بتحب حكيك بالله
محمد: متل ماكنتي تحكيني بالاول
نور: لتبطل حركات منبقى منفكر
محمد: اي حركات
نور: مابعرف اي حركات بس مهم
محمد: ههههه ياربي عليكي خلص ارضي حاج
نور: هيك الواحد براضي التاني
محمد: بدك راضيكي بطريقتي
نور: شو طريقتك
محمد: بقرب منها وبكون لازقها بالحيط طريقتي امم بحط ايده على شفافها
نور: بتدفشو بس قلة ادب خلص رضيت
محمد: بيكتم ضحكتو لا امانة لا ترضي تعي