#أصابك_عشق
#بقلم_sedra-ezlden
الجز۽ السادس

محمد: ولي على قلبي ريتني روح فدوا لهالتم اي
نور: ههههه شو هي فدوا
محمد: يعني اروح قتل
نور: بعيد الشر عنك شو هالحكي
محمد: بتخافي علي
نور: اذا عليك ماخفت على مين بدي خاف
محمد: ولا على حدا رضيتي
نور: اي خلص رضيت
محمد: ملاحظة انو نحن واقفين بنص الضيعة وعم نتغزل ببعض
نور: يي يعليك يامحمد لو يشوفني حدا ما بسلم من اللسانهن بعدلي بدي امشي
محمد: ههههه هلق لتذكرتي انو نحن بالضيعة ماتخافي هالحارة ماحدا بيمرق فيها لان ضيقة كتير
نور: بالله شو
محمد: ايي
نور: اي بعدلي بدي روح على البيت يلا
محمد: شو بدك تعملي
نور: بدي اعمل العشا يعني شو بدي اعمل
محمد: شو رح تطبخي
نور: محمد بعدلي خليني روح
محمد: لك عم اسالك شو رح تطبخي
نور: بدي اطبخ مم مجدرة
محمد: بتعرفي اني بحبها كتير واكيد من تحت ايديكي رح تطلع غير شكل
نور: بتحب لمجدرة عنجد
محمد: والله بحبها
نور: فكرتك ما بتاكلها
محمد: ليش يعني
نور: يعني واحد متلك اكيد كل يوم بدو ياكل لحمة مو مجدرة
محمد: هههه بتعرفي وقت كنت بالمدينة ما اكل هالاكلات كلها لاني لحالي اكل اكل السوق
نور: يعلي خلص بكرا بخلي ماما تطبخلك ياها
محمد: بدي ياها من ايديكي
نور: بتبتسم خلص ماشي هلق خليني روح
محمد: يلا روحي فورا على البيت
نور: وانت فورا على غرفتك لا يمين ولا شمال مفهوم
محمد: ههههه اي بتأمري سلطانتي
نور: ما يأمر عليك ظالم يلا سلام
محمد: بحبك
نور: وانا بحبك يلا باي
محمد: باي
بتطلع نور وبتروح على البيت ومحمد بيرجع على القصر وبيطلع على غرفتو
روضة: ست عظيمة العشا جاهز
عظيمة: وين محمد شفتيه
روضة: طلع على غرفتو
عظيمة: مابدو ياكل يعني
روضة: مابعرف والله
عظيمة: خلي حدا يطلع يشوفو
روضة: حاضر
بتفوت روضة على المطبخ
روضة: سارة بنتي طلعي شوفي محمد اذا بدو ياكل ونزلي لنروح على البيت
سارة: وين نور ليه
روضة: سبقتنا على البيت يلا لا تتماطلي
سارة : حاضر
بتطلع سارة وبتدق الباب على محمد
محمد: تفضل
بتفوت سارة وهي نظرها بالارض
سارة: بتقلك الست عظيمة مابدك تتعشى يابيك
محمد: وقت يشوفها بوقف اهلين سارة
سارة: بتطلع فيه اهلين فيك سيد محمد
محمد: كيف صرتي
سارة: الحمدلله احسن
محمد: دوم يارب اي قولي لاامي مابدي اكل
سارة: حاضر يلا بالاذن
محمد: اذنك معك
سارة: بتنزل بقلبها(معها حق اختي تحبك يامحمد ما شفت متل ذوقك وادبك واخلاقك وشهامتك والله ياعيني عندي هيك صهر هههه صهري مسند ضهري) بتضحك سارة وبتوصل لعند امها
روضة: بنتي مجنونة شي انتي عم تضحكي لحالك
سارة: اه لا امي
روضة: شو قلك محمد
سارة: مابدو ياكل
روضة: طيب يلا امشي
سارة: تفضلي
بيمشو على البيت بشوفهن قيس بقرب منهن
قيس: انسة سارة
سارة: بتلتفت اهلين استاذ قيس
قيس:كيفك خالتي روضة
روضة: اهلين ابني
قيس: انسة سارة بدي اسالك على نور وين ماعم شوفها
سارة: اه نور موجودة بس عم تشتغل معنا صايرة ماعم تفضى
قيس: الله يعطيها العافية
روضة: يلا بخاطرك ابني
قيس: الله معكن (معقول عم تشتغلي ببيت الزعيم يانور وانتي يلي كنتي يموتوكي ولا تشتغلي شو صاير لي الا مااعرف)
بفوتو على البيت وبلاقو نور واقفة بالمطبخ وعم تتمايل
روضة: ما شاء الله بنتي عم تطبخي ولا عم ترقصي
نور: لتنين امي لتنين
روصة: الله يبسطك اكتر واكتر
نور: بقلبها امين
بخلصو الاكل وبحطوه بيجي ابو نور وبيعدو لياكلو
ابو نور: حكاني ابو قيس بدو يجي يزورنا هو وعيلتو بهالكم يوم
نور: خير بابا شو سر لزيارة
ابونور: ماقلي والله
روضة: اي اهلا وسهلا
سارة: بقلبها( ان شاء الله ما يكون يلي ببالي مزبوط )
بخلصو اكل وبقومو بضبو وبجلو وبفوتو كل واحد على غرفتو
تاني يوم الصبح
بيطلعو سارة وامها على القصر ونور بتتاخر شوي وبتطلع بعدين
بشوفها قيس بقرب منها
قيس: نور
نور: اهلين قيس
قيس: كيفك
نور: الحمدلله انت كيفك
قيس: الحمدلله وين ماعم تبيني
نور: مشغولة يعني
قيس: يعطيكي العافية
نور: الله يعافيك (بقلبها عيون محمد تشوفني انا وواقفة)
قيس: بيبتسم طالعة بتجنني اليوم
نور: بتتلبك شكرا يلا سلام
قيس: بتختفي ابتسامتو وقت يوشفها عم تتهرب سلام
نور: بتأسرع لتوصل على القصر بتفوت بسرعة وبيخبط واحد من الحراس فيها
بتوقع نور على الارض
نور: اخخ شو مالك منتبه غبي بتوقف هي وعم تنضف تيابها
الحارس: شو قلتي وليه
نور: قلت غبي ولا ماعم تسمع تاني مرة اتطلع قدامك
الحارس: بيمسك نور من ايدها وبرص عليها اذا بتعيدي هالكلام تاني مرة ياويلك
نور: بتتوجع وبتكون ساكتة وعم تطلع فيه بقوة نزل ايدك عني
الحارس: واذا ما نزلتها شو رح تعملي ياحلوة وبيلمس وشها

بتكون رشا واقفة من بعيد وعم تبتسم لان هي يلي بتكون باعتو ليوقع نور
نور: بتبعد ايدو عن وشها وبتضربو كف
الحارس: بحط ايده على وشه هاد الي وليه حيوانة
نور: اي الك بترفع اصبعتها بوشو اذا رح تعيدها وتلمس وشي رح يصير شي مايعجبك عم تفهم
محمد: رشا شو عم تعملي هون
رشا: بتتلبك ولاشي محمد انت شو جابك لهون
الحارس: بيرجع بيمسك نور من ايدها وبيلويلها ياها وهيك شو رح تعملي
نور: بتصرخ من وجعها لان ايدها بتصير ورا ضهرها
بيسمع صرختها محمد وبيطلع فورا بيدفش رشا وبيطلع
بشوف كيف ماسك ايد نور بيركد لعندو
محمد: انا رح قلك شو رح تعمل بيضربو بوكس بوقعو
نور: بتمسك ايدها بوجع
محمد: بيمسكو وببلش ضرب فيه ياحيوان بيطلعو الكل من القصر لبرا ليشوفو شو عم بصير بتوقف عظيمة وعم تشوف كيف عم ينضرب
بتركد نور لعند محمد
نور: خلص بترجاك حاجتو
محمد: بكون معصب وقف ولاك
بوقف الحارس هو وعم يمسح الدم من على تمو
الحارس: أمرني
محمد: بيمسك ايدو وبحطها ورا ضهرو هي مشان تعرف تمسك ايدها منيح
الحارس: بيتوجع بكون حيكسرلو ياها محمد
الحارس:والله مادخلني يا اغا هي الست رشا هي يلي قالتلي اعمل هيك والله
محمد: بيتركلو ايدو وبيتطلع على رشا بغل بقرب منها
رشا: بتبلع ريقها بقلبها(ولي على هالمصيبة)
محمد: بيتطلع فيهن وبعلي صوتو الكل يسمعني منيح من اكبر واحد لااصغر واحد يلي رح يتعرض لااي حدا من بنات خالتي روضة او لخالتي روضة بكلمة وحدة بس رح يكون عم يواجهني الي شخصياً عم تفهمو الييي وانتي ست رشا معكن مهلة لبكرا لترجعو على بيتكن وغير هالحكي ماعندي بيتطلع على الحارس وانت ولاك حيوان مابدي شوف وشك بعد اليوم عم تفهم
الحارس: حاضر يابيك
روضة: بتكون واقفة من بعيد وعم تبتسم
عظيمة: محمد
محمد: خلص الكلام ومارح ينعاد ست عظيمة بيلتفت على نور بلاقيها واقفة وماسكة ايدها من وجعها بيمسكها من ايدها وبفوت لجوا القصر قدام عيون الكل
عظيمة: بتنغاظ وبتضرب بعصايتها وبتفوت
بفوت محمد على المطبخ هو ونور ووراه روضة وسارة
بأعدها على الكرسي
نور: بتمسح دمعتها من طرف عينها وبتطلع فيه شكرا
محمد

محمد: لا تحكي هيك انتو معزتكن كبيرة علي بيغمزها ويلي بيلمسك بشعرة برميه بجهنم يلي تحرقو مين ماكان يكون
نور: بتبتسم
محمد: فرجيني ايدك وين عم توجعك
نور: لا مافيها شي
محمد: فرجيني لشوف ببعد جاكيتها وبشوفها كيف حمرة
هالكلب
روضة: ابني خلص اخدت حقها وزيادة صدقني
محمد: خالتي ماعملت غير واجبي وهالواطي ماخلص حسابو لسا الو كفاية بس هلق مو وقتها عطيني تلجة لحطلها على ايدها
روضة: خلص ابني انا بحطلها
محمد: لا بايدي بدي حطلها يلا هاتي خالتي
روضة: طيب تفضل
عظيمة: ياروضة روضة
روضة: حشوف الست عظيمة وراجعة
بينحني محمد لعند نور وبحطلها على ايدها التلج
نور: بترجف من وجعها
محمد: عم توجعك
نور: ما كتير
محمد: ببلش يمررها شوي شوي هو وعم يتطلع بنور
سارة: بتكون عم تطلع فيهن وعم تبتسم بقلبها(الله يبعتلي متلك يامحمد يخاف علي ويحميني من كلشي كل يوم عم تكبر بعيني اكتر انت وعم تهتم باختي) احم انا طالعة ساعد امي بتغمز اختها وبتسكر بابا المطبخ
نور: كل هالقد بتحبني!
محمد: بيتطلع فيها شو هالحكي شو رايك انتي بحبك او لا
نور: مبلا بتحبني
محمد: بيتطلع فيها وبيمسك ايدها طول ما انا جنبك مستحيل حدا يزعلك او يبكي هالعيون الحلو ويلي بقرب عليكي بحرقو بأرضو بحرقو بدون ما يرفلي جفن والله انتي انا وكرامتك من كرامتي
نور: بتبتسم وبتضمو يخليلي ياك ياسندي اي
محمد: بضمها اكتر ويخليلي ياكي يانور حياتي
نور: بحبك كتير
محمد: وانا بموت فيكي
بتضل ضاممتو نور وشادة عليه
محمد: خالتي روضة
بتنئز نور وبتبعد فورا وينها
محمد: ههههه عم امزح معك
نور: غليظ تضرب
محمد: رجعي ضميني
نور: بطلت ما بيلبقلك
محمد: ههههه ليه ماصرختيلي
نور: كيف بدي اصرخلك محمد امك من غير شي مو طايقتني وما توقعت انو يتمادى هيك
محمد: بمجرد انو تطلع فيكي تطليعة وحدة هون تعدا كل لخطوط الحمر ولازم يتصير تحت رجلك
نور: بتبتسم كب هالقد بتغار علي
محمد: بحرق الضيعة ومافيها ولا تنلمس شعرة منك
نور:بس يلي عملتو غلط ورح تفتح عيون امك علينا
محمد: اني مسكت ايدك قدامهن
نور: اي
محمد: وبوعدك رح امسك ايدك بوقت كتير قصير قدام الدنيا كلها وقلهن هي حبيبتي وروحي ومرتي وام ولادي شو رايك
نور: بتضحك ههههه ان شاء الله ياروحي ان شاء الله
محمد: دخيل هالضحكة
نور: يلا روح على شغلك لا تتأخر
محمد: اذا حدا دايقك قوليلي اي
نور: ماحدا رح بقرب علي صدقني
محمد: طيب بقرب من ايدها يلي عم توجعها وببوسها بخفة ريتو الوجع لا ايدي ولا ياسمينتي تتوجع

نور: محمد
محمد: عيونو
نور: انت احلى شي فات على حياتي انا كتير بحبك
محمد: وانتي احلى شي فات علي حياتي راس الكزبرة
نور: يقبرني الحمش
محمد: راس الكزبرة هههه
نور: بتوقف وبتضمو وبتقرب من خدو وبتطبع بوسة بخفة
محمد: بيتطلع فيها وهو عم بيبتسم بدك ياني ضل هون شكلك
نور: ههههه لا يلا روحي الله ييسرلك
محمد: لك ريتهن ما يبلو هالكرزات يلي طبعو على خدي
نور: محمدد روح
محمد: بزتلها بوسة على الهوا وبيفتح الباب وبيطلع
نور: بتحط ايدها على قلبها بفرح وبتعد
عند عظيمة بتكون جانة ومنغاظة من محمد
عظيمة:بعقلها( اي شو عليه يامحمد عميل وكتر وقت تشوفهن لحبايبك راميتهن ابقا لشوف كيف رح تحكي انو بفرجيك) روضةة
روضة: أمريني ست عظيمة
عظيمة: روحي انتي وبناتك اليوم على بكير مابدي حدا بالقصر يلا
روضة: متل مابدك
بتاخد روضة بناتها وبتروح على بيتها
بتطلع عظيمة لعند اختها
رشا: هيك يااختي ابنك بقلعنا
ريم: بتستاهلي لانك انتي عملتي هيك شو دخلك لتقربي على المخلوقة شو عملتلك
رشا: خرسي مادخلك انتي
عظيمة: ردي على اختك شو دخلك لتقربي على نور شو عملتلك
رشا: ماعملتلي شي كنت بدي اكسر شوكتها
عظيمة: مفكرة بهالحركات محمد كان رح يحبك بتكوني غلطانة محمد بس يشوف الغلط بيقتلك وماعندو مانع
رشا: قاتلة حالي عليه لان مين قلك بدي ياه خالتي
عظيمة: اي خرسي وضبي غراضكن بكرا الشوفير بوصلكن على بيتكن يلا
بتطلع عظيمة وبتفوت على مكتب اسماعيل بتلاقيه اعد وعم يدخن ولا على بالو
عظيمة: شايفتك اعد
اسماعيل: شو بدي اعمل
عظيمة: الك يومين على نفس الاعدة
اسماعيل: مرتاح هيك طلعي وسكري الباب
عظيمة: تصتفل
عند نور بكونو اعدين هي واختها بيجي ابوها وبخبرهن انو اهل قيس وقيس جايين بزبطو البيت وبيلبسو عم يستنو ليستقبلوهن
سارة: بقلبها(اذا كان يلي حاسة فيه صح رح اتصرف اكيد ياربي الهمني لااعرف شو بدي اعمل)
بيندق الباب وبفوتو اهل قيس وبكون قيس برا لسا بتطلع سارة وبتقلو بدو ياه على جنب
بوقفو برا قبل ما يفوت قيس
سارة: شو جاية تعمل هون ياقيس
قيس: زيارة ليه في شي
سارة: اكيد زيارة وشو سببها
قيس: جاية اناوواهلي طالبين منكن القرب
سارة: القصد
قيس: بدي اخطب
سارة:سارة: بتنصدم وبتعرف انو يلي متوقعتو بدو يصير بدك تخطب نور مو هيك
قيس: بيبتسم اي
سارة: بتهمسلو نور مارح تقبل فيك ياقيس
قيس: بينصدم ليش
سارة: لانو مارح تقبل
قيس: قوليلي ليش
سارة: لان نور بتحب محمد ومحمد بحبها عم تفهم بحبو بعض
قيس: بعصب شو عم تخبصي انتي
سارة: متل ماسمعت نور بتحب محمد واذا وصل الخبر لمحمد عندو يحرق الضيعة ونور تكون الو عم تفهم هو بحبها وكتير اليوم ضارب الحارس لان مسك ايد نور دماه ومسك ايدها وفوتها قدام الكل وقدام امو عندو يخسر كلشي ومايخسر نور ياقيس
قيس: بس انا يلي بحب نور هو مارح يقدر يخطبها
سارة: غلطان وكتير كمان نور مارح تقبل ولا هو لا تفرق بينهن حتكون الندمان
قيس: بالغصب بدها ترضى ونور الي وبس وبيجي بدو يفوت
سارة: بتمسك ايدو وهي عم تطلع بعيونو بكسرة لا تقرب على اختي مابدي تتوجع عم تفهم قيس اذا نور بتتوجع بسببك رح ندمك مارح خليك تفرق بينهن
روضة: سارة بنتي شو عم تعملو برا كل هاد عم تشلح بوطك استاذ قيس
قيس: بيتطلع بسارة ومالو عرفان شو يرد اجينا خالتي
سارة: فكر منيح قيس منيح كتير وبتفوت بفوت قيس وراها ووشه ما بيتفسر افكارو ملخبطة كتير ومالو عرفان شو بدو
ابونور: والله ونورتنا اخي ابو قيس
ابو قيس: منور بوجودك اخي نحن جايين وقاصدينك
ابو نور: ان شاء الله مابترجعو خايبين خير
ابوقيس: نحن جايين
بقاطعو قيس
قيس:بوقف جايين نطلب ايد بنتك سارة لاالي
على سنة الله ورسولو
سارة: بتوقف بصدمة وعم تطلع فيه
نور: بتفرح لااختها وبتنرسم ابتسامتها على وشها
اهل قيس بيتطلعو فيه بصدمة على اساس نور
قيس: شو قلت عمي ابو نور
ابونور: بيبتسم والله ياابني انا ماعندي مانع ومارح لاقي انسان يحمي بنتي سارة ويصونها قدك بس الرأي راي سارة
قيس: بيتصنع الابتسامة شو رايك سارة
سارة: بتتلبك وبتضل ساكتة بقلبها(شو عملت ياقيس طلبتني وانت بتحب اختي وحكيك عن اختي يلي وجعلي قلبي ودمرلي حبي الك كيف بدي حب انسان بحب اختي) نور: شو اختي ردي سارة
سارة: بتطلع بقيس وهنن لتنين فهمانين نظراتهن لبعض بتاخد نفس موافقة
ابوقيس: على بركة الله لكن خلونا نقرأ الفاتحة
بيقرأو الفاتحة وبتبلش ام قيس تزلغط واختو
ابوقيس: لكن بعد بكرا منلبس المحابس
قيس: بدي اعمل العرس فورا مابدي نطول
ابونور:ماعندي مانع ان شاء الله الف مبروك
سارة: بتبتسم ابتسامة خفيفة الله يبارك فيك بابا
قيس: الله يبارك فيك عمي

نور: مبروك اختي بتبتسم وبتضمها
سارة: بتضم اختها بوجع الله يبارك فيكي بقلبها(لو تعرفي يانور انو يلي طلبني كان جاية يطلبك بس مارح خلي حبك لمحمد ينتهى لو كان على حساب حياتي ووجعي)
نور: بتمد ايدها لقيس مبروك قيس
قيس: بيتطلع فيها وبمد ايدو وبسلم عليها الله يبارك فيكي نور
قيس: بقلبو (لازم تكوني انتي خطيبتي يانور بس اذا قلبك مع غيري مابدي ياكي تشوفيني الوحش يلي اخدك من حبيبك بدي تضل صورتي بعيونك متل ماهي مابدي اكسرك وانتي ياسارة مابعرف شو رح يصير فيني وفيكي)
ام قيس: تعي حبيبتي سارة اعدي جنبي بدي شوف كنتي يوه
سارة: بتبتسم ابتسامة خفيفة وبتقرب بخجل بتعد جنبها
ام قيس: اي دخيل هالوش ولا هالشعرات متل شلال الحرير
سارة: تسلمي خالتي هاد من ذوقك
روضة: بنتي صار لازم تقوليلها مرت عمي شو هي خالتي
سارة: بتبتسم مرت عمي خلص
روضة: الله يقدملكن الخير يارب سارة بتوقف وبتضم امها يخليلي ياكي
روضة: ويخليلي ياكي صغيرتي كبرت وصارت عروس
سارة: بتبتسم
وبتمضى سهرتهن كل واحد شارد بافكارو وبروحو قيس واهلو بفوتو على بيتهن
ابوقيس: شو صرلك مو على اساس نور
قيس: اي غيرت راي وطلبت لصغيرة شو فيها يعني
ام قيس: شو هي تنقاية الشغلة
قيس: انا عجبتني لصغيرة وقت شفتها وليش ما اطلبها يعني
ابوقيس: اخخ منك يلا مهم خطبت وعروستك مؤدبة ومحترمة وحلوة
ام قيس: اي والله سارة اهدى واركز من اختها الله يحميها ويسعدك معها
قيس: بقلبو(هه يسعدني اي كتير ) امين يلا تصبحو على خير
الكل: وانت من اهلو
عند سارة بتكون متسطحة وشاردة ودمعتها بطرف عينها واقفة
بتفوت نور لعندها بتمسح دمعتها فورا
سارة: فوتي اختي
نور: بتقرب وبتضمها مبروك ياعيوني
سارة: الله يبارك فيكي اختي
نور: وليه كيف وافقتي فورا عاجبك قيس
سارة: بتبتسم اي عاجبني
نور: والله هو مافي منو ورح يسعدك ويحميكي اكيد
سارة: بتطلع باختها متل محمد
نور: بتبتسم لا مو متلو محمد مافي متلو تنين يخليلي ياه شفتي كيف دافع عني قدام الكل
سارة: اي شفت الله يجعلكن من نصيب بعض يااختي
نور: بتتنهد ان شاء الله يارب سارة مابقدر اتخيل حياتي بدونو او اني كون لغيرو مستحيل بموت حالي وبعرف هو بيحرق كلشي لكون الو وبس
سارة: الله يخليكن لبعض يارب
نور: ويخليلك يلي عندك
سارة: بتبتسم بوجع امين
نور: يلا بدي نام تصبحي على خير
سارة: وانتي بخير
بتطلع نور وبتسكر الباب
سارة: اخخخ يانور يلي بحبو بحبك يااختي شكلها الحياة صعبة ومافي شي بيجي بالسهل بتغمض عيونها وبتضل تعارك افكارها لتنام
تاني يوم الصبح
بتصحى نور وبتلبس هي وروضة بفوتو لعند سارة بلاقوها بتختها
نور: شو ست مخطوبة بطلتي تروحي معنا يعني
سارة: بتبتسم لا اختي ماهيك بس ماجعبالي روح اليوم
روضة: بس وليه غلاظة على اختك اعدي تؤبريني بيلبقلك تدللي
نور: اي لكن ياعمي الدلال لناس وناس
روضة: امشي قدامي امشي
نور: حاضر تفضلي
بيطلعو على القصر بتقوم سارة بتلبس وبتطلع من البيت على الاسطبل لعند قيس
بكون اعد قيس وحاطط ايدو على خدو عم يفكر
بتفوت سارة بتلاقيه اعد
سارة: احم
قيس: بينئز وبيتطلع فيها بوقف اهلين سارة فوتي
سارة: كيفك
قيس: الحمدلله انتي كيفك
سارة: منيحة ممكن احكي معك شوي
قيس: اكيد اعدي
سارة: بتعد بتطلع فيه ليش هيك عملت!
قيس: شو عملت
سارة: طلبتني ليش
قيس: مو انتي بدك مااطلب نور واهلي كانو جايين وابي بدو يحكي ويطلبلي نور ومالقيت الحل غير اني اطلبك انتي وانا بعرف حتوافقي فورا كرمال اختك
سارة: ماكان في غير هالحل !
قيس: لا مافي عندك حل تاني
سارة: بعدم حيلة لا
قيس: شفتي بس انا ما بغصبك مابدك ياني منخطب فترة وبعدين مننفصل كانو ما اتفقنا
سارة: بقلبها(مين قلك مابدي ياك انا بدي ياك ياقيس بس بدي ياك انت تكون بدك ياني مو بالغصب ) انا مابدي تنظلم معي
قيس: ليش لا انظلم
سارة:: مابدي تتزوجني وقلبك عند اختي هي بتصير خيانة الي ولاانوثتي وكرامتي
قيس: بيتطلع فيها وبيشبك ايده ببعض سارة سمعيني بجوز انا ماكنت بعرفك منيح والنصيب قدر اني اطلبك انتي مو اختك بس انا مارح اقدر طلع نور من جواتي بهالسرعة بجوز بدي وقت لااقدر اتقبل الوضع بس اذا حسيت رح خونك بمشاعري بس رح قلك صدقيني بس هلق لا تعتبي علي شو بعمل او شو بتصرف انا مشوش طلبت اخت البنت يلي بحبها شو بدو يكون موقفي جاوبيني
سارة: ولاشي خود وقتك والك علي اذا تزوجنا يكون زواجنا قدام العالم بس ورح اعمل واجباتي بس قدام العالم لنشوف اخرتها من هالصفقة
قيس: صفقة!
سارة: ما بتترجم غير هيك ورقة او عقد بيني وبينك بس وتمثيلية قدام الناس انو نحن اسعد تنين
قيس: بهز براسو ماعندو شي يحكيه

سارة:بالاذن
قيس: اذنك معك
بتمشي سارة وبتفوت على بيتها بتعد بالارض وبتنهار من البكى بتحط ايدها على قلبها
ياريت تقدر تحس يلي فيني ياقيس ياريت تحس بوجعي وحرقة قلبي
عند نور
بتكون واقفة مع امها بالمطبخ عم تجلي
نور: امي مافي غسيل
روضة: لا مافي
نور: ايوا طيب مابدنا نحط لفطور
روضة: شو صايرك النشاط دابب فيكي
نور: ماهيك بس انو عم اسال
روضة: اي جلي وسكتي
نور:بينها وبين حالها شكلها امي عاملة حصار علينا اصلا عادي
بيطلع صوت عظيمة حضرو لفطور
نور: سمعتي
روضة: سمعت تعي حضري يلا
نور: يلا
بحضرو لفطور وبيطلعو بحطو على السفرة
بينزل محمد واحمد وبيعد اسماعيل على الطاولة
محمد: بيبتسم وقت يشوف نور بكون عم يتطلع عليها بطرف عينو صباح الخير
الكل: صباح النور
اسماعيل: شو راحو لضيوف
محمد: من الصبح الشوفير وصلهن
عظيمة: بكون مو عاجبها
روضة: بدي استأذنك ياخانم
عظيمة: خير
روضة: بكرا خطبة بنتي وبدي اخد اجازة
محمد: بيحكي بسرعة مين اي بنت
نور: بتكتم ضحكتها
روضة: سارة
محمد: بيهدا وبيبتسم الف مبروك
أحمد: بيتطلع بروضة سارة نخطبت لمين!
روضة: لشب اسمو قيس يلي مستلم اسطبل الخيول
محمد: بيفرح اكتر التمام على خير
روضة: الله يخليك يا بيك
اسماعيل: بيتطلع فيهن مبروك
احمد: بيتطلع فيه(عم تباركلها ياواطي انا بفرجيك قربت فضيحتك يا اسماعيل)
عظيمة: بكون مو عاجبها مبروك فيكي تاخدي اجازة
روضة: الله يبارك فيكي ياخانم وشكرا الك
عظيمة: اهلين
احمد: بكون مزعوج مابيعرف ليش مبروك خالتي روضة
روضة: بتبتسم الله يبارك فيك استاذ احمد بالاذن
وبتفوت على المطبخ هي ونور
احمد: شايفك انبسطت استاذ اسماعيل شكلك بتعزها لسارة كتير
اسماعيل: بيتلبك اي متل بنتي الله يهنيها
احمد: الله متل بنتك عنجد اشعر بدني بالاذن دايمة
عظيمة: ليش هيك عم تحكي مع ابوك يااحمد
أحمد: ليكون ابي منبقى منحكي وبيطلع
اسماعيل: شايفة قلت ادبو
عظيمة: بتهز براسها
محمد: دايمة وبقوم
بتحوس نور بالمطبخ
نور: امي معلش روح شو بس شوي
روضة: لوين
نور: لعند صهري
روضة: صهر مين
نور: لك قيس امي شبك
روضة: وضريب قولي قيس روحي بس لا تتاخري
نور: فورا
بتطلع نور من القصر وبشوفها محمد وبيطلع وراها بيركب حصانو وبيطلع
بتوصل نور لعند قيس
نور: مرحبا صهري
قيس: بيتصنع الابتسامة اهلين بنت حماي
نور: وينو برق
برق: اها جاية مشان برق يعني
نور: ليش بجي لعندك غير مشان برق
قيس: لا والله فوتي خديه
نور: يلا
بتفوت بتطلعو وبتركب عليه
قيس: فارسة ما شاء الله
نور: اي لكن يلا سلام برجعك ياه
قيس: على حسابك
بتطلع على الوادي وعم تركد
بيطلع صوت محمد من وراها
محمد: دخيلو كزبرتي
نور: بتطلع عليه هي وعم تركد انت شو جابك لهون
محمد: بصير يعني ما اجي ورا حبيبتي
نور: هههه اي يلا فرجيني سرعتك حبيبي
محمد: طيب يلا
بيتسابقو ليوصل محمد قبل نور على الوادي
بتوصل نور مزعوجة
نور: غشاش بديت قبلي اصلا انا يلي خليتك تفوز بتنزل
محمد: ههههه بيمسكها من خصرها وبقربها منو لك بتضلي احلى فارسة بكل الضيعة وماحدا بيطلعلو معك صدقيني
نور: تضحك علي كالعادة بكلمتين حلوين
محمد: هيك صار انا بضحك عليكي
نور: ايي بتضحك علي
محمد: هههه لك يقبروني هالشعرات اي وبيمسكها منهن وببوسها من خدوها
نور: محمد بس انضب ههههه
محمد: بضمها وبدور فيها بحبككك
نور: وانا بحبككك هههه نزلني
محمد: بنزلها و بيمسكلها ايدها وببوسها
نور: رومانسي مابك شي
محمد: انتي شفتي شي من الرومانسية لسا لتصيري بين ايدي رح اكلك اكل من هالكرزات للتفاحات
نور: بتضربو ما رح تبطل قلة ادب
محمد: طول ماانتي قدامي مابقدر كون محترم
نور: اها بعدلي لروح ناقنصي انحراف
محمد:ههههه تعي تعي بلا هبل خلص بكون مؤدب
نور: ايوا اتأدب
بكون قيس واقف من بعيد وعم يراقبهن وغاصص ببعد وبيرجع على محلو وهو موجوع
قيس: حرام كون مكان محمد حرام وسارة شو ذنبها معي اخخ ياربي شو اعمل شو اعمل
عند سارة بتقوم بتغسل وشها يلي احمر من البكى وبتعمل فنجان قهوة وبتحط على كتفها الشال لتدفى وبتطلع لبرا بتعد جنب بيتها وهي عم تشرب القهوة
بترجع نور هي ومحمد بكون ماشيين وفي مسافة بينهن وماسكين الاحصنة بايدهن بتخلي برق يرجع لعند قيس وبتكفي هي وياه على القصر بيمرقو من ناح البيت وبشوفو سارة اعدة وصافنة
بوقفو
نور: سارة اختي ليش اعدة هون
سارة: بتصحى من شرودها اي اختي والله مليت طلعت لبرا شوي كيفك استاذ محمد
محمد: اهلين سارة الف مبروك سمعت انك خطبتي
سارة: بتبتسم اي الله يبارك فيك
محمد: بيبتسم قوليلي اذا بزعجك هاد قيس فورا بياكل نصيبو
سارة: بتضحك لا ان شاء الله ما بيزعجني بعدين عندي نور بتاكلو بلا ملح

نور: بتزورها شو شايفتيني متوحشة
سارة: لا ابدا يوه
محمد: بيزلق قدام سارة اي حبيبتي مافي منها بلاحظ شو حكى وبيسكت
نور: بتكتم ضحكتها ما تخاف سارة بتعرف
سارة: اي اي بعرف عادي خود راحتك
محمد: ههههه زلقت مابعرف كيف
سارة: عادي ولا يهمك يخليكن لبعض يارب
محمد: تسلميلي يلا نور انا حروح على القصر
نور: طيب رح الحقك
محمد: تمام ديري بالك على حالك
#يتبع

#أصابك_عشق
#بقلم_sedra-ezlden
الجز۽ السابع

نور: وانت كمان
محمد: سلام
سارة ونور: سلام
نور: شبك اختي مو على بعضك
سارة: مافي شي
نور: بدي قلك شي كنت بدي اسألك ونسيت
سارة: قولي
نور: اسماعيل الزفت رجع قرب عليكي شي!
سارة: بتتلبك ليش عم تسالي
نور: جاوبيني لان هو كل ما يشوفني بيتلبك
سارة: مافي شي اختي
نور: لا تكذبي علي سارة بعرف انك عم تكذبي احكي
سارة: مافي شي نور صدقيني
نور: جاوبي
سارة: طيب بتعد بتحكيلها وكيف احمد شافو وقلها لا تقولي لحدا وهو راح ياخد حقها
نور: بتعصب وبتوقف وليش ماقلتيلي انتي مرضتي بسببو لهالواطي انا بفرجيه
سارة: يانور مابدنا مشاكل
نور: لا ياسارة اذا ما كبرت مارح تصغر واليوم رح اخربها وبتشوفي بتركد نور وبتروح بأتجاه القصر
وبتلحقها سارة هي وعم تندهلها بس مابترد نور
بتوصل على القصر وبكون محمد واقف بالصالون مع عظيمة عم يحكو
بتفوا نور فورا
نور: بتصرخ اسماعيلل بيككك طلاع فرجينيي وشكك طلاع
محمد: نور شبك ليش هيك فايتة
عظيمة: انضبي يابنت انتي ببيت الزعيم ليش هيك عم تصرخي على سيدك
نور: رح نشوف مين فينا رح ينضب اسماعيلل الزفت
بينزل احمد على صوتها وبيعرف انها عرفت بتطلع روضة وهي عم تضرب على وشها
روضة: لك خرسي شو عم تعملي
نور: طلاع ياجبان
بقرب محمد من نور: شبك قوليلي
نور: بدي ابوك يطلع يواجهني
بتوصل سارة هي وعم تلهت نور اختي بلا فضايح
احمد: بينزل وبوقف بيتكتف عم يتفرج
بيطلع اسماعيل من مكتبو وعم يتصنع القوة
اسماعيل: ليش عم تصرخي وليه حيوانة
نور: انا حيوانة ياقليل الشرف ياواطي
اسماعيل: خرسي وليك تطاولتي كتير
عظيمة: خرسي احسن ما قص اللسانك ولسا واقفة بالقصر ياحراس تعو رموها برا
بفوتو الحراس وبدهن يمسكو نور
محمد: ماحدا يقرب ولا خطوة والا حيندم عم تفهمو
بوقفو الحراس وما بقربو
محمد: اهدي بيمسك نور من ايدها احكي شبك
نور:هالواطي وبتأشر على اسماعيل كان بدو يلمس اختي هالكلب قرب منها وتعرضلها اكتر من مرة وحزرتو اذا رح يقرب منها رح كون بوشو واقتلو بايدي
محمد: بينصدم من حكيها شوو وبيتطلع بااسماعيل
عظيمة: بتشهق وبتطلع بجوزها شو هالحكي يا بنت عرفانة حالك شو عم تحكي
نور: عرفانة وكتير منيح سألي للبيك
عظيمة: شو يااسماعيل
اسماعيل: بيتلبك كذابة هي واحدة كذابة اختها يلي حاولت ترمي شرفها لاالي هالرخيصة هي واختها كرمال المصاري
احمد: بينصدم من ابوه
نور: ياكلب يا واطي بتشوف مسدس محمد على خصرو بتسحبو
بتسحب المسدس وبتركد بتحطو براسو
نور: احكي ياكلب احكي شو عم تعمل ياوسخ احكي ياقليل الشرف
محمد: اهدي نور اهدي لا تجني
نور: جنيت وبدي موتو لهالواطي
عظيمة: ارموهن برا يلا
محمد: قلتلكن ماحدا بقرب عليهن نور اهدي وهاتي المسدس واذا هو يلي عم يكذب لا ترضي الا اخدلك حقك وحق اختك
عظيمة: وانت عم تدافع عنهن هاد ابوك يافهيم
اسماعيل: محمد ابني رميهن برا هالكذابين قليلن الشرف
نور: بتصرخ بوش اسماعيل خراس وبتنزل زناد المسدس لتقوص بوقف اسماعيل تفو عليكن قليل الشرف
احمد: صار وقتها لازم اتدخل بقرب احمد للنص يلي حكتو نور مزبوط ابي كان بدو يلمس سارة لو ما اتدخلت انا بالوقت المناسب كان عمل عملتو الأفندي البيك يلي عم يتهمن هنن بقلة الشرف وهو الواطي ولرخيص
عظيمة: بتكون واقفة ومصدومة من يلي عم يحكي احمد
احمد: اي امي مو اول مرة ومو بس سارة الله واعلم مين كمان مو سلمان من شرو هالواطي انا تبريت منو من وقت ماشفتو
محمد: بشد على قبضة ايدو وبقرب من اسماعيل وبيمسكو من جاكيتو بقوة انت شوو شوو من شو معدنك قليي لك نحن ما بشرفنا تكون بينا اصلا او تكون مننا او ابونا رح اكتفي اني قلعك برا القصر وماعاد نشوف وشك بنوب
عظيمة: بتقرب منو بخطوات بطيئة وبتوقف قبال اسماعيل بكون واقف وعيونو بالارض تطلع فيني اسماعيل تطلع
بيرفع نظرو عليها
عظيمة:بترفع ايدها وبتضربو كف وبعدين بتبزق عليه تفو عليك وعلى شيبتك ياواطي هلق بتنقلع لبرا القصر بدون اي شي بأواعيك يلي عليك ياكلب انا يلي رفعتك وجبتك من لزبالة وساويتك الزعيم على هالضيعة امنتك على املاك اهلي وساويتك ورفعتك بس طلع يلي بكون فيو عرق الندالة ما بغيرو انقلع لبرا بتدور ضهرها رموه برا
اسماعيل: عظيمة انا زوجك
عظيمة: جوزي مات رموه براا
بقربو الحراس وبطلعو اسماعيل لبرا
عظيمة: مابدي حدا يشوف هالواطي اذا حدا بيسالكن قولو سافر
بتزت نور المسدس من ايدها وبتمشي لعند امهاواختها يلي بكونو عم يبكو بتضمهن
نور: امشي امي ماعاد الك شغل هون ولا نحن النا
روضة: بهز براسها بتقرب من عظيمة وبتعطيها مفتاح الباب انا مهمتي خلصت عندكن ياخانم ماعاد الي اعدة عندكن تفضلي

بقرب احمد منهن
احمد: سارة انا بدي اعتزر منك لازم كنت احكي من اول يوم بس ماكان عندي الجرأة
سارة: ولايهمك
نور: شكرا الك وقفت معنا
احمد: واجبي بقلة حيلة الله يسعدك ويهنيكي مع قيس وبيمشي
محمد: بقرب من روضة خالتي روضة نحن منعتزر عن كلشي صار وكلشي عملو
روضة: ولايهمكن ابني الحمدلله يلي صار هيك ولا غير هيك بس انا وبناتي ماعاد النا شغل عندكن
محمد: براحتك خالتي عملي يلي بدك ياه بيتطلع على نور بتكون ضامة اختها بتطلع فيه انسة نور انا بعتزر
نور: ولايهمك استاذ محمد اخدت حقي وحق اختي شكرا وهلق بالاذن يلا امي
روضة: يلا تشوفو وشنا بخير
بيطلعو من القصر على بيتهن
ومحمد واحمد بيمسكو ايد امهن يلي لساتها مصدومة وبطلعوها على غرفتها
بعد مرور شهر
بتكون نور عم تجهز اختها سارة اليوم عرس سارة وقيس وعم يزينو الضيعة ليعملو الحفلة بنص الضيعة
بهالشهر تغير كتير شغلات
#الماضي
(نور واهلها تركو الشغل ببيت الزعيم وعظيمة ضلت كم يوم منعزلة بعدين رجعت لقوتها وجبروتها وعلى اكتر صارت تكره سارة واهلها لان اسماعيل فضل سارة عنها واسماعيل ماعاد بين عنو اي خبر احمد سافر على المدينة مشان مايفكر بسارة ومحمد ضل مع امو وطبعا علاقتو مع نور كل مالها عم تتحسن وتصير اقوة وحبه الها عم يزيد كل مامرق يوم وقيس ماعم يقدر يشل نور من بالو وسارة عم تتعذب كل ماتشوفو وقت يجي لعندهن عيونو على نور )
#الحاضر
بتلبس سارة فستانها الابيض
نور: بتبتسم ياعمري يا سارتي بتجنني طالعة
سارة: عنجد اختي
نور: اي والله يعيون اختك قمر مصور
سارة: بتبتسم يخليلي ياكي
نور: بتزبطلها طرحتها وبتبوسها
بكونو اهل الضيعة كلهن موجودين بالساحة تبع الضيعة
والنسوان مع سارة
بتبلبس نور فستان احمر على قد جسمها وشعراتها بفمرودين متل الكزبرة ومكياج خفيف
بوصل قيس لعند بيت سارة بطبل والزمر بكون لابس بدلة سودة بس مالو مبسوط
بتطلع سارة من البيت مع الزلاغيط
بقرب عليها قيس وببوس راسها وبيمسك ايدها ليروحو على ساحة الضيعة
ام قيس: اوها ياقيس ولا تعبس اوهاا افرد من جوخك والبس اوها شواربك ياعروق الريحان اوها وسوالفك ياعروق النرجس
ولللللليييييييسشششش
بيمشو على الساحة والطبل والزمر شغال بوصلو وببلشو يرقصو النا على اغاني الضيعة وعم يباركو لقيس وسارة
قيس: عم يتجنب يتطلع على نور بيتطلع على سارة وبحاول يبتسم
سارة: بتهمسلو ماضروري تفرجيني انك مبسوط بعرف مالك مبسوط متلي متلك
قيس: ليش ما انبسط عرسي اليوم
سارة: على العروس الغلط مابدنا نضحك على بعض قيس
قيس: لفيها منحكي ببيتنا
سارة: طيب
بيطلع محمد من القصر وبروح على ساحة الضيعة بكون لابس بدلة ومزبط حالو بوصل لنص الساحة ووقت تشوفو نور بتبتسم
بقرب محمد من قيس
محمد: الف مبروك ان شاء الله
قيس: بوقف وبسلم عليه الله يبارك فيك
محمد: مبروك اختي سارة
سارة: بتبتسم الله يبارك فيك استاذ محمد
بقرب من نور
محمد: بيهمسلها طالعة بتجنني بس ما اتفقنا هيك تلبسي
نور: عرس اختي شو بدي البس يعني
محمد: مالقيتي غير احمر
بوقف ابونور بالنص
ابونور: ياجماعة اليوم بحضور محمد بيك بدنا نرقصو لنعرف اذا هو من اهل الضيعة او لا ولازم يرقص على تراث ضيعتنا يلا
ببلشو يحيو محمد ويصفقولو
ابونور: تفضل محمد بيك فرجينا الساحة الك
محمد: الرقصة بدها شريك ياعمي
ابونور: اي اكيد نور بنتي فرجينا رقصك يلا
محمد: بيبتسم مع انو مابيعجبو نور ترقص قدامهن بس مضطر
نور: انا بابا
ابونور: يلا
بوقفو بالنص والكل عم يصفقلهن
نور: بتبتسم هي وعم تطلع بعيون محمد
بتبلش الغنية
بيرفع ايديه محمد وهي بترفع ايديها وببلشو يرقصو
محمد: بكون مركز بعيون نور كانو ماحدا قدامو غيرها وعم يميل معها وينزل ويطلع وهي متلو
وبتقرب منو نور وهو بقرب منها وعيونهن بعيون بعض
سارة: بتبتسم وقت تشوفهن بقلبها(الله يحميكن من العين )
قيس: بكون مو عاجبو وعم يصفقلهن ومزعوج
بتطلع سارة فيه
سارة: بقلبها(اكيد بدك تكون مزعوج يلي بتحبها عم ترقص مع غيرك واختها مرتك بس مستعدة كون تعيسة معك ولا خلي نور تبعد عن يلي بتحبو لان اختي حمتني من الكل وانا بدي ردلها هالشي)
بيتطلع فيها قيس بتكون عم تطلع فيه لسا
قيس: بقلبو(اخخ ياسارة ياريت شايفك قبل بس يلي ملكت قلبي نور انتي بنت مافي منك سارة رح حاول حبك رح حاول )
بتخلص الغنية والكل بصفقلهن بوقفو وهنن عم يبتسمو لبعض
بقرب محمد من ابو نور
محمد: شو ياعمي لقيتني بعرف ارقص
ابونور: الله يحميك سبقت شباب الضيعة
محمد: ههههه بسلم على ابو نور الف مبروك مرة تانية
ابونور: الله يبارك فيك يا ابني شرفتنا ونورتنا بالعرس
محمد: منور بوجود صحابو
ابو نور: الله يخليك

محمد: بالاذن بيغمز نور وبأشرلها براسو انو تلحقو
نور: بتبتسم وبتهزلو براسها
بيطلع محمد من العرس وبتلحقو نور بدون ماحدا ينتبه
بوقف محمد بعيد عنهن بيستنى نور
بتوصل نور لعندو
محمد: بقرب منها وبضمها اشتقتلك ياعيوني
نور: وانا اشتقتلك ياروحي
محمد: الي اسبوع مو شايفك بتعرفي هالشي
نور: بعرف ياعيوني بس مو بايدي كنت مشغولة بعرس سارة
محمد: عقبال ما ننشغل بعرسنا
نور: بتبتسم ان شاء الله ياروحي
محمد: وحياة عيونك الحلوين قريب كتير حتكوني اميرتي قدام كل الضيعة
نور: عنجد محمد
محمد: عنجد ياروح وقلب ونور عيونو لمحمد
نور: بتبتسم ما يبلا الرسمي
محمد: مايبلا الاحمر بتعرفي لو ماابوكي اصر اني ارقص ما كنت خليتك تقربي للساحة
نور: بعرف حبيبي الحمش
محمد: مو حمش بس انا بغار من نسمة الهوا يلي بتقرب من شعرك
نور: وانا بغار عليك من اي عين بتجي عليك اللهي بتروح قلع كانو البنات هيك عيونهن عليك عشرة عشرة
محمد: ههههه دخيل الغيور
نور: يخليلي ياك
محمد: ويخليلي ياكي
نور: بدي ارجع على الساحة قبل ماامي تحس اني مو هنيك يلا بشوفك بتزتلو بوسة على الهوا
محمد: تعي لهون ما بقبلها على الهوا
نور: بتركد لعندو وبتبوسو على خدو منيح هيك
محمد: ههههه بيمسك ايدها وبشدها لعندو وبيسرق بوسة من شفافها
نور: بتطلع فيه محمد
محمد: بيكتم ضحكتو لك عبالي كرز لهيك حبيبتي
نور: انا بفرجيك مو وقتك هلق باي
محمد: هههه باي
بترجع نور على العرس وبكفو حفلتهن وبيخلص العرس وبروحو قيس وسارة على بيتهن ونور واهلها على بيتهن
بتفوت سارة على البيت
قيس: بسكر الباب نورتي بيتك سارة
سارة: منور بوجود صحابو
قيس: طلعي بدلي تيابك رح اعمل شي نشربو
سارة: بتهز براسها وبتطلع على غرفتها بتحاول تشلح الفستان مابتقدر بتكون اعدة وعم تعارك فيه
بدق قيس عليها الباب
سارة: فوت بتكون معصبة
قيس: بيفتح الباب وبفوت لساتك بالفستان
سارة: بعصبية ماعم بعرف اشلحو للضرابة
قيس: وليش معصبة هدي
سارة: مابقدر فورا بعصب بديق خلقي
قيس: بيكتم ضحكتو على منظرها طيب بتحبي ساعدك
سارة: بجبدنة وعصبية لمنيحة بدها سؤال
قيس: بينصدم منها لا طيب دوري لاافتحلك السحاب
سارة: بتهب بوشو نعمم
قيس: لك شبك انتي قلتيلي ساعدني وهلق هبيتي بوشي
سارة: ما توقعت انو هيك اووف خلص ماشي غمض عيونك بس
قيس: بتجي الضحكة حاضر يلا بعديلي
سارة: بتدور شوي وهي خجلانة وبتكون عم تطلع على قيس من لمرايا وبترفع شعرها من على ضهرها
قيس: بغمض عيونها وببلش يحط ايدو على السحاب شوي شوي وينزلو بحس برعشة جسم سارة
قيس: بفتح عيونو وبيتطلع بعيونها العسليات وبيبتسم انا عم استناكي برا بدي اخد بجامتي بس
سارة: خدها يلا
بياخد بجامتو وبيطلع لبرا
بتبدل سارة فستانها وبتلبس بجامة حرير لونها زهر وبتفرد شعرها على ضهرها وبتطلع لبرا
قيس: بشوفها كيف لابسة البجامة وطالعة متل اللعبة بيبتسم عملت قهوة تعي شربي
سارة: يلا بتقرب سارة وبتعد على الكنباية قبالو وبتاخد فنجانها
قيس: بكون ساكت وعم يراقبها بصمت وهي نفس الشي
عند محمد بفوت على القصر
بتكون عظيمة واقفة عم تستناه
عظيمة: رحت على العرس
محمد: بيلتفت عليها اي رحت
عظيمة: انا ما قلتلك مارح تروح
محمد: وانا شفتيني رديت شي عليكي وقت بدي روح ما بسالك
عظيمة: شوفي بينك وبين نور
محمد:

محمد: بوقف وبيلتفت عليها بحط ايديه بجيابو مافي شي
عظيمة: بتقرب منو عم قلك شوفي بينك وبين نور عم بسالك
محمد: وانا عم قلك مافي شي
عظيمة: محمد اليوم كنت عم ترقص معها قدام كل الضيعة ونظراتك الها وبتدافع عنها وعن اهلها فضلتهن علي وعلى اهلك لااخر مرة عم بسالك شوفي بينك وبينهاا بتحبهاا
محمد: بصرخ بوشها اي اي بحبها وبدي ياها ورح اتزوجها وحتصير مرتي نور حبيبتي شو بدك اكتر من هيكك
عظيمة: هالواطية اخدتك لاالها
محمد: بيرفع ايدو بوشها لا تحكي على نور هيك مشان ما تزعلي مني نور خط احمر
عظيمة: وانا انا شو امك يا استاذ ياكبير
محمد: امي يلي بتحبني مو امي يلي بعتتني من انا وصغير على المدينة امي يلي ما شفت من حنيتها شي امي يلي بتظلم الناس الفقيرة امي يلي بتحب تستعبد العالم امي يلي بتكره الكل لك بتكرهي حالك وين حنية الام قوليلي ويين
عظيمة: لك انا يلي ساويتكن انا يلي خليت الكن كلمة بهالضيعة انتو ولاشي بدوني ولاشي
محمد: شو عطيتينا انتي خدي كلشي وصدقيني رح اتركلك كلشي كلشي وروح
عظيمة: لك انت عم تخسر عزك وكلشي بتملكو كرمال شقفة بنت
محمد: هي يلي مو عاجبتك انا شايفة الدنيا كلها حياتي كلها علمتني حب علمتني اهتم واخلص علمتني مااظلم الناس حنيتها وخوفها علي اكتر ماانتي تحني علي ورح اتزوجها وغصب عنك وعن الكل وحيصير العرس بنص الضيعة وقدام عيونك

عظيمة: انا مالي موافقة واذا بدك تتزوجها بتترك كلشي وبتمشي ولا انت ابني ولا انا بعرفك
محمد: بيتطلع فيها بتحدي وهاد يلي رح يصير من بكرا وصدقيني حتصفي لحالك عظيمة خانم لنشوف المال والعز شو رح ينفعوكي
عظيمة:متبرية منك يامحمد قلبي متبري منك لااخر يوم بعمري الله لايسامحك ولا يسامح ابوك
محمد: بدور وبيتركها وبيطلع على غرفتو
عند قيس وسارة
سارة: بتحاول تقطع الصمت شو بدنا نضل هيك
قيس: شو رايك انتي
سارة: راي قلتلك ياه من اول يوم خطبتني انا تزوجتك كرمال اختي وبتعرف هالشي يعني زواجنا عقد لان انت ما بتحبني منتزوج شهر وبعدين بتطلقني كانو مااتفقنا وبتروح بتعيش حياتك وبتنسى نور وبتنساني وبتكفي حياتك والك علي ما اطلب منك شي
قيس: بهالبساطة بتتركي وبتمشي
سارة: شو عندي شي اخسرو سيد قيس
قيس:تخسري نفسك مثلا
سارة: ليش لااخسر نفسي انا مبسوطة
قيس: اكيد
سارة: اي اكيد بتوقف وين بدك تنام انت
قيس: مامهم نامي انتي بالغرفة وانا بنام بالغرفة التانية
سارة: طيب تصبح على خير
قيس: وانتي بخير
بتطلع سارة على الغرفة وبتسكر الباب وبتتسطح وبتضم لمخدة وبينزلو دموعها لتبلل مخدتها
(سارة بقلبها لو تعرف انو كنت متمنية كون معك ياقيس بس مو هيك انا اتعس انسانة مالي مبسوطة ابدا ابدا) بتبلش تشهق بصوت عالي بتحط ايدها على تمها لتكتم صوت شهقاتها
بيمرق قيس من جنب الغرفة وبيسمعها عم تبكي بقرب بدو يفتح الباب بس بيتراجع وبفوت على الغرفة وبيتسطح وبحاول يغفى
تاني يوم الصبح بيصحى محمد بيلبس وبيطلع بدون مايحكي عظيمة ولا بقرب عليها وبيطلع من القصر بياخد سيارتو
الحارس: بيفتحلو الباب مشان يطلع ورا
محمد:هات المفاتيح
الحارس: تفضل يابيك
محمد: بيركب وبيشغل السيارة وبيمشي باقصى سرعة
الحارس: بيركد ليلحقو بوقف وبيرجع لمكانو
بروح محمد على الضيعة يلي جنبهن وبيشتري بيت بنص الضيعة كبير وبسجلو باسمو وبيرجع على الضيعة
بوصل على بيت نور وبوقف وبينزل من السيارة بكونو طالعين روضة ونور بدهن يروحو لعند سارة
محمد: يسعد صباحكن
نور: بتبتسم وصباحك استاذ محمد
روضة: اهلين ابني وصباحك
محمد: لوين رايحين
روضة: لعند سارة بتعرف لمباركة ابني
محمد: : بالهنا يارب خالتي روضة
روضة: اي ابني
محمد: اليوم المسا رح اجي لعندكن
روضة: اهلا وسهلا بس ليش ابني شوفي
محمد: المسا بتعرفو خلي عمي ابو نور ينتظرني بعد العشا ان شاء الله
روضة: اهلا وسهلا ابني بتنور
محمد: طلعو لوصلكن يلا
روضة: مابدنا نعزبك ابني منروح لحالنا ليكو البيت
محمد: لا وين العذاب يلا اعتبريني ابنك يلا طلعي
روضة: هههه واعز والله الله يرضى عليك
محمد: بيفتحلها الباب تفضلي خالتي بتعد روضة وبسكر الباب
بيفتح الباب لنور
نور: بتهمسلو شو بدك تجي تعمل عنا
محمد: بتعرفي المسا طلعي يلا
نور: طيب بتطلع وبسكر الباب
بيركب وبوصلهن على بيت قيس بشوفهن قيس من الشباك وبيطلع من الغرفة بدق الباب على سارة
سارة: بتكون طالعة من الحمامة ولابسة توب الحمام والمنشفة على راسها

قيس: بفوت وقت بشوفها بيخجل وبضل صافن فيها
سارة: شبك قيس
قيس: بيصحى من شروده لا مافي شي اهلك وصلو
سارة: طيب انزيل انت استقبلهن ولاحقتك انا بس لا تحسسهن بشي فهمت علي
قيس: اي اكيد يلا
بينزل قيس
بينزلو نور وروضة وبدقو الباب بضل محمد واقف بالسيارة ليشوفهن فاتو
قيس: بيفتحلهن اهلا وسهلا نورتونا بيتطلع على محمد بكون عم يتطلع فيه
محمد: بينزل من سيارتو السلام عليكم
قيس: وعليكم السلام اهلين سيد محمد
محمد: بقرب منو وبسلم عليه الف مبروك جوزاة الدهر ان شاء الله
قيس: بيبتسملو غصب الله يبارك فيك عقبالك
محمد: ان شاء الله يلا بالاذن بدكن شي خالتي
روضة: سلامتك ابني يسلم ايديك
محمد: واجبي يلا بخاطركن بيطلع بالسيارة وبيمشي بسرعة
نور: بقلبها(ريتو يقبرني الهيبة اي)
قيس: فوتو تفضلو
بفوتو وبسكر الباب
روضة: وينها سارة صهري
قيس: سارة عم تبدل تيابها فوق هلق بتنزل ياسارة اجو اهلك تعي شوفيهن
روضة: اهلك جايين ابني
قيس: اي اكيد هلق بيجو
بتنزل سارة من فوق بتكون لابسة عباية بيضة حرير ظاهرة انوثتها وجمالها وشعراتها مبلولين على ضهرها نازلين عم يبرقو
بيطلع فيها قيس بأعجاب
قيس: بيبتسم وقت يشوفها (بقلبو شو هالقمر هاد نازل بعز الصبح )
روضة: ياارض احفظي ماعليكي ربي يحميكي يابنتي
بتقرب سارة من امها وبتضمها وبتبوسها
نور: لك شو هالجمال اختي
سارة: بتبوس نور لك من بعدك ياقلبي
نور: بتطلع بقيس شو سيد قيس نيالك باختي
قيس: بيتطلع بنور وبكون عم يفصلها بيبتسم اي والله نيالي بحبيبة قلبي سارة
سارة: بتطلع فيه وبتبتسم بقلبها ( نظراتك فاضحتك ياقيس عم تحرقلي قلبي بنظراتك لااختي وبتمثيلك اكتر)

روضة: اي والله نيالك وهي نيالها عليك الله يحميكن من العين
قيس: بقرب من سارة وبضمها لعندو امين الله يحميلي ياها
سارة: بتطلع عليه كيف شدها لعندو وبتكون لسا مصدومة بتشم ريحة عطرو يلي بتغلغل بقلبها
قيس: تفضلو ليش لسا واقفين اعدو لااعملكن قهوة
روضة: يوه بدك انت تعمل القهوة هي سارة بتعملها
قيس: لا تعد سارة معكن انا بعملها براسي
سارة: لا انا بعملها
قيس: خلص انا بعملها يلا
بروح قيس على المطبخ وبتعد سارة مع نور وروضة
روضة: بتهمسلها لسارة شو بنتي مبسوطة
سارة: اي امي ليش ماانبسط
روضة: قيس منيح معك
سارة: امي قيس مافي منو شفتيه يعني بعينك
روضة: اي الله يخليكن لبعض
نور: شو عم تتهامسو يعني ما بصير اسمع
روضة: انضبي انتي
نور: اي شو عليه
بفوت قيس وعامل القهوة بيندق الباب
سارة: اكيد هي مرت عمو و و ليلى
ليلى اخت قيس
بتفتح سارة الباب وبفوتو ام قيس واختو
ام قيس: اول ما تفوت بتطرق زلغوطة بتسمع الضيعة
سارة: بتبتسم تفضلي مرت عمو
ام قيس: بتبوس سارة وبتفوت
ليلى: كيفك سارة
سارة: اهلين ليلى فوتي تفضلي
بفوتو وبياعدو
قيس: هي القهوة جاهزة يلا منشربها سوا
بيشربو قهوة وبيعملو فطور وبيفطرو وقيس على دلال ودلال لسارة حبيبتي وعيوني وقلبي
سارة: عن اذنكن قيس شوي تعا
قيس: اي حبيبتي يلا بالاذن
ام قيس: اذنك معك ابني
روضة: ام قيس شكلهن بدهن يقلعونا هههه
ام قيس: والله هيك الظاهر يلا ليطلعو منقوم منروح
نور: اي انتو كمان طبيتو عليهن من صباحية ربنا
روضة: خرسي وليه نور والله لقصو للسانك
نور: شو حكيت يوه هي خرست مو هيك ليلى
ليلى: بتبتسم اي والله يانور
ام قيس: ايوا ايوا خرسي معها انتي التانية
ليلى: حاضر هههه
قيس: اي سارة نعم
سارة: استاذ قيس قلتلك مثل عليهن بس مو تتغزل كل هالقد
قيس: مابعرف مثل غير هيك انا
سارة: مشان ما يحسو انو في مبالغة بالوضع خفف حكي حلو تمام بالاذن
بتطلع سارة وبترسم الابتسامة على تمها
وبيطلع وراها قيس
ام قيس: يلا ابني نحن بدنا نمشي
سارة: لوين مرت عمو اعدين
روضة: لا امي حاجة ونحن رايحين كمان
قيس: اعدين ياجماعة
ام قيس: لنروح على بيوتنا يوه وانتو عرسان كمان اجينا كبسنا على نفسكن
سارة: بتبتسم ومابتحكي بقلبها( عرسان قلتيلي هه)
روضة: يلا بخاطركن
سارة: الله معكن
بيطلعو وبروحو
سارة: بتطلع على غرفتها وبيلحقها قيس
قيس: سارة
سارة: بتلتف عليه نعم
قيس: مابدي ياكي تزعلي من حكيي او شي اذا زاعجك هالامر انا مابحكي خلص
سارة: لا ليش بدي انزعج كلام وتمثيل لعي ببلاش هه
قيس: بس
سارة: بتتنهد قيس هي حياتنا ومتل ماانت بدك تضحي وانا عم ضحي وبس
قيس: طيب بيتركها وبيطلع
بتسكر الباب سارة وبتتنهد بقلبها( نظراتك لااختي عم تحرقلي قلبي وروحي وكرامتي بس انا يلي اخترت اعمل بحالي هيك بينزلو دموعها وبتحط ايدها على قلبها بضيق اخخخ اخخخ
المسا بوقف محمد بنص القصر وبينده لعظيمة
محمد: ست عظيمة
بتطلع عظيمة وبتوقف
عظيمة: نعم
#عظيمة: شايفتك لابس ومتلبس لوين يامهون
محمد: رايح اخطب
عظيمة: بتنصدم شوو
محمد: متل ما سمعتي رايح اخطب البنت يلي قلبي بدو ياها
عظيمة: ومتوقع اني اقبل على هالشي
محمد: ماعم خبرك مشان اخد رايك عم خبرك مشان ما تسمعي من الناس وهلق رايح كمان
عظيمة: انت تجاوزت كل خطوط الحمر يامحمد تجاوزت كلشي انت عرفان حالك شو عم تعمل
محمد: اي وكتير منيح واشتريت المحابس كمان واليوم وهالليلة نور حتكون خطيبتي وبيلتفت بدو يمشي
عظيمة: بتمسكو من ايدو وقف اذا حتطلع من هالبيت مالك رجعة عليه عم تفهم
محمد: ببعدلها ايدها وانتي قلتيها مارح ارجع تاركلك كلشي ورايح وصحيح مفاتيح المكتب فوق بالغرفة ومفاتيح السيارة والقصر كلو فوق رح اطلع انا وحصاني منيح يلا عيشي بهالنعيم لحالك ياست عظيمة بخاطرك
عظيمة: بتوقع بالارض على رجليها انت الخسران انت حترجع لعندي لهون لعند رجليي عم تفهم ياسيد محمد لعند صرمايتي
محمد: اذا اجيت لعندك جوعان ومامعي اكل لا تستقبليني
بسكر الباب وبيطلع بيركب على حصانو وبيطلع بلاقي اهل الضيعة واقفين عم يستنوه لان هو خبرهن بروحو على بيت نور
بيندق الباب بيفتح ابو نور وبشوف نص كبارية الضيعة موجودين ونسوانهن
ابونور: بينصدم ابني محمد شوفي
بتطلع نور ورا ابوها بتكون واقفة ومصدومة
واحد من اهل الضيعة: جايينك طالبين ياابو نور لا تردنا خايبين
ابونور: يلي جايين مشانو مجاب ان شاء الله تفضلو
محمد: بينزل من على حصانو وبفوت هو والناس بيتطلع على نور وبيبتسم
نور: بتاشرله بعيونها شوفي
محمد: بيبتسم ليطمنها
بيعدو ونور هي وامها واقفين على جنب
مختار الضيعة: اليوم اجيناك ياابو نور مع ابنا محمد

ابونور: نورتونا والله وشرفتوني
مختار الضيعة: ابنا محمد اجانا اليوم وجمع اهل الضيعة وكبار الضيعة لياخدنا معو لعندكن ونكون معو بما انو ماحدا من اهلو موجود وعندو ظروفو واصر انو تكون جاهة كبيرة
نور: بتحط ايدها على قلبها وبتبتسم
مختار الضيعة: واليوم اجينا كلنا لنطلب ايد بنتنا نور لاابنا محمد على سنة الله ورسوله
روضة بتبتسم وبتطلع بنور
محمد: بوقف اليوم جاييك ياعمي ابو نور لااطلب ايد بنتك نور لاالي على سنة الله ورسوله وجايبلك جاهة الضيعة كلها وبتمنى ما تردني فشو قلت
ابونور: والله جيتكن على عيني وراسي ومن جهتي مابقدر ارفضلكن طلب والله وانت يامحمد الله يشهد انك رجال وبينرفع الراس فيه بس الرأي رأي نور
مرت المختار: بتقرب من نور شو قلتي يانور
نور: بتطلع بامها
روضة: بتبتسم وبتهزلها براسها
يتبعع

#أصابك_عشق
#بقلم_sedra-ezlden
الجز۽ الثامن

نور: بتطلع بمحمد وبتبتسم موافقة
ببلشو النسوان تزلغط وانا زلغط وانتو زلغطو ولللللييييششش😂💃
محمد: بتكون فرحتو مو واسعتو
المختار: خلونا نقرا الفاتحة لكن
الكل بيقراو الفاتحة
بوقف محمد وبيفتح علبة المحابس
محمد: جايب معي المحابس لنلبسهن
ابونور: بيبتسم تعي نور بنتي قربي
بتبتسم نور وبتقرب من محمد
محمد: عطيني ايدك
نور: بتمدلو ايدها وهي عم تطلع بعيونو بلبسها الخاتم
وهي بتلبسو الخاتم
روضة: للللللليييشش
محمد: بيبتسم وبقرب من نور وببوسها من راسها بيهمسلها مجبورين ندوق الموز بس مارح نقدر ندوق الكرز قدامهن
نور: بتبتسم بخجل وما بترد
بتجيب ضيافة روضة وبتضيف الناس
بضلو شوي وبيمشو الكل بضل محمد عندهن بس
محمد: وهلق ياعمي صفينا لحالنا لاتحكيلك ليش اجيت لحالي
ابو نور: ابني لا تحكي شي لحكاية معروفة
محمد: امي بتعرف كيف بتعامل الناس ومارضيت تجي معي وانا تركتلها القصر وكلشي
ابونور: بصدمة تركت كلشي
محمد: اي القصر والسيارات والمال وكلشي مااخدت معي شي كرمال اجي اطلب نور
نور: بتطلع فيه وبتبتسم بقلبها( يا نور عيوني انت تركت كلشي مشاني)
محمد: وهلق حدور على شغل بالضيعة يلي جنبنا وانا اشتريت بيت كبير بالضيعة مسجل باسمي رح جهزو ونسكن فيه انا ونور بدون مااحتاج اهلي لان انا اخترت كيف بدي عيش حياتي بيتطلع على نور بدي عيشها مع انسانة اختارها قلبي وبدي ياها تكون مرتي ومعي لااخر عمري
نور: وانا رح عيش معك على المرة قبل الحلوة
روضة: وامك ياابني عظيمة مارح تتركك بحالك صدقني
محمد: لا هي خيرتني بين نور وهي ومالها وانا اخترت نور وانا حكيت اخي احمد وراجع بكرا على الضيعة كرمال يضل معها وانا خلص بدي بلش حياة جديدة بعيد عن كلشي بخصهن
ابو نور: ابني انت تركت كلشي كرمال بنتي وهاد الشي كبير كبير كتير ويلي بيترك مالو وعزو ليطلب بنتي الروح بترخصلو ان شاء الله انت ابنا وواحد مننا وفينا ومن الاول روضة تقلي محمد مو متل اهلو وانت اثبتت هالكلام اعتبر البيت بيتك ونحن اهلك
محمد: واعز والله
ابونور: اليوم ما بتطلع من عنا نومتك عنا وبكرا لكل حادث حديث
محمد: الله يخليك ياعمي بس بروح بنام ببيتي
ابونور: الدنيا ليل والبيت صار بعيد اليوم بتنام عنا وبكرا بتنام ببيتك نور
نور: نعم بابا
ابونور: زبطي الغرفة تبع سارة لخطيبك
نور: حاضر بابا(لك دخيلو خطيبي )
بتزبطلو الغرفة نور
وابو نور بفوت على غرفتو
روضة: بنتي حفوت نام انا خلي محمد يفوت على غرفتو وانتي على غرفتك يلا
نور: ماشي ماما لاتاكلي هم انتي
بتفوت روضة وبتسكر الباب
نور: بتطلع على محمد بكون اعد وعم يتطلع فيها محمد الغرفة جاهزة
محمد: بوقف وبيمشي لعندها بوقف قدامها بيمسك ايدها وببوسها وهي وفيت بوعدي وصرتي خطيبتي وقدام اهل الضيعة كلها
نور: يخليلي ياك يااحلى شي صار بحياتي
محمد: وياكي يانور عيوني
نور: على الغرفة بلا ما حدا يطلع يلا
محمد: اي اكيد يلا بيلتفت وعلى اساس بدو يروح
وهي بتلتفت وبدها تفوت على غرفتها بقرب منها بخفة وببوسها على خدها
نور: بصوت واطي يا مخادع انت بفرجيك يامحمد
محمد: تصبحي على خير عسلتي
نور: بتبتسم وانت من اهلي
بتفوت وبتسكر الباب وهو بفوت وبيتسطح
نور: بتغمض عيونها بقلبها(اليوم نمنا بنفس البيت وبكرا تحت سقف واحد ) بتبتسم وبتنام
محمد: بغمض عيونو وهي خطيت اول خطوة وحكفي للاخر انا ونور ونعمر بيتنا ونعيش سوا بدون حدا بضل بفكر ليغفى
تاني يوم الصبح بتصحى سارة على دقة الباب بتقوم من تختها وبتفتح باب غرفتها
وبتشوف قيس طالع من غرفتو
قيس: مين ياترا بهالوقت
سارة: مابعرف رح انزل افتح
قيس: جاية معك
بينزلو هنن لتنين وبتفتح الباب بتلاقي روضة
سارة: اهلين امي تفضلي
روضة: بتفوت كيفك بنتي كيفك صهري لا تواخذوني صحيتكن
قيس: ولايهمك مرت عمو تفضلي اهلاوسهلا
روضة: لا مستعجلة بس جاية خبركن انو مبارح كانت خطية نور
سارة: شوو خطبة اختي
روضة: اي اختك لكن اختي
سارة: كيف ومين وليش ماقلتولي
روضة: اخرسي يوه صارت فجاة نحن ماكنا محضرين حالنا وماخبرناكي لانك عروس يا بعدي ومين محمد الزعيم
سارة: بتبتسم وبتضم امها يي الحمدلله ياربي
قيس: بينقلب وشه وماعاد يتفسر
سارة: الف مبروك وباركي لنور مني والمسا بجي لعندكن اذا صحلي
روضة: الله يبارك فيكي بنتي
قيس: بنشافة مبروك
روضة: الله يبارك فيك ابني يلا بالاذن اجيت خبركن وبدي روح انا واختك مع محمد على بيتهن
سارة: لعند عظيمة
روضة: لك لا شو عظيمة بيتهن لحالهن وبس تجي بخبرك السيرة مالي فاضية هلق يلا السلام وعليكم
سارة: ههه ماشي امي الله معك بتسكر الباب وبتلتف على قيس بتشوف وشه مقلوب بتطلع على الدرج لتفوت على غرفتها بوقفها صوت شي نكسر بتلتفت وبتشوف قيس كسر الفازة بتنزل وبتمشي لعندو

سارة: يلا حصل خير بعد انا بلمهن لا تأذي حالك
قيس: بصرخ عليها بعديي بعديي
سارة: بتنئز وبتطلع فيه بصدمة
قيس: بصرخ اكتر بوشها كلوو منك كلو منكك انتي السبب وبيمسك فازة تانية وبيكسرها
سارة: بتصرخ من خوفها انا شو عملت
قيس: بيمسكها من ايدها بعصبية انتي يلي منعتيني اخطب نور نور لازم تكون مرتي الي اليي عم تفهمي انا بكرهك بكرهك
سارة: بتكون عم تطلع فيه وموجوعة من مسكة ايده وعيونها لدموع فيهن عم تحكي وترجف اناا دافعت عن حب اختي
قيس: بصرخ اكتر اي حب اي حبب نور لازم تحبنيي تحبنيي انتي السبب انتيي لازم هي مكانك هي يلي لابسة لبسك هي يلي بين ايدي مو انتي مو انتيي انا بحب نور مابحبك بكرهكك لازم تكون هي هلق بين ايدي وقضت معي اول ليلة من عرسنا مو انتيي
سارة: بتكون عم تطلع فيه بقسى بترفع ايدها وبتضربو كف
قيس: بحط ايدو على خدو وبيتطلع فيها
سارة: انت شو عم تحكي وصلت معك لهون لهون عم تتمنى اختي بدالي ماعاد استحيت لك هي اختي عم تتخيلها مكاني ماتوقعتك بهالقسوة بينزلو دموعها لك انا ضحيت مشان اسعد اختي ضحيت بتعرف شو يعني بتصرخ بوشو يعني بتبلش تضربو على صدرو كنت لازم اجي على هالبيت انا ومبسوطةة لازم كون حبيبتك بتكون عم ترجف بتحط ايدها على قلبها قلبي باسمك مكتوب ما بتحس مابتحس انا حبيتك ياقيس حبيتك تخيلت نعيش حياة حلوة تخيلت انو تحبني مع الزمن بس مو تضل تورجيني الكره وبسس تمنيت اختي بالليلة عرسنا نظراتك الها عم تحرقني حرق موتننيي موتتنيي حرقتلييي قلبيي دعست عليه وعلى كرامتي وانوثتي وكلشي ياريتو قلبي ماحبك ياريتو بقرب قيس منها بوجع وخجل بحط ايده على كتفها
سارة: بعد عني لا تلمسني ولا تقرب علي ياريت ماحبيتك بتطلع بعيونو ياريت ما توجعت ياريت ماعرفتك ولا منعتك انو تخطب اختي بجوز لو خطبتها ورفضت ترتاح لان حتسمع الجواب منها بس هيك انا يلي صرت مذنبة بتصرخ لك اخخخخخ بتحط ايدها على قلبها وبتطلع فيه نظرة عتب ولوم وبتطلع عم تركد على غرفتها وبتسكر الباب وبترتمي على تختها ودموعها عم ينزلو ليحرقولها قلبها
قيس: بيأعد وبحط ايده على راسو بضيق شو عملت ياقيس شو عملت
عند نور
بتكون عم تحضر لفطور هي وامها
روضة: بنتي فوتي صحي محمد
نور: مالو بالعادة ينام لهالوقت
روضة: نوم العوافي بنتي بجوز تعبان روحي صحي يلا لبين ما حط لفطور
نور: يلا
بتروح نور وبتدق الباب بس ما بتسمع جواب بتفتح الباب وبتفوت وبتسكر بتشوفو نايم بتبتسم وبتقرب منو وبتعد جنبو على التخت
نور: بتبتسم لك تسلملي هالنومة بتقرب اصابعها من وشه وبتمررهن بحنية وخفة على دقنو ورموشو بتهمسلو محمد
بس مابرد
نور: بتقرب منو وبتبوسو على خدو بخفة عبالي دوق التفاح انت ونايم
محمد: فورا بيخطف بوسة من شفافها
نور: بتنئز انت فايق دب وبتضربو
محمد: بيمسكها من ايدها وانا كان عبالي دوق الكرزات
نور: بتسرقهن سرقة قصدك يلا بعدلي وقوم يلا ياكذاب فايق وعامل حالك نايم قليل ادب
محمد: بيمسكها من ايدها وبقربها منو لك يسلمولي هالعيون وهالايدين وهالوش لك نيالي عم اتصبح بهيك وش وبدي اتصبح فيهن كل يوم
نور: بتبتسم بخجل بس محمد يلا قوم
محمد: لك يقبرني الخجول
نور: بعيد الشر عنك يلا قوم لفطور جاهز يلا
محمد: طيب يلا قايم امشي
نور: يلا حبيبي
محمد: بيبتسم خلينا شوي كمان
نور: بس بقا قوم يلا امي هلق بتفكر في شي يلا
محمد: خطيبتي
نور: بس مو مرتك ايوا يلا قوم
محمد: اي لنشوف يانور بس تصيري مرتي مين رح ينفدك من ايدي
نور: ههههه منشوف يلا
بقوم محمد وبيطلعو سوا لبرا
روضة: يسعدلي هالصباح ابني
محمد: بقرب من روضة بدو يبوس ايدها
روضة: بتسحب ايدها فورا استغفر الله ابني وبتبوسو من جبينو الله يرض عليك
محمد: ويسعدلي صباحك
روضة: يخليلي هالوش يلا لفطور جاهز
محمد: حغسل وشي بس
بغسل وشو محمد وبيطلع لعندهن بلاقي الفطور بالارض
محمد: بيعد جنب نور اي شو كل هالدلال
روضة: بعرف مالك متعود تعد على الارض وتاكل هيك فطور بس هي نحن
محمد: طيب هيك رح ازعل منك وقوم مااكل شو رايك
روضة: له ليش
محمد: انتو اهلي وانتي متل امي والاعدة والبيت والاكل على راسي هي نعمة الله خالتي
روضة: الله يحميك ويعزك يامحمد يلا سمي بالله وبلشو اكل
نور: بسم الله بتعطي خبز لمحمد
بيبتسم محمد وبياخد من ايدها وببلش ياكل
محمد: خالتي
روضة: عيونها
محمد: بدي اعترفلك شغلة
روضة: احكي ابني شو هي
محمد: انا بحب نور قبل مااخطبها
نور: بتطلع فيه بصدمة وبتسعل
محمد: يي شو صرلك هاتي مي خالتي
روضة: ماتت البنت بتعطيها كاسة مي شربي شربي بعرف انو بحبك
نور: بتشرب المي بتعرفي
روضة: لكن بدو يجي من الباب للطاقة يطلبك وهو مابحبك نظراتو لاالك كاشفتو مو هيك سيد محمد

محمد: ما شاء الله ياخالتي بتعرفي باللغة لعيون
روضة: ههههه لا ابني لا لغة عيون ولاشي بس هالشيبة مرقان عليها كتير فاانتو لتنين بدكن تخبو عني وهي بتحبك لهيك وافقت بدون تردد تقول عم تستنى تجي ههههه
محمد ونور: بيتطلعو ببعض وبيضحكو
روضة: الله يهنيكن ويحميكن الاهم من هالحكي كلو انك اجيت وطلبتها وهاد بكفي
نور: امي شكلك حبيتي ابي قبل لتتزوجو
روضة: هههههه يعلى كسرتك قال حبيتو قال لك بنتي على زماني ماشفتو ليوم العرس واذا بتفتشي بقلبي بجوز تلاقي لهلق مابحبو مابعرف كيف متحملتو ههههه
محمد: هههههه بي والله عمي ابو نور بينحب كلو هيبة وركازة
روضة: ما شاء الله عليك اخخخ لك ماحدا بيعرفو لاابو نور هاد ماحدا بيفهم عليه غير حالو لك حتى حالو بجوز مايفهمو ههههه
نور: هههه لاتحكي هيك على ابي
روضة: نطت حمصة الكيل تبع ابوها كلي وخرسي ما ناقصتك
نور: حاضر روضة خانم هههه
بخلصو فطورهن وبتقوم نور وروضة يشيلو الاكب بقوم محمد معهن وبساعدهن
روضة: شو عم تعمل ابني
محمد: عم ساعدكن شو عم اعمل يعني
روضة: يوه اعود انت رجال بدك تساعدنا
محمد: مشان حكيك بعدولي هيك انتو التنتين بدي اجلي
نور: محمد بدك تجلي!
محمد: ليش مابتعرفي انو خطيبك سيد مين بيجلي
نور: بتضحك لا والله
محمد: اي بعدي لفرجيكي الجلي
نور: لا معلش خليها لغير مرة هات هلق انا بجلي وانت اتفرج
محمد: طيب
بتوقف نور بتجلي وهو واقف عم يتفرج عليها
بتخلص جلي وبيلبسو وبيطلعو على بيت محمد
بوصلو على البيت وبيفتحلهن الباب محمد وبفوتو
نور: بتكون عم تطلع بالبيت ومصدومة من حلاوتو هاد البيت يلي حنسكن فيه محمد
محمد: اي هاد هو
نور: بتبتسم بجنن شكرا كتير
محمد: بيبتسم كلو كرمال عيونك يانور حياتي
نور: بتبتسم وبتقري بتضمو
محمد: بشد عليها وبضمها اكتر
نور: بتهمسلو بحبك
محمد: وانا بموت فيكي
نور:بتطلع بعيونو وبتبتسم
محمد: بضمها لعندو وبكونو عم يتطلعو على البيت
بتطلع روضة من المطبخ
روضة: والله البيت شي بشهي
محمد: عجبك خالتي يعني
روضة: اي الله يهنيكن يارب
محمد: امين يارب بيهمسلها مابدك تشوفي غرفة النوم
نور: بتضربو على صدرو بلا قلة ادب
محمد: هههههه شو حكيتك مشان يعجبوكي بس
نور: اننن بيعجبوني ماتخاف
محمد: طيب اذا هيك
برن موبايل محمد بطلعو وبرد
محمد: الو
احمد: كيفك اخي
محمد: اهلين اخي الحمدلله انت كيفك
احمد: مشتقلك والله انا صرت باراضي الضيعة
محمد: الحمدلله على سلامتك
احمد: الله يسلمك بس معي ضيوف
محمد: مين معك
احمد: مرتي
محمد: بصدمة تزوجت
احمد:ههههه اي تزوجت
محمد: الف مبروك اخي
احمد: الله يبارك فيك انا حروح على القصر خليني شوفك
محمد: ان شاء الله انتبه على صحة الست عظيمة من الخبر
احمد: لا تخاف جايبلها بنت بكوات رح تعجبها
محمد: اي بالهنا ياب
احمد: الله يهنيك
محمد: يلا بدك شي
احمد: سلامتك
بسكر وبيلتفت على نور
نور: احمد تزوج!
محمد: اي قال بنت بكوات هه
نور: مبروك
محمد: الله يبارك فيكي تعي نطلع نشوف السطح يلا
نور: بتبتسم وبتمسك ايدو يلا
بيطلعو لفوق وبوقفو بشوفو الضيعة من بعيد بتبتسم نور والهوا بكون عم يطيرلها شعراتها
بقرب محمد من وراها وبيحضنها من خصرها
نور: بتبتسم وبتطلع فيه وبتحط ابدها فوق ايده بدي ضل معك كل العمر ولا لحظة تغيب عني
محمد: وانا بدي كفي معك عمري بكل لحظاتو وايامو وساعاتو وشهورو وسنينو انا مابقدر عيش بلاكي نور
نور: وانا بموت لو بتبعد عني
محمد: بعيد الشر عنك طول ماانا جنبك مستحيل اسمح لحدا يلمس شعرة من شعراتك صدقيني
نور: بحبك
محمد: بعشقك
روضة: بتصرخ عليهن من تحت ياولاد وينكن تاركيني لحالي
محمد: حماتي عم تنده
نور: يلا ننزل هههه
محمد: بيشبك ايده بايدها يلا
بينزلو لتحت وبيتفقو شو بدهن يجيبو ليزبطو البيت وبيطلعو على بيت نور
عند بيت الزعيم
بوصل احمد وبتكون عظيمة منتظرتو لتستقبلو بوصل احمد وبتقرب منو عظيمة وبتضمو وبتبوسو
عظيمة: الحمدلله على سلامتك ياامي
احمد: الله يسلمك امي
عظيمة: بتطلع على البنت يلي جنب احمد منو هي
احمد: بعرفك رفيف مرتي
عظيمة: بتطلع فيه بصدمة مرتك
احمد: اي امي مرتي من بيت الباشا بنت اصول وعز وغنى وجاه
عظيمة: بتتقيل الصدمة وقت تعرف من وين هي
رفيف: بتقرب من عظيمة وبتبوس ايدها وبتبوسها
عظيمة: اهلين تفضلو العشا جاهز يلا
بفوتو وبيعدو وببلشو عشا
وعظيمة بتحكيلو يلي صار وبتقولو لااحمد انو هلق كلشي تحت تصرفه وهو بدو يرجعلها عزها ومحمد لعند رجليها هو ونور
احمد: امي انتي بكرهي اخي
عظيمة: لا مابكرهو بس بدي ندمو على الساعة يلي فضل بنت الخدم فيها على امو ما بيشبهك هو انت وقت تزوجت جبت بنت الاصول والباشا مو خدامة

رفيف: بتبتسم بخبث شكرا الك عظيمة خانم ومعك حق كيف بيتزوج خدامة وهو من بيت الزعيم
عظيمة: مو كلهن متلك يارفيف (بقلبها والله اجتك كنة ترفع راسك ياعظيمة مو متل هالشراشيح يلي دار عليهن محمد يلي كنت مفكرتو رح يربيهن طلع اضرب منهن مافي غير احمد يلي رح ياخد حقي ويرجعلي عزي اكيد)
عند محمد
( بكون اعد مع ابو نور ونور وروضة وعم يضحكو وياكلو وبعدين بيلعب مع ابو نور بالطاولة وبيغلبو ونور بتكون عم تشجع محمد وروضة عم تضحك عليهن )
بيتطلع محمد عليهن كيف العيلة دافية بيبتسم
محمد: بقلبو( هي العيلة يلي كنت عم دور عليها على عيلة دافية وفيها الحب والامان مافيها مصالح ولا كره وحقد الاكل تبعهن بتحسو نكهتو غير المي فيها الحنان تبع هالام الطيبة وهالاب يلي بيتعب طول لنهار مشان يحضر لبيتو كل يلي بيلزمهن )
نور: محمد وين صفنت
محمد: اه معكن معكن بيتبتسم
نور: اكيد
محمد: اي اكيد بكرا رح يوصلو لغراض تبع البيت ورح نبلش شغل فيه مشان يخلص من هون ونتزوج شو رايك عمي
ابونور: ابني هي نور شوفها انا مادخلني بتقلي العرس بكرا بتلاقيني عم ارقص هههههه
الكل: ههههههه
عند قيس وسارة
بتنزل سارة من غرفتها و عيونها حمر وراسها عم يوجعها بتلاقي قيس اعد وعم يتفرج على التلفزيون وبكون القزاز منضف ومافي شي البيت بتفوت على المطبخ وبتعمل قهوة وبتطلع بتاخد فنجانها على غرفتها
قيس: بيتطلع فيها وما بحكيها شي
بتمرق هالليلة متل اي ليلة مرقت قلوب فرحانة وقلوب كلها كره وقلوب كلها وجع
تاني يوم الصبح محمد ونور بكونو واقفين جنب بيتهن وعم يشوفو العمال كيف عم يفوتو لغراض
نور: بتكون فرحانة بتطلع بمحمد وبتمسك ايدو
محمد: بيبتسم وبفوتو على بيتهن
بكون واحد من بعيد عم يراقبهن بشوفهن فاتو وبيمشي
بفوت محمد ونور وبشوفو العمال وببلشو شغل وهنن عم ياشرفو عليهن ويخبروهن شو يعملو
عند عظيمة
بتصحى وبتنزل بتلاقي رفيف واحمد اعدين تحت وعم يفطرو
عظيمة بتعصب: ليش مبلشين فطور قبل مااجي
احمد: رفيف اجت ودقت عليكي الباب ومارديتي فكرنا مابدك تاكلي
عظيمة: ايمتى اجيتي
رفيف: من شوي ومارديتي علي
عظيمة: لا مااجيتي ولا سمعت صوتك عم تكذبي
رفيف: يعني ليش بدي كذب عظيمة خانم
عظيمة: مابعرف
احمد: حصل خير امي اعدي كلي وخلصت
عظيمة: ماشي الحال بتعد وبتبلش تاكل
رفيف: بقلبها( هه لسا ماشفتي شي ياست عظيمة رح خليكي تجني وانا رفيف)
عظيمة: بقلبها(ايوا اول الرقص حنجلة ياست رفيف بدك تضحكي علي اخخ بس لو ماصفلي حدا غير احمد ومابدي اخسرو انا بفرجيكي )
عند سارة
بتصحى وبتلبس وبتنزل
قيس: بيطلع من المطبخ صباح الخير
سارة: بتلتفت عليه صباح النور
قيس: عملت قهوة تعي شربي
سارة: لا بدي روح لعند اهلي
قيس: شربي قهوتك وبعدا روحي
سارة: بدي اشربها مع امي
قيس: مابيرضى يقلها اكتر طيب متل مابدك
بتطلع سارة وبتسكر الباب وبتروح لعند اهلها
بتوصل سارة وبتدق الباب
بتفتحلها روضة
سارة: اول ماتشوف روضة بترتمي بحضنها وبتبتلش تبكي
روضة: بنتي سارة شبك مين مزعلك فوتي فوتي
سارة: بتمسح دموعها مافي شي امي بس اشتقتلك
روضة: ولي على كسرتك قصفتي ركبي
سارة: هههه وشتقت لحكياتك
روضة: يعمري انتي وانا اشتقتلك سارتي لمدللة
سارة: وين نور اشتقتلها وبدي باركلها
روضة: نور مع محمد راحو ليبلشو يعملو البيت
سارة: جبلها بيت
روضة: اي بيت بيسرح فيه الخيال مو هون بالضيعة يلي جنبنا
سارة: وكيف خطبها وعظيمة
روضة: رح اعملك فنجان قهوة واجي احكيلك
سارة:يلا اووخ على فنجان قهوة من تحت ايديكي
روضة: الله يرضى عليكي
بتعمل قهوة روضة وبيشربوها سوا وبتحكيلها كلشي
سارة: الف الحمدلله الله جبر بخاطرهن
روضة: اي والله
بيندق الباب
بتقوم روضة بتفتح الباب بتكون نور ومحمد
نور: اخخ تعبت فوت محمد
سارة: اجباري حتتعبي عروس
نور: يي سارة انتي هون بتركد بتضمها
سارة: اشتقتلك وليه
نور: وانا اكتر ياعمري
سارة: بتبعد عن نور وبتسلم على محمد كيفك محمد
محمد: الحمدلله منشكر الله
سارة: مبروك ان شاء الله الله يوفقكن
نور: الله يبارك فيكي اختي
محمد: الله يبارك بعمرك شو ليش ما اجا قيس معك
سارة: بيلحقني بالليل عندو شوية شغل
محمد: الله يرزقو لان بدي منو شغلة
سارة: بس يجي فيك تقلو
محمد: هو هيك انا رح روح لكن خليكن لحالكن
روضة: لوين ابني
محمد: بدي شوف اخي وبرجع على الغدا ماتخافي مارح روح اكل عند حدا تاني
روضة: هههه ماشي الله ييسرلك
محمد: يلا بخاطركن
نور: مع السلامة
بيطلع محمد وبرن لااحمد مشان يتلاقو
بيطلع احمد وبشوف محمد على الوادي
احمد بيحضن محمد
محمد: اهلين بالعريس
احمد: انا او انت
محمد: هههه لتنين

احمد: مبروك اخي
محمد: الله يبارك فيك وانت ان شاء الله جوازة الدهر
احمد: الله يخليلي ياك
محمد: كيفها امك
احمد: منيحة مبلشة مناقرة هي ورفيف عم يصرعوني
محمد: هههه الله يعينك ويصبرك
أحمد: امين يارب
محمد: اخي بدي منك شغلة
احمد: امر اخي بدك مصاري شي لازمك شي
محمد: لك لا فهمتي غلط مشان المصاري لا مابدي يلي معي بكفوني والشغل عم اتصل على المدينة بدي اشتغل هنيك بشهادتي بس بدي منك تدير بالك على امك ومن امك يعني خلي عينك عليها لان اذا عملت شي لنور رح انسى انها امي
احمد: ان شاء الله مارح تعمل شي وانا على كلن رح خلي حدا يراقبها واذا بدها تعمل شي بخبرك
محمد: اي الله يخليك اخي
احمد: ولو ابو حميد ايمتى العرس
محمد: لنخلص البيت يعني شي اسبوعين ان شاء الله
احمد: يلا بالهنا يارب
محمد: الله يهنيك يارب
احمد: بدك شي
محمد: سلامتك
بيمشي احمد ومحمد بيرجع على البيت بتكون عتمت الدنيا بكونو اعدين عم يتعشو بيندق الباب
بتقوم سارة وبتفتح الباب
قيس: مسا الخير
سارة: قيس مسا النور
قيس: فيني فوت
سارة: ......
ابونور: مين على الباب ياسارة
سارة: هاد قيس بابا
ابونور: ليش موقفتي على الباب فوت ابني فوت
سارة: تفضل
قيس: يزيد فضلك
بفوت قيس وبتسكر الباب سارة
بينصدم وقت يلاقي محمد اعد ولابس بجامة وكانو بيتو
قيس: السلام عليكم
بوقفو الكل: وعليكم السلام
ابونور :اهلين ابني فوت حماتك بتحبك
روضة: اي اكيد بحبو
بسلم قيس على ابو نور وروضة وبقرب من محمد وبسلم عليه
محمد: اهلين قيس
قيس: اهلين فيك محمد
ابونور: جيبي صحن لجوزك سارة يلت اعود كول معنا
قيس: لا عمي صحتين وهنا
ابونور: لا شو هي صحتين وهنا يلا مابحط لقمة بتمي قبلك يلا
قيس: طيب بيعدو وبتعد سارة جنبو
ابونور: اسكبي لجوزك
سارة: حاضر بتاخد صحن قيس وبتسكبلو وبتحطلو ياه
قيس: يسلمهن
سارة: الله يسلمك
ابونور: يلا كفو اك كفو
محمد: بكون عم يحكي ابو نور ويضحك
قيس: بيتطلع بنور بطرف عينو وقت يشوف الخاتم بايدها بيتطلع بسارة بتكون عم تاكل وعيونهت بالصحن ماعم تطلع على حدا
قيس: سارة ذكاتك كاسة مي من جنبك
سارة: بتطلع فيه تكرم بتعبيلو مي وبتمدلو ياها
قيس: بيمسك ايدها والكاسة يسلمو
سارة: بتزورو وبتبعد ايدها
محمد: اخي قيس بدي منك شغلة بعد ما نخلص اكل
قيس: تكرم
بتهمسلو نور: شو بدك منو
محمد: هلق بتعرفي
نور: طيب
بخلصو اكل وبقومو وبيعملو شاي وبيأعدو كلهن
قيس: اي محمد شو بدك
محمد: بدي الفرس برق
نور: بتطلع فيه وبتبتسم
قيس: مافهمت شو بدك فيه
محمد: بدي اشتريه
قيس: بس هاد
محمد: لنور بعرف هي يلي بتركبو ولان هي يلي بتركبو بدي اشتريلها ياه بيتطلع بنور وبيبتسم
قيس: ما بيعجبو اي اكيد فيك تجي بكرا وتاخدو
محمد: تمام مشكور
قيس: ولو انتو اهلي
سارة: بتطلع بنور ومحمد وبتبتسم بقلبها(الحمدلله اني عم شوف هيك حب قدامي مستعد يعمل اي شي ليسعد اختي) بتطلع على قيس وهو بيتطلع فيها
قيس: بقلبو( كلامك كركبني ياسارة انتي بتحبيني وانا عم احرقك بحبي لااختك بس خلص بوعدك رح يتغير كلشي مع الوقت صدقيني)
سارة: بدك نروح قيس
قيس: يلي بدك ياه انتي
سارة: خلينا نروح يلا
قيس: متل مابدك يلا امشي
بيطلعو قيس وسارة من البيت وبيمشو على بيتهن
سارة: بتكون بردانة بتحط ايدها على كتافها وهي عم تاشعر
بيشلح جاكيتو قيس وبحطلها ياه على كتافها
سارة: بتطلع فيه
قيس: مشان ماتمرضي خليه عليكي
سارة: شكرا
قيس: العفو بحط ايديه بجيابو وبضل يسرق عليها نظرات
سارة: بتشم ريحة عطرو من الجاكيت وبتبتسم بخفة وبتضم الجاكيت لقلبها اكتر
بوصلو على البيت بيفتح الباب قيس وبتفوت سارة وبسكر
سارة: بتشلح جاكيتو وبتمدلو ياه تفضل ويسلمو
قيس: بياخد الجاكيت منها سارة
سارة: نعم
قيس: بيمسك ايدها سامحيني انا قسيت عليكي وخبصت بالحكي والمفروض مااحكي هالحكي نور خلص صارت على اسم شخص تاني وانا تزوجتك مابصير فكر فيها بعرف اسف جرحتك وبكيتك
سارة: بتطلع فيه قيس مابدي تعتزرلي اذا اعتزرتلي شو بستفيد ولاشي بدي تعتزر لقلبي فيك فيك تلزق الجرح يلي عملتو بايدك لقلبي مافيك مافيك
قيس: عطيني فرصة لعوض عن يلي عملتو
سارة: قيس مافيك تعوض شي ولما بدك تعتزر مني وتحكي هالحكي لازم يكون قلبك بدو هالشي مو انت مو مشان تراضيني ولا مشان تغفر عن الشي يلي عملتو انا مابدي شي طول ماانا بهالبيت الك علي قدملك يلي بيتوجب علي وبس بتلتفت وبتطلع على غرفتها
قيس: بغمض عيونو بتعب اخخ اخخ بيتسطح على الكنباية وبضل عم يفكر مالو عرفان شو عم يعمل ولاشو بدو يعمل بيرجع بقوم وبيطلع على الغرفة بيمسع صوت بكى سارة بس هالمرة بكاها بيحرقلو قلبو بيفتح الباب شوي شوي وبفوت لعندها

سارة: بتحس عليه وبتكتم شهقاتها بايديها
قيس: بقرب منها وبيلمس على شعراتها بهدوء
سارة: بينزلو دموعها اكتر وقت تحس بايدو على شعرها
قيس: بيهمسلها انتي اطيب وارق مخلوق قابلتو بحياتي
انا اسف على كل دمعة نزلت من عيونك بسببي اسف
سارة: بتلتف عليه وبتتخبى بحضنو وبتبكي اكتر
قيس: بحط ايده على خصرها وبقربها منو اكتر وبضمها بعتزر لقلبك لرقيق يلي كسرتو بكلامي بعتزر سارة
سارة: بصوت خافت وعم يرجف ممكن ضل بحضنك هالليلة
قيس: بضمها وبيركي راسو على التخت وهي بتضل بحضنو وهو شادد عليها وعم يلمس شعراتها بهدوء وبحنية
بتغفى سارة وهي عم تبكي وهو بيغفى وهو حاضنها
تاني يوم الصبح
بيصحى قيس بكون رقبتو عم توجعو وبشوف سارة لسا بحضنو
قيس: بيتطلع فيها بحنية وبقرب بيلمس خدها بهدوء بشوف وشها سخن بقرب شفافو من جبينها وبتكون متل النار
قيس: سارة سارة
سارة