*ما أذكر انّي بِتُّ للّه وانا ضائِق او مظلوم وانا ادعوهُ الّا واثلجَ الله صدري إمّا برؤية او في الحقيقة*🤍🍃


*اللهمَّ صلّ الله عليهِ وسلّم*🤍🍃

أبقى عشرة !
على نفسك وصحتك ومستقبلك وكل تفصيلة بتخُصك.

ح تلقى كلام التنميه البشريه محاوطك من كل جهه وبديك كم رأي ووجهات نظر مختلفة
لكن الحقيقة إنك مُهِم في كل الأوقات.

من حقك تدي نفسك محبَّة وأمان قبل ما يديك ليها الغير، تطمن قلبك قبل كل الناس ، تكون مسؤوليتك مرميه ليك إنت ما للماشي والغاشي.

فلان قَدَم ليك وِقف معاك عِلان أخد مشى جاء بكل المُسميات ما ترمي نفسك لي زول لا تلوم ولا تعاتب.

ماف زول فينا بِتعلم وبيتقن حاجه من دون صبر ومحاولات، مرّه واتنين وتلّاته حاول لحد ما يِجي الوقت وتعمل أفضل وأحسن وتطور نفسك وتاخدها لبّر أمانك إنت ما برّ حبايبك !

جينا الدنيا عشان نسعى وما جينا لي فراغ ..

ما بين كل نهاية سنة بشوف شخصية مُعينة إنسان كبير في السن بس فاهم الحياة صح، نتلّاقى صُدف ..

ذات مرّه أذكر قال لي :
ربنا ما خلقنا عبَث ، جينا لي غاية والواحد لازم يبدع في لوحته♡..

شوف بالله الحروف ذاتها طالعه بي هيبتها تبارك الرحمن!

خليك إنت الإضافة في حياتك،المُحاولات هي سبب النجاح ، ماف زول ناجح من غير محاولات ، لا تكِل ولا تمِل لكن أخد ليك break خفيف لطيف وأرجع تاني من أول ..
الإنسان بيحتاج ما بين كل فترة والتانية يرتب نفسه ، يراجع أولوياته والمراجعة بتاخد وقت ، ما تطول على نفسك السِكه ، خليك حريف وأرسم لوحتك بي رَويّه،
خليها حِلوة في عيونك، وأتقِنها.

الحكاية سَعي .. والسعي عُمرو ما كان محدود !

قبل ده كله .. إتوكل على ربّ العالمين بتولّاك وبنصُرّ❤️.

#وعد_الدرديري

يقول الشيخ بدر آل مرعي:

‏كنت ولا أزال أرى أن مفتاح إنجاز المهمات الصعبة هو:
{ادخلوا عليهم الباب فإذا دخلتموه فإنكم غالبون}.

نبقى كثيرًا مترددين في تيه التثاقل وتأنيب الضمير وحمل الهم وضوائق تراكم الأعمال، وليس بيننا وبين تحصيل المطالب -بعد توفيق الله- سوى المصابرة الأولى على مُرِّ البدايات.

إحدى الأخوات سألت في إستوري خاص بها على واتساب:
كم أنجزتم في الأيام أو الفترات التي قررتم فيها ألا تتصفحوا أبدًا وسائل التواصل الاجتماعي؟
والله إن الأجوبة التي نشرتها لاحقًا على سؤالها
أخجلتني أمام تقصيري!
كم من شخص زجر تثاقل نفسه، وأغلق عنها باب
ما يُشغلها مثل وسائل التواصل، وترك عنه تأنيب الضمير
بأنه مقصر وهو جالس لا يُحرك شيئًا ليُصلح تقصيره!
تلك الأجوبة أثبتت لي أن هؤلاء ليسوا من عالم آخر، هم اللذين سلكوا دربًا تركه الجميع خاليًا، هم من اختار ألا تضيع الثانية في غير محلها، وغيرهم، يتسابقون على التريندات ومقاطع الانستا!
دخلوا على أنفسهم فشدوها لمافيه صلاحها، لم يطاوعوا أنفسهم ويتركوها تسرح مثلما تريد، من هؤلاء من أتقن 3 أجزاء من القرآن يحفظها الآن مثل اسمه!
ومنهم من ختم 200 حديث صحيح عن الرسول صلى الله عليه وسلم حفظًا غيبًا!
ومنهم من أكمل برنامجًا دينيًا دسمًا، فحفظ وقرأ الكتب وملأ قلبه بالدين والعلم وحرص أن يُطبقه!
منهم من اكتشف صفاتٍ ومهارات لم يكن يعرفها في نفسها، ومنهم من ختم القرآن حفظًا أو تلاوةً ينساب من صدره مثلما يذكر اسمه من شدة اتقانه للحفظ وحرصه على ورد التلاوة والمراجعة!
منهم من ختم تفسير القرآن كاملاً!
ومنهم من انتظم في صلاته المفروضة والنوافل وقيام الليل، فأصبحت جزءًا منه لا يتركه!
ومنهم من أصلح نفسه وتبنى عادةً حسنة، وترك عادةً سيئة..
ومنهم ومنهم...
لا أحصيهم عددًا!
هؤلاء حولك، لن يخبروك بوجودهم دائمًا، لكنهم موجودون، آثروا الوقت وأعمارهم، على بضاعة الدنيا الرخيصة، علموا أنهم لن يأخذوا سوى الحسرة حين ينتهي الوقت وقد ضاع جُّله في الميديا!
يوم يتمنى الإنسان أن يعود ليصلي صلاةً نافعة، فلا ينفع يومها التمني ولا الرجاء ولا الحسرة!
أعتقد انه لا أنسب من هذا الوقت لتجلس مع نفسك، كن صادقًا، أين يذهب كل يومك؟
شيءٌ نافع في دنياك وآخرتك؟ أم أنك غارقٌ في الفضاء الافتراضي لا تعلم كم مضى؟

-اسال الله أن يغفر لنا ويهدينا لمافيه صلاح لنا.🌸♥️

#زكية_عاطف

"هَذا اللي دائماً أقوله لنفسي وأذكّرها فيه.. الرحلة في هذهِ الحَياة فردية؛ فلا أنتَ بسابقٍ أحد ولا أحد بِسابقك، لَك طريقك، أحلامك، رِزقك المَكتوب والوقت المُناسب لِتحقّق كُل شيء.. وصول الآخرين ما مِقياس أبداً لنجاحهم ولا مِقياس لِفشلك، خصيصاً مع السوشل ميديا والمظاهر تحسّ أن الشخص مُمكن يصيبه إحباط لما يفكّر أن "أقراني وصلوا، أنا ما وصلت.. صديقي نجح، أنا باقي ما نجحت، أخي حصّل، أنا ما حصّلت..." هذي المُقارنات ما مِنها فائدة سِوى أنّها تخلي الشخص يِفكّر بِكآبة وأنه ناقص ومُختلف عن الآخرين وقد يصِل فيه الأمر أنه يفكر أن الله ما يحبه أو غاضب منه أو يحرمه -تعالى الله عن ذلك- فالله لا ينسى أحد ولا يظلم أحد وكُل عَبد مِن عِباده عِنده أهمّيته وقيمته ومِقداره💙 فعشان كذا ركّز على طريقك فقط، وانسَ كُل ما حولك و "لا تمُدَّنَّ عَينيكَ" على رِزق غيرك

لما تتصالحوا مع هذي الفكرة صدّقوني بتحسّوا الحَياة تلين، وتوقّفوا تركضوا بِنَهم وطَمَع.. بالعكس تَسعوا بهدوء وتعملوا بِجِدّ وإتقان وأنتم كلكم طمأنينة💙"

السلام عليكم ورحمة الله وبركاته

من سار بين الناس جابراً للخواطر أدركته عناية الله ولو كان في جوف المخاطر..💜🌧

ده رقم الواتس للحوجات:
0125884502


ادخل باسمك وانا اسيّف الرقم ✅

رَفرِف أيا قلبُ وأمضي.. نحوَ المدينة🥺🥺💜💜💜💜💜💜💜

#هذا_الصباح❤️

من سنتين اتعلمت إني كل ما أقع ف مشكلة أفضل أقول: " لا إله إلا أنت سبحانك إني كنت من الظالمين ".

بطريقة ما كانت المشكلة بتتحل ، وقتها كنت بفتكر سيدنا يونس و هو ف بطن الحوت لو أنا كنت مكانه هل كنت ح ابقي متأكدة إن دي النهاية ؟ بس همن سنتين اتعلمت إني كل ما أقع ف مشكلة أفضل أقول
" لا إله إلا أنت سبحانك إني كنت من الظالمين "..

بطريقة ما كانت المشكلة بتتحل ، وقتها كنت بفتكر سيدنا يونس و هو ف بطن الحوت لو أنا كنت مكانه هل كنت ح ابقي متأكدة إن دي النهاية ؟ هو كان واثق إنو المحنة هتعدي.

السنه دي أنا بتعلم حاجة جديدة، أنو كل ما الإحباط يوصل لقلبي وأحس أن الدنيا بتقفل خلاص أفتكر قوله تعالي ف سورة الصافات :
" فما ظنكم برب العالمين" ..

فتبدأ الدنيا تنور من تاني.

حتي لو ماجات الحاجة اللي كنت بتمناها بس بقيت عارفة ومتأكدة إن وراها خير جاي كتييير ❤️.

#ريما_عباس
#يومياتي_العزيزة.

إذا أردت أن تعصي الله فلا تعصيه بنعمه

تأملات في سورة #الكهف في يوم #الجمعة
للشيخ محمد سيد حاج رحمه الله
والعاقبة للمتقين سورة الكهف

حتخجل من نفسك بعد البوست دا ...💔

صليت الصبح حاضر ولا لا ؟
ما تجاوبني وخلي إجابتك عندك ..

الإمام أحمد ... كان لما يجي يصلي في الحرم المكي ويسجد ...حمام الحرم المكي بعتقد إنو الإمام دا جزء من حجارة الحرم او حيطان الحرم بقعد عليه ✨💓

الحمام ما مفتكر إنو دا إنسان بسبب طول سجودو وعدم حركتو فبقعد عليه وبطير والإمام لسة ساجد✨🌸

كان لما يمشي البيت .. أولادو الصغار بحترموه .. فبمجرد ما يدخل ..بسكتو كلهم 💗 إحتراما ليه ...
ولما يبدا الصلاة ... ياداب بكوركو وبهظرو وبضحكو زي ما كانو ... عارفين ليه ؟

عشان عارفنو لما يكبر تكبيرة الإحرام ...بنفصل عن العالم الخارجي وبكون في رحاب ربنا سبحانه وتعالي 💓

سيدنا الحسن بني علي رضي الله عنه .... كان لما يجي يتوضي للصلاة .. لون بشرتو بتتغير وبيبقي لونو شاحب شدييد ..
لما الناس يسألوه .. مالك لونك بتغير لما تتوضي ؟

بقول ليهم : أو. لا تعلمون علي يدي من أريد أن أقف ؟

انتي ما عارفني ماشي أقيف قدام منو ؟

ربنا يا شااب ..ربنا سبحانه وتعالي 🌼🌸

كتيير مننا ..صعب يخشع في صلاتو .. ويركز فيها .. صعب يكون من الناس البكت في الصلاة .. وهو حاسس إنو بكلفتها ساي وما حاسس بطعمها 💔

حال السلف في الصلاة .. كان عجيب امرهم
أحد الصحابة .. عندو مرض في رجلو .. وعايزين يبتروها ليه .. ومخدر ماف ..طيب الحلل شنو ؟

قال ليهم خلوني أصلي وأثناء الصلاة أقطعوها لي 💗

الله لقلوبنا نحن .. كلما نحاول نربطها بالصلاة عشان نفوز وننجي من النار .. ترفض وتعاندنا
💔💔💔💔
الله لقلوبنا نحن الممكن تقيف في حفلة 5 ساعات وما بتقدر تقيف في صلاة ربع ساعة وبنقول للأمام صلاتك طويلة يااخ ...

أحد الأئمة بقول :
والله لو كانت قلوبكم نظيفة ما شبعت من كلام ربها ولكن قلوبكم متسخة بوسخ المعاصي والذنوب 💔

( قَدْ أَفْلَحَ الْمُؤْمِنُونَ )
المؤمنون وينم يا رب الأفلحو ؟
عندهم صفات ممكن نعرفهم بيها ولا لا ؟

وكأنوو ربنا برد علينا بنعم .. عندهم صفات وصفاتهم في الأية البعدها ...

{ الَّذِينَ هُمْ فِي صَلَاتِهِمْ خَاشِعُونَ}

لمتين حتفضل تقطع في صلاتك .. خلي الخشوع ..في مننا ناس ما قاعدين يصلو .. او صلاتهم مقطعة ..العشاء مع الصبح ..والضهر مع العصر ...💔

إنت عارف إنو حاليا في شاب زيك كدا ..في المقابر مات وهو بقطع صلاتو .. ومات وهو ما قادر يصلي النوافل عشان تقال عليه .. ومات وهو بقطع الصلاة



#منقول.

وأنا فى المواصلات لقيت واحد مطلع المصحف وح يقرأ .. وقاعده جمبي مرأة كبيرة ف قالت ليهو ي ولدي أقرأ لي سورة يوسف وع صوتك لحدي ما نوصل ، بدل الهم الإحنا بنسمعوا طول النهار في الركشات دا .. عاين كدا وضحك وقال ليها اشمعنا يا أمي سورة يوسف ؟!!
قالت ليهو عشان أنا بحبها !
زوجي الله يرحمه كان بيصلي بيها كل يوم قيام الليل .. ومن ساعه ما مات وأنا مفتقداها .. أنا يا ولدي م بعرف أقرأ ولا لي فى الحاجات الجديدة بتاعتكم دي .. هو كان نوري الانطفأ من ساعة فراقه .. وفجأه لقيت عيونها ح تدمع قولت ليها استهدي بالله كدا وقام الولد داخل على سورة يوسف !! السواق قال ليهو " على صوتك يا أستاذ ! والعربية خيم عليها الصمت !
المرأه طول ما هي بتسمع مبسوطة وخاته يدها ع قلبها لحدي ما جات تنزل !! قالت ليهو أمشي ياولدي ربنا يرزقك من فضله !!
الشغف الكان عند المرأه وهي بتسمع ’ وصل لي رسالة جميلة جدًا المرأه ببساطة قدرت تعبر عنها " هو كان نوري الإنطفأ من ساعة فراقه " وصدق من قال " الحبّ إتصال بين النفوس في أصل عالمها العلوي " ربنا ما يوجع زول فى النور العايش بيهو

حافظو علي بعض عبرو حبكم لي بعض قبل م الله يشيل الامانه ، م تزعلو من بعض عشان الموت م معروف يشيل منو اول ..❤️

حُكي عَن بعضِ السَّلف أنَّ سماع سُورة يوسف يُذهِب الحُزن

وقالَ عطاء بن أبي رَباح: لا يَسمع سورة يوسف محزونٌ إلَّا استَراح.❤️

"س/ لماذا يؤخر الله تعالى إجابة الدعاء؟!

ج/ ليجيبك فى الوقت المناسب، ولتؤجر على صبرك على هذا التأخر، ليجبر خاطرك بما ينفعك وما هو أفضل من دعائك."

"ما رأيت شيئًا إلا ورأيت اللَّه قبله، وبعده، ومعه، وفيه".

— عليّ بن أبي طالب.

سبحان الله، والحمدُ لله، ولا إله إلا اللهُ، واللهُ أكبرُ، ولا حولَ ولا قوةَ إلا بالله.

السلام عليكم...

أنا شاب زيكم، حفظت القرآن وبشتغل على طلب العلم الشرعي،
وشُفت كيف كتار من الشباب والبنات تايهين، محتارين، أو حتى زهجانين من الدين...
ما لأنو الدين غلط، لكن لأنو ما لقوا الزول اليوصلو ليهم بطريقة قريبة من واقعهم.

ومن هنا بدأت قناة مهاجر العايدي.

قناة بتناقش قضايا الشباب، بترد على الشبهات،
وبتواجه أفكار التغريب والعلمانية،
بأسلوب علمي واضح ولهجة سودانية بسيطة...
من غير تعالي، لا تكفير، ولا تنظير فاضي.

القناة دي ليك إنت وإنتي:
■ لو كنتو ملتزمين ودايرين تستمرو ف طريقكم.
■ أو طلاب علم، أو مثقفين، أو شايلين همّ الدين.
■ أو كنتو حيرانين، تايهين، أو حتى ما مقتنعين بأي حاجة...
لكن لسه في دواخلكم إحساس إنو في حاجة ناقصة.

📍تابعونا على يوتيوب:
🔗 https://youtube.com/channel/UCnm_3Z7VSHBlI-M9OEzd-8g?si=aluvEoIIGeqoclKq
📬 وانضموا لينا في التليجرام:
🔗 https://www.tg-me.com/al3ayde

#مهاجر_العايدي

لاقتني استشارة لواحد بقول عايز يفسخ الخطوبة عشان خطيبته 3 سنة مخطوبة ليهو وماحصل قالت ليهو بحبك!
فعليه -في نظره- هي زولة باردة وهو عكس كده، وحتى لما هو يبادر بكلمة اشقت لك هي بتغير الموضوع ودي كلّها مؤشرات- في نظره- بتقول إنّها باردة!!

الحلو في الموضوع غير تدين المخطوبة الله يثبتها ويثبتنا، بعض تعليقات البنات كانت واعية وبتقول ليهو هي تستاهل واحد ذيها عارف ومقدِّر عفتها ..

أي نعم في بعض التعليقات بقولوا ليهو هي فعلًا باردة فخليها، وحواء والدة والبنات كتار ...الخ

لكن المبهج في زمن الفتن دا تمسك العفيفات بعفتهن حتى فيما هو بعيد عن عيون الناس ودا الجهاد الحقيقي والجهاد الصعب!..
ذي ماالواحد بطنه طمت مِن قصص البنات البفرطوا في الحاجة دي مجاهرة، في بنات الكلمة الواحدة بتوزنها قبل تطلع للجنس الآخر ولو كان خطيبها عشان الخطيب مافي أي حدود بتسقط عنده ذيو وذي أي راجل أجنبي، يجوز تتكلم معاه نعم، لكن بضوابط مافيها أي اشتقت لك ولا بحبك!!

فدي رسالة ثبات لك ..
البنات كتار اللي متمسكين بطريق ربّنا وبراعوا ربّنا في كل تصرفاتهم، ما إنت براك، وكونك تقدمي تنازلات عشان ترضي راجل غريب عشان يتزوجك فدا ما إلّا دلالة على جهل قلبك بالله، عشان مافي تمسك بدين بمنع رزق!
والزواج رزق مِن عند الله ..

ماتعايني لكلام الناس أخير لك اتخارجي وتقعدي لمتين، والرجال كلهم كده ...الخ
لا ياعزيزتي ذي ما إنت مختلفة عن كتير مِن البنات اللي بقى همهم الدنيا ربّنا قادر يرزقك رجل يخاف الله فيك همه كهمك الدين قبل الدنيا!..

لو قالوا لك دا بجي حبة واحدة في الدستة؟
طيب مالو؟!
ما إنتِ ذاتك بدينك وحيائك وعفافك حبة واحدة في الدستة!
إنت ماهينة وتستاهلي البعرف قيمتك فعلًا!

وخلي في بالك مجرد ما تصلي مرحلة عايزة تتزوجي عشان تتخارجي حتختاري غلط!

خلينا نتفق عليها قاعدة ..
الراجل البخاف الله، وبعد داك عشانه اتنازلي ..
لكن ما تتنازلي عن البخاف الله مقابل أي عرض دنيا زائل!.

والله يا بنات الأمّة محتاجة صالحات مصلحات ..

والراجل بأثر في المرأة أكتر مِن تأثيرها فيه، دا الغالب وإن كان في شواذ لكن ما تخاطري بدينك في بيت رجل لا يراعي فيه حدود الله ..
وماتقولي مامشكلة حينصلح بعد الزواج دا وإن كان موجود لكن نادر شديد، وعشان كده ربّنا جعل الطاعة حق للزوج وليس للزوجة..
فاشتغلي على نفسك شديد عشان تكوني أم صالحة مصلحة واختاري اللي شغال على نفسه ذيك وقادر يسندك..
الحياة صعبة والنفس لها هفوات فلو هو ماذيك أو أعلى مِنك درجة، صدقيني مهما كان تدينك لو هو ما ذيك، المعاشرة بتأثر فحتلقي نفسك بدل تمشي قدام بترجعي وراء، وما ضاعت الذرية إلّا بضياع أهل البيت أولًا!..

فاللهمَّ الصالح للتقية..

والسلام!

#ترتيل_الخزين

مساء الخير لُطفًا ❤️..

أحياناً، ربنا ما بيجاوب الدعوة بالطريقة الإنتَ ناديت بيها..
لكن بيرتّب ليك ظروف توديك لحاجة أحسن بكتير من البتتمنّاها.
مرات بتنهار، عشان يجيك بناء جديد..
ومرات بتخسر، عشان تتعلّم تكسب صح.

الزول البيختفي، والمكان البتتفرك منه، والحاجة الإنهارت قدامك..
كلها حاجات ربنا شايف إنها ما بتنفع ليك،
وإنت كنت ماسك فيها بقلبك..
لكن هو شايل ليك البديل الفيهو راحة ورضا وستر وفرح.

فـ خليك مطمئن..
كل يوم بيعدي وإنت صابر، هو خطوة لقدّام،
وكل "لا" في طريقك، هي "نعم" جاية من رب حكيم بيحبك🤍.

ربنا ما بينسى زول عايز الخير،
وإنت واحد من الناس ال ح يجبرهم على قَدْر الصبر..
بل أكتر ❤️🪹.

@pep_up7