Surxondaryo viloyati Favqulodda vaziyatlar boshqarmasi Hayot faoliyati xavfsizligi o‘quv markazi hamda Termiz shahar FVB hamkorligida Toshkent tibbiyot akademiyasi Termiz filialida “Aholini zilzilaga tayyorlash haftaligi” munosabati bilan davra suhbati tashkil etildi.

Tadbir davomida talabalarga zilzilaning kelib chiqish sabablari, uning oqibatlari hamda zilzila sodir bo‘lgan paytda to‘g‘ri harakat qilish qoidalari bo‘yicha batafsil ma’lumotlar berildi.

Shuningdek, davra suhbati jarayonida talabalar mavzu doirasida o‘zlarini qiziqtirgan savollarni berib, mutaxassislar tomonidan atroflicha javoblar olishdi.

Termiz shahar Favqulodda vaziyatlar bo‘limi xodimlari tomonidan 14-Davlat maktabgacha ta’lim tashkiloti tarbiyalanuvchilari bilan “Zilzila haftaligi” doirasida profilaktik tadbirlar o‘tkazilmoqda.

Tadbir davomida bolalarga zilzila vaqtida to‘g‘ri harakatlanish qoidalari, xavfsizlik choralari hamda favqulodda vaziyatlarda o‘zini tutish madaniyati haqida amaliy va nazariy tushunchalar berilmoqda.