Toshkent tibbiyot universiteti Termiz filiali 2-son talabalar turar joyida Termiz shahar Favqulodda vaziyatlar bo‘limi xodimlari tomonidan O‘zbekiston Respublikasi Prezidentining 2023-yil 16-maydagi PQ–158-son qaroriga asosan, mamlakatimizda o‘tkazilayotgan “Aholini zilzilaga tayyorlash haftaligi” doirasida tungi tekshiruv va o‘quv mashg‘uloti tashkil etildi.

Mazkur tadbirning asosiy maqsadi — talabalarning zilzila vaqtida to‘g‘ri harakat qilish bo‘yicha bilim va ko‘nikmalarini oshirish, ularni favqulodda vaziyatlarga tayyorlash hamda xavfsizlik madaniyatini yuksaltirishdan iboratdir.

Zilzila haftaligi doirasida Termiz shahar Favqulodda vaziyatlar bo‘limi xodimlari tomonidan Surxondaryo viloyati Bojxona boshqarmasida keng qamrovli profilaktik tadbirlar o‘tkazilmoqda.

Tadbirlar davomida xodimlarga zilzilaga tayyorgarlik ko‘rish, favqulodda vaziyatlarda to‘g‘ri harakatlanish, evakuatsiya tartibi va birinchi tibbiy yordam ko‘rsatish qoidalari yuzasidan batafsil tushuntirishlar berilmoqda.

Shuningdek, amaliy mashg‘ulotlar o‘tkazilib, bino va inshootlarning seysmik xavfsizligi bo‘yicha tavsiyalar ham berildi. Ushbu tadbirlarning asosiy maqsadi — aholi va tashkilot xodimlarining zilzila kabi tabiiy ofatlarga tayyorgarlik darajasini oshirish, xavfsizlik madaniyatini yanada mustahkamlashdan iboratdir.