🛣SURXONDARYO VILOYATI
⚡️RАMАZON – SAXOVAT, BIRDAMLIK VA BAG‘RIKENGLIK OYI

✍️Muborak Ramazon oyida xalqimiz orasida o‘zaro hurmat muhiti yanada mustahkamlanib, kam taʼminlangan, ijtimoiy himoyaga muhtoj kishilarni qo‘llab-quvvatlash kabi ezgu tashabbuslarga alohida eʼtibor beriladi.
Аyni xayrli ishlar ifodasini shu kunlarda Surxondaryo viloyati Аvtomobil yo‘llari Bosh boshqarmasi hamda uning tarkibidagi korxonalarda tashkil etilayotgan saxovat tadbirlari, yozilayotgan iftorlik dasturxonlari misolida ham ko‘rish mumkin.
Xususan, Termiz tuman Yo‘llardan foydalanish davlat muassasasi tomonidan Ramazon hayiti munosabati bilan doshqozonlarga sumalak qo‘yilib, iftorlik dasturxoni yozildi.
Tadbir bahonasida korxona ishchi-xodimlari bir dasturxon atrofida jam bo‘lishib, dildan suhbat qurishdi. Sumalak kovlab, ezgu niyatlar ila duoga qo‘l ochishdi.
Bu kabi saxovat tadbirlari Boshqarma tarkibidagi korxonalarda davom ettirilmoqda.

🇺🇿Surxondaryo viloyati Avtomobil yo‘llari Bosh boshqarmasi matbuot xizmati

⚡️RASMIY MUNOSABAT

💥Ijtimoiy tarmoqlar orqali tarqalgan “Sheroboddagi Do‘stlik mahallasidagi asfaltlashdan...” deb boshlanuvchi xabar yuzasidan Surxondaryo viloyati AYBB quyidagilarni ma’lum qiladi:

✍️ Videomurojaatda keltirilgan obyekt D025 (4R23j) “k) Sherobod shahriga (1398 km.dan)” avtomobil yo‘lining 4–6-km oralig‘i bo‘lib, bu yerda Sherobod TYFDM tomonidan 2022–2023-yillarda qurilish-taʼmirlash ishlari bajarilgan.
2023-yilda “Beta panel servis” MChJ tomonidan mazkur avtomobil yo‘lining o‘ng tomonidan oqova suv (kanalizatsiya) tarmog‘i rekonstruktsiya qilingan. Аmmo, qayta ko‘mish ishlari sifatsiz bajarilgan.
Harakat xavfsizligini taʼminlash maqsadida yo‘l belgilari o‘rnatilgan bo‘lib, “Beta panel servis” MChJ tomonidan ushbu nuqsonlarni taʼmirlash choralari ko‘rilmoqda.
Tugallanmagan avtobus bekati masʼullari ham obyektni buzib olishi va tegishli joyda qurishi to‘g‘risida ogohlantirilgan. Bekatning ruxsat etilgan joyda qurilishi taʼminlanadi.

🇺🇿Surxondaryo viloyati AYBB matbuot xizmati

⚡️ RASMIY MUNOSABAT

💥 Ijtimoiy tarmoqlar orqali tarqalgan “Бойсун ва Қизириқ туманига кириш-чиқиш йўлларини таъмирланглар...” deb boshlanuvchi murojaat yuzasidan Surxondaryo viloyati AYBB quyidagilarni ma'lum qiladi:

✍️Videomurojaatda keltirilgan 1-obyekt: Boysun tumani hududidan o‘tuvchi D161 (4R105) “Darband q.-Boysun sh.-Elbayon q.” avtomobil yo‘li bo‘lib, bu yerda olib borilayotgan taʼmirlash jarayoni bo'yicha murojaat muallifi, bloger-Feruz Zoirovga yetarli maʼlumot va tushuncha berildi va u noo‘rin murojaat qilganini anglab yetdi.
Videomurojaatda keltirilgan 2-obyekt: Boysun tumanidan Qiziriq tumaniga kirib keluvchi D164 (4R103) “Sherobod sh.-Surxon temir yo‘l stansiyasi” avtomobil yo‘lining 45-kilometri hisoblanadi.
Qiziriq TYFDM tomonidan ushbu avtomobil yo‘lining 18–45-kilometrlari oralig‘ida joriy ta’mirlash ishlari amalga oshirilgan bo‘lib, hozirda mazkur avtomobil yo‘lining qoplama holati to‘liq yaxshilangan.

🇺🇿 Surxondaryo viloyati Avtomobil yo‘llari Bosh boshqarmasi matbuot xizmati