📌 እግዚአብሔር ሰው መከራን እንዲቀበል ለምን ይፈቅዳል?

➯ እግዚአብሔር ለሰው ልጆች ያለው ፍቅር ፍጹም ነው ብለን ካረጋገጥን በሚሠራቸው ሥራዎች ሁሉ ውስጥ ያለውን የእርሱንም ጥበብ ልናረጋግጥ ይገባናል፤ ስለዚህ  እግዚአብሔር በፍቅሩ ውስጥ ፍጹም እንደ ሆነ በጥበቡም ውስጥ ፍጹም ነው፤ ችግርና አስቸጋሪ ነገሮች መከራቸውን አስከትለው ወደ ሰው መምጣታቸው ግን እግዚአብሔር በሰው ልጆች ያለ መደሰቱ ምልክት ሊሆኑ አይችሉም፤ ለሰው ልጆች ለበጎ ሆነው የሚመጡ ነገሮች ናቸው እንጂ ሐዋርያው ቅዱስ ያዕቆብ እንዲህ በማለት ተናግሯል፡፡
✍️"ወንድሞቼ ሆይ የእምነታችሁ መፈተን ትዕግስትን እንዲያደርግላችሁ አውቃችሁ ልዩ ልዩ ፈተና ሲደርስባች እንደ ሙሉ ደስታ ቁጠሩት"
📖ያዕ 1፥2-4

➯ ስለዚህ መከራዎች እግዚአብሔር ለሰው ካለው ፍቅር ጋር ሊጻረሩ አይችሉም ማለት ነው፤ ከችግሮችና ከመከራዎች በስተ ጀርባ የእግዚአብሔር ጥበብ አለ፤ እግዚአብሔር አምላክ ችግሮችና መከራዎች በሰው ላይ እንዲደርሱ የሚፈቅደው  ሰውን ሊቀጣው ብሎም ከኃጢያቶቹና ከመጥፎ ልማዱ ነጻ ሊያወጣው ነው፤ ነቢዩ ዳዊት እንዲህ በማለት ዘምሯል
✍️"ክፉዎች ዘመናት ይወገዱ ዘንድ አቤቱ አንተ የገሠጽኸው ሕግህንም ያስተማርኸው ሰው ምስጉን ነው"
📖መዝ 93፥12-13፡፡

➯ ከኢዮብ ባልንጀራዎች መካከል አንዱ የሆነው ቴማናዊው ኤልፋዝ ኢዮብን እንዲህ በማለት መክሮት ነበር
✍️" እነሆ እግዚአብሔር የሚገስጸው ሰው ምስጉን ነው ስለዚህ ሁሉን የሚችለውን የአምላክህን ተግሣጽ አትናቅ፤ እርሱ ይሰብራል ይጠግንማል ያቆስላል እጆቹም ይፈውሳሉ"
📖ኢዮ 5፥17-18
✍️ሐዋርያው ቅዱስ ጳውሎስ "ልጄ ሆይ የጌታን ቅጣት አታቅልል በሚገሥጽህም ጊዜ አትድከም ጌታ የሚወደውን ይቀጣዋልና….. እግዚአብሔር እንደ ልጆች ያደርግላችኋል አባቱ የማይቀጣው ልጅ ማነው?" በማለት ከተናገረ በኋላ ዓለማዊ አባቶች የሚቀጡትን ቅጣት እግዚአብሔር ከሚቀጣው ቅጣት ጋር አነጻጽሮ ሲያስቀምጥልን እንዲህ ብሏል፡፡
✍️"አርሱ ግን ከቅድስናው እንድንካፈል ለጥቅማችን ይቀጣናል"
📖ዕብ 12፥610

➯ መድኃኒታችን ኢየሱስ ክርስቶስ በሎዶቆያ ላለው የቤተክርስትያን አለቃ በራእይ መጽሐፍ ውስጥ የላከለት መልእክት ከዚህ ቀደም ከጠቀስነው ቃል ጋር ተመሳሳይ ትርጉም አለው፡፡
✍️"እኔ የምወዳቸውን ሁሉ እገሥጻቸዋለሁ እቀጣቸውማለሁ"
📖ራእ 3፥19

➯ ስለሆነም መከራ የግድ እንደ ቅጣት ሊታይ አይገባም፤ ሰውን ከኃጢአት ነጻ ለማውጣት የሚደረግ የተግሳጽ ዓላማ እንጂ እርሱ መከራ ሰውን ከእግዚአብሔር ጋር የሚያስተሳስረው እጅግ ጠቀሚ ጉዳይ ነው፤ ከዚህ በተጨማሪ እግዚአብሔርንና ጉዳዮቹን እንዲያውቅ ከማድረጉም በላይ ወደ እግዚአብሔር እንዲቀርብ ያደርገዋል፡፡

➯ በእግዚአብሔር ጥበብ ውስጥ ሰውን ችግሮችና መከራዎች ሲገጥሙት እነዚህን ችግሮችና መከራዎች  ማስወገድ አልችልም ብሎ ያስባል፤ ስለዚህ ከዚህ ያወጣው ዘንድ ወደ እግዚአብሔር ይጠጋል፡፡

➯ በዚህ ጊዜ እግዚአብሔር እንድናደርግ የሚያነሳሳን ይህንኑ ነው
✍️"በመከራ ቀን ጥራኝ አድንህማለሁ አንተም ታከብረኛለህ"
📖መዝ 49፥15

➯ ስለሆነም ሰው እግዚአብሔር ሲረሳ እርሱን ያስታውሰው ዘንድ መከራ በተደባለቀባቸው ፈተናዎች ወደዚያው ይመራዋል፡፡

📌 ምንጭ
📚 መከራ እና ክርስትና  በግብጽ ኦርቶዶክስ ቤተክርስቲያን
✍️የጋርቢያ ጳጳስ አቡነ ዮሐንስ እንደጻፉት

             ✥•••••●◉ ✞ ◉●•••••✥
✍️"የሚሰማኝ ግን በእርጋታ ይቀመጣል ከመከራም ሥጋት ያርፋል"
📖ምሳ 1፥33
                        #ስንክሳር          
              ዘነሐሴ #ሃያ ሦስት (፳፫)        
              ✥•••••●◉ ✞ ◉●•••••✥

✝💚💛❤️✝💚💛❤️✝💚💛❤️✝💚💛❤️✝

በስመ አብ ወወልድ ወመንፈስ ቅዱስ አሐዱ አምላክ
           አሜን

✍"ችግር ለራሳችን እንድንጸልይ ያነቃቃናል፤ ፍቅር ደግሞ ለሌሎች ሰዎች እንድንጸልይ ያስገድደናል"         
📚ቅዱስ ዮሐንስ አፈወርቅ

          ቀናችንን በጸሎት እንጀምር

    ✥•••••●◉ ✞ ◉●•••••✥
ራስን ማየት
    ✥•••••●◉ ✞ ◉●•••••✥

❖ አንድ ወቅት በአንድ አካባቢ የሚኖሩ አንድ በእድሜ ጠና ያሉ በመልካም ትዳር ያለፉ አንድ አዛውንት ነበሩ፤ እርሳቸውም ሆነ ባለቤታቸው ያላቸው መንፈሳዊ እውቀት የተራራቀ አልነበረም ፤ አንድ ነው ቢባል ይቀላል።

❖ ከእለታት በአንድ ቀን አዛውንቱ ጠዋት ወደ ቤተ ክርስቲያን ገስግሰው ኪዳኑን አድርሰው እንደጨረሱ ዕለቱ ረቡዕ ነበረና ፤ የግል ጸሎታቸውን ለማድረግ ወደ መጠለያ ገቡ፤ በዚያው መጠለያ ሌሎች የግል ጸሎታቸውን የሚያደርሱ በእጅ የሚቆጠሩ ሰዎች ነበሩ።

✍️እርሳቸውም "በስመ አብ . . ." ብለው ጸሎታቸውን ጀመሩ ፤ በጸሎታቸው መካከል ሁለት ከባድ ገጠመኝ ገጥሟቸው ኖሮ ፤ እየተበሰጫጩ ወደ ቤታቸው አቀኑ።

❖ ከቤታቸውም ደርሰው ምርር ብለው ለባለቤታቸው እንዲህ ሲሉ ገጠመኛቸውን መንገር ጀመሩ "ይገርምሻል! እኔ ምን አይነት ዘመን እንደመጣብን አላውቅም?" ፤ ባለቤትም መልሰው "ምን ሆነህ ነው?" ብለው ጠየቁ ፤ እርሳቸውም መልሰው "ቤተ ክርስቲያን ከመጠለያው ተገኝቼ 'በስመ አብ. . .'ብዬ ጸሎቴን ከመጀመሬ ፤ በስተ ቀኜ ቆሞ የጸሎት መጽሐፉን ይዞ የሚጸልይ አንድ ጎልማሳ ፤ ጸሎቱን አቋርጦ ድምጽ አሰምቶ ወደ መቅደስ እያዘገመ የነበረ ባልንጀራውን ጠርቶ ፤ ስለ ዕቁብ ጉዳይ አንስቶ የባጡን የቆጡን ሲነጋገሩ ፤ ቀና ብዬ እያየኋቸው 'እኔ እንዲህ ያዘንኩኝ ፈጣሪ ምን ያህል ያዝን ይሆን?' በማለት ከልቤ እያዘንኹኝ ሳለ ፤ ይህ አላንስ ብሎኝ ፊት ለፊቴ የነበሩ እንደ አንቺ ዕድሜ የጠገቡ ሁለት እናቶች ፤ የቤታቸውን ጉዳይ አንድም ሳያስቀሩ ያወጋሉ ፤ ሰሞኑን ውኃ እንደሚጠፋ ጭምር ሲነጋገሩ ሰምቻለሁ ፤ እኔም ነገራቸው አስገርሞኝ ፤ ምን አለ ከሚያወሩ ጥቂት ቢጸልዩ እያልኩኝ ጨጓራዬን ስልጥ ቆይቼ 'ይህን ያሳየኽኝ አደራህን ሰላም አውለኝ' ብዬ ወደ ቤቴ መጣሁ እልሻለሁ ፤ እንደው አይገርምሽም ጉድ እኮ ነው?" ብለው ንግግራቸውን በመጠይቅ አሳረፉ።

❖ ሚስትየውም በአግራሞት ቀጠል አድርገው "እውነት ነው ይገርማል! እኔ ግን የገረመኝ ይህን ሁሉ ጉድ በዐይንዎ አይተው በጆሮዎስ ሰምተው ነው?" በማለት ይጠይቃሉ ፤ ከንዴት በረድ ያሉት አባወራ ቀጠል አድርገው "በዐይኔ ሳላይ በጆሮዬ ሳልሰማ ከየት አምጥቼ አወራለሁ?"፤ ሚስትየውም መልሰው "ታዲያ እርስዎስ ከሰዎቹ በምን ተሻሉ ፤ ይህን ሁሉ የሰው ጉድ ሲመለከቱ እርስዎስ ምኑን ጸሎት አደረጉት ፤ በሰው ከሚናደዱ በራስዎ ነው ሊናደዱ የሚገባው ፤ ሌላው ሲሠራ መጥፎ የተባለ ለእርስዎ ጥሩ ሊሆን ፤ ለሌላው ሬት የሆነ ለእርስዎ ማር ሊሆን አይችልም" ብለው ገሰጿቸው።

📌 ጭብጥ

❖ ለሌሎች ስናስተምር ራሳችንን እንዳንጥል፤ በነቀፌታ ውስጥ እንዳንገኝ ልንጠነቀቅ ይገባል፤ የጨው ዕቃ ሌላውን ሲያጣፍጥ ለራሱ መጣፈጥ የለውም ፤ እንደዚያ እንዳንሆን ራሳችንን ቆም ብለን ማየት ይገባናል።

✍️ "ነገር ግን ሌሎች ከሰበክኹ በኋላ ለራሴ የተጣልሁ እንዳልሆን ሥጋዬን እየጎሰምሁ አስገዛለሁ" እንዳለ ቅዱስ ጳውሎስ።
📖1ኛ ቆሮ 9፥27

❖;አባ ጴሜንም ሌሎችን እያስተማረ እርሱ የማይኖርበትን ሰው እንዲህ በማለት ይገልጸዋል

✍️ "የሚያስተምር ነገር ግን የሚያስተምረውን የማይፈጽም ሰው ማለት ለብዙዎች ለጥማቸው ማርኪያ፤ ለንጽሕናቸውም ምንጭ እንደሚሆን ነገር ግን ራሱን እንደማያጠራ ምንጭ ማለት ነው"

✝💚💛❤️✝💚💛❤️✝💚💛❤️✝💚💛❤️✝

✍"ልብህን በእርጋታ አኑረው፤ የሁሉም መጨረሻ እና የሁሉም አገልጋይ ለመሆን በጣም ትጋ ለከንቱ ንግግር ዘገምተኛና ሰነፍ ሁን፤ ነገር ግን የቅዱሳት መጻህፍትን ቃል በማወቅ በመስማት ድኅነትን የሚሰጡ ናቸውና ብልህ ሁን"
📚ታላቁ ባስልዮስ ዘቂሳሪያ

               ወስብሐት ለእግዚአብሔር
                              ይቆየን 

───────────
                    Channel
 🧲  https://www.tg-me.com/Tewahedo12

        FB Like Page (የፌስቡክ ፔጅ)
🧲  http://facebook.com/Tewahedo12  

        YouTube Subscribe (ሰብስክራይብ)
🧲 https://www.youtube.com/channel/UCvYxUdv1D-5juH_P6iE7XXw
 ───────────

             ✥•••••●◉ ✞ ◉●•••••✥
✍️"የሚሰማኝ ግን በእርጋታ ይቀመጣል ከመከራም ሥጋት ያርፋል"
📖ምሳ 1፥33
                        #ስንክሳር          
              ዘነሐሴ #ሃያ አራት (፳፬)        
              ✥•••••●◉ ✞ ◉●•••••✥

➯ በቤተ ክርስቲያን ውስጥ ስማቸውን የምንጠራቸው ቅዱሳን ሁሉ የእግዚአብሔር የመሐሪነቱ ምልክቶች ናቸው፤ ዛሬ የእግዚአብሔር ወዳጆች ብለን የምናከብራቸው ንጹሐን፣ ትናንትና በሕይወታቸው ወድቀው የተነሡ እና በንስሐ እንባ ታጥበው ይቅርታን ያገኙ ኃጥአን ነበሩ፤ አሁን በቤተ ክርስቲያን ሰማይ ላይ ሲያንጸባርቁ የምናያቸው ቅዱሳን፣  ውበት የሚሰውረውን የኃጢአት ግርዶሽ በንስሐ አስወግደው በቸርነቱ ብርሃን የደመቁ ከዋክብት ናቸው፤ አምስት መቶም ይሁን ሃምሳ ብቻ ያልተበደረ እና ምሕረት ያልተደረገለት ጻድቅ አይገኝም።
📖ሉቃ 7

➯ ነገር ግን ይህ ሁሉ የሚነገረው "ከአንዲት ድንግል" በቀር ነው፤ ይህችም ድንግል ከተፈጠረች ጀምሮ በምንም ምን አልረከሰችም፤ እንኳን በሥራዋ በሐሳቧም ኃጢአትን የማታውቅ ኅትምት በመሆኗ፣ ከርኩሰት የሚያነጻና ከበደል የሚመልስ ንስሐ አላስፈለጋትም፤ እርሷ ከእናቷ ማኅጸን ጀምሮ ከበረዶ ይልቅ ነጭ ነበረች፤ በእድገቷም ጊዜ የዚህ ዓለም ክፋት አንዳች አላገኛትም፤ እርሷ የኃጢአት ጉድፍ ያልወደቀባት ንጹሕ ምንጭ ናች።

➯ በመርዙ ብዙዎችን ወግቶ የጣለ አዳኙ (ይጠብቃል) አውሬ ያልተነፈሰባት በመንፈስ ቅዱስ የታጠረች የገነት ተክል ነች፤ ይህች ድንግል በኃጢአት ተፍገምግመው ለወደቁ የሚነሡበትን የንስሐ ምርኩዝ ለሰጠ የይቅርታ አምላክ እናቱ ነች።

➯ ጻድቃን ሁሉ ከተፈጠሩበት ልዕልና ዝቅ ካሉ በኋላ በንስሐ መሰላልነት ወደ ክብር ሲመለሱ፣ ድንግል ግን ከዚያ ልዕልና ለአንዲት ሰዓት እንኳን ሳትናወጽ በጽናት ኖረች፤ ስለዚህም የእርሷ ንጽሕና ያለ ንስሐ ሆነ።

✍️"እኔ ቅዱስ ነኝና እናንተ ቅዱሳን ሁኑ" የሚለውን አምላካዊ ትእዛዝ እንደ እመቤታችን ፈጽሞ የተገኘ ማን ነው?

📌 ምንጭ
✍️ዲያቆን አቤል ካሳሁን

              ✥•••••●◉ ✞ ◉●•••••✥
✍️"የሚሰማኝ ግን በእርጋታ ይቀመጣል ከመከራም ሥጋት ያርፋል"
📖ምሳ 1፥33
                        #ስንክሳር          
               ዘነሐሴ #ሃያ አምስት (፳፭)        
              ✥•••••●◉ ✞ ◉●•••••✥

✍️"ወዳጄ ሆይ! እግዚአብሔር ነዳያንን የሚልክልህ መስጠትን እንድትለማመድ ነው፤ ዛሬ በነዳያኑ አድሮ የሚለምንህ ለኋለኛይቱ ቀን ስንቅ እንዲያስቀምጥልህ ወድዶ ነው፤ ታዲያ ንጉሥ ወደ ቤቱ መጥቶ የሚያባርር ሰው እንደ ምን ያለ ጎስቋላ ሰው ነው? እንግዲያውስ ነዳያንን ስታይ ወደ አንተ የመጣው ንጉሠ ሰማይ ወምድር ክርስቶስ እንጂ ሰው አይደለምና አትግፋው፤ በረከትህንም ከቤትህ አውጥተህ አትሸኘው"

📚ቅዱስ ዮሐንስ አፈወርቅ