🇺🇿Ona til – millat faxri, ma’naviyat ko‘zgusi!

Abu Rayhon Beruniy nomidagi Urganch davlat universitetida O‘zbek tiliga davlat tili maqomi berilganining 36 yilligi munosabati bilan bir qator ma’naviy-ma’rifiy tadbirlar tashkil etildi.

🟠Shu jumladan, Fizika-matematika fakultetining 3-kurs Amaliy matematika yo‘nalishi talabalari ishtirokida “Ona tilim — g‘ururim, faxrim” mavzusida uchrashuv o‘tkazildi. Tadbirda Urganch davlat pedagogika instituti litseyi o‘qituvchisi N.Abdullayeva, Urganch transport texnikumi o‘qituvchisi, UrDU magistranti M.Otajonova hamda Xonqa tumanidagi 18-son umumiy o‘rta ta’lim maktabi o‘qituvchisi, UrDU magistranti R.Suvonovalar ishtirok etib, ona tilining tarixiy ildizlari, boy ifoda imkoniyatlari va ma’naviy qudrati haqida suhbat olib bordilar.

🟠Shuningdek, Urganch davlat universiteti Axborot-resurs markazi xodimlari tomonidan ham bayramga bag‘ishlangan tadbir o‘tkazildi. Unda o‘zbek tilining nufuzi, uni asrab-avaylash va yosh avlod qalbida tilga hurmat tuyg‘usini mustahkamlash masalalari muhokama qilindi. Tadbir doirasida “Ona til – millat faxri” nomli kitob ko‘rgazmasi ham tashkil etilib, unda o‘zbek tili, adabiyoti va milliy qadriyatlarga oid asarlar namoyish etildi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube