#Ko‘rgazma

🌷Milliylik va zamonaviylik uyg‘unligida san’at jilosi

Abu Rayhon Beruniy nomidagi Urganch davlat universiteti Filologiya va san’at fakultetida bugun san’atsevar talabalar va professor-o‘qituvchilar uchun madaniy koʻrgazma tashkil etildi.

🇹🇷Joriy yil 1-oktabrdan buyon Turkiya Respublikasining Çanakkale Onsekiz Mart universiteti professori Minara Guliyeva San’at yo‘nalishi talabalari bilan ijodiy dars mashg‘ulotlarini olib bormoqda. Bugun professor Minara Guliyeva milliy an’analar va zamonaviy dizayn yechimlarini o‘zida uyg‘unlashtirgan o‘zining shaxsiy kiyim-kechaklar ko‘rgazmasini namoyish etdi.

🟠Ko‘rgazmada zamonaviy modaning nafis uslublari bilan uyg‘unlashgan milliy liboslar, o‘ziga xos bezaklar va rang uyg‘unligi orqali san’atning boy ma’naviy merosi ko‘rsatib berildi. Filologiya va san’at fakulteti talabalari hamda oʻqituvchilari professor Guliyevaning mahoratini yuksak baholab, uning ijodida milliy qadriyatlar va zamonaviy tafakkurning uyg‘unligini his etdilar.

🟠Ushbu ko‘rgazma nafaqat san’atning estetik go‘zalligini, balki yosh avlodni milliylik ruhida tarbiyalashdagi muhim qadriyatlarni ham yoritib berdi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

⛔️⛔️⛔️
#umummilliy_diktant

✍️Davlat tili — millat g‘ururi!

🔘Ayni vaqtda Abu Rayhon Beruniy nomidagi Urganch davlat universitetida O‘zbekiston Respublikasi Prezidentining 2025-yil 20-oktabrdagi “Davlat tilini yanada rivojlantirishga oid qo‘shimcha chora-tadbirlar to‘g‘risida”gi 308-sonli qarori ijrosini ta’minlash maqsadida umummilliy diktant marafoni bo‘lib o‘tmoqda.

Mazkur tashabbus doirasida universitet rahbariyati, barcha fakultetlarning professor-o‘qituvchilari hamda yuzlab talaba-yoshlar yagona maqsad — ona tilimizga bo‘lgan hurmat va e’tiqorni amalda namoyon etish yo‘lida birlashdilar.

📖 Diktant marafoni nafaqat imlo va savodxonlikni tekshirish vositasi, balki davlat tilining jamiyatdagi o‘rni, uning birlashtiruvchi va millatni yuksaltiruvchi kuchini chuqur anglashga xizmat qilmoqda.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube