#qonunchilik_yangiliklari

Davlat organlarida rahbarning maʼnaviyat va davlat tili masalalari bo‘yicha maslahatchisi lavozimi joriy etiladi

Bu bo‘yicha Prezident qarori qabul qilindi.

Bu lavozim 2026-yil 1-yanvardan boshlab joriy etiladi.

Shuningdek:

➖ta’lim qardosh tillarda olib boriladigan umumiy o‘rta ta’lim tashkilotlari uchun o‘zbek tilini o‘rgatish bo‘yicha darsliklarning davriyligi asosida yangi avlodi yaratiladi;

➖2026-yildan boshlab maktabgacha ta’lim yoshidagi bolalar uchun “Mening ilk izohli lug‘atcham” rasmli lug‘at kitobi yaratiladi;

➖bolalarga o‘zbek tilini o‘rgatish bo‘yicha zamonaviy animatsion video va audio mahsulotlar ishlab chiqiladi;

➖Alisher Navoiy nomidagi xalqaro o‘zbek tili olimpiadasi o‘tkazib boriladi. Bunda olimpiada g‘oliblari respublika OTMlarining “filologiya va tillarni o‘qitish: o‘zbek tili va adabiyoti” ta’lim yo‘nalishiga umumiy qabul kvotasidan tashqari davlat granti asosida o‘qishga qabul qilinadi;

“O‘zbekiston milliy qomusi” elektron shaklda tayyorlanadi va e’lon qilinadi;

✔️ o‘zbek tilini sun’iy intellekt yordamida qo‘llab-quvvatlashga xizmat qiladigan platforma ishlab chiqiladi.

Bizni kuzating

Facebook | Instagram | YouTube | Telegram

#til_bayrami

⚜️Urganch davlat universitetida O‘zbek tili bayrami tantanali nishonlandi

Bugun Abu Rayhon Beruniy nomidagi Urganch davlat universitetida O‘zbek tiliga davlat tili maqomi berilganligining 36 yillik shodiyonasi munosabati bilan tantanali bayram tadbiri bo‘lib o‘tdi.

Bayram tadbirini Xorazm viloyati hokimining o‘rinbosari, Oila va xotin-qizlar boshqarmasi boshlig‘i Nigora Kutlimuratova ochib berar ekan, o‘zbek tilining nufuzi va ijtimoiy hayotdagi o‘rni tobora yuksalib borayotganini ta’kidladi. U til siyosatini rivojlantirish, ona tilimizni asrab-avaylash hamda yoshlar ongida tilga hurmat tuyg‘usini mustahkamlash borasida viloyatda amalga oshirilayotgan islohotlarga to‘xtalib, barcha ishtirokchilarni bayram bilan samimiy muborakbod etdi.

Shuningdek, ona tilimizning jamiyat hayotidagi mavqeini yuksaltirish, davlat tilining to‘laqonli joriy etilishini ta’minlash yo‘lidagi fidokorona mehnati va tilshunoslik sohasiga qo‘shgan munosib hissasi uchun bir guruh professor-o‘qituvchilar Xorazm viloyati hokimining Faxriy yorlig‘i va esdalik sovg‘alari bilan taqdirlandi.

Tadbirning badiiy qismida esa viloyatimizning taniqli san’atkorlari tomonidan milliy kuy va qo‘shiqlar ijro etildi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube