O‘ZBEKISTON DAVLAT JAHON TILLARI UNIVERSITETI HUZURIDAGI PEDAGOG KADRLARNI QAYTA TAYYORLASH VA MALAKASINI OSHIRISH TARMOQ MARKAZI

O‘zbek tiliga davlat tili maqomi berilganining 36 yilligi munosabati bilan o‘tkazilgan ma’naviy-ma’rifiy tadbir

Bugun O‘zbekiston davlat jahon tillari universiteti huzuridagi Pedagog kadrlarni qayta tayyorlash va malakasini oshirish tarmoq markazida 21-oktyabr — O‘zbek tiliga davlat tili maqomi berilgan kun munosabati bilan ma’naviy-ma’rifiy tadbir bo‘lib o‘tdi.

Tadbirda O‘zbek tili va adabiyoti kafedrasi dotsenti, filologiya fanlari nomzodi Muminova Aydin Qurbonovna ishtirok etdi. Muminova Aydin Qurbonovna o‘z chiqishida o‘zbek tilining tarixiy taraqqiyot bosqichlari, milliy o‘zlikni anglashdagi o‘rni, til madaniyatining jamiyat hayotidagi ahamiyati hamda bugungi kunda ona tilimizni asrab-avaylash va rivojlantirish masalalari haqida so‘z yuritdi.

Tadbir davomida ishtirokchilar o‘zbek adabiyotining til boyligini namoyon etuvchi badiiy namunalar bilan tanishdilar, o‘zbek tilining boy leksik xazinasi va ifoda imkoniyatlari xususida fikr almashdilar.

Tadbir so‘ngida ona tilimizga hurmat, uni asrab-avaylash va kelajak avlodga yetkazishning dolzarb ahamiyati alohida ta’kidlandi.

📱Bizni quyidagi ijtimoiy tarmoqlar orqali kuzating👇🏻

🚀 Telegram

🔵Facebook

📷Instagram

0️⃣0️⃣0️⃣

Universitet rahbariyati yangi talabalar turar joyidagi sharoitlar bilan tanishdi

21-oktabr kuni O‘zbekiston davlat jahon tillari universiteti rektori Ilxomjon Tuxtasinov, mas’ul rahbarlar bilan birga xususiy sherikchilik asosida barpo etilgan yangi talabalar turar joyida istiqomat qilayotgan talabalarning yashash sharoitlari bilan tanishdilar.

Mazkur yotoqxona universitet oshxonasining 2-qavatida joylashgan bo‘lib, 48 o‘rinli. Talabalar uchun barcha zarur qulayliklar — zamonaviy mebel, maishiy texnika, oshxona jihozlari hamda dam olish zonalari yaratilgan.

Tashrif davomida rahbariyat talabalarning yashash muhitini ko‘zdan kechirib, ularning fikr-mulohazalarini tingladi. Shuningdek, talabalar uchun yaratilgan sharoitlarni yanada yaxshilash bo‘yicha tavsiyalar berildi.

Mazkur yotoqxona loyihasi talabalarning qulay yashashini ta’minlash va ularning ta’lim jarayonini samarali tashkil etishga xizmat qilmoqda.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

O‘zbekiston–Xitoy Ikkinchi ta’lim forumi bo‘yicha yig‘ilish bo‘lib o‘tdi

21-oktabr kuni O‘zbekiston davlat jahon tillari universitetida joriy yilning 1–3-noyabr kunlari bo‘lib o‘tadigan O‘zbekiston–Xitoy Ikkinchi ta’lim forumiga tayyorgarlik masalalariga bag‘ishlangan yig‘ilish bo‘lib o‘tdi.

Yig‘ilishga universitet rektori Ilxomjon Tuxtasinov, barcha prorektorlar, fakultet dekanlari, bo‘lim boshliqlari hamda rahbariyat vakillari ishtirok etdilar.

Unda forum dasturi, tashkiliy masalalar, mehmonlarni kutib olish, ilmiy sho‘balar faoliyati, madaniy va axborot-ta’limiy tadbirlarni yuqori saviyada o‘tkazish masalalari atroflicha muhokama qilindi.

Rektor Ilxomjon Tuxtasinov yig‘ilish davomida barcha mas’ullarga forumni yuksak tashkiliy darajada o‘tkazish, xorijiy mehmonlar uchun qulay sharoitlar yaratish, universitetning xalqaro nufuzini oshirishga qaratilgan chora-tadbirlarni sifatli amalga oshirish bo‘yicha aniq topshiriqlar berdi.

🌐 Biz ijtimoiy tarmoqlarda:
Telegram | Instagram | Facebook | Sayt