🇺🇿 O'zDJTU 🇺🇿 Ingliz filologiyasi fakultetida ochiq dars

📍 Ingliz filologiyasi fakulteti ingliz tili amaliy aspektlari kafedrasi o‘qituvchi-stajyori Muborak O‘roqova tomonidan 2472-guruh talabalari bilan “Kommunikativ leksika” fanidan “Work and Business: Vocabulary and Expressions” mavzusida demo (ochiq) dars o‘tkazildi.

🌐Darsning asosiy maqsadi — talabalarda ish va biznes mavzusiga oid zamonaviy leksik birliklardan to‘g‘ri foydalanish, shuningdek, ingliz tilida samarali muloqot qilish, o‘z fikrini erkin ifodalash va turli madaniy muhitda muloqot olib borish ko‘nikmalarini shakllantirishdan iborat bo‘ldi.

⏰Mashg‘ulot davomida talabalar Amerika, Buyuk Britaniya va Avstraliya guruhlariga bo‘linib, ushbu mamlakatlarning madaniyati, milliy qadriyatlari va hayot tarzi haqida batafsil ma’lumot taqdim etdilar. Guruhlar o‘z chiqishlarini posterlar, taqdimotlar, role play (rolga kirish sahnalari) va intervyu mashg‘ulotlari orqali boyitdilar.🇺🇸🇬🇧🇦🇺

🗓Shuningdek, dars jarayonida Kahoot viktorinasi, interaktiv o‘yinlar, munozara va ijodiy topshiriqlar orqali talabalar mavzuga faol jalb etildilar. Bunday yondashuv ularning tanqidiy va ijodiy fikrlash, axborotni tahlil qilish, jamoada ishlash va madaniyatlararo muloqot ko‘nikmalarini yanada mustahkamladi.

✅Dars yakunida talabalar o‘z bilim va tajribalarini taqdim etish bilan bir qatorda, turli madaniyat vakillarining ishga bo‘lgan munosabatidagi farqlarni tahlil qildilar va real hayotiy misollar asosida fikr almashdilar.

😯 Bunday interaktiv ochiq darslar talabalarni amaliy muloqotga tayyorlaydi, ularni til o‘rganish jarayonining faol ishtirokchisiga aylantiradi hamda kelgusidagi kasbiy faoliyatda muvaffaqiyatga yo‘naltiradi.

✅Rasmiy sahifalarimiz:

📱 Telegram | 📱 Instagram
📱 Youtube | 📱 Facebook

Oʻzbek tili bayrami munosabati bilan tadbir boʻlib oʻtdi

21-oktabr kuni Oʻzbekiston davlat jahon tillari universiteti Sharq filologiyasi fakultetida oʻzbek tiliga davlat tili maqomi berilganining 36 yilligi hamda Oʻzbek tili bayrami kuni munosabati bilan tantanali tadbir boʻlib oʻtdi.

Tadbirni Sharq filologiyasi fakulteti dekani D. Djurayev ochib berib, professor-oʻqituvchilar va talabalarni bayram bilan tabrikladi. Oʻz nutqida dekan ona tilimizning milliy gʻurur, maʼnaviyat va birlik timsoli ekanini taʼkidladi.

Dastur davomida talabalar tomonidan turli sahna koʻrinishlari, QVZ chiqishlari, shuningdek oʻzbek tiliga bagʻishlangan sheʼr va gʻazallar ijro etildi. Talaba qizlar tomonidan namoyish etilgan milliy raqslar tadbirga yanada bayramona ruh bagʻishladi.

🌐 Biz ijtimoiy tarmoqlarda 👇🏻
Telegram|Instagram|Facebook

0️⃣0️⃣0️⃣

Oʻzbekiston davlat jahon tillari universitetining 1-sonli talabalar turar joyida Oʻzbek tiliga davlat tili maqomi berilgan kun munosabati bilan maʼnaviy-maʼrifiy tadbir o‘tkazildi.

Dastur davomida o‘zbek tili – milliy o‘zligimizni ifodalovchi, xalqimizning tarixiy xotirasi va ma’naviy boyligini asrovchi bebaho meros ekani alohida ta’kidlandi. So‘zga chiqqanlar davlat tilining jamiyat hayotidagi o‘rni, uning yoshlar tafakkurini shakllantirishdagi ahamiyati haqida fikrlar bildirdilar.

Shuningdek, talabalar tomonidan o‘zbek tiliga bag‘ishlangan she’rlar, sahna ko‘rinishlari va musiqiy chiqishlar namoyish etildi. Ularning ijodiy chiqishlari orqali ona tilimizga bo‘lgan faxr, ehtirom va mehr-muhabbat yanada yorqin ifoda topdi.

Tadbir so‘ngida faol ishtirok etgan talabalar rag‘batlantirildi. Mazkur bayramona kecha barcha ishtirokchilarga ko‘tarinki ruh bag‘ishlab, o‘zbek tiliga mehr va sadoqat tuyg‘usini yanada mustahkamladi.

🌐 Biz ijtimoiy tarmoqlarda:
Telegram | Instagram | Facebook | Sayt