📝📝📝📝

“Ezgulik yarmarkasi – keksalarga hurmat”

2025-yil 24-oktabr kuni OʻzDJTU Siyosiy fanlar kafedrasi professor-o‘qituvchilari S.Sh. Saidov, Sh.K. Agabayev, Sh.A. Axmedova va A.K. Temirbayeva tashabbusi bilan “Xalqaro keksalar kuni”ga bag‘ishlangan “Ezgulik yarmarkasi” tashkil etildi.

Tadbir keksalarni qo‘llab-quvvatlash va yoshlarda bag‘rikenglik tuyg‘ularini rivojlantirish maqsadida o‘tkazildi.

Ushbu yarmarkada Siyosatshunoslik (ST-2203, ST-2206, ST-2402), Sotsiologiya (SOT-2402, SOT-2502) va Xalqaro munosabatlar (XM-2403, XM-2502) yo‘nalishlarida tahsil olayotgan talabalar faol ishtirok etdi.

Yarmarkadan tushgan mablag‘lar qariyalar uyiga sovg‘alar taqdim etish uchun ishlatildi. Bu hayrli tashabbus keksalarga e’tibor va mehr ko‘rsatishning muhim namunasi bo‘ldi.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

Ingliz tili mashg‘uloti 104-maktabda davom etmoqda

Toshkent shahar Sergeli tumanidagi 104-umumta’lim maktabida navbatdagi ingliz tili mashg‘uloti bo‘lib o‘tdi.

Ushbu mashg‘ulotni O‘zbekiston davlat jahon tillari universiteti Ingliz tili birinchi fakulteti, Ingliz tilini o‘qitish metodikasi №1 kafedrasi o‘qituvchisi Gulmira Juraboyeva tashkil etdi.

Dars davomida quyidagi mavzular yoritildi:

✔️There is / There are
✔️Occupations (Kasblar)
✔️New words (Yangi so‘zlar)
✔️Revision (Takrorlash)

Shuningdek, o‘quvchilarning o‘zlashtirish darajasini aniqlash maqsadida kichik test ishlari ham o‘tkazildi. Natijalar o‘quvchilarning bilim va ko‘nikmalari izchil rivojlanayotganini ko‘rsatdi.

Uyga vazifa sifatida har bir o‘quvchiga mavzuga doir 5 tadan gap tuzish topshirig‘i berildi.

Mashg‘ulot qiziqarli, interaktiv va o‘quvchilarning faol ishtirokida o‘tdi.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

Xalqaro anjuman mehmonlari uchun Samarqand shahriga madaniy va ilmiy sayohat tashkil etildi

2025-yil 25-oktabr kuni O‘zbekiston davlat jahon tillari universiteti tomonidan “Ispan tilining O‘zbekistonda rivojlanishi: tarixiy kontekst, yangi imkoniyatlar va zamonaviy tendensiyalar” nomli xalqaro ilmiy-amaliy anjuman ishtirokchilari uchun Samarqand shahriga madaniy va ilmiy sayohat uyushtirildi.

Sayohatda Ispaniya elchixonasining Ta’lim attashesi Albert Vitriá Marca (Ispaniya), Campinas universiteti professori, filologiya fanlari doktori Simone Hashiguti (Braziliya) hamda Zaragoza universitetidan tashrif buyurgan tajribali tilshunos Anna Pola (Ispaniya) kabi xorijlik mehmonlar ishtirok etdilar.

Sayohatning maqsadi — anjuman mehmonlarini O‘zbekistonning boy tarixi, madaniy merosi va milliy qadriyatlari bilan yaqindan tanishtirish, shuningdek, ilmiy hamkorlik va madaniy aloqalarni mustahkamlashdan iborat bo‘ldi.

Mehmonlar Registon majmuasi, Go‘ri Amir maqbarasi, Shohi Zinda majmuasi, Bibixonim masjidi kabi Samarqandning mashhur tarixiy obidalarini ziyorat qildilar.

Sayohat davomida professor Dilrabo Baxronova hamda ispan tili o‘qituvchisi Guljaxon Joniqulova O‘zbekiston tarixi, xalqimizning qadimiy madaniyati va ming yilliklarga guvoh bo‘lgan betakror obidalar haqida qiziqarli ma’lumotlar taqdim etdilar.
Shuningdek, O‘tkir Burxonov sayohat davomida tarjimonlik vazifasini bajarib, mehmonlarni Samarqandning go‘zalligi va o‘ziga xosligi bilan tanishtirishda muhim rol o‘ynadi.

Tashrif buyurgan mehmonlar Samarqandning g‘oyatda go‘zal manzaralari, o‘zbek xalqining samimiy mehmondo‘stligi va boy madaniyatidan chuqur taassurot olib, O‘zDJTU jamoasiga o‘z minnatdorchiliklarini bildirdilar.

🌐 Biz ijtimoiy tarmoqlarda:
Telegram | Instagram | Facebook | Sayt