🎉🙂🙂🙂🙂🙂🙂🙂🙂🙂🙂🎉

🇺🇿 O’zbekiston Davlat Jahon tillari universiteti 🇺🇿 Yoshlar ittifoqi boshlang’ich tashkiloti 🇺🇿 Roman-german filologiyasi fakultet kengashi jamoasi barcha professor-o‘qituvchilarni hamda talabalarni 21-oktabr – O‘zbek tili bayrami bilan chin dildan tabriklaydi!

🗣 Ona tilimiz — bu millatimizning faxri, tariximiz va ma’naviyatimizning ajralmas qismidir. Uni sevish, asrash va rivojlantirish — har birimizning muqaddas burchimizdir.

⭐️ Til — xalqni birlashtiruvchi, yuraklarni yaqinlashtiruvchi, millat sha’nini yuksaltiruvchi bebaho boylikdir. Keling, shu aziz kunda ona tilimizga bo‘lgan mehrimizni amalda ham namoyon etaylik!

🎬 Shuningdek fakultet kengashi tomonidan O‘zbek tili bayramiga bag‘ishlangan videorolik tayyorlandi.

Bizni kuzatib boring ;

📱 Telegram 📱Instagram 📱Telegram

📣📣📣📣📣

O‘zbekiston davlat jahon tillari universiteti huzuridagi Pedagog kadrlarni qayta tayyorlash va malakasini oshirish tarmoq markazi tomonidan professor-o‘qituvchilar uchun navbatdagi qisqa muddatli o‘quv kursi tashkil etilmoqda.

🎓 Kurs nomi:
“XORIJIY TILLARNI O‘QITISHDA SUN’IY INTELLEKT: NAZARIYA VA AMALIYOT”

🗓️ O‘tkazilish sanasi: 2025-yil, 23–25 oktyabr kunlari

📘O‘quv modullari:

1️⃣Sun’iy intellekt va uning til ta’limidagi o‘rni
2️⃣ Sun’iy intellektda prompting texnologiyalari va uning pedagog-o‘qituvchilar faoliyatidagi qo‘llanilishi
3️⃣ Xorijiy tillarni o‘rganishda sun’iy intellektga asoslangan texnologiyalar

📄 Kursning asosiy maqsadi — xorijiy tillar o‘qituvchilarida sun’iy intellekt texnologiyalarini o‘quv jarayoniga integratsiya qilish bo‘yicha nazariy bilim va amaliy ko‘nikmalarni rivojlantirish, zamonaviy raqamli ta’lim muhitida pedagogik faoliyat samaradorligini oshirishdir.

✅ Kursni muvaffaqiyatli yakunlagan tinglovchilarga belgilangan namunadagi sertifikat taqdim etiladi.

📞 Batafsil ma’lumot va ro‘yxatdan o‘tish uchun: +998 90 977 49 07

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

Qadrli yurtdoshlar! Hurmatli ustozlar! Aziz talabalar!

Barchangizni millatimizning iftixori, ma’naviyatimizning tayanchi — o‘zbek tiliga davlat tili maqomi berilganining 36 yilligi, 21-oktabr – O‘zbek tili bayrami kuni bilan chin qalbimdan tabriklayman!

Ona tilimiz millat ruhini ifoda etuvchi, tafakkurimizni charxlovchi, yuragimizga g‘urur baxsh etuvchi bebaho boylikdir. Til xalqni birlashtiradi, millatni yuksaltiradi, Vatanni abadiylashtiradi.

Bugun o‘zbek tili nafaqat yurtimizda, balki jahonning eng nufuzli ilmiy maskanlarida ham e’tirof etilmoqda. Xususan, bu yilda Oksford universitetida o‘zbek tili bo‘yicha yangi ta’lim kurslari yo‘lga qo‘yildi, Xitoyning Siyan universitetida “O‘zbek tili va adabiyoti” yo‘nalishi ochildi. Bu — ona tilimizning xalqaro miqyosdagi nufuzi ortib borayotganining yaqqol isbotidir.

O‘zbekiston davlat jahon tillari universiteti ham bu yo‘nalishda salmoqli ishlarni amalga oshirib kelmoqda. Bugungi kunda xorijiy talabalar universitetimizda o‘zbek tilini o‘rganish bilan bir qatorda, xalqimizning boy madaniyati, qadriyatlari va urf-odatlari bilan yaqindan tanishmoqdalar.
Shuningdek, universitetimizda tahsil olayotgan xorijlik o‘qituvchi va talabalar ham o‘zbek tilini katta qiziqish bilan o‘rganmoqdalar. Bu esa ona tilimizga bo‘lgan xalqaro e’tibor va hurmatning ortib borayotganidan dalolat beradi.

Biz uchun eng katta g‘urur shundaki, ona tilimiz — milliy o‘zligimizning, mustaqil davlatimizning timsoli sifatida dunyo miqyosida e’tirof topmoqda.

Aziz yurtdoshlar! Ona tilimizni asrash, uni sofligicha avlodlarga yetkazish — bu nafaqat burch, balki har birimizning faxrli mas’uliyatimizdir.

Tilimiz nuri qalblarimizni yoritib, Vatanimiz taraqqiyotiga, xalqimiz birligiga doimo xizmat qilsin!

O‘zbek tili bayrami barchangizga yana bir bor muborak bo‘lsin!

Hurmat bilan,
O‘zbekiston davlat jahon tillari universiteti rektori
Tuxtasinov Ilxomjon Madaminovich

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

"Ogohlik zamon talabi" mavzusida talabalar bilan suhbat

20-oktabr kuni O‘zbekiston davlat jahon tillari universiteti profilaktika inspektori S. Sherboyev Kechki va sirtqi ta’alim fakulteti tyutori N.Mannonova 2-bosqich talabalari bilan "Ogohlik zamon talabi" mavzusida suhbat o'tkazildi.

Suhbat davomida hozirgi kunda dolzarb masalaga aylanib borayotgan diniy ekstremizm va terrorizmning ayanchli oqibatlari, yoshlar orasida kuchayib ketayotgan giyohvand moddalar inson salomatligi uchun qanchalik jiddiy zarar yetkazishi va boshqa shu kabi muhim mavzular muhokama qilindi.

Bunday uchrashuvlarning asosiy maqsadi – kelajagimiz bo‘lgan yosh avlodni to‘g‘ri yo‘ldan adashmasdan, vatanimiz ravnaqi uchun ulkan hissasini qo‘shishlari lozimligini yana bir bor anglatishdan iborat boʻldi.

🌐 Biz ijtimoiy tarmoqlarda:
Telegram | Instagram | Facebook | Sayt