...

Mazkur tanlov Nizomini kutayotganlar bormi🌚

100 ta olovcha – 🔥

#tarjimondan

Sara Jio – "Mart binafshalari"

Oʻzimiz sezib-sezmay odamlardan, munosabatlardan, hayotdan ideallikni kutamiz. Masalan, sevgan insonimiz bizdan boshqasiga qiyo boqmasligi kerak, deb hisoblaymiz. Xiyonatni juda ogʻir qabul qilamiz. Biz sevgan va bizni sevgan kishi bir vaqtning oʻzida boshqa biriga iliqlik his qilishini tasavvurimizga sigʻdirolmaymiz. Holbuki hayot bu qadar joʻn emas. Mutlaq oq ham, mutlaq qora ham yoʻq. Inson bejizga xom sut emgan banda deyilmaydi. Komil inson yoʻq.

Hissiyotlar oʻzgaruvchan, beqaror. Uzoq muddatli munosabatlarda hissiyotlarning koʻtarilish va tushish davrlari boʻladi. Shu orada boshqa biriga qiziqishimiz mumkin. Yangi munosabatlar, yangi insonlar doim jozibali tuyuladi. Kun kelib pinhon sirlar oshkor boʻladi va faqat bir tomonni tanlashimizga toʻgʻri keladi. Birini olib qolsak, narigisidan butun umrga ayrilamiz. Mana shundagina kimni chinakamiga yaxshi koʻrishimizni, kim biz uchun muhimligini, aynan kimsiz yasholmasligimizni anglab yetamiz.

Toʻgʻri, bu bizning ideallarimizga tushmaydi. Biz juftimizga bus-butun egalik qilishni xohlaymiz. Nafaqat hayotida, xayolida ham oʻzga biri boʻlishini hazm qilolmaymiz. Ammo dunyo ikki qutbli emas. Hayot ham, inson hislari ham, oʻzaro munosabatlar ham ancha murakkab va chalkash. Mutlaq oqni topolmaysiz. Qorasi kamroq oqni topolsangiz, baxtingiz kulgani shu. Zarra qadar oqiga aldanib, qalbi qop-qoraga uchrasangiz holingizga maymunlar yigʻlaydi.

Qolaversa, aksar dilxiraliklarning zamirida tushunmovchilik yotadi. Misol uchun, kinolarda qiz sevgan yigitini boshqa bir qiz bilan koʻrib qoladi va jahl ustida barini tugatadi. Aslida yigitning yonidagi uning singlisi, qarindoshi, tanishi, biror tasodifiy oʻtkinchi yoki yuqoridagi kabi chalkash munosabatning mevasi boʻlib chiqadi. Yigit arazlagan qizni topguniga va anglashilmovchilik bartaraf etilguniga qadar koʻp suvlar oqib oʻtadi.

Bu hayotda ham roʻy beradi. Nimanidir notoʻgʻri tushunib, kimdandir qattiq xafa boʻlamiz, shoshma-shosharlik bilan qaror qabul qilamiz, shashtimizdan qaytmay oʻjarlik qilamiz. Vaziyatga boshqa koʻz bilan qarash, hammaga oʻzini oqlashga imkon berish, har doim har ikki tomonni eshitish juda koʻp muammolarning va hatto fojialarning oldini oladi.

"Mart binafshalari" nafaqat hayotiy xulosalarga, shu bilan birga juda qiziqarli syujetga ega. Xuddi detektiv kitob kabi yangidan yangi jumboqlar chiqaveradi. Butun asarni bir nafasda oʻqib qoʻyasiz. Kitobni yopgach chalkash hislar qurshovida qolasiz. Bu baxtli yakunmi yoki fojiaviymi, bir qarorga kelolmaysiz.

Manba: The Stranger

#yangilik

🔎Eng qаdimgi dаvrlаrdаn XV аsrning birinchi yаrmigаchа bo'lgan o'zbek adabiyoti tarixi haqida ma'lumot beruvchi ilmiy asar - «Adabiyot tarixi» kitobxonlarimiz uchun nashrga tayyorlanmoqda!

🗂Kitob o'z ichiga "Avesto", Vedalar, "Oltin yorug'", O'rxun-enasoy bitiklari, "Devoni lug'oti turk", "Qutadg'u bilig", "Hibat ul-haqoyiq" kabi kitoblar va Yassaviy, Rabg'uziy, Hamadoniy, Sayfi Saroyi, Hisom Kotib, Jomiy, Haydar Xorazmiy, Sayyid Ahmad, Lutfiy, Atoiy, Sakkokiy, Hofiz Xorazmiy, Sayyid Qosimiy, Husayniy, Mirzo Ulugʻbek, Navoiy singari allomalarimiz ijodini qamrab oladi.

✍️Muallif: Nasimxon Rahmonov

🕊Zabarjad Media – eng yaxshisini ilinamiz!

​​Nima uchun Aziza?

Oyim yoshligimda bir gap aytgandilar: «Odam Ato va Momo Havvoning ota-onasi bo‘lmagan-da, faqat bolam-bolam deyishgan, shu uchun ota-ona qolib bolam-bolam deyish bizga ham meros qolgan». Mazkur qavlga sodiq oyim doim farzandim, oilam deb yashadilar. Boshqa onalar singari hayot atirgulini izlab, afsuski o‘rniga tikongul o‘pdilar. Shu bilan birga jamiyat hayotidagi qator muammolarni bartaraf etishda ham ishtirok etdilar: ocharchilik yillar non kombinatida, o‘zbeklar ishi avjiga chiqib, kolxozlashtirish yakun topgan on yangi qishloq xo‘jaligini barpo etishda, mustaqillikka erishganimizda soliq tizimidagi yangiliklar sabab inspeksiyada faoliyat olib bordilar va tumanimizdagi shaxsiy tarkibga doir hujjatlarni saqlovchi davlat arxivining muassislaridan biri sifatida tarixga kirdilar, hamda bu sohada qariyb yigirma yilga yaqin jon fido qilib ishlab kelmoqdalar. Aziza Hasanovaning jamiyat hayotiga qo‘shgan hissalari bir yon-u, xonadon ravnaqi, kelajagi uchun qilgan fidoliklar bir yon. Shunga qaramay dunyo har nedan badal talab etadi. Oyim bu kuchga, bunday sharafli hayot yo‘liga yoshgina Aziza ismli orzulari osmonlarcha keng qizchaning evaziga erishgan bo‘lsalar ne ajab...

Yetmishinchi yillari shoir bo‘lish juda katta orzu edi, joiz bo‘lsa ko‘rpangga qarab oyoq uzat deb yo‘ldan urishlar ham kuzatilgan. Lekin g‘uchg‘on tuyg‘ular, satrlarga sig‘mas orzularni jilovlab bo‘larmidi. Oyimning she'rlari yoshligidayoq bir necha bor tuman, viloyat, hatto respublika ro‘znomalari bosilib chiqdi. Ba'zan ustozlar maqtashdi, ba'zan esa o‘zlarini nomini qo‘yib she'rlarni chop etishdi... To kay yo ijod yoki oila yukini tanlashga qadar. Ehtimol oyim dadamni Usmon Azim she'rida aytganidek: «yigirma yil avval» uchratganlarida adabiy dunyoyimizda yana bir guldek shoirimiz bo‘lardi, balki.

Kuzgi tengkunlikda oyim oltmish uch yoshni qarshilaydilar. Hamon ijod dardi o‘rtaydi onamni, buni farzand sifatida emas, bir ijodkor sifatida his qilaman. Kelayotgan bayramga oyimga ne tuhfa etishni, nimani armug‘on etish uzoq o‘yladim. Axiyri oyimdek ikki o‘t orasida qolgan, ijod yo‘lini tanlay olmay oilasiga umrini, borini bergan xotin-qizlar uchun «Aziza» mukofotini ta'sis etish va homiylik qilishga qaror qildim. Taklifimni qo‘llab quvvatlagan, sherikchilikda bu loyihani uzviy davom ettirishga rozilik bildirgan Zabarjad Media nashriyoti rahbari Ma'mura opa Qutliyevaga ham shu o‘rinda minnatdorchiligimni bildirib o‘tishim kerak. Kimgadir erish tuyilar, lekin ishonchim komilki, oz bo‘lsa-da mazkur loyiha orqali barmoq bilan sanarli xotin-qizlarni ijod olamiga qaytarishga, ravnaq topishlariga erishsak, nafaqat mukofot ta'sischilar, oyim ham juda sevinishlariga aminman, hamda bu loyihani qo‘llab-quvvatlayotgan barchaga cheksiz lutf va hurmatimni izhor etaman. Yaxshiyam onalar bor, yaxshiyam ijod ahli bor, yaxshiyam mazkur toifalarni sevuvchi muxlislar bor❤️

Hurmat va ehtirom ila Nurali Qahramon

P.s: 2000-yillarning boshlari, chapdan soliq inspeksiyasi xodimlari Jamila Toshmatova va Aziza Hasanova