⚠️ الكوليرا رجعت وبقوة… والموضوع ما فيهو لعب ❗

يا جماعة الخير، الأيام دي الحالات قاعدة تزيد بشكل مخيف، والناس بتمشي المستشفى متأخرة، والجفاف بيكون ضرب الجسم، وفي حالات بتموت بسبب الإهمال أو التأخير.

أي زول يجيهو إسهال مائي شديد، أو قئ مستمر، لازم نتصرف بسرعة ونتعامل معاهو كأنو كوليرا، لحدي ما يثبت العكس.

⸻

✅ شنو نعمل أول ما تظهر الأعراض؟

1️⃣ لو الزول بالغ، ما حامل، وما صغير في العمر:

نمشي أقرب صيدلية ونطلب:
دواء اسمو: Doxycycline 100mg
• المريض يبلع 3 حبات مرة واحدة = 300mg
• دي جرعة واحدة بس، وبتكفي لعلاج الكوليرا في الحالات دي
📍 نتابع بعدا نديهو سوائل ونتأكد من تعويض الفاقد

⸻

2️⃣ طيب لو الزول حامل أو طفل؟

ما ينفع نديهم دوكسيسايكلين لأنه خطر عليهم، فبنستبدلو بي:
Azithromycin 500mg

للحوامل أو الكبار:
• اليوم الأول: يبلع حبتين مع بعض = 1g
• من اليوم التاني لليوم السادس: يبلع حبة واحدة كل يوم = 500mg

للأطفال الصغار:
• بنشتري شراب اسمو Azrotic syrup (نفسو أزيثرومايسين بس للأطفال)
• لازم نعرف وزن الطفل ونخلي الصيدلي يحسب لينا كم مل يشرب يومياً
📌 الجرعة بتتحسب حسب الوزن، عشان ما ندي جرعة ناقصة أو زايدة

⸻

3️⃣ طيب الزول ده كبير لكن تعبان شديد وما قادر يبلع الحبوب؟

بنمشي للطريقة الوريدية (بالإبرة)، نطلب من الطبيب أو الصيدلي يجهز:

Ciprofloxacin 1g vial I.V
📌 يعني نديهو المضاد الحيوي مباشرة في الوريد.

+ نركب ليهو درب (محلول) اسمو: Ringer Lactate
وده مهم جداً عشان يعوض السوائل والأملاح اللي خسرها الجسم بسبب الإسهال.

⸻

💧 كيف نحسب كمية الرنجر (المحاليل)؟

لو في طبيب أو صيدلي قريب بيكون أفضل يحسب، لكن لو اضطرينا نتصرف، نمشي بالجدول ده:
1. أول نص ساعة: 70 مل لكل كيلو من وزن المريض
2. النص ساعة التانية: 30 مل لكل كيلو
3. بعد داك: 100 مل لكل كيلو خلال ساعتين

📌 المجموع خلال 3 ساعات = تعويض سريع وأساسي للجفاف الحاد.

❗ لكن لو المريض عندو مشاكل في الكلى أو القلب (زي فشل قلبي أو مريض موية)، ما بنديهو كميات كبيرة، بنحسب بحذر:

🧠 نديهو بس 4 مل لكل كيلو من وزنو، ونتابع حالتو بحذر.

⸻

🧂 محلول الإرواء (ORS) ضروري بعد كل نوبة إسهال أو قئ:
• بنلقاهو جاهز في الصيدليات
• لو ما لقيناه:
1 لتر موية مغلية ومبردة

• ملعقة صغيرة ملح
• 5 ملاعق سكر
🔁 يشرب منو بعد كل مرة يدخل الحمام أو يرجع

⸻

🧪 الفحوصات المهمة جداً:

لو في عيادة أو معمل قريب، نعمل التحاليل دي بسرعة:
1. Serum electrolytes (عشان نعرف نسبة الأملاح، خصوصاً البوتاسيوم)
2. Creatinine و Urea (عشان نطمن على الكلى)
3. Stool analysis (عشان نعرف إذا في أميبيا أو غيرا)
4. Cholera Rapid Test (اختبار سريع للكشف عن الكوليرا)

⸻

🧼 الوقاية هي خط الدفاع الأول:
• اغسل يدينك قبل الأكل وبعد الحمام
• اشرب موية نظيفة أو مغلية
• ما تاكل أكل مكشوف
• طهر الخضار والفواكه كويس
• حافظ على نظافة المكان حوالينك

⸻

🛑 الكوليرا مرض خطير، لكن نقدر نمنعو بالوعي والتحرك السريع

لو شفت أعراض في زول من أهلك، جارك، أو حتى في الشارع، ساعدو ولو بمعلومة.

📢 انشر التوعية وشارك البوست.. ممكن تكون سبب في إنقاذ روح!
#الكوليرا #توعية_طبية #صحتك_أمانة

المصادر العلمية:

1️⃣ Doxycycline for Cholera
🔗 CDC - Cholera Treatment Guidelines

2️⃣ Azithromycin for Cholera in Pregnancy and Children
🔗 WHO - Cholera Outbreak: Response and Management

3️⃣ Ciprofloxacin IV Use in Severe Cholera
🔗 PubMed - Ciprofloxacin in the treatment of cholera

4️⃣ Ringer Lactate for Cholera Rehydration
🔗 WHO - Management of the Patient with Cholera

5️⃣ ORS Recipe and Usage
🔗 WHO - Oral Rehydration Salts (ORS)

6️⃣ Rehydration Protocols for Children with Cholera
🔗 UNICEF & WHO - Diarrhoeal Disease Management

7️⃣ Electrolyte and Renal Monitoring in Cholera Patients
🔗 UpToDate - Cholera: Clinical Features and Diagnosis

8️⃣ Cholera Rapid Diagnostic Test (RDT)
🔗 CDC - Cholera Diagnostic Testing

Dr. Aldaw Ahmed

" كنت أسمع بودكاست وأعجبني اقتباس "طبيعي أن شغفك يتلاشى، وطبيعي أن التوازن عندك يختل لمدة من الزمن الآلات تتعطل والجدار يتصدع، فما بالك بالبشر اللي يتعرضون لظروف خارجة عن الإرادة؟" ثم نوهوا "لا يوجد مانع من الإنطفاء، ولكن احرص على ألا يستمر طويلا خذ استراحة مؤقتة ثم عاود الطريق .."💕

الحول والقوة كلها "لله" وإنَّا دون معُونتهِ عدَم ..💛

Overthinkers need partners who naturally express their love through reassurance 💯

Pov : ‏
تكوني رافضة فكرة الزواج يجي واحد يخليكي عاوزة عرسك يكون الخميس الجاي ❤️

Some people are just human medicine. You spend an hour with them and everything feels better.

عشان ما نقع في فخ التعلق ....
لما يغيب الشريك ....
و نبدأ نحس بالفقد ...و مكانه فاضي و فراغ عاطفي ..
بنعمل شنو
ما بنرسل مسجات وراء بعض .....غلط
ما بنتصل مليون اتصال ... .غلط
ما بنقعد نهري و ننكت في روحنا ..و ياربي مشى وين و يا ربي مع منو .......غلط

بنعمل شنو ....
بنرسل مسج واحدة بلهجة هادئة ....يا فلان طمني عليك انت بخير ...مثلا (...انا ماشة البرنامج الفلاني بعدين لما ارجع لو لقيت وقت برجع اشوفك) ....فل استوب
بعد داك
بننشغل
بنشوف نشاطات ....حاجات سمحة بتخصنا.......بنكتب ..بنقرأ..بنرسم ...بنتمسح....بنطبخ ...بنعمل كيكة برتقال ..بنخلق برامج مع صاحباتنا .....و لازم يكون عندنا عالم حقنا ....الرجال شاطرين في الحاجة دي الواحد أما هلك نفسه في الشغل أو القراية و استفاد من فترة الغياب في تطوير نفسه او قضاها ركلسة مع الاصحاب في الجبنات و الجنبات كل واحد حسب شخصيته المهم ما بيستسلموا للفقدان و ما بيمارسوا التعلق الا ما ندر
البنات هم اللي بيقعوا في مصيدة التعلق غالباً
ده لأننا بنمشي بي كلام المجتمع المفهمنا أننا عاطفيات و عيوطات ساي
و خدعوك فقالوا المرأة تحكمها العاطفة ....
يا بت احنا من ذكر فينا القرآن و شهد بأن كيدهن عظيم ....
ما تصدقي الهوان ده ....نحن عندنا عقول جبارة بمثل جبروت الرحم العندنا ده ...بنقدر نبني أمة و نقدر نهدم بلد
تعلق شنو .....
عاطفة شنو....
العاطفة دي خُلقت عندنا ناعمة و طرية عشان نحمل و نربي اطفالنا و عشان نكون محل الطمأنينة و السكينة لأزواجنا...ده في حال ازواجنا ديل قدموا العليهم و اخدوا دورهم في القوامة و عززوا موقفهم و عزونا و أكرمونا....احنا هنا ح نكون العاطفة و الدلع و الحنية و العطاء و اللقمة الهنية و نجيب الوليدات الحلوين....
لكن واحد توكسيك....أو بخيل ...يمكن فاطر يمكن لا ....ممرمطك معاه .و مجهجهك..لا عارفة راسك من رجليك....بعد ده يمارس عليك لعبة الاختفاء و الغياب و( يااااك ).بتعرفي حركة ياااك ؟؟...بيكبوووو ... و برضو متعلقة ؟
متعلقة عشان بعد يفضى بيسمعك كلمتين حلوين ؟
اصحي يا بت أصحي

الجثث .. الاغتصابات .. الكلاب المسعورة .. البيوت المهجورة .. الكوش .. الجثث في الآبار و غيرها

الزبالة اللي في كل مكان

قصاء الحاجة في أي مكان

تكدس الناس في مناطق معينة بحثا عن الحياة

أضف لذلك انعدام المياه و الكهرباء

دي بيئة ما بتخلق كوليرا و بس

لا دة ممكن تجي أصناف من الأوبئة و الأمراض المنقولة بشتى الطرق.. الناس ما سمعت بيها قبل كدة

ما نحتاجه جميعا إعلان حالة طوارىء حقيقية.. فوق للحرب الموجودة

و التزام الناس بالبقاء في بيوتا

و فرق دولية و محلية تعمل على تنظيف الخرطوم .. تنقية مصادر المياه

و في نفس الوقت العمل على حلول لتوفير الكهرباء

و في نفس الوقت التزام من الجميع انهم يتحركو للضرورة القصوى

اغلاق محلات بيع الطعام و الاحتفاظ بمحلات المواد التموينية

حصر المناطق الأكثر تعرضا للوباء و غلقها في دوايئر حتى لا ينتشر المرض لبقية البلاد

توفير مساحات علاج للمرضى الآن توفر للمريض كرامته

الاستعانة بجميع الكوادر الطبية و توحيد النفير

الحرص على بث المعلومة الصحية

غسل يدك !!

التوعية المجتمعية طوال الوقت

و على الجميع الالتفات لأن ما يحدث يفوق الرصاص و الدانات و المسيرات سوءا ..!

“يا محب الله.. دي فرصتَك!”

يا زول/يا بت الناس، لو قلبك تعبان، لو نفسك دايرة بداية جديدة، لو بتحس بتقصير وتعبان من الذنوب…
ربنا جاب ليك العشر دي كأنها حضن.

📿 دي أيام محبوبة عند ربك
قال النبي ﷺ: “ما من أيام أحب إلى الله العمل الصالح فيهن من هذه الأيام.”

✋ ما محتاج تكون شيخ، ما محتاج تكون كامل،
بس محتاج قلب داير يتغيّر، ولسان بيذكر، ودمعة صادقة.

💭 تخيّل لو انتهت العشر… وإنت طلعت منها بقلب جديد؟
قوم وسابق، دي فرصتَك.


فضلا وليس أمرا

(دسو جدي و حبوبتي في دعواتكم الف رحمة و نور تنزل عليهم )

#ديدا_التي_تعلمون

“ما تفوّتا ساي..!”

📢 العشر دخلت يا جماعة!
أعظم عشرة أيام في السنة كلها.
العمل الصالح فيها ما بس بيُضاعف، دا ربنا بيحبّو زيادة عن باقي الأيام.

🎯 السؤال هو:
إنت حتخليها تمر ساي؟
ولا حتخليها تكون بداية التغيير الجد؟ البداية البتدخلك الجنة؟

🌙 صيامك، ذكرك، دعواتك، قراءتك للقرآن، سجودك بالليل، كلها اليومين ديل بتساوي أضعاف!

⏳ الوقت ماشي، والعشر بتنقص يوم بعد يوم…
يلا نقوم؟ ولا ننتظر لحدي متين؟



فضلا وليس أمرا

(دسو جدي و حبوبتي في دعواتكم  الف رحمة و نور تنزل عليهم )

#ديدا_التي_تعلمون

“دي أيام الفوز.. ما الساهلة”

🎉 الأيام دي، ربنا فاتح ليك باب واسع للخير:
• صيامك؟ أجره كبير
• قيامك؟ قرب لي ربك
• صدقتك؟ طهارة لقلبك
• ذكرك؟ نور في وجهك

كل حاجة بتعملها في العشر دي، بتتشال ليك برضا عظيم من الله.

🚫 ما تقول: “بعدين”،
✔️ قول: “هسي.. قبل يفوت الفوت.”

📣 انشروا الخير، فكروا في آخرتكم، واغتنموا أعظم أيام ربنا فتحها لينا.



فضلا وليس أمرا

(دسو جدي و حبوبتي في دعواتكم الف رحمة و نور تنزل عليهم )

#ديدا_التي_تعلمون

Relationship Goals. ♥️

You have the energy and passion like the rest of the people, most of whom wasted all of this in their emotional relationships .. be better than them and go to something different complelty