كُـل عام وانتوا بـ الف خير 🩷
ينعاد عليكم بالصحة والسلامة
ان شاءلله السنة الجاية انتوا بـ الكُلية الي تتمنوها
ربي يوفقكم ونشوفكم بـ اعلى المراتب ان شاءلله

طلابي الغاليين... ❤️
كُل عَام وأنتوا بألف خير يارب ينعاد عليكم بالصحه والسلامه والسعاده دوم🤍
إن شاء الله تتحقق كل أمانيكم وطلعون من السادس بالمعدلات الي أنتوا تريدوهه وتنقبلون بكليات أحلامكم..
إن شاء الله ما تشوفون بحياتكم إلا كل الخير
وإن شاء الله الي ما متزوج يتزوج 😂💔
والي يريد تعيين يتعين..
وكل الي بخاطركم يصير
موفقين طلابي... ❤️🤍

@fatoma099_bot

قناة تجنن اشتركوا بيها🌸🌸

للي يردون تشجيع فـ اكُللهم يا اما تحبون الشي لدرجة لو الدنيا كُلها وكفت كدامكم تبقون تردوا وادافعون عنه، تخلوا بمكان گلبكم وروحكم حتى قبل ما واحد يفكر ياخذه منكم لازم يخترق قفصكم الصدري ويوموتكم يلا يكدر يسلبكميا!
يا اما تحبون الشي لدرجة تدرسون ليل ونهار وتبجون وتتأذون وتسوون كُلشي تكدرون عليه
ورغم هذا كُله متتخلون عن هل حلم يا اما لتتجرء وتحلم اصلًا، لتحلم بشي بسس لان مجتمعك رايدك تحلم بي او اهلك رايديك تحلم بي!
لان راح تصيرون حالكم حال كُل شخص فاشل دخل مجال ميحبه، لا راح تتقبلوا ولاادرسوا بشغف ولاتتفوقون بي!
والي يحب شي شكد ميتأذه منه ميتركه
شكد ما الدنيا تحاول تسلبه منه وتاخذه ماراح تكدر، لان هذا هو السبب الي مخلي يعيش،كُل الناس الي حلمت بشي وتركت هل حلم وماحققته يعني هم بالاصل مجانوا رايدي لدرجة تكون عدهم شجاعة يدخلون بمعركة علموده،ولايضحون علموده،
اعرف بنية قبل فترة دخلت طب عام وهي عمرها 38 سنة!!
مولانها فاشلة ومكدرت تحققه بشبابها لا
وأنما هي شُجاعة الدرجة كُل هل سنين ماتخلت عن حلمها رغم انها دخلت تخصص غيره وسوت شركة خاصة بـيها وهواي اشياء بس بداخلها بقى هل حلم موجود وبقت تدافع عنه!
واليوم حلمها هو كاعد يدافع عنها
قاتل علمود حلمك ودافع عنه حتى هو هم بيوم من الأيام يدافع عنك
حلمك محتاج أثبات منك انك أنت وحدك الي تستحقه من بين كُل الناس الي تحلم بي

#منقـول

لحظة إدراك ..
(والله بصيرٌ بالعباد). رب العالمين يشوفك وهذا وحده كافي يخليك تصبر على اقوى الأشياء + أكبر البلايات تنحل من تكون عندك حالة المراقبة + أكبر الذنوب تنغفر من تطلب هذا منه

بس صير عبد لأن هاي حقيقتك أنت نكرة بدون ما تكون عبد لسيدك وعاجلاً أم آجلا شئت ام ابيت ستخلد عبداً!

‏إلهي بالحُسَين ولا يخيبُ من رجاكَ بِه

يوماً ما ستبدو فخوراً
بكُل الصّعاب التي واجهتها ، كُل لحظة خوف ، توتّر ، قلق ، سهر ، ستبدو فخوراً جداً بعبورك ♥️.
⠀⠀⠀⠀⠀⠀

وراء كل أُمنيه لم تتحقق خير لا يعلمه الا الله

﴿إِنَّ رَبّي قَريبٌ مُجيبٌ﴾

طلابي الغاليين... ❤️
مشتاقتلكم كومه كومه...
شلونكم أخباركم شلونهه العطله وياكم
أكيد اغلبكم مأجلين مواد تعالو سولفولي
شلون جانت الإمتحانات ان شاء الله زينين🙏
طبعا اعذروني على الانقطاع بس صارت عندي حاله وفاه
اتمنالكم كل التوفيق ويا رب كلكم طلعون من السادس وانتم راضيين.. ❤️🙏

@fatoma099_bot

زين شنو احسن طريقة ممكن اتبعها بالدراسة؟

عن تجربة من قبل اكثر من شخص، طريقة التكرار المتباعد احسن طريقة من تجربها راح تشوف نتيجة. بشكل أو بآخر، كلنا مجربين هالطريقة بدون ما نحس بجدول الضرب، ليش كلنا نتذكره بسهولة باول مراجعة عكس بقية المعلومات؟ لان خلال السنة انت دائما تستخدمه بالحل فصار تكرار متباعد.

شنو التفسير العلمي للتكرار المتباعد؟ ليش الطالب ذاكرته تتحسن بهالطريقة؟ ببساطة لان عملية التكرار المتباعد تزيد من مادة الميالين، الميالين مادة تربط تغلف الخلايا العصبية وتربطها بالدماغ وكلما تزود هاي المادة زادت سرعة عمل الخلايا العصبية، وبالتالي يصبح التعلم أسرع والذاكرة أكثر حفظا للمعلومات.



بشكل حرفي، الاف الدراسات تدعم طريقة التكرار المتباعد منها دراسة بعام 2011 قسموا الطلاب لاربع مجموعات وكل مجموعة تدرس بطريقة مختلفة، المجموعة الرابعة اللي استخدمت طريقة التكرار المتباعد كانت احسن من أقرب مجموعة الها ب45% ! ودراسة ثانية نتيجتها كانت ان طلاب الطب بدون طريقة التكرار المتباعد ينسون 33% من المعلومات اللي درسوها خلال أقل من سنة وبعد أقل من سنتين ينسون اكثر من 50% ، أما الطلبة اللي استخدموا طريقة التكرار المتباعد كانت نتائجهم أحسن بنسبة 40%.

يتبع..