باجر عندي امتحان عادي تدعون إلي
لان حالتي حاليآ يُرثى لها من الخوف والقلق

🔰 أنت عندك إمتحان ⁉️
🔰 تشعر ان المواد صعبة ، وما تگدر تهضمها ⁉️
🔰 بعدك ما مكمل المادة ، وخايف يروح الوقت ⁉️
🔰 خايف ان ما تطلع معدل ⁉️

🔷 أهم شي ، وأول شي بعد التوكل على الله (سبحانه وتعالى) خلي عندك #ثقة بنفسك !

⭕️ شنو يعني ثقة ⁉️
❇️ الثقة : هي الشعورُ بالقدرةِ مع وجودِها .

🔶 يعني تحذف [ما] ❌ من كلمة [ اگدر ] ‼️

📢 تگدر تخلص المادة ، تگدر تنجح ، تگدر تطلع معدل عالي ، تگدر تتغلب على خوفك ، تگدر تستغل الوقت ، تگدر تگدر تگدر !

🔶 اخطر شي هي الهزيمة الداخلية ، لأن اذا ما عندك ثقة بنفسك شلون راح تثق بيك الناس !

📜 الثقة بالنفس : جيش لا يُقهر ، وسيف لا يُكسر ، وهي [ روح البطولة ] ، وسر الإبداع ، وشفرة القيادة ، ومدرج النجاح ...

📜 الناجحون هم الذين يقدرون على النجاح لأنهم يعتقدون انهم يقدرون !

📢 عمي المصححين خفوا اديكم بالتصحيح ، ديروا بالكم علينه بالكهرباء ، سوونه حدايق خلي الشباب تقرأ بيها ، ابو المولدة لا تأخرها ، الاباء عليكم الدعاء ، يا اخي وانت الطالب لا تضل تلطم ترى ما رايح للجبهة ، المراقبين لا تسوون القاعة ميدان قتال ، وبعض المراقبين ليش مدلغمين ترى السالفة كلششششش سهلة ...

🔶 ابتسم ، وافرح ، انت ناجح وعابر لذااااااك الصوب !


احبكم 🤍
🖋️د.الشيخ علي المياحي
https://www.tg-me.com/ali11041

•‏يـارَبّ القُوَّة عَلىٰ كُلّ شَيّء .🩵

كُل هذا التعب وكُل هذا السهر ما راح يضيع
راح تشوفون النتيجه بعدين
راح تكولون الحمد لله كملنه وما استسلمنه
الحمد لله ضلينه مستمرين
اتحملوا التعب هالأيام حته بعدين تشوفون الفرحه
فرحوا نفسكم قبل أي أحد
إذا مو انته الي تحقق حلمك منو يحققه
الفرحه الي راح تحسون بيهه صدكوني ما تتقدر بثمن
يعني أكو احلى من أنو تكون بوسط حلمك
أكو احلى من أنو حلمك يصير حقيقة
صدكوني فرحه ما بعدهه فرحه
كل هذا التعب والله بلحظه وحده ينمحي
هذا الوقت راح يمر بسرعه بدون ما تحسون
برمشه عين راح تشوف نفسك انته مخلص السادس
السنه الي جانت كلش طويله راح تحسوهه خلصت بسرعه كلش
كل دقيقه محسوبه الكم كل تعريف كل نقطه راح تفيدك بالامتحان
لا تسختون وبعدين تتندمون بعدين من تشوف الي مستوا أقل منك صار بكليه عاليه لا تستغربون
لا تكولون هذا يصير واني لا
انته الي راح تحدد إذا راح تتندم أو راح تكون بالمكان الي انته تريده
خلوهه ببالكم دائما وأبدا
# ما دام اكو وقت يعني اكو فرصه
موفقين طلابي الغاليين.. ❤️
ما بقه شي وتصيرون كليه استمروا
@fatoma099_bot

ممكن تفيدكم 🤍
بعد تكمله قراه الماده : ( اللهم اني استودعك ما قرات و ما حفظت و ما تعلمت فرده لي عند حاجتي اليه يا ذه الجلال و الاكرام)
.............................................................
عند دخول قاعه الامتحان: ( اللهم ادخلنا مدخل صدقا و اخرجنا مخرج صدقا و اجلعني من لدنك سلطانا نصيرا)
.............................................................
قبل لا يوزعون اسأله الامتحان :( سوره الفاتحه + ايه الكرسي + اللهم لا سهل الا ما جعلته سهلا و انك ان شئت جعلت الحزن سهلا)
.............................................................
سؤال صعب: ( لا اله الا انت سبحانك اني كنت من الظالمين 3 مرات)
.............................................................
بعد الامتحان:( الحمدلله الذي رزقني هذا من غير حول مني و لا قوه ....بارك الله فيما رزق)

#لــقناة_المصحف🕌
ملاحظة 🛑| عند دخولك لقناة المصحف اضغط انضمام لتصلك الايات القرانيه والادعيه 🔽
https://www.tg-me.com/lAlMosahfl

‏﴿فإذا خفتِ عليه فألقيهِ في اليَمِّ﴾

أَلْقِ كل المخاوف والهموم في بحرِ التوكُل

ليُنزِل الله على قلبك بردُ اليقين

لطلاب السادس ...

باچر مو نهاية العالم ، ولا أيام مصيرية ، وقيمتك وشخصيتك مايحددها السادس ، انت بشر وشخصيتك وسمعتك أمام الناس واحترامهم الك مو لأنك دكتور لو بروفيسور وإنما لأنك أنسان أولًا ومواقفك وقيمك هن اليحددن احترام الناس الك

بالوقت اللي نحتاج بي الطبيب والمهندس والمحامي والمُحلّل ف هم نحتاج النجّار والحلّاق وعامل البناء والخضّار وعامل الخدمة ، ولاننسى الرزق ع الله والتوفيق اذا ما الله كتبه الك ما تكتبه شهادتك ، واذا الله مارفعك وزرعلك قبول بقلوب الناس ما راح يسويلك الطب هالشي ولا الصيدلة !

ما أشجع ع انك متقرأ لا أقرأ واتعب ، لكن من تطلع النتيجة وتكون انت مسوي العليك ف ارضى باللي يطلعلك ، اسأل الله ان يخليك بالمكان المناسب ، ربما اختيارك ما يخليك بالمكان اليناسبك لكن اختيار الله حتمًا يخليك .. ولاننسى شي مهم
يوم القيامة ماراح تدخل الجنة لان معدلك ٩٩ ، فلا ننطي الدنيا اهمية جبيرة كلش ونكتل ارواحنا وننسى حتى الدين علمودالدنيا.

شلونهم طلاب السادس... ❤️
شلونهه المعنويات إن شاء الله تمام التمام
ما نريد لا خوف ولا توتر اخذوهه مني الاسئله راح تجي كلش سهله حد الآن أتذكر شلون جنت فرحانه العام من اسئله الأسلاميه كد ما سهله ومبسطه
تدرون العام جنت مخليه بس 3 ايام للأسلاميه وجنت ما ملحكه اخلصهه وضليت كاعده للصبح
لا حضرت ملابسي ولا شي من كد الاستعجال لبست قميص بابا😂💔
ضليت لآخر لحظه اراجع واحاول اكملهه
لا تخافون لأنو امتحان سهل وبسيط
وقبل لا دخلون للقاعه بكم دقيقه وقفوا المراجعه اخذوا ريست قصير ودخلوا للقاعه
اريد تهكروهه للأسئله ما تبقون اي شي فارغ كتبوا الي تعرفوا كوله وحته الي ما تعرفوا عبروا كلش عادي
وقبل لا تبدون حل كتبوا على الدفتر بأديكم توكلت على الله
وانتبهوا طلاب من تحلون سؤال سؤال لا تقرا كل الاسئله ابد
اول ما تاخذ الاسئله خلي الدفتر فوك وحلوا سؤال سؤال
موفقين طلابي الغاليين... 🤍❤️
@fatoma099_bot

 إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ ۝

طلاب الي عنده مراجعة مركزه للمواد ٢٠٢٣ pdf
يراسلني..
@fatoma099_bot

﴿فَدَعا رَبَّهُ أَنّي مَغلوبٌ فَانتَصِر﴾💙 .

يا اخوان توكلوا على الله شهالتشائم الي عندكم !
تروح الامتحان بالنية هذه
مهما كان الامتحان صعب
( أنا معايا رب ما راح يضيعني )
والله لو تدخل باليقين هذا لو سيبويه مخليلك الاسئلة دشو تعرف تحلهم و تطلع من الامتحان بسهولة
لا تعود نفسك ع انه اني ما راح اجاوب و اني خايف و مدري ايش لا يا عيني فوت و لا تخاف انت تعبان سنة كاملة و حال اسئلة و تعبان على نفسك من ايش الخوف يا ترى ؟
صير قوي ، هاي الفترة الي لازم تثبت بيها نفسك
هو هذا وقتك ترد حقك من كل انسان انتقص منك ، وقتك حتى تدخل ما كان ببالك من انت صغير ، وقتك حتى تفرح اب و ام و اخت و اخ و صديق شايلين همك و منتظرين تفرحهم توكل على الله 🤍

اسمعوها طلابنا الأبطال 🤍

الانسان لو شويه يتأمل بتدبير الله تعالى له ... يفرح !

حتى الاشياء الي يعتقد انها مو بصالحه لو الله يراويه الحكمة لكان اصابه الذهول وراح يشوفها في قلب مصلحته !!

يتمرض بمرض بسيط ما يدري هذا المرض يخلصه من موت !

يكتب عليه سفر ويتململ ويتمنى ما يروح وبعدين يطلع هذا السفر بيه الف منفعه

تصيرله مشكلة وما يدري بهاي المشكلة راح يخلص من الف مشكلة

ما تنقضي حاجة وما يدري نفس الحاجة بيها هلاكه !

يتمنى شي وما يدري هذا الشي اذا صار راح يتعبه !

الحكمة خفية في كثير من الاشياء ولو ظهرت للعبد لأصابه الذهول !

طريق الله يرادله حسن ظن كبير بتدبير الله

ولو ينظر العبد بعين البصيرة راح هواااااااي يفرح في كثير من المواطن الي ظاهرها محزن !

گولوا شكرا لله

🔹الشيخ علي المياحي
@ali11041