شلونكم؟
@shms98_bot

راح يطيب گلبك لدرجة ماتذكر هو ليش انكسر من الأساس
راح تضحك لحد ما تنسى شوكت اخر مرة بچيت بيها
وراح توصل لأحلامك لدرجة هاي الاحلام اللي اليوم جاي تشوفها بعيدة حتكون روتينك العادي بعدين

كل هذا مو بعيد اذا صدگته وبقيت تحاول علموده♥️.

اعرف ان هواي اشياء جاي تشغل بالك وتقلقك وتضغطك .. بس تدري؟
لمن يجي وقتها راح تلاگي ربنا مرتبها ومدبرها بأحسن من ما چنت تتخيله !.

سيبها تمشي زي ما ربنا كاتب ،
هتلاقيها مشيت احسن ما انت عايز.

إذ لم تكن لديك ثقة بنفسك، ضع ثقتك بالله فحسب و امضي. الله تعالىٰ سيضع الثقة بقلبك كما فعلت أنت معه. ببساطة إن فشلت كُلّ محاولتك لتصنع ثقةً لك فلا تفعل شيئًا، فقط قُل: أنا لا أملك ثقةً بنفسي، لكن أملك ثقة لا حدود لها بالله و سيفعل مِن أجلي ما حاولت من أجله و لم أنله.

-هالة الجبوري

الله يُحطّم أحلامك ، حين يرى أنَّ أحلامك ستُحطّمك .

"لحظة العَوض فقط ستفهم حكمة الأبواب المُغلقة."

تمشي 100 خطوة وتالي تكتشف متأخر ان الوجهة ماتستاهل
فترجع هاي ال 100 خطوة وحدك
وغالبًا ترجعهن وانت حزين ..
يمكن وانت ترجع هاي الخطوات تلگه شي يستاهل اكثر من الوجهة اللي چنت رايحلها
يمكن يصادفك تعويض ربنا على تعبك وحزنك ..
المهم انك ماراح ترجع فارغ ومخذول ابد ..اطمئن♥️ .

#السادس

كلمة صايرة رعب لكل طالب ..اول مادخلت للسادس جنت وين ماكو طالب سادس مكمل ألزمه أسأله الف سؤال ..شلون جنت تقرا؟ شوكت تكعد؟ شوكت تنام؟ كم ساعة تقرا باليوم؟ شلون مقسم جدولك ؟ شتسوي وتحفظ ؟وين تروح وين تجي شتلبس شتاكل شتشرب كلشيييي اسأل لان جنت مستصعبة السادس لان ياهو الاشوفه يلطم ..بس بالاخير اكتشفت انو احنه منطينه أكبر من حجمه ! راح احجيلكم بعض الاشياء اذا تحبون اعتبروها نصائح حسب تجربتي 💙


١_ عينك عاليومي ..بيك ومابيك اقرا باليومي ولتعبر درس وتغلس عنه ابد حتلو جنت غايب مومشكلة عوّض عنه بغير يوم لان الدرس التعوفه ومتقراه راح يتعبك كلش بالامتحان ويصيرن عليك امتحانين

٢_ لتعبر شي بدون متفهمه ...دوّر عاليوتيوب اسال مدرسك اسال طالب زين سوي اي شي المهم متعبر درس وانت مفاهمة وها وبعدين افهمه وها وبعدين اقراه ترا تندم صدكني .. افهم زين يلا تعبر الورقة

٣_بالنسبة لطلاب الادبي نصيحتي الك لاتدخل خصوصي ولاتقرا شي بالعطلة تونس بيها واشبع طلعات وتهيأ بس الاطلبه منك تروح لليوتيوب تتابع استاذ باسل الزبيدي بالرياضيات واستاذ احمد النعيمي بالعربي والانكليزي اذا تحب تطلّع عالقواعد هم هن كلش سهلات ..اضبط ذني المادتين ع ذوله المدرسين والله شرحهم يجنن ويفهم واني كله عليهم وبالعربي جبت 91 وجانت اغلاطي تافهه كلش بحيث طلعت من الامتحان اضحك ع نفسي اكول بهاي اخطأ معقولة ! والرياضيات جبت 85 ويعني الف الحمدلله لان اني كلش مااحب الرياضيات وبنص السنة درجتي بي 57 ف تخيلوا ..لتقرا لاتاريخ ولاجغرافية ولااقتصاد ولاا اي شي ضم حيلك للدوام ووراك كومة وقت تقرا بي اما العلمي ف بعد ماكدر اكلكم شي بخصوص الدروس بس اكيد لازم تقرون


٣_لتضل تسأل طلاب السادس .. ميخالف اسألهم اشياء عامة ..مرات واحد يكلك اني باليوم اقرا 6 ساعات مثلا وانت تقرا بس ساعتين لكن انت تفتهم بذني الساعتين بينما ذاك يحتاج 6 ساعات ف موقياس ابد والله اني جنت اصفن ع اليقرون 8 ساعات باليوم عادي اني اقرا 3 ساعات افهم واكمل واجاوب ..ف موقياس ابد انت وفهمك ودماغك معليك بأحد


٤_لتفكر بدور ثاني ابد ..اقرا وكأن هاي أخير فرصة الك وماكو لادور ثاني لاتحسين معدل لاأي شي

٥_وازن يومك موازنة زينه ..عادي تطلع عادي تروح عرس عادي تنام عادي تفتح موبايلك مو تخنك نفسك لانك طالب سادس لااااكلش عادي بس المهم متخلي هالاشياء تأثر ع دروسك يعني مو معزم غده ببيت عمك وتكعد ب11 تبدل وتروح وتكول نبأ هديب كالت طلعوا ..لا عيني ..اكعد من الصبح اقرا فد 3 ساعات وبعدين روح براحتك عادي ف المهم متخلي شي يأثر ع شي 🌺


٦_مرات تصير عندك حالات فتور وضوجة وكآبة هم كلش عادي اترك الكتاب فد يومين ارتاح استقر يلا ترجعله لتخنك نفسك فد نوب كلنا هيج صار ويانه

٧_اهم نقطة اهم نقطة انك تتوكل ع الله وتسوي اللي عليك....يعني موتروح للامتحان انت مقاري وتكول لااني متوكل ع الله ..لا هيج ميصير اقرا واتعب وسوي العليك والباقي ع الله

٨_خلي ببالك فرحة اهلك وفرحتك من تنجح وفرحة شماتك من ترسب ولاجل هاللحظة قاتل

٩_ليخوفوك بكلمة سادس ..سهلها وتسهل صدكني ...لتخلي الخوف والقلق يسيطر عليك سوي اللي عليك ووين متوصل توصل ...


هاي اشياء خلوها ببالكم برحلتكم بالسادس وان شاء الله رب العالمين يوكف وياكم ويعينكم وتفرحونا بنجاحكم واني من اتذكر شي هم انزله❤️

للطلاب الجدد

تصبحون على خير وبركة وتوفيق
ولطف الله الخفيّ❤️ بالتوفيق يارب بدعائي دائماً.. انتو اقوى من الأمتحان لا تنسون
#شمس
@shms98_bot

استمرارية السعي تعني حتمية الوصول
بس مو للمكان اللي انت تريده , للمكان اللي الله قدرلك الخير بي .🫶

this too shall pass

احنا راح نحاول حَتى ناخذ أجر
المُحاولة .. النتيجة ما تخصنا
هاي توفيق من ربنا💙 .

﴿فَعَلِمَ ما في قُلوبِهِم فَأَنزَلَ السَّكينَةَ عَلَيهِم﴾❤️‍🩹

اوقفوا ضجيج الافكار في دماغكم فقط تذكروا انه الامر كله لله مو للبشر ..
تذكروا ما يوم انسان يتعب ويضيع تعب لو يدعي ودعائة يرد لو يتقين المعجزة من الله وينخذل .. نعم قد تتاخر لكن حته وقت وتعب التأخير الله رح ينسيكم هذا التعب والارهاق من شدة الفرحة الي حتجي بالوقت الصح..
لتهتمون اذا غيركم تقدم او نجبر وانتو بعدكم ترة الله ماناسيكم وجبركم حيكون يليق بهذا الصبر وهذا التعب ..
عيشوا كأنما انتم بوسط الفرحة .. الله اكبر من كسر فرحتكم .. واكبر من همومكم الي مدوختكم ومنكدين يومكم بالتفكير والهم ..
وتذكروا العجز هو اجمل اشارة ربانية من الله للانسان بأن وقت استجابة الدعاء قد حان ..
لتسالون عن الطريقة والوقت ابد ..
فقط سألو الله شنو هي المعجزة والفرحة المنتظرتكم ..
هسه اخذوا شهيق عميق وضعوا يدكم على قلبكم وقولو يا صاحب الزمان ادركني واغثني