#قصائد_استشهاد_العباس_ع
@yy555h @yy555h 
ـــــــــــــــــــــ
قصائد لجميع الشعراء ملحنه
@aaaaaaaaayy
ـــــــــــــــــــــ
قناة قصائد محرم وصفر
@k20k20k1k8k 
ـــــــــــــــــــــ

موشح..

حسين لمن طاح الله ابعونه 
ناحوا املاك السمه وينعونه 
* 
ناشد القرآن بعنان السمه 
يتله بالآيات ابنج فاطمه 
حسين فوك الكاع ياحيف انرمه  
زين ماشفتي العده ايسحكونه .. 
** 
أرد انشدج فاطمه عندج علم 
التمت اعله حسين أشباه الزلم 
بالعطش ايام يكضيها بألم 
وجانوا ابنج فاطمه ايعرفونه..
****
آه  يحسين اشبكه عندك بعد 
لا اخو اليفزع الك لا ضل ولد 
مسلب اهدومه ويضل عاري الجسد 
ابعيني شفت اهل الرده ايسلبونه ..
***  
اشلون عاري اعله الترب ابنج وكع 
لا كمر هاشم ولا الأكبر فزع 
لا حبيب ولا وهب فز وسمع 
حشم وما اضنهم ايسمعونه..
** 
آه يافاطم فلا عندج خبر 
حسين فوك الكاع محزوز النحر 
يصرخ العطشان موجبدي انفطر
اي وحك جدي ولا يسكونه..
**** 
آه لو شفتي الخيول الداسته 
اسهام يافاطم يمردن جبدته 
الطعنه فوك الطعنه صارت طعنته 
اشلون ابنج واكع ويولونه.. 
**** 
آه لو شفتيه يا أم الحسن 
آه لو شفتي الخيول اعليه اجن 
وراسه فوك ارماح وسفه يازمن 
حسين يوم العاشر ايذبحونه .. 
* 
زيد الحدراوي

(ماتت احلامي بطشت)

ماتت احلامي بطشت وانكطع خيط الدلال 
همه صاحولي وطحت وآني اصيحلك تعال 
وين ابويه الغالي .. ثاري انته اكبالي 
وآني اصيحلك تعال 
**** 
تكسر الخاطر دمعتي            وين البكلبه رحم   
فكدت اعيوني كحلها          وروحي باليها الألم   
شكد بجيت وردت اكلك       بويه حركوها الخيم 
ولن اشوف اكبال عيني        راسك وكلبي انثلم 
 
سكت كلشي بذيج روحي وضاعت احلام العمر 
جنت اكولا كل مسيه ترجع وباجر تمر
هايه ماهي ابالي .. ثاري انته اكبالي 
وآني اصيحلك تعال 
** 
جنت اكولا عمه وينه                وافرش السجاده  
بالحلم شفته يصلي                وهسه كلبي الراده  
عندي عاده بحضنه اغفه        وهايه صارت عاده 
وهسه مدري اشلون اغمض       وما اريد اوساده 

جنت انام بحضن ابوي  واملك العالم جنت 
وهسه نام بحضني هوه واني يم راسه متت 
من عرف دلالي .. ثاري انته اكبالي 
وآني اصيحلك تعال 
* 
ردت اكلك بويه تدري            بقصة الترجيه 
اشلون يكطعها ويجرها       وآني اشكفها بديه 
من كطع بيده التراجي          محد الينغر عليه 
صحت بويه الحك النه          الحك بنيتك رقيه  

هو يكطع بالتراجي  واني اصيحا" ياحسين 
هو كلي مايسمعج وآني اصيحا" يالحنين 
من رسمت آمالي .. ثاري انته اكبالي 
وآني اصيحلك تعال 
*** 
بويه بسمرها الليالي        فراكك ايكسر الكلب 
حتى الاطفال البريئه             عذبوها بيا ذنب 
بويه شحجيلك يغالي         عن سفرنه والتعب  
بويه نكطع بالمسافه       مدري يكطعنه الدرب  

عالهزل يابويه اجينه وجتفونه اعداكم 
الشمر ينهرنه ويسبنه ايكول حيل اوياكم 
وآني مدري شمالي .. ثاري انته اكبالي 
وآني اصيحلك تعال 
*** 
والله كون المات ابوها            ميته كبله وراحت 
قهر يخلص كل عمرها            هي بيش ارتاحت  
عكب عينه من سمعها           من بجت من ناحت  
الجان يوكع كبل بته               ايطيح لمن طاحت  

واني ابوي انكطع نحره  مدري نحر اسنيني 
كلشي بيه ايموت غفله  حتى دمعة عيني 
وانتبهت الحالي .. ثاري انته اكبالي  
وآني اصيحلك تعال 
*** 
يارقيه .. الشفاعه
زيد الحدراوي

 
            

بصوت ملا وسام الدين خادم الحسين ع