ما انسه مصاب الصادق الليله
تحية للبقيع ابروحي اهديله
=====@@@=========1️⃣
شلون انسه مصابه اوهوه امام الناس.
سمو بالغدر وسفه بنو العباس.
ابو الكاظم امامي اوهوه رفعة راس.
من ياباب اوصفه اوبيمن ابديله.
======@@@=========2️⃣
ادز مرسال دمعي ويالحزن هاليوم.
لمامي جعفر وللسادس المعصوم.
تضل مدرسته نور اوضاويه للدوم.
اتّعنه اگلوبنه اوبمصابه تمشيله.
=======@@@========3️⃣
أمامي جعفر اويامكلف امصابه.
تضل تنعه اعله فگده الليله طلابه.
يضل محتار عمره المادخل بابه.
اوعِلم طه اوعترته عنده تأويله.
======@@@========4️⃣
مضلوم اوبعد لي هسه ضُلمه ايبات.
أسف هدو الگبر أهل الحقد والات.
لكن مانسينه انگله ابد هيهات.
اوضريحك بالگلب ياجعفر انشيله.
======@@@========5️⃣
ضُلم المر عليكم سيدي مرنه.
نناطر بالفرج والمهدي يحضرنه.
ياخذ ثارنه اوثارك يجعفرنه.
واحنه ارواحنه للمهدي نفديله

     الشــــاعر ✍️
ابو عــبدالله الشمري

قصائد وفاه الامام الصادق(ع)

مـــوشــــح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشيعــه حـزنانه وتـــــون مألمـه
مودمــــع لمصيبتك تبچي دمـــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
صعـب والله عالشيعـه هالمصاب
يالصادق الشيعه فلا تحمل غياب
بغيبتـك هالشيعــه يلفيها العذاب
ياحبيب الـــروح يااغلى الاحباب
شيعتك عالحـــزن والله معلــــمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشيعـه حـزنانــه وتــــون الليلـه
شيعتـك تبچــــي ودمعهـا تسيلـه
المثـلك انتـــه حـگنــه لو نبچيلـه
العــمـــر كلــه مااضـــن نـوفيلـــه
الله وياك يـراعـــــــــي الغانـمـــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ضلمه بغيابك صفت دنيـــــــانـــه
ويـــــن رايـــح عــــنـه يامولانــه
فــــراگك انـتـــه سيــدي اذانــــه
صعـب فگـدك هالنون خــــلانــــه
بغيبتك دنيـانـــه صارت مضلمــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فاطمــه نواسيها ونـواســي علي
همنـــه بمصـابك فلاضن ينجلــي
ياولينه وداعـــــــــه الله يالـولـي
بالسلامه يابعـــد روحــي وهلــي
لمصيبتك حزنان حــماي الحمـــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ذكـــرك انـتــه والله مــاناسينـــه
نبچـي ونـون والدمــــــــع ياذينه
شكثــــر احنــــه بغيبتك ونيــــنه
مصيبتك مـــولاي صعبــه اعليـنه
تبچي لمصابك يـمولانـــــه السمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشاعر        عماد محمد الدراجي
السبت                  2021/6/5

أبو ذيات للعقيلة زينب ع
*
گضيت آنه الزمان ابأه ويّ اه
ويا ضيم اليجي ايجر ضيم ويّاه
فگد أمي الگلب نيران ويّاه
وچَمّل ناري ضيم الغاضرية
*
احترگنه ابنار طفنه وگوم طفنه
وسبب هالنار يالمنتظر طفنه
عماتك على البلدان طفنه
سبايه وبينه تتشمت أمية
****
حرت بين الشتم والضرب والتل
وهَدني الركض بين الخيم والتل
صرت آنه كفيله اعيال واته ال
جنت كافلني  وعيالي سوية
***
مصابك يالگمر اصبح ورم صاب
دليلي العاش بمصيبة ورى امصاب
اعيش امصاب ويعدي واره امصاب
من جدي النبي للغاضرية
***
امصار السبي ابدلالي ورم صار
أفر امصار خلاني ورى امصار
عَلَي امصار تتفرج واره امصار
تتناشد عَلَي مَنهي السبية؟
****
شربت امحبّتك يحسين وان مال
الدهر ما بدلتهه ابملك وان مال
خدمتك ما يملهه الگلب وان مال
أبدله من يصح غيره ابأديه
*
شربت الصبر من امي لمن دار
عليهه قنفذ ابسوطه لمن دار
ابوي احترگ باب الهه لم اندار
على الطگني ويصد ابعينه ليه
***
المرار اخلافكم لينه  ولف صار
يأمر صار اله انجاوب والف صار
ألف تشتم والف تشمت والف صار
ايصيح ابحجر أرموا الخارجية
***
سگاني الدهر من كاسه ولا حد
رَدّه وخَلّه لدموعي واله حد
عبرهه الزينب احدوده ولا حد
بقه من عدهن الا ومَر عليه
***
الشاعر قاسم الساعدي المندلاوي

عطر …

لاستشهاد الامام الصادق    شوط كربلائي

بميدان العلم أعلام   فرّت من اثر عزمه
رد الناظره مهزوم     محد يوصل العلمه
★★★★★
بميدان العلم مشهور    مصادر علمه معروفه
من ارض الحجاز تفوح  تروي البصره والكوفه
بحور العلم لوتنقاس   كلها گطره  بچفوفه
بصولاته اشكثر جعفر
ملاحم للعلم سّطر
لوكر بالعلم مافّر
القاصي وداني يشهدله   اول بالعلم اسمه
★★★★★
مثل نبض الگلب تسري العلوم وماغفل عنها
من الطف رسم دربه    ولوعة كربله اونها
بحجم ذات الهظم والهم   اخذ زود العزم منها
عاشت كربله بگلبه
هيه الاسست دربه
تخطه شماتمر صعبه
وأكد شمس ال البيت   ماتندفن بالظلمه
★★★★★
چم طالب اجه ملهوف   من كل كتر  متعني
خذوا من علمه وراحوا  اجيال  ايحظر  ويبني
كلها اتكول بالالاف      الصادق هوه علمني
كلمن رد على ادياره
منك حصّل ابشاره
نال العلم واسراره
علم مخزون للصادق.   شكّل للعدو صدمه
★★★★★
حكمه وفلسفه وتفسير  عقيده ومنهج وفكره
دوّن علمك  التاريخ    بيه كل الخلگ تقره
يامولاي انته الدين   وانته  منهج العتره
يانجم الفخر عالي
على البلدنيا متعالي
ياوالي على كل والي
واهم ظنك المحكوم   وانته سيد الحكمه
★★★★★
شكّل للعدو علمك  الف صدمه والف حسره
حد ماقرروا  بالحال   عمرك ينحسم امره
بالسم لوقتل ينهون    نور الشمس والگمره
الماخذ من علم حيدر
يواجه علمه من يگدر
عليهم دايرات. الشر
تذهب ريحهم ويظل    سليل الهادي والعصمه

الشاعر حسن لعيبي الحريشاوي






عطـ🌹ــــر