مات الأمل بعد الأهل وين اهلي راحوا وين
=============================
طفلة وعليلة وبالحزن نــار الهظـم ماتطفـه
و شلــون بالله أستجن وجيف النواضر تغفه
زغيرة ولا اعــرف أون وحته الهجر ماعرفه
موبيتي اصبح جالسجن عكب الاهل ياوسفه

بهذا العمر وعشت الهجر وصبري اجيبه منين
==============================
ماكَالـــوا انـرد مانـــرد و بين الأمــــل خلوني
ما أحمل جروح البُعد و ماظـــل دمع بعيوني
ياكَلبي للوعـــة استعد أحبابــــي مـــا يلفوني
أزرع طريق الطف ورد لـــو رجعوا و أخذوني

درب السفر كَالوا خطر كَلبي انجرح مرتين
=============================
يامن اخــــذت العايلـة وآنه شعجب مو منهم
والبيت من عدكـم خله ينسوني لا مـــا ظنهم
ياهو الأشوفــه أسألــه هم خبـــر عندك عنهم
كَالولي ابــوج ابكربــلا وموطن غرب موطنهم

حط الضعن بذاك الوطن يالرايده اتنشدين
=============================
شتحمل وأسمــع خبر واتوالت اخبــــار الشوم
من عدها دلالي انفطر وطير الحزن كَام يحوم
كَالولي ابوج ابلا ضهر واستضعفت حاله الكَوم
ضهره انكسر يم النهر بحرب العطش هاي اليوم

عكَلي اندهش ليش العطش وعطشان ابوي حسين
================================
ياكربلا صحت ابجــرح اهلي اعله ارضج خطار
خطــــارج انتي ينذبــح و خيامه تاخذهــا النار
وشجاب ابوي اعله الرمح ومجانه حضن المختار
وشعدها عمتي من الصبح فوكَ الهزل شنهي الصار

وآنه طحت واتعثرت يسألني دمع العين
=============================
حسن بشير السوداني

للتذكير

تقسيم ليالي شهر محرم الحرام

٣٠ ذو الحجة ليلة هلال محرم
١ محرم  ليلة مسير الضعن إلى كربلاء و الخدمة الحسينية
٢ محرم  ليلة فاطمة العليلة عليها السلام
٣ محرم ليلة ام البنين عليها السلام
٤ محرم ليلة مسلم بن عقيل عليه السلام
٥ محرم ليلة أنصار الحسين عليه السلام
٦ محرم  ليلة ابا الفضل العباس عليه السلام
٧ محرم ليلة القاسم ابن الامام الحسن عليهما السلام
٨ محرم ليلة علي الاكبر عليه السلام
٩ محرم ليلة العاشر الوداع و عبد الله الرضيع
١٠ محرم ليلة الوحشة
١٢ محرم دفن الاجساد الطاهرة
٢٤ محرم ليلة استشهاد الامام السجاد عليه السلام

#نسالكم_الدعاء