ХIинцца бен тидам цабина аса кху комментари.

ХIара чIогIа тамашийна кхетам бу!

Уггаре хьалха: ГIазотан байракх и ши тоба юккъеялале Китай дозане дIакхаьчна хилла ю.

ШозлагIа: Умматан бIогIамаш хилла Iеламнах, и ши тоба юккъеялелае 300 шо хьалха дуьйна хилла бу.

КхозлагIа: Iакъийдат нийса хилар я, харц хилар паччахьех доьзнарг эшамехь вуьссар ву, ашIарийн Iакъийдат тIехь хиллачу Салахьуддийна схьаяккхана Къудс шахьар, жаIархошна иштнехьа дIайелларг мила вара хеи хьуна?! АшIарийн Iакъийдат тIехь волу алмалик алКамил вара хьуна! ХIинца ашIарийн Iакъийдат телхина ю, хIунда аьлча ашIарий Iакъийдат йолачу паччахьо Къудс жаIархошна дIайелира али вай?!!!
Уггаре харц терза ду, Iакъийдат нийса хилар я, харц хилар паччахьийн кхиамах я, эшамах хIоттар.

ДиълогIа: Салахьуддийн вай вуьйцаша иза ашIарий хилар къайла кхоьхьаша дац, вайна иза Iакъийдатехь масал дац, амма, къонахаллехь, гIазотехь, шен уммат лардарехь, куьйгалла дарехь, мостагIашна доьхьала латтарехь масал ду.

ПхеълогIа: Салахьуддийн вайна дукха веза, иштта умматан пайде мел хилла Iеламстаг, паччахь а веза, церан гIалаташна АллахIера царна гечдар а доьха.

ТIаьххьара: Салахьуддийн ашIарий вара, тхан Iакъийдат тIехь къонаха вара цхьамма бахахьа, иза тIех хьакъ ву-кх цуьнгара масал эца, цо санна бусалбанца гергарло лело, керистанца мостагIалла лело. Амма, бусалбнаца дов лелош, керистан доттагIа хилларг, Салахьуддийн цуьнах цIена ву, иза Салахьуддийнан некъах цIена а ву!

Дика хууш верг АллахI ву.

(ХIара кхетам дуккхаъ нехан хьуьлаш бу, цундела жоп кху чохь делла, хьуна къаьсттана цалуш, деха дийцарна бехк ма билла).

•Ахьмад.

https://www.tg-me.com/islamantariyh1