🟦🟦🟦 🟦🟦

👩 Andijon davlat universitetining ijodkor talabalari diqqatiga!

Andijon davlat universitetida iqtidorli talabalarning ijodiy salohiyatini ro‘yobga chiqarish, ularning adabiy-estetik qarashlarini shakllantirish hamda keng jamoatchilik e’tiboriga havola etish maqsadida “Ziyo sari bir qadam” nomli ijodiy to‘plam tayyorlanmoqda. Mazkur to‘plamga ta’lim muassasamiz talabalarining ijodiy izlanish mahsuli bo‘lgan she’rlar, publitsistik maqolalar, esse hamda badiiy-publitsistik parchalardan iborat eng sara namunalari jamlanmoqda.

📝 “Ziyo sari bir qadam” ijodiy to‘plami uchun qabul qilinadigan materiallar quyidagi yo‘nalishlarni o‘z ichiga oladi:

➡️ Universitet faoliyati, tarixi va yutuqlari haqida publitsistik maqolalar;
➡️ Ijodiy she’rlar;
➡️ Esse yoki publitsistik matnlar;
➡️ Badiiy parcha va hikoyalar.

❕ Ishtirok etish shartlari:
- Asar Word formatida, o‘zbek tilida (lotin yozuvida) taqdim etilishi shart.
- Muallif haqida ma’lumot: ism, familiya, yo‘nalish, kurs, erishgan yutuqlari, faoliyati va telefon raqami ilova qilinishi lozim.
- Asar hajmi va mavzusida cheklov yo‘q, ammo ijodiy yondashuv va sifat muhim!

📆 Topshirish muddati: 20.07.2025

📨 Yuborish manzili:
Telegram: @savollaringiz_uchun
Telefon: +998946367050

📚 Yig‘ilgan asarlar universitet kutubxonasiga topshiriladi va mualliflarga tarqatiladi.

✏️ Imkoniyatni qo‘ldan boy bermang! Ijodingiz bilan iz qoldiring, so‘zingiz Andijon davlat universiteti tarixida muhrlansin!

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

🟦🟦🟦

SIMO-2025 xalqaro olimpiadasida Andijon davlat universiteti talabalari yuqori natijalarga erishdi

Poytaxtimiz Toshkentda O‘zbekiston Fanlar akademiyasi Matematika instituti hamda TIFT universiteti hamkorligida o‘tkazilgan SIMO-2025 (Sadullayev International Mathematics Olympiad) xalqaro olimpiadasi muvaffaqiyatli yakunlandi.

Ushbu nufuzli ilmiy bellashuvda iqtidorli yoshlar o‘z bilim va salohiyatlarini sinovdan o‘tkazishdi. Quvonarlisi, mazkur xalqaro miqyosdagi olimpiadada Andijon davlat universiteti Matematika va mexanika fakulteti o‘qituvchisi Xolmurodjon Qo‘shaqov rahbarligidagi 6 nafar talabamiz munosib ishtirok etib, yuksak natijalarga erishdi. Jumladan, jamoamiz a’zolari 1 ta oltin, 2 ta kumush va 3 ta bronza medallari bilan taqdirlandi.

🎗G‘olib talaba-yoshlarimizni hamda ularning ustozlarini samimiy muborakbod etamiz va ularga kelgusi ilmiy izlanishlarida, yirik xalqaro musobaqalarda yangi zafarlarga erishishlarida muvaffaqiyatlar tilaymiz.

#Dolzarb90kunlik #Yoshlaroyligi

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

🟦🟦🟦🟦 🟦🟦

🎓 Mutalipov Azizbek Abdullajon o‘g‘li dissertatsiya ishini muvaffaqiyatli himoya qildi

Joriy yilning 28-iyun kuni Namangan davlat universiteti huzuridagi PhD.03/30.12.2019.B.76.01 raqamli Ilmiy kengashning navbatdagi yigʻilishida Mutalipov Azizbek “Ayrim gidrolizlanuvchi taninlarning kalamush aorta silliq muskuliga vazorelaksant ta’sirini tavsiflash” mavzusida 03.00.08 - Odam va hayvonlar fiziologiyasi, 03.00.02 - Biofizika va radiobiologiya ixtisosliklaridan biologiya fanlari bo‘yicha falsafa doktori (PhD) dissertatsiyasini himoya qildi.

Tadqiqotchi dastlab o‘z ishini ham nazariy, ham amaliy jihatdan muhim mavzuga bag‘ishlanganini asoslab, tadqiqot ishining mohiyatini ochib berdi va xulosalarini bayon qildi. Dissertant ishning muhokamasi davomida kengash a'zolarining savollariga a'lo darajada javob berdi.

Yig‘ilish yakunida kengash a'zolari dissertatsiya ishini 100 foiz yoqlab ovoz berdilar va Mutalipov Azizbek biologiya fanlari bo‘yicha falsafa doktori ilmiy darajasi uchun loyiq deb topildi.

🎗 Jamoamiz nomidan Mutalipov Azizbek Abdullajon o‘g‘lini ushbu himoya bilan samimiy qutlab, mustahkam sog’lik, ilm yo‘lida muvaffaqiyat tilaymiz!

👏 Universitetimiz olimlarining safi kengayaversin!

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube