ሞቀኝ ሞቀኝ ብላ ፡ ለምትመለሰዉ ፣
ቆላ ትሄዳለች ፡ አላት የደጋ ሰዉ ።
🙄ማነዉ የሚመልስልኝ እስቲ ?
✍ታገል ገጣሚዉ

እሞትብሃለሁ

ናፍቆትህ አድሞ ትዝታህ ከሚያሸኝ ፣
ብትወደኝ እንጂ ጠልተህ አትሽሸኝ ።
ደልለኝ ግድ የለም በቃልህ አምናለሁ ፣
ሄደህብኝማ እንዴት እሆናለሁ ።
ለዓለም ታዉሮ አንተን ለሚለየዉ ፣
ያለእርሱ ባይ አይኔን ስትሄድ አታሳየዉ ።
እያልኩኝ አልቅሼ መሄድህን ያልገታዉ ፣
እንባዬን ጠርጌ ዳግመኛ ተረታሁ ።
ተረታዉ በሌላ አፈቀርኩ መልሼ ፣
ወድቄ ተነሳዉ ቆምኩኝ አፈር ልሼ ።
ልክ እንደወፊቷ እንዲህ አፍቅሬ ልበር ፣
እሞትብሃለሁ ያልኩህ ለምን ነበር ።
✍️ታገል በንቲ
tiktok.com/@tagelbanti
ቴሌግራም @afkarish

ቲክቶኬን ሞቅ ሞቅ አድርጉት እንጂ አጣዋችሁኮ🙏❤️😊
tiktok.com/@tagelbanti

.......✍️እያንዳንዳችን ፡ አንብበን ከሼልፍ እንዳኖርነዉ መፅሐፍ ፡ ነሸጥ ሲያድርገን ፡ ያሰኘንን ገፅ ከፍተን ፡ በደስታዉ ተሳስቀን ፡ በሃዘኑ ተክዘን ፡ መልሰን የምንዘጋው የትዝታ መዝገብ አለን ።
................
..............
ታገል በንቲ
tiktok.com/@tagelbanti
ቴሌግራም @afkarish

ሰዉ ሃገር በድኔን ፡ አታኑሩት አዉጡኝ ፣
ሃብቴን ዉሰዱና ፡ ለሃገሬ ሰዉ ስጡኝ ።
.
ምን አልኩ እስቲ ፡ የሚሞክር አለ ወይ
ህብረ ቃል=
ሰም=
ወርቅ=
✍️ታገል በንቲ
tiktok.com/@tagelbanti
ቴሌግራም @afkarish

ወቅት እንዳልጠበቀ ዶፍ እንባ ሳነባ ፣
ምንጩን ማድረቅ ትቶ አዛኝ ቦይ ገነባ ፣
ቁስሌን ማከሚያ መስጠት ሲችል ፋሻ ፣
ስቆ ያፌዝብኛል ሊያሳምመኝ ሲሻ ።
በል እንግዲህ እንባዬ በለዉ ሆድ ሲብስህ ፣
ካመንከዉ ፈጣሪ መልስ እስከሚደርስህ ።
❤❤❤❤
✍️ታገል በንቲ
tiktok.com/@tagelbanti
ቴሌግራም @afkarish

አደራ

እታባ አብሯአደጌ ፡
የኔ ተንሰፍሳፊ መፅናኛ ታዛዬ ፣
ሞት ጥርሱን አግጥጦ ፡
ሊዉጠኝ ቢመጣ ማምለጫ ቤዛዬ ፣
አሜኬላ ፈርተሽ ፡
ፈራ ተባ ማትይ ቆሳስለሽ ለመድማት፣
ቀና ብዬ ሰዉ ፊት ፡
አምሮብኝ እንድታይ ለረሃቤ ነሽ ሌማት ።
ለደስታዬ ተግተሽ ፡
ያንቺን ሁሉ ለኔ ስትቸሪኝ እያየሁ ፣
ምን እንደ ጎደለው ፡
ሙላቴ ሳላጣሽ ጎደለኝ እላለሁ ።
ሰዉ አልቸገረኝም ፡
የዓለም ፈተናን አልፍበት መበርቻ ፣
ሁሉ ፊቱን ያዙር ፡
እንዳትጨክኚብኝ አደራ አንቺ ብቻ ።
✨✨✨✨✨✨
✍️ታገል በንቲ

.....✍️አንዳንድ ሰዎች ይንቁኛል ፣ ለምን ናቁኝ ብዬ አጉል ፀብ ዉስጥ አልገባም፣ ነገር ግን ሁለት ነገሮችን እመለከታለሁ፣ አንድም ...የናቀኝ ሰዉ ከኔ የባሰ መንገድ ላይ ካለ ፣ እኔን መናቁ ትክክል እንደሆነ አስባለሁ ምክንያቱም ሰዉ የሚንቀዉ የቀናበትንና መድረስ ያልቻለዉን ቦታ ሌላ ሰዉ ሲደርስ ሲመለከት ነዉ ። ሁለተኛዉ ደሞ የናቀኝ ሰዉ ከኔ የተሻለ ከሆነ ፣ ትክክል እንደሆነ አስባለሁ፣ ምክንያቱም እሱ የደረሰበት መድረስ ያልቻልኩ ብኩን ስለሆንኩ በወኔዬ መላሸቅ መናደዱና እኔን መናቁ ያለ ነገር ነዉ፣ እናም ....እራሴን በቻልኩት ሀቅም እሱ ከደረሰበት ቦታ በተሻለ ለመድረስ እጥራለሁ እንጂ አልወቅሰዉም ፣ እንዲያ ነዉ ነገሩ ።
✨✨✨✨✨✨✨✨✨
✍️ታገል በንቲ

ዉዴ ሆይ ፡ እዉነትን የሚሸሽ እንጂ የሚጋፈጠዉ ያለ አይምሰልሽ ፡ እንደ ዓለት የከበደን ነገር ፡ ማን ሊማረክለት ይችላል ?......ሊሸከመዉ የታደለ ጫንቃ ኢምንት ነዉ ። ሁሉም ቀላሉን ይመርጣል (ዉሸትን ) .....እዉነት ደግሞ ፡ በሰዎች አለመመረጡ በሽሽግ አያስቀረዉም ፡ ይልቁንም ጎልቶ ለመታየት ገሃዱን ይመርጣል ።
✨✨✨✨✨✨✨✨
❤❤❤❤❤❤❤❤
✍️ታገል ገጣሚው
tiktok.com/@tagelbanti
@afkarish

ተይዤልሻለሁ

ቱ
እኔ አልመለስም ፡
ተፍቼ እንደዉሻ ትፋቴን አልስም ።
ተዉኩህ ፣
አፈቀርኩህ እንጂ መች እኔ ወለድኩህ ።
እናት መሆን በቃኝ እዘኝ ለጀርባዬ ፣
እስከምን ነዉ ምዘልቅ አንተን አባብዬ ።
ቱ
ትፋብኝ ብመለስ ፡
የባይተዋር ኑሮን በል እስቲ ልመደዉ ፣
''ደህና ሁን' እያለች ወዴት ነዉ ምትሄደዉ ?

አለም ላይ ያላንቺ ፡
ሰዉ መሆን እንዳልችል ለብቻ በልተሽኝ ፣
ፈዉሴ ሆይ በእስራት ወዴት ነዉ ምትሸሽኝ ።

እንደቀሳዉስቱ ፡
እግዚያር ይፍታህ ብለሽ እስራቴን ፍቺ ፣
የተያዝኩት እኔ ምን አለብሽ አንቺ ።
ደህና አድርጊኝ እንጂ ፡
ቅበጠጥ ወደ ነዳሽ ፡
በሄድሽበት ሁሉ እከተልሻለሁ ፣
ይልቅ ነይ ትፊብኝ ተይዤልሻለሁ ።
✨✨✨✨✨✨
✍️ታገል በንቲ

ተመልሻለሁ ቤተሰቦች በፅናት ስለጠበቃችሁኝ እያመሰገንኩ ፣ የተለመደዉን የፍቅር ግጥሞች የምለጥፍላችሁ ይሆናል ፣ እናንተም በምፀፋላችሁ ግጥሞች ያላችሁን አስተያየት ጀባ በሉኝ ፣እናንተም የምትፈልጉትን ሀሳብ አጋሩኝ በግጥም የማቀርብላችሁ ይሆናል እወዳችኋለሁ ❤🥰🙏

ልቤን አስገቢዉ


ባገር ሰፈሩ ሰዉ የማልፈራ
ጉረኛ ነበርኩ የወንዶች አዉራ
እንዳልፎከረ እንዳላቅራራ
ደንዳናዉ ልቤ ባንቺ ተገራ
እናልሽ እቴ
መላ እንደጠፋዉ እይንሽን ይዘሽ
የለሁበትም እያልሽ ከምትሽሽ

ደገፍ አድርጊኝ ልደገፍና
ያጎነበስኩት በክንድሽ ልቅና

፨፨፨፨፨
አንቺ ነሽና
በልቤ ሃገር ከእንስታቱ
ምትመላለሽ በየሰዓቱ

አንቺ ነሽና
ወንዱን እንደ ሴት ጉድ ያደረግሽዉ
በፍቅርሽ ወጥመድ ግዞት የጣልሽዉ

ለአንቺ ነዉና
ለእኔነቴ አዛዥ ለመዉደዴ አድባር
የገበርኩልሽ ልብ እንደገባር
///// ለአንቺ ነዉና //////

እንዳዉ በናትሽ
በእምዬ ማርያም ስለ ቁልቢዉ
ደጅ የጠናዉን ልቤ አስገቢዉ

.....ልግባ......

✍️@ታገል ገጣሚው
tiktok.com/@tagelbanti
@afkarish

ስንት አለ ባገሩ

ተከዳሁ መከዳት ቆሳሰልኩኝ መቁሰል ፣
እያለች ስትነግረኝ ያዝኩና ማብሰልሰል ።
የታመመ ልቧን ፡
አስታምመዉ ብዬ በብልሃት ስገልጠዉ ፣
አስቦ አጥፊነቷ ይሁዳን በለጠዉ ።
ስንት አለ ባገሩ የተጎዳ መስሎ ፣
አቆሰሉኝ የሚል ዕልፍ ልብ አቁስሎ ።

✍️@ታገል ገጣሚው
tiktok.com/@tagelbanti
@afkarish

ልደቷ ነዉ ዛሬ

መንግስት ሰራተኛ ምክንያት ለእረፍቱ
የአርሶ አደሩ አራሾች
በረት ሚዉልበት አህያና ከብቱ

ልደቷ ነዉ ዛሬ
ፅድቅን ስለመስራት
አስፓልቱ በድንጋይ ሙሉ ሚዘጋበት
ንፉግ እጁን ለሰዉ የሚዘረጋበት

ልደቷ ነዉ ዛሬ

ኩፍስ መኮፈሱን
ማቅራራቱን ትቶ ባዶነቱን መርሻ
በልደት በምኗ
ዳስ ጥሎ ከደጇ ማደር ስለሚሻ

ይኸዉ ቀን ደረሰዉ ያለ አንዳች ድርድር
አጅቧት እየዋለ አጅቧት የሚያድር
ምክንያት ሆነችለት...
...ለምን... ይሄ ሁሉ ሆነላት አትሉም

ለምን...
ተስፋን ሰጪ አድማስ
ነገ የምታሳይ እንደ ፀሃይ ደምቃ
ዛሬ
የሴትነት ልኳ ልደቷ ነዉ በቃ
🎂🎂🎂🎂🎂🎂
✍️@ታገል ገጣሚው
tiktok.com/@tagelbanti
@afkarish