هوسات لولادة الرسول (ص)

١

بزغ فجرك محمد والسمه انبوسه
ميلادك فخر مليان قاموسه
نشارك يامحمد الك بالهوسه
والشخصك تحلاله الهوسه

٢

الك هوسه نهوس يا محمدنا
وغيرك تدري غيرك احنه ماعدنا
منك احنه تدري شراد واحدنا
تشملنه بنظره بالهل ليله

٣

بمحبه وطيب خاطر الك محتفلين
يقرآن السماء وسيد الكونين
بولادة شخصك انته ارتفع اسم الدين
يالهادي يالأسمك آيه

٤

يبو القاسم الليله انصيح بعله الصوت
ونرسملك محبه وعطر من ياقوت
نحبك أي نحبك احنه حد الموت
والليله والشخصك وفايه
٥

محمد يامحمد نحتفل كلنه
بميلادك الليله ياعطر جنه
نفرح نحتفل مانگطع الضنه
يالهادي انته وعايش بينه



لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

(سريعه)


وگفت اعـلـه اعـتـابـچ     خَـــدم وتــدّگ بــابــچ

               يـالــزچـيـه     يـالــزچـيـه

                             *---------------*---------------*

        انـتـي بـاب الله واجـوچ ابـحـاجـه
        الوگـفـتـچ هـاي الـخَـدم مـحتـاجـه
        بـحـر صـرتي والـعَـطـايـه امـواجـه
        أي وَحـق الـلـي سَـــره ابـمـعـراجـه

كـلـهـه اجـت عـنّـايـه      الـهـالـمـجـالـس هايه

                             *---------------*---------------*

        مـاي وجـه الـخـادم اتـحـفـظـيـنـه
        مـا يرد خـالـي ابـعـجـل تـنـطـيـنـه
        الـيـعـوفـچ يـعـنـي عــايــف ديـنـه
        الـمـا يـشـوف الـنـور شِـلـه بـعـينـه

عـيـنـه كون اعمـيـهـه     الـمـا إلـچ يـجـريــهــه

                             *---------------*---------------*

        فـاطمـه وأسـمـچ علينـه الـخـيـمـه
        خدمتچ مـعنه الـشـرف والـشـيـمـه
        يالـزچـيــه وانـتـي مـثــل الـغـيـمـه
        نـدعـي ربــنــه هـالـعـزاء ايـديـمــه

مـن نــقــصّــر زحـمـه     ويّـه بـاب الــــرحـمـه

                             *---------------*---------------*

        ايعوف كلشي ومجلسچ مـيـعـوفـه
        الـخـادم بـصــدره أثـــر لـچـفـوفــه
        هــاي أربـاب الـعَــزه الـمــعــروفـــه
        أجـت دمــعــات الـجـفـن مـذروفـه

بـهـالـعــهــد والـعــاده     الـمحب بـٱسمـچ نـاده

                             *---------------*---------------*

        الـبَـعـد عـنـچ يـا طــريـق ايـفـيـده
        يـاهــو لـلــجــنــه يــجـــر ابـأيــده
        هـالــيـالـي كـون حــرگــه اتـزيــده
        الـمـا يــدگ صــدره أبـــد مـاريــده

يـعـنـي مـيّـت غِـيــره     حَـگـي اصـاحب غَيره

                             *---------------*---------------*

✍خادم الزهراء (ع)
الشاعر رعد الجريخي

.


.               كلشي ظـلـمـه بـعـيـنـي صـار
                كـافـي مَـل گـلـبـي انــتـظــار

           يازهرت اسنيني   حاچيني حاچيني

                              *---------------*---------------*

راســي شَيّب      گـلـبـي يلـهـب      مــن غـيـابـچ
صعبه اشوفه      وصعبه اعوفه      والـلـه بـابــچ
حـزنــي زايـد      وآنــــه رايــــد      بـس جـوابـچ
بعيني دمـعـه      وعـمـري شمعه      بنص عذابـچ

                 كلمه وحده الروحي اريد
                 حـتـى لــو عـنّــي بـعـيـد

         بُـعـدج يـأذّيــنــي     حاچيني حاچيني

                              *---------------*---------------*

مــري بـيـّـه      بـكـل مـسـيــه      نــظــره رايــد
عمري يذبل      حيلي يـنـحـل      حـزنــي زايــد
مـن اكـلـمـچ      ومـا اسمـعـچ      مــو عـــوايــد
شــده شــده      لـيـلـي يـبـده      اشگد شـدايـد

                 لـٰكـن اصـعـب شده هـاي
                 ويــن اشـوفـج يـا هـواي

         يالرسمچ بـعـيـنـي     حاچيني حاچيني

                              *---------------*---------------*

ابـلا نـهـايــه      الـغَيـبـه هـايـه      لـحـد منيتي
اشگد اعانـي      مــن زمــانـــي      ومــا أجيتي
دمعي اهملـه      صـعـبـه اطبلـه      وظلمه بيتي
انـتـي نـــوره      بـعينـي صوره      وبـي بقيتـي

                 هـسـه بـاقـي ابـلايـه نـــور
                 حجره حجره الوحدي ادور

         احَچي وأسمعيني     حاچيني حاچيني

                              *---------------*---------------*

جرحي أروفن      وين اشـوفـن      نظره وحده
صـوتـچ اسمع      وصبري اجمع      بـيـچ اشـده
هـــذا حــالــي      بكـل خـيـالـي      بـاقـي بعده
مـــره  ذِكـــره      ومـره حـسـره      بـيـهـه أبّـده

                 هـذا حـالـي بـهــالــجــروح
                 چـنـتِ احـســچ بـيّــه روح

         بحسراتـي تدريني     حاچيني حاچيني

                              *---------------*---------------*

روحي چنتي      بــس رحلتي      كـلـشـي ظلمه
آنـــه حـيــدر      جرحچ اكـبـر      اشلون اكظمه
المـن احـچي      الفگدچ ابچي      هظمـه هظمه
طـولـي مايـل      دمعي سايـل      ويــن اظـمــه

                 غـربــه أحـس بـكـل زمـان
                 مني رحـتـي ودهـري خان

         هالكـلـمه تحييني     حاچيني حاچيني

                              *---------------*---------------*

✍خادم الزهراء (ع)
الشاعر رعد الجريخي

#إثمنطعش_خلصن



.                اثمنطعش خلصن عذاب اسنينهه
                 ماتت الـزهـره ودمعهه ابـعـيـنـهـه

                          *---------------*---------------*

                 عـيـن حـمـره والـضـلـوع امكسره
                 فـاطـمـه الـزهـراء يـا سـيـدِ الـوره
                 إسـأل البضعه وتـخـبـرك بـالـجـره

                 الگالوا اصحـاب الـذي امـأذيـنـهـه

                          *---------------*---------------*

                 اوجوه چـانـت بالاحقاد امـلـثّـمـه
                 زمـرة ارهـاب وعـصـابـه مجـرمـه
                 اتـحـمـلـت لـوعـات منهم فاطـمـه

                 تبچي ليل انـهارهـه امـخـلـيـنـهـه

                          *---------------*---------------*

                 اعليهم اضلوع الــزچـيـه شـاهـده
                 وحرگت الدار الـمـصـيـبـه الخالده
                 عـرفـوا اچفـوف الصميده امگيده

                 بالوصيه وهـالـعـده امـبـيـتـيـنـهـه

                          *---------------*---------------*

                 اتـعـيـش ويــانـه تظل الـفـاجـعـه
                 والجـفـن للموت يـنـزف مـدمـعـه
                 ايـهـيّـج الاحـزان لـو نـاعـي نـعـه

                 وعَـصـرت الـبـضـعـه ولا ناسينهه

                          *---------------*---------------*

                 يـا إمـــام العــصــر ثــارك عَـجِـلـه
                 جــــرّد الـبـتـار وانـهـي الـمـسـألـه
                 نـنـتـظـر يـوم الـقـضـيـه الـعـادلـه

                 وتكشف الخـانـت نـبـيـهـه ودينهه

                          *---------------*---------------*

                 إصـلـب الجـبـتـيـن يبنِ المرتضى
                 الخلوا اضلوع الـزچيه امرضرضه
                 إگطع إلسان الـيـحـبـهـم والــرضه

                 اعله الجـريمـه الدومهه امعتمينهه

                          *---------------*---------------*

✍️خادم فاطمة ع
الشاعر رعد الچريخي

السيده الزهراء اتگلم الامام علي في عالم الرئيه



ذبلان احس مو من بَچي
             أشگد شايل بعينك حَچي

سولفلي وضعك ياعلي
سولفلي وضعك ياعلي

                              *---------------*---------------*

أمبين اعليك التعب سولفلي واحچي اهمومك
يالصبرك بـگـد الـزمـن متغيره حـيـل ارسومك
متحمل اجروح وألم اشگد شفت مـن گومك
ابسرعه أحسّك شيّبت يـابـو الحسن مالومك

واضح عله اجفونك سهر
                گلبك حمل فرگه وقهر


                              *---------------*---------------*

احزانك مخليه اثـر گـلـي اشفت يالوالي
اهواي احسك منكسر غالي ويحس بغالي
نـاس العليك اتئآمرا صوره الغدرهه ابالي
البابك الجاب الحَطب نفسه الجرح دَلّالي

بأصعب جرح مثلي صرت
                 يوم انعصر صدري وحرت

                              *---------------*---------------*

اشگد شايل بصدرك ألم من الأجوك الدارك
عايش وحـيـد بدنيّتك ألمن تـبـث أسرارك
زمرت عصابه الأذتك اصبر يحامي الجارك
اختارلهم الباري الغدر وأنته الأمير اختارك

ادري بسهر ليلـك يـمـر
          حسره وحزن صار العمر

                              *---------------*---------------*

حاچيني يالحچيك نده بعدك احس ماطايب
ياحيدر اشسوه الزمن گلبك وراسك شايب
احچيلي بغيابي الجره جاي وعَبرتك جايب
أمحدّب اشبيه الظهر حيلك نَحـيـل وذايب

ماچن علي وليث الحرب
               وچان المَثل بي ينضرّب

                              *---------------*---------------*

الزادو اجروحك تـره اهـل الـحـقـد ادريهم
الشيّبو گـلـب النبي اسـود يـضـل ماضيهم
اصحاب السقيفه والفتن ايعينك الله اعليهم
مابيهم العنده وفه وقـطـرت رحـم مابيهم

الهم صفه نقض العهد
                بابك عله الخانوا شهد

                              *---------------*---------------*

✍خادم الزهراء (ع)
الشاعر رعد الجريخي

اويلاه يفاطمه اويلاه اويلاه يفاطمه اويلاه
ـــــــــــــــــــــــــــــــــــــــــــــــــــــــــــــــــ
بالمدمع الــــدم ينسچب لو ينهمل منوافي
وأگلوب بالــهم تحترك هذا الحزن موكافي
المثلچ انظل بالحزن طول العمر من جافي
مولاتي ياأول جـــــــرح لايشفه لا متعافي
اويلاه الكسرالظلع اويلاه اويلاه يفاطمه اويلاه
ـــــــــــــــــــــــــــــــــــــــــــــــــــــــــــــــــ
مولاتي نذكــر ياجرح كسر الظلع والعصره
المحسن امصابه كلف بالسطره عينچ حمره
عشتي غريبه ابموطنچ بالگلب ظلت حسره
من خالفوعهد النبي چانت وصيته الزهره
اويلاه المحسن رحل اويلاه اويلاه يفاطمه اويلاه
ـــــــــــــــــــــــــــــــــــــــــــــــــــــــــــــــــ
مولاتي بعدچ چم جرح صارت مصايب عده
حيدر علي ابراسه انطبر والحسن سمو چبده
وحسين بالطف انذبح طاحت اخوته اوولده
حرگوهه بألنار الخيم زينب وحيده ابشده
اويلاه حسين انذبح اويلاه. اويلاه يفاطمه اويلاه
ـــــــــــــــــــــــــــــــــــــــــــــــــــــــــــــــــ
مولاتي ابكـــــسر الظلع وي ونتچ ونينــــه
وامصابچ ايظل كل وكت طول الزمن ياذينه
مولاتي الجاب الحطب نفسه اليذبح بينه
والصابچ ابكسر الظلع شن الحروب اعلينه
اويلاه يم الحسن اويلاه اويلاه يافاطمه اويلاه
ـــــــــــــــــــــــــــــــــــــــــــــــــــــــــــــــــ
مولاتي نبقه اعلى العهد خدام الچ يالزهره
اشما جارت اعلينه العده منعوف حب العتره
نبقه موالين العلي اشما صار واشما يجره
وامصابچ ابطول الزمن مولاتي احنه انذكره
اويلاه انهل الدمع اويلاه اويلاه يفاطمه اويلاه
ـــــــــــــــــــــــــــــــــــــــــــــــــــــــــــــــــ
لشاعر اهل البيت عليهم السلام
خـالـد عـامـر الـزيـادي

وداع فاطمة لعلي

فراگج سهام وحجر تارك بوجهي اثر
ظلعج وگلبي انكسر. فاطمه يا فاطمه
٠٠٠٠٠٠٠٠٠٠٠٠٠
فاطمه آنه علي حامي الحميه
كسر ظلعج كسر گلبي يالزجيه
لكن تعرفين لزمتني الوصيه
ما اسل السيف امر الله ونبيه
عالمه وعندج خبر. چفي عالي وما گصر
ظلعج وگلبي انكسر. فاطمه يا فاطمه
٠٠٠٠٠٠٠٠٠٠٠٠٠
الچان يرجف بالحرب من ذوالفقاري
وسفه هسه تمرجل وهد عله داري
والله لو مسموح اردّ بسيفي ثاري
ما يرد كل ناصبي اتعدّه بجواري
ثاري لو لمح البصر اجري من دمهم نهر
ظلعج وگلبي انكسر. فاطمه يا فاطمه
٠٠٠٠٠٠٠٠٠٠٠٠٠
يا علي معذور لا يتأذّه گلبك
هذا وكت الصبر ما مريود حربك
ادري ما تسكت يحيدر من اندبك
گدها يا حيدر ولا يحتاج اجربك
لا تظن قدرك زغر. انت أعلى امن الكمر
ظلعج وگلبي انكسر. فاطمه يا فاطمه
٠٠٠٠٠٠٠٠٠٠٠٠٠
يا علي ما ظل صبر مهدوم حيلي
الليله آخر ليله راح اعلن رحيلي
اكعد اشكيلك جراحي وتشتكيلي
يا نفس عمري وسند ظهري وخليلي
گلهه يا ماي النظر. جرحج بگلبي كُبر
ظلعج وگلبي انكسر. فاطمه يا فاطمه
٠٠٠٠٠٠٠٠٠٠٠٠٠
گلها يا أم الحسن صبرج علية
مو وكت توديع وفراگ ومنية
منين اجيبن فاطمه بعدج الية
ريت اموت ولا عشت هاي المسية
حزني بمصابج كثر. ما رحم حالي الدهر
ظلعج وگلبي انكسر. فاطمه يا فاطمه
٠٠٠٠٠٠٠٠٠٠٠٠٠
شلون اعيش بلا وجودج يالحبيبه
فاطمه فراگج اشد وعظم مصيبه
من تغيبين الگلب يسعر لهيبه
منين اجيب الصبر راح منين اجيبه
نعشج اليكسر ظهر. شلون اشيله بيا قهر
ظلعج وگلبي انكسر. فاطمه يا فاطمه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

شور

يايمه تعالي
**
كل ساع اختنگ وشتاگ. وكوه الليل اخلصنه
عيوني ما يجيها النوم. امنين النوم اجيبنه
اشمالك يا كلب شتريد. مره امرورة الفرگه
ادور بالجفن ضليت. غير الدمعه ما تلگه

يايمه. تعالي
**
ما ترجع ليالينه وهذيج ايامنه الحلوه
الكعده الما تلم احباب. هاي الكعده ما تسوه
اشعندك يا دهر وياي. كافي تهيج جروحي
من اشتم هواهم ليش. اشتاگ وتحن روحي

يايمه تعالي
*
عايش عالكضت واشلون. والدمعه بطرف عيني
انه الما كسرني افراگ. بفراكج كسرتيني
ياريت الخلگ ينباع. حته اشري خلگ منه
من اسمع بسمكم ليش. كلبي بساع الزمنه

يايمه تعالي
***
عفتيني بوكت موخوش. وتكتل فرکتج يمه
حرت اشلون اطب للبيت. صارت حجرتج ظلمه
ما اكدر انوش الكاع. تعبان ونحل جسمي
نشدوني الخلگ شتريد. وانه اصرخ اريد امي

يايمه تعالي
*
صوب ضلعج البسمار حيل ونزل دموعج
من عدها وكرهت الباب. ليش امكسر ضلوعج
هذا انه الحنين حسين. بالكوات اكض ضهري
انتي الطحتي يم الباب. لو انه الطحت مدري

يايمه تعالي
****
تمت
تحسين الخفاجي

يا فاطمه يا فاطمه
**
انتي روحي وكل حياتي. وانه همت بعالمج
انه لو ما دعوه منج. ما حضرت المأتمج
الله وفقني وقبلني. حته اصيرن خادمج
انه ضد كلمن يضدج. وانه سلم السالمج

حبج سره ويه الدمه
يا فاطمه يا فاطمه
**
بالشدد ما عندي غيرج. وانتي تكضين العسر
بلكبر رايد وكفتج. ظلمه تدرين الكبر
انه لو منكر سألني. شرد اقدم من عذر
انه بس احجايه عندي. بخدمتج جبت العمر

بيج اندعي الرب السمه
يا فاطمه يا فاطمه
***
من ادگ بابج وجهبج. يشفه بيه كل مرض
فقط بس حبج ملكني وسوه والله براسي حظ
وينه الي ايذم المجالس. ضاع صيته ونقرض
رادو يشوفون كلبي. وكلبي بحروفج نبض

شفت الفلك بيج احتمه
يا فاطمه يا فاطمه
****
انتي ريحانه محمد. وانتي بت خير النسه
للحجاب وللديانه صرتي اعظم مدرسه
مبدء الحريه شافو كسر ضلعج اسسه
وشرف يا مولاتي اليه. مجلسج من اكنسه

يمج اجي وميت ضمه
يا فاطمه يا فاطمه
***
انه خادم والمجالس. ما عفتها للابد
الطم بحركه اعله صدري. وانتي تنطيني المدد
بس تسجلني بسجلج. كلشي ماريدن بعد
ليش من اسمج اذكر. تنحل بساع الشدد

وكل الخدم. متحزمه
يا فاطمه يا فاطمه
**
يمته ابو صالح يجينه. ونطلع بثار الضلع
ويم لواء الحمد كلنه. انصار لجلج ننجمع
ومثل انصار ابو اليمه. كلوب نلبس عالدرع
ويهجم المهدي ولينه. وصرخة الحق ترتفع

والما رضه بعينه العمه
يا فاطمه يا فاطمه
****
تمت
تحسين الخفاجي