#قصائد_استشهاد_الامام_محمد_الجواد_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

🏴مٌصِاَْبهً گٍلّفُ اَْبو اَْلّهًاَْديِ
💔 وسمٌوهً يِاَْويِلّيِ اَْلّاَْعاَْديِ 😭🥀
ـــــــــــــــــــــــــــــــــــــــــــــ

تجري ظلــــت عينه بموته واسه حسينه
كربله عاشت بروحه وابد ماناسيهه
****
رغم مأساته وجراحـــــاته بحـــياته
الجواد بعصـــــــره عانه من طغاته
جان كلما يوكف ويدعـــــي بصلاته
ادموعه تجري ايكوم يمسحه ابعباته
صوره جن جدامه يشوف حرك اخيامه
صورة الايتام تنعه وهوه يبجي اعليهه
****
جان يتحمل ألـــــــــم ظلمه وعذابه
ايواسي راد القاســم بعمـره وشبابه
لاجن العريس متحنــــــي بخضابه
والجروح انطمت ابملـــــح الترابه
ينعه لأجل اجروحه لمن فاضت روحه
والجواد ابعز شبابه امصيبته ايواسيهه
****
وابد ماناسي علــــي الأكـــــبر يذكره
ايكول الله يساعد حســـــين اشيصبره
ايشاهد اوليده الجسم طبره اعله طبره
اتمدد اوياه ويضــم بيهه اعله صدره
نام يــــــــم اوليده فوكَه داير ايده
ايكَوم مايكَدر يعوفه وجثته ايخليهه
****
الجواد بروحـــه عاش الغاضــــريه
كل تفاصيل وحزن ذيــج الــــرزيه
هواي ينظر جفه واعيونه جــــــريه
وينحب اعله المشرعه وعمه الشفيه
يبجي ينعه اهوايه على راعي الرايه
عالنهر طاحن اجفوفه والعده امكطعيهه
****
هواي كسـرت كَلبه دمعات العقـيله
من مشت مســبيه زينب عالهــزيله
ياهظيمـه تنضرب هـــــاي الجلـيله
وهيه من بيت النبي ومبغى الوسيله
تجري دم دمعاته لو ذكــــــــر عماته
ينشد ابيات العزيه وزينب ايمر بيهه
***
آخر انفاسه صعد فوك اعله داره
للحســين اتوجهه ودمعه ايتجاره
بالمنيه اينازع ويقــــــره الزياره
سلم اعله المنذبح واللــي بجواره
موته واستشــــهاده عالتــــــــرايب راده
وهم ثلث تيام جثته محد يواريهه






ابو علي الركابي

ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الامام_الجواد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️خل نواسيها الزجيه... عالجواد ابهالمسيه ▪️

ــــــــــــــــــــــــــــــــــــــــــــــــــــــــ


يحيـــــــى النبي نقــــارنه
وي الجـــواد ابـﭼـم سنــه
رغم البُعد بالسنين .. متشابهين الأثنين
 
طفل يحيى ويسبّح ربـــــــه ويمجـــــــــــد
وابو الهادي طفل ويرتـــــــل ويسجــــــــد
أنـــولــد يحيى حكيــــم امن الله وامســــدد
الجواد أعلومـــــه من أجـــداده متولـــــــد
رب العرش ما أبــدعك
ابنص البطون وتركعك
ويستغفروك ابكل حيــــن .. متشابهين الأثنين
 
نبي وهم والـــده مثلــــه نبـــي الرحمن
النكرهم نعلم أحنــه امرافـﭻ الشيــطـان
الجواد ووالده اتعرفـــــه الأنس والجان
النكرهم آخــــره ودنيا قسم خســـــــران
من الزغر تاج العلم
لاﮔ ابعقلهم مرســــم
للأمه صاروا هادييـــن .. متشابهين الأثنين
ر
يجادل لو يحـــاور يحيـى ويناقـــــــــش
بني اسرائيل بهرهـــــه ودمـــر الفاحش
الجواد وصوتــــه ضل ابكل زمن عايش
بني العباس جحظهـــــم مثله أبد مامش
منهم تعلــــم البـــشر
اخترعوا افنون الفكر
هزوا عرش سلاطيــــن .. متشابهين الأثنين
ر
وﮔــف يحيى ابوجه كل ظالـــم وعاذل
وأخذ حتفه انـﮔـطع راسه بأمر باطـــل
اعترض حكم الظلم ابن الرضا عـــادل
تسمــــــــم وبأمر من طاغية وجاهــــل
متألمين أشـــــــــد ألم
يعجز وصفهم كل قلم
عاشوا دهر متعذبين .. متشابهين الأثنين
ر
1/7/ 2019 الخميس
لخادم اهل البيت:- كرار الحسينات الكربلائي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_شهادة_الامام_الجواد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️خل نواسيها الزجيه... عالجواد ابهالمسيه ▪️

ــــــــــــــــــــــــــــــــــــــــــــــــــــــــ


باب الله اليگصدك مايخيب
ــــــــــــــــــــ
مستحيل ابلا وسيله تريد توصل غايتك
سجد ل الله ابليس ليش ايگله لادم سجدتك
المعنى من الباب لازم تجي وتطلب حاجتك
وانت باب الله الوسيعه وعبدك آنه بعتبتك
مضطر جيت واعرفنك مجيب
ــــــــــــــــــــ ــــــــــــــــــــ
آنه خادمكم عليكم من طفوليتي عشت
حتى بازغر حاجه ليكم اعتني ومابطلت
انتم اهلي وماادگن غير باب اتعودت
حاجتي صارت بديه وانا ساكت ماگلت
للمجروح ولاغيرك طبيب
ــــــــــــــــــــ ــــــــــــــــــــ
يمك الكاظم واسأله وانت ادره بغايتي
منه اطلب حاجتي والگاها يمك حاجتي
والله الف هنيالي بيكم خل ترفرف رايتي
عبد ماصير السواكم فقط انتم سادتي
احلى ادروس خذتهن من حبيب
ــــــــــــــــــــ ــــــــــــــــــــ
غير بابك من ادگه حتى لو باب اهلي اذل
ولو سجدت ابابك اكبر واحبو الك حبو الطفل
عزتي وجاهي الجبير وصيتي هاي امن انسأل
معتصم بيك اليشكّك خل يظل ابلاحبل
للمعبود ولامثلك قريب
ــــــــــــــــــــ ــــــــــــــــــــ
ماكو عندك صعب يامن دنيا بيدك واخره
عندي جم حاجه واحلفك بالزجيه الطاهره
كون تگضيهن واعرفك ماتگلي المعذره
حاشه بس عن لاتردني اعليك سبع الگنطره
ما أذيك واحلفك بالغريب
ــــــــــــــــــــ ــــــــــــــــــــ
حاجتي الاولى سلامي للامام المنتظر
وگله يقبلني بعبيده كون باجر لوظهر
وعمري اخلصه بهالمجالس لايغيرني الدهر
وكون مايجوي دليلي غير مگطوع النحر
بس لحسين ونيني والنحيب
ــــــــــــــــــــ ــــــــــــــــــــ

علي محسن الزيادي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_شهادة_الامام_الجواد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️خل نواسيها الزجيه... عالجواد ابهالمسيه ▪️

ــــــــــــــــــــــــــــــــــــــــــــــــــــــــ


لــــ مولاي محمد الجواد (ع)

عطشان وچبدته نار * وبروحه الجواد إحتار
يذكر عمته * وتجري دمعته
ويتصور بأهله شصار
----------------------------------------
للجواد الفرگة حانت والأجل حان
عگبه تبقى الشيعه وأهله بدمع الاحزان
ويلي عالمسموم چبده والزمن خان
مثل جده حسين راح يموت عطشان

يا هضيمه .. الكون ظل يجري دمعته
ياهضيمه .. لأجل ابو الهادي وغربته
أولاد الزجيه تروح * لو مسموم لو مذبوح
آياحيرته * وتجري دمعته
ويتصور بأهله شصار
----------------------------------------
ويلي عطشان ابو الهادي والگلب نار
وعطش گلبه ذكراه بكربله شصار
شلون عمته من عليها حرگوا الدار
وركضت بحيرتها عمته تلم الزغار

عالحزينه .. الزلم والخيل هجمت
عالحزينه .. وزينب بياحاله ركضت
حيرانه وتصيح حسين * ياخويه مكانك وين
وهوّ شحالته * وتجري دمعته
ويتصور بأهله شصار
----------------------------------------
وي علي وأولاده مدري شمالها الناس
حاربوا همه الوصيه ومات الاحساس
الجواد بعطش گلبه وآخر أنفاس
چان يتمنه يجيله عمّه عباس

لو يجيله .. عمه وبإيده جربته
لو يجيله .. خله يروّي چبدته
عالمسموم وآويلاه *جمر العطش فت حشاه
ذابت چبدته * وتجري دمعته
ويتصور بأهله شصار
----------------------------------------
آه يالبعده بشبابه وعمره أزهر
ليش بالسم گلبه مسموم وتفطر
إبشبابه يموت چنّه علي الأكبر
لشدة السم گلبه حته بنبضه يعثر

شلون حاله .. لمّن يدير بعيونه
شلون حاله .. وجهه أصفر صار لونه
ضامي وحاير بسمّه *وحر السم سره بجسمه
وزادت ونّته * وتجري دمعته
ويتصور بأهله شصار
----------------------------------------
كربله وجروح زينب أكبر جروح
چان ينعاها الجواد ودمعه مسفوح
الجواد وهوّ ضامي فاضت الروح
وجثته ظلت ثلاثة بحر السطوح

ياغربته .. عالسطح وشلون نومه
ياغربته .. والشمس غيرت رسومه
وبحر الشمس مطروح * چنه جده المذبوح
ذبلت وجنته * وتجري دمعته
ويتصور بأهله شصار
----------------------------------------
ويلي من عرفوا مكانه بمدمع يسيل
الهادي ابنه انهدم حيله وما بقه حيل
يچفّنه إبنه ويشَيعه وره التغسيل
مو مثل جده اللي ظل وسحگته الخيل

مصيبة حسين .. تبقه هيّه أعظم مصيبه
مصيبة حسين .. جثته ظلت سليبــــــــه
ظل فوگ التراب حسين * لا تغسيل ولا تكفين
مصيبه مصيبته * وتجري دمعته
ويتصور بأهله شصار
----------------------------------------
# #الميرزا_علي_حسن_المنصوري

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_شهادة_الامام_الجواد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️خل نواسيها الزجيه... عالجواد ابهالمسيه ▪️

ــــــــــــــــــــــــــــــــــــــــــــــــــــــــ

#لمولاي_الجواد ع

المهدي بالدمعة الجرية
ينوح بأرض الكاظمية
للجواد بهالمسيــــــــــة
وآ إماماه
&&&&&*****&&&&&*****&&&&&
يا گلب خلصت حياته كلها لوعات
وياجرح كل ذكرياته بيها لچمات
بحسرة يم شباچ جده ويجري دمعات
للي بالسم خلص عمره وبالألم مات

آه من تطلع حسرته
للجواد تصب دمعته
يبچي بالهم والرزية
وآ إماماه
&&&&&*****&&&&&*****&&&&&
يگله يا جدي دليلي عليك مجروح
وإعله خديني يجدي دمعي مسفوح
إلك أرض الكاظمية تبچي وتنوح
جدي من كثر البواچي تعبت الروح

أنتظر طال إنتظاري
ليمته آخذ بثاري
وآخذ بثار الزچية
وآ إماماه
&&&&&*****&&&&&*****&&&&&
جدي والدلال ما بطّل نحيبه
وأنهظم من تذكر للطف مصيبه
حسين ظل إعله الارض جثة سليبه
والنحر مگطوع واللحية خضيبه

والجسم طبره إعله طبره
والخيول تدوس صدره
وظل ثلاثه إعله الوطيه
وآ إماماه
&&&&&*****&&&&&*****&&&&&
يا حسرتي جدي مو هاي النهاية
ويلي عالركبن عله الهزّل سبايه
عمتي زينب حايره بدرب الرزايع
ونذل طگها وحاول يجر العبايه

آه وآويلي عليها
أتسترت بچفوف إيديها
أم الخدر تمشي سبيه
وآ إماماه
&&&&&*****&&&&&*****&&&&&
جدي يالجواد گلبي ظل ونينه
منهد ما كسروا ضلع أمنه الحزينه
بس يجي يوم ويرد الحگ ليدينه
وأبني مرقد للزچيه بالمدينه

والليالي الفاطمية
تصير يم گبر الزچية
والمآتم والعزية
وآ إماماه
&&&&&*****&&&&&*****&&&&&
#الميرزا_علي_حسن_المنصوري


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_شهادة_الامام_الجواد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️خل نواسيها الزجيه... عالجواد ابهالمسيه ▪️

ــــــــــــــــــــــــــــــــــــــــــــــــــــــــ


قصيده بمناسبة استشهاد الإمام الجواد عليه السلام

بجبد الجواد السم صبح ناكع
ننعى بلطمنه الزاهد الخاشع
الليله الكلب موجوع       يا عيني سيلي دموع
ننعى بلطمنه الزاهد الخاشع
**************************************
صار الكلب من الالم يتزايد بدكته
وجهي انترس من الدمع والبسمه عايفته
موت الجواد تشابهت بحسين سالفته
مثل الحسين اعله الارض ما شيعو جثته

نفس الحسين تشابهت قصته
بس جسمه ماكو خيول ساحكته
والراس ما مكطوع        يا عيني سيلي دموع
ننعه بلطمنه الزاهد الخاشع
**************************************
الليله الصدر لبن الرضا خليه يتخسف
والما لطم لمصيبته شله بعد بالجف
هالثوب كون من الدمع هالليله ما ينشف
عاشور عاد بداخلي وبدمعي عاد الطف

يا عظم هاي الليله بفادي
جني اشوفن ذبحو اولادي
غير الدمع ممنوع     يا عيني سيلي دموع
ننعه بلطمنه الزاهد الخاشع
**************************************
عاش بمعانات وظلم واحزان ممتده
حتى الهوى بنص ريته بلكوه يتعده
وظلت تأذي بداخله قصة ذبح جده
يذكر عظام مكسره بالخيل منمرده

هاي القضيه إللي اجرحت كلبه
كلما ذكرها ومدمعه صبه
عاش بكلب مفجوع         يا عيني سيلي دموع
ننعه بلطمنه الزاهد الخاشع
**************************************
لمن بجسمه السم سره وتطلع بدت روحه
فوك السطح كوه صعد يمشي على اجروحه
حتى يواسي حسين وتظل جثته مطروحه
استشهد وماكو من اهله واحد يمه وينوحه

عاش بظلم مات بوطن غربه
شحال الإمام الهادي من عكبه
بكلبه الالم مطبوع        يا عيني سيلي دموع
ننعه بلطمنه الزاهد الخاشع
**************************************
ظل عالسطح مطروح محد يوصل الداره
محد نشد عن غيبته من انكطعت اخباره
لا مسلم المفتقده لا عنه نشد جاره
بس الحمام يمر عليه ويحوم باكتاره

يمته يشيل المهدي بتاره
ومن النواصب ياخذ بثاره
يرجع الحق ارجوع         يا عيني سيلي دموع
ننعه بلطمنه الزاهد الخاشع
**************************************
جعفر عطيه البزوني
@Jaffarattea

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg