خبر عاجل -ودوا للنهر
كلوله الخيم -يمر بيهن خطر
-----------
مكتوب . توقع . برماد الخيم
تحمله . طفله . فزعها الالم
تعنت . تنادي . لعد راعي الشيم
تكله . يعمي . تره السور انهدم


#يا ابا الفضل

ثار الزهراء ينتظر صاحب الثأر عجل الله فرجه


باجر المهدي ينصب محكمه
ويحكم اصحاب السقيفه الضالمه
بالضلع والبسمار -- تشرح الزهره الصار

-------------------------
تحضر الزهره وبديهه دم ضلعها
وينضر المهدي بمصايبها وفجعها
تكله يمه ونتي لمن سمعها
زاد بالعصره عله بابي من دفعها

اكشف بعينك قضيتي المؤلمه
تشهد عله الصار املاك السمه
شبت ببابي النار. -- تشرح الزهره الصار
////؛/////////////////////
جرح ال بصدري ييمه لسه يدي
مايجف نزفه ويضل شاهد يمهدي
اجتمعوا عله الباب كلهم وانه وحدي
اتحجبت بالباب ودموعي عل له خدي

نار ال.بصدري لهسه مو جره
وانته راعي الثار يا يمه تره
بالعدل وفي الثار-- تشرح الزهره الصار
///////////////////////////////
شاهد البسمار جبته يروي حالي
استنطقه بحكم الامامه بالجرالي
خل يكلك من دفع بابي ودنالي
توسط ضلوعي وطفت شمعة دلالي

يمه لو تنضر ضلوعي مهشمه
وتنضر البسمار من يكطر دمه
بالصدر خله اثار-- تشرح الزهره الصار
/////////////////////////
من وكع علكاع يا يمه جنيني
روحي راحت عل طفل وي شوف عيني
صحت يافضه عله ايدج سنديني
والدفع بابي فرح كلبه بونيني

الصدر مرضوض والمحسن وكع
والدفع بابي بحقد رد ودفع
جند عليه انصار-- تشرح الزهره الصار
///////////////////////
الحطب علباب مايبرد لهيبه
ابمدينة والدي مثل الغريبه
ماكفاهم من سلب حقي عجيبه
انمنع لو سالت دموع المصيبه

دمعة مصابي عليه محرمه
يمه وبكل عام هاي المضلمه
بهل النهج حاقد سار -- تشرح الزهره الصار

//////////////////////
احمد عيسى البديري

تضمين لقصيدة
 (تبكيك عيني لا لأجل مثوبة ٍ) والتي تسمى بالقصيده المقبوله ولها قصة معروفه
هذه القصيدة العصماء من نظم. العالم الكامل المرحوم الشيخ محمد علي الأعسم


قد اوهنت جلدي الديار الخاليه
من اهلها مال للديار وما ليه
كانت غياثاً للمنوب فأصبحت
لجميعِ أنواعِ النّوائبِ حاويه
///////////////////////
ذيج الديار البيها تسمع بس تراتيل
صارت مضلمه وبيها سكنت وحشة الليل
تنوح اليتامه والحرم وي نوح جبريل
تنحب عله اضلوا ثلاثه بلايه تغسيل

ومتى سئلت الدار عن اربابها
يعد الصدى منها الي ثانيه
///////////////////////
دارت عله اهل النبي نيران الايام
من نار باب الزاكيه والنار الخيام
وتجاسر ابسيفه اللعين الراس ابو الثام
والحسن سموا جبدته وتشيعه السهام

ومعالم أضحت مآتمَ لا تَرى
فيها سوى ناعٍ يجاوِبُ ناعيه
///////////////////////
وصلت لسبط المصطفى تدعيه مكاتيب
انته الامير التستحق بالكوفه تنصيب
سبعين الف صارت عليه ذيج التراحيب
تاليها راسه اعله الرمح واهله مساليب


ولقد دعوه للعنا فأجابهم
ودعاهم لهدى فردُّوا داعيه
///////////////////////
بالطف عزيزة حيدر اشكد شالت جروح
من اتله تنظر للسبط عل كاع مذبوح
واتمنت ابشاطي النهر لو راحت الروح
بعد الكوافل عل الهزيله اميسره تروح

قست القلوبُ فلم تَمِلْ لهداية ٍ
تبآ لهاتيك القلوب القاسيه
///////////////////////
كلب المحب بي تشتعل جمرات الاحزان
عل ي قضى في كربله مضلوم عطشان
يندب الا من ناصر ماعندي وليان
تاليها خيل الكوفه سوت فوكه ميدان


تبكيك عيني لا لأجلِ مثوبة ٍ
لكن ما عيني لأجلِكَ باكيه
///////////////////////
سمونه جي نكصد الك عبادة اوثان
وشنوا علينه ابكل زمن يحسين عدوان
واحنه بقينه اعله العهد من قلب ولسان
وال يتركك يا سيدي من كلشي خسران

تبتل منكم كربلا بدمٍ ولا
تبتل منِّي بالدّموعِ الجاريه

انست رزيتكم رزايانا التي
سلفت وهوّنت الرزايا الآتيه

احمد عيسى البديري

القصيده العاشره

توضيح حول موضوع القصيده

لما التقى الحسين (عليه السلام) وأصحابه مع الحر بن يزيد التميمي حتى وقف هو وخيله مقابل الحسين في حَرّ الظهيرة والحسين وأصحابه معتمون متقلدو أسيافهم، فقال الحسين لفتيانه: (عليه السلام)اسقوا القوم وارووهم من الماء، ورشِّفوا الخيل ترشيفاً(عليه السلام) فقام فتيانه فرشفوا الخيل ترشيفاً، فقام فتية وسقوا القوم من الماء حتى أرووهم، وأقبلوا يملؤون القصاع والأتوار والطِّساس من الماء ثم يدنونها من الفرس، فإذا عبَّ فيه ثلاثاً أو أربعاً أو خمساً عزلت عنه، وسقوا آخر حتى سقوا الخيل كلها.

من ماي البي اروي اعيالي شربتج ياخيل

وجازيتيني فوك اضلوعي الحافر يسحك حيل

هذا طبعج لو تعلمتي الغدر

شنهي عذرج كولي لو عندج عذر

//////////////////

شعندج وياي _ سحكي بهداي _ شنهي ذنبي

وحافرج فوكي تعله

مرضرضه اعضاي _ وطالب الماي _ ونار كلبي

اعله الخيم واجروحي سهله

وكفه الج يوم الحشىر يم الزجيه

وبحركه امي تسألج عل صار بيه

شنهي ذنبي وحافرج يسحك عليه

وبصدري فوك الي جره زدتي الاذيه


فوك الام الطف ابروحي زودتي الالام

واشعندج متعنيه الخدر ومروعه الايتام

رحمي حالي وكافي لوعتي الحرم

وهيه تنظر للحوافر كلها دم

ماتركتي موضع ابهذا الصدر

شنهي عذرج كولي لو عندج عذر

/////////////////

انه الحسين _ ماتعرفين _ من تسحكيني

صدر جدي ايتفطر

العذر وين _ لو تنكرين _ ما تشميني

وعطرنه ما تغير

رابي اعله حجره المصطفى ونوره رواني

لو تنكريني بهل ارض يشهد كياني

من طينته رب السمه خالقني اني

رضعني ب ابهامه النبي وصدره حواني


هذا الحافر فوك اضلوعي وتدرين انه حسين

الياذيني ايألم جدي وبصدره اتسحكين

يلطحنتي اضلوعي من كد السحك

مادريتي جدي هم ضلعه يطك

ومثلي كلبه من العطش صاير جمر

شنهي عذرج كولي لو عندج عذر

//////////////////

شفتي الاطفال _ تشكي ياحال _ ردي طيبي

اعله العطاشه وخلها تروه

شعندج امال _ مدوهنه البال _ بهيمه غيبي

يلي ماصنتي المروه

يا خيل  لو عندج وفه وذرة حميه

بالطف وكفتيلي حمه يل اعوجيه

ولا طاحت اخواني اعله ارض الغاضريه

وما بقت عطشانه وتون سكنه  ورقيه


شربتج بيدي ورشفتج وانتي بذاك الحال

ردي الطيب ولاتسكيني بس اسكي الاطفال

مابقه ابكلبج ولا اي مرحمه

هل يتامه تشتكي من الضمه

خلي رجعه التوبج هذا الامر

شنهي عذرج كولي لو عندج عذر

/////////////////

بوسط الخيام _ ماتت احلام _ جم كلب ام

وحوافرجن تمرده

وصارت اقسام _ هاي الايتام _ المن اتهم

ومنو الها وتكصده

للباري وحده المشتكى من هل جريمه

عذبتي  ال المصطفى والله هضيمه

وطشرتي اهله ابكربله وراحت حريمه

وبالبيده فرت من رعبها اشكم يتيمه


متعنيه اشعندج لخيامي بس خدر وزغار

ماكسرت كلبج من شفتي تلهب بيها النار

ماكفاج ابصدري وجدامج ترض

عفتي كلشي وللخيم رحتي ركض

بيش احلفج وانتي شيطانج شمر

شنهي عذرج كولي لو عندج عذر

/////////////////

باجر حساب _شنهي اسباب  _ انذبح ضامي

اعله ارض الغاضريه

ونفتح اكتاب _ هذا المصاب _ وحركت اخيامي

وهلي التمشي سبيه

الباري ينصب محكمه ابيوم القيامه
والحره تشهد عل جره وي اليتامه
لا ماينفعج بالحشر عذر وملامه
عنكبوت الحامه جدي وعش حمامه

باجر بالمحشر كليلي عندج شنهي اسباب

تفرين الحافر بضلوعي رايد بس جواب

من تجي الزهره وعليه امرمره

شنهي امرج لو تنكرين الجره

وياذنب عندج نجبر وينجبر

شنهي عذرج كولي لو عندج عذر

&&&&&&&&&&&&&&&&&&&

احمد عيسى البديري

انه حد الموت ابقه
كل شي بيه انته صدقه
هذا نبضي وهذا نطقه
ياحسين
==============
سافرت كل الاماكن واعرفت كل الدروب
وواجهت اجناس شتى من المشارق للغروب
لكيت كلشي بقدره الله ببوتقة حبك يذوب
بكل جهات الدنيا انظر ليك متلهفه الشعوب

تجسدت بيك المعاني
وما الك بالكون ثاني
منتهى كل الاماني
ياحسين
==================
شبهت للناس انت علثرى واكع جريح
شلون اقنع هذا انت من السمه دمك يطيح
ياغريب ابصحره يصبح محور الكون الفسيح
بكل عصر يحسين عايش كل لغه صوتك يصيح

شما تكول عداك عني
اني او اني و اني
عندي بس هل شيء يعني
ياحسين
==================
ادم انت وصلبك احيا كل عدل في هل الوجود
ولو تتبعنه الملاحم كلها يم نحرك تعود
تذبل الاغصان وانت تبقه عشبه للخلود
والقصور اقبور اهلها والضلم لا مايسود

نحرك العالي مقامه
والقصر مرتع قمامه
وياك بس انت السلامه
ياحسين
=================
مالك الاحساس انت شلون احويك بسطور
والوحوش ال بالبراري لايذه بقبرك تزور
الجماد ابلا مشاعر وانت انطيته شعور
ولهذا الحجر بالطف دم على مصابك يفور

حزناً لواقع جراحك
كلشي يالمذبوح ناحك
احمر الكون بوشاحك
ياحسين
==================
وي حليب امنه النشربه اختلط حب الحسين
والعشك عدنه فريضه عمل واحساس ويقين
خل يقتلونا اعله مودك لو يكطعون الايدين
احنه من نموت نحيى شوكه بعيون اللعين

وحك كل قطره بدمائك
مابقينه يضل عزائك
وما نوافيلك جزائك
ياحسين ======= احمد عيسى البديري

ياربي رايد حزن
الطم انوح و اون
حد ما اجرح الجفن
لعيون مولاي
رايد عطش مختلف
لبحر الوفه المايجف
عشكي فلا ينوصف
انذبح بالماي
===================
رايد حزن بي جرح
لل بالقفه منذبح
كون الكلب ينشرح
لو صحت اه
لطمي اريده اباثر
وابصدري حافر حفر
حتى افهم الي خطر
والي جره وياه
موقف امامك صعب
ابصدره ماضل گلب
اختلطت اوصال وترب
الجيش خلاه

كون الولي المنتظر
مجلسنه لو بي حظر
يحضر مصيبة نحر
وجروحنه هواي
——————————
يا ربي كون احترك
لحسين من العشك
رايدلي دمعه صدك
عند امه تنهاب
رايد احس بالطفل
من كبال ابوه ينقتل
وبحبال من ينسحل
والجمر لهاب
رايد رماد الخيم
ابريتي يترك الم
والسوط مني انتقم
ومن الاذى انصاب

كون من اطب مجلسه
مثل الهوى اتنفسه
وابجيله صبح ومسه
والخدم وياي
——————————-
ارزقني ربي بعلم
اوعى القضيه ابفهم
وعطر الجنانه اشم
من اعتني ازور
عارف وگاصد اله
بوئني هلمنزله
وال لوعة العايله
خل كلبي مكسور
كون من اصد للقبر
ابصدري يلهب جمر
والصعدت ا عل الصدر
ابصدري اتدور

يا ليت كنا اكن
ابصدري دونه الطعن
لو بالعذاب انسحن
راجح الراي
——————————-
اختملي عمري ابعمل
ياربي ما بي خلل
ينفعني وكت الاجل
من انسأل وين
افنيت كل العمر
خادم ارد وافتخر
وعيوني مثل الجمر
تبجي اعله حسين
كون اصعد ابمركبه
ناعي عله النايبه
وخدودي امتربه
واثار الايدين

احسبني حر وتبت
وبمنحري اتقربت
هنيالي هلحظ صبت
فايز ابدنياي
——————————-
نوح النبي منزله
نال ببكاءه اله
وايوب من ابتله
ايصبره الحسين
ويعقوب وي يوسفه
من ضوه عيونه طفه
عبدالله شيوصفه
بيدين الحسين
كل المصايب اجت
وبكربله اتوطنت
لكنها صابر لكت
من مثل الحسين

حرك شعور الحجر
وعيون دم انفطر
والفضا ابلونه الحمر
تدرون بچاي
لعيون مولاي

احمد عيسى البديري

السيده زينب تخاطب اخيها الحسين
 
 
طفك وطفي قضيه
بين طه و ال اميه
صوبونه وصوبتهم
عذبونه وعذبتهم
 
/////////////
مثل حيدر لامشي بحمول الفواطم
ارد اراويهم فعل ركب الهواشم
مادروا كلمتنا أمضى من الصوارم
والله لأكتب باليسر اروع ملاحم
 
خدري والنفس الابيه
والشجاعة الحيدريه
بالمواقف جننتهم
عذبونه وعذبتهم
//////////////////
انا زينب يا ابن امي الجليله
ينكسر كلبي اذا اركب هزيله
تذبح احساسي المسافات الطويله
والعده يشفي عله جروحي غليله
 
 
تركوا ابكلبي المواجع
بعيني ماشافوا مدامع
ماشكيت ومرمرتهم
عذبونه وعذبتهم
///////////
 
والله مو سهل يبعد اهلي عليه
بت أمير الدنيا والكيد باديه
بس تحملت المصايب والاذيه
انا تربات الوحي مو خارجيه
 
علهزل امشي أسيرة
وأنه اميره وبت اميره
كلخدم يمي عفتهم
عذبونه وعذبتهم
/////////////
والله ل اوكف بالقصر مثل الزجيه
واكشف كبال المله زيف ال اميه
رادوا ابذبحك يموتون القضية
غرهم إبليس ابملك دنيه دنيه
 
مثل امي اوكف الهم
رغم عسكرهم اذلهم
ابقصرهم شتتهم
عذبونه وعذبتهم
/////////////
سهم صوبني القدر أهدم قصرهم
حي تضل يحسين وانهيلك عمرهم
وي كل خطوه قسم امحي اثرهم
ذكرك ايضل عالي والواطي ذكرهم
 
وحق اوداجك يغالي
يبقى اسم حسين عالي
وبصمودي حيرتهم
عذبونه وعذبتهم
/////////////
احمد عيسى البديري

( باب الزهراء الذي تحجبت به عند هجوم اهل البغي عليها 
تمنته السيده زينب في كربلاء للتحتمي خلفه )
 
باب امي لو لكيته
ابكربله اعتنيته
يعصر صدر  يكسر ضلع  مثل الزجيه
ولا انظر اولاد الخنا تعاين عليه
-------------
بدل نضراته اليه لو الف بسمار
يتوسط ضلوعي وبي تشب النار
يا ونة الحره ابين كوم اشرار
حارت باليتامه لا أهل لا دار
 
ام الخدر وحيده
مايسمع التريده
اتحجبت لمن حرت بثنين اديه
ولا انظر اولاد الخنا تعاين عليه
----—------
لو شفتي ييمه  الاهل عل تربان
واجساد الاحبه تحولت ميدان
من كسروا ضلوعج كفلتج  عدوان؟
طفيتي بعباتج خيمة النسوان؟
 
من فرت اليتامه
لاخيمه لا سلامه
اتبع كمت عالي الهب واحمل اذيه
ولا انظر اولاد الخنا تعاين عليه
-------------
عله هزل النوايب حملوا ضعني
يهون صواب صدرج يم كبر وني
مثل طير البراري ومنذبح جني
بعد عباس اخوي الشمر يتبعني
 
لا والي واعتنيله
ومن لوعتي اشتكيله
انحب عله اجساد الاهل وكت المسيه
ولا انظر اولاد الخنا تعاين اليه
---------------
انا حرمة ودهاني الدهر بالوعات
من عز الفواطم بالخرابه تبات
تمنيت الكفلني لو عدل ما مات
ما ضلن وحيدة ولا شفت ويلات
 
اه لو صحت كفيلي
بعيوني  يضوي ليلي
وماتمشي وي الاجنبي كل هاشميه
ولا انظر اولاد الخنا تعاين.اليه
-------------
يكلولي يزينب وين خدرج صار
هاي الي تنوح مخدرات الدار
وفينه بزلمكم يلعقيله الثار
وانا انضر ييمه عله الرماح اقمار
 
من انضر بعيوني
اهلي ولا اجوني
ادعي يرب كون بعجل وكت المنيه
ولا انظر اولاد الخنا تعاين عليه
 
 احمد عيسى البديري

السيده زينب تخاطب اخيها ابي الفضل
غيب اشكد تغيب
تبقه انته الحبيب
شما تبعد قريب
يعباس
/////////////
ابعثلك سلامي بمدمعي الذاري
يحمل صوتي ليك وينقل اخباري
مضلم صبحي دونك واحسب اعذاري
يلصوتك اسمعه يحرس ادياري
 
بعدك عمري ليل
للنوح الطويل
جرحك مايطيب
غيب اشكد تغيب
يعباس
//////////////
لفني برايتك يامنبع الخوه
نخيتك وادري لاختك ماترد نخوه
اعذرني بعتابك حسرة اليهوه
اذا يذكر حبيبه من العطش يروه
 
ياخويه  ارد اجيك
واغفه ابين اديك
من ليلي الكئيب
غيب اشكد تغيب
يعباس
////////////
روحي عله الشريعه وكلبي عباسي
ياعبرة غريب اتعانق انفاسي
يلماخذ سنيني ومالك احساسي
ريت الصاب راسك ينزل براسي
 
لو باحلامي اجيك
وبلهفه اعتنيك
ازغر ما اشيب
غيب اشكد تغيب
يا عباس
////////////////
حلم عمري انتضرتك لاتجافيني
كمر غيرك يكافل مايمر عيني
عليه اذكر وداعك من توصيني
وانه اتعذرك بس لاتخليني
 
كتلك من تروح
ماتشفه الجروح
ولا بطل نحيب
غيب اشكد غيب
يعباس
////////////
عاشرت المواجع والدمع هامل
صارت دعوتي كون الاجل حاصل
يتوسد ضلوعي سهمك القاتل
موت الباعدك ياخذني يلكافل
يامحله الرحيل
كون وي الكفيل
يجمعنه النصيب
غيب اشكد تغيب
ياعباس
 
 احمد عيسى البديري

للعباس
 
قره عليها الزلزلة __ ب أمره سارت  كربله
مالك الحومه أبو فاضل مالك  الحومه
/////////////////
توضه بدموع اليتامه ورتل الايه
زلزل السيف بيمينه وأخرج الرايه
اقسم بخدر العقيله وثبت الثايه
لو اجيب العلكمي لو يغرك  ابمايه
 
عهد يا زينب عهد __ مايضل رأس ابجسد
مالك الحومه أبو فاضل مالك  الحومه
/////////////////
كمر من هاشم تبختر ياوسع عينه
وكف وكفت حيدره والسيف بيمينه
صاح انا العباس بيهم والبطل وينه
الموت يرجف بالمعاره من يلاكينه
 
حوم ابساري العلم __ موت حارس للخيم
مالك الحومه أبو فاضل مالك  الحومه
//////////////
من عله فوك المطهم ضاكت البيده
عشك عنده وي الشريعه يودها وتريده
صكر واتعله عليهم يطلب الصيده
ماجت صفوف المعسكر تمشي طوع ايده
 
رتل آيات الغضب  _ بكربله سوه العجب
مالك الحومه أبو فاضل مالك  الحومه
////////////
بيمنة العباس سيفه لو عصى موسى
ا نفتحت دروب الشريعه وجيش متروسه
من الرعب كامت اليوكع خليها تدوسه
واحد العباس سوه  بالحرب هوسه
 
مثل موسى وي البحر __  ابسيفه عسكرها انشطر
مالك الحومه أبو فاضل مالك  الحومه
//////////
غيرة العباس خيمة تستر الغيره
شمعة الطف أبو فاضل واتبع السيره
واحد ابعين الحسين وجيش تقديره
صورة من حيدر تجسد صعب تفسيره
 
رعب شالت يمنته __مايكرر ضربته
مالك الحومه أبو فاضل مالك  الحومه
 
/ / / / / / / /
احمد عيسى البديري

من يشع بتاره--- غضب تلهب ناره
الاكبر الاكبر
------------------
بزغ بدر من المخيم هاشميه اوصافه
لبه ياحيدر وحيدر صاح كلمن شافه
احرم بلامه قتاله والمعسكر طافه
طاف بين صفوفهه --- وكتب بيده حروفهه
----------
سيفه بيمينه تنصب ملك فوك الحومه
واليبارز علي الاكبر حان وكته ويومه
ذيج الصفوف من اجاهه اصبحت مجسومه
دار بيده الحومه --- هذا وكته ويومه
-----------
نزل شايل سيفه بيده ورايته علمتونه
عاين الجيش وتقدم علبطال عيونه
هيبته هزت زلمهم كبل ليلاكونه
هاشميه افعاله -- والحرب تحلاله
----------
مثل هب الريح الاكبر ماتلحك تنضره
دار من قلب المعسكر واتجه للميسره
فرت كباله السرايه تصيح اجاكم حيدره
حار.كلمن شافه -- حيدريه اوصافه
----------
فخر شبان المخيم مادخله الواقعه
وانجله تراب الحوافر اله تنضر مصرعه
رتل عليهم الاكبر زلزلت والقارعه
ابعلي زلزالها--- اخرجت اثقالهه

احمد عيسى البديري

أحمد عيسى البديري:
#1440 قصيده لسيدي علي الأكبر عليه السلام
رساله الى كل والد يرى ولده يكبر أمامه عليه أن يتذكر مصاب الحسين بولد

ال يشوف وليده يكبر
خل يشوف ابعينه الاكبر
عل ثره لمن توذر
ابعين الحسين
/////////////////
طلع بدر من المخيم ياحلاته
صاغ ربك من محمد كل صفاته
طلع بس العطش جارحله لهاته
ودارت عليه عمته و امه وخواته
فرفحن من شافن الموت امنياته
هاي اخر لحظه ويودع حياته

اشبه الناس ابرسوله
غيره واقدام وبطوله
اتلهف الموت اعله طوله
ابعين الحسين
////////////////
كل ولد ابوجه ابوه يرسم رحابه
ويزهي كلب الوالد بزهوة شبابه
الله قدر هل عواطف ب احتسابه
جم جبل فوك الارض كله صلابه
مايهم لو داس سبع ابليل غابه
فتته اوليده وهدم حيله مصابه

جم ابو موقف تخاذل
وجم ابو حق وتنازل
علي تدري وين قاتل
ابعين الحسين
////////////////
اشد موقف لل ابو لو تقصر ايده
ومايحقق للولد شنهي اليريده
شحال ابو السجاد من اقبل وليده
ينادي يابويه العطش والكر يزيده
بلكي شربت ماي للحومه البعيده
اكوه بيها اعله الوغه والحر حديده

عبرته سبكت حروفه
مد لسانه وكله شوفه
شمصعب الطف وضروفه
ابعين الحسين
////////////////
راح اسولف قصه الكم بيها عبره
توضح احسين اعل ابنه اشكبره صبره
اجه نصراني وابو الاكبر يخبره
لو الك هذا الطفل شتسوي ب امره
حين شاف الاكبر تحير ابفكره
كله اموتن لوطرف شوكه يضره

هذا المبرقع تنظره
يطيح والعسكر يطبره
وخيل ورماح اعله صدره
ابعين الحسين
////////////////
اشحلات الشاب من ايبان كبره
عوده يشتد بعزم ويزيد قدره
والابو مستبشر وامه تنظره
الخمسه والعشرين عام اسنين عمره
شلون ابوه يودعه وبمصابه ادره
بالجواد ايدور والعسكر يطبره

ودعه صوب المعاره
ومدمعه عل خد تجاره
مشه وموته بأنتظاره
بعين الحسين
////////////////
سمع صوته من المعسكر بالسلامه
والدي اقرها الك اخر كلامه
زئر ليث المعركه وفز ل انتقامه
طر الصفوف ولكه الاكبر امامه
مخذمه اوصاله وعله العادي ابتسامه
والحوافر داسته وطحنت عظامه

الله وحده ابحاله اعلم
والعده ابوجهه تبسم
صار الاكبر لونه من دم
ابعين الحسين
////////////////
شيلة وليده الابو اشكد يشتهيها
حلوه عنده وذكريات تصير بيها
يشم عطره وروحه روحه تحتويها
بس الاكبر قصته يصعب حجيها
احتار ابو من ياكتر جثته يجيها
حيل ماعنده بقه يعينه عليها

ناده يافتيان اخوتي
شيلوا اخوكم قبل موتي
رب اقبل هذا صوتي
ابعين الحسين
////////////////

أحمد عيسى البديري

قصيده الى علي الاكبر عليه السلام

ياعلي ياعلي
#################
شيل عزمك فوك جتفك
خلي كل المايعرفك
ينتضر ويشوف وصفك...ياعلي

جول يبني عله الجحافل
لاتخلي عليهه كافل
بس جسد والموت ماثل...ياعلي

الفخر منك اريده
من فخر جدك تزيده
كال وتبسم عضيده...ياعلي

طلعت العيله تودعه
بدر وازهر بين ربعه
صاح والحومه تسمعه...ياعلي

جرد الصارم وجنه
للعب كلبه تعنه
علمنايه بعلي غنه...ياعلي

خطط عله الجيش حده
ياسبع يحضر لعنده
صاح صيحه بعلي جده...ياعلي

جدحه بعينه المنيه
واكبل عله الغاضريه
هاي صوله هاشميه...ياعلي

رجفت الفرسان يمه
الجيش بين جفوفه صمه
من نطق بالكوم جلمه...ياعلي

احمد عيسى البديري

القصيده الرابعه عشر

علي الاكبر عليه السلام اشبه الناس برسول الله عليه افضل الصلاة والتسليم
وداع ام علي الاكبر لولدها


على وجهك رسم ربك محمد
كمالك ياعلي ابخلقه تمجد
الاهك من جماله قال كن انته
قربان ارد اشوفه وخيل ساحكته
/////////////////
عن الناس من زغرك اغطيك
واخافن حيل يمه وما اراويك
لهذا اليوم تدري جنت اباريك
اعز ماعندي انته ول الله انطيك

بثبات امشي عله دروب الشهاده
تنول انته وانول انه السعاده
الهوى ال بالدنيه كله يا علي وشمته
قربان ارد اشوفه وخيل ساحكته
/////////////////
اشوفن بيك عمري وكل الاحلام
حلات سنيني ذيج وتعب الايام
يل مفرح دليلي ردتك وسام
كبل كل الهواشم انته جدام

مكانك يا علي ابين العساكر
مثل طوك الرحى يوليدي داير
كل ليلي ييمه البيك ساهرته
قربان ارد اشوفه وخيل ساحكته
/////////////////
علي وجدك علي تاج البطوله
اريد العمتك تهديلي صوله
واريد اتفاخر اب ابن الحموله
دطيب خاطري واذبحلي ذوله

مثل حيدر يبعد امك اريدك
امر هاي العساكر كلها بيدك
زرع عمري البديه ذني كبرته
قربان ارد اشوفه وخيل ساحكته
/////////////////
ياول فرحتي ويا سلوة الروح
دليل الام يغالي دوم مفضوح
ولا يهمك ونيني ودمعي والنوح
اخذ سيفك ييمه وللوغه روح

بدمائك ياعلي تسري الشهامه
سماحة وجهك وسيفك صرامه
حمل التسعه وي ذاك الربه الشفته
قربان ارد اشوفه وخيل ساحكته
/////////////////
راح انظر الك من بين الخيام
ابوك حسين خله يرفع الهام
يل اكبر صير بيهم مثل ابو الثام
يضل سيفك ييمه يشطر اقسام

اقدمك للحرب يمه ابأديه
اواسي بطيحتك كلب الزجيه
وانادي فاطمه بيديه قدمته
قربان ارد اشوفه وخيل ساحكته

احمد عيسى البديري

من يشع بتاره--- غضب تلهب ناره
الاكبر الاكبر
------------------
بزغ بدر من المخيم هاشميه اوصافه
لبه ياحيدر وحيدر صاح كلمن شافه
احرم بلامه قتاله والمعسكر طافه
طاف بين صفوفهه --- وكتب بيده حروفهه
----------
سيفه بيمينه تنصب ملك فوك الحومه
واليبارز علي الاكبر حان وكته ويومه
ذيج الصفوف من اجاهه اصبحت مجسومه
دار بيده الحومه --- هذا وكته ويومه
-----------
نزل شايل سيفه بيده ورايته علمتونه
عاين الجيش وتقدم علبطال عيونه
هيبته هزت زلمهم كبل ليلاكونه
هاشميه افعاله -- والحرب تحلاله
----------
مثل هب الريح الاكبر ماتلحك تنضره
دار من قلب المعسكر واتجه للميسره
فرت كباله السرايه تصيح اجاكم حيدره
حار.كلمن شافه -- حيدريه اوصافه
----------
فخر شبان المخيم مادخله الواقعه
وانجله تراب الحوافر اله تنضر مصرعه
رتل عليهم الاكبر زلزلت والقارعه
ابعلي زلزالها--- اخرجت اثقالهه

احمد عيسى البديري

للامام علي الاكبر

ابني الهوى الاتنفسه
من يمشي روحي تحرسه
شفت الحوافر ترفسه
ضامي ضامي

///////
ريت الله لايفجع كلب _ ام ابمصاب كليبي
ما استضل بعده ابسكف _ولا استلذ بعذيبي
ماجف عله وليدي الدمع _ اغفه ويضل انحيبي
حزني عله الاكبر فرق _ فوك الجفن خط شيبي

الدنيا كلها ابنضرته
روحي اعله بسمة شفته
ماتت ابساعة موتته
ضامي ضامي
////////
جمرة ونيني اعله الولد _ شما مر نفس تتلضه
واجب عله اتفكد ولد _ من الدمع تتوضه
لو صلت أهل الهم فرض _ عشره تأدي فرضه
كلشي ايتعوض بالعمر _ بس الولد شيعوضه

فكد الولد مثل الجمر
كل لحظه روحي تستعر
حسره وتفت طود الصبر
ضامي ضامي
/////////
ودعته بيدي للحرب _ وانه ادري بي مايرجع
ماعندي ماي اعله الدرب _ رشيت فوكه المدمع
هسه اعرفت معنه الحزن _ كام الصدر يتصدع
الله يعينج فاطمة _ جم لوعه كلبج يجرع

واحد واعد يومه ابسنه
ماكو مثل فكد الضنه
راح وأخذ طاري الهنه
ضامي ضامي
//////////
من طاح الاكبر عل ارض_ شبت الروح ابناره
لا حول اليه ولاصبر _ بس الدمع يتجاره
خيل وزلم سيف ورمح _ فوك الصدر تتباره
توذر اوليدي وماتلم _ كامت الكاع اكتاره

من ينطبر اني انطبر
كل سهم بكليبي يمر
وينادي يايمه العذر
ضامي ضامي
///////////
فزت مثل طير الكطه _ روحي اعله جسم وليدي
واتمنت اعيوني الاجل _ بس الاجل مو بيدي
شلي ابحياتي من رحل _ اوهوه حزني وعيدي
وجر علي طير الحزن _ وصار البجي تقيلدي

يعكوب وايام البعد
مايوصل الحزني أعتقد
يايوسفي بيرك لحد
ضامي ضامي

احمد عيسى البديري