اخواني الشعراء للتذكرة فقط
عيد الغدير بعد 6 ايام وقنواتكم فارغة من المواليد وهاي المناسبة جدا مهمة عدنه

قصائد لمحرم الحرام ولاتنسونا بالدعاء

السلام على الحسين يوم ولد ويوم وقتل ويوم يبعث حيا


انا حد الموت ابقه
كل شي بيه انته صدقه
هذا نبضي وهذا نطقه
ياحسين
==============
سافرت كل الاماكن واعرفت كل الدروب
وواجهت اجناس شتى من المشارق للغروب
لكيت كلشي بقدره الله ببوتقه حبك يذوب
ماتعرفك ناس لكن ليك متلهفه الشعوب

تجسدت بيك المعاني
وما الك بالكون ثاني
منتهى كل الاماني
ياحسين
==================
شبهت للناس انت علثرى واكع جريح
شلون اقنع هذا انت من السمه دمك يطيح
ياغريب ابصحره يصبح محور الكون الفسيح
بكل عصر يحسين عايش كل لغه صوتك يصيح

شما تكول عداك عني
اني او اني و اني
عندي بس هل شيء يعني
ياحسين
==================
ادم انت وصلبك احيا كل عدل في هل الوجود
ولو تتبعنه الملاحم كلها يم نحرك تعود
تذبل الاغصان وانت تبقه عشبه للخلود
والقصور اقبور اهلها والضلم لا مايسود

نحرك العالي مقامه
والقصر مرتع قمامه
وياك بس انت السلامه
ياحسين
=================
مالك الاحساس انت شلون احويك بسطور
والوحوش ال بالبراري لايذه بقبرك تزور
الجماد ابلا مشاعر وانت انطيته شعور
ولهذا الحجر بالطف دم على مصابك يفور

حزناً لواقع جراحك
كلشي يالمذبوح ناحك
احمر الكون بوشاحك
ياحسين
==================
وي حليب امنه النشربه اختلط حب الحسين
والعشك عدنه فريضه عمل واحساس ويقين
خل يقتلونا اعله مودك لو يكطعون الايدين
احنه من نموت نحيى شوكه بعيون اللعين

وحك كل قطره بدمائك
مابقينه يضل عزائك
وما نوافيلك جزائك
ياحسين

احمد عيسى البديري
========================

للطف روحي تروح

وما امل امن النوح

خل تبيض اعيوني وتبقى اتصب اعليك ادموع 

======================
كل لحظه روحي ابلا وعي للمعركه اتوديني

وانظر لبعض الي جره چني اشوفه ابعيني

هنا زينب اتودع اخو  هنا چن جمر يجويني

هنا طفله فرت والرعب من غيبتي ايصحيني


اشكد شفت اهات

بالطف و ونات

ما حاضر بس ابأحلامي وكلبي اشكد مفزوع



نار الحزن يابو علي وسط الگلب ماتطفه

شما ابجي والطم وانتحب واعله المسير اتحفه

الكه حزن غير الحزن واركض عليه ابلهفه

جم باب بالطف انفتح واحنه ابعزانه انعرفه


وايكول المعصوم

عنه اشكد مضموم

شنهو الاكثر بالطف صاير من منحر مكطوع


من زغري وامشيت الدرب والفطره منهج شوكي

واكبرت وياك وصرت اعرف شني معشوكي

نخله وشربت امحبتك ومنك تحمل اعثوكي

بكل طور ارددلك نعي وطور المصيبه شروكي


لو غمضت العين

الكه ابنصها احسين 

طايح وخيول اهل الباطل بيك اترض اضلوع


كلشي انته وبغيرك فلا كلشي يطب ابعيني

ساعاتي وايامي الك صارت نذر وسنيني

اشما ابعد اعليك ابعطف تاخذني وتداريني

اعمه ابمحبتك سيدي وبكيفك اتدليني


شما قصرت وياك

موافي وياي الكاك

مذنب حيل وصدرك مني اشكد دامي وموجوع


كل كلمه ما شالت عطر منك يقين انساها

انته الهوى اليشفي الصدر وبشمتك اتباها

لو ضعت عن روحي بدرب يم حضرتك الكاها

نعمه انته والباري ابعطف عد شيعتك خلاها


يا اكبر من ماي

روحي و عشت وياي

انسه الدنيا وكل مابيها كون  انته الموضوع



يمك طلب يابو علي قدمته وارجوا تقبله

خادم اصير الحضرتك وابهل الشرف اتحله

لمن يحشرون البشر كل مركب ويا اهله

بمركب نجاتك انشمل يابو الابواب السهله


ولو عن عمري هناك

يسألون اني وياك

افني سنيني ابدرب الخدمه وما اشبع هلجوع



احمد عيسى البديري

انا زينب بت علي
منزل العز منزلي
عهدي عهدي
ما اذل وانهزم
لو تراب الطف زلم
عهدي عهدي
------------------
الرادني القصر العده مهزومه امشي
كتله أكرب من دموعي تشوف نعشي
يلخذت من عندي شي وعندي كلشي
اشكر الله بسجدتي من ليلي يغشي

مثل حيدر بالحرب
عل عده لمن اطب
عهدي عهدي
كلبي جم مره انكسر
واني اصبر عل أمر
عهدي عهدي

---------
انه قائد بالحرب واعلام دوري
بكل منابركم غضب اترك حضوري
ياسرور ال بالسبي هذا سروري
كل ضلام وكل جهل ايكشفه نوري

ما ارد اله بنصر
وطود اميه ينكسر
عهدي عهدي
عاش اخوي وثورته
يوم اخذوا عيلته
عهدي عهدي

----------
عقولهم عدها الذبح هي النهايه
والنصر من تنوخذ عيله سبايه
مادروا ان الذبح نقطه بدايه
وهنا في كربلا اصل الحكايه

جذوة الطف تتقد
ومايضل منهم فرد
عهدي عهدي
ولكم هذا الامر
شيعتي احيوا الامر
عهدي عهدي
----------
نقص عدهم والشرف ما فاهمينه
ورادوا ايسدون هل خله بسبينه
خذوا ركب اهل النبوه امكيدينه
ومن مدينه يدور خلوه المدينه

راح اراويهم درس
وافضح شعدهم رجس
عهدي عهدي
انا خدري من السمه
والكسه من فاطمه
عهدي عهدي
--------------
غشمه ذوله والقصرهم حملونه
وهمه بالطف شاهدوا شمسوي اخونه
عود ذله اعله الهزل من ركبونه
رفعه زدنه ومن امرهم مكنونه

كلمن ايشوف الركب
يسأل وعينه تصب
عهدي عهدي
منهو هاي التنسبي
يجاوبونه اهل النبي
عهدي عهدي
----------------
شيعتي مثلي اوصيكم وصيه
كربله تحتاج ثوره زينبيه
اذكروا مصابي يشيعه بكل عزيه
مو ذليله بكل فخر شلت القضيه

القصر دكيته دك
وكلشي للطف انملك
عهدي عهدي
هذا نصر الطف تره
شبه انحز منحره
عهدي عهدي

أحمد عيسى البديري
@ahmedessa

(10)
السيده زينب تخاطب اخيها الحسين
 
 
طفك وطفي قضيه
بين طه و ال اميه
صوبونه وصوبتهم
عذبونه وعذبتهم
 
/////////////
مثل حيدر لامشي بحمول الفواطم
ارد اراويهم فعل ركب الهواشم
مادروا كلمتنا أمضى من الصوارم
والله لأكتب باليسر اروع ملاحم
 
خدري والنفس الابيه
والشجاعة الحيدريه
بالمواقف جننتهم
عذبونه وعذبتهم
//////////////////
انا زينب يا ابن امي الجليله
ينكسر كلبي اذا اركب هزيله
تذبح احساسي المسافات الطويله
والعده يشفي عله جروحي غليله
 
 
تركوا ابكلبي المواجع
بعيني ماشافوا مدامع
ماشكيت ومرمرتهم
عذبونه وعذبتهم
///////////
 
والله مو سهل يبعد اهلي عليه
بت أمير الدنيا والكيد باديه
بس تحملت المصايب والاذيه
انا تربات الوحي مو خارجيه
 
علهزل امشي أسيرة
وأنه اميره وبت اميره
كلخدم يمي عفتهم
عذبونه وعذبتهم
/////////////
والله ل اوكف بالقصر مثل الزجيه
واكشف كبال المله زيف ال اميه
رادوا ابذبحك يموتون القضية
غرهم إبليس ابملك دنيه دنيه
 
مثل امي اوكف الهم
رغم عسكرهم اذلهم
ابقصرهم شتتهم
عذبونه وعذبتهم
/////////////
سهم صوبني القدر أهدم قصرهم
حي تضل يحسين وانهيلك عمرهم
وي كل خطوه قسم امحي اثرهم
ذكرك ايضل عالي والواطي ذكرهم
 
وحق اوداجك يغالي
يبقى اسم حسين عالي
وبصمودي حيرتهم
عذبونه وعذبتهم

كأني بمجلس عزاء للفواطم عند قبر الزهراء عليها السلام

تقيمه فاطمه ام البنين وفاطمه العليله والحوراء زينب عليهم السلام في البقيع 



اثلث فواطم بالبقيع —- ايندبن احسين الصريع

وحيد ،، غريب ،، حسين

قتيل ،، سليب ،،  حسين

/////////////////////

اول فاطمه - - من تحت الثرى حنت وانت

مكسورة ضلع - - كون ابكربله وياهم تمنت

وتعين الحرم - - ساعة ما عليها جيوش شنت

تسليب وحرك - - ورماح وحجر بألطف تجنت


ينلجم ضلعي تصيح ،،،،،من اسمع حسيني  يطيح

ذبيح،، عجيب ،، حسين

قتيل ،، سليب ،، حسين 

،،،،،،،،،،،،،،

ثاني فاطمه - - ضحت بأربعه أقمار وبواسل

تحس امقصره - - جي راس الحبيب ابرمح ماثل

تمنت لو الف - - واحد خلفت مثل ابوفاضل

وابطف كربله - - تتوذر جثثهم عل محامل


بكدهم اتمنت بنات ،،،، بامر زينب حاضرات

بكاء ،، نحيب ،، حسين

قتيل ،، سليب ،، حسين 

،،،،،،،،،،،،،،،،،،

ثالث فاطمه - - معلوله وبقت تنظر أهلها

تمنت من اجو - - لو حاضر قبل منهم اجلها

عيشها الامل - - بس ضيع ابن حذلم املها

تشكي من العلل - - وأهون ما يمر بيها عللها


يوميه تحلم باليصير ،،، وتشكي لله هلمصير

أبوي ،، خضيب ،، حسين 

قتيل ،، سليب ،، حسين 

،،،،،،،،،،

كعدن للعزه - - و حضرت زينب وعلت نحيبه

تسولف كربله - - بعيون البقت بالطف غريبه

حملت كم حزن - - حزن اثلث فواطم والمصيبة

وأصعب ما شفت - - كيدني العدو وأمشي سليبه


بعيوني أعاين للعضيد،،،، ايميد رمحه من أميد

حنين ،، حبيب ،، حسين 

قتيل ،، سليب ،، حسين 

،،،،،،،،،،،،،

احنه أهل الحزن - - واعلينه المدامع مو جديده

يرخص كل جرح - - عدنه المنذبح بألطف وريده

يودع بالأهل - - اليمسح  عينه واليمسحله ايده

شمسحلك كلت - - صدلي وعاين الحومه البعيده


اتعجبت من هلمقال ،،، بس اعرفت وقت القتال

صدر ،، رحيب ،، حسين 

قتيل ،، سليب ،، حسين 

،،،،،،،،،،،،،،

رديت بدرب - - نفس ألبي اجيت وي النشامه

بس بيا وضع - - ما مكفوله واتكفل يتامه

يأخذني الأجل - - لو شافت عيوني أي علامه

بيها من الأهل - - ذكرى لو فقط كلمه سلامه


لو اثر منهم اشوف ،،،، ترجع بعيني الطفوف

خيام ،،، لهيب ،،، حسين 

قتيل ،،، سليب ،،، حسين 


احمد عيسى البديري

 
عندما جلست السيده زينب عليها السلام في خربة الشام أخذت تهديء الأيتام
وقصت عليهم قصة عن اميره عانت ماعانوه وذاقت مرار اليتم وفقد الاحبه والسبي
كلمتهم عن نفسها ولكن بصيغة غير مباشره
اسلوب قصصي
 
زينب بليل الخرابه
جمعت اطفال النجابه
عن أميرة اتعذبت بالهم مثلكم
عمه خلوني اسولف قصة الكم
/////////
أمها حورية جنان
بيدها يفيض الحنان
تضحك الدنيا اذا يفرح كلبها
هيه أغنى الكائنات
تملك كنوز الصلاة
تفتح أبواب السمه بنية طلبها
ابتده بيها العذاب
لبست العصره حجاب
عمه دفعوا بابها وواحد ضربها
 
ساكته وتكتم وجعها
تنام بس يجري دمعها
شابهت الأمها ونت كلبكم
عمه خلوني اسولف قصة الكم
/////////
وصي والدها وأمير
منصب من الله القدير
من رفع جفه الشمس ياعمه ردها
بالوغى موت،  ورحيم
يطعم بايده اليتيم
ماتميز عن رعيته العنده عدها
من خرج ذاك الصباح
بانت آيات النياح
حطم ابهجره كلب بنته وضهدها
 
عاشت إحساس اليتامه
الليل تسهر ماتنامه
ويه كل حسرة يحيرها يتمكم
عمه خلوني اسولف قصة الكم
///////
عدها أخو اسمه الكريم
يغار من عنده النسيم
عوض اخته عن فكد أمها وأبوها
شافت ابعينه الأمان
من ظلم ذاك الزمان
وسطوت أصحاب الخيانه اليتموها
بالطشت منضر عجيب
شافت أحشاء الحبيب
ب ثالث سهام النوايب الموها
 
الدهر ماخله  والي
غالي يتبع بعده غالي
كل محطات العمر عاشت وجعكم
عمه خلوني اسولف قصة الكم
////////
ساري بيرغها  الكمر
الشمس تخجل لو ضهر
كبال اخيته مارفع ياعمه عينه
هذا كفال الحرم
هذا شيال العلم
شافته وجان السهم طافيله عينه
من اجته عله النهر
تمنت ايروح النضر
ولاتصد ايساره مكطوعه ويمينه
 
شافته وللخيمه عينه
يساره علجربه ويمينه
غاب بدر أيامها ابغيبة بدركم
عمه خلوني اسولف قصة الكم
///////
سور دنياها الحصين
عمد خيمتها الأمين
من بعد كل الاحبه الفاركوها
جانت اتلوذ بحماه
تأمن بأرضه وسماه
الهوه التشتمه بي ريحة اخوها
تشوفه علغبره طريح
ضامي مسلوب وذبيح
اتمنت ويا علثره لو يذبحوها
 
من عله التل وتناضر
تسحك ابجسمه الحوافر
تشابهن دمعاتها و حركت دمعكم
عمه خلوني اسولف قصة الكم
///////
من بعد كل الجره
عمه تمشي ميسره
والحبل يذبح يعمه جفوف اديها
من زغرها امعلعله
شيبقه للفاكد هله
حنت الهزل لونتها وبجيها
بيها جم لوعة والم
ويمها اطفال وحرم
سولفت قصتها الكم ناموا بيها
 
عمه والأكثر قهرها
مابقى حامي الخدرها
وابتدت رحله حزنها وي حزنكم
عمه خلوني اسولف قصة الكم

ساعد الله قلب فاطمه العليله فقد اجتمع جرحان لها على الباب جرح انتظار والدها وجرح مصيبة الزهراء والامها

بابين

شلعن كلبي وزادن روحي ونين

بابين

باب الزهره وبابك بويه حسين

//////////////////

كل ماجي للباب _اذكر ضلع منصاب

وانسه مصيبتنه واضلن اون

واسمع تطك اضلوع _ من خلف باب اجذوع

حوريه من الجنه تبجي وتحن

امي الزهره

تركت عبره

مومثل الاوجاع

من دفعوها

ومن شتموها

والمحسن عل كاع

جرحين

اذن روحي وفتحن باب احزان

جرحين

انصب ماتم ل اهلي بنفس امجان

///////////////////

كل لحظه وانتو ابعاد _ تتركني بويه ارماد

تجويني ساعات الهجر واحترك

صار العمر حسرات _ شيرد زماني الفات

ازغيره يهلي وصعبه من نفترك

وين احبابي

اسأل بابي

هلبت دكت باب

لو بالديره

نسمه زغيره

من عطر الاحباب

اهات

كمت اتنفس وافرك ايد اب ايد

اهات

ماذكروني وقبل ايام العيد

///////////////////

متعوده كل مصباح _ اتنفسك وارتاح

يا والدي ودي قميصك الي

كل خوفي لو رديت _ وبلا نظر ضليت

بيا عين اشوفك ياحبيبي وهلي؟

دمعة عيني

اتأذيني

خوفي الشوف ايروح

بس ما اكدر

بيش اتصبر

وانه من اهل النوح

ضليت

حتى ادموعي تعذب هاي الروح

ضليت

ذايب كلبي وكلش بعيني اجروح

///////////////////

يحظرني بويه الموت _ من اهلي ما ضل صوت

ببيت الجبير الجان بيت الاهل

بعيوني ناس اتعود _ وانه ابكلب ممرود

يوميه اتانيكم تجوني اب أمل

واقره اسم الله

ياعبدالله

اشكد اتمنى وياي

بس متألمه

من اذكر اسمه

تعطش حيل شفاي

واحتار

ما ضلي احد وبس انه الضليت

واحتار

وبعد احبابي مضلم حتى البيت

///////////////////

معذبتني حيل احلام _ واتمنه هاي اوهام

دخان اشوف واخيل متجمعه

قررت ادز مرسال _ واشرح ل ابوي الحال

بلكن حرز واضغاث حلمي امنعه

حيل اتألم

احلم بالدم

واسمع بجي اطفال

بس الاعجب

جسم امخضب

واعليه كم خيال

واطفال

بنص احلامي وتركض مدري الوين

اطفال

مضيعه السجه ويرهب بيها البين

///////////////////

لو مر نسيم الهاب _ اتخيله انه احباب

واركض ل باب الدار متلهفه

الزهره اذكرتها شلون _ نادت يفضه العون

معصوره خلفه وبابها ماطفه

واذكر واحد

كلش حاقد

نفس ال بالاحلام

ما راعاها

اشكد اذاها

شفته ايشب اخيام

صديت

نفس اليصرخ طبوا الهاي الدار

صديت

شايل مشعل تشبه ذيج النار


أحمد عيسى البديري

عند رجوع زينب عليها السلام الى كربلاء بعد رحلة السبي

وصلت الكم يخواني ،،،،، ولا واحد تلكاني
،،،،،،،،،،،،،،،،،،،،،،،،
عكب ذاك اليسر وجروحه والفركه
اجيت وروحي ملهوفة على الملكه
جبت درب السبي شهكه بعد شهكه
يذريني الهوى جن خيمه محتركه

تشب روحي بألف حسره ،،،،، والف دمعه والف ذكره
اساميكم على الساني،،،،، ولا واحد تلكاني
،،،،،،،،،،،،،،،،
هومت وشفتكم كلكم اكبالي
وكعدت احجيلكم واشكيلكم حالي
فزيت وشفت لن المحل خالي
ومن طيفي بقه بس مدمعي يلالي

غريبه ولا أهل يمي ،،،، وأحن والهم أبث همي
زماني بهمي خلاني ،،،، ولا واحد تلكاني
،،،،،،،،،،،،،،،
وصلت الكربله ولن كربله صحره
اشو ما منتظرني الجنت منتظره
وياه امشي من خيمه لعد اخره
مشيت ابدونه واني جمره مستعره

علي بيده يدليني ،،،، بكبر عباسي وحسيني
وكلتله الهدني و آذاني ،،،، ولا واحد تلكاني
،،،،،،،،،،
وكفت اعله النهر والماي بيديني
يشعلني جمر بس ما يرويني
ترست الجود منه ورحت لحسيني
وعذرت الوصه اخوه وكال اعذريني

اخوه خيته انقبل عذره ،،،، رفع قدري بعلو قدره
ردت اشكيله احزاني،،،،، ولا واحد تلكاني
،،،،،،،،،،،
شفت دار الغوالي وبدت روحي اتهم
ورحت صوب الخيام وبالرماد ارسم
خيمه الجانت الاهل النبوه اتلم
ارسمت كاروك بيها ولنه متخذم

اسمعت صوته وسكت فجأة ،،،،، وشفت نحره على مرأى
الجدم للحومه وداني ،،،،، ولا واحد تلكاني
،،،،،،،،،،
صحت يهلي فلا ضل حيل للوكفه
وجروح السبي ما ضن بعد تشفه
جبتلكم مواقف عل حرم كلفه
من قصر اللعين البينه يتشفه

أنا زينب يهل نخوه ،،، جنت محتازه للخوه
اصيحلكم يولياني ،،، ولا واحد تلكاني
،،،،،،،،،،،،
أودعكم اوداع الما اله رجعه
و اواعدكم فلا تنشف الي دمعه
جرعت اليصعب اعله احد تره جرعه
اجدم غالي وانظر للعده اتكطعه

واشد غالي اودعنه ،،، حسين الموته يتعنه
افزع كمت بإخواني ،،،، ولا واحد تلكاني
،،،،،،،،،

احمد عيسى البديري

انا زينب بت علي
منزل العز منزلي
عهدي
ما اذل وانهزم
لو تراب الطف زلم
------------------
الرادني القصر العده مهزومه امشي
كتله أكرب من دموعي تشوف نعشي
يلخذت من عندي شي وعندي كلشي
اشكر الله بسجدتي من ليلي يغشي

مثل حيدر بالحرب
عل عده لمن اطب
عهدي
كلبي جم مره انكسر
واني اصبر عل أمر
عهدي

---------
انه قائد بالحرب واعلام دوري
بكل منابركم غضب اترك حضوري
ياسرور ال بالسبي هذا سروري
كل ضلام وكل جهل ايكشفه نوري

ما ارد اله بنصر
وطود اميه ينكسر
عهدي
عاش اخوي وثورته
يوم اخذوا عيلته
عهدي

----------
عقولهم عدها الذبح هي النهايه
والنصر من تنوخذ عيله سبايه
مادروا ان الذبح نقطه بدايه
وهنا في كربلا اصل الحكايه

جذوة الطف تتقد
ومايضل منهم فرد
عهدي
ولكم هذا الامر
شيعتي احيوا الامر
عهدي
----------
نقص عدهم والشرف ما فاهمينه
ورادوا ايسدون هل خله بسبينه
خذوا ركب اهل النبوه امكيدينه
ومن مدينه يدور خلوه المدينه

راح اراويهم درس
وافضح شعدهم رجس
عهدي
انا خدري من السمه
والكسه من فاطمه
عهدي
--------------
غشمه ذوله والقصرهم حملونه
وهمه بالطف شاهدوا شمسوي اخونه
عود ذله اعله الهزل من ركبونه
رفعه زدنه ومن امرهم مكنونه

كلمن ايشوف الركب
يسأل وعينه تصب
عهدي
منهو هاي التنسبي
يجاوبونه اهل النبي
عهدي
----------------
شيعتي مثلي اوصيكم وصيه
كربله تحتاج ثوره زينبيه
اذكروا مصابي يشيعه بكل عزيه
مو ذليله بكل فخر شلت القضيه

القصر دكيته دك
وكلشي للطف انملك
عهدي
هذا نصر الطف تره
شبه انحز منحره
عهدي عهدي

أحمد عيسى البديري
@ahmedessa

للطف روحي تروح

وما امل امن النوح

خل تبيض اعيوني وتبقى اتصب اعليك ادموع

======================
كل لحظه روحي ابلا وعي للمعركه اتوديني

وانظر لبعض الي جره چني اشوفه ابعيني

هنا زينب اتودع اخو هنا چن جمر يجويني

هنا طفله فرت والرعب من غيبتي ايصحيني


اشكد شفت اهات

بالطف و ونات

ما حاضر بس ابأحلامي وكلبي اشكد مفزوع



نار الحزن يابو علي وسط الگلب ماتطفه

شما ابجي والطم وانتحب واعله المسير اتحفه

الكه حزن غير الحزن واركض عليه ابلهفه

جم باب بالطف انفتح واحنه ابعزانه انعرفه


وايكول المعصوم

عنه اشكد مضموم

شنهو الاكثر بالطف صاير من منحر مكطوع


من زغري وامشيت الدرب والفطره منهج شوكي

واكبرت وياك وصرت اعرف شني معشوكي

نخله وشربت امحبتك ومنك تحمل اعثوكي

بكل طور ارددلك نعي وطور المصيبه شروكي


لو غمضت العين

الكه ابنصها احسين

طايح وخيول اهل الباطل بيك اترض اضلوع


كلشي انته وبغيرك فلا كلشي يطب ابعيني

ساعاتي وايامي الك صارت نذر وسنيني

اشما ابعد اعليك ابعطف تاخذني وتداريني

اعمه ابمحبتك سيدي وبكيفك اتدليني


شما قصرت وياك

موافي وياي الكاك

مذنب حيل وصدرك مني اشكد دامي وموجوع


كل كلمه ما شالت عطر منك يقين انساها

انته الهوى اليشفي الصدر وبشمتك اتباها

لو ضعت عن روحي بدرب يم حضرتك الكاها

نعمه انته والباري ابعطف عد شيعتك خلاها


يا اكبر من ماي

روحي و عشت وياي

انسه الدنيا وكل مابيها كون انته الموضوع



يمك طلب يابو علي قدمته وارجوا تقبله

خادم اصير الحضرتك وابهل الشرف اتحله

لمن يحشرون البشر كل مركب ويا اهله

بمركب نجاتك انشمل يابو الابواب السهله


ولو عن عمري هناك

يسألون اني وياك

افني سنيني ابدرب الخدمه وما اشبع هلجوع



احمد عيسى البديري

ياعلي نادت ملايكة السمه
انكسر ثاني ضلع من فاطمه

ياعلي
) ) ) ) ) ) ) ) ) ) ) ) ) ) ) ) )
ناده جبريل استعدوا للعزاء
نزل يقره الفاجعه بأهل السماء
سجد حيدر واعتله صوت البكاء
ارتوه شيب الوصي بفيض الدماء


موكب احزان العرش يندب نزل
سيف ابن ملجم طبر خير العمل

ياعلي
) ) ) ) ) ) ) ) ) ) ) ) ) ) ) ) ) )
عمت الدنيا مراسيم الحداد
وارتدت أهل السمه لون السواد
صوبت بمصيبتك عين الرشاد
ياعلي واهتزت السبع الشداد

وكفت أملاك العذاب امشرعه
ياعلي ارفع جفوفك بالدعه

ياعلي
) ) ) ) ) ) ) ) ) ) ) ) ) ) ) ) ) )
عاصب الهامه اجه ودمه يسيل
يرسم عله اجبينه اهات وعويل
وزينب تنادي يحماي الدخيل
كل نهار بلايه وجهك عندي ليل

ركن من وحي الرسلات انهدم
حزن باكتار الفلك لونه انرسم

ياعلي
) ) ) ) ) ) ) ) ) ) ) ) ) ) ) ) ) )
(حضور ام البنين عند امير المؤمنين)

حين حضرت للوصي أم المصاب
كعدت كباله وفدت أربع شباب
اقسمتله ياعلي ومجري السحاب
والله دون أولادك تطيح الركاب

جرحك بكلبي أبد ماينجبر
انه وابنيني فداك بهل عمر

يا علي
) ) ) ) ) ) ) ) ) ) ) ) ) ) ) ) ) ) )
ارتفع صوت النوايح بالانين
وسط دار المرتضى لوعه وحنين
بين عين المجتبى وعين الحسين
رجعت اهات المصايب والسنين

ويلي وأم كلثوم حضرت نايحه
نقره يازينب لابونه الفاتحه

ياعلي

أحمد عيسى البديري

اخر ليلة بين امير المؤمنين والحوراء زينب
شلون كان وداع البنت ل ابيها

سهروا ليل المصاب
ونه ودمعة احباب
باجر كلنه غياب
يزينب
///////////////////
راح اسولفلج سوالف تشده البال
بويه عن نار الخيام ونار العيال
من تنظرين ابرماح الروس تنشال
وشفتي مابين الحريم اتدور الحبال

سكتوا والدمع سال
وحيدر يشرح الحال
بويه صعبه الاهوال
يزينب
///////////////////
كربي يازينب اقبل معصم ايدج
بويه خيمه اعله الحرم مو حرمه اريدج
صيري كافل باليسر ماضل عضيدج
انتي بت حيدر عرك هاشم وريدج

حرمه ب الف رجال
تدنك يمج جبال
خدرج هيبه وامال
يزينب
//////////
انه مابين الحبايب وانتي لاوين
زينب وذيج المصايب تدمي هلعين
بويه من خدرج ليسرج ل الدواوين
صعبه وانتي الوحدج يا اخت الحسين

اعليج اتعاين الناس
وانتي ابمجلس ارجاس
يذبح جرح الاحساس
يزينب
///////////
عدنه معروفه المصايب وانتي امها
ترافكن اسمج يزينب وي اسمها
اليموت جروحه مايعرف المها
وانتي شلتي جروحنه ودهرج لجمها

روس اهلج عل رماح
وكل ذاك الخدر راح
خيمه والعمد طاح
يزينب
//////////
بويه كون ابكربله واتمنه حاضر
اوكف ابصدر الخيم يلحره ساتر
لعزل صفوف العده روس ومناحر
حتى مايبقى طفل مكسور خاطر

بويه اتخيلي اشلون
وسط ايتام يبجون
لا والي ولا عون
يزينب


احمد عيسى البديري

وداع السيده زينب لوالدها عليهما السلام


زينب ندبت الكرار - ماتكعد يوالينه
يابويه وبعدنه زغار - ماتكعد يوالينه
ضلمه يا علينه الدار - ماتكعد يوالينه
امي بحضرتك خطار - ماتكعد يوالينه
لسه يلهب البسمار - ماتكعد يوالينه
بكلبي يا علي جم نار - ماتكعد يوالينه
نصبح لو رحت طشار - ماتكعد يوالينه
وانا اعله البلاد اندار - ماتكعد يوالينه
//////////////
ياخيمه التلم الروح - ماتكعد يوالينه
وانته المارضيت ننوح - ماتكعد يوالينه
كلبي ابطبرتك مجروح - ماتكعد يوالينه
كابلني حمام الدوح - ماتكعد يوالينه
روحي من تغيب اتروح - ماتكعد يوالينه
ياهيل وعلينه ايفوح - ماتكعد يوالينه
صعبه يل ولي مطروح - ماتكعد يوالينه
ابدالك لو صرت عل لوح - ماتكعد يوالينه
///////////
رايح عن بنينك وين - ماتكعد يوالينه
يتمت الحسن وحسين - ماتكعد يوالينه
لو دونك لفاني البين - ماتكعد يوالينه
مو مدمع تهل العين - ماتكعد يوالينه
دم ايصبن الصوبين - ماتكعد يوالينه
بويه وهامتك نصين - ماتكعد يوالينه
مابطل نحيبي سنين - ماتكعد يوالينه
موحش هل عمر يازين - ماتكعد يوالينه
////////////
عندي ياعلي حجايات - ماتكعد يوالينه
بغيابك شلون انبات - ماتكعد يوالينه
بعدك بس دمع و اهات - ماتكعد يوالينه
تكثر يا علي الونات - ماتكعد يوالينه
خل يرجع زمان الفات - ماتكعد يوالينه
شحجي من اسمع بنيات - ماتكعد يوالينه
يضحكن لو ابوهن فات - ماتكعد يوالينه
راحت تبتدي الويلات - ماتكعد يوالينه


احمد عيسى البديري

اربعة قصائد لمناسبة استشهاد الامام علي عليه السلام

القصيده الاولى

ليلة وداع امير المؤمنين عليه السلام خاطب الحوراء زينب عليها السلام

سهروا ليل المصاب
كعدوا كعدت احباب
باجر عني غياب
يزينب
///////////////////
راح اسولفلج سوالف تشده البال
بويه عن نار الخيام ونار العيال
من تنظرين ابرماح الروس تنشال
وشفتي مابين الحريم اتدور الحبال

سكتوا والدمع سال
وحيدر يشرح الحال
بويه صعبه الاهوال
يزينب
///////////////////
كربي يازينب اقبل معصم ايدج
بويه خيمه اعله الحرم مو حرمه اريدج
صيري كافل باليسر ماضل عضيدج
انتي بت حيدر عرك هاشم وريدج

حرمه ب الف رجال
تدنك يمج جبال
خدرج هيبه وامال
يزينب
//////////
انه مابين الحبايب وانتي لاوين
زينب وذيج المصايب تدمي هلعين
بويه من خدرج ليسرج ل الدواوين
صعبه وانتي الوحدج يا اخت الحسين

اعليج اتعاين الناس
وانتي ابمجلس ارجاس
يذبح جرح الاحساس
يزينب
///////////
عدنه معروفه المصايب وانتي امها
ترافكن اسمج يزينب وي اسمها
اليموت جروحه مايعرف المها
وانتي شلتي جروحنه ودهرج لجمها

روس اهلج عل رماح
وكل ذاك الخدر راح
خيمه والعمد طاح
يزينب
//////////
بويه كون ابكربله واتمنه حاضر
اوكف ابصدر الخيم يلحره ساتر
لعزل صفوف العده روس ومناحر
حتى مايبقى طفل مكسور خاطر

بويه اتخيلي اشلون
وسط ايتام يبجون
لا والي ولا عون
يزينب


احمد عيسى البديري

&&&&&&&&&&&&&&&&&
&&&&&&&&&&&&&&&&&

القصيده الثانيه
راحل ياعلي يابو اليتامه
وماترجع لولدك بالسلامه
وياك - اخذنه للحد نغفه اعله ايدك
وياك - نموت ويمنه ياحيدر نريدك
//////////////////
بويه حبينه اليتم جي انته ابونه
بويه والعدهم اهل هم يحسدونه
يا ابو من الخجل يغمض عيونه
لو اجوا اطفاله حته يقبلونه

وكفت صاغره الدنيه اعله بابك
يابو تراب من يوصل ترابك
وياك - يافرحة التجي من غير عيدك
وياك - نموت ويمنه ياحيدر نريدك
//////////////////
علي ياطعم الاهل عد اليتامه
ايكسم اعلينه كبل ولده طعامه
اعرفنه بي معنى الوفه ومعنى الشهامه
الكريم الي يكرم السائل كرامه

انته اليسرته تجهل يمينه
من يكرم خجل يعرك جبينه
وياك - وتدعي الباري من عدنه يزيدك
وياك - نموت ويمنه ياحيدر نريدك
//////////////////
دنيا مابيها علي ماتسوه بسمه
بويه حته اسمك تشيل حروفه رحمه
راح اكللك يحيدر والله كلمه
كل اليتيم اليوم راح يجرحه يتمه

ياوجه الصبح لمن تجينه
فدوه النعلك اقصور المدينه
وياك - نشتم الهوه من عطر جيدك
وياك - نموت ويمنه ياحيدر نريدك
//////////////////
نضره من عينك يبو الفقره تلمنه
انته يا طيبة ابونه ولهفة امنه
احنه من معناك يلغالي عرفنه
وشفنه بعيونك يبو حسين وسمعنه

كلشي يهون كونك انته يمنه
من تحضر يصير افراح همنه
وياك - كون ابكل عصر ربك يعيدك
وياك - نموت ويمنه ياحيدر نريدك
//////////////////
لا تكلي يا علي الرحله الاخيره
واحنه ضلينه بشر من غير ديره
ياجبير وذكرياتك هم جبيره
خبزه زاد الجنه وقصورك حصيره

طبرة هامتك شجت كلبنه
وحشه وما وصل واحد دربنه
وياك - عشنه ياعلي نبضه اب وريدك
وياك - نموت ويمنه ياحيدر نريدك
//////////////////

احمد عيسى البديري

&&&&&&&&&&&&&&&&&
&&&&&&&&&&&&&&&&&
القصيده الثالثه

عظم الله الاجر ل امامنا المنتظر باستشهاد يعسوب الدين امير المؤمنين علي عليه السلام
مقدمة مجلس

عظم الله لك الاجر بمولانا علي
///////////
ابكلبك اتألم يغايب يامصيبه
هامت الكرار والشيبه الخضيبه
لو مصيبة زينب الظلت غريبه
ساعد الله كلبك ابحزنه ولهيبه

عظم الله لك الاجر بمولانه علي
////////////////
يابو صالح ياحزن هاي البرايه
اليوم. يامولانه حاضر ياقرايه
بعزه الزهره لو عزه ام السبايه
لو اجيت الكربله ومعلي رايه

عظم الله لك الاجر بمولانه علي
//////////////
المجالس تنتهي وكلمن لبيته
يلكه اهله تنتظر كعدت مسيته
ياغريب وجرحك الماضن نسيته
وين ساكن ياهو الي ينطرك لكيته

عظم الله لك الاجر بمولانه علي
///////////
نامت عيون البشر بس انته ساهر
تدعي يارب الفرج اتمنه باجر
واحنه عنك في شغل وعلينه صابر
مانذكرك اله تشتد المخاطر

عظم الله لك الاجر بمولانه علي
///////////
يامسية الدمعه يالغالي عله خدك
ياهو واساك وحضر لو تبجي وحدك
برد ثارك لو لهب بركان وعدك
ياغريب الدنيه غربه ابلايه حدك

عظم الله لك الاجر بمولانه علي

احمد عيسى البديري
&&&&&&&&&&&&&&&&&
&&&&&&&&&&&&&&&&&

القصيده الرابعه

قصيده تطبير

حيدر حيدر حيدر حيدر
////////
كون هامي ابدال هامك تنطبر
وبيه النار السم يحيدر يستعر
وكلب بنتي دون زينب ينكسر

حيدر حيدر حيدر حيدر
////////
دمي يهتف ياعلي ابوجه الضلم
هلمسيره ابخيرك اتخلف زلم
رفعت الفقار لا ما تنهزم

حيدر حيدر حيدر حيدر
////////
من اصيحن ياعلي خيبر تذل
وما ايضل ايساوم ابدمي النذل
ابقه اصيحن لو الف مره انقتل

حيدر حيدر حيدر حيدر
////////
بالدماء اكتبنه ياحيدر عهد
لو نموت ونحيه هم نرجع بعد
هذا وعد الرافضه وصنه الوعد

حيدر حيدر حيدر حيد

اخر ليلة بين امير المؤمنين والحوراء زينب
شلون كان وداع البنت ل ابيها

سهروا ليل المصاب
ونه ودمعة احباب
باجر كلنه غياب
يزينب
///////////////////
راح اسولفلج سوالف تشده البال
بويه عن نار الخيام ونار العيال
من تنظرين ابرماح الروس تنشال
وشفتي مابين الحريم اتدور الحبال

سكتوا والدمع سال
وحيدر يشرح الحال
بويه صعبه الاهوال
يزينب
///////////////////
كربي يازينب اقبل معصم ايدج
بويه خيمه اعله الحرم مو حرمه اريدج
صيري كافل باليسر ماضل عضيدج
انتي بت حيدر عرك هاشم وريدج

حرمه ب الف رجال
تدنك يمج جبال
خدرج هيبه وامال
يزينب
//////////
انه مابين الحبايب وانتي لاوين
زينب وذيج المصايب تدمي هلعين
بويه من خدرج ليسرج ل الدواوين
صعبه وانتي الوحدج يا اخت الحسين

اعليج اتعاين الناس
وانتي ابمجلس ارجاس
يذبح جرح الاحساس
يزينب
///////////
عدنه معروفه المصايب وانتي امها
ترافكن اسمج يزينب وي اسمها
اليموت جروحه مايعرف المها
وانتي شلتي جروحنه ودهرج لجمها

روس اهلج عل رماح
وكل ذاك الخدر راح
خيمه والعمد طاح
يزينب
//////////
بويه كون ابكربله واتمنه حاضر
اوكف ابصدر الخيم يلحره ساتر
لعزل صفوف العده روس ومناحر
حتى مايبقى طفل مكسور خاطر

بويه اتخيلي اشلون
وسط ايتام يبجون
لا والي ولا عون
يزينب


احمد عيسى البديري