Taniqli folklorshunos olim o‘zining mazkur kitobida birgina mavzu tadqiqi misolida xalq og‘zaki ijodida muhim o‘rin tutuvchi mifologik motiv va obrazlarning mazmun-mohiyati hamda ko‘lamini begilab berishga harakat qilgan. Tadqiqotchi mavzuga yondashuvda, faktlar tahlilida, kelingan xulosalarda o‘ziga xos yo‘l tanlaydi va zamonaviy folklorshunoslikdagi eng ilg‘or metodlardan foydalanadi.

Folklor shunchaki so‘z sanʼati namunasigina emas, balki har bir millatning borligini, ulug‘ligini namoyon etib turuvchi, millat bilan birga yashab, birga taraqqiy etib kelayotgan boqiy qadriyat, ko‘plab sanʼatlarning ibtidosidir. Oddiygina maqoldan tortib yirik hajmli dostonlarimizgacha barchasida biz millat tafakkurining turli davrlarga oid evrilishlarini kuzatamiz. Ushbu kitobdan folklorshunos olimning turli yillarda yozgan ilmiy maqolalari va suhbatlari o‘rin olgan. Kitob barchaga birday manzur bo‘ladi, degan umiddamiz.