نعي للعرض المسرحي لسيرة حياة أم البنين عليها السلام
(المشهد الأول)
عند ولادة ابا الفضل العباس (ع)
عن لسان ام البنين

علي الزينب اخلف كمر يبناي
وجبت چف الذي للخيم يبناي
اريدك للحسين حزام يبناي
وعصابة اعلى راس الهاشميه
————————————
علي باس الكمر من صار بيده
وبچه وجرح الطفوف دموم بيده
يزينب هذا يكطع بيج بيده
ويضل جثه اعلى كاع الغاضريه
————————————
يحسين صار اليمشي وياك
وسورة الصلاة الخوه يقراك
لو شاف شي ياذي عيناك
تفزع جفوفه كبل يمناك

صار اليصير فياي لاخته
واليترس الطف بوكفته
انه الهذاك اليوم جبته
البي تخرب من الدم كشخته

يازينب تعلكي بكفيلج
شمس النهار وكمر ليلج
بصعدة الناكه ينحنيلج
ويبدي حيله من اجل حيلج
—————————————
(المشهد الثاني)
عند دخول بشر بن حذلم الى المدينة
ولقاء أم البنين به وسؤالها عن الأمام الحسين(ع)

بشر سولفلي شنهي الصار بحسين
الضعن من راح من يمنه شحلاته

بشر ضلن عمايمهم على الروس
لو طيحهن الملثوكه ذاته

يا ام عباس عثرت بيهم الخيل
وابو السجاد مارد وي خواته

بشر كلبي عصرني بذاك الغروب
عرفت صدره الحوافر ساحكاته

والعباس فوك الرمح يندار
ويغمض من يشوف مخدراته
————————————
بشر وشحال زينب صار لما
الحوافر صارت اعلى حسين لما
يا ام عباس مثل الطفل لما
اعلى خوهه هيج ونت الهاشميه
————————————————-
(المشهد الثالث)
لقاء محمد بن الحنفيه بالسيده زينب (ع) ولم يعرفها ألا من صوتها

حگي يتغير لوني ياخوي
ومن وجهي ياخذ حيفه الغيار

خويه انه ذبحو يمي الحسين
وسوت ضلوع الخيل طشار

ومشوني من يم نحر عباس
وضل يون من شم ريحتي الحار

رحت ويه وادم كلهم سيوف
وتذبحو فقار فقار

طاحو اخواني ووحدي ضليت
غربه وولتني الخيل والنار
———————————-
اعلى صوت الون امشي النوك وحداي
لان ماضل اخو بالضعن وحداي
محمد من چهبت الشام وحدي
الغرب جسرت نواضرهم عليه
————————————
الغرب لا تعتقد بالحال رفيت
ولجروحي بخيوط الصبر رفيت
اعلى ضعني بيارغ المو زلم رفيت
وهلي بعدت بيارغهم عليه
——————————————-
المشهد الرابع
لقاء السيدة زينب (ع)بالعليله عند دخولها الى دار اهلها

زعلت من الفراك وبعد مرضاي
عكب ضيكم ولا بالعين مرضاي
تركتوني عليله وفوك مرضاي
مخيم ضيم فركاكم عليه
————————————
يدار اهلي البنوج الطف محلهم
وبعد ياهو اليجي ويحل محلهم
ومن جانو هلي بكلبي محلهم
مشو والهم خذاله مچان بيه
—————————————-
هلي الما يوم عدهم وعد خلوه
مشو والبيت مثل الكبر خلوه
صحت عاد الرضيع وياي خلوه
يصبر بلكي المناغه عليه
———————————————-
#دخول ام البنين على السيدة زينب(ع)

كلولهه ام عباس عالباب
التنحب شما طاريج ينجاب
ثكل الوجع يرادله احباب
لمتنه ذيجه منين تنجاب

احچيلي يمه شصار ماصار
مبين بوجهج ضيم الغيار
شصاير بذيح الروس الكبار
طالو عليج الجانو اكصار

يمه الحسين انسلب هدمه
وضل عاري فوك الرمل جسمه
ضل الهوى لو مره يلجمه
وانه انثلم كلساع ثلمه

التمينه كلنه بخيمه وحده
وضكنه ذبحهم شده شده
ذباحهم يدنه عمده
حتى اسمع وحيلي يرگده

كمنه نون ون المجاريح
وضل ينكل بحسراتنه الريح
من ننضرب بالسوط ونصيح
يضل الحسين يكوم ويطيح

الشاعر:مصطفى حرب

🎤📓📚قصيده للوليان

نون وياج.. يازينب الحزنانه
لعباس البطل وحسين مولانه
........〰️〰️〰️📚🎤📓〰️〰️〰️〰️

نتگابل سوه ونتناوب الدمعه
نلطم  للمشو يم  الحزن  ننعه
للما  مندفن   ولمنكسر   ضلعه
مثل اظلوع امه مهشمه البضعه
ثلث  تيام  ظل نايم  بتربانه....
نون وياج.. يازينب الحزنانه
........〰️〰️〰️📚🎤📓〰️〰️〰️〰️

خل  انگابلچ  يم  الصبر  كلنه
نوبه ل اخوتج نوبه البچي النه
على المگطوع چفينه  وكافلنه
شنگله  اليجي  ينشد ويسألنه
واعدنه يزتنه شلون خلانه....
نون وياج.. يازينب الحزنانه
........〰️〰️〰️📚🎤📓〰️〰️〰️〰️
روحج حايره والگلب مجروح
حگچ  كافلج  علنهر  مطروح
شفتي من النحر دمّه المسفوح
الزهره حاضره  وياج   وتنوح
نحضر مجلسه كل عام مولانه...
نون وياج.. يازينب الحزنانه
........〰️〰️〰️📚🎤📓〰️〰️〰️〰️

شبان شكثر حلوه فگدناهه
وبتربة علي الطيبه دفنّاهه
صورهم ليلة القاسم رفعناهه
بلموكب   اساميهم.  كتبناهه
انوب لكل شهيد اتگابلي ويانه....
نون وياج.. يازينب الحزنانه
........〰️〰️〰️📚🎤📓〰️〰️〰️〰️

الله يساعدج يل ساعديتنه
بدمعه حاره  انتي  ذكرتينه
ندعيلج بكل شده  ندبتينه
بلمجلس نوفقج لوحضرتينه
وندعي لكل محب وكتبنه عنوانه...
نون وياج.. يازينب الحزنانه
........〰️〰️〰️📚🎤📓〰️〰️〰️〰️


✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀......✏️...............🥺😭💔...خدمتكم شرف لنا

🎤📓📚فزاعيه يوم العاشر



اعمامه عله الرمح    جاوين راعيهه

مايدري البطل    من هوسو بيهه

........〰️〰️〰️📚🎤📓〰️〰️〰️〰️

اعمامه عله الرمح راعيهه جاوينه

وهاي اعمامت المظلوم ابو سكينه

عباس البطل ما شافهه ابعينه


((الكافل مايدري شبيهه )))

........〰️〰️〰️📚🎤📓〰️〰️〰️〰️

مايدري البطل مسلوبه العمامه

يزعل لو يشوف الرمح جدامه

مايگدر يگوم امصوب الهامه


((حسين امسلب مايدري الوالي )))


........〰️〰️〰️📚🎤📓〰️〰️〰️〰️
اعمامه عله الرمح عباس مسلوبه

ماتدري الولي من سلبو ثوبه

خلو اعمامت العطشان مهيوبه


((اعمامت هاشم هاي المسلوبه )))

........〰️〰️〰️📚🎤📓〰️〰️〰️〰️
اعمامتكم يهاشم ما اتلحگوهه

ومن فوگ الرمح واجب اتنزلوهه

تستاهل عراضه من تشيعوهه


((تستاهل هيه وراعيهه))))

........〰️〰️〰️📚🎤📓〰️〰️〰️〰️

الساده خل تجي وتشوفهه الخضره

راعيهه انذبح مطروح عل غبره

واجب من تجي لحسين وتحضره


((اتهوس يم جد الساده )))

........〰️〰️〰️📚🎤📓〰️〰️〰️〰️

اتهوس والبيارغ لو تشيلوهه

تحزن كربله عل صار خلوهه

ودم حسين واجب ثار اطلبوهه



((ودم حسين الغالي نطلب ثارته )))

........〰️〰️〰️📚🎤📓〰️〰️〰️〰️

لخادمه الحسين    العلوية ام جعفر🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀......✏️...............🥺😭💔...خدمتكم شرف لنا..

قصيدة (يا كفيل ام عون)
الرادود: عمار الكناني
كـلمات الشاعر - أحمد الهلباوي
🏴🏴🏴🏴🏴🏴ء
مدد... مدد... مدد...
مدد.. يبو فاضل

يبو فاضل .. يبو فاضل .. يبو فاضل .. مـدد
يبو فاضل .. يبو فاضل .. يبو فاضل .. مـدد

ياكفيل ام عون .. جيتك ابدمعات عيني .. ياكفيل ام عون

ياكفيل ام عون .. جيت اصيحن يابو فاصل ويه اليصيحون

ياكفيل ام عون .. خادم الكم سجل اسمي ويه الـيلطمون .

بيك ابدي ياشمعة باء البـسمله
حزمنا الـعاشورك وإحنه ابـ أوله
مولاي اخذ الروح وخـلها بكربله
🏴🏴🏴🏴🏴🏴ء
يبو فاضل .. يبو فاضل .. يبو فاضل .. مـدد
يبو فاضل .. يبو فاضل .. يبو فاضل .. مـدد
🏴🏴🏴🏴🏴🏴ء
ياعزيز الروح .. انتَ بس انتَ الأگلـك .. ياعزيز الروح

ياعزيز الروح .. يا كـفيل الدمعة والحـُب لليـريد يـنوح .. يا عزيز الروح

ياعزيز الروح .. حزام للخدمة اريدن وابچـي للمذبوح .

ما امد ايدي الغيرك بس بيك اقتنع
من ربي ادعي بجاهك يرزقني الدمع
ودعوة الما بيها اسمك ما اظن تنسمع
🏴🏴🏴🏴🏴🏴ء
يبو فاضل .. يبو فاضل .. يبو فاضل .. مـدد
يبو فاضل .. يبو فاضل .. يبو فاضل .. مـدد
🏴🏴🏴🏴🏴🏴ء
ياكفيل انخاك .. لمجلس الزهرة اجيتك .. ياكفيل انخاك

ياكفيل انخاك .. هذا عاشور الغريب ورايد أبجي اوياك .. ياكفيل انخاك

ياكفيل انخاك .. ماد يـمناي واتاني سيدي يـمناك .

گالولي إنخى الكافل وارفع يمنتك
غمض عين وفتح خلصت حاجتك
عمري ارد اگضيه واگف كله بخدمتك
🏴🏴🏴🏴🏴🏴ء
يبو فاضل .. يبو فاضل .. يبو فاضل .. مـدد
يبو فاضل .. يبو فاضل .. يبو فاضل .. مـدد
🏴🏴🏴🏴🏴🏴ء
يا أمير الماي .. هذا شهر احزان زينب💔.. يا أمير الماي

يا أمير الماي .. وياك اريد ابچي عليها والمصاب الجاي .. يا أمير الماي

يا أمير الماي .. وكون من ألفظ اسمها انحني مولاي .

خليني ابچي اعليها وتحرگني الخيم
واذكر غربتها اشما رف فوگي العلم
ودليني اعله عيونك يمدلي السهم
🏴🏴🏴🏴🏴🏴ء
يبو فاضل .. يبو فاضل .. يبو فاضل .. مـدد
يبو فاضل .. يبو فاضل .. يبو فاضل .. مـدد
🏴🏴🏴🏴🏴🏴ء
ياگمر عدنان .. سيدي وماعندي غيـرك .. ياگمر عدنان

ياگمر عدنان .. انتَ عطشان وتبـچي الناس عـالعطشان .. يا گمر عدنان

ياگمر عدنان .. رخص ادموعي للغربته حتى أصير إنسان .

ومسجونك خليني وسجاني الحزن
بالخدمة ايصير احلى من الجنة السجن
تدريني بلا دمعة حيّ راح اندفن
🏴🏴🏴🏴🏴🏴ء
يبو فاضل .. يبو فاضل .. يبو فاضل .. مـدد
يبو فاضل .. يبو فاضل .. يبو فاضل .. مـدد
🏴..💔.......💔..🏴ء
تم الترتيب لبعض الكلمات التي فيها نقص
بالاحرف 👆
https://www.tg-me.com/sakiAtashi

يا حسين

يالمشرعه ( ليلة الامام العباس ع )
—————-المستهل—————
يالمشرعه يالمشرعه…بيچ الزنود أمگطعه
         يالمشرعه يالمشرعه
****.
يالمشرعه ومايچ عذب…وانه الضمه بگلبي يشب
اركض أجيت امرمره…ظيم اعله زينب منكتب

من خيمتي الحد النهر…شيب دليلي من القهر
ضيعته عالماي الگمر…اركض اجيت المصرعه

يالمشرعه يالمشرعه…بيچ الزنود أمگطعه
          يالمشرعه يالمشرعه
****.
متگبعه برماد الخيم…وامتوني حانيها الألـم
چم خيزرانه البالظهر…چم مره أجفل من سهم

گبال الشماته وطيحتي…هدتني صوبچ ركـضـتي
والكلفه نظرة شامتي…والّـطـوُلي ذاك ايطالعه

يالمشرعه يالمشرعه…بيچ الزنود أمگطعه
       يالمشرعه يالمشرعه
****.
ملهوفه اجيت وبالدرب…منتظره ناس شگد غرب
ساعه وتجيّ المخدره…اتطر الصفوف البالـحرب

اسمع شتايمهم ألي…وهذا الـيـگـلي بت علي
ما ظل ألچ زلمه وليّ…من دون اخوتچ طالَعّه

يالمشرعه يالمشرعه…بيچ الزنود أمگطعه
          يالمشرعه يالمشرعه
****.
من طاح انشدچ ما حچه…ولمّن ذكرني هم بـچه
لا عنده چف ولا زند…يالمشرعه أشلون انتـچه

شلـون اعله وجه طيحته…الگاع برملها اتلگته
ونبله اعله عينه صابته…طـرّت دلـيلي الفاجعه

يالمشرعه يالمشرعه…بيچ الزنود أمگطعه
           يالمشرعه يالمشرعه
****.
دليني طايح ياكتر…ظهري اعله اخوي المنكسر
عطشانه واعيوني انعمن…لا اكو خيم لا ظل خدر

ارد احضن چفوفه حضن…وأرد أكعد وياهن وأون
واحچله گلبي الممتحن…والونه اونـهـا امربعه

يالمشرعه يالمشرعه…بيچ الزنود أمگطعه
           يالمشرعه يالمشرعه
****.
خادم اهل البيت(حــمــزه فـاضـل)


https://www.tg-me.com/sakiAtashi

قصيده حول السيده رقيه


*سلام الله على/ الراحت سبيه*

*سلام الله على/الطفله رقيه*

*سلام بدمع العيون عله الراحت بالظعون*


*سلام الله على الطفله رقيه*


سلام الله عليهه بگد دمعها
وعله صرخاتهه وحسرت گلبها
زغيره وبالسبي خلص عمرها
وتسأل عالحنان بكل صبرها


*سلام الله على/الدمعه الجريه*

*سلام الله على/الطفله رقيه*



سلام الله الرقيه من خذوها
زغيره وبالحبل هم جتفوها
تبجي من الضرب وتريد ابوها
ما تحمل خطيه ولوعوها

*سلام الله على/الشبعت اذيه*

*سلام الله على /الطفله رقيه*



خذوها وبالغرب تبجي وحزينه
يزينب ما يجي گولي ولينه
ليش احبال شدوهه بدينه
من عكب الابو تالي انسبينه

*سلام الله على/المارد اليه*

*سلام الله على/الطفله رقيه*



سلام الله عله ابوي وكل الاحباب
اريدنهم يجوني ومنج اجواب
اريدن يالعقيله وشنهي الاسباب
ماشوفن هلي وجن كلهه غياب

*سلام الله على/الغالي عليه*

*سلام الله على/الطفله رقيه*



عليه مشتاكه ابوي وكل اخوتي
نروح انشوفهم هاي منوتي
اذا يتاخرون اتمنه موتي
وصعب كلش صعب بيهه سكوتي

*سلام الله على/العاف البنيه*

*سلام الله على/الطفله رقيه*


*لخادمة الزهراء العلويه ام جعفر*

ختامية المجلس
"" اويلاه ياسيدي""


ماعندي شي غير الحسين..
واعمالي ماظن تنقبل..
تايه واجيت المجلسه
هو الوسيلة.. والامل


""اويلاه ياسيدي ""
""أويلاه ياسيدي"" "

احچي اوي روحي وقصرت
هاي يخوو زينب صيحت
دليني   دربك      ضيعت
كظ ايدي واحسبني طفل
واعمالي    ماظن    تنقبل

"اويلاه ياسيدي ""
""أويلاه ياسيدي"" "

مرت سنة وزادت اثم
صفحات ايامي بعدم
كثرت اذنوبي والجرم
ماينحصي هذا الحمل
واعمالي  ماظن تنقبل

"اويلاه ياسيدي ""
""أويلاه ياسيدي"" "

يلفاتح ابواب القرب
للحاير وعنده ذنب
للنادم ودمعه يصب
جيتك يبن خير العمل
اعمالي ماظن تنقبل


"اويلاه ياسيدي ""
""أويلاه ياسيدي"" "

ياليتني كنت   معك
لساني نطق بمحرمك
گول وفعل كلي   الك
اعصم  دليلي والعگل
واذنوبي ماظن تنقبل


"اويلاه ياسيدي ""
""أويلاه ياسيدي"" "


✍🏻وعد الڪفيل
.....

☜ بـسمـه تعـالى ☞

الـقصـيدة : سافر الماي
اداء : سيد فاقد الموسوي
كلـمات : حمزة الحسناوي

★★★★★★★★★★★★

حـسين .. يالرايح وعايف گلب خايف عليك من الهوى
من تنزل بحضن الشمس بعدك ولا اكومن ضوى
دخان صاير مو گلب گد ما بالفراگ انچوى
غير الدوه يطيب المرض ليش انه اغصن بالدوه

بالگلب صار جمر كون يضل ما يدگ
اليعرفون شني يصير اذا نحترگ
نار الدموع والخدود نهر من جرح
يا دوه يفيد اذا صار جرح على الحرگ
بيت وحشى وبابنه انسد .. الصبح لابس لون الاسود
امس هوسة اليوم محد .. ضال يمي
سافر الماي وانه وياي .. ضال دمعي

★★★★★★★★★★★★

ارسم صوركم بالدمع هذا اليحب من يبتلي
واكتب رسايل بالعكس عود انتَ لموديها الي
كثرن ترا لخافن انسل وجروحي كلهن من هلي
واليختنگ يندب علي وانه اقرب الناس لعلي
اشبگ الگاع والاثار خفت تلبسه
وجرح العزاز يخليك تحب الجرح
يغفى بلكي الله بألف يا علي
بس الاحلام تراويك هلك ع الرمح
امس يمي اليوم هضمه
گمر عمي وماكو ضلمة
وزينب نصيحلها يمه .. شلون چلمه
سافر الماي وانه وياي .. ضال دمعي

★★★★★★★★★★★★

خل تذكر عيون الچنت وياهن مگضي الزمان
هم جبتوا طاريي ويانا كون بهل سفر
عبدالله هم يذكر گبل من جنت اشيلة على الظهر
گالولي يحجي وكيفت معناها عبدالله كبر
وانه بليل اذا نام احاجي الدمع
تغفى مرتاح اذا صوت اهلك ينسمع
ذني الجروح البروحي كلهن عرف
يحرك بروحه ثاري خيط الشمع

والله لو ماخذني يمك
اسمي راح يشيل همك
غاد من تشتاگ لأمك تصيح بأسمي
سافر الماي وانه وياي .. ضال دمعي

★★★★★★★★★★★★

شوف على دربك ما رضى واتذكر ايامك گمت
ليش من اشوفنك گبل جان الوكت
بحلامي اسافر للظعن واتخيل وياكم رحت
هم انعم الله على الحلل لو كاطع بعيني متت
اول تالي اموتن بالفراگ ترا
عود اضل ليش والعزاز مشو بالسره
همه يدرون يموتون والضعون مشت
حب الحسين بالعيون شفت ينقره
امس دهن حسين شارد للصبح خليته كاعد
خله يمهم ماي بارد .. ما فهمته
سافر الماي وانه وياي .. ضال دمعي

★★★★★★★★★★★★

يا مغرب لياخذني الك واكعد واسولفلك الاصل
وابچيلك بگد ما چنت اكتب رسايلكم واضل
ردتك تصبر للگلب مو گلبي منك ينحرم
هي انه بس ثوب وعظم وفراگك يدگ بالعظم
اخر اخبار للحسين بدت تنطرح
گاموا هواي يجيبولي طاري الرمح
عني ماريد يردون هلي من الحرب
بس ردت كون يموتون عدل مو ذبح
اخر اخبار ثگيله .. سولفولي عَ الهزيلة
والله لو ميته العليلة .. ارحملها
سافر الماي وانه وياي .. ضال دمعي

★★★★★★★★★★★★

@faqdalmawsawi

سؤال :- هل صحيح زواج ام كلثوم من عمر بن الخطاب ؟؟

الجواب :- زواج عمر بن الخطاب من أم كلثوم بنت أمير المؤمنين علي عليه السلام
التأريخ يقول إن عمر بن الخطاب أسلم وهو أبن ٤٠ عامآ وتوفي عن عمر ٦٣ سنة ،
والإمام علي صلوات الله عليه عندما بعث النبي محمد - صلى الله عليه واله - رسولا كان عمره ٩ سنوات وتزوج وعمره ٢٥ سنة أي بعد ١٦ سنة من أسلامه ، أي أن عمر بن الخطاب حين زواج الإمام كان قد بلغ من العمر ٥٦ سنة
طيب ٦٣ - ٥٦ = ٧
أي أن المتبقي من عمر أبن الخطاب ٧ سنوات
المولود الأول للأمير المؤمنين عليه السلام هو الإمام الحسن بأبي وأمي
المولود الثاني هو الإمام الحسين روحي له الفداء
المولود الثالث مولاتي الحوراء زينب بأبي وأمي
المولود الرابع سيدتي أم كلثوم روحي فداها
فلو طرحنا على أقل التقادير ٢ من ال ٧ فيكون ٧ - ٢ = ٥
فيثبت لنا إن عمر سيدتي أم كلثوم كان ٥ سنوات
فمتى تزوجها عمر بن الخطاب ويقولون أنجبت له زيدآ وفاطمة
فهل تزوجها بعمر ٣ سنين .
إلا إن الصحيح أن عمر كان متزوج من أم كلثوم بنت أبي جرول
وليس من أم كلثوم ابنة أمير المؤمنين علي عليهما السلام..

انشروها فان أغلب المسلمون لا يعلمون هذه الحقيقة . كما خفي عنهم حقائق اكبر…



https://www.tg-me.com/sakiAtashi

انترس عمري عذاب
توسد الحلم التراب
من رحت جمر حنيني
يابو فاضل ~~
****
من رحت بيه الحزن ماخذ قراره
مني باد الحيل وتوجه ابمراره
كلبي يسعر بالجمر لصبح ناره

انته وفاي العهد
كون بحلامي ترد

راح اموتن من انيني
من رحت جمر حنيني
يابو فاضل ~
✍طالبه الزهراء القريشي
****
من رحت صوب النهر كضيت كلبي
وكمت اناجيه ابدمع سترك ياربي
احفظ الكافل اليه هذا طلبي

بالدمع عيني بدت
كمت الوب اشكد حرت

والله ما يسكن ونيني
من رحت جمر حنيني
يابو فاضل ~
✍طالبةالزهراء
****
لوصدك يوسف تصير وگلبي اليلوب
تنعمي ياريت عيني مثل يعگوب
اسنين تاليها اموت بگطع الدروب

مگابله بس الدمع
اعليك موگلبي انشلع

دم دمع تذرفها عيني
من رحت جمر حنيني
يابو فاضل ~
✍ام علي المالكي
****
انه ايوب الصبر ما وصل حالي
ريجي مر اعل المضه بجه اليالي
من حوته الطف غدر ما ضلي والي

جم مره مثلي تون
عاشت الماضي بحزن

خيمن بالهم سنيني
من رحت جمر حنيني
يابو فاضل ~
✍ام رقيه الموسوي
***
ياحلم طيفه ويمرني امزگ اسهام
مرني لو بس النحر والفكربي هام
منين مااشوفه دما تعصرني الآلام

ياحلم شايل جرح
كبالي ضل بس الرمح

تهت من اليدليني
من رحت جمر حنيني
يابو فاضل ~
✍ام حسين المحمداويه
______
تمت القصيده باقلام شاعرات رابطه
ياجبل الصبر سابقا
ومن الله التوفيق
لا نجيز حذف الاسماء

فزاعيه للعباس عليه السلام



**طش عباس عدوانه على.. السيف*
**مثل حيدر ينيشن ياخذ الحيف*

*-*-***
ينشن ماينيشن ضل يكر سيفه
صار الموت هوه وياخذ بكيفه
كشفها المشرعه ويتنومس بحيفه
يكر ويذب بعدوانه
✍#طالبة الزهراء القريشي
*-*-***
فزع بدر الهواشم تجدح عيونه
وعزرائيل عيد من دخل كونة
نزل مثل الرعيدة وسجل فنونة

(( بالسيف الروس اتلكاها ))
*-*-***
طب للحومة عباس ولعب بيها
خلة الكاع تهتز من دخل ليها
ارتجز بالطف كلب سافلها عاليها

((الحومة يكول اله افنيها))
*-*-***
فنة الكبالة فنة التندالة
تخوف خزرته ويدرون بفعاله
ماهمة فزع ماهمة خيالة

((رداها بسيفة العيالة ))
*-*-***
دخل للكوم صاح بصوت سمعوني
انطي ام الخدر جفيني وعيوني
لجل زينب ولجل حسين نذروني

(( نذرتني امي
ليوم حسيني ))
*-*-***
لجلج يالعقيلة الماي اجيبنة
وفنة اليوصلج يم الخدر فنة
وحك حسين يم رجلج اذبحنة

((الطف وعيونج اله امحي ))

✍#ضحى البلوشي
***
تمت القصيده بقلم شاعرتي رابطه قرابين الطف لانجيز حذف الاسماء
https://www.tg-me.com/sakiAtashi

☜   بـسمـه تعـالى  ☞

الـقصـيدة : قريت الفاتحة
اداء : سيد فاقد الموسوي
كلـمات : سيد محمد الموسوي

♧♧♧♧♧♧♧♧♧♧♧♧

عفـتوني ييمة وانه ام گلب الحنين
متگابله العلاوي وانـه مگابله الونين
ومتانية ليگلي ردوا  يـم البنين
يچوي الگلب فرگاكم .. يچوي الگلب فرگاكم

♧♧♧♧♧♧♧♧♧♧♧♧

قريت الفاتحة من حمل حسين .. گلت بلكت يرد
غرفكم فارغة ويا وحشة البيت .. عليكم يالولد
يدگ بساع گلبي واعرف بساع .. ضعنكم يبتعد
گلت لو ناشده مرات الضعون يعبر عن نشد

♧♧♧♧♧♧♧♧♧♧♧♧

يناس الفاگده تريدلها نسوان .. تگابلها وتون
اجيب منين وحده تلطم وياي .. وابادلها الحزن
جفوني وگابلت اربع حياطين واحس روحي بسجن
انكسر گلبي عليكم هذا الفراگ مثل كسره غصن
ماگالوا خطية وانه الفاكده الثكيل
ما حنوا عليه ليل فراگهم طويل
وبيوت المدينه رادت مني تشيل

♧♧♧♧♧♧♧♧♧♧♧♧

فرشت فراشكم من صار الغروب .. گلت ردوا هلي
والف مره ييمه اندگت الباب نخيت .. اللّٰه و علي
يجون وما يجون وخلص الليل .. يروحي اتحملي
طلع وجه الصبح وانه على هل حال .. ولا ردوا الي
من يوم الجفوني وانه متانيه على نار
لا ليل الانامه ولا مرتاحه النهار
شو لاچمني گلبي بس لا  شي يمه  صار

♧♧♧♧♧♧♧♧♧♧♧♧

ولا مرة گلت لا يمي الحسين لچن .. هسه گلت
گلت من گالي تروحين وياي بچيت ودنگت
چبيره وروحتي تعطلك يالحسين .. واحس تاخذ وكت
خفت لا يلتهي العباس وياي لذلك ما رحت
ما اروحن كلتله وانه اتمنى اروح
ماريدن اچمله فوگ جروحه جروح
انه ادري من اروحن اشده باله من انوح

♧♧♧♧♧♧♧♧♧♧♧♧

گلت لو رايحة ولا ضلت البيت واموت من الجفه
واخافن ضاله بگلبك يالحسين .. لراويك الوفه
اطب كدام زينب للدواوين .. وايديه مچتفه
بعد شيفيد وانتَ جروحك هواي ولا .. واحد شفه
لو رايحة سبية حالي وحال البنات
و بذيج الخرابة ويه العلوية ابات
ما صار الاريده ويه حسين كلشي مات

♧♧♧♧♧♧♧♧♧
.🌵🌵🌵🌵j